رواية عشق المومنين(أبناء الساده) الفصل الثالث وثمانون 83 - بقلم نازك الحمراني

السلام علیگم اسالگم الدعاء وقرائة الفاتحه على روح اختي المظلومه(سجى)

.............

بقت مريم تحچي وغفران تبرر تهسترت من عرفت غفران تعرف بيهم وبعلاقتهم نسيت ابوي نايم ومريض الغضب سيطر عليه وانعمت عيوني مگدرت اسمع اگثر دفرت الباب بغضب وزمخت بصوت عالي..
مـــــررررررريـــم غفراااان

سمعت سلمان صرخ بهالطريقة علينة عرفت سمعنة لزمت گلبي لا يسويلة شي بمريم لو بيه عمتي كامت ترگض عليه ولزمتة

ـاااااااااسم الله الزهرةة وليدي شبيگ یمه
صحتك سلمان أيدك ترجف فدوه الطولك
لااااا تتعب صحتك يمه

وجهه وجناته من العصبيه يرجف وحتى شرايين ايده ظهرت لازمته عمتي صاح

ـووووولچن شنووووو شنو هذاااااااا شنو السمعتةة يمةة ااحجوووو لا تسگتون شنو هالحجيي السمعته

اطبطب علی صدره تهدي

ـ شسمعت يمة نصي صوتگ ابوك مريض ونايم وك يمه كااافي انت العاقل

- ياااا عقل جنتوو تحجون حچي مااااااااا سااامعه وووچ غفررررران تكذذذبين عليه ااانتي ومرررريم

جاوبته لان مااريد ابين جذابه يمه

ـ عزاااا اانا ااچذب علييگ لاااااا والله ابد لااااا اچذب ولاااا شي وتعرفني كلش زين

جاوبني بنترررر

ـمااااااشي ماتچذبين زين ارريد تفهمووني هالحجيي اسمعته شنووووو

ردت مريم بخوف

ـ اااي غير نعررررف شنو سمعت خوية

ـ ووووولچ سمعتت گلشيي  تچذبووون عليييية ااانا مو چاااهل بينگمم من گااالتلج جاانت تقاابل الساااقط بالخـــط يييعني چاااانت تعرررفة ومصاادقتهه گبببل الزواااج

مريم سگتت وانا سگتت وعمتي ماعرفت شتحچي گلشي سمع وعرف ميفيد ننگر الحجي لان السيد متعبر عليه هالسوالف بقينه مدنگين راسنه ومريم   تبچي وانه احس وجع الگلی رجع علیه، تبلعمت ابلع ريجي شفافي يبست

جاوبته

-اهداء حبيبي هدي على كيفك أنت أنسان ملتزم وتخاف الله موهيچ

ـملتزم ووووهيييچ یاربي ااالطعععن زااااد زااااااد يااااا بنت امي وابوووي ولچ لیش ابووویه عمرره ماوگلنه حررام وانه گملت طریقه وهم ماوگلتگم لگمه حررام لییش

-مسوية غلط والله العظيم شتتوقع يبدر مني الغلط وانه تربيتك وخينك

مشى خطوه من عدنه وكف يم الكنتور صرخ صرخه چبیره بقی یضرب بلگنتور بگل قوته مره مرتین تلاثه الی ان صار حفر وشرخ چبیر رجع تناوع علینه

-چنت معتبرررررة صديييقي المقرررب ومدخلة بيتييي وهو مصاااادق عرررضي ويطلع يفرر وياااااج

صرخت مريم
ـ لالاا ااابد ابد ابد ووووالله مااافتررينه ولا طالعه ویاه

رجع اتقدم عليهه سلمان لزمهه شعرهه رفع ایده اجی یضربها راشدي مگدر دفعها
وگعت بالگاع آلغضب بعيونه يجدح اول مرة اشوفه هیچ عصبي علي وحدة من خواته لان يحبهن اعرفه زين

دنج عليها يحاچیها دموعه تگت قهر

ـ وووولج مرررريم متخيييللت تتطللللع منج هالسووووالف استغلييتي ثقتييي بيييج ودفاااااعي عننننچ وخنتيي الثقةة باتعسس حالاتهه ووولچ اااانتييي اختتي وهوو صددددييقي اتعاونتوو علييه اثنينگم و ااستغلييتو ثقتييي بييييكم وطيبتي تجاهگم وطعنتوووني بضهررري

انتي بلذات عاندت الوالد خليتچ تدرسین
وعینتچ وهسه رجعت وظفتچ لیش مریم
ودي اريح گلبي وووواضربچ وجنزچ اجنز بس لاااااا من اضربچ تصیرین ضحيه وانا القاسي العنيف راااح اخليها بگلبي الحرگه وانتي تبقين ويه ضميرچ

حاولنه نوگفه اني وعمتي نريد نصبر علیه ماگو فايدة رافض بس يحچي وياها بقهر

كام مسح دموعه يصيح ويعيط صياحه خلاني ارجف رجف احس جسمي يختض خض

ـ وووانتي يااغفررران  يعني تعررفين بعلاااااقة مررريم تدررين بيها مصااادقة وماااحچييتي

ـ مـ.. مو مثل الي ابالگ وذا حچیت اطلع موو خش چنه وذا اسگت تلومون وگتلك الموضوع مو مثل ممتخيل

مد ايده الحلگه

ـ اااااااااش لاتبرررررين اااابد ماااگو شي يشفعلگممم.مستغفلييني لو ممعتبرييني ااخ للبنات ببس فهمييییني شتفسررررين الصار لمررريم وهميين سگتي عنننننننننه وماجبتيلي سيرررة ومااحچيتي شيي وووسگتييي  طمطمین ليييييييييش

-لاااا مچذبت سيدد مو هيج مو مثل ماسمعت اهدائ ببس اهدئ

-شنوووو السمعته مساااع ووولچ غفرااان لاتنگررررين اانتي تعررفينيي گلشي ولا الچذذذذذب

-هاااا…  هو والله ..چنه

-گاااافي غفران ااعتررفي گلت مااحب الچذذذب

وكفت وكتله

-هووو گاافي لان انه هم تعبت والله تعبتت

رد
ـ واانا تعبتت اااگثرر منچ ومنگم گلگمم لان الطعنااات صرت اتلگاهه من اقررب النااس
‌
وگفت جدامه

ـ صح
صح السمعته ..چاانو يحبوون بععض بس حب عذررري طاااهر نقييي والله العظيم مثل حبگ الي من شفتني فد يوم نطيتگ عيين لو نطيتك مجال والله اختگ مثل حاالي واگثر وصاحبك مثل حالك واكثر

معقولة ااني عندي ثقة بأختگ ااگثرر مننگ

ـ هسة تووضحت عندي الصووورة طوول هالاياام چنت مستغررررررررب تصررفچ وحتی تصررفة بيوم الطلاگ هالبچيييي والنوووح والحچي الصار ومقبل يطلگ الا سلاح براسه گل هذا هسة تفسرر
واناا الچنت اچذذب روحي وچذب رييم وريام ااگول لا يسلمان مو هييچ لا يشطح باالگ لبعيدد اختگ متطلع منهه العيبة

لان اساس التربيه الصح الگمه الحلال وخوف الله وثنینهن ابویه علمنا علییهن
تالي انصدم بخيتتي چانت تحبب تصاادق من ورة ضهررري ووية منو شخص وثقت بي ودخلته بيتي وخااني وووولچ ليشش

ودت امي
ـ اهداء يمة لايرتفع ضغطك اروحلك فدوة اهداء بعد حیلي ياااا يمه

ـ يمة ياريت ميت ولا السمعته ياريت الله ياخذ روحي جوة التراب ولا ادري خيتي الجنت ناطيهه ثقتي طعنت بية

لزمت ايدة ورفعتهه وخليتهه على راسي

ـ ابدد ماخنت ثقتك والله بشنو تريد احلف بگلام الله توديني لاي امام احلفلك ماعنددي مانع وحق راسي وشعري الماتكشف على غريب ولا على محرم

ـ لااتحچين صوووووووتج ينرفزز 

صاحت امي..
ـ اااسگتي اااسگتيي لايررتفع رضغطة ووين اولي

ـ مو بس خادعييني  طلع  جاابررج على معااشرته وهيچ بعدچ تحبي وتريدي؟!!

ـ لا سيد مو مثل متصوور والله مو هيج مو مثل مسمعت خلييني افهمك

ـ شتفهمييني وفووگ القهر  تبرريين اله اااگيد هيج يصير بيچ لان نطيتيي بية گدامهم ماشاااافوو زلمة بضهررج ووولج اانتي شنوو يااا مررريم گل هذا المسووي بيج ووبعدج تذگرري بخيرر وتگولين ارريدة وتحجين بهالطررريقة عنةة

ـ خوية سلمان..
انا ما اگدر احچيلك گل شي ..لان خاايفة منگ اقصد خاااايفه عليك

ـ اااحجي ليش تخاافين هوو لو مراويچ العین الحمره قبل اگول حقها تخاف همین  انتي اصلا مخليتي حساب لللاحتررام واگفة بگل عين صلفة وتحچين بنص امچ وغفران وتگوولين ااحبة هيچ طااعن بضهرري ومستغل صداااقتي ووهيچ مسووي بيپ ووبعدچ تريديي..گررراااامه معندچ‌  بابا صددك تحچين لو انتي من البنات تحبن اليــــــذللچن

ـلاااااا یخوي حشاااك اانت على رااسي خووية بسمووو مريم التنطي بييگ بس اانا سگتت لخاااطررك خفففت علييگ لا يأأذوك وويذلولك وسگتتت ومانطيتگمم خبررر

ـ مفتهمتتت شنو سگتتتي الخاااطريي ووولچ فهميييني لاتخليني اطرررش بالزززفة

ـمااآاگوشي بس خصم الحجي ياخوويه انا ماطالبة شي منگم بس لاتزوجوني ماريد ااي شخص بعد خلص فگرة الزواج شلتهه من راسي عايشة اداري ابوي وخلص لاتطلبون مني شي

-ماااا ضربتچ ومااارح اضربچ بس صبرچ

بقت تبجي مريم وماگدرت تگمل  بس اشوف بوجه سلمان زاد حقده على رعد گلش واضح هالشي بنضرات عيونه

ـ الله لايوگع رعد بيدي لان اااگيد راح اقتلة وقتله حلال

جاوبت مریم

ـ هو الوحيد الدافع عنگ وعني هو الوحيد الچان يسندني بغيابگم هو الوحيد الحافظ عليه وحسبني مثل ااختة وانتو مو يمي

ردت امي

ـ يمة اگعدوو واحچو وانا رايحه اشوف ابوگم بلگي بعدة نايم اسمع منهه يا ابو الاشبال وافتهم منهه ليش صارلگم شهور بس سلام عین وماصلت علی نبی الگل حاسد خوتگم  الصياح ميحل شي والصار صارر خلي نتلاحگ للباقي ونفگر بعقل…

راحت امي تشوف ابوية جرني من ايدي للغرفة و ويايه غفران شمرني من ايدي علی چربایه وهو راح گعد على حصيرة ممدودة بالغرفة گعدت يمة غفران…

ـ اااااااااحچي خلي اسمع

ـ شلون احجي وانت بهالعصبية

ـ معليچ بعصبيتي ماذي صحتي وگلبي متاذيگم بس گل العندچ احچي لا تضمين شي لان بعدين من اعرف ضامة علية شي راح اجرم بيچ صدگ واجرب اگتلچ

، گعدت مريم تحچيلة عن گل شي من بدايه علاقتهه هي ورعد الى زواجهه من نوار واگتشاف حالتهه بالمستشفى

كلتلة
-والله چنت كلما اخابر امي تگلي سلمان فرحان بزواجه خطية لاتنغصو

ـ ليش امي چانت جانت تعرف؟؟

ـ لا بس تعرف نوار مضروب طلقة وچنت اعرف بكلشي من شافتني ما اگدر اضحك وبس ابچي عبالهه مقهورة على رجلي وهيج حچت هي خواتي ريام وريم……

بقيت احچيلة عن گلشي بالتفصيل الممل. عن تصرفات رعد وفزعته اليي وحچيتله من خيرني ابو ارشد لو اسگت عن حالة ابنهم لو ميدفعلگ فصل

وهل شی بقاني ساكته الى ان خيرني اتزوج واحد منهم لو يشوهون سمعتي
وبلاساس نوار ستر عليه حسب تالیفهم

خیرو رعد یزوجني بس چان رافض هادي اتبرع يتزوجني ويلم السالفة وهنا زوجة هادي ضربتني ورعد دخل بعرگة بينة بينة وبين مرة اخو واخوته علمودي دارو عليه

فگالهم رعد انا ازوجهه ومن عقد عليه ابد مالمسني راسا جابني الگم حتى يعترف بالصار بس لگينة هيج صاير بابوية وانت ماسمعتنه …

هو بقى محافظ علية ياسلمان وماقبل يلمسني بدون رضاية بس انه السبب اانه هواي تجاوزت عليه رغم گل مواقفة االزينة ويايه گلتلة انت شحاطة بسوك الزلم ماخليگ…

ـ وبعدين ست مريم ترى گل الحجيتي ميشفعلة…   طب من هالاذن وطلع من نفس الاذن ..  انهزت ثقتچ بعيني وبعد ماعندي ثقة بيچ…

حتى لو رعد عندة مواقف زيننة وياااااچ ماراح اعتبر هالشي نابع من احساسة بالاخوة تجاهچ هالشي نابع لانچ حبيبتة الماحصلهه

ـ خویه مصمم ماتفهمني

ـ وماراح ااافهمچ انا رجل شررقي للنخااع من حبيت اتقددمت لبيت اهلهه شنووو چان الماانع يتتقدمم لو حاچييلي وكايلي ارريد ااختك بذيچ الفتررة يتصور اعززچ علييه بالعگسس چان ااول شخص باررك لزوااجگمم

ـ جان يريد يگون نفسة

ـ هاااي حججج لا يگون نفسسة ولا يجمع مهرر قاابل مچان عندة فلوس چان جندي وعندة راتب بس عااجبة اللعب الفرفررة وووياج بلااااشش…

ـ لااا واالله موو هييپ حراام عليگ

ـ لو ماخووفي من الله جان ااقسمت قسم عظييم بالبرهتية اجبرچ تتزوجين من هذا المتقددملجج واخللص من شرررچ لكن ماراح ااقسم… 

بس حضري نفسج خطوبتچ من هالولد  الجمعه الجاية برضااچ او بدووونةة…

-لاااآ الله یخلیک ماااارید ازووج والله

-موووووو بگیفچ وهااا‌ ومن باچر حتی دووووام ماااگووو بعدد لانو فقدت الثقةة بيييچ وماعندي مجاال اخذچ وارجععچ لشغلچ وتلفوونچ ينسحب مننچ هاااااان التللعب مرررة تلعببب اللف مررررة

وانتي ياغفرااان حساابچ بعدين

- لا بعدين ولا شي يا سيد سلمان .. توصل بيگ تجبر اختگ تتزوج وتتهمهه باللعب وتتوعدني بالحساب .. ياوسفة

ولعلمك انا چنت اعرف بموضوعهم قبل لاتخطبني وقبل لا اعرفگ معقولة تريد مني اول ماتصير مشگلة بحياة مريم اجي احجيلگ القضى والمضى ..

ـ ااااي تچيييين وتحچيلي وانتي الممنونه

ـ حاولت اجيب سيررتهم گذااا مرررة بس ااانت ماااقبلت تسمعني

ـ لااااتعليييين صووتچ عليية ياغفرااااان ولا تتحجيين چان تگدرررين تحچيين مباااشر مو شرررط تمهدييين للمووضوع وتدريين بية اگرره سيررته

ـ خلللص ااني الغلطااااااتانة گلل الصاار بسببي..  ماگو فايدة بالحچي ويااگ  گوم سيد اخذني لاهلي ..اريد اروح لاهلي

-شنو ليگوون زعلانه انووب

-لااا اريد اغير جووو واريد اشووف امي

ـ عادي اخذچ بس خلي ارتاح واتغدى…

گمت من یمهن رحت النقطة الكهرباء جريت الشاحنه وموبايل مريم عفتهن وطلعت بسرعه

متوتر اشلون افارك غفران بس  قنعت حقهه تريد تغير جو لان الصار مو شوي وذا تبقى مبقى نحچي بنفس الموضوع  هي حامل وتعبانه

رحت الغرفة ابوية لگیت امي يمه دلك ايده من شافتني طلعت كعدت يمه على السرير لزمت ايده بستها

-هااااا يابه تشووف بيه غلط ماگدرت احتوي خواتي انت طول عمرك محتوينه من چنه زغار چنت تعلمنه الصح والغلط

چنت تگول چنت اتراقب ربي بلگمتنا
اهم شي  بتربیه الگمه الحلال هي اساس كل شي لیش جاي يصير بينه هييچ

حرگ ایده یمسح علی ايدي..سحبت الحقنه وضربته ابرته وطلعت

عفران/من طلع سلمان اخذ موبايل مريم  انهارت تبچي گامت ادگ وتلطم وتملخ بروحهه بس بصوت ناصي.حاولت اهدئهه بس ما فاد تخربطت وجهه صار اصفر رحت جبتلهه الادوية وعلاجها مالتهه بس ماقبلت تاخذهن…

الى ان گعدت وصفنت بعد ماتحرگت من مگانهه تصرفاتهه غريبة استوهه چااانت تملخ بروحهه وهية لاحس ولا نفس بقى بالي عليهه حاولت احچي وياهه بس ماتجاوبت

-مریم مریم گعدي

مغصت بطني واحس الگئابة موتتني و
گلش نرفزني الصار حچيت وياهه اهديها

-مريم راح اروح لاهلي وان شالله ماااااا اتاخر عليچ ماحجت شي ويايه بس هزت راسها

طلعت من غرفة مريم حضرت الغدة الهم صعدت لغرفتي سبحت وصليت ودعيت ادعيتي المعتادة ووقریت زیارة عاشوراء ودعاء التعجيل ورة تقريبا ساعه نزلت شفت عمتي غاسلة مواعين الغدة وسلمان متمدد بالاستقبال ونايم وعمي وعمتي نايمين ..

رحت للثلاجه فتحتهه شربت مي وسويت ماعون فواگه رگي وتفاح عنب گلت ناگلة انا ومريم انتبهت عدنة رگن بالگاونتر التعليگ

حاطين بي گل الادوية الحبوب براسيتول ادوية عمي ادوية الضغط مالت سلمان بروفين وغيرهه شفته مفتوح والعبلة شفافة ومفتوحه رحت اتأگد مالگيت ولا حباية گل الاشرطة مموجودة..

لعب گلبي بس طردت الفگرة من راسي گلت متسويهه مريم تخاف الله ومتدينة

وصلت للغرفة دگيتهه ماگو صوت معقولة نايمة…  لا مستحيل فتحت الباب راسا  لگيتهه مجفية على السجادة عرفت چفيتهه مو نوم ردت اخلي الماعون على الگومدي بس فلت من ايدي رحت ارگض عليهه وصرخت

ـمررررررريم مرررريم ووولچ گعدي

گووة شلتهه وگلبتهه يمنه يسرة بس ماگو لاحس ولاخبر على صرختي اجتي عمتي واجى سلمان رگض عليهه حرگها شالهه

-مررریم مرریم خوووویه

من حرگها تحرگت السجاده شفت اشرطة الحبوب جوة چادرهه ماخذة گمية گلش چبيرة  ويمهه ورقة ماعرف شگاتبة بيهه مانتبهت على المگتوب..

عمتي گامت تلطم من هيچ شافتهه لبست عباتهه وطلعت ترگض وية سلمان راااحو ومنتضروني أجي وياهم بقيت الوب ماعرف شسوي…

شلتها الورقه وقريت الرساله شفت گاتبه بيهه اعتذار من ابوهه وامهه واخوهه وخواتهه وحتى اعتذار مني لان تعتبر بسبهه انا وسلمان اتشاگلنة شرحت عن الوحدة العايشتهه بعد طلاگهه من رعد گتبت رغم اتزوجته غصب بس چااانت حياتي وياه مليانه حيوية احس بوجود شخص يخاف عليه ويذگرني بگل وگت مو مثل بعد الطلاگ

بعد الطلاك الوحدة لازمتني راح اتخبل شعور الوحدة اترجيت ربي اگون حامل حتى اذا ما ارجع لرعد يگون بداخلي شي من منه ويونس وحدتي بس ماصار الردتة ياغفران اني ماگو شي اتمنيته وصار خلص صبري اعرف الاسوي حرام بس خليني انا اتعذب لوحدي ولا اعذبگم ويايه گلشي اتحملت بس اخوية وحيدي يشگ باخلاقي هيچ يتصرف ويايه ماگدر اتحملهه فوگ طاقتي…

لزمتهه وشبعت بچي عليهه رجعت قريت الرساله…
راح اخلصگم مني لاني ضرر مو منفعه الگم واخر شي ذاگرة اذا اشوف رعد اسلم عليه لان مگتوبلهه لاتنجمع بالدنية وياه ولا بالاخرة لان تعرف مصيرهه النار وتتمناله الجنة..

اخذت تلفوني وخابرت امي وحچيتلهه واجبي ماعرف شتصرف

-یمه حمااتي نتحرت ورسالتهااا كلش تقهر

-بس لا رجلچ ضربها

-لااااا يمه ابد لزم شعرها بس ماملشها

-ليش هيچ یئست

-لان‌شک باخلاقهاااا بس رسالتها تقهررر

ـوووچ خابررري على خواتهه بلگي يحن گلبهن عليهه

ـ يمة ميحنن گلوبهن قاسية مثل سلمان

ـ يمة لعد وين الدين اذا بهيچ مووقف يبقون حجر وقاسين وين دينهم لخاطرر الله بنيتي اتصلي عليهن واحجيلهن بلگيي يحن گلبهن وي..

ـ صار يمة صار..
سديته من امي وخابرت ريام مابدر منهه اي ردة فعل عفتهه گالتلي لاتخافين ماعليهه شي سوالف مراهقات..

سديته منهه خابرت ريم بسرعه گللتهه اختج تعبانه اعصابهه وهيج اتصرفت گالت جايتهه بس مسافة الطريق شوي آجت ريم احسن من ريام.. 

رديت خابرت على منى سمعت ماصارت سفرتهم لان گورونا اشتدت والحدود گلهه انغلقت فماراحت بس هي حاجرة نفسهه متريد تجينة لان جيرانهم جانت ملامسه لگورونا وخافت لاهي تنصاب بس من خابرتهه متحملت ماتت بچي وگالت سدي راح اخابرهم واروح للمستشفى واذا اضطر اخذهه يمي بالبيت…

مر تقريبا ساعتين ونص وماگو خبر عمتي عايفة تلفونهه بالبيت وسلمان ماريد اتصل عليه وگلبي راح يطلع من مگانه من الخوف على مريم…

آخابر منى مريم ماگو محد يرد منهم وگع گلبي گلت بس لا ماتت لان چان وجهه اصفر  بطني مغصتني من القلق والخوف على مريم توضيت وكعدت بنفس مگان سجادتهه صليت ابچي واندعي الهه

ربي بعدهه طفلة مالگت اليوعيهه ربي الطف بحالهه اللهم لا أسألك رد القضاء لكن أسالك اللطف فيه..
قريت زيارة عاشور دعاء النبي محمد عليه الصلاة والسلام ودعاء الامام علي…

وگل شوي اگوم اشوف طلبات عمي ابو سلمان همزين غرفته معزولة عن البيت وميسمع الصياح گلة من يسإلني عنهم اگلة طلعو للسوگ…

بعد اربع ساعات عذااب وانتضاار وتفگير يلة اجوي سمعت صوت الباب ينفتح حتى تدخل السيارة ورگضت عليهم.. 
ريم ومنى بالسيارة يم مريم.. 
نزلوهه گوة تمشي لازمة بطنهه شافتني بچت ارتميت عليهه وحضنتهه .. واثنينه بچينة

خليناهه بفراشهه وسلمان عافهه وطلع .. طبع الاهمال العنده من یزعل اتعس صفة بي بقت تعاتبني

ـ ليش ماخليتني اموت ليش نقذتيني

ـ لو انا مسوية هيچ بروحي مانقذنيني

ـ اسم الله عليچ

ـ لعد ليش تسأليني يامريم..ولچ منوو يستااهل.. محد يستاااهل محددددد

ردت ريم..
ـ شنو صاير فهمونة

ـ ماصاير شي قوي ولا مرعب بس اخوچ وعاتبها بقسو  ودييينة نهى عن العتاب المؤذي ومناك انتي قاسيه وياهها واصحاب القسوه انطردو من الدين گلة اصلا ممحسوبين على الدين

سمعت سلمان يصيح

ـ گاافي غفرران لاتتحچین زاید

طلعتلة من الغرفة متحاملة عليه احس بهاللحضة هواي ضجت منه ومطايقته

-احچي زايد مووو ترى تعرف كلش زين موو طبعي  هذا اسلوب الاهمال الجاي تسويه ويه اختك وقبل ويايه ابد ميليق بيك انت انسان ملتزم لا تخل الشيطان يحيدك عن التزاامك وتعصبك انت ردت تضربها وتماسكت نفسك بس تخيل منطي مجال زايد شنووو يصير

-عتقيني الوجه الله وكاافي لغووه زايده

-لغووه زايده مووو هيچ تگلي موو بهاي الطريقه تحاچيني وبعدنه مااصار عدنه طفل لااا وفوگاها ترید تربي تربيه مهدويه
مووووو

-هاااا غفران الحچي اخذ غير محورر وين
دخلتينه اطلعي من راسي لا اطلعچ انه

-وعلی شنوو اخذني الاهلي وفضهاا

صار صياح بيني وبين سلمان اجتي امة واخواته منى وريم يمنة يريدن يفتهمن شگو…
بس لازم يطلع هو الصح والمقابيلة غلط نطيته الورقة يقراهه شافهه گلب بيهه رفع حاجبة وشمرهه عليه..

ـ ترى عاااااادي سوالف مراهقين

ـ مراهقين!  چانت راح تموت بسببگ وبسبب ملامتك تگول مراهقين صارلهه شگد اداوم شنو شفت عليهه حتى تبطلهه من الوسيلة الوحيددة لترفيهه

ـ لاتناقشيني بهيچ موضوع بيييني وبين خوااتي لاااتدخلييين

عدلت وگفتي من هيچ حچة ويايخ گلش انصدمت بي وباسلوبه

-هااا خوش هسة صرت غريبة عنگ.. خلص براحتگ…

نطيت الورقة لمنى وگلتلهه

-انتبهي على اختج تری هاي مره المره الثانيع اذا انتحرت من صدك راح تجيبلگم السمعه الموزينه شوف شيحچون عليگم الناس خاف هسة طابگة وياگم وراهه تصيرون علچ بحلوگ العالم…

صعدت الغرفتي لبست عباتي وجورايبي وبالدشداشة مابدلت اخذت چم هدمة الي ونزلت..بیدي الجنطه الزغيره

وديني لاهلي

تناوع عليه ماحچى ويايه ولا گلمة یحب سویچ السیاره وطلع‌ قبلي سلمت علی البنات ومريم

گالت منى

-غيري جو البيت يوتر وراح اخذ مريم يمي  هالفترة بين ما ارجع لان هي ماگدر اعوف زوجي مريض وعندي اسلوب حلو اگددر اقنع سلمان لان هواي يحترمني

-الله يسهل الگم

طلعت وراه فتحلي الباب اليمة بالصدر بس ماقبلت اصعد يمة بالصدر سديته قوي وصعدت ليورة ..

استغرب من تصرفي صح ماشفت بوجهه بس المحة صفح بالمراية يباوع عليه بقى فترة واگف تقريبا دقيقتين وبعدين شغل السيارة ممستوعب السويته طول الطريق ساگتين الى ان وصلت يم اهلي

نزل ويايه سلم على اهلي وطلع نزعت العباية والححاب موت حر تسمط سمط

امي تريد تعرف شگو بينة ماحچيت لان جنت تعبانة عافتني وطلعت للمطبخ..
گعدت و خابرت عقيله

-السلام عليكم شلون ام علاوي

-وعليكم السلام هلا غفران حبيبتي شلونچ

بديت اسولف الها عن سيد سلمان والسوالف الصارت..

گالت

-راح اخلي سيد مهدي يحاچي الچ

-اي عفيه لان بصراحه مااگدر افارگه

-ام خشم یابس اعرفچ

-لاااا بس هوواي عاط باخته والله

-وشگووو انتي لوو تحبين تگونین فاعل خیرر‌

-لو مگاني انتي متدخلين

-طبعا انه اخاف من خيالي دور ادخل بين خوان

-خووش تعاي الاهلي اليوم

-اي ماشي حگول الابو علي

بقيت متمدده اجى اخوي منتظر بيده علبة ايس كريم

-هلااااا ابو شامه من عرفت جايه عدنه جبت الچ ایس کریم بلفراوله والگاگاو

گمت من التخم باوسته

-وشلون عرفت

-خابرتني امي على صمون وعلى فلاف وياهن صاص ومحد يحب الفلافل بصاص غيرچ گلنه نحب العنبه

-لااااا دگول جبت لفة فلافل بيها صاص

-اي جبت

-گول والله

-والله
اخذت الايس كريم منه وركضت للمطبخ
شفت العلاگه لگیت بیهن الفات طلعت قوطية ببسي وگعدت اگل

دخلت امي

-هاااا مازال تاگلین شگووو اشصایر یمه لدگولین مسویه دگه وراح یطلگچ لووو عنودیاتچ اشتغلت ومل منچ لوو دگایگچ

خلصت لفتي گعدت بلگاع اگل ایس کریم

-اگلچ یمه شوو محسستني زومبيي ترى بنتچ حبابه وامة الثقلين تموت عليه

-اخ منك يلساني منو بله هو بس انه شويه احبچ واخوچ وابوچ وهسه هذااا المگرود الله یعینه

-ماتحبطیني شايفه من طلعت من بيتهم خواته وامه وابو يبچون علیه خو سلمان
یگت دموع کت کت

صاحت امي

-وولك يمه منتظررر الفلافل بيها شي مين
جبتهااا

دخل يضحك

-لاااا بس نفسه معملينه صاير شي

-اختگ باوع علیهاااا ِشلون تحچي

ضحك وعرف هاي سوالفنه انه وماما الماتخلص اجى ابوي من شفته گمت اسلم

-هلاااا بلخیر گله مشتاقه الك

-شلونچ بویه زارتنه البرکه

-فدوه الگلبگ حبیبی باقیه چم یوم لان اشوي عند عيالي مشاگل

-البیت بیتچ بااچر من الصبح اگعد اجیب‌گاهي وكيمر عرب

-متقصرر

-اروح اتمدد بويه

گالت امي

-غفوره حبيبتي

-شووفی یمه سوالف حبیبتي وغفوره وراها مجلس تحقيق  ترى والله مثل مگتلچ

-یعني بعد امچ ممتعارگه ویه الرجال

-اححح یمه هوو بیه شی یخلي واحد يزعل منه..حنين..ويحبني ويخاف عليه حتى شوفي السوليتير

-هووو محد ضيعنه غير سولتيرچ  الله یهدي سرگم یمه

اشوي واسمع صوت جهال دخل سيد علي
ركض عليه حضني

-شونچ حاله الحتوه(خاله الحلوه)

-اشلونك اخبارك

-اخباري صلت(صرت) من اشبال الامام الحجه عجل الله فرجه الشريف

-اشلون بله

-هناك العتبه مسدوده سووها بيت سيد تبرع ونروح انه وصحباني نحفظ قران ونحفظ زيارة عاشوراء ونحفظ دعاء التعجيل

-ام ابوللسان بكلشی ترتل اله بهل سوالف

دخلت عقيله تضحك

-السلام عليكم

باوستها وتحاضنه

-شلونچ وچ ابنچ ابو للسان صدک صار ویه اطفال العتبه

-اي من زمان بس توفى سيد حامد السيد مگدر یاخذه وهسه تبرع احد الساده فاتح بيته ومعقمه للاطفال

-زين ليش تاخرتي گلتي اجي من وگت

-سید مهدي عزم سيد سلمان على العشا وهناك حاچا الچ وفتهم جزء من السالفه

-وشنو گاله سلمان

-مگال سید مهدي بتفصيل بس لمح اليه مفهمه انتي انسانه تمثيل القوه بس داخلچ طفله تبحث عن الحنان شافته بیك لااا تخليها تنخذل وترجع الدائرة الفقد والفراق

-بسسسس هيچ

-لااا عیني مصلين بلحضره سوه ومنها طالعين الصاحب سيد مهدي يسوي مشاوي حسب الطلب اجاني بلتسعه يعني
هوواي سولفو من تصالحين فهمي منه

گعدنه نسولف انه وعقیله طلعت سلمت علی سید مهدي وابد ماجاب طاري سيد سلمان حتى ماانحرج بقى يسولف ويه ابوي ويضحكون الى ان طلعو

تمددت مالي خلك بس دز سيد سلمان مسج فتحتها((ويهديك الله شخصاً كأنه الشطر الاخر من روحك وكأن الله خلقك انت في روح اخر))

ماجاوبت لان طفى موبايلي نمت الصبح
گعدت دز سید رساله(راح انشغل بوالدي اشوي مريض والبيت متوتر بالچ علی صحتچ یومین واجي اخذچ)

خابرت عقیله
-شونچ حبي تجين اليوم

-لااااا نتظري یومین تلاثه یطلع السید من المستشفى وهو انشاء الله يجيبني

-وووچ لووو ماا انتي تسوقين

ـ ما اگدر غفران .. مالي واهس اطلع منا لهنا بس ودي اروح السيد مهدي مشتاقه اله كلش

-ووچ قابل اول مره یلزم خفاره

-لاااا بس اول مره میراسلني طلعنه منكم وصلني للبيت وراح ومن البارحه للهسه ماكو اتصال مو عوايده والله حتى الجهال يريدون اسويلهم گيگة شي ماعندي واهس گاعدة اكل بروحي حتى دزيتهم العمتي وانه اقراء قران بلكن گلبي يبرد

ـشببیچ عقیله

ـ بیه سید مهدي وخوفي عليه مو تدرين رئته تعبانة من الدعمة الندعمهه وهاي كورونا دمار  خايفة عليه صحته على گدة وهو مصمم يجاهد ضد هالوباء

ـ گلة بميزان حسناته حبيبة گلبي خليج قوية وصدگيني يوم يومين راح يجي للبيت وتگحلين عيونج بشوفته

ـ ياااااارب يااالله ان شالله

ـ ان شاالله يروحي ان شالله…

خلصت مگالمة وية عقيلة
وتمددت متعوبه من الحمل ومن روحي من الضغط الصار عليه….

مر يوم واحد وامي قنعت سيد سلمان ابقى بعد يوم لاخ ....

وبيوم٦/٦ جنت نايمة لان جنت گلش تعبانة من السهرطلعت تلفوني وگعدت اگلب بالصور انا وسيد سلمان بعرسي وانا والبنات ووية عمتي هواي اشتاقيت الهم رغم ماصارلي يومين من عفتهم…

سمعت قصيده((الله ياحامي الشريعه))
صرت ابچيمن البچي والتعب نمت جفي وما ادري بروحي..  حسيت ابوي يگعدني بس صوته مخنوك يريد يبچي وگوة يحجي فزيت من مگاني عبالي امي اتخربط لو بيهه شي

-هاااا بويه شبيگ ياستار شصاير امي ووين اگوووشی

- لاتخافين مو امچ

ـ دخيلگ ررربي شصاير

ـ گووومي بنتي ويه اخوچ لان رجل عقیله‌ راح الدار حقه

ـ شنووووو سيد مهدددي. ..

ـ اي بنتي ااي گومي روحي لعقيلة جيبوهه انتي واخوچ وعلی گیفگم گلولها الخبرر لان تعرفین تعلقها بیه

گمت والنعاس والصدمه بعیوني ماعرفت شنو اتصرف ولا شنو اعمل.. لگیت اخوی منتظر يركض بسويچه صاح

-یله غفران تعاي لا نتأخرر ..

بسرعه دنبست الحجاب صعدنه السياره ممصدگين السمعناه مثل المتيهين مشي منتظر بالسيارة گلش سريع حتى نوصل

گل شوي اگول لا ممعقولة السيد بعدة بحيلة لان من چم یومهو زين ومبي شي راح يطلع شلون هيج رأسا يموت…

الدنية فچر وبعدني ممصليه ‌وصلنه طبك منتظر السيارة ونزلنه نرگض لهفتي وخوفي على اختي خلاني ارگض بدون وعي دخلنة البيت وانصدمنه…

عقيله صاير جهه قطعة دم الجادر الابيض اللابستة دم احمر

شفت ام عامرر تسحل بيهه .. رگضت انة ومنتظر متحامليين عليهه وخليت ضيم الحمل وضيم نغصة سلمان  كله بيهااا…

دفرتهه عن خيتي وصرخت

ـ وووگ منتظررر  شييل عقيييلة شيللههه واااخذهه  وهاااأی  الصخله ام راسیین انه‌ الهااا

بحقد وغل هجمت على ام عامر لزمت شعرهه وسحلتهاا من كفشتهااا نظفت بيها الطارمه ولان گرانیت تنسحل بیدي سحل

ورجعت نزعت شحاطتي ام خمسة الف التسوة راسهه بس لان شوي تصير قويه مو طبيه ضربتهه بيهه وووين اليوجع على وجهه على راسهااا رغم تعبت بس حلفت الا اطلع الدم منهه مثل ماطلعته من اختي هي گاعدة وتعوي وتصرخ الحگوني…

التفتت وشفت طبلة من الخيزران بالحديقة شلتهه وضربت وين اليوجعهه وعلى راسهه على جسمهه الحد ماوكعت بالطرمه ردبت لزمت راسهه ودكيته بالگاع وادعي عليهه

-ووچ ظالمه وووچ  گافره شرایده من اختي

ردت بعد اگتلهه بس الطفل احس تگعور على جهه من بطني وتقلص  يمگن خايف لو اتحمس وگعد يتلاوى ويايه

گلما اريد ابرد اشوف شصارير بعقيلة وادمغ بيهه..

منتظر

-ابو شامه عيد بطولاتك...
  سمعت صوت سيد سلمان واگف بلباب يصرخ

-منتظرر لاتفزع اختك جيبهااا ماتخاف عليهه وهي حامل

هنا عفتهه ودست على راسهه بشحاطتي واخذت الجهال من العلويه زينة وطلعت

صعدنه ااسياره..حاضنة الجهال ..وگلبي لاييب على زينة الشبباب..على سيد مهدي
مقهوره على عقيله..الشافت بيه الامان وماداملهه وفقدته من وگت المسگينة…

سيد سلمان/خلصت مهلة غفران گلت اجیبها من وگت بس هي مقبلت تجي بليل كتلها اجيچ باجر الصبح قبل لا اروح للشغل

گعدت على صلاة الفجر صليت دگيت التلفون عليهه جاوبتني امهه. سلمت عليهه وسألتهه عن غفران

ـ الله جاابك وليدي بوجهگ عددل لبيت سيد مهدي السيد نطااگ عمرة ومرتگ راحت تجيب الجهال من عقيلة وية منتضر اخوهه

ـ لا الله الا الله انا لله وانا اليه راجعون…

صعدت السيارة وشخطتهه لبيت سيد مهدي مشيت گلش سريع جنت  حاس شي راح يصير ممطمن ما اعرف ليش..

من گم یوم التقینه وحچینه سوه یاربي يموت سيد مهدي ابو ارشد العايب عايش

وصلت لگيت سيارة منتظر واگفة والباب مفتوحه ونسوان بالحديقة يمگن يتعارگن طلع منتضر لازم اخته عقيلة انصدمت من شگلهه شمسوين بيهه

وليش هيج مشوهين بيهه زوجهه توفى قبل شوي معقولة هية هيچ مأذية روحهه علمود زوجهه  هواي افكار بالي من شفت هالمنضر  باوع عليه منتظر

ـ ها سيد شوگت اجيت

ـ ستوني بس فهمني شصااير

ـ هالظالمه مرة عم سيد مهدي شوف شمسوية باختي وغفران استلمتهه

ـ لا اله الا الله..
الظالم ميدوووم يومه قرريب…
بس صييح اختگ لاتدفرهه علي بطنهه ويموتون اثنينهم

ـ ادخل اخذهه واخذ جهال عقيلة وياگم سيد اعتمد عليگ اريد اخذهه يخيطون وجهه …

ــ روح خوية. روح انا موجود
زمخت غفرااان جيبي الجهال وتعاالي عوفيهه گافي اخذتي حگ اختج متستاهل تلوثين ايدج بيهه

الحمد لله من الله هداهه وسمعت الگلام
اول مره متعاندني بس يمكن الحمل خلاها هيچ

طلعت جابت الصغار جتي المرة متمرعدة بين ايد غفران وتستاهل  اخذتهم ورحنه لبيت ام غفران… .

ومن الصبح وگفت وية بيت ابو مهدي حتى مارحت لشغلي…

التمو الناس ونصبو الفاتحه  وكفت على حدى بلفاتحه اساعد السادة ولد عمومته
السید هواي يكفون وويوفون وگل واحد بیهم صدک شگله هاشمي ابيض بشقار

جنت واگف يم سيد مجتبى واشوف رعد اجى ودخل للچادر  تخبلت متحلف بيه اتذگرت غدرة بية وطعناته المتنعد طار عقلي من راسي.

وقبل لايوصل لمجتبى   طفرت گدامه ووگفت حدي بحدة صاگ سنوني واحجي بهمس.

ـ لگ شعنددگ بگربلاااء

ـ جاي لفاتحه سيد مهدي

ـ وولللگ هاي فاتحة للشريفين النسسب موو الگ

ـ لا تتعدة حدودگ سيد سلمان لاتطعن بنسبي لان هالسالفة متلوگ الگ وچبيررة

ـ لللگ اذاا ااانت رجاال انتضررني براس الشارررع الا اااقتلگ واشررب من دممگ يااخنييث

ـتدلل بس هسه وخر من دربي

وگف رعد یاخذ من خاطرهم وقبل لا یطلع گلي

-يله انتظرگ تجي

رعد//دخلت الفاتحة سيد مهدي سرداق داخل البيت وعرفت هذا بيت جد الساده يركض بيه الخيل بحيث الطارمه تلث سراديق ممدوده بيها

شفت شاب لابس قميص اسود وبنطلون اسود وچراویه سوده..عرفت اخو السيد لان يشبهه الفرق السيد احمرر هذا الشاب اشگراني ابيض

لاگاني سلمان غاضب عليه مهتميت گعدت بالفاتحه قرينة الفاتحه واخذت من خاطر سيد مجتبى  وجده…

اقل من ربع ساعه واترخصت واشرت لسيد سلمان انا انتظرگ براس الشارع…

تمشيت الفرع چبیر وصلت یم فرع يمه طوابيك عاليه مرتبيهن منا ومنا صرت انه بلوسطه تحسب الگلشي

لحگني سلمان اول ماجى زنخ یاختي

-هاااا گلب

-شتررید رحمه الربك گلشی ردته سویته الك اعتقني الوجه الله

-الك عين تحچي ينذل

-خووش انه نذل صير احسن مني كلما تشوفني ترجعنا للمربع الاول شنيه رحم الله اعاد الفاتحه

ضربني بوگس غدر

.-مد ايدك خنييييييث ولم چنت معتبرگ صديقي ومأمنگ علی عرضي وشرفي ومدخلگ بيييتي وتالي تطلع مصادقهه ووتطعننيي بضهررري

چنت لازم‌ فگي متوجع انصدمت من عرفت عرف بية چنت احب اخته ..

لزمت ايدة وحچيت وياه..

ـ وحگ ابو فا ضل ماخنتك ولا استغفلتگ مثل متگول يالعگس جنت محافظ عليهه اگثر من نفسي يشهد الله يا سلمان

ماسمع مني زنخ ياختي بگل قوه يضرب ردت احاچي بس استاهل واعرف جاي اتعاقب لان حبيت اخت صاحبي استاهل العقوبه من ربي ومن البشر

طحت للگاع لان تعبان من نگل الگواني وظهري يوجعني صار يضرب بطني يفرغ غضبة  خفت لا يضرب وجهي گمت علیه

بديت اصدة بحرگات عسگریه تعلمناهن صديته اگثر من مرة وهو بعده  یرید یضرب ماعاجبه صدي اله وصار يتمادة تلازمت وياه وتلاوينة لزمت ايده الورى ظهره

-گتلك مااخنتك كاااافي ضرب وحق الله لو مااعزك چان تلاویت ویاك
دنج راسه حتى يضرب خشمي براسه  بعدته رجع يريد يتلاوه ويايه اجو شيوخ وسادة من الفاتحه مالت سيد مهدي فاگگونة…

ماحچينة شي بس رگض صادق اخوي لان جاي على امي وخايف عليه فدازته لان گایلته سيد مهدي یصیر عديل سلمان گالهم صادق

-أنهُ اخي وطليق اخت المتعدي

گال  احد من الشیوخ

-انت یاهو ولك فهمنا

ردت اجاوب بس التهيت امسح الدم من خشمي فگالهم صادق

-انا صادق مدرس للغه عربيه وايضا حاليا ادرس الماجستير وهذا الطويل المضروب النازف دم اخي رعد طليق اخت الرجل صاحب الوجه الغاضب كلما اراه

گال المعگل

-چااا وعلیش یتگاونو

-لااا اعرف لگن اخ طلیقة اخي كلما يرى اخي يعيش دور الملاگم فیبقی یضرب ويضرب ولا يمل

-زين عليش مايرده اخوك

-يااعم انها قصه طويله

-وهسه احنا بعد عمك جااااين مناااك من غير ديره نوجب سيد باقر هستونه نزلنه من السياره جيناهم وطلعت السالفه بيها نسوان من اغم هيج حظ

اجى رجال  چبیر معگل بعگال اسود خجلنه انا وسلمان لان عرفنه‌من‌الفاتحه‌
باوس الزلم المعگلین اجی علینه مد ایده‌
گال

-انا سید راضي من عمام سيد باقر جد سيد مهدي  يحجة وية سلمان ..

مد ايدي

-تشرفنه مولاي واعذرنه سوينه بلبله

رجع سلم على سيد سلمان وگله

ـ الزواج مو بالغصب يا ولیدي وگلشي قسمة ونصيب ليش تعارك نسيبك هيج

گله
ـ لا سيد فهمتني غلط بس هو اتجاوز عليه وعلى اختي وطردتة من گربلا گلهه

تقدمت للسید دنجت بست ایده هو سحبها گتله

ـمولاي داخل على الله وعليكم انا شاري اختة واريدها بروحي  حتى عفت كلشي هلي ناسي الخاطرهه مرتي ورايدهه بس هو الرافض رجعتنة

گال سيد راضي

ـ هيييييچ السالفة يعني... ان شالله خير.. بس اذگرو االله ياولدي دتشوفون بيت منگوبين. ومفجعوين بابنهم ينفع هيچ تتصرفون بفاتحه ابنهم مو هاي مو من شيم الزلم الاجاوید

رد سلمان
ـ لا‌والله حقک‌سيد اعتذر مو قصدي الصار

جاوبت
ـ السموحه منگم سيدنة سيد مهدي منو مايعرفة الله يرحمه ويغفرلة والنعم منه گلنة مفجوعين باستشهادة…

رد سلمان
ـ گل الصار من تحت راسگ گلتلگ لاتعتب بعد گربلا لا اگسر رجليگ

حجة هيج سلمان وهچة السيد بنتر

ـ هذا مجلسس السادة محد اله زوود بيه ااحنة اهل الچود والگرم ومضيفنة ميرد زوارة ف مو من حقك ولا من حق ااي واحد يطررد ضيوفنة

گال سلمان

ـ سيد كلامك على راسي بس هالحچي صار بوجود ناس وعشاير چبيرة

گال سید راضي
ـ العشاير على روحهه ياوليدي احنا ساده وجدنا رسول الله ماعدنه هيچ سالفه
لان‌ نبینه محمد چان یستقبل لعدو گبل الصدیق وبیوت  السادة تعتبر مضايف للعوام مثل ما گلتلگ مفتوح للگل ..

وثانیا یبعد عمك لسبب الاشوفة مو چبیر حتى ينطرد من محافظة گاملة وخصوصا گربلا بيهه سيد الشهداء مو بگيفك تطرد ناس  موالين لاهل البيت عليهم السلام مهما چان الذنب السوو طالما دفعولگ ثمنه خلص لاتحچي بالموضوع بعد  لان هذا مو من شيم الناس وخصوصا انت حفيد رسول الله عييب تطلع منگ العايبة والعايزة…

والحسین علیه السلام کربلا دیرته ویجی بیها العاصی والجاحد  والمخنوك ومايرده اله وحاجته بيده

گال صادق

-تبارك الرحمن گلام ینم عن عقل ووقار وهیبه رجاحة عقل

رجع ابو عگال گال

-خایب انت یاهو ولك منين جاي تتحچى
هيچ مثل موامنة قبل

لزمت صادق من يده

-رحمه الاهلك منو كلك تجي

-امي بعثتني لكن هل تخجل مني

-موو الناس لا عبالهم مخبل خو هذا ابو عگال حط گوره وگورك دمشي روح

بقى سيد سلمان يحچي الا ان كال سيد راضي

على العموم هذا مو وگت الحچي اخذو ارقامگم الشباب وبعد المصاب. اجمعگم وويصير خير  عندي گعدة وياگم ضرورية لان واضح من وجوهگم انتو خوش اوادم مو اصحاب طلايب..

اذا تعتبروني چبير سيد العمامة. البراسي الهه حوبة اسمعو گلمتي  لا تتلازمون بعد واسمعو گلمتي گل واحد يگف روحه لبين ما نجمعگم ونشوف سالفتگم….

سلمان/اضطريت اسمع گلام السادة لان همة بمصاب ابنهم وفشلة اطلع عضلاتي على هالخنيث رعد…
اخذو ارقامنة السادة ورجعت للفاتحه وگفت وياهم ورعد راح لبيته….

رعد/چنت متأگد الله سبحانه استجاب دعائي ووگفلي هالسادة بطريقي لان اول مرة اشوف سلمان من بعد طلاقي من اختة هيج خانع وساگت…

گل ايام الفاتحة حضرتهه صرت عين بعين وية سيد سلمان جان بالبداية يباوع عليه بحقد وگراهية  بعدين صار يتجاهلني…

نوعا ما قويت علاقتي بسید مجتبى عرفته على نفسي ووسولفلته وگفة سيد مهدي ويايه الله يرحمه.. 

خلصت ايام الفاتحة والسيد ما اتصل… 
ايدي على گلبي لايگون نسانه لو مشاغل الحياة اخذته من عدنة لو يگون توفى على حظي…

گعدت یم نواره سولفت الها الصار تحاول گد متگدر تساعدني بيومها گعدت بطارمه ادخن مخلص يجوز نص باكيت ونواره  اجتني

ـوتالي يخوي لاتضل صافن رعد والله مريم من نصيبگ

ـ خايف نوارة اشو انوب السيد علسني

ـ لا مستحيل اگيد صار شي ومافرغ ولا تنسى هذا وباء گورونه هواي اخذ ناس يجوز يحضر فواتح

ـ خايف لا يموت قبل لا يحلي مشگلتي

ـ الله هو اليحل مشگتلك لاتعول على بشر السخرلگ هالسيد يوگف وياگ يسخرلگ الف غيرة بس لاتستعجل

ـ والنعم بالله خيتي

ردت امي

ـ عود اذا رديتهه همين تسويلهه عرس وهالسوالف

ـ والله لا اسويلهه عرس ماصاير بالمنطقة واخلي الناس تسولف بي بس خلي الله يسهلهه وترجعلي

ـ لهلدرجه عاشگهه يمة

ـ واگثر يا ام ارشد هي حلمي الي حلمته بنومي وگعدت حلمته وانا بالجيش ونا بنصگم صارت هاجسي الوحيد بحياتي

ـ سودة عليه وليدي

ـ الحمد لله على گل حال دفع الله ما گان اعظم… 

ـ واذا رجعتهه ابوگ شتسوي وياه ماناوي ترجعله

ـ انا ماعندي اب.. 
ولاتگليلي عقوق الابناء حرام
ترة همين اگو عقوق الاباء..
هو مسؤل عن دمار عائلة مگونه اگثرر من عشر نفرات

ليش گل  هذا بسبب استبدادة وعيونة النعمت بالسلطة وصيت الولد

ـ وگ يمة هو متعقد من عمتگ الله يرحمهه

ـ مو عذرررر الله يرحمهه صارلهه خمسين سنة ماتت صح انظلمت بس مو عذرر يقتل ضناه ويلبسة جلد مو جلدة بحجة. متعقد من اخته…

ردت نور
ـ لو متعقدد يايمة. ماچان اتزوج..

ـ ها وليش يمة ميتزوجني شبية صفحتي بيضة. تلالي

ـ المتعقد والشگاگ مثلة يشگ بخياله مو عاد يتزوج ويخلف وحسب القريتة تصير تصرفاته مو طبيعية. وية زوجته يقتلهه بالشگ ويحطم حيياتهه بس انتي ماسوة هالشي وياج صح عصبي واغلب زلم العراق عصببين

وهذا شي طبيعي لگن خلاج تطبين وتطلعين وحدچ واگبر دليل عافج تجين منااگ لهنا وحدج يا امي ابوية مو شگاگ ولا متعقد ابوية انغرر عندة گووم ولد يسندو بشيبته وهو گليط گومه يحتاجهم بالفزعات ليش يفزع ولد الناس هو عندة. فريق يسدون عين الشمس…
بس عزز عليه اعيش عيشة طبيعيه..

ـ ليش ماحجيتي يابنتي

ـ گلتلگم ماجنت اعرف بروحي هيج بس اعرف بية. نقص وهالشي هواي اثر على شخصيتي..  وفررضا حتى لو احچي منو يسمعيني؟
منو يصدكني

ـ يعني هسة انتي مرتاحه

ـ چنت بسجن واتحررت منه يمة....صح الصار مووسهل اتقبلة بس على الاقل هذا جلدي الحقيقي  مو لابسة ثوب مو ثوبي
.. بس لو بعدني وية. ابوية لا پان گلشي تغير ومو بعيد انهزم منگم.. 
رعد هو سبب ثقتي بنفسي ووگفته ويايه متنسي..

- الحمد لله الخلاني سند لاختي وامي بهالزمن…

مرة الايام على اعصابي مر الضبط  تلث اسابيع… خابرني رقم غريب وگلي اني من طرف سيد (سید راضي) السيد يگول باجر العصر انت يمي بمضيفي…

حضرت نفسي حلقت شعري وزينت لحيتي نورة گوتلي ملابسي وهي تصنف عليه تگلي رايح تخطب قابل وگل هالتريبات… حسيت راح تفرج وانجمع اني ويمريم مرة ثانية

مااجاني نوم گعدت انتضر شوگت يصير باجر…  اتذگرت اغنية هيثم يوسف شيجيب باجد واصبر اشلون هسه انه ويني وين الاغاني رجعت صوت صاحبي چان یغني(ضل صابر على باچر انه صابر)

گمت من‌فراشي توضيت صليت صلاة الليل وقريت زيارة العهد مثل ماوصاني سيد مهدي الله يرحمه وقريت جزء من القرأن اله

دخلت نواره عليه
-تقبل الله

-منا ومنكم

-رعد انتة نو چنت فتره تروح للجامع وتوزع ثوابات‌ویه سید سلمان وتحضرون محاضرات

-اي ليش خيتي

-تعرف شربت منكر من ازوجة مريم فاريد اتوب لان عصيت ربي الاول مره واريد اتوب ماترك الصلاه رغم ملتزمه بيها شسوي

-مره بلمحاضره اجى شاب سئل سيد معم گله انه اتوب ولرجع للذنب اخر صلاتي ارجع التزم اريد كون توبه نصوحه اخيره
كون بعد مارجع للذنوب

گله السید حچي طويل مضمونه حاول تترك سماع الاغناني حاول اتوب حاول تلتزم بصالة وعليك بقرأة مناجاة المحبّين ومناجاة المريدين لمدت أربعين يوماً بلا إنقطاع
وری صلاة الفجر لو المغرب وذا كدرت صرت احسن تقراه لمدة سنة فهو الأفضل وإذا كان إلى آخر العمر سترى النور الذي يسعى بين يديك في الدنيا والآخرة والله المستعان.

-اشكرك

مر الصبح ومحتار شنو راح يصير شوكت يصير العصر صبو الغدا اكلت قليل شربت چاي صارت ٥بسرعه غسلت ورگض ألبيت السيد ..

اول مادخلت البيتهم شفت بس انة وسيد راضي ضنيت سلمان موجود بس گلي باجر يدز عليه ويفتهم منه عرفت منه جان مريض وعندة واجبات فواتح خارج گربلا فماگدر يتصل علينة من وگت..

گعدنة الوحدنة وگلي احجيلي بالتفصيل ولاتضم عليه شي…

حجيتلة گلشي ابد ماضميت عليه من علاقتي بيهه الى وقت طلاگنة

ـ لا اله الا الله ..

ـ سيد والله مو ذنبي اهلي غلطو وانطردو من گربلا بس انا اريدهه ماصدگت انجمع بيهه

ـ تريدهه فهمنه .. بس ياترى هي بعدهه تريدگ لو تغيرت عليگ

ـ سيد دخيل بخت جدگ رسول الله ماريدهه تروح من ايدي واگع الگ دخيل هي ماقبلت نطلگ بس گلتلگ اخوهه خلة سلاح براسي ونطقت الموافقة

ـ طلاگم باطل بهالحاله الصار وياگم صح صعب بس ان شالله نلگاله حل…  زين گلي ياعشاير الوگفت وياگ ومشيتهه لبيت السيد..

بديت أعدد گل العشاير والسادة المشيتهم لبيت سيد سلمان…

گال

-رووح ابني باچر اجيب سلمان وفتهم منه وتصل بيه ..

سلمان///
طلعو الناس من بیتنا وچانو گلش فرحانین یصیرون نسابتي ومبدئيا خطوبة مريم من الولد شبه  تمت بعد الفاتحه سيد مهدي باسبوع  اجى الولد وشاف مريم وتمت الموافقة بلا هلاهل ولا صفك

سيد راضي بقى فترة ماخابرني گيفت گلت نسى سالفتنة بس ورة تلث اسابيع خابرني وطلب اجي المضيفة

رحت اله گعدنة وسولفنة وحجيتلة گلشي بعد معرفت رعد حاچيلة گلشي قبلي

عرفت السيد يريد يحرجني بعمامته ويرجع مريم لرعد..

گتله بثقه

ـ جان بودي سيد انفذ طلبگ بس للاسف البنية انخطبت وشافت طريقهه وية شخص ثاني

ـ انخطبت؟!

ـ اي سيد .. الولد ميتعيب خلقة واخلاق وحسب ونسب وشاري اختي وهاي سنة الحياة..
وافقت وان شالله بعد الاربعين مالت سيد مهدي نتمم گلشي…

ـ انت تريد وانا اريد
والله يفعل ما يريد.. قضى الله وما شاء فعل ..
بس يا ابني صح الصار مو سهل ومو هين بس لاتحرم اثنين من بعض وخصوصا بينهم مودة ورحمه مثل اختگ وزوجهه

ـ سيدنة هالگلام بعد مايفيد البنية راح تصير على ذمة شخص ثاني وگلمن يشوف طريقة بعد تحتاج مني شي بعد سيدنة

ـ اخذ راحتگ ابني اهلا وسهلا بيگ…

رعد/طلعت من بیتي صعدت السياره لان اتفقنا ثاني يوم جه(السيد راضي) رحت براس شارع بيت السيد انتضرت شوگت يجي سلمان.. 

چنت راگن سیارتي بعيد عن الشارع مرت
سيارة سلمان من يمي ماانتبه عليه بقيت علي اعصابي ياترى يگدر السيد يقنعه يرجعلي مريم

مر تقريبا ساعه الااا ربع يلة طلع سلمان ..
شگ والتفكير دمرني معقوله. بهالساعه الا ربع گدر السيد يقنع سلمان بس اشگالهم مرتاحين وجانو مبتسمين…

صعد سيارته ومشى سلمان متحملت اضل بين ميتصل عليه السيد علية يجوز همين يشتلني چم اسبوع قفلت سيارتي ونزلت لبيت السيد اتمشى دگيت الباب وطلعولي الولد تسالمنه ودخلنة الديوان…سلمت كعدت للكاع كتله

-السموحه منگ سيدنة ما اجيتگ بموعد

ـ بيت السادة شوگت ماتجيه يرحب بيگ عسى بنصاص الليالي..اگعد استريح ..
گعدت سوولنة گهوة ياولد عندي حچاية راس وياه..

ـ الگل راح وبقينة لوحدنة شفته يسبح بسبحته ويستغفر اريد اسأله بس مشگل لساني خايف لا اسمع شي يقضي علي اخر امل الي..
متحملت اگثر گلتلة..

-سيد

ـ اعرف الجاي عليه يا وليدي بس

ـ دخيلگ ياابو فاضل گول سید

ـ ما اگدر اسوي شي اتمنيت اجمعگم بالحلال مرة ثانية بس سبحان الله ماصارت

ـ ليش سيدنة شنو يريد اانا حااضر ااي شي يرردة رگبتي سدادة‌اله والله حتی لو یرید عرس ومهر جدید قابل

ـ بالعگس الولد گلي ماردلگ حچاية و.

ـ ابوس ايدگ ااحچي

ـ البنية اخت سید سلمان انخطبت وصارت بعد على ذمة شخص ثاني ..

..........

أشلونج قارورتي
-أهلا مولاي اشتاقيت الك اشوكت تجي ياسيد مهدي

-الله الله أشتقيت الأسمي من شفافج

-ليش تحرمني منك اذا صرت زين

-حضري نفسج تری قریب اطلع

لزمت بيدي الملابس خليتهم بلعلاگه حتی
یعرف سید مهدي انا هنا شافني ابتسم
بقى يحچي بصوت ناصي وانا بقيت ارتب بلغرفه والملم واعقم خلص مگالمه واجیت یمه مبتسم

طلعت اگلنس مرطب امسح وجهه واحس ملامحه بیها لمعه وگلشي بوجهه حلو نزلت دمعتي فرحان يعني وجه صحي معناها يعيش الحمد الله دنجت بست ايده 
گتله
-عضيدي الف الحمد الله عل سلامتك احسك صرت زين

ابتسم بعيون ذابله
گال
-تعبتگ یخوي وربي يحفظك عضيدي
ابتسمت اله

-اخ سيد مهدي تعب اريدك بس تگوم سالم غانم وانا ارتاح ويروح كل التعب مني

-هوواي تعبتك واهواي داريتني من صار الحادث وانت تشيلني مثل طفل وفوكها اتعصب عليك كد الوجع البيه
وانت ابد ماجزعت ولا مليت وهسه هم تعبتك وهم من اختنك انت تركض عليه
اشلون اجازيك يخوي بس كلي

-تجازيني عفى عليك وانا لو بيه الصاير بيك تعوفني

-حشى والله افديك بروحي

-خلاص يعني الحچي هذ مااريد اسمعه لان انت تچایتي وانت السند وانت الاخ الچبیر وحتی من ارید شي وباي مكان يگولون هذا أخ سيد مهدي راح اخ سيد مهدي اجى اخ سيد مهدي

-ااااي بعد اصبغ بيه

-لاااا حقيقيه ماگتلي ملابسك امي تريد تغسلهن شدگول اشمرهن خاف متعرق بیهن وشما تغسلهن ميتعقمن

-لااااا ابد لادزهم الامي اشمرهن لااا

اخاف عليگم حتی انت صایر ماتلبس اچفوف ولا گمامه

-اغير ملابسك والبس چفوف من گل عقلك
-امان يخوي
كعدت على الكرسي يمه

-وحق الله انت كد ماااطاهرر هييچ احس حتی الگورونا
مالتك بيها شفاء

-ههههه اخ لا ضحگني نفسي ينگطع

-وابو فاضل احچي صدك

-لاااا هذا مرض ياعم جهالي وابوهم

-انت ابوهم وانشاء الله طيب ليش تخوفني عليك

بچیت مغطي وجهي واالشهكه عاليه مد ايده على فخذي

-هاااا خويه مجتبى شو تبچي موو اريدك قوي حتى أمن وارتاح

-اي ترتاح وانه مافگرت بیه ماگلت اخوي ماعنده غيري، تدري بيه من صار الحادث مالتك اربع ساعات ابچي لان بيدي أعظام رجليك واگول یاربي لا تحرمني من اخوي حتى لو بس نفس يصعد وينزل

-سيد مجتبى ليش تذكر الحادث تتعب

-اذكرته لان چنت موشل دم ورجلك صايره قطع قطع وضلوعك مخترقه جزء من رئيتك وكلياتك متضرره وراسك الجمجمه متفطره رب العالمين نجاك

-ونعم بالله

-اي يعني الصار بيك قبل والخاطر دموعي ودموع امي وجدي عشت وزوجت وخلفت كورونا تموتك لاااا حشاا

-بيد الله كلشي عضيدي لا تبيچي امسح دموعك

-انت اخوي الوحيد وابويه وعضيدي وحبيبي والملجاء الالتجاء اله من تضيك بيه هاي الوسيعه..انت تروح الاهل البيت تفضفض تقرا دعاء اناااا مو مثلك اجي الك لان انت دللتني وعمرك مابتعدت عني وگتلي مشغول لااا تحچي هيچ سید‌مهدي

-خووش خووش لاااااانسى محفضتي وينها
-ليش تنطيني فلووس هههههه

-لاااااه اريدها بشغله افتحه

-هاااي حبيبي اخليها يمك لو شنو

-لااا مدد مااكدر اكوم اختنك افتحها تلكا حرز التاج افتحه جواه تلكاه ورقه افتحها اليه واقراهاا لان هاي وصية او رساله من سيد حامد اليه وكلما اريد اقراها التهي اجى الوقت التقراها اليه

-صار تدلل
سحبت المحفظه فتحتها بيها صورة سيد علي ودره ابتسمت للصوره طلعت دعاء التاج

رأسن گال
-شسويت على زوجتك مو كلت شفتها بلمطعم

سديت الحرز وجاوبته

-ابصرحه میسم بقت تاكل ابنفسها تريد اتناوع الها منا صاحبي جايب قرايب زوجته اكلت شيش كباب وانت اتصلت عليه لگيتها حجه وطلعت ابسرعه للمطعم سمعت صوت كعب بس مهتميت المطعم بيه ممر جانبي قبل لا تروح الكراج السيارت

مشیت اختصرته حتى متجي مااحس اله لزمت ايدي حيل  نترت ایدها كل جسمي كزبر كانما كارهه،كاش منها حسيت روحي اريد أجنزها گد ماانتفضت من لزمتها
عطت بيها

-ديرباااااالچ تتقربین مني الي بينا انتهى وراح ولااااا تتوقعين هلگد ذرة حب او احترام بگلبي الچ لان اگرهچ حاقد علیچ بسببچ کاره شی اسمه زواج

-احبگ
ضحكت ومن گل گلبي جاوبتها

-ابد ماتعرفين الحب لو مهما يكون وتحت اي ضرف او اي مسما مترگین بنتچ مو دور اتبیعیها لااا وطلبین سعرها وتحت شروطچ

-ماگو امل
-ابد انسي وانسي شخص اسمه مجتبى انتي غلطه واكبر واخر غلطه بحياتي
مشيت بسرعه وهي تتبعني تحچي وتتوسل وانه امشي اسرع والحمد الله سبقتها ركبت السياره واجيت

-ليش هواي تسالني عن ميسم

-لان اتاكد انت بعدک تحبها لو لا

جاوبته

-اكثر شخص يعرفني انت وعمري ماخشيت عليك شي ميسم حبيتها ويجوز لو صارت مثل متفقنا وطاعتني اعشقها لكن تصرفاتها خلتني أكرهه وبصراحه متندم ندم
مصاير لان احس خطات بحق بنتي قبل لا اخطاء بحق نفسي

-الحياة تجارب هسه اطمئنيت

-ليش طمئنيت عندك مره اليه ماشي بعد ماازوج اله من انت تگول وامي وجدي لان طلعت عن ورگم صار بیه مصار بس وین المره

-هلگثر متلهف علی الزواج ضام الك مره وزينة النساء بس هسه اقرالي الرساله بصوت عالي ولا توكف لان اريد انام

فتحتها وقريت

-السلام عليكم
اما بعد ياارفيقي بعشق الامام الغائب ان ماأكتبه ربما هو اضغاث احلام هكذا گنت اظن لكن حين ذهبت الى السيد قال لي أن الحلم هو بشرى فرحت جدا لنفسي لكن حزنت لاجلك لأنك لديك عائله تنتظرك ام تحبك اخ يعتمد عليك جد يتباها بك أما انا فغريب لا احد يحزن على فراقي((الروئيا تكررت وهي اننا انا وانت گنا نخدم في موكب أنصار الامام وكنا نوزع الطعام فااتى رجل همس في اذني وانت سمعت قال لنا(قربت) اعطاني ورقه صغيره وانت ايضا ولكل شخص خادم موگب في شارع خان النخيله الگل فرح لهذه الورقه لكن حين يفتحها احدهم يجدوها فارغه يجهشون بلبكاء يتوسلون
امامنا ابا عبدالله انت فتحت ورقتك مكتوب فيها بخط كوفي قديم (من الحسين ابن علي الى الخادم البار)
فتحت انا ورقتي مكتوب(من الحسين ابن علي الى الخادم البار)
جميع الخدام يبكون بلا وعي الا انا وانت وعدد قليل  من ذكر اسمهم داخل الورقه سالنه احد الرجال لماذا لم يشمل هولاء الخدام التحيه من مولاي وسيدي قال لنا

بلحرف الواحد هولاء
فيهم من لايصل اخاه
ومن لايعطي حق اخته
فيهم من يضرب أولاده
وفيهم من فيه غضاضه مع اهله زوجته
واخر قولي الحمد الله رب العالمين والملتقى مع الحبيب
الحسين عليه السلام

دموع سيد مهدي تنزل على خدوده بحيث صار يشهك الى ان اختنك كمت عدلت اله الاوكسجين ضربته ابره
كعدت كعود وراه ادلك ظهره واحاچیه
ومتوسط رجلیه جسمه

-لیش یخوي تبچي ليش صحتك موزين عليك

_الحمد الله أرتاحيت عرفت معنى الروئية آمامي راضي عني أموت واني مرتاح وقرب الوداع بچیت تذكرت سيد حامد الله يرحمه من قرينه قصيده(دنيانه ظلام والخدمه ضوه))

_اسم الله عليك ياخوية حچايتك لچمت گلبي

_ كلنا على هذا طريق

_يومي قبل يومك انت هسة زين صحنك اشوفك حتى وجهك منور مو مثل بارحه اصفر

_لاياخوي نفسي جاي يضيق عليه صح احسن من بارحه بس النفس اجرة گوة

كمت اله ودلگت اجتافه لزم ايدي وكعدني گباله وهوة تنفسه ضاق عليه عفت اله الاوكسجين ورة دقايق نزله من وجه وكال...

_اسمعني مجتبى مااكدر طول بلحچي والمنيه صدگ قربت

_سيد شني سالفة هسة بس تاخذ الاوكسجين صيرر احسن بس خلي على خشمك

_اسمع ولاااتقاطعني... عقيلة بمأنتك هية وجهال أنت بعد الله سبحانه راح اصير الهم سند وحماية الهم يحتمون بيك من هاي ذيابة اهلها وعمامك اعرفك گده

ردت احجي  قهرني بكلامه
اشر على حلگه ومعنى اششش خلني كمل ورد يحجي
وكلما يختنك. يعوف الاوكسجين دقائق ونزله ويرد كمل كلامه

_اعرفك انت عضيد ونعم الاخ واريدك توكف الهم سيد علي مريض وگلبه تعبان لاتخليه ينقهر ويضوج متعلق بیه هواي
ودرة الماشبعت منه هاي وردتي يتيمتي امانتي يمك
وامي وجدي لاتخليهم وحدهم صير الهم عون لاتتركهم محتاجينك انت تجايتهم

-كافي مهدي الله يخليك كافي بويه

-لااااتبچي عضيد اخوك اسمعني زين وصيتي عقيلة ثم عقيلة ثم عقيلة اعرفهم راح تنظلم مأمن الهم الفلويس بس انت اريدك بضهرهم انتم ماينخاف عليكم بس خوفي على عقيلة

يحچي واني دموعي صب كلما اريد اسكته يأشر يكمل  حاچیته ابچي ابوس ایده وترجاه

- ليش جاي توصي انت زين اطیب والله

-لاتعبني امسح دموعك مابيه شئ وجيب الكرسي هنا اشرلي مقابيله اريدك تقرأ الي زيارة عاشوراء
ضل يكحح
رفع الاوكسجين عافه على وجه واني مديت ايدي على ايده ولزمته حيل متمسك بي بتفكيري اريده يحس الامان.. بديت اقرا اله زيارة

السَّلامُ عَلَيْكَ يا أَبا عَبْدِ اللهِ، السَّلامُ عَلَيْكَ يابْنَ رَسُولِ الله، السَّلامُ عَلَيْكَ يابْنَ أَمِيرِ المُؤْمِنِينَ وَابْنَ سَيِّدِ الوَصِيِّينَ، السَّلامُ عَلَيْكَ يابْنَ فاطِمَةَ سَيِّدَةِ نِساءِ العالَمِينَ، السَّلامُ عَلَيْكَ ياثارَ الله وَابْنَ ثارِهِ وَالوِتْرَ المَوتُورَ، السَّلامُ عَلَيْكَ وَعَلى الاَرْواحِ الَّتِي حَلَّتْ بِفِنائِكَ عَلَيْكُمْ مِنِّي جَميعاً سَلامُ الله أَبَداً مابَقِيتُ وَبَقِيَ اللَيْلُ وَالنَّهارُ.....الى ان وصلت
اللّهُمَّ إِنِّي أَتَقَرَّبُ إِلَيْكَ فِي هذا اليَوْمِ وَفِي مَوْقِفِي هذا وَأَيامِ حَياتِي بِالبَرائَةِ مِنْهُمْ وَاللَّعْنَةِ عَلَيْهِمْ وَبِالمُوالاةِ لِنَبِيِّكَ وَآلِ نَبِيِّكَ عَلَيهِ وَعلَيْهِمُ السَّلام.

يتسمع ودموعه تجري على خده كلما أتوقف يضغط على ايدي ويهز براسه بمعنى كمل.... رجعت اقرا

اللّهُمَّ العَنْ أَوَّلَ ظالِمٍ ظَلَمَ حَقَّ مُحَمَّدٍ وَآلِ مُحَمَّدٍ وَآخِرَ تابِعٍ لَهُ عَلى ذلِكَ، اللّهُمَّ العَنْ العِصابَةَ الَّتِي جاهَدَتِ الحُسَيْنَ وَشايَعَتْ وَبايَعَتْ وَتابَعَتْ عَلى قَتْلِهِ اللّهُمَّ العَنْهُمْ جَميعاً.
السَّلامُ عَلَيْكَ يا أَبا عَبْدِ الله وَعَلى الأَرواحِ الَّتِي حَلَّتْ بِفِنائِكَ، عَلَيْكَ مِنِّي سَلامُ اللهِ أَبَداً مابَقِيتُ وَبَقِيَ اللَيْلُ وَالنَّهارُ وَلا جَعَلَهُ الله آخِرَ العَهْدِ مِنِّي لِزِيارَتِكُمْ. السَّلامُ عَلى الحُسَيْنِ وَعَلى عَلِيِّ بْنِ الحُسَيْنِ وَعَلى أَوْلادِ الحُسَيْنِ وَعَلى أَصْحابِ الحُسَيْنِ.

قبل لاا خلص زيارة نزل اوكسجين اتناوع عليه وأبتسم وغمض عيونه ونام ضغطت على چف ايده أصابيعه بين ايدي حركهن طمئنيت يعني أكمل ورة دقائق نام و شخررر حتى تعجبت على نومته وشخرر مرة وحدة عفت تعبان ماانايم رجعت أكمل

اللّهُمَّ خُصَّ أَنْتَ أَوَّلَ ظالِمٍ بِاللَّعْنِ مِنِّي وَثَبِّتْ لِي قَدَمَ صِدْقٍ عِنْدَكَ مَعَ الحُسَيْنِ وَأَصْحابِ الحُسَيْنِ الَّذِينَ بَذَلُوا مُهَجَهُمْ دُونَ الحُسَيْنِ عَلَيهِ السَّلامُ.

كملت زيارة ودعيت اله بشفاء حرك راسه وگال

-جیبلي تخت الصلاه خليه على الچربایه
ارید اصلي نافلة الليل

-اطيب وتصلي مووهسه تعبان انت

-عضيدي روح جيبها بعدني محافظ على الوضوء بس خلي على التخت التربه والمسبحه

جبت اله التخت الصلاة خلية عليه مخده فرشت نص السجاده حطيت التربه والمسبحه

عدلت گعدته بدا بصلاة الشفع..اطمئنيت عليه طلعت اخذت الملابس خليتهم بجنطه..رحت الامير بن عمي كتله يجيب ابره وفيتامين زنك بعد للاحتياط..تعطلت تقريب عشر دقايق..

رجعت الغرفة السيد لگیته ساجد ایده الیمنی السبحه وایده الیسری موبایله ابتسمت گلت حتی بصلاة يخابر عقيله

عقمت كوبه شطفته اله..دفيت ماي لان يحب يشرب ماي دافي عليه هيل تناوعت
بعده على سجدته..

الموبايل اصبع السيد ضاغط على تسجيل صوتي وخرت الموبايل ايده بيها برودة حاچیته
-سید مهدي
ماارد عليه شلت  راسه من المصلى  سيد مهدي حاچيني ماكو  گلبي رجف مااريد أصدك ولااافكر هنة مو هواي گلها
دقائق من حرك اصابيعه وحسيته يتسمع

سيد مهدي ماتسمعني شنو فقدت وعيك
بقيت احرك بجسمه اريده يگعد ماگوو عليت صوتي

سيددددددددد ليش ماتحاچیییییییني خويه لاسويه بيه محلفك بحبيتك السيده الزهراء بعلي اموت وراك ابعلي مااتحمل بعلي مااگدر لادگ الناقصه باخوك موووو عوايدك ليش تريد يتگطع گلب اخوووك
ابو علي هاااي صدك ماتحبني اذا متتتت

لاااا ماميت انت المثلك مايموت انا اموت امي جدي بس انت لاااا ابنك شنو اگله لیش تخلیني متفشل..نصيت جسمي عفت راسي على صدره اسمع تنفسه لااا هاي صدك ماگو اي نفس صحت بصریخ قوي
وحاضنه وجهه ابوس بيه

-خوووووية لاتكسرررررر ضهري عضيدي

دخلو دكاتره بزيهم الابيض المقنع اشرو الي ابتعد منه بقو يفحصون بي ماگو اي نتيجة اخذو چرچف المتغطي بيه وغطو وجه

صحت بیهم

-وخرو موخوش اطباء هذا اخوي تعرفون يعني عايش شوفو هسة چان يحاچيني
وضام اليه مرع

شوفو گاض أيدي سيدددددد مهدي لااااا تعوفني  عضيدي ترى لاتشوف هذا الطول انه جااااهل مضيع امه بلياك منو اليه بعدك كسرت ضهري

اجى امير يلملم غراض السيد ويصرخ ويصيح اگعد ابن عمي اطلع اخوك مرتك منوو الهم
عدت حاضن رجليه ابچي طلعوني ثنين دكاترة اصدقاء سيدمهدي ماقبل شگیت قمیصي صحت بيهم

-مااااعوفه اخوي يحتاجني لااااطلعوني سحلوني اربع ممرضين تدافع بيهم

- عوفوني ماشبعت من اخوي  وگم خوية ثاري تعرف راح تموت ووصيتني بأهلك گعدت بلگاع مثل الام ومضيعه ضناهة صرخت ابچي فقدت مااضل عقل براسي

گاعد بلگاع والطم علی راسي املش شعري گد ماشدیت شعري گطعت بیدي هواي احاچيع خوية انة منو توصي عليه انة بقت وحيد لا أخ لا اب لا أخت لييش ماكسرت خاطرك ماگلت عضيدي محد اله
ررربي اريد اخوي مالي غيره هوة ابوي واهلي

شكول لمرتك هية متانیتك تجي امك امنا
راح تجيك وتشوفك وابنك علي وكسرته بيك شلون

سمعت صووت صريخ جدي وعايطه

-لكككككك مجتبى وليددددي أمهيییدي وين لااتكللي عافنه ربي دفنت ابوه بلوعه والله مابيه ادفن الاعز من الولد ولد الولد
ربي راح ابو شهيد ودفنته احتسبته عندك
مانكسرت لان عوضتني بولده يارب تالي تاخذ واحد منهم مهیییییدي بوووووويه
مصاااابك اكثرررر من ابوك

كمت الجدي  العوچیه بیده ترجف طاح حضنته قبل لا یصد للگاع نبجي واشوف امي تمشي وتصرخ تصيح وليدي مهدددي
تچیت جدي عل حايط رحت الامي حضنته اصرخ ويه صريخها

-وچ يمااااااااااااا ماااااااات اخووووووي ماااات عضيدي

دفعتني من حضنها  لطمت على وجه تخرمشه الدم صار خطوط بخدودها نترت

- ولك ااااااامشي چذب الخبر مامات ابني الله مايكسرني مرتين دفنت ابوه بس ماادفنه يمااااااه وليدي  يمه مهدي اليوم جايبه مرتك تريد أشوفك  يمه ابوعلي چبيري ورفعة راسي

تخربطت امي شلتها اخذتها للاستشاريها نومتها على السديه صعد ضغطها ركضت الجدي اكومه مايتحرك

سمعت بعقيلة جاي مستشفى رحت اله واشوفها الدم تارس چادر الصلاه ماعرفت اشبیها ویایها اخوها  فاقدة واعیها كلمة
-حبیبي ماامات سيد بعده عايش

حلگي يابس اريد اعوف الگل واروح الاخوي مشيت مستند على الحايط امير يدفع بسديه ويه الممرضين ركض عليه انا وياه نهارينه اكثر من شفناه وزادت علينه عقيله حتى حسيت راح تفقد عقله

اخذته الفرقة للنجف وانا وراهم وصلو للمغتسل دخلواا نزلت بس اني ووجدي وامي وعقيلة ضلو بسيارة گتلهم
ابقو رايح للمغتسل راد جدي ينزل مقبلت

-گااافي تعبوني انت مريض وماتتحمل الموقف شوف سيد مهدي

دخلت للمغتسل گتلهم

-هذااا اخويه بيدي اغسله محد يغسلة

-تننعدي هاي مهمتنه موزين عليك بقو يلحون ويجادلون  رفضت وصريت

-اطلعو انا اغسلة بيدي والوحدي لبست مثلهم البدلة دخلت للمغسل ولكيته عايفي على دچة المغسل مغطين جسمه بس راس مكشوف رحت للباب قفلته مايريد احد وياوي بس انه ويا

وكفت يم راسه ودموعي تنزل لابس المقنع وحاچي..

-خويه مهدي تذكر من چنت تسبحني قبل ليش انا مااااااسبحك وغسلك اله للموت ابوعلي اكعدايدي على وجه تلمسه اشلون راح  تعوفني وحدي دنكت على ايده
بديت غسل واني اقرأاا بلادعيه وابچي

يارب لا نزكية عليك ، ولكنا نحسبه أنه أمن وعمل صالحًا، لإأجعل له جنتين ذواتي أفنان ، بحق قولك "ولمن خاف مقام ربه جنتان".يالله بشره بقولك " كلوا وإشربو هنيئًا بما أسلفتم في الأيام الخالية ".اللهم إني جاء ببابك ،وأناخ بجنابك ، فجد علية بعفوك وإكرامك ،و جود إحسانك .

كملت تغسيله ودعته رحت صحت باقين نكمل تجفين  طلعنا للامام زورنا وراه للمقبرة شايلي انة ولدد عمي بدو بحفر القبر گلت للدفان

-طولي بطوله خليني اقيس

طفرت للگبر تمددت بلحد التراب حاررر بچیت الا ان صاح الدفان

-اطلع یخووي اكرام الميت دفنه

طلعت كتله

-اشوي من الرجلين المكان ضيك على اخويه عرضه وعدله

نزل رتباه طلع التراب(شلنا الجثه انه وامير وسايق كرايبنه نرفعها ونزلها تلث مرات)الى ان دفناه كعدت يمه احاچي

عقيلة تصرخ وتبچي عرفت ام عامر هية الكاتلته وگاسرة ايده تحلفت ام عامر هل مرة مافوته سلامات بعد اخوي ماندفن وتهجمت على مرته

رجعنا لبيت والتهينا وية ناس والمعزين بس مااراح  من بالي لحضة اباوع الديوان متروس زلم ادوره بلوجوه  ماكو عضيدي بجيت وطلعت منهم اغسل ..المغسلة بعيدة عن المضيف قريبة للمطبخ..

كملت تغسيل وانشف ايديه بلغترة سودة على اچتافي و اشوف مرة دخلت تعرج
وبحجابه مغطيه نص وجه طالعه عيونه مضروبه مزورگه تقربت مني من شافتني رجعت ليورة تعرج وغطت وجه بلعباية
عرفته ام عامر من كصره وخوفته مني صحت بيه

_شعدج جاية يصفرة

_جاي اعزي امك

_اها ياالحنينه جاية تشمتين رجعي وكسري الشر من الزلم ..

_ماارجع وعمك جابني عفيه ناس بعد شيسوي بيكم الله حتى تنگسر عينگم

_اطلعي لاتخليني ارتكب جريمة بييج مااريد عزاچ وشماتچ

اجة امير ابن عمي  سمع صوتي

گال
-شكو سید شني سالفة

- اجت مرت عمك فوك تعديها على زوجة المرحوم جاية للبيت وتكول اعزي الوالدة خليه تطلع لآن اني متحامل عليه

-شبيك محروك دمك على زوجة اخوك چنك عندك سويلفه وياهه..

ماحسبت تصرفي الة هجمت عليهة گضيته من عبايتهه اسوحل بيه تخبلت بساعته گلتلهه اليوم يشيلوچ للنجف دفاانة ياعگربه

هية اتصيح
-ابوووعامر الحگلي وامير ايريد يبعدني عنهه ما نزعت الغتره لفيتها  براسهه اسحل بيه حالف عليه اليوم اموتهه وادفنه

سحبها مني سيد امير وهية تصرررخ
ياا الله أكبر ظالم يجيك يوم وتموت مثل اخوگ وولگ رااح التتباهى بي وعينگ مانگسرت..

بس حوبتي ماتتخطاكم ان شالله بعد شيسوي بيگم الله دمرگم دماار وطشرگم و هل موت عزازگم ومافاد بيگم بعينگم الصلفة
المتنگسر

گمزت  ادفرت أمير حتى يبتعد عني اريد الوحهه وهو مايخلني حتى تيشرت لابسه
شكيته من حرگة گلبي وشماتته..

جرهه وطلعه  من البيت واني كعدت بلكاع ابجي واصیح

-ولك خوووويه چبیر الگوم اچلاب بعدك اجتنه اجتي امي كعدت گبالي جايبه قميص الي ..

شفتهه ذبلانة عن امس بچم ساعه راح حيلهه ونشعة وجهه انطفت شهگت من شفتهه وصرخت..

- يمه اريد اخووي يمه اريد احزام ضهري…
بقينا متحاضنين ونبجي اجوي علينة گومونه ..
گومني امير وغسلت ورحت لديوان كعدت يم جدي واشوف عمي ابو عامر يخابر ويصيح اني الة لاا اربي ..

واجة بتجاهي وصااح

-وولك مجتبببى اخوك وراح منو يكضك منييي

كمت اله عرفته علية جاي وصلتله الاخبار..

مد ايده وكمشني من ياخة قميصي

ـ ووولگ شلون تضرب وتطرد مرت عمك ماستحيت

دفعتوايده
ـ خل تستحي هية اول واذا ماتعرف تربيه اني اربيه الك

رفع ايده راد يضربني دفعته بگل حيلي وطلعت گل قهري بي وگع بالگاع وصرخ على جدي

-بوويه  الحگني يااابا سيد باقر..
لزم رجل السيد ودفرة جدي بعيد..
يتبع

..........
واليسال عن كيف نثقف اطفالنا على القران
1250 طالبة تحتضنها دوراتنا الصيفية

أطلق قسم الشؤون الدينية /شعبة التبليغ الديني النسوي و بالتعاون مع قسم دار القران الكريم في العتبة الحسينية المقدسة ، الدورات الصيفية للفتيات في المرحلة الابتدائية والمتوسطة، حيث يكتظ حائر باب الكرامة بأكثر من 1250 طالبة .
وقالت مسؤولة وحدة الدورات  الاستاذة نجاح الموسوي :
الهدف من فتح الدورات الصيفية من أجل استثمار الوقت الثمين خلال العطلة الصيفية بما ينفع فتياتنا العزيزات، ويثري معلوماتهن في مجلات علمية وثقافية مختلفة؛ وبينت أن برنامج الدورات حافل بالدروس الفقهية والقرآنية، والعقائدية بالإضافة الى الورش التنموية ..
علما بأن الدورات مستمرة طيلة العطلة الصيفية، أي ما يقارب شهرين ، و أن العتبة الحسينية تتكفل بتوفير وسائط النقل لنقل الطالبات من دورهم وحتى مرقد الإمام الحسين (عليه السلامُ) وإعادتهم بعد انتهاء الدورة.
.
تصوير : حنان عبد الأمير

.
#العتبة_الحسينية_المقدسة
#الدورات_الصيفية
#ياحسين