عشق الوحوش والشياطين الفصل الثاني عشر 12 - بقلم Sabreen

الفصل 12
نبدأ بالصلاه على النبي☺️
في الليل
كان عدي بيبص بعيونه للسماء ويبتسم برضا قاطع عليه ده صوت سيف وهو بيقول بسخرية
"شكلك رايق "
عدي بصله وقال: في ايه يا وحش
سيف ببرود: ضربت الدكتور ليه
عدي ببرود مماثل: علشان فكر في حاجه متخصهوش
سيف بخبث: وانت مالك مش يمكن كان عاوز يتقدملها ومكانش عارف يجيبهالها ازاي
عدي عند الكلمه دي وبصله بعيون مظلمه من الغضب
سيف وقال بغموض: بتحبها
عدي بصله طويلا ومردش
سيف قام وقال: يبقى بتحبها وراح مشي
اما عدي قال بعد ما مشي: بحبها مش عارف بس اللي اعرفه اني بقيت خلاص خاصه بيا
(متملك 😾)
..........................................
الساعه 1 بالليل
الكل كان نايم والهدوء عم على الكتيبه كلها بس ازاي في هدوء مع وجود العصابه في المكان ايه ده ده صوت اغاني لا ومش اي اغاني لا دب مهرجانات
-🎶 مصحابش الفرافير 🎶
-🎶حتى لو راكبين فراري 🎶
-🎶انا اصاحب التقدير 🎶
-🎶حتى لو هركب 🎶
-🎶واتاري الدنيا اتاري مش حلوه زي اللي في بالي و كل اللي اتشوفوه غالي مش هقدر بس غير اخواتي 🎶
هما التلاته بصراخ:🎶 اخـــواتـــي ....... اخـــواتـــي 🎶
مريم اتخضت جامد وشمس قامت بعصبيه وجابت الشبشب وقالت بصراخ: وربنا لاقتلكم
حبيبه قامت وراحت جابت المقشه وطلعت تجري وراهم
امل وروان وآيات بصراخ:
اهدي يا منااااااار
حبيبه مسكت روان من شعرها وقالت: مشغلين اغاني جاتكم البله في خلقتكم
روان : اااااااه مكتأبين يا جدع سيبي يا بت جمال شعري
شمس وهي بتتضرب آيات وأمل بالشبشب:
مكتأبين فضحتونا الله يحرقكم
حبيبه : مكتأبين وبتشغلوا مهرجانات اومال لو فرحانين
مريم بضحك: هيشغلوا فيفي عبده
آيات برقص 🎶 قلبي برتقال بسره 🎶
امل🎶ملكك وانتي حره اعصريه عصير الله 🎶
شمس بضحك🎶 قلبي كمترايه ناشفه بس فيها بذره بتحب بضمير الله 🎶
روان🎶 قلبك بطيخه صيفي قرعه بختي وجاي بقرعه والبطيخ كتير 🎶
حبيبه 🎶قلبي أناناس شرايح دايخ جاي رايح من كتر التفكير 🎶
البنات: ههههههههههههه
..........................................
عدي اليوم والبنات نفذوا اللي قالوه وجه الليل أمل كانت بتكتب آخر الملاحظات إللي اخدوها في المستشفى شالت القلم من شعرها اللي لفاه بيه وقالت بزهق: اووووووف
امل لروان :به ارمي الفرشه اللي عندك دي
روان : هتسرحي شعرك القصير ده
أمل بشهقه: هااااااااا فشر انا شعري قصير وراحت فرداه ووصل لآخر ضهرها وقالت
"ده أطول من بتاعك يا عمري "
روان فردت شعرها البنى اللي بنفس الطول وقالت:
عنده زيه يا اختي
آيات قامت وقالت:
إذا كان انتوا شعركم طويل فأنا برضوا
وفردت شعرها البنى الفاتح ووصل لآخر ضهرها برضو
حبيبه حبت اللعبه دي وقالت:
اتلقحوا على جمب يا بت انتي وهي شعري أطول وفردته وكان طويل لآخر ضهرها
شمس كانت حاطه القلم في بقها وفردت شعرها الأحمر وقالت: بس لوني انا احلى
البنات قعدوا يضحكوا على بعض لأنهم شعرهم كلهم طويل لآخر الضهر
مريم: كلكم شعركم حلو على فكره وجميل جدا وكملت بتذمر طفولي: اما انا فشعري قصير
آيات قربت منها وقالت: مين قال بس يابت ده انتي موزه فحت هو في زي شعرك العسل ده
مريم بطفوله: بجد حلو
أمل : ااااه وربما جمر يا أبا الحج جمر
..........................................
وقت الغداء يوم الجمعه
دخلوا الوحوش وقعدوا بس فهد وسليم وقفوا مقعدوش
مالك باستغراب: في ايه مقعدوش ليه
فهد وهو بيشم وبص لسليم وقال:
شامم ده صح
سليم وهو بيشم:صح
عدي باستغراب: شامين ايه؟؟
فهد وسليم في صوت واحد: كشري
سيف : نعم يا اخويا كشري هنا
فهد وهو رايح ناحيه الريحه: وربنا كشري
سليم راح وراء الريحه مع فهد اما اما مالك وعدي وسيف بصوا لبعض وقال مالك بفضول: بصراحه انا شامم انا كمان بس كنت بكدب نفسي
راح الشباب وراء سليم وفهد اللي كانوا رايحين ناحيه مطبخ المطعم
فهد وسليم وقفوا وقالوا:
شوفتوا اهو الريحه جايا من جوا اهي
عدي باستغراب: ازاي كشري هنا دي اول مره يعملوها
فهد بغباء: يكونش القاده طلبينه
عدي ضربه على دماغه وقال: قاده ايه يا غبي ما احنا القاده
فهد : ااااه صح ايه الغباء ده هي عادتني ولا ايه
سيف : هي! هي مين؟!
عدي : استنوا كده انتوا سامعين اللي انا سامعه
الكل سكت وبعدها فتحوا الباب واتفاجؤا بيهم
سليم حط ايده على راسه وقال بدراما:
يختاااااااااااي هو انتوا
فهد بفقدان امل: كنت حاسس انهم هما
(ومين غيرهم العصابه 😅)
البنات كانوا بيشتغوا مع عمال المطعم وكانوا ملاحظوش الشباب لسه اما باقي العمال وقفوا لما شافوا الوحوش
شمس باستعجال وهي بتعمل الدقه وبتقول: بصوت عالي نسبيا: حبيبه ابعتي المكرونة وهاتيها مع روان مش مع أمل علشان هتأكلها
أمل بغيظ: ليه أن شاء الله فكراني ا....
قاطعها لما شافت الشباب صرخت بخضه:
يالهوااااااااااي
البنات بصولها باستغراب اتحول لصدمه من وجود الوحوش في المطبخ
البنات بنفس الصوت المصدوم:
احمس
الشباب ضحكوا بصوت واطي
مالك ربع ايديه وقال: بتعملوا ايه
أمل بغباء: كشري يا فندم
عدي : يا سلام عادي كده من غير إذن
آيات بغيظ: حتى الاكل في أذن ده ايه يا ربي البلد اللي ماشي بإذن الحكومه دي
فهد سمعها وقعد يضحك عليها
سيف بهدوء: عاوز واحد اكلمه وافهم منه
ثانيه ثايتين
البنات هما الاربعه رجعوا وراه شمس وشمس هي اللي بقيت في وش سيف
شمس بصت للبنات وقالت بغيظ: لا والله
حبيبه : يا روحي انتي الكبيره
شمس بضيق: طلعت روحك يا بعيده
ورجعت خطوتين وقالت وبقيت جمبهم وقالت بسرعه:
احمم احنا يا فندم لقينا اني الاكل هو هو يوميا
أمل بتكمله: فأيه قررنا كده بالصلاه على النبي نعمل حاجه جديده
حبيبه : وبما اني الكشري اكتر أكله شعبيه في مصر كلها قولنا نعملها
آيات : وقولنا للشيف اللي هنا وهو والحمد لله وافق فأحنا قررنا نعمله بنفسنا
روان : قوم ايه تطبوا علينا كده بسبب الريحه وشكلنا كده لا هنطول مكرونه ولا حتى بصل
فهد وسليم فضلوا يضحكوا عليهم
عدي بعدم فهم: انا نص الكلام اللي اتقال ده مفهمتوش خالص
سيف بنفاذ صبر: انت يا بني واحد فيكم يشرح
الشيف المسؤل عن المطبخ أتقدم وقال بخوف: هما يا فندم جم من يومين وقالوا عاوزين يعملوا كشري فأنا قولتهم مفيش مقاديره هنا فطلبوا يجيبوا الطلبات وهما اللي هيكلفوا بالتكاليف والطبخ كله واحنا جبنا المقادير امبارح وهما عملوا الكشري وكمان يا فندم مفيش قاعده تمنع كده
سيف بص للبنات اللي بيبصوله بابتسامه غبيه ورجاء علشان يوافق
سيف بص لفريقه نظره هما فهموها فقال سليم بخبث: عقابا كده هناكل منه
كمل فهد بمكر وقال: وعلى كده بتعرفوا تعملوه ولا عكيتوا
البنات بحماس: دقيقه
البنات راحوا يجيبوا أطباق اما سيف شاور للشيف وفريقه بأنهم يكملوا شغلهم وفعلا هما راحوا لشغلهم
البنات جابوا أطباق فيها كشري بس من غير الدقه ومدوها للشباب
سليم بتذمر: دي من غير دقه
روان بحيره: ما احنا يا كابتن معرفش بتحبوه بدقه ولا لأ
عدي بهدوء:لا هاتوا دقه لينا عادي
البنات اخدوا الأطباق تاني وحطوا فيها دقه وادوها للشباب وكل بنت أدت الطبق للقائد بتاعها
البنات ادوهم الأطباق بابتسامه واسعه والشباب بصولهم في عيونهم بعشق دفين وقالوا بابتسامه جذابه: شكرا
البنات اتحرجوا وقعدوا جمب بعض وبصولهم والشباب داقوا الكشري وكان جميل جدا
فهد بإعجاب وهو بياكل: لا طلعتوا شطار
آيات بفخر: طبعا اومال ده احنا خبره
مالك وقال: بس انتوا عاملين كتير كده ليه
أمل بصت وقالت: لا ما احنا عاملين لزمايلنا كلهم
عدي بذهول: كلهم

حبيبه : لا مش كلهم مريم ويحيى وأحمد وعلاء بس
س

ليم بمرح: افتكرتهم ال 20 كلهم
روان: ليه يعني مائده الرحمن
شمس بتذمر: اخدنا الأذن ولا انتوا اختوها حجه علشان تاكلوا كشري وهي مره مش هتتعوض
الشباب : بصراحه ااااه وهو طعم حلو اوي ومش بناكله غير كل سنه او اتنين مره
عدي بهدوء: انتوا اللي دفعتوا التكاليف
البنات بهدوء: ايوه احنا علشان منعملش مشاكل لحد
سيف ساب الشوكه وقال بجديه: تاخدوا الفلوس تاني و ياريت الموضوع ده ميتكررش تاني
البنات بتذمر : يعني مش هنعمل اكل تاني
يا الله لما هم بهذه الطفوله القوه والمرح هم كتله غريبه بشخصيات أغرب
فهد : على فكره هو كان قصده متكرروش موضوع انكم تدفعوا فلوس اما انكم تدخلوا المطبخ في دي عادي
البنات بحماس: بجد يعني ينفع نعمل اكل لوحدنا
الشباب بابتسامه: ايوه ينفع
مالك : بس يعني مشوفتش حد هنا بيساعد في المطبخ قبل كده
أمل بهدوء: عادي يا فندم المساعده حلوه
قام سيف وقال بهدوء: شكرا على الاكل يلا يا شباب
سليم وفهد بمرح فهم اعتادوا عليهم وعلى أفعالهم:
لو عملتوا أكله مش بتتعمل هنا بالله عليكم ابعتولنا نصيب
البنات ضحكوا ومالك وسيف وعدي بصولهم برفعه حاجب فقال فهد بتذمر: ما عدا مالك وسيف وعدي شكلهم مش بيحبوا كده
سيف : طيب يلا يا خفيف نمشي
الشباب مشيوا اما البنات جابوا أطباق وحطوه ليهم والباقي وطلعوا علشان ياكلوا الغداء
..........................................
يحيى وهو بياكل: بس بصراحه طلعتوا طباخين شطار
البنات بغرور: Sure
حبيبه جات من الحمام وقالت وهي بتاخد علبه الكشري بتاعتها: انا هطلع أكلها بره ماشي
البنات: ماشي
حبيبه طلعت بس مأخدتش بالها انها اخدت العلبه الغلط بتاعت أحمد وطلعت تتمشى وهي بتاكله
اما عدي فكان بيبص من شباك مكتبه كالعاده بس لاحظ اني حبيبه ماشيه وهي بتاكل طبق الكشري بتاعها فابتسم عليها بس قلبه وقف لما شافها واقعه على الأرض وهي حاطه ايدها على صدرها وتقريبا مش عارفه تاخد نفسها جرى بسرعه لتحت
اما حبيبه كانت كانت طلعت من المطعم وهي بتاكل طبق الكشري بتاعها بتلذذ بس وقفت في المعلقه التانيه ونفسها ضاق بصت على الطبق لقيت عليه دقه وقع الطبق من ايديها ووقعت على ركبها وهي حاطه ايدها على صدرها وبتتنفس بعنف وهي مش عارفة تتكلم لأن كل الطلاب ومعظم العساكر دلوقتي في راحه الغداء غمضت عنيها بألم وسمعت صوت جاي عليها فتحت عنيها بضعف لقيته قدامها نزل على ركبه وحاول يفوقها من النوبه دي وهو مش عارف يعمل ايه
عدي بقلق: حبيبه قومي فيكي ايه
حبيبه اتكلمت بصوت ضعيف ومتقطع:
ال... ب... خا... خ......، ال ب.... خ.... اخ
عدي بحيره: البخاخ بخاخ ايه؟؟
حبيبه غمضت عنيها ووشها احمر جدا وشفايفها ازرقت وبدأت تضرب على صدرها لعلها تعرف تتنفس
عدي قلبه وجعه اوي على منظرها ده راح شالها ما بين ايديه وطلع على الدكتور بسرعه ووصل هناك ودخل بيها اوضه الكشف من غير استأذان
الدكتور: في ايه حد يدخل كده
عدي بغضب:انت لسه هتتكلم شوفها فيها ايه
الدكتور بخوف منه: حاضر حاضر
عدي حطها على السرير والدكتور راح يفك الحجاب
عدي مسك ايده وقال بصوت حاد: انت هتعمل ايه
الدكتور بتوتر: يا فندم هي مش عارفه تتنفس هفك الحجاب علشان تعرف وبعدين دي قد بنتي يا حضرت المقدم
عدي كان غيران جدا بس لاني الضرورات تبيح المحذورات والدكتور فعلا قد باباها خرج وقال بضيق: ماشي
وبعد ربع ساعة
عدي كان قاعد قدام حبيبه اللي نايمه على السرير
عدي في سره: معرفش ليه انتي وانتي بالذات اللي قلبي كان هيقف عليكي من الخوف وليه مكنتش عاوز الدكتور يكشف عليكي مع اني دي شغلته ولازم يعمل كدا وبصلها وقال بخفوت ليه حاسك غيرهم كلهم حاسك كأنك مسؤله مني ومني انا وبس ركز في ملامحها اللي اول مره يشوفها عن قرب بشرها البيضه ورموشها الكثيفه وانفها المتوسط وشفتيها الممتلئه قليلا فاق من سرحانه صوتها وهي بتفوق
حبيبه بتململ: ااااه يا دماغي انا فين وبصت حواليها ولقيت عدي بيبصلها بابتسامه قلقله وقال: حمد الله على السلامه
حبيبه قامت وحسست على هدومها والحجاب وكانت مظبوطه شويه فقالت بتوتر:
مين اللي جابني هنا
عدي بهدوء: اهدي انا كنت واقف في شباك مكتبي وشوفتك بتقعي على الأرض ومش عارفه تتنفسي وبتقولي البخاخ وبعدها نفسك بقى ضعيف أو يكاد ينعدم فجبتك هنا والدكتور كشف عليكي وانتي كويسه دلوقتي
حبيبه بحذر: يعني انت اللي جبتني هنا
عدي هز راسه بنعم
حبيبه باستغراب: ازاي فوقت انا مكنتش هفوق غير بالبخاخ أو اروح المستشفى والبخاخ مش معايا
عدي اتنهد بوجع وقال:
حضرتك عندك حساسيه شديده على الصدر من الأكلات الحاره صح
اومأت في صمت وقالت: ايوه بس برضو ازاي
عدي رجع بضهره وقال بمرح غريب على شخصيته: حظك الحلو الدكتور اللي كشف عليكي ابنه عنده نفس المرض فمعاه البخاخ كحطياتي واداكي منه
حبيبه قامت وقالت: فين البخاخ د.... هااااا
حبيبه كانت هتقع من على السرير بس عدي لحقها ومسكها من وسطها فسندت على بأيديها على صدره فبقيت في حضنه وبصت في عنيه ولاحظت ولأول مره بلونها اللي بلون الشوكولاته اما هو فبص لعنيها بعمق وكانت لون عنيها اسود بلمعه مميزه كأنها ليله سوداء بنجمه وحيده مضيئه فكانت سوداء لامعه حبيبه لاحظت اني قلبها بيدق بعنف وهو كمان قلبه بيدق بعنف أكبر لدرجه اني حبيبه حست بيه تحت ايدها اللي على صدره فبصت على قلبه وقالت: قلبك
عدي وهو سرحان في عنيها: ماله
حبيبه بصت لعنيه وقالت بدون وعي: بيدق اوي ليه
عدي ابتسم وقال: مش عارف هو كده من شهرين
حبيبه لاحظت وضعهم وأنها في حضنه فوشها احمر جامد من الخجل وهو لاحظ ده فرفعها تاني على السرير وقال: خلي بالك وانا هجيب البخاخ ومشى وعلى وشه ابتسامه عريضه
اما حبيبه اخدت نفس وكأنها كانت تحت المايه وحطت ايدها على قلبها وقالت:
اهدي فيك ايه اول مره تدق كدا وغمضت عنيها وابتسمت لأنها كانت حسه في حضنه بأمان محستوش من زمان جدا من سنين طويله بس افتكرت هي مين وقالت بحزن
'' فوقي يا ديانا واوعي تنسي انتي هنا ليه ''
..........................................
اما عند البنات
بعد ما خرجوا من المطعم دوروا على حبيبه بس ملقيوهاش بس سمعوا أحمد وهو بيقول
أحمد بضيق: على فكره طبق الكشري بتاعي كان بارد ومن غير دقه
أمل : ازاي يا ابني انا حطالك دقه عليه
أحمد باستغراب: على فكره هو كان حار بس بعدها قلب بارد معرفش ليه
البنات بصوله مره واحده كأنه شبح
أحمد بخوف: في ايه هو انا عملت حاجه
شمس بحذر: هو انت امتا حست انه بقى بارد
أحمد بتفكير: امممم تقريبا كده لما حبيبه جات
البنات سمعوا ده وطلعوا يجروا على الدكتور اللي في مبنى الوحوش
..........................................
عند الدكتور
عدي دخل تاني وكان في ايده البخاخ واداه حبيبه وهي قرته واتنهدت وقالت:
ايوه نفسه اللي باخده
عدي قعد وقال بتساؤل: انتي ازاي أكلت اكل حار
حبيبه بتذكر: شكلي اخدت الطبق الغلط اللي في الدقه وسبت بتاعي لأحمد بالغلط
عدي : اممم طب خلي بالك المره اللي جايه
حبيبه بحرج: احممم هو انا كنت عايزه اعرف مين..... يعني..... اللي جابني هنا ازاي جابني يعني
عدي بابتسامه: انا اللي شيلتك وجبتك هنا
حبيبه بغيظ قالت: ومقولتش ليه للبنات وهما كانوا اتصرفوا
عدي بذهول: هي دي شكرا
حبيبه ذمت شفتيها بضيق طفولي وقالت:
لا شكرا ده ايه ده حرام اصلا كنت اتصرفت بطريقه تاني مش الجيش قالك اتصرف
عدي حس انوا سخن من حركتها بشفتيها دي وقال بهمس وهو حاطط ايده على دماغه:
اللهم اغزيك يا شيطان
حبيبه : يعني مش عاجبك كلامي
عدي بصلها وقال: قولي شكرا وخلاص
حبيبه بصت الناحيه التانيه وقالت بغيظ: شكرا وخلاص وكملت بهمس سمعه هو: ولا كأني لسه قايله محاضره عن الأخلاق عديم الأخلاق ده
عدي في نفسه:عديم الأخلاق اومال لو عرفت انا كنت عاوزه اعمل ايه من شويه هطلعني مغتصب ولا ايه
..........................................
البنات طلعوا يجروا على السلم لاني الدكتور في آخر دور جمب مكتب المقدم سيف.... وفهد وسليم شفوهم وقال سليم : يا ترى مصيبه ايه الجديده اللي عملوها
فهد بضحك: تعالى نشوفهم لأحسن الوحش يبلعهم ولا حاجه
سليم : على رأيك وطلعوا وراء البنات
اما البنات راحو على اوضه الكشف ودخلو زي العاصفه
لدرجه اني عدي من الخضه قام من على الكرسي
أمل راحت لحبيبه اللي بصتلهم بعدم استوعاب وهزتها وقالت: بت يا حبيبه ايه اللي حصلك انتي كويسه
وقبل ما ترد سحبها روان وهي بتقول:
مفيش فايده يعني فيكي يا بت جمال هتشليني بدري
شمس سحبتها منها وقالت: عندك حساسيه بتاكلي اللي يضرك ليه ها
آيات اخذتها منها وهزتها وقالت: هتجبيلنا جلطه في يوم بسببك اكلتي ايه ردي
عدي بصراخ: ما انتوا لو سبتولها فرصه هتتكلم
فهد وسليم قعدوا يضحكوا عليهم
شمس مسكتها من هدومها وقالت بغضب: ايه اللي حصل واقسم بالله لو كنتي اكلاه بمزاجك لاحرمك من الكيك لشهر قولي
حبيبه بصراخ: طب سبوني وانا انطق الله
سيف ومالك كانوا في المكتب بس سمعوا صوت عالي من بره فخرجوا يشوفوا في ايه برا
حبيبه بغيظ بعد ما حكت اللي حصل: كله من أحمد والله لما اشوفه لهديه روسيه في نص دماغه
سيف بحده: في ايه هنا
مالك بذهول: هو انتوا تاني
عدي بهدوء : الانسه جالها نوبه ضيق في التنفس بسبب حساسيه فجبتها لهنا
سيف بتريث: اي واحده فيكم؟؟
حبيبه بهدوء: انا يا فندم
سيف : تمام لو بقيتي كويسه يلا على المستشفى
البنات: ماشي تمام
..........................................
عدي اسبوعين
حصل فيها أحداث غريبه
البنات بعدوا عن الشباب لما لاحظوا انهم ابتداو يميلوا ليهم فبقيوا غير متواجدين في نفس المكان اللي بيبقوا فيه أو حتى يرفعوا عنيهم ليهم أو حتى يتكلموا ويقعدوا قريب منهم وده اللي مجنن الشباب ومش مخليهم على بعضهم وحاسين انهم عايزين يشوفوهم بأي طريقه بس مش عارفين حتى يكلموهم حتى جنانهم وخنقاتهم مع بعض قلت وبقيوا سرحانين كتير وده اللي لاحظوه الباقي بس اللي مخلي الشباب حيرانين هو أنهم تقريبا كل أسبوع في أيام مختلفه بيلاقوا اكل مش بيتعمل في الجيش زي الحواوشي أو أو البشاميل أو.... أو...... وده اللي مش مخليهم عارفين هما بيبعدوا ولا بيقربوا بس بيحاولوا بيبينوا لنفسهم هما العشره انهم مش فارقين معاهم بس ازاي ده جوا كل واحد فيهم القلب يصرخ شوقا للقاء والعقل يقول ان هذا هو الصحيح
..........................................
في يوم على الغداء البنات كانوا قاعدين ياكلوا بهدوء كالعاده الاخيره ليهم بس كانت شمس مش موجوده
الشباب دخلوا وراحوا قعدوا على طاوله كانت قريبه من طاوله البنات بكام متر بس البنات خدوا بالهم من كده بس مش بينوا حاجه وكانوا هيقوموا بس لاحظوا اني شمس جات وهي معاها كيس
شمس حطت الكيس على الطاوله وقالت بغموض: اتفضلوا ده
حبيبه باستغراب: ايه ده!!؟
شمس بهدوء: الحاجات اللي بتتطلبوها عادة وسكتت شويه لما لاحظت انهم بيبصوا على الكيس بشرود وقالت: انا هاروح الحمام وجايه
شمس مشيت والبنات بصوا لبعض ومهتموش بالكيس وايه فيه
آيات بهدوء: شبعت
وراحت مشيت
أمل قامت وقالت: وانا مش في المود خالص سلام
روان قامت وقالت: هاروح اشوف مريم فين
حبيبه ببرود: خديني معاكي
الشباب بصولهم وهما بياكلوا وكل واحد جواه اسئله عاوزه اجابه ومش عارفين والسؤال الأكبر هو ليه انطفوا كده كلهم؟؟
شمس رجعت وشافت الكيس زي ما هو قربت من الكيس وفتحته لقيت انه محدش اخد منه حاجه برغم اني الأكلات دي هما بيعشقوها اتنهدت بحيره من اللي بيحصل وقاطعها رنت تلفونها
فتحتوا وقالت: الو
المتصل:............
شمس بهدوء: كويس انك اتصلت لسه كنت هشوف ازاي اوصلك
المتصل بلغه اجنبيه: ماذا هناك
شمس بصت بحيره للكيس وقالت:
هدوء قاتل غير العاده يبقى ايه
المتصل بقلق: تبقوا مش كويسين
شمس بهدوء: مش كويسين خالص وفي حاله من الضياع والسرحان
المتصل اتنهد وقال: خلاص هتصرف
شمس بغموض: بسرعه لأن مشوفتش كده غير من سنين طويله يا زين
المتصل بقلق أكبر: تمام سلام
شمس قفلت وقالت بهمس: في حاجات كتير مكنش ينفع تتعامل وأولهم اننا نيجي هنا واخدت الكيس ومشيت
..........................................
(السلام عليكم ورحمة الله)

Sabreen☺️