عشق الوحوش والشياطين الفصل الحادي عشر 11 - بقلم Sabreen

الفصل 11
نبدأ بالصلاه على النبي ☺️
اليوم اللي بعده
في التدريبات
شمس كانت بتجري وجمبها حبيبه
شمس : ها آسر عامل ايه دلوقتي
حبيبه : تمام كويس وطلع من المستشفى و....
قاطعها آيات وهي بتجري جمبهم وبتقول انا جعانه
روان وأمل اللي جم جمبهم: وانا كمان
آيات بنواح: نفسي في بيتزا 🍕
روان وأمل :وانا كمان
آيات : أو شاورما 🥙
روان وأمل : وانا كمان
آيات : أو فرخه مشويه 🍗
روان وأمل : اهي اهي وانا كمان
آيات : أو كشري
روان وأمل : وانا كمان
شمس وحبيبه كانوا في النص وبيبصوا على دي شويه ودول شويه
شمس بضحك: يا ولاد المجانين
حبيبه بمرح: مجانين قصدك مفاجيع
آيات : ايه مش بنشاركم احزانا
حبيبه وقفت لما التدريب خلص وقالت:
جالي فكره
شمس باستغراب: ايه هي
حبيبه بمكر: ايه رايكم.........
أمل بذهول: يا بت الايه يا بيبو اما فكره
حبيبه بمرح: اي خدمه
آيات بحماس: دي فكره جامده فحت فوق و تحت
شمس ضربتها على قفاها وقالت: جتك نيله اي الألفاظ دي
آيات بصوت رقاصة: من بعض ما عندكم يا اختشي
البنات قعدوا يضحكوا عليها
روان : طيب وهنقولوا يعمل كام واحد
حبيبه بتفكير: بصي احنا نقوله يعمل لينا احنا الكل
أمل باستغراب: كل الطلاب
حبيبه : لا قصدي لينا احنا ومريم وأحمد وكدا يعني
روان : ماشي وهنعمل كدا امتا
شمس : بصي احنا هنقولهم النهارده وهما لما يجيبوا الطلبات هيبقوا يجيبوا معاهم
آيات : ماشي الطلبات عادةََ ما تيجي يوم الخميس والنهارده الأربعاء
حبيبه : خلاص ماشي نبقى نقلوهم على الفطار
أمل بتذكر: صحيح عاوزه اروح المكتبه النهارده اجيب كتاب من يجي معايا
روان : ماشي اجي انا بس عن ايه
أمل : عن........
شمس : خلاص ماشي روحوا وقت راحه الفطار واحنا هنقولهم
الكل: ماشي
مريم جات وقالت: يلا يا بنات علشان التدريب التاني
آيات : ماشي يلا وربنا يتوب علينا بقى
الكل: ههههههههه
..........................................
وقت الفطار
البنات دخلوا ماعدا روان وأمل
شمس : بقولك ايه يا علاء روح انت والباقي دوروا على ترابيزه في الزحمه دي وانا وآيات وحبيبه هنجيب الاكل
مريم:ماشي
وراحوا يدورا على طاوله فاضيه بس ملقيوش غير طاوله جمب الوحوش زي اول مره
يحيى وهو بيبص حواليه: يعني مفيش ولا واحده
علاء:في واحده اهي هناك
مريم: فين اخ...... يا نهار مش فايت مفيش غير هنا
أحمد بخوف: تعالوا ندور على مكان تاني وخلاص
يحيى: مفيش للأسف خلاص تعالوا وبس
مريم: أمرنا لله
وراحوا الطاوله دي وقعدوا بخوف
البنات جم ودورا عليهم بس مش لقيهم
علاء بصوت مرتفع: احنا هنا
آيات بضيق: مخلاص يا عم فضحتنا
البنات قعدوا وآيات وحبيبه لاحظوا نظرات فهد وعدي بس من بعيد لبعيد اتحرجوا وعملوا نفسهم مشغولين بالأكل اما سليم ومالك استغربوا عدم وجود روان وأمل
اما سيف كانت نظراته غامضه كالعادة وده اللي مش عارفه تحدده شمس
وبعد ١٠ دقايق
جات امل وروان وهما حاطين ايدهم في جيوبهم ومشين جمب بعض وعلى وشهم ابتسامه غريبه محدش فهمها غير العصابه
علاء والباقي بصولهم
آيات بشك: استر يارب
شمس وهي حاطه ايدها على دماغها:
انا عارفه الابتسامه دي وراها مصيبه
البنات قعدوا بكل هدوء
حبيبه ببرود وهي بتاكل: ها ايه المصيبه الجديده بسرعه
روان وأمل بذهول مصطنع: مصيبه
أمل : انتي عملتي حاجه
روان : لا وانتي
أمل : لا برضو
شمس ببرود: ها عملتوا ايه اخلصوا
روان :احم احم هو يعني
أمل : هو عند الدكتور روحوا شفوه
حبيبه بسخريه: بيودع
روان وأمل بصوت واحد: تعرفوا عنا كده
شمس بسخريه وهي بتقوم: انا معرفش عنكم غير كده يلا حبيبه نشوف المصيبه الجديده وسابتها ومشيت وعدت من قدام طاوله الوحوش لأنهم قاعدين وراء بعض
حبيبه قامت بغيظ: لو هي مقتلتكمش انا هقتلكم وخدت سندويتش ومشيت
آيات بتبص عليهم الوقت ده كله باستمتاع وهي بتاكل
علاء باستغراب: هو انتوا عملتوا ايه
أمل بتذمر: احنا معملناش حاجه وحشه على فكره
(حصل وانا اشهد 😌)
آيات بضحك: اصلكم ملايكه
روان بتأكيد: Sure
مريم: لا بجد عملتوا ايه
روان : اقولك ايه بس يابنتي
أمل بغيظ: كله من درش الحيوان قعد ينق علينا الجذمه
أحمد: اااااه صحيح من درش ده؟؟
والشباب ركزوا معاهم لأنهم عايزين يعرفوا من درش
أمل بضحك: خطيبي
مالك حس كأنه جردل مايه اتقلب عليه
مريم:ايه ده انتي مخطوبه يا أمل مقلتوليش يعني
روان : خطيب ايه انتوا صدقتو
علاء باستغراب: اومال ايه
روان بضحك: جوز البنت شمس
أحمد بذهول: ايه ده هي شمس متجوزه
سيف في نفسه: ازاي متجوزه مش ممكن
أمل باستنكار: لا يا جدعان ده طليق حبيبه هههههه
يحيى ببلاهه: نعم
عدي بصدمه وهمس : ازاي ملفها مكتوب فيه انسه مش مطلقه مستحيل
آيات قعدت تضحك عليهم وهي بتقول:
يا عيني عليكم ايه الصدمه دي
أحمد بغيظ: لا بجد مين ده
روان بجديه مضحكه: ده الكراش بتاعي
مريم بصدمة: حبيبك
سليم في نفسه: ازاي وهي قالت لا يحل
آيات قعدت تضحك عليهم
مريم بتذمر: يا آيات قوليهم يبطلوا بقى
آيات: خدوها قاعده اوعوا في يوم تصدقوا الاتنين دول وهما بيضحكوا ابدا
علاء: طيب قولي انتي مين مصطفى ده
آيات بضحك: توأم روان
مريم: بجد عندك توأم ولد طيب هو في كليه ايه
روان بتفكير: بصي هو عمليا توأمي
أمل : علميا بقى لا مش توأمها
يحيى بغضب طفيف:انتوا بتلعبوا بينا ولا ايه
آيات : خلاص يا عم متقفش يبقى اخو روان الصغير
راحه من الوحوش وخاصةََ سليم اللي اتنفس براحه لأنه طلع اخوها
علاء بشك: بجد
روان وهي بتاكل: اااه والله ودي بجد
مريم: طيب ليه قولتي عمليا يبقى توأمي؟؟
آيات بشرح: أصله نسخه تانيه منها في كل حاجه نفس البشره والشعر ونفس لون العيون الزيتونيه ااااااخ
فهد اضايق جدا انها بتوصف واحد بالطريقه دي حتى ولو كان طفل على مهو يعتقد
أحمد بتساول: طيب هو عنده كام سنه؟
أمل : اممممم تخمن كام
أحمد: ٢٠ مثلا
روان وهي بتاكل: لا 17 سنه
علاء: بجد يعني لسه في الثانويه
مريم باستغراب: بس غريبه يعني تبقوا 5 بنات وهو ولد واحد وكمان عنده 17 سنه
آيات بشك: ليه بتقولي كده
مريم: احممم اصلي سمعتكم وانتوا بتكلموه قبل كده
أمل بلا اهتمام: اااااه بنكلمه كلنا كل يوم دي عاده يوميه
..................
هل تشتم حريق اووووه نعم انهم الشباب تشتعل الان غيرتهم من هذا المصطفى الهذه الدرجه هو مهم عندهم
...................
آيات بجديه: مصطفى غير الكل هو يبقى اصلا الفرد السادس في العصابه
أمل بنفس الجديه: مصطفى يبقي ابننا قبل ما يكون اخونا الصغير
أحمد بإعجاب: غريبه والله العلاقه دي
روان بهدوء: قليل اوي اللي بيفهم العلاقه اللي بينا احنا السته
مريم بابتسامه: ربنا يخليكوا لبعض صحيح معاكمش صوره ليه
روان : ه........
قاطعتها آيات : اوباااا
أمل باستغراب: في ايه
آيات بخبث: حافظين الشهاده ولا تقولوا ورايا
روان : ليه أن شاء الله في ايه يا به
آيات قامت وقالت بدراما: ولا تحسبن الذين قتلوا في سبيل الله أموات بل أحياء عند ربهم يرزقون
علاء باستغراب: هما رايحين الجهاد ولا ايه؟؟
روان وأمل فهموا آيات تقصد ايه ولفوا هما الاتنين لقيوا حبيبه سانده بضهرها على حيطه وبتبصلهم بخبث وشماته وشاورت ليهم بعلامه الموت
أمل بخوف: بت يا آيات هربينا من هنا
آيات : فاكرين لما شعر استاذ عاطف اتحرق وانا كنت السبب وقلتلكم خبوني من شمس عملتوا ايه ها
روان : الله يسترك يا شيخه خليكي احسن مننا

أمل بتذمر: وبعدين يا آيات كنتي عاوزانا نضرب احنا كمان من شمس
آ

يات اخدت العصير وشاورت ليهم وقالت:
لا إله إلا الله اتمني تتطعوا حيين
وسابتهم وراحت عند حبيبه وقالت: على فين
حبيبه بهدوء: عند الراجل اللي اتكسر ده
اما عند أمل وروان
أمل بلطم: احيه هنتشلوح
روان : اهي اهي يا صغيره على الكسر يا رورو
مريم بصتلهم بدموع لأنها شافت شمس عملت فيهم ايه المره اللي فاتت
أحمد بقلق: متخافوش مش هتعمل حاجه أن شاء الله حاجه المره دي ليكم
أمل بسخريه: مش هتعمل ده بيتهيألك
روان بولوله: دي قالتها بالبنط العريض من اول مره جينا إياكم تعملوا مصايب
شمس ببرود من وراهم: طيب كويس انكم فاكرين
أمل وروان بصوت وراهم لقيوا شمس مربعه ايديها وبصالهم بكل برود
روان بابتسامه بلهاء: شمس ازيك عامله ايه
شمس ببرود: بخير
امل : يا رب ديما يا روحي و.....
شمس بهدوء ما قبل العاصفه: عملتوا كده ليه ها
روان بهدوء: يعني سمعتي منه
شمس بابتسامه بارده: وهسمع منكم بس هناك يلا
روان قامت وقالت بتذمر: على فكره يستاهل اكتر من اللي حصله
شمس بسخريه: ااااه منا عارفه يلا يا بت قدامي
يحيى: نيجوا معاكم
شمس بهدوء: لا خليكم هنا
أمل قعدت وقالت براحه: الحمد لل....
شمس بصوت عالي من بعيد بعد ما لاحظت عدم وجود أمل معاهم:
يلا يا أمل
أمل قامت وقالت بتذمر طفولي وصوت عالي: الله ياخد أمل اللي سبب المشاكل دي ايه مصيبه هي أمل
روان بنفس الصوت: امين يارب تيجيلك رصاصة كده من حيث لا تحتسبي
أمل وقفت وقالت وهي حاطه ايديها في وسطها: ما بلاش يا صلاح هتزعل مني
روان بعند: طيب انا......
قاطعتها شمس بصوت حاد فزعهم: يلاااااااا
أمل جريت هي وروان وراها وهما بيقولوا: احنا وصلنا اصلا
الكل ضحك عليهم
..........................................
الساعه 2 ظهرا
البنات البنات كانوا في المستشفى كالعاده فلقيوا عسكري دخل بيقول:
يلا انسه انتي وهي حضرت المقدم عاوزكم
آيات باستغراب: عاوزانا احنا
العسكري: ايوه كلكم ما عدا الانسه دي
(وكان بيشاور على مريم)
مريم بقلق: هو عاوزكم ليه
شمس قامت وقالت: معرفش يلا يا بنات
البنات مشيوا وراء العسكري
..........................................
في مكتب سيف
كان قاعد هو والشباب ومعاهم شخصين اسمهم معاذ وسامر دول اللي امل وروان ضربوهم احم قصدي شلوحوهم أو كسروهم أيهما أقرب
فهد : يا خيبة الرجاله بقى بنتين يعملوا فيكم كده
....................
شكل معاذ وسامر
معاذ دراعه مكسور وكدمات في وشه كله
وسامر لافف راسه بشاش غير أصابه في جبينه غير الكدمات
.....................
مالك وسليم كانوا متفاجين ومش من مصدقين اني واحده فيهم ممكن تعمل كده في راجل
(هيشوفوا مين دلوقتي العصابه 😈)
عدي بهدوء:مين الاتنين اللي عملوا فيكم كده
معاذ بألم:منعرفش اساميهم يا فندم ده حتى مقدموش لينا اعتذار
سيف بغموض: هنشوف من اللي هيقدم للتاني الاعتذار ده
سامر بخوف: تقصد ااااايه يا فنننندم
فهد : يقصد انكم ممكن تكونوا غلطانين عموما هنشوف دلوقتي
..........................................
البنات كانوا ماشين وراء العسكري
أمل بمرح: انا حاسه اني في الكليه وراحه للعميد والله
آيات بضحك: معاكي حق بصراحه
روان لعسكري: بقولك ايه يا دفعه متعرفش هما عاوزانا في ايه
العسكري بضحك: هههههه أكيد عملتوا مصيبه جديده يا عصابه
وصلوا قدام المكتب وحبيبه خبطتت وسمعوا إذن الدخول
البنات دخلوا ببرود ووقفوا جمب بعض
سيف بهدوء انتوا اللي عملتوا كده فيهم
البنات ببرود وصوت واحد: ايوه احنا
عدي :مين فيكم بظبط
البنات بصوت واحد: انا
فهد : يا سلام
سيف لمعاذ وسامر: مين الاتنين اللي عملوا كده
معاذ وسامر بصولهم بخوف والبنات بصولوا بنظره مرعبه مع ابتسامه بارده
معاذ برعب: اااااللي يا فندم لابسه حجاب باللون الأحمر واللي لابسه حجاب نبيتي مشجر
(كان يقصد أمل وروان )
سيف بهدوء :عملتوا كده ليه
أمل بلا اهتمام: واحد متنمر
روان بلا اهتمام: وضيف انه مش متربي
سامر بغضب: احنا متربين على فكره
سليم بصله بصه خرستوا تماما
روان بشر:واضح اني الكسر كان لازم يكون في الرقبه يا أمل صح
أمل بخبث: حصل
سيف بصلهم وقال: مالك انت وسليم هتروحوا مع الاربعه دول لاوضه المراقبه وتشفوا الكاميرات اللي في المكتبه
مالك بجديه: تمام
معاذ وسامر بلعوا ريقهم بخوف
خرج مالك وسليم ومعاذ وسامر وأمل وروان لاوضه المراقبه اما سيف بص للبنات وقال: اتفضلوا دلوقتي
شمس : لو سمحت يا فندم عندنا شكوه
حبيبه وآيات باستغراب: شكوه
عدي برفعه حاجب: شكوه
سيف بهدوء: ايه هي
شمس : فيه دكتور يا فندم بيدايقنا
فهد : بيدايقكم ازاي يعني
آيات بعفويه: انتي قصدك على الدكتور أمير الدمنهوري اللي بيدربنا حاليا وكان بيعاكس
فهد وعيونه تحولت إلى شرار: بيعمل ايه
آيات بلامباله ولم تلاحظ ملامح فهد :
ولا حاجه ده دكتور غبي كده بيحاول من حوالي اسبوع كده يتكلم معانا في حوارات كده اتحرج اني اقولها
شمس بسخرية: تتحرجي
عدي لسيف بهمس: فهد هيتحول دلوقتي الحقه ل....
قاطعه حبيبه بقولها اللي خلاه مش اقل من حاله فهد وهي بتقول:
ااااه فعلاً ده في مره كان عاوز
عدي بهدوء عاصف: كان عاوز ايه
حبيبه: كان
Flash bake
في المستشفى بعد ما خلص تدريبهم عن عمليه جراحيه
أمير: انسه حبيبه ممكن اتكلم معاكي لحظه
الكل خرج من الاوضه وفضل البنات
أمير برفعه حاجب: اعتقد اني قولت انسه حبيبه بس اللي تستنى
أمل برخامه: اصلوا يا دكتور احنا مش نفترق
روان : ابدا
آيات : فا لو عاوز حاجه قولها قدامنا عادي لأنها كده كده هتعرف لما تخرج
حبيبه ببرود: خير يا دكتور
أمير: احممم كنت عاوز رقم تلفونك ونبقى صحاب وكده ولو اكتر عادي معايا
شمس بسخريه: لا يا راجل
امل بلغه صعيديه: معندناش حريم تخرج مع رجاله واصل
حبيبه قامت ببرود وقالت: طلبك مرفوض
ومشيت هي والبنات
Bake
شمس : المشكله انوا استعندنا بعد كده وبقى يزود عدد الساعات لينا بالذات ده في مره طرد آيات من التدريب
آيات بغيظ:اقولك انا يا فندم
Flash bake
آيات كانت بتهزر مع البنات ومستنين الدكتور علشان يعرفوا هيدربوا على ايه النهارده والدكتور دخل وهي بتاكل سندويتش
أمير: انتي يا انسه بتاكلي ليه في وقت التدريب
آيات ببرود: لسه يا فندم الوقت مبدأتش
أمير بحده: أتكلمي كويس انا هنا دكتورك
آيات ببرود أشد: وانا مغلطش حضرتك فيك
أمير بعصبيه: اتفضلي اطلعي بره يا انسه
آيات بصتله شويه وأخذت الكتب والسندويتش بتاعها ووقفت قدامه وقالت باستفزاز وهي بتاكل
'' عادي يا دكتور حصلت كتير ''
أمير بغضب: مش هتحضري ليا تاني
آيات ببرود ومبصتلوش: عادي برضو حصلت
Bake
آيات بهدوء: وانا مغلطش الوقت كان باقي عليها لسه 7 دقايق هو كان جاي بدري عن معاده غير نرفزته عليا
فهد بغضب مكتوم: محضرتيش كام مره
ايات بزعل طفولي: واحده غير اللي اتهزأت فيها يا فندم
حبيبه بضيق: غير أنه متعمد يحرجنا قدام الباقي
سيف بغموض لعدي وفهد اللي الغيره سيطرت عليهم
'' هتروحوا مع الانستين اللي حصل معاهم كده وتحلوا المشكله دي ''
عدي بخبث: تمام
ومشيوا ماعدا شمس اللي سيف قالها ببرود
'' وانتي معندكيش مشكله ''
شمس هزت كتفها ببرود وقالت: لا محدش يقدر يقربلي
سيف بسخريه: يا سلام
شمس بسخريه أكبر: وحيات عبد السلام ولفت وقالت: عن اذنك يا فن..... ااااااااااااه
شمس لفت بس اتخبطت في الحيطه جامد لدرجه انها وقعت على الأرض من الخبطه
سيف غصب عنه ضحك عليها وعلى شكلها على الأرض
شمس بغضب طفولي: اااااه ياني وعلى اللي جرالي وكمان بتضحك اضحك يا اخويا اضحك اااه يا دماغي
سيف قام وهو لسه بيضحك عليها ومدلها ايده وقال: قومي قومي
شمس رفعت دماغها ليه بتشوش وسيف بصلها وقال بقلق: راسك اتجرحت
شمس حسست على دماغها لقيت جرح على اليمين فوق الحاجب بشويه
شمس : اااااه ياماا جرح ودم مره واحده ليه كده بس
سيف بهدوء: هاتي ايدك علشان أطهر الجرح
شمس قامت لوحدها من غير مساعدته
سيف بصوت يرعب: هو انا مش كنت مادد ليكي ايدي
شمس برغم خوفها منه الا انها قالت بثبات واهي:
مكانش ينفع حضرتك
سيف : ليه حد قالك اني انا جربان ولا حاجه
شمس ضحكت عليه ودي اول مره يشوفها قدامه بتضحك
شمس بهدوء: لا بس با فندم سيدنا محمد قال
يدخل في يدك سيخ من حديد خير لك من أن تمس امرأه لا تحل لك وانتي مش حد قريب مني يعني مينفعش المس ايدك
سيف ده كله وكان تاه فى شكلها وهي بتضحك ولما اتكلمت مكانش معاها كان مركز في غمازتها المحفوره في خدودها ملامحها انفها الصغير وخدودها الحمراء من الضحك وعيونها التي لا يعلم شكلها حتى الآن فهي تضع العدسات وشفتيها المغريتين التي تشبه الكرز و......
قاطع تفكيره المنحرف ده صوت شمس وهي بتقول: يا فندم لو سمحت خليني امشي
سيف بهدوء: اقعدي وانا جاي
وقبل ما شمس تعترض سيف سابها ومشى
شمس بغيظ: ايه الغرور ده جاتك نيله في حلاوتك خساره فيك عنيك الرمادي العسل دي اوووف ايه اللي انا بقولوا ده كمان
وراحت وكانت هتقعد بس راحت عند الشباك الزجاج الكبير وبصت من جمب منه علشان محدش من العساكر اللي تحت يلاحظها ولقيت الشباك الكبير بيطل على الساحه وكاشف الساحه كلها ولو وقفت في النص هتشوف باقي المكان
شمس : بصراحة طلع بيحب الحاجات دي وانا كمان
:بتعملي ايه
شمس لفت بخضه: يا ماما
سيف : ايه شوفتي عفريت ولا ايه
شمس بغيظ: لا شوفت شيطان
سيف بغضب: قولي تاني كده
شمس بخوف: لا يا باشا انا مشوفتش حاجه اصلا
وبعدين بصت على الباب لقيتوا مفتوح وراحت علشان تخرج بس وقفها سيف
سيف : رايحه فين انا سمحت انك تخرجي
شمس بضيق: قولتلي استنى لحد ما تيجي واهو انت جيت عن اذنك بقى
سيف ببرود: لا
شمس بغضب: ليه بقى ان شاء الله
سيف قرب منها وقال: تعالى علشان اطهرلك جرحك
شمس بغباء: انت شكلك واقع على دماغك وانت صغير انت حمار يا جدع انت
سيف قرب منها بغضب وحاصرها ما بين ايديه والحيطه وراها وقال بصوت حاد: مين ده اللي حمار
شمس بعند: انا قولتك متقربش مني وانت عاوز تتطهر جرحي
سيف بص على شفتيها بتركيز شديد وده وترها جدا فبما انها قصيره نزلت من تحت ذراعه وبقيت وراه ولسه هتمشي كانت هتقع بس سيف مسكها من دراعها وقال: حاسبي
شمس بعدت ايده وقالت بتوتر: لللو سمحت سبني امشي
سيف بهدوء علشان متخافش اكتر :
طيب حاضر بس اطهرلك جرحك الأول
شمس قبل ما تتكلم سحبها سيف بس كان ماسكها بحائل اللي هو الجاكيت اللي لابساه علشان ميبقاش لمسها
شمس بصت لايده وبعدها ابتسمت بس خفت الابتسامه دي بسرعة لما هو جيه ومعاها قطن ولازقه طبيه
بدأ يطهر ليها الجرح بس كان حريص انه مش يلمسها علشان متضايقش
سيف حط الازقه على الجرح وقال بهدوء: خلصت تقدري تتفضلي
شمس نزلت رأسها بخجل وقالت: احمم شكرا
سيف بغموض: العفو
شمس مشيت بسرعه جدا وأول حمام قابلها دخلت فيه وبصت في المرايه لقيت الضماده وخدودها أو وشها كله احمر
شمس في نفسها: ايه يا شمس من امتا الخجل ده
وحطت ايدها على قلبها لقيتوا بيدق بسرعه جدا شمس غمضت عنيها وقالت بهمس: مينفعش اسكت بقى اوعي تنسى انتي مين يا مليكه
..........................................
في المكتبه
كان مالك وسليم وأمل وروان ومعاذ وسامر بيتفرجوا على الشريط
Flash bake
روان وأمل دخلوا المكتبه علشان يجيبوا كتب أمل كانت بتدور وروان بتدور معاها والاتنين في أماكن مختلفه وهي بتدور شافت شاب في أوائل العشرينات لابس نضاره وقصير شويه وعنده نمش بس كتير شويه كان بياخد كتاب ووراه الكرسي اللي كان قاعد عليه وفي شخصين وراه بيتهامسوا واحد منهم شد الكرسي براحه بحيث لما يقعد الولد ده يقع على ضهره الشاب وكان معاذ فعلا شد الكرسي بس بنت وكانت شاهندا شافتهم وسحبت كرسي وحطته مكانه سامر شاف كده راح قام واخد الكرسي من غير صوت ووقف بعيد شاهندا شافت كده راحت قامت واخدت الكرسي بتاعها وحطته مكان الولد بهدوء ورجعت مكانها تاني معاذ بصلها بغضب شديد فهي خافت ومشيت ومعاذ قام ولسه هيمسك الكرسي لقه ايد مسكته جامد ودي كانت ايد أمل اللي كانت بصاله بغضب شديد جدا
معاذ باستغراب: في حاجه
الولد بصلهم
أمل بخبث: ااااه فيه امشي من هنا انت والحمار التاني
الولد واسمه شادي وهو في فريق روان ويعرف البنات لأنهم كانوا في نفس الجامعة
شادي: في حاجه يا انسه أمل
أمل بهدوء: معلش يا شادي تعالى ورايا
شادي راح وراها فعلا بس بمسافة
معاذ ايه ده يا قطه هو انتي تعرفيه
أمل : اااااه عندك شوق في حاجه
معاذ بوقاحه: طيب منعترف احنا كمان ولسه هيحط ايده على وش أمل بس هي مسكت ايده وافتها وراء ضهره وقالت وهي بتتغط عليها:
انا..... مش بتلمس...... تك
ااااااااااااه
وده كان صوت معاذ اللي أمل كسرتله دراعه
معاذ بغضب قام رغم آلامه وقال:
اه يا بنت ال..... والله لوريكي
أمل قربت منه بابتسامه مجنونه وقالت:
الكلب ده يبقى انت وراحت مدياله روسيه إنما ايه عجب
معاذ وقع على الأرض
وسامر شاف كده راحلها ولسه هيقرب لقه رجل وقعته على وشه وجرحت منخيره
الرجل دي كانت ما الا روان
روان بابتسامه لا تقل جنون عن أمل
'' كده يا اموله بتبدأي اللعب من غيري ''
أمل بضحك:يلا نبدأ
سامر قام ولسه هيضرب روان بالبوكس بس هي اتفادته وردتهوله في بطنه جامد فسامر وطى راسه بألم
أما معاذ فكان هيروح يضرب امل بس هي كمان اتفادته وضربته بوكس في التاني في التالت اغمي عليه
سامر كان هيرد لروان البوكس ده بس اتفادته وردتهوله باتنين على وشه وواحد برجلها في منطقه معينه وطى بوجع وروان مسكت فازه جنبها وادته على راسه بيها جامد وقع فاقد الوعي خالص
روان عدته وراحت لامل اللي كانت لسه مخلصه وقالت لشادي
انت كويس
شادي هز راسه بهدوء وقال بابتسامه ممتنه:
شكرا يا عصابه
أمل بهدوء: العفو بس بالك من نفسك واااه صحيح انتي عرفتي منين انه كانوا بيتنمروا عليه
روان جبت الكتاب وكنت بدور عليكي وشفت الحوار من الاول بس انتي أدخلتي
أمل :عارفه اني مكه هتفرمنا
روان بضحك:عارفه
Bake
مالك بص لمعاذ بنظرات مخيفه
سليم بغضب: اعتقد دلوقتي عرفنا مين الغلطان ولا ايه
مالك وهو باصص على معاذ: تقدموا اعتذار للولد ده وكمان ليكم عقاب شديد وبص لسليم : روح شوف الشاب ده فين
روان : هو اكيد هنا هو بيحب يقرأ كتير
سليم : ماشي تعالى علشان انتي عارفاه
روان بصتله شويه: اممم ماشي
مالك قرب من معاذ وقال بهمس وصوت بث الرعب في معاذ:
لولا انها كسرت دراعك كنت انا قطعته اوعي تفكر تعمل في بنت تاني كده ماشي يا روح امك
معاذ من الخوف وقع الخوف على الأرض وبص لمالك برعب
(ياعيني أعصابه راحت من الرعب 😅ههه ده برضو مش ايه حد ده مالك )
أمل باستغراب من حاله معاذ هو انت قولتولوا ايه
مالك بصلها وقال: انتي بتلعبي فنون قتاليه
أمل سكتت وبصتله بصه طويله وقالت:
ااااه بلعب علشان اعرف ادافع عن نفسي
مالك بصلها ولمح حزن في عيونها برغم انها اتكلمت بجمود
مالك بصلها وقال في نفسه: يا ترى حكايتك ايه يا أمل ليه لمعه الحزن اللي في عيونك دي
أمل بصتله لقيته بصلها بتركيز اتحرجت وقالت:
احممم ااانا هاروح الحمام
..........................................
عند أمل
دخلت الحمام وسندت بيدها على الرخامه وغمضت عنيها وابتدات تفتكر لمحات من الماضي
..............................
منذ 11 عام
وفي إحدى حدائق سرايات الصعيد كانت تجلس فتاه بشعر بني طويل وهي تضحك وتقول بمرح
'' واحده كمان يا ساندي ''
ساندي بضحك: ماشي
ساندي نفخت فوقعة بالصابون وتجري تلك الفتاه بضحك وهي تلعب الا ان سمعت صوت تكرهه بشده يقول بخبث
'' ايه ده يا بقي بتلعبي زي الأطفال كده وانتي هتبقى عروسه كمان كام سنه ''
الفتاه بكره: ابعد عني يا هشام احسن لك بدال ما اقول لجدي
امسكها هشام بقسوه من شعرها
'' اياكي تعلى صوتك عليا انتي أضعف من انك تعملي كده ''
لتصرخ الفتاه بوجع وتجري عليها ساندي وهي تفكها منه وتجعلها خلف ظهرها وتصرخ فيه
'' انت ايه يا أخي بتتشطر على عيله صغيره ما تسيبها في حالها يا هشام''
سمعت صوت والدتها من وراها تقول بالصعيدي
'' بتقولي ايه يا ساندي كيف ترفع حسك على ولد عمك يا جليله الربايه ''
ساندي: هو اللي شد شعرها الأول يا أمي
نظرت والدتها للفتاه بحقد وقالت
'' تستاهل نكسر ضلع للبت يطلعلها 4 ''
الفتاه بصراخ: وانتي بأي حق تقولي اضِرب ولا لأ يا مرات خالي
ضربتها واحده جات بالقلم على وشها وشدتها من شعرها وقالت
'' بتعلي صوتك على اللي اكبر منك يا بت رباب طبعا ما انتي تربيه بلاد برا ''
بكت الفتاه بوجع وساندي تحاول فك شعرها من مرات عمها وتبكي وتنظر لها المرأه الأولى بشماته وهشام بخبث ومكر ولا أحد يراعي شعور تلك الصغيره التي لا يزال عمرها 11 عاما
..........................
أمل فتحت عنيها وكانت جمر من النار بصت للمرايه وقالت بجمود ونبره مرعبه هانت وكلكم هتتدمروا على ايديا
وكملت بحزن: يا ترى انتي فين ساندي وايه ايه اللي حصلك قلبي بيقولي انك مش موجوده معانا بس ازاي انا مش فاكره حاجه
خرجت أمل من الحمام ولقيت مالك بيبص لمعاذ ومعاذ بيبصله برعب وخوف اما سامر كان واقف ومتوتر من اللي جاي
أمل راحت وقفت وراء مالك بمسافه بحيث تسمعه وقالت بصوت واطي
'' كفايه يا فندم الواد هيموت من الخوف ''
مالك بصلها وقال بغموض: كان هيلمس حاجه مش بتاعته
أمل بغباء: ازاي
مالك بص الناحيه التانيه واتنهد وقال: خلاص يا انسه أمل متتعبيش عقلك الصغير في التفكير الكتير
أمل بغضب طفولي: عقلي صغير
مالك بصلها وضحك جواه هي الوحيده اللي بتخليه يضحك فعلا
جه سليم وروان ومعاهم شادي وسامر ومعاذ اعتزروله
..........................................
(السلام عليكم ورحمة الله وبركاته)

Sabreen☺️