عشق الوحوش والشياطين الفصل الحادي وثلاثون 31 - بقلم Sabreen

الفصل 33
صلي على محمد 🤍
وصل الجميع للمستشفى وأمل كشفت على شمس وخرجت وكان الكل برا ماعدا البنات لأنهم مكانوش لسه يعرفوا
مالك: ها يا أمل مالها
أمل: هي كويسه
سيف: اومال الإغماء ده ايه سببه
أمل: لا ده مش إغماء ده حاجه زي غيبوبه مؤقته بتحصل للإنسان بسبب ضغط شديد على عقله فالعقل بيسبب الغيبوبه دي
سليم: وايه سبب الغيبوبه دي كانت كويسه
أمل: اكيد سبب نفسي وانا مش هعرفه لانى مش دكتوره نفسيه هي اكيد عارفه وهي بما انها دماغها جذمه قديمه فمش هتقول حاجه
أدهم: طب هي كويسه دلوقتي
أمل: كويسه وزي القرد وفاقت جوا اعااااااااا
شمس مسكتها من شعرها تحت الحجاب وقالت بغيظ: انا قرده يا حماره شكلى شريف نسي يربيكي يا بت رباب ربي أسماء وكسل يربيكي انتي
أمل: هههههههه كسل اومال زي ما ابو علي كسل يربيكي أنتي كمان
فهد بذهول: دول بيشتموا بعض
أدهم: هاروح اشوف حد يطهر ليا الجروح دي وانتوا فكوا الخناقه
شمس سابت شعر أمل وقالت: بتمشي وتسيبني في نص الخناقه يا أدهم أخص عليك والله
أدهم مهتمش ومشى
سليم: ههههههههه باعك
شمس بتذمر: ده مش اخ بعيد عنك والله انا ما ليا غير ابو علي
عدي بص في ساعته وقال: طب المفروض نمشي احنا
شمس وأمل ميلوا رأسهم هما الاتنين في نفس الوقت وبصوا للممر على ناحيه الشمال
وبصلهم الشباب باستغراب
أمل: بت انتي سامعه اللي انا بسمعه
شمس: اممممم سامعه احنا نروح ونشوف
أمل اتعدلت وقالت وهي بتجري: انا من الشمال وانتي من اليمين
شمس جريت من اليمين وقال بحماس: ده احنا هنلعب لعب
الشباب بصوا لبعض بغباء وسمعوا صوت صراخ آيات وحبيبه وروان
فهد: يا نهار مش فايت اكيد بيعملوا مصيبه
سيف جرى من الناحيه إللي جريت منها شمس وقال: شوفوا الباقي فين
الكل جري من ناحيه متفرقه وعدي وهو بيجي شاف حبيبه بتجربة وراء شخص مش شايفه بس عرف انه راجل فنادي عليها: حبيبه
حبيبه ماخدتش بالها وإذا بأمل بتجري في الاتجاه المعاكس قبال خديجه وقالت بصوت عالي: امسكووووووه
مالك بيجري وراء أمل فالشخص ده بسرعة دخل من طرقه تانيه فالبنات عدوا من طرقه مختصره للمكان ومالك وعدي ملحقوش يفرملوا فخبطوا في بعض
عند الشخص كان بيجري فشاف آيات فجري من الناحيه التانيه فاصطدم بفهد فزقوا وفهد وقع على الأرض فقالت آيات: يا ابن الجذممممممه هقتلك
الشخص جري بسرعه وخوف من ممر تاني
فهد: مين ده ؟؟!!
آيات شدته وقالت: مش وقته معاك مسدس
فهد وهو بيجري وراها: معايا ليه
آيات: كويس علشان نضربه
فهد: انتي مجنونه
آيات وهي لسه بتجري :ولاه متقوليش مجنونة
روان كانت بتجري ووراها سليم وهو بيقول
"الله يخربيتك قطعتي نفسي استنى"
روان بصوت عالي: شــــمـــس ممر الحروق
شمس كانت آخر الممر اللي بتجري فيه روان وبتتخانق مع سيف لأنه ساب الشخص يفلت منه ولما سمعت صوت روان جريت بسرعة ووراها سيف ولا يفهم شئ
شمس وهي بتجري مسكت الشخص من البالطو بتاعه فهو زقها بسرعه وشمس كانت هتقع بس سيف مسكها بسرعه وقالت شمس: يا واطي بتزقني انا
الشخص وصل استقبال المستشفى الواسع وكان فاضي بسبب تبديل الشفتات فلقي روان قدامه بتقول: وقعت ولا محدش سمي عليك
كان هيجري من الناحيه التانيه بس لقى حبيبه بص حواليه لقى البنات والشباب فابتلع ريقه بخوف وإذا بروان ضربته على راسه بقوه فوقع على الأرض: ااااااااااااه واغمي عليه
سليم: يا لهوي قتلتيه
سيف: مين دا
البنات بصوت واحد: حرامي
عدي: حرامي؟!! حرامي ازاي في مستشفى عسكري
آيات: كان في المشرحه الافندي
فهد: مشرحه ما طبيعي مش دكتور
حبيبه: لا مش طبيعي لما تبقى المستشفى فاضيه في وقت تبديل الشفتات والجو هوس كده وهو في المشرحه يبقى مش طبيعي
عدي: يا سلام ومش طبيعي ليه يا دكتوره
أمل: اكيد كان بيسرق أعضاء الواطي عديم الشرف خاين العهد
مالك: يا نيابه اهدي شويه
الشباب بصوا للشخص وقال سيف: طب ده مين
البنات: منعرفش
فهد: متعرفوش وبتجروا وراه أيه الهبل ده
آيات: الله اومال نعمل ايه شايفين حرامي في المشرحه نقولوا استنى شيل الكمامه نعرف انت مين الاول
أدهم من وراهم: في ايه؟؟!!
البنات بفخر: مسكنا حرامي
عدنان: حرامي ايه ده اللي في مستشفى عسكري و...... يا لهوي هاني
البنات بغباء: هاني
عدنان شال الكمامه من على وش هاني وبدأ يفوق فيه
البنات: احييييييه هاني
هاني فاق وقال بألم: اااااه دماغي

شمس بابتسامه غبيه: هاني ازيك يا راجل فينك من زمان
س

يف بصلها: لا والله
البنات: احم احم هاني احنا آسفين
هاني بص حواليه: منكم لله اشوف فيكم يوم
حبيبه: خلاص يا عم متأفورش دي مكنتش ضربه على الدماغ
روان: يا جدع ده انا حتى سهلت ايدي عليك
هاني وهو حاطط ايده على دماغه: سهلتي ايدك ده انا حاسس اني اضربت بطفايه حريق
روان: خمسه خمسه🖐🏻 قوبه في عينك وبعدين انتي كنت بتنيل ايه في المشرحه ها
هاني: هنيل ايه يا يعني وانا دكتور تشريح غير اني اكون مسؤل عن المشرحه وكنت خلصت ولسه هخرج لقيتكم كنت عايزين تقتلوني منكم لله منكم لله
آيات بتذمر: خلاص يا جدع هنتسخط واحنا واقفين
ده كله والشباب ميتين علي نفسهم من الضحك
حبيبه ة: خلاص يابا قوم اطهرلك دماغك دي
عدي بغيره: لا عدنان يطهره
حبيبه أبتسمت جواها على غيرته وقال عدنان: ههههههه قوم يا عم اطهرها ليك
هاني قام وراح مع عدنان والشباب بصوا للبنات والبنات قالوا بغباء: ايه
الشباب: يا سلام مش عارفين
آيات بغباء: عارفين اننا جعانين

فهد ضربها بخفه على دماغها وقال: جعانين ايه ده انتوا كنتوا هتقتلوا الراجل
آ

يات: طب من غير ضرب طاه
#بغضب :ضرب ايه ده انا هقتلكم انتوا الخمسه
الكل بص للصوت وقالت شمس بتوتر: هههه ياسين قره عيني واخويا حبيبي
أدهم: قره عينك وحبيبك مش مطمن اكيد عملتي كارثه
البنات بتوتر: الغالي ابن عمي حسن الطيب واللي اكيد ابنه هيكون طيب زيه
ياسمين شمر كمامه ومسك عصايه مقشه كانت جمبه وقال: ايه ده هو انتوا متعرفوش مش ابويا مش طيب وانا اصلا مش زيه
البنات ببلاهه: يبقى طيب...... اعاااااا
ياسين جرى وراهم وقال: جننتوني منك لله إلهي يتردلكم اعمل فيكم ايه
عمر بتثاؤب: اقتلهم وريح البشريه منهم
بعد الكل ما كان مصدوم من تصرفاتي ياسين بصوا لعمر اللي كان لابس بجامه نوم شتويه وشبشب بصباع وشعره منعكش وقاعد على كرسي ومرجع راسه لوراء ونايم
مالك: ده عمر ده ولا واحد شبه
عدي: لا اكيد واحد شبهه عمر عمره ما كان بالشكل ده ده دايما بيبقى مظبط شعره مش منعكش كده
ياسين: أصله بعيد عنكم اللي يعرف اللي 5 كوارث دول مستحيل يبقى مرتب
البنات كانوا لسه بيجروا فادهم مسك ياسين وقال: ياسين اهدي في ايه مش كده احنا مستشفى انت أعقل من كده
ياسين: عقل! عقل ايه ده اللي يعرف المصايب دول يبقى فيه عقل
حبيبه: ايه يا جدع احنا عملنا ايه يعني لده كله ها
آيات: دايما ظالمنا دايما يا ياسين
ياسين: منكم لله كان يوم اسود يوم ما شوفتكم انتوا والجذمه اللي نايم ده
عمر بضيق: الله وانا مالي يا ابو نسب هو انا اللي خربت الكهرباء
سيف: في ايه يا ياسين عملوا ايه دول
ياسين: عملوا ايه قول معملوش ايه دول كل يوم بكارثة شكل النهارده بوظوا سلوك الكهرباء وقطعوها عن المنطقه كلها من الساعه 11 الصبح
الشباب بصوا للبنات بعيون ضيقه
فقالوا البنات: اسمع بس في سبب مقنع
ياسين: وهو ايه ان شاء الله
شمس: بص عطوه الجزار سخيف الدم ده رزّل كالعاده نسكت احنا
عمر: لا طبعا ازاي متبقوش العصابه
حبيبه: اوم ايه نخلي لحمته تبوظ
روان: ومفيش غير الكهرباء
آيات: روحنا كده قطعناها
أمل: بس صدقاً مكناش نعرف اني المنطقه كلا هتقطع
عمر: يا راجل قاطعين السلوك الرئيسيه في عداد الكهرباء الرئيسي وتقولوا مكناش نعرف
شمس : الله واحنا كنا هندسه كهرباء هنعرف منين
ياسين ضربها بالعصايه وقال: وطالما كده بتتنيلوا تلعبوا فيها ليه
شمس: اااه ايه يا ياسين متتضربش يا جدع
ياسين: جدع جاتك القرف في الفاظك يا سرسجيه يا معفنه
روان: خلاص يا عم بقى كفايه تهزيق
ياسين ضربها بس جات في سليم لاني البنات مستخبين وراء الشباب معادا شمس
ياسين: اسكتي يا جذمه انتي كمان
سليم : ااااه طب انا مالي انا بتتضرب ليه
ياسين: تستاهل علشان تعرف منك ليه اني كل يوم هتبقى فيه بلوه من ده
عمر: بصوا انا اه كنت عايزكم تتجوزوا بس لو دول يبقى أخرجوا بالمعروف احسن
آيات: نعم يا اخويا ومالهم دول
ياسين ضربها بس جات في فهد
فهد: ااااه يا ياسين يتوجع يا جدع
ياسين: مجنونه منك ليها وبعدين فين الجذمه رقم 6
مصطفى: انا هنا يا ياسين
البنات: دررررش
مصطفى بدراما: اااه يا عصابه وحشني اااااااه ايه يا ياسين بتضرب ليه
ياسين: وحشينك ده ايه اش حال انك عامل المصيبه دي معاهم الصبح يا جذمه
مصطفى: ايه ده ده بيزعقلي طب مش لاعب
وقعد جمب عمر النايم بتذمر
أدهم: هههههههه المهم صلحوا العداد ولا ايه
ياسين: صلحوه بس بعد معاناه وخالد بيحل المشكله في الحاره
ياسين بص للبنات بشر وقال: كل جذمه فيكم تتدفع 1000 جنيه
البنات: نعععععععم ليه أن شاء الله
ياسين: إصلاح تلفيات يا فالحه منك ليها وبعدين محسسني انكم مفلسين يعني
شمس: كده يا ياسين عايزني ادفع وانت موجود وحسك في الدنيا
ياسين هز راسه ببرود: اااه
شمس بهمس: واطي واطي يعني
مصطفى بجديه مضحكه: تؤ تؤ تؤ أخص عليك يا ياسين هي دي امانه اب كل واحده فيهم لما قالك ياسين يا ابني خلي بالك دايما من البنات انت راجل اما هما بنات وحافظ عليهم نسيت ولا لأ
روان: الله الله تربيتي ياض
عمر بضحك: تربيه تعر
ياسين: راجل وبنات دول بنات
أمل: ايه يا عم انت لاحظ اني كلام جارح
ياسين: دول ارجل من عطوه ذات نفسه
عمر: حصل وانا اشهد
حبيبه: بـــــس يعني انت عايز 1000 جنيه
ياسين: اه بعد اذنك معاليكم
البنات بلامباله: خدهم من أبويا
شمس: وانت اخويا واكبر مني مش هتستخسر فيا يعني 1000 جنيه ولا ايه يا سونا
ياسين: بالنسبه لاخت استخسر دي ااه استخسر ما انتي بلاويكِ كتيره وانا يما دفعت
عمر بشماته: وبالنسبه لابو كل واحده فيكم مستنيكم في البيت وهتاخدوا علقه سخنه النهارده
البنات: احيييه هي كانت ناقصه ده انا هموت وانام
ياسين مسك شمس من هدومها وقال: انتي يا مصيبه حياتي فين القميص الأسود بتاعي
شمس: في المطبخ
ياسين بذهول: وبيعمل ايه في المطبخ
شمس: أصله بص مكنتش اعرف انه قميصك وخمدت به النار
سليم: يا عيني القميص راح
ياسين بصدمه: حرقتي القميص
شمس: لا يا سونا متقولش كده هي حته منه بس
ياسين بشلل: وملقتيش غيره تخمدي بيه النار
شمس: الله اومال اسيب الزيت يولع
مصطفى: لا ست بيت شاطره بصحيح جريت جابت قميصك وطفت به النار يلا الفاتحه على روحه
شمس: الله يرحمه كانت درجه لونه حلوه يلا مش خساره فيا
الشباب بصوا لياسين بشفقه وقالوا: الله يعينك يا ياسين
عمر بضحك: وبعينكم انتوا كمان مهي نسخها الاربعه معاكم
الشباب بصوا للبنات اللي ابتسموا ليهم بغباء
أدهم وسيف كانوا فطسانين على نفسهم من الضحك
ياسين: اااااااه اعمل فيكي ايه
شمس: خلاص يا جدع متافورش هجيبلك غيره
ياسين: امتا يا فالحه
شمس: بكره انا والبنات رايحين المول هجيب ليك قمصين ولا تزعل
عمر: المول والعصابه استر يا رب
ياسمين بشك: وانتوا هتعملوا ايه في المول
روان: هنعمل شوبنج هنعمل ايه يعنى عايزين هدوم جديده
عمر: هدوم جديده مصيبه جديده استر يا رب
آيات: حد يسكت البتاع ده بيعصبني
مصطفى: اسكت يا بتاع
ياسين: وامتا أن شاء الله
البنات: النهارده بما اني الصبح خلاص هيطلع
عمر: يا لهوي مش هنكون في القاهره علشان نلحق المصيبة الجديده
آيات: اومال فين؟؟!!
ياسين: في شرم الشيخ علشان نشوف الأرض والعمال للمشروع الجديد
شمس: خلاص اتكلوا على الله بس تيجوا قبل بكره تمام
ياسين: قبل بكره ليه ناويين على كارثه أيه
أمل: ايه يا جدع بلاش ظن السوء ده
......بصوت عالي: دكتوره شمس دكتوره شمس
شمس حطت ايدها على وشها: يا لهووي احلام
حبيبه: جات الاذاعه بتاعه المستشفى
احلام وهي بنهج: دكتوره...... شمس.... ال الحقي
شمس : أهدي يا احلام وقولوا ايه الجديد شوفتي فأر في الحمام
احلام: لا دي الطفله اللي في الغيبوبه اللي انتي مسؤله عنها
شمس بخوف وقلق: مالها
عدنان جيه بسرعه وقال: شمس البنت سخنه جدا والحراره مش راضيه تنزل انتي أعلم بحالتها
شمس جريت بسرعه جدا وملامحها تتدل على الخوف الشديد على تلك الصغيره التي دخلت قلبها بدون أن تتكلم معها حتى والبنات كانوا وراها
عمر باستغراب: اول مره اشوف شمس خايفه على مريضه بالطريقه دي ده كأنهم بيقولوا بنتك بتموت
سيف بصله وقال: وانت يا استاذ ايه الخلقه دي
عمر ببلاهه: ايه يا وحش بس هدى نفسك مش كده اعمل ايه يعني كنت نايم في امان الله ولقيت مصطفى الكلب دي بيقولوا الحقني ياسين وخالد هيقتلوني وهوب كده من غير ما حس لقيت ياسين بيجرني وراه زي الجاموسه على هنا وبعدين لو اعرف انك هنا مكنتش جيت اصلا اه والله
سيف: وانتي كنت نايم فين علشان تلاقي مصطفى في وشك
عمر بابتسامه غبيه: عند عم حسن
سيف: ليه دي الليله التالته تقريبا
ياسين بهدوء: لازم يا كابتن علشان المشروع كان لازم نشتغل عليه
عمر بضيق وصوت عالي نسبيا: قوله مش عارف انا بتعب قد ايه
سيف: 🤨
عمر سكت خالص ومصطفى قعد يضحك وقال: قلب لكتكوت في ثانيه
ياسين مسك مصطفي من التيشيرت من وراء وقال: قولي بقى يا درش الكلاب دول ناويين على ايه
مصطفى بغباء: على ايه
عمر: يا لهوي مش كفايه واحده هيبقوا اتنين
ياسين هز مصطفى وقال: يلاه انطق ناويين على مصيبه ايه
مصطفى: الله وانا اعرف منين يعني هشم على ضهر ايدي
عمر بقرف: هشم وضهر ايدي بيئه اوي يلاه
ياسين: ما بلاش انت ده انت وهو دافنينه سوا
مصطفى بص لسليم وقال: يرضي كده يا ابو نسب اتهزأ كده قدامك
سليم: بص هو انت فعلا لازم تقول هما ناويين على ايه اصل جنانهم ميضمنش
ياسين: اقتنعتوا اخيرا انهم مجانين
مالك: بص احنا كنا مقتعنين بس مكناش نعرف انهم بيعملوا مصايب كده
فهد بضحك: اه والله دول لسه كانوا هيقتلوا زميلهم افتكروا حرامي
مصطفى كان ماشي بيتسحب وإذا بيد تقبض على ملابسه من الخلف وما كانت الا يد عدي اللي قال: علي فين يا درش
مصطفى: على الحمام
عدي: مش قبل ما تقول البنات ناويين على مصيبه ايه
مصطفى: يا جدعان وهو انا هعرف منين
عمر: يا رجل ده على اساس انك مش مخزن اسرارهم وواحد من العصابه اكيد عارف
مصطفى: وانتوا فكركم هتكلم يعني
عدنان: وفي يابني والله
روان من وراهم: اومال ايه تربيتي
مصطفى: حبيبتي يا روان
عدنان: ها الطفل كويسه
آيات: اه كويسه والحرارة نزلت
مصطفى بحماس: شوفتوا لون عيونها
شمس بحزن مصطنع' للأسف لا مفتحتش عينيها اعاااا كنت عايزه اعرف لونهم
حبيبه بخبث وبلغه غريبه: حسنا انظري لعيون والدها اعتقد انهم نفس اللون
نظر الجميع لهم بعدك فهم ماعدا البنات اللي وقعوا على الأرض من كتر الضحك اما مكه وشها احمر اوي
مصطفى: لحظه لحظه قولتوا ايه وشها بقى احمر
شمس قلعت الكوتشي بتاعها ورمته على حبيبه بس هي وطت وقالت حبيبه : يا جذمه يا واطيه يا كلبه البحر اعاااا والله لاقتلك
ياسين مسك شمس بسرعة من دراعتها وهي قالت: سيبني عليهم الجزم اللي بيضحكوا دول والله لأربيهم
ياسين حط ايده على بقها وكتفها من وراء وقال: بس يا عمه اتهدي هما قالوا ايه اصلا
اما الشباب مكنوش فاهمين حبيبه قالت ايه علشان يضحكوا وشمس تتعصب كده اما سيف فاستغرابه أكبر لاني بعد ما قالت حبيبه والبنات قعدوا يضحكوا شمس بصتله وبعدها وشها احمر ممكن يكونوا بيتكلموا عني طب ضحكوا ليه
ياسين ثبت شمس وقال: اثبتي بقى
أدهم ابتسم بخبث وقال: ياسين خليك مثبتها علشان نفسي اعمل حاجه معملتهاش من زمان
ياسين ضحك وقال: مستغل إنت تعالى اعملها
شمس اتحركت بشده وعضت ايد ياسين فهو سابها من على بقها وقالت: ولاه والله يا أدهم لو قربت لاضربكم انتوا الاتنين
أدهم بضحك: متخافيش مش هتوجع
شمس بنبره أشبه بالبكاء: لاااااااا هتوجع
سيف: أدهم انت هتعملها ايه
عمر بضحك: متخافش يا وحش هيعمل حاجه كنت هموت واعملها في الخمسه دول
مالك: حاجه ايه دي؟؟!!
أدهم بضحك: دي...... ومسك خدود شمس وبيلعب فيهم وشمس بتحاول تفلت من ياسين اللي بيضحك وبتقول بصراخ: لا لا لا لا خدودي يا أدهم يا كلاب ابعدوه عني
البنات: ههههههه خليه شويه واااااااه
البنات صرخوا لما الشباب مسكوهم من خدودهم بفضول وقالوا بضحك: تصدقوا الموضوع ممتع
روان: سيب خدي اااه
حبيبه: هضربك يا عدي سيبني
آيات : سيب خدي يا ابن حسين احسن لك
أمل: ااااه يا خدي سيب ياض
الشباب سابوهم وقعدوا يضحكوا والبنات بيفركوا في خدودهم بوجع فقال مصطفى
" هههههههه ممتع اوي صح"
فهد: اه والله
شمس: اهي اهي ماشي يا أدهم والله لأقول لابوك
ياسين سابها وقال: اتنيلي ده على اساس انه مش بيعملها
احس سيف بالغيره الشديده من لمسهم لها فقال
"يلا كفايه الساعه داخله على 5 الصبح"
أدهم فهم كده فحاوط كتف شمس وقال: خلاص يا روحي تعالى نروح
سيف بصله وقال بخفوت سمعه الشباب: اما كسرتلك دراعك ده
عدي ضحك عليه في سره هو عارف انه مش هيعترف بسهوله
..........................................
أدهم دخل الفيلا بهدوء وكانت الساعه 5 ونص الصبح فطلع على اوضته ودخل بهدوء فلقي ريم نايمه على الكرسي مستنياه فابتسم عليها وعلى عادتها وقرب علشان يشيلها فهي صحيت بسرعه: اد.... هم وكملت بفزع لما شافت وشه والجروح عليها ضماضات
"أدهم مالك ايه اللي حصل"
أدهم بهدوء: اهدي يا ريم دي شويه كدمات وجروح في المهمه
ريم بدموع: انت كويس
أدهم مسح دموعها بحنان وقال: انا كويس بلاش دموع ينفع تحضري ليا الحمام
ريم بسرعه: حاضر حاضر
ريم حضرت الحمام لادهم وهو أخد شاور ولبس بنطلون قطن وخرج عاري الصدر وبينشف شعره
ريم بخجل: أدهم الجو برد البس حاجه
أدهم ساب الفوطه وشدها ونام وغطاهم الاتنين ودفن وشه في رقبتها
ريم: أدهم
ادهم: اششش عايز أنام يا ريم
ريم ثبتت لأنه باين فعلا انه تعبان
الصبح الساعه 2 الضهر
ريم دخلت الاوضه وكان أدهم لسه نايم
ريم: أدهم.....أدهم قوم كفايه نوم
أدهم: 😴
ريم: يا أدهم قوم بقى
أدهم سحبها جمبه وقال: كمان ساعه
ريم بتحاول تفك نفسها وكل ما تحاول أدهم يحضنها اكتر فقالت: يا أدهم قوم بقى شمس مستنياك تحت
أدهم باستغراب: شمس وتحت امتا
ريم: من شويه وقالت إنها عايزاك
أدهم قام وقال: حاضر بس مفيش صباح الخير
ريم قامت وقالت بحب: صباح الخير يا حبيبي
أدهم شدها فوقعت عليه وهو همس قدام شفايفها وقال: لا انا عايز الصباح ده.... وباسها بحب
ريم بخجل: ااااأدهم...... شمس.... ت تحت
أدهم لبس تيشيرت ونزل تحت لقى شمس في الجنينه بتلعب مع أيهم وضرغام
أدهم: صباح الخير
أيهم بسعاده: صباح الخير يا بابي
شمس بصت لادهم: لصباح ولا مسا
أدهم: ههههههه انت لسه زعلانه
ريم باستغراب: زعلانه من ايه
أدهم: هبقي اقولك بعدين حضري انتي بس الغداء يلا يا أيهم روح مع ماما
أيهم: ضرغام تعالى
أدهم قرب من شمس : بنوتي لسه زعلانه
شمس اممم شويه بس علشان معملتش كده من زمان بس خلاص... وكملت بغيظ: بس لو عملت كده تاني هبيتك في المستشفى انا سامحت علشان بقالك سنين بعيد
أدهم: ماشي يا اختي بس غريبه كنت فاكرك هتنامي للمغرب
شمس بجديه: لا ما انا هاروح مع البنات المول بس عايزه من خدمه الأول
أدهم: خدمه على رأي عمر استر يا رب
شمس: هو انت آخر مره سافرت تركيا كانت امتا
أدهم: من سنه تقريبا ليه
شمس: بص يا أدهم في ملف محتجاك تجيب من تركيا
أدهم: ملف ايه
شمس : ملف من زميل ليا المخابرات وعايزاك تسافر تجيبه منه
أدهم استغرب فقالت شمس: انا مش هينفع اسافر لوحدي لاني ياسين حاليا في شرم الشيخ وهو هيعرف ويستغرب فممكن تسافر انت
أدهم: تمام امتا عايزاني اسافر
شمس: بعد ساعتين
أدهم بذهول: ايه !!!!
شمس: التذاكر اهي وهتاخد ريم معاك وانا حاحزه في فندق ليكم وتلاقي عربيه قدام المطار السواق بتاعها هيستناك في المطار وياخذكم للفندق بعد كده السواق هياخدك لوحدك لزميلي ده وهو هيقابلك بس متخفي وتأخذ منه الملف.... وكملت بغمزه وكمان ابسط حاجزه ليك 3 ايام في الفندق انت وريم وانا هاخد استاذ أيهم وضرغام باشا يقعد مع ابو علي علشان تبقوا وحدكم ابسط يا عم
أدهم بضحك: فظيعه في الإقناع
شمس: لا مشفتش درش يقنع اكتر مني المهم يلا علشان تلحق
أدهم: استنى يا حجه وريم
شمس: انا فهمتها بس محكتش عند موضوع الملف تمام
أدهم: تمام يا شمس
..........................................
في مول من مولات مصر كانت آيات وأمل بيتخانقوا على فستان معين والراجل كل ما يحاول يهدي ياخد بوكس في وشه
آيات بغضب: والله يا بت شريف لانا اللي اخداه
أمل : بعينك يا بت عادل والله لو ماخدتوش انا لاقطعه قدامك
آيات: كده طب خدي
ورمت شنطه معروضه على أمل بس هي وطت وجات في الازاز كسرته
الراجل بلطم: يا لهوي
✨✨✨✨✨✨✨✨✨✨✨✨
اما في محل آخر خاص بالملابس الشبابيه كانت روان بتنقي مع مصطفى ومصطفى قال للراجل: لو سمحت عايز اللي في البترينه ده
الموظف: تمام يا فندم اتفضل فيه منه جوا
مصطفى: لا انا عايز اللون ده
الموظف: بس ده للعرض يا فندم وفيه منه جوا
مصطفى بعند: بس انا عايزك تتطلع ليا ده
الموظف بنرفزه بسيطه: بس انا قولت ليك يا استاذ اني ده مش للبيع للعرض
روان: انت بتزعق لخويا يلاه
الموظف: بزعق ايه هو انا زعقت
روان: طب ايه رايك اننا مش متحركين من هنا غير واحنا اخدين اللي في البترينه
الموظف: وانتوا مش اخدينه
مصطفى بص لروان وابتسموا بمكر ومصطفى وطى وشبك ايديه وروان طلعت عليها ونطت وضربت إزاز البترينه برجلها فاتكسر ومصطفى شده وقال: ها كام الحساب
الموظف بصويت: الازاااااز
..........................................
في محل آخر كانت حبيبه وشمس يتكلمون مع الموظف ببرود واستفزاز لدرجه ان الرجل يكاد يجن منهم
حبيبه ببرود: مش فاهمه ليه مش ينفع 400 بس
الموظف: يا فندم ده الفرق 50 جنيه بس هتفرق معاكي بأيه
شمس ببرود وتساؤل: يعني هتفرق معاك انت بأيه خلاص 410
الموظف: يا اختتتتتي فستان بـ580 عايزينه ب410 ده ميرضيش ربنا
حبيبه: امممم فعلا ميرضيش ربنا كتير 405 كويسه تمام
الموظف قعد يشد في شعره
شمس: حرام عليكي 405 قعد يشد في شعره خلاص يا كابتن 407 مرضى
الراجل بصراخ: يا ناااااااس الحقوني من المجانين دول
..........................................
بعد ساعه
مصطفى: على فكره اللون الأزرق كان حلو
شمس ضربته على راسه وقالت: وانا قولت الكحلي حلو تقول ماشي ماشي يلاه
مصطفى؛ ماشي يا كبير
آيات: اوف بقى طب دلوقتي احنا ملحقناش نشتري ولازم نرجع بعد ساعتين
شمس بصت وراهم وقالت: لا مش هنرجع فاضيين هنشتري اهو
أمل بصت وقالت: وااااااو الله عليكي يا بت حسن والله
..........................................
تاني يوم في مبنى المخابرات دخل الشباب اوضتهم
سيف: اكمل فين المقدم شمس
اكمل: مش عارف بصراحه حتى صحابها مش موجودين
عدي: ازاي طب اتصل عليها
اكمل اتصل على شمس وبعد شويه جيه الرد وشمس قالت: ابن حلال كويس انك اتصلت
اكمل باستغراب: ليه
شمس: هههه اصلا احنا تايهين
اكمل بغباء: تايهين
سيف اخد التليفون وفتحت الاسبيكر وشمس قالت: اااه والله تايهين ومش عارفين نرجع
مصطفى من الناحيه التانيه: بت يا روان سيب القصب يا بت
أمل: يا بت جمال اقسم بالله لو مجبتيش القصبه لاديكي في دماغك بيها
اكمل: انتوا فين
شمس: هههه في المنيا يا اخويا
سيف قفل وقال فهد: يا ولاد المجانين روحتوا المنيا
سليم: يعرفوا مين اصلا هما في المنيا
سيف: عيلتي
الشباب: عيلتك
سيف: فيه فرح هناك والعيله كلها راحت وانا كنت هاروح بس قبل الفرح
الشباب طلعوا يجروا على عربياتهم: ليلتهم سوده
..........................................
بعد ساعات وصل الشباب المنيا عروس الصعيد وبالتحديد في سرايا ملك أكبر عائلات المنيا عائله حمدان المنياوي والد مريم زوجه عمران الجارحي دخل الشباب وملامحهم لا تنذر بالخير
عمر كان بياكل ولما شافهم زور في الأكل وقعد يكح جامد
مريم اديتله مياه وقالت: مالك يا عمر اشرب المياه
عمر: كح كح كح الشباب كح كح هنموت
ياسين بص وراه وقال: الله يرحم البنات كانوا اغبيه اوي
عمران لما شافهم قام وقال باستغراب: انت جيت يا سيف مش قولت بعد يومين هتيجي
عدي: عمي عمران فين البنات
عمران باستغراب: البنات؟؟!؟
حمدان نزل من علي السلم وقال بلغه صعيديه: مرحبا مرحبا بالرجال كيفكم يا وحوش
سيفبهدوء: ازيك يا جدي
حمدان: بخير يا ولدي كيفكم يا وِلد
الشباب: الحمد لله يا جدي
( الشباب بيقولوا ليه جدي لأنهم كانوا بيجوا إجازات هنا قبل كده كتير)
سيف: بابا فين البنات
عمران بص لعمر وقال: عمر فين البنات
عمر بتوتر: اصل.... يعني هما.. هما
عمران بحذر: البنات فين يا عمر
سليم: احنا اتصلنا بيهم وقالوا إنهم تايهين علشان كده نزلنا الصعيد
عمر: تايهين
ياسين حط ايده على وشه وقال بفقدان امل
" علشان كده الكلاب لسه مجوش لحد دلوقتي"
حمدان: هما خرجوا من امتا يا ولدي
عمر بابتسامه غبيه: من الساعه 10 الصبح يا جدي
مريم بفزع: من الصبح ايه يا عمر ده العصر قرب يأذن
عمران: اتصلوا عليهم
الشباب اتصلوا على البنات وياسين اتصل على مصطفى لأنه معاهم
الشباب: التليفون مغلق
فهد بسرعه: جرس
مالك: افتح المكبر
بعد شويه وصل الرد وقالت آيات
" فهد عامل ايه "
فهد بغضب: هعمل منك كفته انتي فين يا عملي الأسود
شمس: ايه يا عم الحج متزرزر كده ليه اهدي كده ليجي ليك شوجر ولا حاجه
سيف: كفايه كلام انتوا في أنهى مصيبه
آيات: في الجنه
فهد: بقولك ايه سيبي حد عاقل كده يتكلم
عمران: اوصفوا المكان اللي انتوا فيه يا بنات
مصطفى: بص احنا كده خير اللهم اجعله خير في مكان كله أخضر والناس كلها بتبص لينا باستغراب معرفش ليه
ياسين: تصدق كنت فاكره أصفر لتكونوا وصلتوا الصحراء ولا حاجه
أمل بضيق: انت بتتريق
أمل: لا حاشا لله يا اخت أمل.... وكمل بعصبيه: انتوا فييين بالظبط

أمل بشهقه: هاااااا ده بيزعقلي

مريم: يا بنات قولوا انتوا فين نلحق نجيبكم قبل ما الجو يليل
مصطفى: اه والله يا مريوم لأحسن الواحد هفتان خالص
روان ضربته على قفاه: يعني مش مكفيك زرعه القصب اللي انت اكلتها لوحدك دي ولا ظباطة البلح
مصطفى بغيظ: ايه يا ماما ده انا طلعت النخله علشان اجيب البلح ليكم إي القطط تاكلوا وتنكروا
سليم: انتي يا قطه منك ليها انتوا فين بالظبط
أمل: بت بت فيه فرح هناك اهو
البنات: فين فين
حبيبه بحماس: يلا نروح
(داخلين في أي مصيبه🤣)
آيات كانت ماسكه التليفون في ايدها وراحوا للفرح ده وقال سليم: يا ربي اي حاجه عايزين يروحوها وخلاص
على الناحيه الأخرى
البنات راحوا المكان ده وكان بيت كبير ومليان زغاريط راحوا وقفوا علشان يسألوا حد ايه المكان فراجل هناك كبير شويه قال: وه انتوا مين وايه اللبس ده وكيف تاجو عند الرجاله أكده
حبيبه: يا عم براحه الواحد يجاوب على أنهى سؤال دلوقتي
الراجل: شكلكم أكده مش من اهني
آيات: ايوه احنا مش من اهني اهني دي بقي اسمها ايه
شمس: لو سمحت احنا ضايعين ومش عارفين نرجع ممكن مساعده يتيمه يعني
الراجل بصلهم وشمس ضربت أمل في كتفها وقالت: انت يا بت ما ترجمي
أمل: اوف طب من غير ضرب ينفع يا عم تساعدنا احنا تايهين ومش عارفين نعاودوا
آيات: لاول ايه اسم المكان ديه
الراجل قعد يضحك وقال: ههههههه على فكره انا فاهم حديتكم كويس بس هو انتوا من البلد ولا لا اصلكم بتتكلموا صعيدي مليح
مصطفى: لا والله يا حج احنا مش من الصعيد احنا عايزين نرجع البيت بس لأحسن هنموت من الجوع
الراجل: هههههههه
جيه راجل في نفس سنه وقال: مالك يا فاروق بتضحك بصوت عالي أكده ليه واه مين دول
فاروق: ضيوف يا شامل يا اخوي
شامل: وه دول كيف لهطة الجشطه يا فاروق بيضاء وألوان اش ازرق واخضر واصفر ودي عيونها سوده بس فيها لمعة أكده ودي لون عينيها اتنين في بعض
البنات ضحكوا والشباب هيولعوا
حبيبه: هههههههه الله يكرمك والله يا حج يعني احنا حلوين
شامل: وفي كلام بعد أكده دي حتى تشهد اللي عيونها صفراء دي كيف عسل النحل
آيات: يااااه تراه يتغزل فيا ده معملهاش فهد قبل كده
فهد بهمس: كدابه وهتروحي النار يا بت عادل والله
مصطفى: يعني هما احلى من الستات اللي هنا
فاروق: وهما النسوان اللي اهني يعتبروا نسوان دول غفر يا ولدي
شمس: طب ما طلقوهم
ياسين: كبريته كبريته لسه مكملتش 5 دقايق وعايزه تخرب البيت بطلاق
شامل: معادش ينفع يا بتي قدر وانكتب علينا
حمدان بص لمراته: فعلا قدر واتكتب علينا
مراته: تقصد ايه يا حمدان
حمدان بضيق: مقصدش
مراته: ولا تقصد
عمر: ههههههه ولعوا هناك وهنا
مصطفى: بقولك ايه يا أبا الحج مش احنا ضيوف واكرام الضيف واجب اعملوا الواجب بقى هموت اجدعاااااان من الجوع
مريم بضحك:طول عمره جعان الواد ده
فاروق: حاضر يا ولد جهز الغدا للضيوف
آيات افتكرت فهد فقالت: فهد انت لسه على الخط
فهد: يا اختي بركه انك افتكرتيني
آيات: معلش يا عم فاروق ممكن تقوله احنا فين بالظبط
أمل: واحنا ناكل عبال ما ييجوا
فاروق اخد التليفون وقال على العنوان وقفل معاهم فقال حمدان بذهول: وه ده البلد اللي جارنا كيف مشيوا ده كله لحد اهنيك
عمر اخد المفاتيح: يا جدي دول مش بيهمهم مسافات بيجروا وراء المشاكل ادعوا بس منروحش هناك ونلاقيهم عملوا كارثه انا عارفهم
الشباب خروجوا بس مركبوش عربيات كتير ياسين وعمر في عربيه عمر وسيف وعدي في عربيه وسليم ومالك في عربيه وفهد في عربيه
اما عند الكوارث قصدي البنات فدخلوا البيت وقعدوا ياكلوا وبعد ما خلصوا
مصطفى حط ايده على بطنه وقال: يااااه اخيرا مليت التنك
آيات: ااه والله يا درش
روان: المهم عايزين نكتشف المكان ده لحد ما يجوا ايه بقى نعمل ايه
روان: نتقسم على اتنين 3 عند الحريم واتنين مع مصطفى برا وانا هكون مع الواد ده ومعانا أمل بحيث لو قابلنا موقف صعب الترجمه ها اشطا يا عصابه
العصابه: اشطا يا كبير
..........................................

بعد ساعه وصل الشباب واتصدموا فكان الفرح كل اللي فيه بيضرب في التاني
ياسين: اتأخرنا وعملوها وولعوا في الفرح
الشباب دخلوا في التجمع ده وإذا بأربع رجاله ومنهم فاروق وشامل بيتخانقوا مع راجلين تانين وشمس وأمل ومصطفي قاعدين في النص بيولعوا في الموضوع
شامل: لع انت اللي هتدفع يإما نخرج الموضوع ده بالطلاق
شمس: لسه بس طلاق ده أبغض الحلال عند الله هو الطلاق بس بصراحه الحج شامل معاه حق
الراجل1: مدافعش يا شامل وأعلى ما في خيلك اركبه
أمل: الراجل معاه حق يا حج شامل بس العروسه اصلا يعني مش عايزه اقول
فاروق معاها حق البنيه عروستكم بايره
الراجل2: باه باه انا بتي بايره ولا ولدكم هو اللي عوطلي
مصطفى: هو ابنك يا حج شامل عواطلي
شامل بغضب: كداب يا مرسي انا ابني زينة الشباب بنتكم اصلا قدمها فقر من يوم ما طلبنا يدها واحنا مش ملاحقين على المشاكل
شمس ومصطفى: طلقها يا عم الحج
أمل: وزي ما دخلنا بالمعروف نخرج بالمعروف هااااااا
شهقه امل عندما وجدت نفسها ترتفع وقام برفعها مالك من ملابسها فقالت بابتسامه بلهاء
" مالك ازيك "
مالك: عايزه تتطلقيهم بدال ما تحاولي تصلحي بتخربي الموضوع
شمس: يا عم اصلا العروسه فعلا بايره وآيات وروان وحبيبه بيهدوا الستات جوا
سليم وفهد وعدي راحوا البيت وقالوا: يهدوا اكيد الكل بيشد في شعر التاني جوا
ياسين مسك اخته من قفاها: مش قولنا نخف مشاكل
شمس ببراءة: والله يا ياسين هي اللي بتجري ورايا
سيف: هي برضو اللي بتجري أشك
مصطفى: المهم يا حج شامل سيبك من الجوازه الشقم دي
شامل: اه والله يا ولدي جوازه شقم
عمر: يخربيتك خربت الجوازه يا مصطفى الكلب
مصطفى: هي اصلا خربانه
اما في الداخل
كانت آيات تمسك بام العروسه وروان تمسك بعمه العريس وحبيبه تجلس بالمنتصف تاكل موز وتشعلل الموضوع
ام العروسه بعصبيه: همليني اجيبها من شعرها الوليه دي
حبيبه: عيب كده يا ست حسنات ده انتي حتى في بيتهم
عمه العريس: جوليلها المره الخرفانه دي فاكره نفسها ست الدار تشخط وتنتر كيف البهيمه
روان: لا لا عيب كده يا ست فهيمه مهما كان دي برضو ضيفه
حسنات: انا انا بهيمه يا بقره عتقيه
آيات: لا كده بنتدخل في أعراض عيب
فهيمه مسكتها من شعرها وقالت: انا بقره يا يا وليه تعالى اكده
حسنات: اااااااه الحقوني يا خلق
روان: تؤ تؤ تؤ كده مينفعش شعرك هيتخلع عضيها من دراعها يا ام العروسه
فهيمه: اااااااااه دراعي يا مسعوره
حبيبه وهي بتاكل: ايوه شديها من الجلبيه بس حاسبي لتتقطعيها علشان دي أعراض ناس
عدي شدها من هدومها وراه وقال: أعراض ناس وبتاكلي موز 🍌 وبتتفرجي كده
سليم وهو شادد روان وراه: وياريتهم ساكتين بيولعوا في الموضوع اكتر
فهد: اااه كان يوم اسود والله
حبيبه: استنى يا جدع انت ماسكني ماسكه حرامي الغسيل كده ليه
روان: بريستيجنا راح هدر اعااااا
..........................................
بعد ساعه رجع الكل لسرايا حمدان المنياوي
شمس: يا ياسين سيبني يا جدع بريستيجي وقع في الأرض
ياسين: استنوا بس ده انا هعملكم كفته
عمران لما شافهم داخلين ومعاهم البنات قام وقال: كده يا بنات تخرجوا من غير ما تقولو ليا
ياسين: يا ريتهم قعدوا ساكتين دول عملوا حرب ما بين عيلتين
أمل: على فكره مكناش هنسيب حد يتعور
مالك: يتعور ده ايه دي الناس كانت بتتضرب في بعضها
حمدان بضحك' مش هتتغيروا واصل
مصطفى: سيبكم من دا انا جعان بقالي ساعتين مأكلتش حاجه
البنات: اه والله فين العشاء
بصوا ليهم الجميع بغباء ماعدا غزل اللي قعدت تضحك فالكل بص ليها فهي قالت باحراج
" احم اسفه لو ضحكت بصوت عالي"
مصطفى: الاه مين القمر دي بنتك يا عمده
روان بصدمه: عملتها واتجوزت على مريم يا عمده أخص عليك هانت عليك العشره
سليم ضربها بخفه على دماغها: انتي هتألفي قصه على مزاجك جوزتي الراجل في ثانيه
عمران: دي غزل عمار الجارحي بنت اخويا عمار الله يرحمه
البنات بذهول: عنجد
شمس بلغه غريبه: امممم إذن هذه يا فتيات
حبيبه ببسمه خبيثه: لنجري لها اختبار
البنات راحوا ليها ماعدا شمس واقفه تتفرج
عمر: استر يا رب هياكلوا البت
فهد: مالهم بيبصوا ليها كده ليه
أمل وهي بتبص ليها بتقييم من فوق لتحت: اممم وده طولك ولا لابسه كعب
غزل بتوتر بعض الشيء: لا طولي
روان: ودي عينيك ولا لانسيز
غزل: لا والله عينيا
حبيبه: حاطه ميكاب ولا ده بياض وحَمار طبيعي
غزل: مش حاطه حاجه في وشي خالص
روان: امممم بتعرفي تتكلمي كام لغه
غزل بتوتر: بببعرف اتكلم 4 لغات
آيات: وهما؟؟
غزل: تركي وانجليزي وفرنسي وايطالي
مصطفى بالايطاليه: هل تقومين بفروض الصلاه كامله
غزل: أجل كامله اقسم بذالك
البنات بصوا لشمس وقالوا بلغه غريبه: حسنا هي ممتازه
شمس: حسنا لنرى ما بداخلها
شمس قربت منها والبنات كانوا بيبصوا ليها بنظرات غريبه وكانت مخيفه بالنسبه لغزل
شمس كانت بتلف حواليها وغزل كانت خايفه وقالت بخفوت وخوف: يا رقيه
رقيه: اهدي يا غزل مش هيعملوا ليكي حاجه هي برضو عملت كده مع ريم
عدي: هي بتلف حواليها كده ليه
سيف بهمس: شكلها هتخرج روح ظابط المخابرات عليها
شمس بالتركيه: هل قومتي بتأدية صلاه العصر
غزل بسرعه وخوف: ااه والله صليته
شمس: ايه اكتر لون بتحبيه
غزل باستغراب: ايه؟؟!
شمس بصرامه: ردي علي السؤال
غزل وهي تكاد تبكي: الجملي
ياسين بضيق: براحه يا جذمه منك ليها البت هتموت من الخوف
شمس وقفت قدامها وقالت بلغه غريبه: حسنا مبارك لنا زوجه اخٍ جميله ومهذبه
آيات سقفت وقالت: نجحتي في الاختبار يا بنتي
رقيه: اتنفسي يا غزل خلاص خلصوا
ياسين اتنهد بارتياح وشمس قالت بمرح: ياسين هتجيب ليا البسكوت
ياسين: حاضر يا ستي
شمس لغزل بابتسامه: انا شمس اخت البشمهندس ابو عيون زرقاء ده
البنات عرفوا عن نفسهم ومصطفى قال بمرح: وانا يا ستي مصطفى أو درش رقم 6 في العصابه واخو البت روان
روان: جاتك بته تبتك
مصطفى: لا وعلى ايه اروح انام انا بقى جسمي اتهد
البنات طلعوا وغزل وقعت على الكرسي وقالت
" يا لهوي دول مش بنات نظراتهم مخيفه اوي ده انا كنت هموت من الخوف"
عمر: معلش يا بتي انا اصلا احيانا بخاف منهم
مالك: بس ايه اللغه الغريبه اللي اتكلموا بيها دي
عمر: والله يا اخويا ما اعرف لغه كده تقريبا اروبيه قديمه اتعلموها وخلوها زي سر كده للبنات بس متعرفش تتعلمها مش موجوده في جوجل
سيف: اومال هما اتعلموها ازاي
ياسين بهدوء: كتاب تركي قديم في مكتبه اسطنبول شمس جابته بس مخبياه علشان محدش يتعلمها
ياسين بص لعمران وهو ابتسم ليه
..........................................
في أوضه حبيبه وشمس كانت حبيبه برا وشمس واقفه في البلكونه وبتاكل سندويتش وإذا بقفا نزل على رقبتها من ياسين
شمس: اااااااااه ايه يا عم هتعمي على كده
ياسين بغيظ: البت كانت هتعملها على نفسها من الخوف منكم لله
شمس: الله ده كان مجرد اختبار
ياسين: يا سلام مجرد هو لسه فيه تاني
شمس وهي بتاكل: امممم طبعا لازم اعرف بتحبك ولا لا افرض كانت بتحب حد تاني
ياسين: ده انا اقتلها واقتله قال تحب حد تاني
شمس: ربنا يعينها على غيرتك يا اخويا وكمان لازم تعرف انك جوزها
ياسين بقلق: ودي هتعملبها ازاي وامتا
شمس: لا دي هسيبها عليا
ياسين: طب يا اختي بس اوعي تنخرطي اوي في دور الحماة
شمس: ههههه لازم سل ياسين اومال ادخل واحده العيله وخلاص ريم مرت بالاختبار وغزل كمان بس ناقص كام حاجه وبعدين انت مينفعش تقولها محدش بيفهم ايه نوايا الست أو اللي جواها غير ست زيها
ياسين حضنها بحب اخوي: ربنا يخليكي ليا يا شمس
شمس حضنته وقالت: عيب ياض ده إنت زي ابني
قاطعهم صوت بيقول: ايييييح العشق الممنوع
وده ما كان الا صوت أمل ومعاها البنات ومصطفى وعمر واقفين في البلكونه اللي جنبهم
ياسين بغيظ: قاطعين اللحظات الاخويه يا كلاب
عمر: اخويه ايه يا ابو نسب ده انتوا شبه مهند ونور ده انا ابتديت أشك فيكم اصلا
حبيبه: مبارك يا ياسين هنلبس سواريه اخيرا اجدع
ياسين: شكل الموضوع مش هيكمل طالما عينيكم فيه
روان: لا متخافش بإذن الله بس هي هاديه ليه كده ياض كنا عايزين واحده كده تشاركنا جنوننا
ياسين بفزع: لا الحمد لله مش كفايه 5 مجانين ودرش معاكم وواحد اهبل الرحمه حلوه
عمر: الله وانا مالي يا سونا
ياسين بغضب: تاني طب استنا عليا
ياسين جرى لبرا الاوضه وعمر قال بفزع
" يا لهووي هيقتلني "
آيات: اجري ياض يا عمر الجري نص الجدعنه
شمس بضحك: هههههه وفي الحاله دي الجدعنه كلها
..........................................
في المساء
الساعه 12 بعد منتصف الليل كان الكل نايم وإذا بفأر يتسحب إلى غرفه ياسين في الظلام وما كان الا اما ياسين كان قاعد في البلكونه بيفكر في رده فعل غزل لما تعرف انها مراته من 9 سنين
⚡⚡⚡⚡⚡
ياسين قام وفتح الباب وشاف فأر قدامه لاني شمس كانت لابسه بجامه بيضاء بشكل فأر والطاقيه بها اذنين فأر
ياسين: خير يا فأر هانم
شمس : احم احم ممكن ادخل
ياسين دخلها وقفل الباب وقال: في ايه بتتسحبي في نص الليل كده باللبس ده كانوا هيفتكروكِ عرسه والله
شمس بتذمر: ماشي يا دنجوان مردودالك المهم انا كنت عايزه انام في حضنك
ياسين: مينفعش يا شمس انتي مش صغيره وكمان احنا في بيت غريب
شمس: هو انت عشيقي يعني ما انت اخويا
ياسين بحنان: طب حصل ايه علشان عايزه تنامي في حضني
شمس: بصراحه مش عارفه انام والبنات كلهم ناموا ومفيش غيرك بقى وانت كمان شكلك مش عارف تنام
ياسين: وعرفتي منين يا اختي
شمس بفخر: قلب الأم
ياسين: طب ايه المطلوب مني دلوقتي
شمس برجاء: نتمشى تحت في الجنينه الطويله العريضه دي
ياسين: امممم ماشي بس البسي حاجه تقليله علشان الجو برد
شمس: هوا
وطلعت تجري على اوضتها
ياسين بضحك: طفله والله
بعد حوالي نص ساعه كان ياسين وشمس بيتمشوا في جنينه السرايا شمس قعدت على الأرض تحت شجرة وقالت: ااه وادي قعده
ياسين قعد جمبها وحط راسه على رجليها ومسك ايديها حطها على شعره
شمس ابتسمت هي عارفه انه بيحب الحركه دي بدأت تفرك في فروه شعره بحنان
ياسين غمض عيونه باستمتاع وقال: غني ليا يا شمس
مكه: امممم حاضر...... وابتدأت تغني اغنيه تركيه 🎶 زهره من الجنه 🎶
ياسمن سرح ولما شمس خلصت قال: صوتك شبه صوت امي
شمس بشرود: كانت بتحب الاغنيه دي اوي وحببتنا احنا 5 في الموسيقى وابتسمت ابتسامه جميله أظهرت غمازاتيها فقال ياسين بمرح: روح يا بت جاتك نيله في حلاوتك
شمس: ده على اساس انك مش عندك غمازتين برضو
ياسين: اه عندي بس مش عندي شعر احمر
شمس مسكت تليفونها وقالت: ياسين اضحك وبص هنا
ياسين ابتسم ابتسامه جميله وهو لسه قاعد على رجلها وهي عملت ايموجي يضحك 😜 وبعتتها لادهم وابوها
..........................................
في الصباح والشباب يجلسون مع الجد والجده ومريم وعمران في المنضره ويتحدثون وإذا بصوت اغاني يصدح في المكان
مالك: ايه الصوت ده مش المفروض اصلا العريس يبقى ابن اختك يا جدي والفرح هناك
حمدان: ايوه يا ولدي
سيف: اومال ايه صوت الاغاني ده
عمر دخل وقعد جمب فهد وياسين وقال: دول البنات تقريبا عاملين فقره رقص
ياسين: مصطفي معاهم صح
عمر وهو بياكل تفاحه: Yes
فهد: نعم يا اخويا وهو معاهم بينيل ايه بيطبل
عمر: لا ما هو بيرقص معاهم بس هما مش بيرقصوا شرقي وكده على طول لا دي رقصات الكابلز وأستاذ درش هو اللي بيرقص معاهم
الشباب بغيره: وده ازاي أن شاء الله
عمران بمكر: ايه يا شباب ده عنده 17 سنه هو عنده 30 يعني ثم اني البنات هما اللي مربينه يعني بالنسبه ليهم ابنهم
سليم بسخريه: ابنهم ده ايه ده أطول مني شخصيا
ورده مرات حمدان: والله البنات دول زي السكر
سيف: اه صح هو انت تعرفهم من امتا يا جدي
حمدان: من حوالي سنتين أكده جم في اجازه مع عيلتك بس انت وادهم والشباب مكنتوش موجودين دخلوا قلبي على طول والله يا ولدي هما اه عليهم أفعال تخليك تجن بس قلبهم ابيض وأخلاقهم وتربيتهم كيف المايه الصافيه
ورده: ده لولاهم كانت جدك مش جاعد وسطينا
عدي: ازاي؟؟!
مريم: جدك تعب اوي والضغط عالي عليه في يوم بس محدش كان موجود كلهم كانوا عند الخيل بس البنات كانوا قاعدين على السطح فوق فآيات نزلت علشان تجيب مياه فشافته واقع ونادت على البنات ولحقوه وبعدها روحنا المستشفى والدكتور قال لو مكانش اتلحق كان عمره خلص
ياسين ابتسم بفخر ااه احيانا بيخلوه يشد في شعره منهم بس هما فعلا جدعان وعمرهم ما عملوا حاجه غلط
الشباب ابتسموا بإعجاب يزداد للبنات
سيف: صحيح يا جدي فين خالي محسن وخالي حسان وخالتي شهيره وخالي زاهر وكمان أولادهم
حمدان: اخوالك كلهم في بيت اختي علشان الفرح اما أولادهم فزي ما انت عارف بيدرسوا برا ودي فتره امتحانات فمقدروش ينزلوا ومفيش غير نواره وبدر وبدر مع ابوه لأنه متعلق بيه
ياسين: تعرف يا حمدان بيه انت احسن حاجه فيك انك عمرك ما فرقت ما بين احفادك
حمدان: اكيد يا ولدي عمري ما هفرق بينهم في التعليم بس كان نفسي منار بت شهيره كمان تتعلم بس هي رفضت معرفش ليه مطلعاش زي مهران اخوها اديه بيتعلم في فرنسا مع بت خاله
ورده: كان نفسي يدلوا وحشوني جوي حتى كانوا يشوفوا البنات ويتعرفوا عليهم
مالك: هما مش شافوهم قبل كده
حمدان: لا المره اللي فاتت كانوا برضو مقدروش ينزلوا علشان الامتحانات بس احنا قولنا ليهم عنهم وهما كانوا نفسهم يشوفوهم حتى برضو المره دي مقدروش
وإذا بصوت صراخ يأتي من فوق
عمر بضحكه غبيه: بدأ الجنان اهو
روان بصراخ: والله لاقتلك يا بت حسن
شمس نزلت جرى وهي لابسه بجامه الفأر
ياسين بذهول: هي لسه لابسه بجامه الفأر دي
روان بتجري وراها وهي لابسه بجامه عليها تويتي
سليم بغيظ: ايه الحلو فإنهم ينزلوا بالبجايم انا مش فاهم
عمر: عاده غبيه عندهم
شمس مسكت السكينه من عمر اللي كان بيقطع البرتقال وقالت: وريني يا بت رضوي هتاخديه ازاي اما ربيتك
ياسين: بت بت سيبي السكينه
عمر بخوف لأنها كانت واقفه جمبه: اهدي يا كبير السلاح يطول وييجي في وشي
روان مسكت الفازه جمبها وحدفتها عليها فهي وطت وياسين مسكها قبل ما تيجي فيها
ياسين بصدمه: يا ولاد المجانين كانت هتيجي في دماغي
روان هجمت عليها ومسكتها من شعرها : بت هاتي التليفون احسنلك
شمس: وحيات امك ما أنت وخداه هعمله سوفت علشان تحرمي
عمر بلطم: احيه أحيه السكينه هتيجي في وشي هموت قبل ما اتجوز يا كلاب
ياسين مسك روان وسحب منها السكينه ومصطفى مسك روان من وراء
روان: ولاه ولاه سيبني اجيبها من شعرها بت حياه دي
شمس: ومالها بت حياه يا بت عبد الرحمن ها
مصطفى: اهدي يا بت منك ليها دي مكنتش صوره الله يخدكم وانتي يا قرده منك ليها تعالوا فكوا الخناقه دي
البنات كانوا واقفين بياكلوا موز ويتفرجوا باستمتاع
عدي: سبحان الله قمه البرود ولا كأني في خناقة هنا
مالك: ايه سر حبكم لبجايم الأطفال دي
أمل: مريحه يا اخ
أمل كانت لابسه بجامه بني على شكل دب
حبيبه بجامه عسلي على شكل نحله
آيات بجامه اسود وابيض على شكل باندا
فجأه وسط الخناقه دي دخلت نوراه صاحبه 13 عاما وفتحت التليفزيون بكل هدوء وقعدت قدامه وهي بتاكل فشار وجابت على سندريلا
عمر بذهول: ايه الروقان ده كله
البنات قعدوا جمبها ولا كأني كان فيه خناقه
روان لشمس من غير ما تبصلها: هتمسحي الصوره وترجعي ليا صح
شمس: اه اه ماشي
فهد ضرب كف على كف: لا حول لله يا رب
الكبار قعدوا يضحكوا
آيات.: الامير ده غريب على فكره
فهد: لا والله
روان: اه والله يعرضوا عليه بنات المملكه كلها وهو يمسك في الخدامه
سليم: بس خليكم انتوا نص الخدامه دي
شمس: ايه يعني فيها بيضه انا بيضه عينيها زرقاء انا عينيا زرقاء شعرها اصفر اااااا
سيف: سكتي يعني
شمس بصتله بغيظ: اه انا شعري مش اصفر بس احلى منها
أمل: مز والله الأمير ده
بصلها مالك بضيق وقال ياسين بمرح: انا احلى
البنات بصوله بقرف وشمس قالت بمرح: طبعا طبعا يا مهند يا سلام انت احلى واحلى اكيد
ياسين بشك: مش مطمن للغزل ده اكيد عايزه حاجه
شمس بذهول مصطنع: انت تعرف عني كده
حبيبه بسخريه: هو ميعرفش غير كده لاني لو فيه غير كده متبقيش شمس
شمس: صحاب واطيه والله المهم يا اخويا عايزه 200 جنيه
ياسين: ليه والكريدت كارت بتاعتك فين
شمس: معايا بس مفيش هنا ETM علشان اسحب
ياسين: خلاص روحي أقرب بنك واسحبي
شمس بخبث: اممم ماشي هات بقى مفاتيح عربيتك اروح بيها
ياسين: لا لا لا خدي 200 بدال ما اتدفع انا 2000 جنيه تصليح

شمس بغرور: ناس مش بتيجي غير بالعين الزرقاء
ي

اسين طلع محفظته ولسه هيسحب منها لقى شمس اخدتها كلها وقالت: انت لسه هتطلع هات يا راجل
ياسين: انت يا بت هاتخديها كلها
شمس بصدمه: انت مش مستأمني عليها
ياسين: لأ طبعا
شمس: اه بحسب
مصطفى: ههههه لا اطرحي
شمس خرجت منها 600 ورجعتها ليه وقالت ببراءة: اتفضل يا ياسين
ياسين باستنكار: اخدتي 600 مش 200 يا بت
شمس بصتله بتحدى: يا عمده البشمهندس ده بيقبض كام
عمران: 6000 يا شمس
أمل: تؤ تؤ 6000 ومستاخسر فيها 600 أخص عليك
روان: إذا كنت انت اخوها وسندها مش عايزه تديها اومال الغريب يعمل ايه
شمس: اهي اهي سامع يا سندي يا ولي أمري
ياسين بيبص ليهم ببرود: خلصتوا وصله الشحاته دي
شمس: اه خلصنا
ياسين: بص للبنات وانتي يا فالحه منك ليها مسحبتوش فلوس صح
البنات: صح وناوين نسحب منك
ياسين بغيظ: ليه كنت ولي أمرك
آيات: اااه طبعا ولي أمرنا مش ابو علي قالك يا ياسين يا ابني خلي بالك من البنات
حبيبه: وجيمي قالك ياسين هما الـ5 امانه في رقابتك
روان: وعبده قالك اوعي البنات يضيعوا منك يا ياسين
مصطفى: يعني اوعي تفرط فيهم وفيا انا كمان
ياسين: بااااس جاتكم نيله كان يوم اسود يوم ما شفتكم انتوا والجذمه اللي بيسح في البرتقال ده
توجهت العيون كلها لعمر اللي بيأكل برتقال بنهم عمر حس اني في حد بيبص عليه فرفع راسه وقال: احم احم حد عايز برتقال
مالك: عايز اعرف ازاي انت اخو سيف مفيش وجه شبه خالص
أمل: طب بس سكوت كده الرقصه هتبدأ
بدأت رقصة سندريلا مع الأمير فقالت شمس
"واد يا مصطفى تعرف ترقص كده"
مصطفي: الرقصه محتاجه مكان واسع وحركه دائريه
سليم: لا شكلك بتعرف ترقص
البنات وهما مندمجين: حلوة والله الرقصه دي
شمس بصت لمصطفى وابتسمتوا هما الاتنين بمكر فقالت حبيبه: بقولك يا ورده
ورده: نعم يا عيون ورده
حبيبه: نفسي اكل فطير مشلتت
البنات ومصطفى بحماس: ايوه يا ورده
ورده بضحك: بس أكده عينيا الاتنين هنتغدي فطير مشلتت
البنات: هاااااي
..........................................

Sabreen