رواية عشق المومنين(أبناء الساده) الفصل السابع وخمسون 57 - بقلم نازك الحمراني

جمعه مباركه ولا تنسو اختي من صالح دعائكم

....

لايبكي المرء من شدة الحزن، بل يبكي من عدم قدرته على الإنهيار، يبكي من قسوة ثباته

غفران//
صار مكان هدوء ونظرات أمه وخواته عليه لان طفيت المسجل

أيناس جايه قبلي كامت تهلهل رفعت موبايلها للنسوان وكالت بضحكه وتوتر

-ياااااااا خاله ام سلمان نسيت ترى گله مني هذااا هنا هنا انه مخليه الشسمه شلون انسى فلك النسيان مخليني بلايه بخت
كالت ريام بضوجه وهي توكف

-شنوو مخليه بموبايلچ عیوني

كالت ايناس
-هااااااا انا اي مخليه صوت عقيله اي عقيله عدها صووت يموووت ماتدرن فاتتچن

ألتفت خوات سلمان وخالاته وامه على عقيله شنو صوت ومين الها هيج نظراتهم بس ماحبن يحچن راسن
ماما كالت
-اي والله لااااتتعجبن من حچي ايناس الگالته هو صح ووانتن علویات دخیل بختچن ماشايفات ولا سامعات صوت عقيله من تقراء قران حتی فازت باحسن وحده ترتل القرأن وهم گرموها لان قرت حديث الكساء صوتها ملائكي رحماني حنين
كالت ريام
-زين العفو ولو مالنه دخل ليش صار هيچ بیها وهی جمال وهدوء
.ردت ماما

-الصدمه والگسره خاصه گسرة الخاطر طيرن الصحه والعمر وهم ياخذن الحيل والصوت وانتن ياعلويه ربي يحفظچن بنتي بيها هاي الحاله من الطفوله لان يتيمه وعاشت عند مرت ابو جباره الگتل والخنك والعطش بأيام الحرر هدل أوتارها الصوتيه

-زين وشلون تقراء قران وحديث الكساء والاوتار الصوتيه هدله
-هووو بعد رب العالمين وعطايا منطيها نعمة الصوت الحلو الراقي،الحنين الرحماني بس منتظرين لطف الله بلكن وعسى يرجع الهة

-سبحان الله ربي يرجع الها صوتها ونسمعها وهي تقراء ألنا دعاء تعجيل الفرج

گالت. ام سيد سلمان

_‏يا ربَّ الفَلَق، افتَح لنا ما انغلَق ..ربي يفتح حلگها ويرجع صوتها

كالت ريمه
-زين عرفنه عقيله وصوتها حلو الله يحفظها ليش غفران
طفت مسجل الابتهالات وهي فرحه
جاوبت أيناس
-اي هو بموبايلي صوت عقيله تقراء حديث الكساء
تنهدن النسوان الكاعدات وامي وياهن
وانا ردت احچي كعدتني عقيله لزمت ايدي وعضت شفته بمعنى سكتي
.خلت ايناس الفيشه بموبايلها وكعدن يسمعن حديث الكساء
عقيله بچت واعرف لیش بچت تذكرت نفسها من چانت تقراء حضنتها وحجه بحجتين شبگتها بچیت وياها
عمتي ام سلمان سكتتني،ومادري ليش ارتاحيت الها ماقصرت ايناس اخذت موبايل عقيله وهم بيه صوتها وهي تقراء سورة يس
حسيت من سمعت حديث الكساء واحنا متجمعين براحه
اجت ريام يمي حطت ایدها علی متني
-حبيبتي غفران بما انتي واحنا تحت كساء أمنا الزهراء
اريدج تسولفيلي شنوو تردين

-سلامتكم
-لااااا اقصد هاي افلوس النيشان،والذهب هسه يجي ابو الاشبال لان بقى يمه بسياره غيره هل اشياء شنو بالچ

-والله گتلچ مابالي شي

-احسچ ضايجه

-لاااا ابد بلعكس

-يله خلينه نسمع ابتهالات باسم شدكولين

--ماشي شغلو

مشت الامور رغم حزينه مثل ماردت بس ماشفت اي تعارض من خوات سلمان لان امبين موصويهن هواي بحيث معارضن اي شي سويته انا ولا حتى نطن اي ردت فعل
هنا شفت باخلاق خوات سيد سلمان وخالاته احسن الاخلاق وفعلا شايلات الاخلاق العلويه المحمديه كد مامهذبات
خاصه من شغلت ايناس حديث الكساء ضلن يسمعن بهدوء بصوت واحد يرددن بصلى على محمدوآل محمد

فرحني بتقبلهن الوضع العلويات ونعم منهم
عكس العلويات اهل سيد مهدي وعكس الغرور تواضع
جهال خواته يلعبون داير ميدور لطبليه امي وعقيله يصفگن ایناس موقفها فرحني وهي كل اشوي تگوم وحده من خوات سلمان ترگصهن والضحك صار عالي حتى انا ضحگت بلا ماافطن

،اشويه دخل سيد سلمان اشرت اله امي بدخوله

-تعال خاله أگعد یم مرتك

رفعت راسي الامي
كرصتني بزندي دنجت علیه

-تعلمتي تاخذين أللقاح يله تمشين عدل

ماحچیت بس عدلت كعدتي اجى وگعد يمي وتجمع بعيوني حزن ست سنوات وجع ست سنوات،صبر ست سنوات بس مگدرت ابچي بلعت ادموعي،والقهر،والخوف
مااأگدر ابچي يم اي شخص

ايد سيد سلمان اجت على ايدي،لزمها بثقه،يمسح بيها بهداي واخته تاخذ صور،وخالاته يهلهلن،وامي وعقيله يصفگن اله انا الخوف لازم روحي مقيدني بقيود من حديد
حدید الخوف من الماضي لا يرجع
الخوف من الفقد لايرجع
الخوف من الموت لايجي على سيد سلمان لان انه وحده
نحسه وبلا حظ..

استغفرت ربي من الافگار السلبیه لان سید سلمان طول ماهو گاعد وراصه نفسي على حافة آلتخم حتى مااطخ بيه وهو ولايمه يسولف ويه امي بگل ثقه واریحیه

وگف وگفني ماعرف اشلون بس شفت نفسي واكفه وياه جسمي مسير لليردو همه وروحي بغرفه ظلمه،لا تگدر تطلع ولا تتحرك

اخته صارت تاخذ النه الصور بكل حرگه هو رادها وامي تساعده وانه بعدني باحساسي ومشاعري بغرفة الخوف والظلمه
اخذ صور ويه خالاته،مبتسم،فرحان،امه كل شوي تبوسه
وهو يدنج يبوس ايدها،اشوي واجى بابا تقرب علیه توسطنه انا وسید سلمان گال بصوت عالي

-تعاااااال ابو سلمان ادخل
هنا كلشي تردد بالي،انو بعد انا صرت على ذمة رجال وصرت متزوجه،وهاي هيه،دخل ابو سلمان رجال جبير
لابس غتره خضره،وثوب رصاصي،وعبائهةسوده دخل بتمشى بثگل مريض گلش ذكرني بجدي باخر ايامه
راح عليه بسرعه سيد سلمان سنده خايف عليه گله

-مولاي ليش گمت من مگانك مو انت مريض
لزم ايده وگله

-ارید اشوف حرمتك بويه

من قهري على ابوه انا رحت عليه لزمت ايده بستها

-اشلونك عمي

تبسم بوجهي باس راسي گال السید سلمان

-یبوو الاشبال زین ماختاریت شگد اخلاق،ومؤدبه
شوف ابني القصه مو تلبس مرتك حلقه بأصبعك
الزواج قصته وضع دين رجل بيد امرأه لو تخلي ييزد او ينقص وضع المرأه دينها بيد رجلها حتى تزيد ايمان وثقه
.

دنجت راسي خجلانه گال
-انا هسه بحسبتچ ابوچ بس یاعمي وليدي سید سلمان امانه يمچ لان وحیدي والخير والبرگه شدگولین تصونی
-انشاء الله سيد

لزم ايدي ابو سلمان وحط بيها ضرف ثگیل گال
-هذاااا البياض من عمچ هدیه لان تعرفین یبویه زلمه چبیر وماعرف ذوقچ
التفت الامي هزت راسها معنا اخذه
اخذت ودنجت بست ايده
-اشگرگ سید
-عفیه بنیتي وخلي ببالچ هذا ولیدي ترررراه مو هييچ اجی وخطبچ لااااا تراه من بعد اذن والدچ تری هو عاشک اخلاقچ ثگلچ ،دینچ ولهذا هو شاریچ وطلبچ من ام البطل عباس
تناوعت اله گال الابوه

-سید بويه لااااا تفضحني گاااافي
گاله بضكگه

-انت مفضوح بويه العشك بعيونك تارسك ترس

ماما گالت
-اگعد سيد مبین تعبان

گعداه سلمان یم امه گعدو اثنیهم گال ابو سلمان

-ابو علي الله بلخير
گال ابوي

-الله بلخير والعافيه

-يا ابو علي صحتي فد مره وگل مااجاها بنازل وطالب منك طلب
رد ابوي

-كول سيد العافيه عندك

-اريد عرس ابني هذا الاسبوع سيد سلمان مجهز گلشي
ومحضر حتى القاعه يعني بس نواقص عروستنه والسبوع كافي عليها تروح تجيب نيشانها والذهب هذا اختاريناه من الاحسن والاغلى
رد بابا
-سيد بكيف البنيه لان عن نفسي ماعندي شي انه وذا تشوفون تسريع الزواج بصالحگم توگلو بس يبقى اشوف قرار بنتي
يحجون وانه كاعده،خوفي اتلاشى لاااا مو اتلاشا بس الزواج اذا اسرع يعني سيد سلمان ماراح يصير بيه شي

يعني اطلع من خوفي سگتت ماحچیت رغم والدي راد مني احچي امي گالت

-لاااا گافي اسبوع وعادي من باچر نروح نشتری ملابس
ونجهز گلشي شدگولین ماما غفران گولي شنو تردين
بقيت ساگته
گالت ماما
،خوش سید سلمان هاااي الغرفه وروحو اتفقوو اثنينگم
وگف ومد ایده گمت بدون مالزم ایده وهو مد آیده بجیبه مشیت الحد الغرفه واجی وراي دخلت الغرفة ماما وبابا

ولان ضايجه فتحت البرده والشباك احس مختنگه
،بقیت واگفه ومنطیته ظهري دخل وصوت الباب انسد گتله بلا مااندار

-عوفه مفتوح الله یخلیك

-صااااار

فتح الباب واثنينه ساگتین مرت ثواني گال

- الف مبروك

_الله يبارك بيك

_سولفي

تنهدت

-شسولف

-طلباتچ

-مو اني الي اطلب

-زين شروطچ لان امبین عندچ حچي

-تعرف بيه گلش زین مااااشرط

-اي واضح

-العفو

-خلينه أنصيغ الموضوع بطريقه ألي تلائم تقبلچ للكلام

-يعني تشوفني صعبه لو شنو قصدك

-عن نفسي اشوفچ فتاه،راقيه،مهذبه،محبوبه لطیفه تثیر خلجات قلبي لتداعب الروح كأنگِ من الورد خلقت

خجلت رفعت ايدي الوجهي گتله

-تری عدنا موضوع اهم

-تمام عزيزتي گولي وهاتي مافي جعبتكِ

ضليت ساكته اجى وتمشى يمي ودارني عليه وباس گصتي

جفلت منه وأبتعدت

وگتله بضوجه

_ليش تقربت مني مااانت گلت خليچ على راحتچ الی ان
تتعلمين عليه

_واني جاي أخليچ تتعودين عليه
باوعت عليه مضيقة عيوني ادور جواب اله شافي وهوة على نفس وگفتة وجتف ايديه وأبتسامه جانبيه احسه يستفزني

-بس شنو معنی تصرفك هذا

-مجرد جاي ابارك ماااتعديت الممنوع

-انت؟

رد عليه..

_ هدي اعصابك مااصار شي انا وياچ مو بحرب گلام انا وانتي شخصين شريگین،الحیاة قادمه مايحتاج هل تعقيد ولا العصبيه

_منو گلك اني عصبيه

_لاا ماگو شي بس دمارات الي بجبينپ كلها طكت
صافنه علی ردوده للن یحچي كوة ضام ضحكته يعني من صدك عصبني بكلامه وأستفزازه جاوبته

_لا متوهم مابيه شي بس فأجأتني

_بيمن فأجئتج أذا بلبوسة فهي بسيطة وأحترام ومحبة
ﻤاسويت الممنوع ولا صرت جريء واذا بلكلام فصدقآ اريد تتعودين عليه
جاي احاچي لزم ايديه وحضنهن بين ايديه باوع عليه
وعيونه تلمع بفرح

_گاااافي غفراااان لاااتضيعين فرحتي لان للان مامصدك صرتي حلالي
دنكت راسي رفع وجهي بأصبعه وراد يتقرب أكثر
رجعت ليورى بوجه ضايج
بأوع عليه بأسف وكال..

-مااااشي اسف أعوفچ على راحتچ واشوفچ‌ بأجر باذن الله حتى نعقد بلمحكمه

طلع من غرفه واني بقيت متصنمه گعدت علی چربایة امي افگر اباچر شنو یصیر ورة شويه اجت امي

_وووووينچ تعالي ناس راح تروح سلمي عليهم
اخذتني ورحت سلمت عليهم وامه حضنتني تبوسني وتحچي برزانه

-يافرحة وليدي يامرة العزيز
كعدت يم عقيلة واجت ايناس كابلتني وتحجي

_احچي شنو سوالج شحجيتو لو انتي ماعيفه حمرة وتبين عليچ سوالف

_شوفي حبي عقلچ لايودي ولا يجيب ماگو هذا شي ومايصير

_ليش وووحد من عالم وسوالف المخطوبين

_اي وحد

ضحكت عليه
-ااامم ضلي مامنج رجة ياوجه اليلطم

شوية وراحت ايناس ورحنه للغرفة اني وعقيلة
بدلت خليت راسي بحضن عقيلة وهية گاعدة على چربايتي
سولفتله الي صار
هزت ايده وضلت تكتب بلمبايل وتشوفني

_انطي مجال يخليچ تتعودين احپي ويا تقبلي لاضلين
مبتعدة عنه وانتم زواجگم هذا الاسبوع

گمت من حضنها صرت مقابيلها
_ماگدر اخاف اتعلم عليه ويزيد تعلقي ويموت
عقلي مامتقبله
انتي تعرفين وضعي ويبقى هاجس الخوف مسيطر عليه أخاف افرح ويصير شئ بقيت احاجيها وأبچي
رجعت الحضنهة عافت ايدها عقيلة على رأسي وضلت تقره عليه رغم أنين وهمهمه بس أرتاحيت باستني بكصتي واشرت راح تروح
-الله ويااچ

ضلت مكاني وغفيت الحد آليل امي كعدتني اتعشى
الصبح تجهزت نعقد عقد المحگمه گملنا العقد وگلام سید
سلمان الي يخليني انشد اله بس اخاف خلصنا ترتيبات العقد طلعنا من المحكمه سلم اليه ورقه وگال

-صرتي مرتي شرع وقانونن
ماحچیت لان‌خایفه من گلشي حواليه رهبة الماضية رجعت اليه...رجعنه للبيت العصر طلعنا جهزت نفسي بقينه نسوك ملابس بلفلوس النطونا ياهن بقيت اشتري اصرف ومايخلصن
الى ان بعد يومين العرس گمية آلخوف ولقلق لي جنت بيهاواصله عندي اني كل جسمي يرجف‌ بحیث گلما يجي اتصال منهم اكلها

-ها یمه هسه يموت

-ووچ حررام‌الحچي هذااا

وگفت آگبالها

-اآاشلون ماما والله يموووت والسبب انه عتبتي فگر

-اسگتي باااچر العرس

-لااااآا یمه یموووت مثل عباس هو هم قبل العرس بيوم

راسن رن نقالي باوعت للرقم هاي ريام اخت سلمان
شمرت النقال

امي فتحت خط وضلت تسمع وضربت على صدره وكالت شبيه السيد

وانا صحت بصوت مخنوك

-هااا مات سلمان مووو؟

صراخ مقيت يسكن روحي ويؤذي قلبي ولايسمعة سواي ولا املك دواء لة الا دموعي وروح منهكة وجسد ذابل وابتسامة مفقودة وعيون تستعمرها هالات سوداء مخيفة وقلب منكسر وحروف مقتوله وكلمات مخنوقة وتعابير لاوصف لها

........
يـِـا صاحب الزمان
ذِكر اسمهُ اطمئنان فكيف بوجههِ الشريف..

عقيله وكف مقابيلي يتنوع الوجهي رغم هواي صار متزوجين بس لساتني اخجل من يصفن عليه
،امرار اكول انه بحلم بعلم الگی هیچ شخص یحبني،
وامرار أگول هو متدین ويخاف الله بیه...

بعید عن گلشي سيد مهدي يحبني حب غريب
عمري ماسامعه ولا شايفه ولا حاسه بيه..
الا وياه...

درت وجهي منه گد ماواگف گبالي وصافن علية يتمعن بية خجلت منه وبعدته بايدي ونضرلته بعيني..
هو فهم نضراتي الخجولة وضحك شوكت ينرفع هالخجل ياقارورتي

ابتسمت و درت وجهي للمرايه اجى وگف ورايه غمزلي بعيونه
استغربت والخجل لساه يداهمني من تصرفة اول مرة يغمزلي ويتصرف هالتصرفات الشبابية

حط ايده على متني يثبت جسمي ويتناوع گلي

-هااااا ام عون ليش الخجل ولشوكت تضلين تخجلين مني
ماانتي قارورتي وحبي وام ابني سيد علي..

درت وجهي عليه اتسائل(معنى)منو أم عون

-أمممم ياعمري گل وحده اسمها عقيلة يصيحولها أم عون ولا عندچ گلام ثاني

هزيت راسي مبتسمه وهو يلزم خدي بحزن

-بطنچ عاليه يعني ولد وان شالله يصير اخ العلي وعون يعينه على مرضه مثل ماسيد مجتبى عضيد وسند اليه واعرف هذا لمجهودي الشخصي

اشرت على بطني(معنى)وذا طلعت ابنيه

-يااخيره البنات وزينهن نعمة ورزق من الرحمةواهم شي تصير حنينه بحنيتچ وطيبتچ ورقة گلبج وحبها الاخوها

مديت ايدي الزم ايده واشر على ساعته(معنى)مابقى وقت ورانا عرس اخوك

جاوبني

-وذا عرس اريد گل لحظه بيناتنا ااعيشها وياچ ماريد اضيع ولا لحظة اريد اعوضچ عن كل شي اذأچ

سبلت بعيوني وهزيت راسي يعني لا تحجي هيچ كلشي يفداگ..

ـ هو هذا الاريدة يانبضي اريد اشوف ابتسامتچ الى ان يشع وجهچ بالنور ويصير أحمر

لسی ما حاچيه اي كلمه النظره الي اعرف مغزاها نظرت حبه

اخذ شفتي بين شفافه شالني وانه بين ايده فتح باب الحديقه الورى برجليه

وانه خجل ومستحه واستغراب من تصرفة خلاني ماعرف اتصرف ولا اعبر بنضرات مفهومه

نزلني من ايدة بين برودة مشاعري بسب تفگيري بسيد علي عند عمتي وبين طوفان مشاعره الجياشة
دايخه وهسة متفاجأه من الشفته
اي هو دائما يفاجئنيييي بحبه

باوعت الحديقه مسويهه تجنن جايب الميز الزغير،مرتب عليه كيكه زغيره وشمعتين،وصحون كرزات
وبيتزا قطع صغيرة على الطرفين والكراسي الثنين حتى قواطي الببسي مرتب عليهن شريط ستن ابيض...

عيوني ادور بين هاي الترتيبات ، بين شتلات الورد الجدد الي يم الميز ريحة رطوبة الحديقه
وعطر المسچ من،والريحان الي احبه بكل مكان اشتمه
صرت اتنهدت مو بس اتنفس

نسيت خوفي على بني وقلقي درت وجهي عليه وهو لساه صافن ويدقق بردة فعلي بحلقت عيني(بمفاجأه)
گا
_قارورتي لا تتفاجئین انتي بجنة سيد مهدي

رفعت ایدي للسما بتمنى واشر عليه وعليه(معنى) ياريت ابقى انا وانت طول عمرنا هنا بعيد عن كلشي لان كلششش محتاجه جنتك

-وانا طووووووول عمري مااااااراح ابعد عنج ولااااااااااا
افاركچ ولاااااااا اترگچ

حين رئيتكِ
سقطت بكِ
وغرقت بعينكِ
ثم أحببتكِ
ثم أمنت بكِ
ثم أدمنتكِ
ثم اغرمت بكِ
ثم. تمسكت بكِ
ثم حليله اردتكِ
ثم زوجه عشقتكِ
ثم أنيسه اتخذتككِ
وحين لمستكِ لمس المحبين
عرفت أني أمتلكت العالم بين يديكِ

شبگته حیل وايدي محاوطته وعيوني تسال ورغم مااحچي يعرف شنو أکول هزيت راسي

(شنو المناسبه وشوكت جهزت گلشي)ضحك ويعرف كل تاشيره اشرها يفهم معناهها

-قارورتي اذا ناسيه ف اليوم عيد ميلادها،
وعيد ميلادها
يعني عيد ميلادي،ويعني الهديه الي رب العالمين حفظها اليه حتى اتصير مرتي او ام الساده اولادي
تناوعت اله مستغربة

صدك اليوم ميلادي؟
رد بهمهمة الي اممم..

حضني ورد شالني ويهمسلي

سنة حلوة برضا الرحمن
سنة حلوة ياحافظة القرأن
سنة حلوة يا ام السادة
سنة حلوة علينة عطر الجنان
سنه حلوه ياروح من لطف الرحمن

دموعي نزلت من هالموقف متخيلت بحياتي احد يحبني هيچ حب بعد مچنت منبوذة ومعنفة
حتى اغنية عيد الميلاد غيرهه علمودي.. شايلني ويهمسلي ويغنيلي باذني..

ثگيله عليه وهو مريض بس تصرفاته شي بالحلم ميتحصل ولا حتى اتخيلة

ممصدگه نفسي يمگن اني بغيبوبة لو نايمة لزمت ايدي عضيتهه لا والله احس اني گاعدة هذا حقيقة مو حلم

مسحت دموعي وحضنته وبقيت ابوس بي دموعنة اثنية اختلطت سوية

متفاجئة منة ليش يشوفني نعمة بحياته وليش هالگد يحبني
بللة اني اعرف ليش هالگد اقدسة واحبة لان ماشفت حنية بحياتي ولا ذرة اهتمام من احد
بگد مشفتههه منه

بس هو گلشي يملك ورغم هذا يعشقني بهالشگل
ربي هاي نعمة جبيرررررة
ان شالله اكون ياربي گد النعمه و ااااستحقهه ياارب

‏"ونَحمِدك على عطاءك مرة وعلى منعك ألف مرة، فأنت الخير وما مَنعت خيرًا."

اشرت السيد مهدي بعيني يعني گافي نزلني بطني انعصرت

ماحچى شي وخلاني على الگاع لزم ايدة يفرگ بيهه يمكن ايده اتاذيه من البلاتين لان شالني

وگفت جدامه لزمت ايده افرك بيهه على گيفي وعينة على بعض ابتسملي

_ لاتخافين هالايد اكصهه اذا ماتحملچ..
زعلت من كلامة وضميت ايدة بصدري وحضنتهه بحنية
ضحگ بفرحه

_هوو هذااااا المكان دواء ايدي ودوا ألکل وجع عندي

عرفت بي يشاگسني بطرف عيني ضحكت وشلت ايدة وضربتهه على الخفيف مثل ضربة الطفل ورفعتله حاجبي يعني عيب هالحجي استحي
بقينة اثنينة نضحك سوية

انتبهت لساعه ايدة اتذكرت العرس جريت ايدة اشوف الوگت

شهكت ساعة عشرة ونص وبعدنة مطالعين اشرتلة (معنى)
راح الوكت سيد
جاوب

-ساعات الحب،ماتنحسب من الوقت طلع هديه اليه كلاده فضه بحجر اسود كال وهو يلبسها اليه

-هذا الحجر عباس اباد مختوم باسمچ
اگعدي
اشرتلة وين اگعد ماضل ووگت

ـ خلينة شوي نگعد على الميز سوية واحقق جزء بسيط من حلمي وياچ

باوعتلة بعيني( يعني) أجلهه غير مرة لان ماضل وگت

ابتسملي
_يلة براحتچ حبيت اختلي بيچ بس مادام هيچ مستعجله تعالي اشوفج المفاجئة المحضرهه

دخلنة للغرفة وفتح گنتوره وطلع فستان أزرك بسمائي يخبل وحطة على الفراش

_شوفي حبي هالفستان جبتة الچ من ترجعين من الصالون تلبسي لان اريدچ الیوم تطلعين عرووستي
استغربت بمعني عروستي شنو..

اي عروستي صارلي اسبوعين احضر بعيد ميلادچ او يكون كلامي حقيقي من رجعت من سيد مجتبى چنت بدون ان تدرين مجهز الچ

اشرت معقوله؟؟

ـ اي واني خابص روحي وخابص الحواليه حتى جدي عرف بتحضرات عيد ميلادچ يا عروستي وهو ساعدني وامي وعمه زينه

كل الكلام توقف عند هاللحضات رغم کل عيد ميلاد يفاجئني بسالفة شكل بس هل مره غير

لزم ايدي

ـ هسة ماگلتيلي هالفستان عجبچ اختاريته سمائي مزرق بلون عيونچ
لبسي خليني اول من يشوفة

، اشرتلة وين البسة لا من ارجع بس ماقبل.. اشرتلة غمض عينك حتى ابدل المشاكس خلة ايدة على عيونه عود ميشوفني رحت للجهه الثانية نزعت الدشداشة على السريع ولبسته
بي سحاب طويل من ورة
ضيق من فوگ على الجسم ومن يم البطن ينزل واسع
بسيط مو مخبوص قماشة ترف يعرفني احب هيج نوعية اقمشة ما احب الثخينة

فستان حوامل نازك مرتب كلش حلو لبسته ووكفت جدامه

فتح عينه متفاجا

ـ الله ياملاگي'ياحور العين ومالتي

مبتسمه من گل کلمه يگولها مدري مين يجيب هذا الغزل يخليني أفگ حلگي

گال

_تعالي خليني اسد السحاب

ـ اشرتلة لالا ميحتاج كلش اتأخرنة

رحت نزعت الملابس على السريع ورجعتهه للعلاگه ولبست نفنوف مال حوامل سمعت عمتي ام مهدي تصيح

_ يلة وينگم اتأخرتو على الصالون
صدك اتأخرنه هواي هسة وية ساعه 11 صارت...
لبست الحجاب ،ولعبائه حتی اروح للصالون

لزم ايدي سيد مهدي

-هاااا تردين تسبقين العروس ياعروستي

اشرتلة بمعنى اي وضحكنه اثنينة

اخذني من ايدي،وصاح العمه زينه تاخذني وهو بقى متمدد عمه زينه طول الوقت ضايجه من الي سواه مجتبى تحچي يمي اشوي وترجع تسكت...

اجت عمتي ام مهدي بيدها سيد علي ردت اخذه كالت
-عوفي يمه عقيله وروحن انتن للصالون اريدچ تفرحين وبفرحتچ سيد مهدي يفرح صارر هواي متعبنه واحنا نجهز الهذا اليوم

هزيت راسي وتناوع الاام مهدي رغم كل الحزن ورغم صارت جده لكن لساها محتفظه بجمالها وصفاء بشرتها والگبرياء المرأه الاربعينيه

تقربت عليها بوست سيد علي ورگبنا سيارة جدي ورحنا انه وعمه زينه للصالون

أول ماوصلت دخلت للحمام وتوضيت وبدت ام الصالون تعتني بيه لان صرت زبونتهة گل مناسبه یاخذني سيد مهدي الها

من گملت باوعت نفسي بالمراية اتعجبت مامسوية هيچ تسريحه ومكياچ‌ بحياتي شكلي كلة مگلوب كلاب اتمنيت غفران ويايه وتصورني لان اني خايبة بالتصوير اعرف سيد مهدي يحب الصور ودائما يگلي اتصوري بگل مگان حتى تتوثق اللحضات

جانت ويانه عمة زينة وميسيم بعدهم يشتغلوهه
نطيت التلفون لعمة زينه وصورتني

ـ هههه اي راح ادزيه لسيد مهدي خلي يتخبل من يشوفچ ويشوف جمالچ

فرحانه بهذا اليوم فرحه مامنها واخذت التلفون منهه راسا حچت ميسم

ـاووي علويش ددزين صور خابري وعلي صوتچ افضل ولا تصيرين اوفر

نصيت راسي غمضت عيوني باوعت على عمة زينة
ماضجت لان هذا بلاء من ربي بس خجلت لان حچت جدام النسوان الي بلمرگز واكو وحده ضحگت

راسا سوت نفسهه ناسية واتذكرت وهي تحط ايدها

ـياااااا الله عيني فد نسيت انتي خرسة
يلة يلة خطية دزيلة صورچ

شي بداخلي كسر فرحتي بس عمة زينه ماسكتت الهه وبقت تحچي عليهه

_ميسم مووو عيب

گامت ميسم من الکرسي وهي تبرر

ـ اي ياعيني ياعمة جل من لا يسهوو شبيچ يا نبض گلبي شبيچ ياعيني قابل متعمدة وهيچ حجيت وهاي كدامچ ها اها راح اكوم ابوس راسهه

عافت المكياج وگامت من مگانهه ترريد تبوس راسي بس اني ماقبلت اشرتلهه يعني ماصار شي رجعي لمكانچ

گالت بوقاحه

ـ هاي شنوه ياعيني شگد خطية أنتي لان اني مجاي افتهم عليچ شنو دتحجي عمة زينه فسريلي شحجت

گالت عمه زينة

ـجاي تگلچ أرجعي لمكانج ميحتاج تسوين هالدراما والسيناريو كلهه

گالت ميسم

ـ لعد ها هيه يله براحتهه بعد شفتي عيني عمة مو قصدي وداعتچ انتي مو قصدي

عفتها وگعدت على جهه لان ميسم حالها من حال هواي ناس يئذون الشخص متعمدين س تصرفهم يدل انو انت المئذيهم

بقيت گاعده اانتضر عمة زينه وميسم يخلصون
وتفسي وقلبي يردد. تحسبٱ وصبرٱ

"لك بين آثامي سعيت بعزمةٍ
لو لا الهوى قعدت بها أغلالها

و قصصت آثار الدموع إليك من
عبرات آباء الوثيق مسالها
يا حجه الله

بقيت اگلب بتلفوني اشوف على صور سيد علاوي وابوه وصورنه اني وغفران

خللصو لبنات ودگينه على السايق و صلت للبيت اول مافتحت باب غرفتي لگيت سيد علي گدامي يلعب بالغرفة

ملبسته عمتي ام سيد مهدي ملابس العرس و طالع كيكة فدوة لعمرة شافني ركض عليه
شلته حضنته وبوسته اتمنيت احچي وياه واعبرلة عن وسامته وجمالة

إنّ أوّل مدرسة للطفل هي حضن أمّه، وليس للأطفال علاقة بأحد كعلاقتهم بأمّهم، فيؤثّر في الأطفال كلام الأم، خلُق الأم، عمل الأم..

گلي ابني سيد علي

-ماما تالعه حوه (يعني ماما طالعه حلوة)
بس عيونة ذبلانه من المرض
مرد گلبي حضنته وعيني عليه

لا اكدر احچي وياه ولا اگدر الزم دموعي كل شوي يسألني ماما ليش متحچن ويايه وما اعرف شنو اجاوبة بس أشر الة بايدي يعني ماگدر احچي..
دخل علينة سيد مهدي وعبر عن انبهارة بشگلي

ابتسمت ابتسامه مسطنعه سالني ليش مو من كلبچ أشرتلة مو بيدي ما اكدر افرح من گلبي..

اجتي عمتي زينة وگالت

-یلة الحفلة بدت واالناس التمو وينگم

وگفت كدام المراية اعدل بروحي اجى سيد مهدي وکف يمي ورشلي عطر..

ـ اللهم صل على محمد وال محمد كلما انضرلچ اصلي على نبيي حتى لاتصيبچ العين..
و إن لكل طيب شبيه يجمعهما الله على نفس الطريق

لبستي الحرز السواه سيد حامد

هزيتلة براسي يعني اي لابسته اني وابني..
باوعت عليه وصليت على النبي لابس دشداشة بيضه وعگال أسود
وعباية سوده طالع هو العريس اخذت البخور الخليجي من عمتي وبخرته رغم هو يحب العطر اكثر من البخور

بس فرحان يشيل اطراف الغتره ابتسم وگلي

_ اشو طولتي النضر
اشرلته (معنى)خايفة عليك من عيون الحساد

_لاتخافين المحصن باسم الله واهل بيته ميخاف من شي..

شلت الشال وحطيتة على راسي بين منوصل للقاعه
لزمني السيد من ايدي وكدامنه يمشي سيد علي
اخذني لغرفة جدي استغربت اشرتلة ليش غرفة جدي
ضحك وكلي غير يعقدلهم جان قافل جدج واليوم الله هداه هو يعقدلهم..

دخل للغرفة سيد مهدي ووياه صديقة اليحبة سيد حامد وجوة مجتبى وزوجته جانت لابس نفس البرنص مالتهه عقدلهم جدي وهلاهل عمتي ترست المكان خلص ووقعو الشهود وطلعنة...

وصلنه للقاعه وشفت گل النسوان حاضرات
نسوان عمومته وبناتهم وچناينهم والعمات والخالات وبناتهم القاعه كلهه مزدحمه
القاعه كلش جبيرة
مقسومه نصين للزلم والثاني للنسوان
وكفت على جهه سيد مهدي وگلي لنساء اولا
دخلت القاعة اني وابني

نفس الباب كلش واسعه وجبيرة قسم للزلم والقسم الثاني النة
القاعة مقسومه ببردة كلش ثخينة على طول القاعه وارتفعت أصوات الزلم بالتهليلات والتبريكات واضحه

دخلت وشفت عمتي زينة وعمة ام مهدي راح سيد علي يركض يلعب يمهم
سلمت على النسوان ورجعت يم عمة زينه كعدت

ـ شفتي المصيبة الوكعت على روسنه ياا عقيلة

ـ اشرتلهه يعني ياعمة كافي كلام وملامه الصار صار خلونه نفرح

ࢪدت عمتي ام مهدي..

ـ حقججچ ماشفتي ام العࢪووس مااشفتيهه شلابسهه يالخززي

ـ استغربت ليش خزي وهي وينهه امهه ماشفتهه ليش يكولون خزي

جانت الملاية ادك على الناصي مو بصوت عالي
دقايق وگالو اجتي ميسم وكامت ادك اعلى الملاية والوياهه يهوسون ويصفكون
، واول منبدي وشنكول
لا اله الا الله
الف الصلاة على الرسول
لا الله الا الله

ـدخلت ميسم بالبدلة مالتهه ووراهه امهه مرية متروسة شوي مو هواي بس محافضة على نفسهه كلش جسمهه حلو لعمرهه لابسة تنورة 90 وردي فسفوري
وقميص شيفون بي ابيض وبدي جواه ووردي مالابسه حجاب لاابسة توربان ومطلعه كذله مصبوغه ومكياجهه شوي زيادة رسم عينهه واضح والكعب كلش عالي
ماشفتهه من عقدت ميسم وين چانت..

النسوان الييمي استلمن امهه بالحچي وهنة راحن كعدن على الستيج

سيد مهدي// حاولت امشي زواج مجتبى باحسن مايكون بس اشوفه ممقتنع قناعه تامه خصوصآ من كعدنا انا وياه وجدي وبدينا نكتب الاشياء التحتاجها القاعه

بعينه فرحه وندم لان اول مره يعارض جدي كل اشوي يكعد يم جدي ويبوس ايده لطفت الجوه

بينهم

كتله
-كااافي كل اشويه تبوس جدي وتتلوك اله
رد جدي بقهر

-تربيتي ياسيد مهدي وتربيتي ماتغلط وهو حس بنفسه مسوي شي غلط

كال مجتبى وهو يكعد
-بس والله ياجدي انا احبها وميت عليها
.
گل جدي
-ياريت مثل ماتگول علعموم البنیه ماشایفین منها شي بس ابوها مدري اشلونه

كتله
-هااا جدي ليش شبيه لان شباب ولابس قميص ابيض وبنطلون ابيض ومطول شعره

-لاااا وليدي عمر اللبس ماچان مقياس بس ماكو اب يدفع بنته هل دفعه اله وراه انه

جاوبته

-وليش جدي تصعبها موو من فتره اخو ابو غايب مدري ابن عمه مزوج بنته الواحد بلبرلمان واهله الشاب ميدرون

ومن انت حاچيته ليش مزوج بنته هيچ زواجه كالك مادام زوجتها وبعلمي مابيها شي اهم شي أمن مستقبلها وگتب شقه باسمها

واهل ميسم قلاها من نطو بنتهم نطو الواحد خلقه واخلاق وتربيه كفو هي تربية سيد باقر تتوقع راح يكونون غلطانين اهل ميسم

ضحك جدي وگال

-لااااا مغلطانين منطين ابنهم السيد الرجال مااگدر اغلبك يامهيدي
ياروح جدك

-الله يحفظك النه ويديمك خيمه اليه والاخوي

گلت المجتبی
-یله روح حتی تجهز نفسك ورتب نفسك بين مااجي

گال مجتبى

-ترى التسريحه متعوب عليها

-اي اي مبين وطالع تجنن شسمها اريد اسوي مثلها
رد جدي

-هااااا ترى اثنيكم تشابهون الفرق مجتبى اشكر هاي هيه وبس

گتله
-اي جدي خصوص الخشم ههههه
راح مجتبى الغرفته يجهز نفسه وانا اتصلت على سيد حامد

-السلام عليكم

-وعليكم السلام اهلا ابو علي

-محتاجك تحيي مولد اخوي
-لااااضير في الامر بس ماازيد عن النصف ساعه لان عندي موعد مع اهل الخانوم رقيه،

-يارب خير عليك ننتظرك

غلقته اروح القارورتي اشوفها بين ماابدل

سديت التلفون واجى اتصال لسيد مجتبى..
يحچي بالتلفون وطلع للباب الكراج عرفت اهل زوجته اجوي

كعد جدي بمگانه وگعدت بين ميدخلون نوگف الهم
دخلو تلاثتهم اعرفهم رحت وحچيت وياهم وطلبتهه منهم سابقا..

مبين الاب والام وابنهم اخو ميسم
الاب شكلة عادي لابس قاط وشوي عندة كرش الام طالعه زرق ورق غضيت النضر عنهه ورديتلهه السلام والابن مد ايدة وتسالمنه مجتبى اخذ عمته يم النسوان واحنة ضلينة كاعدين

بدينه نرحب بالضيوف البقية وجدي كعد يريد يتعرف على النسابة الجدد

هواي معازيم يمنه التمو على الغدة والعرس
عفت جدي وية الناس ورحت اشوف الطبخ خلص لو بعد لكيت العمال مكملين كلشي وصابين

اطمنت ورجعت باوعت جدي يخزرني بنضراته
استغربت شنو الصاير ليش هيج ديباوعلي السيد
حجة وية ابو ميسم وگام من مكانه بقو عمامي يمهم ويباوعولي بتك عين وبنضرات غريبة

تقدم علية جدي واتذكرت المصيبة الطنت ناسيهه هالايام وشلون نسوه

اتذكرت من رحت البغداد وطلبت ميسم لاخوية مجتبى بدون علم جدي اكيد هسه عرف

وطول هالفترة ماگلتلة ولا جبتلة سيرة جنت متصور او مااا ما ادري ومتفاجئ حالي حالهم
دنجت عيني مستحي من تصرفي
مشى جدي بدون ولا كلمة ومشيت وراه

الناس گامت تصلي حتى نصبلهم أکل حت ورة جدي لغرفته دخل ودخلت وراه

ماحچى ويايه ولا كلمه بس شمر عوچيته لغف اردانه وراح يتوضى بحمام غرفته بقيت واگف انتضر يحچي شي..
بس ابد ماحچى ويايه

قبل لايصلي وكفت يمه رفعت ايدة وبستهه وحطيتهه على راسي

_بداعت غلاة ابوية عليك لاتزعل مني

ـ ماتوقعتهه تطلع منك يا سند جدك

ـ والله وبالله مو مثل ممتوقع رحت حچيت وياهم وكلت اخذ مجتبى على كد عقلة لان ممتوقع اهلها ينطوها بلا مانروح الهم

ـ بس الاخذته على گد عقلة جابهه بنص بيتنه ثاني يوم لان شافك ساندة وقابل عليه

ـ لا مو هيج يا سيد

ـ وانا اخر من يعلم

ـ اقسم بالله مو هيچ قصدي

ـ جرحي جبير منك يا حفيدي وسندي اخر واحد چنت اتصور تطلع منه هالامور هو انت

ـ شلون اتأسف وشأسوي حتى تقنع مووهذا قصدي

ـ ماشفت عيون عمامك وفرحتهم ونظراتهم
ماشفت شلون الشماته ارتسمت بوجوهم الگل يگلي هذذذا حفيدك هو خذلك مو چنت تزامط بيه

چنت گاعد يم رجلين جدي تعصبت لان انقهر وگفت اشرر على الباب واحچي بغضب

ـجدي يااااجدي هسه أتريدني اااااااطلع اطرد العالم وا أگلهم ماگوو لا عرس ولا شي واخلي اخوي يطلك مرته ويطردها

رد بقهر

ـ بعديشش يا ابن ابني بعديششش
انااا اخر من يعلم تدررري شگد حزززت بگلبيي تدري شگد حسيت بطعنه بضهري تروح وتخطب لاخووك وانااا ماگو. مالي حسااب بقاائمتگم

متحملت گلامه وقهره گعدت يم رجليه بست ايده

_مولاي جدي دخيل بخت جدك اسمعني واحكم وقابل بحگمك...

_شتسوولف

بديت أحچي اله أشلون صارت روحتي لاخوية لان مگلي يريد يخطب گلي محتاجك ومن وصلت اله شفتة گلش مندمج وية هالناس

رغم ماعجبوني نصحته مافاد اعرف البراسة براسة اخذته على گد عقلة وحچيت وية اهل ميسم
على امل اگدر اغير نضرته الهم بمرور الوقت

بس هالفترة چنت عملية ومتأذي وگلت اضل ساگت ما احچيلك شي

لان متوقعت راح يتزوجهه اتخيلتهه نزوه وبعدين يرجع لوعيه الى ان اتفاجئت جايبهه وجاي للبيت

رفع راسه وعينه بعيني

_هاااا يامهيدي يعني ماچنت تدري هيچ راح يسوي

ـ بيش تردني احلف.. احلف بغلاتك لو بغلاة الوالد الله لو بغلاة ابني

ـ لالالا كلشي ولا سيد علي لاتحلف بي

ـ حتى تصدگني ماچنت أعرف ولا أدري بزواجه ومچنت اعرف جايبهه وجاي گل عقلي بالخطوبة وينفره

ـ استغفر الله... رحمتك يارب

ـ احسبهه عليهه جدي والله مجنت اعرف ولا متقصد الاذيه

ـ المشكلة بعمامك التشفو بية

ـ ميهموني عمامي والمفروض ميهموك واول وتالي راح يسكتون وينسون..

لزمت راسه وبوسته واستمسحت منه وحسيته شوي هدأ يلة تركته رحت صليت ورجعت وبدينه ننصب الغدة للمعازيم..

سيد مجتبى//
كلام ميسم وهي تذكر سيد مهدي باستهزاء خلاني افقد اعصابي رفعت ايدي عليهه ردت اضربها راشدي بس تمالكت نفسي باللحضات الاخيرة

جريت نفس وهدأت مايصير اضربها جدام اهلي
خصوص جاي اگايدهم بيهه انوب اضربهه مديت ايدي علة وجهها اعدل كذلتهه..

نظرات سيد مهدي عليه وانذاره اليه حتى لا اضربهه خلتني اخجل من نفسي ليش هيج انفعلت...

اشرت الها تجي ورايه تبتعتني بدون حجي لان حست بنفسها غلطت
وصلت يم الدرج متعدي اهلي كتلها

-اصعدي اول غرفه على ايدج اليمنى غرفتي
صعدت وبين القال والقيل ولوم الاهل الكل استسلم وسكت
الموقف ماانكر صعب لكن سيد مهدي خصمه وهنا بدت تجهيزاتنه للعرس

صاح عليه جدي هو وسيد مهدي يجهزون ويرتبون نواقص العرس

حسيت انا تهورت بقراري جدي ميستحق اذيه بس خلاص مو انا الاهرب من شي سويته

وكفت يم غرفة امي ردت ادخل بس شي منعني يمكن خجلي منهه بسوايتي بيهم اتسحبت و جاي اصعد اول درجه سمعت صوت امي
-تعال سيد مجتبى وين رايح..

نزلت دخلت الغرفتها مثل مااشرت اليه كالت..
-هااا سيد مجتبى حتى متريد تدخل غرفة امك

ـ لا مو هيج علوية بس

ـ كمل كول شنو بس

ـ خجلت منج

ـ هذا الجنت خايفة منه يصير بيوم من الايام ولدي يسوون شي يخجلون منه

ـ لاا لاا مو مثل ممتصورة..

ـ لعد شنوو گووول

-شنو اگوله يمه

- تعررف گلش زين الگل راح يوگف ضدك بهاي سوايتك
ووحتى لو انا رضيت ماراح يفيد شي
وولك امبين عليك زواجك من ميسم نزوه

تناوعت الامي متفاجا من حچيها لان تشك تصرفي بزواجي من ميسم نزوه
حاولت مااباوع عليهه
.
كالت

.-هاااااا شوو سكتت...

جاوبت

.-يمه حتى لو صار فتره بسيطة
اعرف ميسم بس مو معناها زواجي منها نزوه هذا مو طبعي ولا ثوبي.. وانتو تعرفون اانا من اول ماشفتها حسيت اگو شي يشدني الها رابط يجمعني بيها بس ما حچيت اله من تاكدت
وما تاگدت هي تفيدني اله من نطيتها شروطي ومن گتلها بلي اريده وافقت

- استغفر الله ربي

ـ گاااااافي يا امي حبطوني بزواجي خلوني افرح

ـ سوايتك هاي سوايه

ـ اسمة زواچ اذا مافادتني گلمن يروح لحال سبيلة وكان الله يحب المحسنين

ـ متاكد يمه

-اي يمة متأكد..

والمتأكد منه اكثر انا ااحب ميسم احس الانا بي حلم حلو اريد يبقى ومااگعد منه على ايه تنغيصه

-انت تجننت ولك حرامات يكون هذا مستواك وحرامات حبك يكون الهيج انسانه لان واضح انت تحبها

-اي احبها مثلي لأن فرفوشة ومرحه وگلهه طاقة ايجابية وتضحك للهوى الطاير هالشي مفتقدة بعائلتنة
مشايف مثلهه بنية حرگه ولبقة
يمة بالعشرة راح تعرفوهه شگد گلبهه طيب وخوش بنية

-و بنت عمك خطية

- منووو عمي ياايمه وهسة صارت خطية اشو انت متحبيهم وجنتي ممقتنعه بيهم

ـ اي صح بس احسن من هاي جبتهه مدري مين مامين على الاقل علوية بنت عمك ونعرف اصلهه

ـ هاي بعدج بهذا العقل يا حجييةة اصلا النبي محمد عليه السلام كال تباااعدو بالزواج عليمن لازگيلي بنت عمي واعرف روحي اذا اخذهه اظلمهه لان ماريدهه

-لااابس هي مالها ذنب

-ذنبهااا اهلهااااا

يمه اعرف زواجي من بنت عمي تعتبرو منطقي وشي هو الصح بس بعد حچیهم والسوو کرهت گلشی منهم هي ثوبي وتربيتنا واخلاقها عاليه أمنت باالله

ويجوز تحبني گلش بس ناا كلشي ماگو تجاهه واصلا خلاص ييا يمه ميسم نطيتها گلمه مامگن اتراجع عنها

-وين رايح

- اريد اروح اشوفها لان من البارحه لليوم باقين على المراسله

- وشدعوة هيج متلهف عليهه..

ـ غير مرتي ياعيني

ـ لا تصعد خاف تاگلك وبععدگم معاقدين عقد شرعي

-هههه لا يمه بس دزت مسج تريدني بشغلة لاتخافين ابنچ ميسوي شي خطأ ولايجيب العيب

بستهه من راسهه وصعدت الغرفتي اخذ ملابسي من الگنتور وهم اشوف ميسم خاف محتاجه شي لان رادتنيي قبل لا تروح للصالون...

دكيت باب الغرفه ردت

-ادخل
فتحت الباب واشوفها لابسه ستريج ابيض،وبدي كلش لازك على جسمهه مطلعلي ما حرم الله وحللة بنفس الوقت

وفوكاهه صايه والصايه مفتوحه تكشف اكثر ماتستر وهنا گلبي لاول مره يخذلني ويوسوس وينسج اشياء محرمه

درت وجهي عنهه للباب

-انتي اشلابسه يا ميسم مو هييج يابنت الناس رحمي حالي

- اي موو حصير زوجتك ياروح ميسم لويش توخر عيونك عني

اتقربت عليه ولزكت جسمهه بجسمي صخونتي صعدت لراسي

تلعثمت بالحچي الحجاية اصلا متطلع مني سبحان الله شكد تجذب هالبنية طيرت عقلي
لزمتها من ذراعهه حتى اوخرهه تناوعت الايدها و سحبت ايدي منها عبالك جاي احترك بنار ايدها درت وجهي منها

- وچ بابا ستري نفسج هسة ياحبابة مضل شي ونعقد ليش لابسه هيچ

- رجليي والبسلة

_ لچ بابا العقد الشرعي بعدة مانعقد

-وعقد المحكمه شنو يمة يلعب شناو

-ههههه لا مايمضي عدنه اله عقد السيد وهاااي المفردات الحلوه مين

_عندي من عدهن گووومه

_زين بعدي مني لحين مانعقد

ـ وانت ساحلني من بغداد لهنا بعقد محكمة مايمشي عدگم وجاي هسة تگولي

ـ راح اعذرج لان انتي متعرفين هالامور

ـ خليت المعرفة الك يبو معرفة اذا تعرف حرام شگو جبتني بلا عقد سيد چان عقدنه وفضيناهه

ـ هسة انتي ليش ضايجه مو فهمتچ اريد جدي يعقدلنه مووغيرة

ـ امري ال الله شسوي عاد کووولشي ولا جدو يزعل

ـ يلة ياعيني الله يهديچ انطيني القاط وباقي اللوازم بكنتوري.. وانتي محتاجه شي

ـ منو ياخذنه للصالون

ـ انتي ومرة اخوية وعمتي و السايق مالت العائله ياخذگم

_وي فديت عدگم سايق خاص

_أي گولشي خاص النا مايستخدمه غيرنه

_امووع على اليغار

_احبچ

_لك واني اموتن اموتن على ربك

_لا حول ولا قوه الا باالله

_ياعيني يا ميمي لا تحسسني گافره وانتم اسلام

_حشاااچ هسه گوولي شنو تردين

_ اهلي بالطريق ترة

ـ اي عندي خبر لايضل بالچ روحي للصالون ومن ترجعين كلشي جاهز...

مر الوكت وراحو للصالو واجوي اهل ميسم
حسيت براحه وفرحه لان جدي استقبل ام ميسم وابوهه احسن استقبال..
نصبو الغدة واجو البنات من الصالون واخذنة جدي عقدلنة بغرفته وتجهزنه ندخل القاعه..

عقيلة//
دخلت العروس بالهلاهل اهل سيد مهدي گلهم گاعدين محد منهم گام واستقبل ميسم وامهه
الحچي عليهم كلش مؤلم

ناس تكول من الشارع لا عمام ولا خوال وناس تگول نامو براس مجتبى علمود فلوسة ومن هالكلام

احيانا عدم القدرة على الكلام نعمة حتى لاننجبر نشرتك بالغيبة والنميمة..

اجتي امي وغفران من بعيد لمحتهم وگمت اتمشى عليهم.. ميته شوق الهم

حضنتهم واخذتهم كعدنه على جنب متخيلت راح يجون طلع سيد مهدي عازمهم..

التهيت امي وغفران سولف عن عقدهه باجر ما شالله هالعيد كله افراح من عرس لعرس..

دخل سيد مجتبى بنصنة بعد مالبنسه شالاتنة
وكعد يم زوجتة
ميسم وامهه شبعو ركص بالحفلة بس خطية محد من الموجودين شاركهم فرحتهم حتى انا لان استحي اوكف واجاملهم..

مر اكثر من ساعه ونص على العرس والملاية غيرت الدك مالتهه بدل ماتدگ للعرس صار على عيد الميلاد

النسوان وانه گلنه التفتنه دخل سيد مهدي وياه گيگه كلش جبيرة حطهه بالنص غفران گالت

_ووچ سيد مهدي صار شيخ

_لاااا گال مالبس قاط لان اخوي العريس راح البس شي بسيط بس هو الله يحفظه شيلبس يطلع يجنن

_الله يحفظكم اي عيني

تقرب سيد مهدي سلم على غفران وامي مد ايده

_يله قارورتي كومي

التفت الغفران وتبعته اخذني من مکاني وصلنه يم ميز الگيگ والعصاير لزم جداحه طويله شعل الشموع
مشاعري تلخبطت ماعرف اعبر عن اي شي

المعازيم التمو علينه متفاجأة بالنسبة الي لان متوقعت يسويه بعرس اخوه

اجو ميسم ومجتبى وكفو يمنه وكل الناس حوالينة
ممصدگه الديصير

انتبهت على وجه ميسم تباوعلي بشگل مريب
اخذ ايدي سيد مهدي وبدة يقسم الكيكة
حاولت التهي بالهوسة بس شكل ميسم جان كلش مخيف وميتفسر
د
اجتي عمتي ام مهدي وطلعت كلادة ذهب ولبستهة اللي وكللادة ثانية لبستهه لميسم

عمه زينه شغلت امبي ثري
لزمني سيد مهدي من ايدي ويتمايل وويانة سيد علي.. على نغمات

اللي بعيد... مو عن ناسه واحبابه
واللي يغيب ...لابد يملك اسبابه
اللي يروح ... يشوف بقلبه عشاقه
والجروح ... تشفى بيوم الملاقه
***
لو عافتك ليل صدقني مامعذوره
يوميه لطيوف للمهدي ترسم صوره
***
بلايام ... احسب بعمري باقي له
بلاحلام ... لا ماينعبر ليله
الدرب طال ... وانا اتعثر بدمعي
والفراق ... لا ما اغير بطبعي

الي تقول ... باجر يطلع المهدي
بلافكار ....نزلت ضحكته بخدي
صدق عود ...احط عيوني بعيونه
ياهنيال ... من شاف اللي شوفونه

تلقاك الظنون لاما تمر بعيونك
يالمهدي هالناس تنتظرك يسموني

ابجيه ... لو بيه الزمن يجري
واخليه ... يشيل سنينه من عمري
اوصيه ... ياخذ كل شي بالي
ويضل فيه .... بس المهدي الغالي

للي بعيد... مو عن ناسه واحبابه
واللي يغيب ... لازم يملك اسابابه
اللي يروح ... يشوف بقلبه عشاقه
والجروح... تشفى بيوم الملاقه
تعناك ...قلبي يريدك الليله
على هواك ...ابد لامابرد حيلك
الاقيك ...من ياما اسعد ايامك
واحاجيك ... قلبي شقد الك ظامي

يامهدي العيون محتاره ببامرك حيره
طيفك نزل ليل مانعرف شتفسيره

اذا تعود... تسجد يمك الدنيا
سما تطيح ... يم رجليك منحنيه
الجبال... قبل الناس تمشيلك
والاكوان... يامهدي تقلك دخيلك

لي بعيد ... مو عن ناسه واحبابه
واللي يغيب ... لازم يملك اسبابه
اللي يروح ... يشوف بقلبه عشاقه
والجروح ... تشفى بيوم الملاقه

كلش ارتبكت وما حسيت يالفرحه بسبب هالنضرات باوعت لوجه ام ميسم نفس الشي
سبحان الله اني الوحيدة الماحجيت عليها

من بين الموجودين ولا انتقدت بس ماشفعلي هالشي وچنها مغيوضه

خلصت الحفلة والناس بدت تروح بس بقينه االاقارب خالتي رادت تروح بس چلبت بيهه
سمعنة صوت ميسم تبچي وصوتهه عالي اتصورت لان امهه راح تروح..

التمينة عليهه حتى نفتهم شبيهه حچت امهه

ـ عيني يعني هاي ايام الله كلهه ماعجب اخووك يسوي ميلاد مرته الا بهالليوم

رد عليهه سيد مهدي..

ـ اولا أخو سيد مجتبى وا اسمي سيد مهدي ابو علي
وثانيا صارلي اياااام احضر لميلاد زوجتي وثالثا وهذا الاهم
زواج بنتگم من أبنه صار مفاجئ بددون علمنه وماگو غريب نحچيهه

يعني لو ما انا اضغط على جدي ماچان صار عالعرس والحفلة ورغم هذا ماردت اكسر فرحتهم بالعكس عفت الصدر الكم بداية الحفلة الگم
وبعدين النهاية النه

وهي گلهه حفل يابنت الناس ليش مكبرة الموضوع بالعكس بمكان الحفلة حفلتين وفرحتين ما اظن بيهه شي..

ـ يمة يمة يمة بنيتي وين حتعيش اكلوهه وشربوهه بالحچي وبعدهه ما فتحت حلكهه صدگ لو گالت ذيچ المريه هذا وگر الساده

ردت عمتي ام مهدي..
ـ منو ماكگلهه وشاربهه يابه على كيفچ قابل شحجى سيد مهدي وبعدين ووين ااكو عاائلة محتررمه تزوج بنتهه الباااااتكر بهالطريقة

راسا راح سيد مهدي على امه ديسكتههه وسيد مجتبى على زوجته وعمته حتى يلمون الموضوع...
اجانا صوت من جدي... مجتبـــــــــــــــى اخذ مرتك وادخل عليهه گاااااااااافي كلام ماله داعي..
روووح خش بيها وبلا حچي

وانت بويه سيد مهدي اخذت مريتك اخاف عليك من عيون الناس

اخذت عقيله وابني وراحو العرسان لغرفتهم زفوهم الموجودين

مجتبى// هالمشكلة كوة هدأت حسيت ميسم عقلهه صغير
معقولة چانت تكذب وتمثل عليه طول هالفترة..

صرت بقلق لان تبچي وعيونها حمر گوه سگتتها دخلنة للغرفه وعيني عليهه اشوف تصرفاتهه..
وگفت على جهه هي وامهه واجى سيد مهدي يمي..

ـ ها سيد خو مضايج انت هم

ـ هاي شبيك ابو علي ليش متعرف اخوك

ـ بس والله هي رهمت هيچ

ـ بالعكس كلش اتونسنه واذا نرجع للسبب ف انا السبب لانطيت خبر ولا گلت اكيد يصير تضارب مواعد..

ـ الله يحفظك ياخوية..

يلة بيض وجوهونه ولا تطول ليلتك وتصير مثل ليلة دخلتي وجدي ياگل گلبگ خش ماخش

ـ هههههه انت هم واگفلي مگان جدي

ـأشلون. هو اناا اااول الواكفيين اناا غير انت رجوولة اخووي الزامط بيي

ـ هههههه لاتخاف حدديدد اخش وبيض وجهك

ـ گدهه عضيدي.... الله يباركلك بليلتك خوية ويارب زواج الدهر والشراگه تلصالحه

حضني وضحكنه وطلع دخلت على ميسم وامها راحت سديت باب الغرفة بقينة انا وياها لوحدنه
اجتي عليه تمشي بدلع.. شايله الفستان

ـ هااا عيني شبيك اشو واکف

ـ مستغرب على فعالياتج السويتيهه اليوم

ميسم:اتقربت على مجتبى ولفت ايدهه على رگبته _انت واليوم حقي

ـ بس ماباگو فرحتنا ولا سرقو الاضواء من عدنه ه

ـاممم کاااافي خليني مسترخية وياك وماريد افکررر بغير شي يعگر مزاجي..

ـ خوش بعد ماكو فعاليات

ـ هههههه بعدك ماشفت الفعاليات على اصولهه

ـ لا مو حمل مشاكل يمعودةة

ـ والله انت فقيررر يامشاكل فعاليااات ليلة العررس عيووووني

ـجنت اريد اكلهه امشي نصلي بس مالحگت احجيهه مدت ايدهه وفتحت سحاب بدلتهه

نزلت البدله بين اقدامها صافن رفعت اقدمها عن البدله سحبت روب حرير ابيض لبسته شغلت التلفزيون وبلكنترول بدت اتقلب القنوات التفت اليه

ـ ليش واكف وصافن يروحي

ـ أنصلي

ـ لالالا الصلااة مطايرة ورانه؟؟