رواية عشق المومنين(أبناء الساده) الفصل الخامس وثمانون 85 - بقلم نازك الحمراني

السلام عليكم..نسالكم الفاتحه لروح اختي
والدعاء لوالدي بصحه والعافيه.. متابعيي اي شي او خاطره او كلمه او حتى ورد ياخذ من رواية عشق المؤمنين ولا يذكر اسمي يكون غير مبريء الذمه الى يووم القيامه لان ماكتبه هو خاص بي
وليس اقتباس او نسخ(غير مبريء الذمه الذي ياخذ حتى لو كلمه من روايتي ولايذكرها او يذكر اسمي..والكلام ايضا لرواد صفحة الفيس  الشخصيه)

شكرا لادمن ganah01298631 علی الغلاف واشكرا لابداعها

......
قال تعالى (لا يكلف الله نفسًا إلا وسعها)
جميلة هي هذه الآية، تخبرنا بأن البلاء وإن كنّا نراه كبيرا وعظيمًا وشديدًا
إلا أنه مُفصّل على مقاس تلك النفس،اي على مقياس انفسنا وتحملها ...وإلا لأصبح
تكليفاً بغير المقدور... وهذا ظلم، وحاشى الله تعالى ان يبدر الظلم منه.
......

أُماه فاطِم...
الكلُّ يقول إحتَضنِيني؛أنا لا أُريدُ عِناقًا يُؤلم ضلعكِ المكسور،أنا تَكفيني مِنكِ نَظرة،أقسَمتُ عَليكِ بِمَن هَشَّمَت أضلاعَهُ الخُيُول،أن تنظُري، فقط تنظُري لمن فارقت روحهُ روحي فشهيدي يُلازمني أثره كفراشة تدور بين شُغافِ قَلبي..
هو الحبيب اللامَنسيّ رحلتُ عني ولم أغادرك
فحبّ لا شفاءَ منه، يُرحِّبُ به قلبي المريض
وَيتناولُ الأدويَة ضدَّ التَعافي منه
شهيدي لا أعتقد بأن ما سأكتبه كافٍ لوصف ما أشعر به، لكني أشعر وكأن أحدًا وضع جبلاً على رئتي
لأَنَّي لا أستطعُ لَمْسك،
فقط أَشعرُ بـِ قَلةِ حيلة كمَا لو أننيِّ ولدتُ بلا يديّن حبيبي  الموت حط ايده على ديرتنا
لا دنيا تقارن بك ولا وطن يُغني عنك

عقيله// تعبانة وجسمي يوجعني خياط براسي يحگني يمگن لان لابسه النقاب وعرگت على الجرح ..
كاعده بصالة النسوان داخلات طابات وعمتي على جهه تصرخ وصوتها عالي امي يمي مره تبوس بيه مره تسالني شلون صرت انتبهت على نفسي هاي انه بيت سيد باقر شجابني
التفت يمنى يسرى بديت اسمع صوت عركه وصياح وهوسة رجال زين شلون اجيت هنا
لازم اكوم ارجع لبيتي لان سيد مهدي گال وحلفني مادخلین البيت جدي لان نهانيتي بيه ماتعتبي ابد
وگلي انا اروح لان همة اهله وصلة رحم لازم ايواصلهم بس انتي ممجبوره ترحين للمكان مابي تقدير
عدلت النقاب لزمت ايد امي عصرتها اتوجيت عليهه وووكفت هي لزمتني تحاچیني

-يمه عقيله وين وين
اشرت الها بصوت مبحوح وباوتار صوتيه مترهله
-الـ...ـبـ..ـيتـ..ـي
-يااااا يمه عزااااا مايصير أكعدي
-مااابقى هنااا السيد يزعل
أجتي العلويه زينه يم امي تحاچني
-ها ام علي ووين
-سيـ...ـد....مهـ...ـدي.. مايقبل ادخـ...ـل
عفتهن تمشيت أريد اطلع صار جدامي الطرمة البرانية موجود بيهه مغسله واكفه يمهه مريه لابسه عبايه وتغسل وجهه…

اجيت اعبر  التفت عليه لنهه هااااي ام عامر گالت وهیه تنشف وجهه
-هاااا يا‌المبخوته ماخليت عمل ولا فعل بيچ‌ ماسویته حتی تخرب حیاتچ ویاااااه تالي صارت حلوه ماخليت سحر عقم وعجز عن الحمل تالي عاندتي وحملتي وجبتي ولد وبنيه

سويت سحر الفراق  ومتفرقتو زاد حبكم حسدتكم وهم ماااافاد تالي اجت ضربه من الله طيحتگم...
ضربة الله احسن من ضربة البني ادم ضربت الله ماتخطي

ابتعدت منها غصه بگلبي لا صوت اليطلع ولا دمع يننزل
او ام عامر مستمره بشماته للساني حالي يردد
((مولاي يامهدي خذ بيدي من طارق الزمن ياابا صالح دركني.. امُاه يازهراء رأفة قلب الحجّة أمسحي الم قلبي
فـ شهيدي راحل اليكم وانا أنعاه صبرآ من صبركِ
أماه فاطم  خبر شهادة حبيبيى كذبه لن اصدقها
آماه روحي متعبه رتلي على قلبي ايات الاطمئنان))

ماوكفت استمريت امشي او ام عامر ادفع بيه وتغلط وانه اكرر(مولاي يامهدي خذ بيدي)الى ان لحگتني عمه زينه تصيح

-ام عااااامر الله ياخذچ شرایده من البنیه فوک نگبتها برجلهااا روحي  يلمريضه
ردت بعصبيه
- شررايده ..چنت مارایده  شي منها ومابگلبي شي عليها بس من جابت جهال المهدي وخلت اسمه ابو فلان منا كرهتها وصرت ماطيقهه
-ونوووب عینچ علی الجهال الله لا یوفقچ‌ ولااااا آکول الله يشافيج

يشفيني ووولچ منوو گتل عامرر هووو گتل ابني ودفنة صارلة سنين وتالي يصير ابو فلان بس عثرات الله شگد حلووة مي بارد على الگلب تنزل ضربات الله قويه

- انتي مو طبيعيه ماعرف عليمن محسوبة لا على بشر ولا حيوانات  حتى الحجر يستنگف  تتشبهين بي
ـاي اي اي  لان احچييييييي كلمة. الحق

ـ وووچ یاااااااااااحق الله يگسر حلگج ويفلشة ياحق التتبجحين بي هاي اسمهه صلافه نذاله شماته حقارة ماگو تسمية توصفچ وتوصف العملتي وحچيتي وسويتي ویه هاي اليتيمه

ـ اااااوي مااااا اريد اغث روحي ورايه غدة ثريد ولحم خاف يصير عندي عسر هضم من ورة غثتج خليني فرحانه وگلبي  ناصب عرس واروح اكل للحم بجااااااال مهيدي

ـ الله لايهنيچ وسم الهاري بگلبچ ينزل وحسبنا الله ونعم الوگيل عليج.. ااااشوف بیچ یوووم
شماتت ام عامر سهم حاد اخترق نص گلبي تعيرني بلي چان مثمني جدامهاااا

مشيت ورجليه تاخذني ومادري شنو ديصير ويايه سمعت صوت امي تصيحلي
-وو‌چ عقیله ووین هاااااااي بنتچ تبچي تريدچ
التفت البنتي بس گلبي مو يمها يدور سيد مهدي خليت ايديي على راسها مسحته ومسحت راس سيد علي لازك بيد غفران مثل ما واحد يمسح راس يتيم  عفتهم ومشيت امي تصيحلي وغفران و سيد علي عفتهم وطلعت من الفاتحه
تقربت عليه غفران لزمتني حيل من زندي بعصبيه بس وين اليفهم سيد مهدي ميقبل احد يعاملني هيچ نصیت راسي كالت

-حبيبه وووين رايحه
تناوعت الها بنظره حاده نترت ايدي
-انتي كلششش تعرفين هنا ماالي مكان اريد اروح لبيتي سيد مهدي راح يجي وهو ميقبل ادخل بيت جدة يصير عصبي  وهو مريض ماريدة يتعب

-وووووچ  عقيله شبيج

- شبية مابیه شي اريد ااروح البيتي وخري عني عوفيني
سحبت ايدي منها مره ثانيه مشيت بلا وعي سمعت صوت سيد مهدي يصيح (قارورتي،حليلتي) ابتسمت بفرحه ترست گلبي.. هو عايش وجاي يصيح عليه
محد انتبه عليه وحتى لو ينتبهون امي وغفران ورايه
امشي ورى صوت السيد ابتعدت عن السرادق بيت سيد باقر بعد عن بيتي مشي عشر دقايق  وصلت البيتي،اريد افتح الباب ماينفتح مقفول عمه زينه اجت فتحته اليه رغم متفاجاه ليش المفتاح عدها مو عندي 

دخلت الحديقه جاي تذبل الطرمه هوسه هاي الطبله مكسوره هنا دم بلكاع اظن هذا دمي بس سيد مهدي يحب الترتيب يحب كلشي كامل ونظيف ..

لااا لاااااا ما اخابر العامله متلحك تجي انظف انه و هو من يجي يساعدني حتى نغسل الطرمه سوه مثل كل مره هو يلزم بيده فرشه طويله وانه ماسحه وننظف سوه اي مااخابر العامله احسن سوه نظف كلشي احبه من يشغل ويايه يبقى يونسني
الشغل وياه حلو يشاقيني ويضحكني ومااحس بتعب ردت ادخل للصاله كلشي مقفل

سمعت صياح هذا صوت سميره شنو منو شجابها التفت هاي مرت ابوي ا ابوي وياها وياسين ابن عمي ورامي اخوي و امي وغفران ومنتضر يجادلوهم ..ويصيح
-المن جااأاااين عووفوهااا

سميره تعيط
-هاااا تصيح بوجه خالك ام غفران لزمي ابنچ
-سمیره اشرایده منه
-ماریده منها شي بس بنت ناجيه انه وابوها خايفيييين
عليها وهذا ابن عمها يعني ابن اخوووووچ صح لوو لاااا
-ابن‌اخوووچ طول عمره رایدهااا والماتعرفییینه یاسیین
قبل مده لح ودک واصرررر علی ابني رامي اله اشوف بيت عقيله ورجلها
يله اصدك هي مزوجه وبعد انتي وفهمچ

عاطت غفران
-شووووفي يامرة خالي والله لووو مامرت خالي چاااان هذا اللسانچ کصیته شنوو رامي شنوو وياسيين ولكم وانه من گالت عقیله رامي اجى البيتنه گلت اي والله بلكن صار براسه خير  وحن على اخته طلع من صدك هذااااا ابنچ وتربیتچ

-شعبااالچ شنوو راح الزراک عیونهاااا شوو عایشه بنص الخیررر وماتذكره بربع دينارررر موو اخت عدوووه چان نقهرت علی  حال ابوهاااا بس هووو ینقهر علیهاااا

بقت التفت یمنی یسری وضايجه لييش هسه يتعارگون شبيهم راح يجي السيد ماريد ينغث أفتح عيني واسدها گأنو شي مانعني اتواصل وياهم ماكو اي لغه او لهجه اكدر احاجيهم بعد فصلت عنهم

بس بداخلي خفت ورجف گلبي اريد سيد مهدي ياخذني
من الكل مثل قبل اريدة يبعدني عن هالهوسة..
صوت سميرة تصيح وتعيط متحملت صوتهه رجعني العذابها وظلمها  سديت اذني بأيدية لان تصيح

-عوووفونا من مووتت المرحوم بنتي عقيله سوده عليه
فوك ماچانت یتیمه هسه ترملت ورب العالمین منطیها جمال صار نقمه علیها ارمله حمره بيضه تكعد وحدها
لا وفوكها ولساده كلهم بيت يم بيت وكل بيت بيه تلث ااااربع شباب شني بله منووووو يرضاهااااا على نفسه
رد ابوي
-لااااا منرضى اكيد

سميره كالت
-اي منرضاها وذا رضينا خوب اانركب گرررررون براسنا ووونسگت ابو رامي ولك يمه راااامي جيبو غراضنة وخلي نكعد يم اختك هنا عيب نعوفها هي وجهالهه لوحدهم شيگولون ماعدهم غيرة

اجة عم سيد مهدي الثاني عاط بقوه
-بيت ابن اخوووي وحلالنه وفلوسسسسنه محد يوصله محد يكعد بيه حتى عقيله ماتكعد بيه اصلا مال ابن اخوي…
وابن اخوي مات تگعدون خطار يووم يومين گعدو ..
بس تعیشون بیه لااااا

سميره صاحت
-لييييش لاااااا هااااا غير بيت بنتي وحلالها لاااااتخلونه ناااخذه منكم بلمحاكم
عاط
-لااااا بيت بنتكم ولااااا صخام وحتى هي ماااتكعد بيه فاااااهمين فااااهمين

صاح ابو عامر
-اي بيتنا وحلالنا وليعيش بيه تصير موزينه ونسويهه دم للرگب

غفران
-ووولكم ظلاااااام الله اكبر الله اكبر  لاااااموت يلزمكم ولااا عزززا هسسه دفنتو شاب مثل الورد وانتم بعدكم شگال البیت وشحچت الفلوووس حرررام علیگم اختي تردون تموتوهاااااا

كال عم سيد مهدي
-ومنووو موت اختچ گلت البیت ماتعتبه بعد
امي وخالی یتصایحون‌ وبنص هالهوسة هاجس بداخلي يهمس صوت عشقي حبيب روحي وامان خوفي يهمس
((قارورتي حليلتي) نزلت ايدي من اذني حتى أسمع من وين يجي صوت سيد مهدي تمشيت بگلبي دمعه تجري وابتسامه تحچي جاي صوته من المطبخ اروح اله بلكن
اخذ رخصه من الموت ورجع اليه

صوت مرت ابوي هنا وصوت ام عامر وعمام السيد وصياح خالي ومنتظر ورامي دخت بخوف هسه ياذوني اروح السيد مهدي يحميني منهم متوجيه على الحايط مشيت للمطبخ عسى اشوفه ويخلصني من هالگابوس
فتحت باب المطبخ مچانت مقفولة دخلت لگيتة گاعد على ميز الطعام البلاستك ويوگل الجهال بيدة
مبتسم  ورفع راسه ابتسم الیه تقدمت وسحبت الگرسي حتى اگعد يمة مارفعت عيني منه حچيت بهمس

ـ سيد مهدي عرفت انت عايش بس محد صدگ بیه.  سيد بس مارد عليه حتی  الجهال ولا گأنو شايفيني ياگلون ويضحگون واني اتناوع ويدي على خدي رغم محاسين بوجودي

رفعت النقاب مديت ايدي اريد الزم ايد سيد مهدي وگلشي تلاشى ماكو سيد مهدي بلحضة فزيت من مگاني شفت ميز الطعام مگلوب والگراسي مشمورة وگلشي مو بمگانة بس الگرسي الگعدت عليه ثابت اتلفت ادور عليه مثل مجنونه هذا عطره والله چان هنا

رکضت الغرفتي فتحت الباب ماكو سيد مهدي ماكوووو
يمي سلة الملابس هذا ثوبه جريته رفعته الوجهي اشم بيه اريده ياربي اريده والله مالي غيره فدوه ياربي حن
على حالي ورجعه اليه والله انه اكسر الخاطر بلياه والله
ربي راح اموت من وجع گلبي ربي اريده حضنت ثوبه كعدت بلكاع احاچي الثوب(( حبيبي لا يعرف احد قيمة العشق  حتى يشرب من كأس محبته....ولا يذوق من الكأس حتى يجلس على بساط الحبيب واي بساط  انت
كنت المرفاء والحصن والدار والديار))

غائبي ياابا صالح ايها الحجة المنتظر
بحق ضلع أمنا الزهراء على يقيـن أنـك تـرد سـلامـي .
حـيـن أسلم عليك.. فأنت معي السـلام عليك يا روح الوجود ... ونفس المخلوقات اريد الامان يبن الزهراء
اطلب الموت اين الاقيه

جفلت الاصوات الصياح والعراگ صار اعلى ألكل يريد وانه بس حبيبي اريده لفيت الثوب دخلت الغرفتي ضميته جوه الچربایه  حتى محد يلمسه جاي اطلع من باب الغرفه وصوت ابو عامر يصيح

-البيت بيتناةكلكم طلعووو گلبي خفك بقوه من الرهبه من الخوف  الضغط راسا وگعت للكاع
اصوات رکض  صياح چنت حاسة وواعية على گلشي وعيوني شوي مفتوحه بس ماگدر اتحرك ولا اگدر افتح عيوني گلهه... والنفس گوة اجرة ..

الكل يهز بيه عبالهم متت..أنشاليت لگن مگدرت الف راسي و اشوف منو شالني سحبت النقاب غطيت وجهي حسيت السياره تمشي بينة الوياية مخبوصين يصيحون
بهت كلشي بعيني وتالي مادري بعد شصار
فزيت اريد احرك ايدي ورجليه لكيت نفسي بلمستشفى وجهاز القلب يدك براسي صوته راعبني ماكدر اتحرك بايدي وعلى صدري لاصقات النبض اريد اشيل راسي لان
احس نفسي متجرده اشيل ايدي شفت حتى اباصبع الابهام مكبوس بيه جهاز النبض شفت غفران كاعده لازمه قرأن تقراء يمي وتبچي

تذكرت من مات عباس هم كعدت يمها اقراء قران حتى ترتاح وتنام وهسه هي عادت الدور شنو قصدها سيد مهدي مات لااا المثله مااايموت ولا يندفن اريد اشيل راسي شفت صدري طالع همست بكسره وصوت ناصي

-غفران ستريني الله يسترچ

گامت علیه خلت القران علی المیز بعد مباسته تحاچینی
-هااااا حبیبه اشلونچ

-ارید سید مهدي محتاجته كلش فدوه صيحي اليه اريد اشوف ليش راح ومافكرررر بيه زين هااااي الناس ليش مالتزمت ليش ماگالو علیه خطیه رجلها مریض ويساعد
ماگالو نلبس گمامه حتی سید مهدي يعيش وانه اعيش
ليش مهملين بسبهم و من وراهم تيتمت للمره ثانيه بس هل مره طعم اليتم يوجع غفرررران يوووجع والله يوجع

كولولهم لبسووو كمامات خل العالم كله يلبس كمامه ويتعقم بلكن يرجع اليه سيد مهدي..اي لازم يرجع اليه انذليت من اول ساعه مات بيها وهسه بعد راح انذل
قبل من انذليت هوو اجى ساعدني وخلاني احبه واريده
حسسساني انه استاهل اعيش مو انكتل على خبزه زين هسسسسه منووووومثله كوووووولي منوووووووووو

ليش محد يحبنا نعيش سوه انه وياه الدنيا والحياة وام عامر ومنتهى والحظ الكل مايريدنه نعيش سوه الحد مااجت كورونا حققت احلامهم

_كوووولي ياارب عقيله كووولي يارب نادي ياحسسين

-كلت بس نار گلبي قويه غفران منو يطفيها اريده اشوفه
هوو اذا ميت ليش ماجابو اليه...انه مرته مفاركني تلث ايام ورابع يوم..مايتحمل هيچ فرراك ليش اخذتو مني

غفران/
تهسترت عقيله تضرب وجهه حيل تحجي بصوت ناصي
كان ماتريد احد يسمعها كاعده تخاف من الكل بس خفت
عليها صحت امي دخلت تصرخ عليهااا انخبصو بيهاااا
حضنت عقيله وتبچي
-يمه بنتي يووم كاااامل وهسه كعدتي يااارحمتك ربي الف شكرر ام البنين الماردتني تعااااال ابو علي كعدت عقيله كعدت

اجى ابوي  چان شابع بچي حضن عقيله كالها
-امانة خيتي ناجيه شسوووي وشبيدي عليچ یاخاليي وووچ هدیتي حيلي

-ووين سيد مهدي

-لا حول ولا قوه الا باالله بنتي انتي قويه وراچ جهال

-اي بس اريد رجلي خالو الله عليك وين اروح وين انطي وجهي وهيچ گلبي يوجعني وياذيني خالي كل دقيقه
يعصرني عصرر شسووي رحم الروح اختك محد نطاني خبر عن سيد مهدي رغم عرفت  صارلي يوم كامل بلمستشفى يوم گامل انا بعيدة عن سيد مهدي ويجوز صدك مدفون جوة التراب وانه هنا اتنفس هوى لزمت امي
ـ سيد .. مهددي وووينه
صرخت امي
ـ يمعوودين اطباااء دكااترة. ممرضيين بننتي راح تروووح من ايديي
ـ يمة مابية. شي اريد ررجلي ااريد السيدد اخذوني للسيد اريده اريد اتاكد هووو مات ماشفت
ررحتي وياهم بدفنه
راسي راسي چان مسطور من ضرب ام عامر چان گلشي
يوجعني وچذب نفسي اكول عايش اريد اشوف رجلي

عاطت امي
-شنوووو تشووفين بعد تررراب يمه
تهسترت وصرت اصيح
-اي اريده اريده يمه
لزمني من جتفي خالي وگلي
ـ بس اهدئي واني اخذج والله العظيم
جريت ايده ابوسه
ـ اانت حلفت خالو الله يخليك اخذني
ـ صار بس اهدئي واخذچ

على صياح امي اجت الممرضه راسا هدئت گدامهه حتي لاتطيني دوة ينيمني حجت شوي وية امي وويايه وكلت للممرضه
- بعد ما اتعصب بس لاتنيميني ماريد مهدء
-لا عيني ماگاتبلج الطبيب هيج ادوية لاتخافين بس صيري هادئة حتى لاينطوج مهدئات وتنيمج…

بقيت ساگتة وگاعدة بمكاني شالت الاصقات ولمت الجهاز گالت بعد ما احتاجة حركت نفسي شوي لان تعبت من گعدتي..كالت امي

ـ اساعدج بشي بنيتي
ـ اريد اروح لسيد مهدي
تقرب عليه خالي يبچي مقهور اجى يبوس راسي لزمت ايده ورأسا بستها
- خالي بداعت علي ابنك واخوي اخذني السيد المهدي بعد ما اگدر ماعندي صبر
ردت امي
ـ وج بنتي انتي حامل وكوة مثبتين حملچ ومنا الجروح مالت الظالمة. تارسة راسچ وجمسچ
ـ لو موواتة همين اروح الله يخليچ يمة لاتوكفين بطريقي اريد اروح تاخذوني لو اخذلي تگسي يطلع بية للنجف

رد خالي
ـ شنو هالحچي بنتي شلون هيج تحجين واني واكف يمج وبعدين وين تندلين تروحين لوحدچ
ـ اخذوني ابوس ايديكم والله بعد ماكدر خلص صبرري
ـ صار خالو صار بس خلي يطلعوچ من المستشفى واخذج
ردت امي
ـ كل عقلك ابو علي تاخذهه

ـ النار البكلبهه بس اني وانتي حاسين بيهه ناخذهه بيدنة ولا تطلع واتيه لوحدهه…
من  گلي خلي اخذچ رد الحيل بية نزلت رجلية ولبست الشحاطة صرت وية الگانولة عرف وگمت اعرف استعملهه سديتهه وفصلتهه وامي وخالي يحچون عليه ويرزلون بية بس اني ما مستوعبة ولا اسمع حچیهم اجتي السستر ترگض عليه ماهتميتلهه راحت وجابت الطبيبة

ـ وين رايحه ترة بعدج مخطورة
ـ الله هو الحافظ اختي اريد اطلع عندي زيارة مهمة
ـ گلشي يتأجل لغير وگت اهم شي صحتج وصحة الجنين

ـ اذا الله گاتبلنة نعيش ماگو شي يموتنة لاتخافين…
التفتت على خالي وامي كلتلهم
ـ قابلين بالدتسوي ترة على مسؤليتگم
راسا جاوبتهه
ـ على مسؤليتي اني ..خالي وامي معليهم…
،،، جابتلي ورقتين وقعت عليهه وبصمت باصبعي ورحت للحمامات غسلت و غيرت ملابسي  وطلعت ..

صعدت السيارة ليورة ويه غفران وامي وخالي صعدو مشينة شوي
وروحي تايهه مكاني مو هنا مااعرف وين اروح حتى جهالي ماافكر بيهم  ووگف خالي
كالت غفران
-يمه وين راح ابوي
-راح يشتري بطالة مي وعصاير و كلتلة جيب برتقال لان گلولة تحتاج سوائل جابلة كيلوين برتقال واشترة سجينة وية البرتقال

من شفت السچین فرحت هي هاي الجنت ادور عليهه..
من طلعنة من المستشفى امي وخالي مادري عليمن خابرو وسدو وصلو غفران البيتها واحنه وتوگلنة. على الله ومشينة

نوبة يمشي سريع ونوبة بطيئ حسب الشارع من يگون طسات يمشي بطيئ…
تجيني تقلصات وتروح شوي اتمدد وشوي اگعد شوي اغير گعدتي ..ماگو ازدحامات الشوارع فارغة  مگطوعه حضر تجوال خالي مشانه على طرف ترابية وخارجية حتى نروح للنجف وصلنة نهاية العصر ماضل شي للمغرب وصلنة النجف و للامام رأسا رحنة…

نزلنة باقرب نقطة للائمام حتى ما امشي هواي واتعب ..
كال خالي انا رايح بحمامات الزلم انتضرگم يم هذا المحل
،،، دخلنة للحمامات توضينة وگملنة وطلعنة ..امي لازمتني ونمشي على گيف وصلنة لخالي وشافلي عربانة وگعدني بيهه حتي نروح للامام شفت القبة من بعيد وبجيت امسح بدموعي اباوع على االاماگن واتذگر من جان يجيبني سيد مهدي اني والجهال ونزور سوية

وهنا دهین ابو علي يشتري منه..منا شارع الرسول ياخذني المطعم صاحبه نتغدى ونتعشى لان دجاجه ذبح
روحي تشوغ من اتذگر بعد ماگو سيد مهدي بهالدنية
وصلنة ودخلنة نزور بقيت واكفة برى الحضره وهم تذكرت سيد مهدي مره علیه الدوره  زار بسرعه واجی یمي يقراء دعاء الزياره بصوته الحلو وزرنه سوه بس هسه مادخلت لان انزف دم كعدت يم امير المؤمنين
وتذكرت مرثيه كالها بحق السيده الزهراء
أَمَّا حُزْنِي فَسَرْمَدٌ ،
وَ أَمَّا لَيْلِي فَمُسَهَّدٌ ،
وَ هَمٌّ لَا يَبْرَحُ مِنْ قَلْبِي
أَوْ يَخْتَارَ اللَّهُ لِي دَارَكَ الَّتِي أَنْتَ فِيهَا مُقِيمٌ ،
 
عيوني للحضره ودموعي تنزل بلا توقف مره احضن رجليه مره اشبك جسمي
ما اتأخرو خالي وامي وطلعو بسرعه رجعنة للسيارة انتبهت امي حاطة السچينة يمهه مديت ايدي واخذتهه بدون متعرف ويمي بطل مي مسحت منهه الدبك مالت البرتقال..

دخلنة المقبرة وية المغرب واقراء سورة يس وهاي عاده
من الزغر علمني جدي عليها مگدرت الزم روحي  الوجع زاد و احس روحي ماعت
وكفت  غسلت وجهي وشوي شربت مي امي وخالي يبچون على علي الله يرحمة وعليه من شافوني هيچ وصلنة للقبر ونزلنة ضميت السجينة بعباتي ونزلت اتوجى على امي وخالي ..الالم اذاني

وصلت الثرى حبيب باوعت معقوله هذا قبر سيد مهدي بعدة تراب رطب البارحه دفناه حسيت رجلية متعيني ومتشيلني كان تكسرت رجلي خطوه بيني وبين الثرى
اريد احاچي صوتي طبك عثرت بحزني وبوجهي للكاع بخالي راد يشيلني ماخليته بيني وبين قبر محبوبي متر واحد مگدرت امشيلة ولا ردت احد يكومني زحفتلة زحوف ووصلتله ارتميت مچفيه علی التراب  منهارة صرت ویه الثری طول بطول رغم بطني انضربت بلكاع حيل بس الوجع لبكلبي اقوى والبروحي ماينوصف
احاچي

ـ وگ سيد ليش عفتني ليش نگثت الوعد مو گلتلي ماعوفج للموت ليش حياة الناس اهم من عندي والناس مالتزمت وموتتك ليش حبيبي احاچي بلا جزع اسولف وياه مثل عايش خدي للتراب واردد
هَونّ على قلبي يا الله،،، إنني أبهتُ!!
غابَ جسد حبيبي في هذا القبر
وغاب كل شيء ملاصق للفرح
عَاهدته مُسبقًا بل اقسمت معه
بأن أبقى وفية على العهدِ
جار قلب قارورتك
انا والجُوار وأنت الدار والديار
ياصوتاً يذيب الروح بعد ان تحتضر
ضمني بين اللحد وذاك التراب
هل حان حقآ موعد وداعك؟
رغم خوفي عليكَ من العيون ومقلها!
ف الناس تحسّد كُل حسّن نادر
اماه فاطم.. اخذ موج الحياة حبيبي
بحق ضلعك المكسور انجديني
هو جرف الأمان كان لي
فأصبحت بلا جرف يحميني..
يا أكمَل المُؤمنينَ إيمَاناً...
سأضل انتضر  اجتماعي بك
كـ طفلة تنتضر اباها على باب الدار
وسانتظر شروق  شمس وفاتي
حتى اجتمع معك في ذات اللحد
سأكون  كُميلَ المهديّ
‏ واْقرأ تراتيلهُ بدموعٍ وَجِلة...
لزمني خالي يصبر عليه

ـگافي بنيتي گومي لاتسوين هيج الميت يعلم خطية من يشوفچ هيچ حالچ شيصير بحاله
ردت امي
ـيله حبيبه گوومي لااتنبشين القبرر بنتي خطأأ حراام نبش القبور حررام عقيله

شلت جسمي وجهي كله تراب بصوت مبحوح
ـعوفوووووووني ابوس ايدگم بلگي یطلع عايش ویدك القبر يجوز بي نفس احس بي عايش مو ميت احساسي ميچذب عليه السيد عمرره مایچذب اصلا هووو گلي ماعوفچ مستحيل السيد ينگث الوعد

ـاي ياخالو عاتبي مثل متريدين يابنيتي بس لا توخرين التراب… يتاذى
شلت تراب من الثرى بثنين ايديه اشيل واذبة على راسي وابصوت كوه مسموع من البحه
- خليني اعاتبة.. خلي يسمعني خلي يشوف حاااااااالي
سيدد ليش علقتني بيك وعفتني ليش خليتني اعيش بدنية وردية ليش امنتني وصرلتي سند بهالدينة وتالي برمشة عين تعوفني

ليشش سيدد ليش وگ انا محتاجتگ والله اگثر من جهالك..اي جهالك الناس تريدهم انه منوووو يريدني انا الچنت اشوفگ جنة بعيني عيشتني الجنة بالدنية وخليتني اضوك حلاوتهه تالي تعوفني وتحرمني منهه

برمشة عين تروح بلا ماتودعني ليش وگ سيد بعدگ بعز شبابگ ششفت من حياتتگ الكلها عذاب ومرررض ماشبعت من جهالك يحتاجوك سيد علي يسأل عنگ ويدورك بالوجوه

دره تذكرره من كلت مااحب بنتي تعيش يتيمه مثلچ ومثلي ليش خليتها تضوك لوعة عذابنه...مووووووچنت تگول ابوي ماشبعت منه شوف سيد علي هم ليششش بويه ليش سيد..

زين معرفت شجاوبة درة تبجي لان متنام الا على صوتك تقرالها زيارة عاشوراء..مااريدهم  مهزومة منهم ماعرف شنو اگلهم شلون نطاگ گلبك تعوفنة وتروح

سيد وعد الحرر دين وانت وعدتني متعوفني وعدتني تصيرلي سند الحد منگبر ونعجز سوية تعال شوف شسوو بية الميخافون الله خلاف عينگ

جنهم ماصدگو غمضت عينگ واذوني سيد اخذني وياگ بداعت خدمتگ الحسينية لا تعوفني لوحدي انا مادبرهه بهالدنية بدونگ انت رجعتلي حياتي زرعتهه ورد واشجار بوكت الچنت صبخة وصحرا

شفت الدنية حلوة بوجودگ بعد ماجنت ميته هيج بهالسهولة تروح
اانت بطل  اندعمت بسيارة وكلشي توقف بجسمك وقاومت وعشت وطلعت منهه سالم وتالي حراررة وگحة تموتگ سيدد گلي شسوووي مفرفحه روحي سيد مهدي متحمل بعدك متحمل انت جوة التراب
واني فوكاه

متحمل انت انت مدفون اني اشتم الهوى متحمل انت بعالم واني بعالم ثاني
ياررب اخذني احلفك بكل مقدس عنددك ااخذني هسه ورى رجلي لاتبقيني عايشة انا ما اسوة شي حياتي متسوة شي بدوونة
درت على خالي وامي يبچون على بجيي ودموعي يريدون يحجون ولازمتهم الغصة

خليت السجينة یم التراب يمي نزعت عباتي وبديت افتح تحنیك حجابي بس مانزعته
شافني خالي وامي استغربو رگضو عليه

ـ شبيج خالو شجاي تسووين لاتگشفين سترچ بنتي
ـ لاتخافون خالي مو انا الاكشف ستري

ـيمه  بنتي  شجاي تسوين بنتي الليل ليل كومي يابنيني
ـ يمة لاتخافين والله مبية احجي الله يخليگ خالو عوفني لاتخاف
ردت امي
ـ بنتي احجي ليش گشفتي شعرج
ـ بعد المن عايفته شعري  الچان يحبة ويغفى عليه اندفن هنا جوة التراب..
الچان یگلي ضفيرتچ
يا ضفيره الاحبها  افتحها يحلى يومي
يا شعر اغفى على ريحته لاتكصي

ـ الله يرحمه بس لاااااااااااالا ياخالوو لاشجاي تسوين
رگضو علية لزموني من ايدي اخذ خالي السجين مني..  
اهز جسمي اريد اتحرر منهم اتوسل

ـ بداعت علي الله يرحمة عوفوني على راحتي مبية حيل اتلاوة وياگم ترة انا مو مخبلة صاحية وفاهمة الاسوي انطوني السچين خلوني اكص شعري وادفنة يم حبيبي وابو جهالي

یمه هو چان مينام الا يغفى عليه شلون هسة نايم لوحدة جوة التراب بالظلمة هذا شعري يمة يبقى
ردت امي

ـ انطيهه السچين ابو علي بنت اختگ واصلة مرحلة بالحزن الله يعين گلبهه عليهه
ـ لاتأذين نفسچ بنتي
ـ اگثر من هيج اذية ششوف بعد خالي… ‌مديت ايدي واخذت السجين

صاحت امي
ـ وچ خاف ميصلح عليكم انتي وجهالچ هالطفل البطنج وگت غروب هسة
ـ ماجاوبتهه رفعت حجابي سحبت ضفيرتي من ورى دشداشتي لزمتها كلش من البدايه مديت السچین و بديت ابتر بشعري وابچي بحرگه

آاتذگر من سيد مهدي چان يمشطة الي ويحطلي زيت لشعري وينام عليه ویبقی یتغزل بيه الى ان اغفى حتى وصلت مرحله اغار من شعري كد مايحبه بديت امشي السچین واحرگها

الی ان گصيته كلة ولزمت گصيبتي بيدي رفعتها  سید مهدي هاااااااااي الچنت تحبهه يسيد تتذگر شگد چنت تگول تاج المرة شعرهه احلى شي بالمرة شعرهه هذا التاج راح ادفنه وياگ ماريدة خلاف عينک
 
مسحت دموعي ونبشت بالقبر  حفرت حفره عمیقه احس اصابعي اكلها التراب لان مجرحات حفرت الى ان حطيت الگصيبة وبديت اهل التراب دفنته خليته عميق حتى لا تنبش بيه الحيوانات

دنبست حجابي نزلت النقاب لبست  عباتي ووگفت  دموعي يبسن او خلصن ما ادري

احس گلشي رجع مثل قبل واكفه وكان الزمن وكف "
هنا بعد حياتي وهذا المكان والصدر الارتاح اله هنااااااا وبهل لحظه حياتي صارت صحراء بصحراء 

مشاعررر ماعندي لشي حتى الوجع البجسمي من البيه والالم من النزف صرت ماحس بي دفنت ضفيرتي  حسيت دفنت  نفسي وياهه..متأسيه برثاء امير المؤمنين
لمولاتي السيده الزهراء

إن غبتِ عن قلبي فيا ضَيْعتي،
من أينَ للصدرِ بقلبٍ بديلٍ ؟

نشفت دموعي وبقت بس حرارة العيون.. توجيت على قبر قريب مني ووگفت امي تنفض عباتي من التراب ..

جسمي گلة صار يرجف وينفض نفض ماعرف شبية قابلية ماعندي لابية اوكف ولا بية احچي سندني خالي واخذني للسيارة صعدني ودير راسي  وعيني كل شوي  على القبر ممصدگة هنا ينام سيد مهدي المثله مایموت وهو عاشق وحبيب وموالي  وجندي من جنود الامام الحجه دأئما يكول اليه

قارورتي جربي توقفين عند باب بيتچ خمس دقائق بهذا الجو الخانق،تتحملين؟
اگید لااا

اذن احنا گ آحباء للامام الغائب لازم نتذكر  امامنا مايهتم ألهذا الجو ولا يرضى ان يترك مساعدة انصاره في العالم

يقدم راحتهم على راحته وسعادته في سعادتهم، فلو احنا حملنا عنه بعض هااي الهموم وبادرنا بالمساعدة الناس وشلنا همومهم وفضلنا نفسنا عنهم  لكان قد خف ثقل الهموم من على صدره الشريف

دأئما دگلي هیچ گلام وتساعد الناس علی حساب نفسك بس هسه انه بعدك اشلون ومااتحمل فراقك

لزمت بطني توجعني والالم زاد حزني مااسيطر عليه صعدت السياره ويه  خالي سد الباب توجيت على جام السياره

غمضت عيوني واهمس من بين شفافي حبيبي نبض قلبي ،اريدك،مشتاقه الك
محتاجتك موت ،أتنفس حضورك
اشهق غيابك

،عفتني  قبل أن گلبي يعترف لك بجريمته الشنعاء وهي اعشقك حد الموت..

بقيت اهمس مره ومره افتح عيوني اريد اصيح هذا حلم الى ان قطع سكوني سمعت رن نقال امي وهي تخابر بس تردد لاحول ولا قوه الا باالله

خلصت مكالمه كالها خالي

-شكوو ام احمد

-بلوه وحطت على الساده هسه سيد باقر متعارك ويه ولده ومتخربط لان متفاجا من ردت فعلهم عليه  وسيد مجتبى
متعارك وياهم تحس كانو  سيد مهدي چان درع وحامي الكل

-ليش سيد مجتبى ساكت

-هنا المصيبه  بلعكس متعارك لعب بيهم جولة .وهسة سيد مجتبى وعمته وزينه  بقو يم سيد باقر

-وجهال عقيله وينهم

-دره عند غفران مو تدرين من اول يوم عدها

-وسيد علي

-راح تجيبه سميره وياخوفي من سميره
وبلاوي وروعنية سميره

عدلت راسي ابني عند سميره همزين قريبين من البيت نزلت بسرعه شبخت وبديت احس بشي يوكع مني مادري ومااهتم اذا نزف

خالي سبقني بسرعه فتح الباب دخلت لكيت سميره كاعده كالت

-هاااا بنيتي شلونج

حاولت احاچیها صوتي مبحوح مكدرت ميطلع صوت شرت الامي كالت الها

-ابن عقيله عندچ ووووین ودیتي هااااا

كامت وهي تجاوب برود

-غفران انتم وصلتوهاااا عدها دره..سيد علي چان ویه عمه یفتر لازك بيه  من مكان المكان من سمع تخربط سيد باقر وصارت الهوسة  خلاه عند امير ابن عمه
بس امير راح لحكه

هنا زيد راح الام عامرر مدري شكال الها
بس هي خيره

-ووووچ یاخیره

-یابه انه اگلچ خیره لان گلت اخذ ابن عقيله واجيبه الكم وهم یم امه

-اي ووووينه

-مو جایتچ بسالفه عمت عيني على قلب ام عامررر شلون طیب هي لحت وگالت لااااا متاخذي علاجه عندي مررريض خلي عندي اني اداري
هذا وليدد العزيز  انة حطة بطن عيني

-يعني ابن سيد مهدي عند المجرمه

-شني مجرمة  مرت عمه اخذته وتحضن بي  وحتى شالته وكله تحاچي ابن العزيز  شایلته علی گلبهه وياها وابو عامر رگبو سیاره  وراحوو

-شنووو؟

#یتبع