عشق الوحوش والشياطين الفصل الثاني وثلاثون 32 - بقلم Sabreen

الفصل 34
صلي على محمد 🤍
في الغداء على السفره كان الجميع يجلس وهم ياكلون فقالت شمس بهمس لاخيها: ياسين ينفع اخرج
ياسين: تروحي فين
شمس: انا والبنات هنشتري حاجه من محل شفناه امبارح
ياسين: امممم هتروحوا امتا
شمس: دلوقتي عادي
ياسين: ماشي بس متتاخروش
شمس قامت: لا متقلقش يلا يا بت منك ليها
أمل وهي بتاكل: طب ناكل الأول وبعدين نروح
شمس ببرود: دلوقتي ياما مش هنروح
البنات قاموا وطلعوا علشان يلبسوا ومصطفى لسه بياكل
عمر: رايحين فين دول يا ياسين
ياسين: رايحين يشتروا يا عمر
البنات نزلوا وكانوا لابسين كاجول كالعاده فقالت ورده: انتوا هتخرجوا أكده
آيات: مالوا يا ورده مهو واسع اهو
ورده: مش قصدي بس الناس هتبص عليكم وتستغربكم
شمس : هو مفيش حد بيلبس كده هنا
ورده: لا بيلبسوا بس انتوا وشكم مش معروف في البلد فالناس هتبص عليك وهيتكلموا
مصطفى وهو بياكل: متقلقيش يا ورده دول ما يتخافش عليهم اللي هيقرب بس هيخرشموا وشه خافوا على الناس منهم
روان ضربته على ضهره وقالت بغيظ
"ليه احنا فيروس يتخاف مننا "
عمر: هههههههه العن
ياسين: محتاجين فلوس او حاجه
شمس: لا محتاجه العربيه بتاعتك علشان منمشيش كتير ومنعملش مشاكل اكتر
ياسين: مش مطمن بس خدي
شمس : يخليك للغلابه يا اخويا يلا يا بنات
ياسين: سوقي براحه انتي مش على الطريق السريع ماشي
شمس: ماشي
ياسين: وخلوا بالكم من نفسكم
البنات: حاضر يا بابا ياسين سلام
ياسين: جاتكم بو قال بابا
سليم: ما بصراحه معاهم حق ايه كميه التوصيات دي
ياسين: اب كل واحده فيهم موصيني عليها وهما مجانين اي حاجه بتيجي في دماغهم بيعملوها
مريم: مصطفى هما عايزين يشتروا ايه
مصطفى: عايزين يشتروا لبس صعيدي كده عجبهم واحنا تايهين امبارح
ورده باستغراب: لبس صعيدي ازاي يعني
مصطفي: زي اللي حضرتك لبساها دي بس شبابي شويه
مريم: عبايات سوده يعني
مصطفى: امممم بقولكم ايه انا عايز اركب خيل
عمر بص للشباب: ايه مش هتعيدوا ايام زمان ولا ايه
فهد: كمان شويه انا عايز اشرب شاي واكل وبسكوت
ورده: بس أكده انتوا تؤمروا
..........................................
بعد ساعه
كان الشباب قاعدين على كنب فيه الجنينه وفي النص ترابيزه صغيره عليها براد شاي وطبق فيه كيك وبسكوت وعلى كام متر منهم كان اسطبل كبير فيه خيل ومصطفى وياسين وعمر بيتاسبقوا
شمس من وراهم: سيبتوا الشغل وجيتوا كده يا وحوش
عدي: ده على اساس انك قولت انكم جايين هنا
شمس لسليم: روح اقعد جمب توينزك اللي هناك ده علشان اقعد انا
سيف: وانت هتقعدي هنا
شمس بابتسامه بارده: اه
سليم قام وقعد جمب فهد وقال: ازيك يا توينزي
فهد: بخير يا اخويا
سيف: مين دلوقتي اللي مهتم بالشغل انا اتصلت باكمل وهو قالي قول لسيادة المقدم
شمس: الشغل تمام وأكمل وعلى وسراج ونانو هناك المهم أدهم اتصل بيك يا سياده المقدم
سيف ببرود: لا هتصل بيه دلوقتي بما انك هنا
بعد شويه صدح صوت أدهم: الو
شمس: الو بالاخ اللي ما صدق انه اخد اجازه
أدهم: اكدب لو قولت لا
فهد: ايوه يا عم مين قدك حد يلاقي دلع ويقول لأ يبقى اهبل
سليم: عقبالنا يا رب لأحسن قربت اخلل
فهد: هو اتجوز وخلف واحنا قاعدين نبص عليه من بعيد
مالك: بصراحه اول مره اتفق معاهم على حاجه
سيف: حالتهم صعبه اوي
أدهم بضحك: اوي
شمس: أدهم اخدت الملف
أدهم: ايوه بس اااااا
شمس: بس ايه؟؟؟!
أدهم: انتي قولتي هيقابلني واحد بس قابلني بنتين برضو
شمس بخفوت: بنتين اه يا جذمه منك ليها..... لا عادي يا أدهم بس أنت اتكلمت معاهم
أدهم: لا انا اصلا مشوفتش وشهم هما التلاته بس اتكلمت مع واحد بس وهو كان عيونه زرقاء لا بس بصراحه البنتين دول كانوا بيبصوا ليا بطريقه يعني
فهد: ايه معجبين
سليم: اوعي تنجرف وراء مشاعرك مراتك معاك يا إعصار
أدهم: حد يسكت الحمار ده
عدي: اسكت يا حمار
سيف: كانوا بيبصوا ليك ازاي
أدهم بشرود: مش نظره إعجاب لأ دي بصه غريبه مفهمتهاش نفس نظرتك ليا لما شفتك اول مره في الكتيبه
شمس: انا كانت نظرتي غريبه ازاي
مالك: بصراحة معاه حق كانت غريبه أوي مفهمناش معناه حتى نظره ياسين في الفرح كانت غريبه برضو
أدهم بص شاف ريم طلعت من الحمام وهي بتنشف شعرها بفوطه وابتسمت ليها
"بقولكم ايه يا شباب سلام دلوقتي"
سيف: سلام
سيف بص لشمس وقال: شاكر دلوقتي في المخابرات عندكم صح
شمس: اممم صح ومتاكده اني الذئب هيخليه يتكلم
سيف بصلها وقال بغموض: مش هتقولي انتي شاكه في مين
شمس: انا!؟ وعرفت ازاي
عدي: لا دي بصراحه عرفناها لوحدنا كل اللي قبضنا عليهم مش بتعرفي القوات الخاصه وكمان مش بدخليهم في المهمات اللي احنا بنعملها حتى الاجتماعات المهمه
مالك: شاكه فيهم صح
شمس بصتلهم وقالت: كان معاهم حق لما قالوا انكم مش سهلين انتوا فعلا مش سهلين
فهد: هما مين اللي قالوا ؟؟!؟
شمس: متهتموش بس انا مش شاكه في القوات الخاصه
سيف ابتسم ورجع ضهره لوراء وربع ايديه وقال: شاكه في اللي اكبر منهم لاني دول انتي مختاراهم أو بمعنى تاني مش اللي انتي بتدوري عليه
فهد: لا احنا ده مكناش نعرفه
شمس: وانت عرفت منين اكيد اكمل متكلمش ميقدرش يزود حرف عن اللي انا بطلبه منه
سيف بثقه: مهو انا مش الوحش من فراغ لأ دي خبره يا سياده المقدم
شمس: اممم ايوه بس فعلا مش في القوات الخاصه أكبر منه بس اللي في القوات الخاصه ده هيقدر يوصلني على الأقل للخيط اللي ضايع ده
سليم: يعني انتي برضو شاكه في حد من المخابرات
شمس: اللي شاكه فيه حد ليه علاقه بالمخابرات والقوات المسلحة علشان كده محدش يعرفه
سيف: طب ليه كشفتي نفسك للقوات الخاصه الا اذا كنت شاكه في حد معين والحد ده عارف شكلك وعارف انك مقدم
شمس ابتسمت بإعجاب على ذكاء سيف وقالت بشرود: ايوه شاكه في حد واتمنى فعلا ميكونش هو
مالك: ليه مش عايزه انه يكون الخاين
شمس: مش علشانه علشان ولاده ملهمش ذنب ابوهم يكون خاين كفايه انهم بقيوا أيتام وهما اطفال
فهد: قلبك كبير
شمس: في حاجه مرجعاني وراء غير قلبي الكبير ده
عدي: طب سؤال محيرني انت عرفتي ازاي انه ليه علاقه بالجيش والمخابرات
شمس: علشان يوم الحادثه سمعتوا بيقول لو مكانش ليك علاقه بالمخابرات والجيش مكنتش هتعرف تقتلهم
الشباب بصدمه: ماتوا مقتولين
شمس: امممم بس اوعوا تقولوا لادهم
سيف: ليه مش عايزاه يعرف يعني وهو تايه عاجبك كده
شمس: لأنه مش هيرتاح ابدا واشوفوا تايه احسن ما اشوفوا موجوع وهو فاكر اني هو سر واحد يوم ما ماتوا لأ دول أسرار كتير وكل سر بيوجع عني اللي قبله مش عايزه اشوفهم ابدا موجعين انا استحمل عادي
سليم بحزن فهو يعتبرها اخته الصغيره
" هتستحملي الأوجاع دي كلها لوحدك"
شمس: مين قال اني لوحدي انا جمبي ناس كتير ويعرفوا اللي حصل وواقفين دايما جمبي حتى يوم موت أدهم فضلوا جمبي وبرضو اللي ميعرفوش واقفين جمبي وبيخففوا عني كفايه لما البنات بيشوفوني تعبانه أو زعلانه بيقلقوا عليا ويفرحوني كفايه ضحكه ابو علي ليا في الصبح دي لوحدها بتشيل عني هموم كتير
شمس بصت لياسين اللي كان بيضحك على تذمر عمر وقال مالك: هو انتي مش خايفه ياسين يشوفك قاعده مع 5 رجاله لوحدك هتقوليله ايه وقتها
شمس بصت لاخوها وقالت: ياسين ميقلقش عليا حتى لو انا وسط 100 راجل لأنه عارف اني هبقي وسطهم راجل زيهم وعمري ما هكسر ثقته ابدا
سليم: علاقه غريبه والله زي ما قال عمر مهند ونور
شمس: ههههههههه انا وياسين علاقتنا غريبه فعلا هو مش بس اخويا ده صاحبي وسندي في الحياه الشخص اللي دايما بيحتويني لما اكون زعلانه برغم انه مش عارف انا جوايا ايه بس بيحاول دايما يخفف من عليا
مالك: وادهم
شمس بابتسامه جميله: أدهم ابويا التاني اللي وقت ما ماتوا ابو علي تعب اوي فهو دايما معايا ههههههه تصدقوا انه اتعلم ازاي يضفر الشعر علشاني
فهد: يا راجل والله لامسكها عليك زله يا أدهم
شمس: اه والله كان بيضفر ليا شعري ولما ابقى خايفه كان يجيب كتبه ويقعد جمبي كان في الثانويه يعني حاجه مش سهله بس متخلاش ابدا عني انا وياسين كان بيعمل ليا الاكل ويأكلني كانوا دايما بيحاولوا يعوضوني عنهم وابو على السكر اللي بيحلي ليا حياتي والبنات اخواتي وعوض ربنا ليا دايما امي كانت بتقول مهما ربنا حرمنا من حاجات اكيد هيجي يوم وهنلاقي عوضه وهيكون جميل اوي
نظر لها سيف بمشاعر مختلطه الغيره من ضحكها مع الشباب والحزن على الوجع الذي تتحمله لكن عزم على أن يجعلها تنسى كل تلك الأوجاع وان يعوضها عن الحنان الذي فقدته
عمر بصوت عالي: لا بقى كده ظلم حتى انت يا درش يا معفن تغلبني
مصطفى: لا أي أي ولا زي زي ده انا تربيه العصابه يا ابو رنا
شمس بصت للشباب وقالت: هو انتوا ليه احيانا بشفكم مش بطيقوا مصطفى
فهد بضيق: أصله علاقتكم به غريبه اوي 5 بنات ومراهق عنده 17 سنه مش راكبه على بعضها شمس : اممم على فكره بقى مهما عملتوا عمرنا ما هنبعد عن مصطفى
مالك: ليه أن شاء الله
شمس: مصطفى لو بعدنا عنه هيدمر تاني
بصلها الشباب بعدم فهم فاخدت نفس عميق وقالت: مصطفى كان بيتعرض للتنمر
الشباب بصدمه: ايه
شمس بصت لمصطفى اللي بيضحك وقالت
" التنمر حاجه صعبه اوي ناس بتنتحر منها فما بالكم بطفل كان عنده 9 سنين لما شوفت البنات اول مره كنا من أماكن مختلفه وكنا في القاهره من فتره شهرين بس كان مصطفى اتنقل لمدرسه جديده وانا والبنات كنا لسه في اعدادي فكنا في مدرسه بنات مش بعيده اوي عن مدرسته مصطفى متعرضش للموضوع ده لشهر ولا اتنين لا دول كانوا سنتين "
سليم بحزن عليه: سنتين طب هو متكلمش
شمس: مصطفى من النوع اللي يخبي آلامه يضحك معاك بس من جواه بيتوجع كان في الصيف والشتاء بيلبس بكم علشان يخبي جروحه مكانش بيخلي حد يشوف جسمه حتى أمه..... اتنهدت وقالت: لحد ما بقى عنده 11 سنه وانا والبنات كان عندنا 15 سنه كنا هنعدي اليوم ده على مصطفى ناخده معانا بس روحنا وملقيناهوش دورنا في المدرسه بس برضو مفيش كنا هنمشي بس سمعنا صوت عياط من وراء المبنى ولما روحنا هناك.... بلعت ريقها كان فيه 4 ولاد أكبر من مصطفى كانوا كانوا بيضربوه جامد وهو كان بيعيط احنا بعدناهم عنه وضربناهم بس في واحد فيهم ضرب مصطفى بطوبه في دماغه
عدي بصدمه: نعم هما كانوا اطفال ولا مجرمين
شمس بسخريه: لا اطفال بس ده تنمر كان بينزف جامد حاولنا نوقف النزيف بس كنا اطفال اخدناه المستشفى وكان لازم يعمل عمليه علشان جاله نزيف داخلي المشكله انه زمره دمه كانت نادره ومحدش كان مطابق غير روان بس كانوا عايزين دم اكتر فعملنا كلنا اختبار وكانت حبيبه الوحيده المطابقة فتبرعوا ليه بدم كتير ولما فاق كان مدمر خالص فضلنا انا والبنات جمبه علطول بنذاكر ليه وبنأكله في مره كان بيغير هدومه واحنا دخلنا عليه كان في جروح كتير اوي في جسمه معرفش ازاي استحملها وفضلنا معاه لحد دلوقتي هو بيعتبرنا اكتر منه أمه اوعوا تيجوا عليه في موضوع انه قريب مننا دي ابدا
سيف بص لمصطفى: صبور اوي
شمس: فعلا مصطفى اكتر واحد صبور شفته في حياتي هو وياسين وتايجر
الشباب بصوت واحد: ايه حكايه تايجر ده
شمس: لااااااا حكاية تايجر طويله اوي وكمان العصابه جات اهي
حبيبه قعدت واخدت كيك وقالت: ايه يا بت حسن بندور عليكي من بدري
أمل: السلام عليكم يا قوم
مالك: انتي داخله على قوم قريش
آيات قعدت جنبها: على ايه الكلام بقى
شمس: عن مصطفى زمان
روان: امممم يعني عرفته اننا من سابع المستحيلات اننا نسيبه
الشباب شعروا بالغيره بس سكتوا فقال فهد
" علشان كده بتكرهوا التنمر اوي"
آيات وهي بتاكل: اه علشان كده
عمر بصوت عالي: يا وحوش مش هتيجوا في سباق ولا ايه
فهد: حاضر جايين يلا يا شباب
الشباب قاموا وكل واحد ركب حصان وبدأ السباق والبنات قربوا شويه من السياج وبدأوا يتفرجوا عليهم
آيات: خلينا معترفين اننا وقعنا وقعه ملهاش قومه
البنات: فعلا
الشباب كانوا بيتسابقوا بسرعه شديده فقرب سيف من ياسين وقال: شكلك بتعرف تركب خيل من زمان
ياسين: جدي عثمان كان بيعشق الخيل فأنا وادهم بنحبه اوي
سيف: واختك بتعرف
ياسين: شمس لا ملهاش في الخيل خالص لا هي ولا البنات
عدي من الناحيه التانيه: طالع لاخوك يا ياسين شاطر في السباق
ياسين سرع وقال: اكيد مش اخويا
البنات كانوا بيتفرجوا عليهم قد ايه وسيمين اوي في ركوب الخيل وانضمت ليهم غزل ورقيه وغزل كانت بتبص على ياسين بإعجاب شديد عيونه الزرقاء شعره البنى الفاتح للاصفر وغمزاته اللي بتبان لما بيضحك وسيم جدا
شمس شافته فقربت منها وقالت بخبث: مز مش كده
غزل بدون وعي: اوي
البنات ضحكوا عليها وهي اتحرجت اوي فقالت رقيه: طب بقولكم ايه جدتي بتقول لازم نلبس علشان هنروح بدري الحنه
البنات: ماشي يلا
..........................................
البنات راحوا علشان يلبسوا وفي اوضه غزل ورقيه رقيه كانت عند جدتها والباب خبط وشمس دخلت رأسها: ممكن ادخل
غزل: احم اتفضلي
شمس : مالك يا غزل خائفه كده ليه وبعدين ده مكانش اختبار هيخليكي تخافي مننا احنا اتفه من كده بكتيييير وبعدين هبقي اقولك عملت كده ليه المهم اتفضلي يا ستي
غزل باستغراب: ايه ده
شمس: افتحي وانتي تشوفي
غزل فتحتها وكانت عبايه سوده مطرزه بالفضي جميله جدا
شمس: ايه رايك
غزل: جميله جدا
شمس: مبروك عليكي يا ستي
غزل: لللليا انا
شمس: اومال ليا
غزل: بس انا معايا هدوم شكرا مش.....
شمس: لا بقولك ايه تاخديها من سكات وبعدين انا والبنات ورقيه كمان هنلبس منها يعني انتي تبقى خارج الخريطه
ابتسمت غزل فشمس تبدوا شخصيه جميله ومرحه فقالت: شكرا ليكي
شمس: العفو يا اسطا ممكن بقى أسألك سؤال
غزل: اتفضلي
شمس: انتي مرتبطه
غزل: لا
شمس: ولا بتحبي حد
غزل سكتت واتوترت هي مينفعش تقولها انها بتحب اخوها مهما كان دي لسه برضو عرفاها امبارح بس
شمس ابتسمت وفهمت فقالت: خلاص يا ستي كفايه احمرار بقيتي شبه الفراوله امشي انا بقى علشان البس
غزل بسرعه: شمس هو ياسين بيحب حد
شمس ابتسمت بخبث وقالت: امممم بيموت في واحده زي القمر
غزل بغيره: مين دي
شمس بفخر: انا طبعا
غزل قعدت تضحك وقالت شمس: ايوه كده اضحكي انا مبحبش البت النكديه ولا ياسين برضو
شمس خرجت وقالت: جميله فعلا
..........................................
في المساء الشباب كانوا قاعدين مستنين البنات وقال عمر بغيظ: ده لو فرحهم مش هيتاخروا كده
روان من وراهم: لو مش عاجبك اخبط راسك في الحيطه يا عمر
بص ليهم الكل بإعجاب شديد والشباب منزلوش عينهم من على البنات خالص
.....................
شمس كانت لابسه عبايه باللون الأسود مع تطريزات بيضاء وحجاب باللون الأبيض
___________
حبيبه عبايه باللون الأسود مع تطريزات باللون البنى الفاتح وحجاب بني
___________
آيات عبايه مع تطريزات ذهبيه مع حجاب ذهبي ___________
أمل وابوها عبايه مع تطريزات احمر غامق مع حجاب احمر
___________
روان عبايه مع تتطريزات زرقاء مع حجاب ازرق ___________
رقيه عبايه مع تتطريزات فيروزي وحجاب باللون الفيروزي
رقيه بصت للبنات والشباب وقالت: هو انتوا مطقمين مع بعض
.........................
ياسين قميص باللون الأسود وبنطلون جينز اسود __________
عمر قميص أخضر وبنطلون جينز اسود
__________
سيف قميص ابيض وبنطلون جينز كحلي
__________
عدي قميص جملي بنطلون جينز اسود ___________
فهد قميص اصفر غامق وبنطلون جينز ازرق __________
مالك قميص نبيتي وبنطلون جينز ازرق __________
سليم قميص ازرق وبنطلون جينز كحلي __________
مصطفى تيشيرت رصاصي شبابي وبنطلون اسود جينز
........................
مصطفى: ويا لها من صدفه
مريم: فعلا صدفه غريب
ورده: الله أكبر عليكم اخاف تتحسدوا يا ولاد ويا بنات
حبيبه: ايه بس يا وردتي دي عبايه سوده حتى هو فستان فرح
ورده: بس يا بت شكلكم جمر جوي
حمدان: طب يلا علشان منعوجكش
شمس: استنوا بس هو البيت فين
عمران: مش بعيد عن هنا
روان: خلاص الصغيرين يمشوا لحد هناك والكبار ياخدوا عربيه
مصطفى: طب ليه التعب طاه
البنات: هو كده المشي رياضه
..........................................
في الفرح كان الكل بيرقص ويغني واخت حمدان "قمر" حبت البنات جدا
البنات كانوا اتفرقوا كل واحده في مكان على حسب ما طلبت منهم مريم والحنه مرسومه في أيديهم واتصلت على عمران وطلبت منه يبعت الشباب فجم وقالت بقولكم: ايه يا شباب ممكن تنقلوا الحاجات دي وتحطوها في أماكنها معلش
سيف: هتنقليها فين
مريم: بصوا هما 5 صناديق و.....
بعتتهم للاوض اللي فيها البنات وقالت بمكر
" ماشي يا كلاب نشوف هتفضلوا معاندين قلوبكم لحد امتي"
(مش سهله انتي يا مريوم)
..........................................
عند سيف وشمس
سيف اخد الصندوق لاوضه بعيده شويه وشمس كانت فيها بتدور على الشمع اللي طلبته منها مريم فقالت: اوف والواحد مش عارف يدور بالحنه دي
دخل سيف وشافها وقال: إنتي.... انتي بتعملي ايه هنا
شمس بخضه: أيه يا عم إنت مش تخبط ولا تكح ولا تعمل ايه حاجه قلبي كان هيقف
سيف: ههه سلامه قلبك يا سياده المقدم بتدوري على ايه
شمس: على شمع بس مش لاقيه ومش عارفه بسبب الحنه دي
سيف بص على كفوف ايديها وكانت رسمه جميله وبسيطه فقال: حلو
شمس بفرحه طفوليه: بجد حلوه
سيف بابتسامه جميلة: ايوه بس ليه مش حاطه حرف في النص
شمس : اصلي مفيش حد احط حرفه فسبته فاضي
سيف: حطي حرف S
شمس : ليه S
سيف: عادي حرف حلو
شمس: لا طبعا
شمس بعدت ايده بايدها فطبعت حته على كف سيف فقال: ينفع كده بقيت محنون
شمس باستفزار: تؤ تؤ حط نقطه
سيف باستغراب: مجنون ااه يآ جذمه
شمس جريت لبرا ودخلت رأسها: تستاهل قال احط حرف S قال
..........................................
عند آيات وفهد
فهد دخل الاوضه فلقي واحده قصيره بتحاول توصل لعلبه فوق الرف وكانت هتقع بس هو لحقها ومسكها من وسطها من وراء فوقعت على صدره وقال فهد باستغراب: آيات بتعملي ايه هنا؟؟!!
آيات نسيت وضعهم وقالت: عايزه اجيب العلبه دي بس مش طيلاها
فهد بضحك: علشان انتي قصيره
آيات بغضب طفولي: اتريق وعلى فكره انا مش قصيره أنت طويل بزياده وسبني انت ماسكني كده ليه

فهد سابها وهو لسه بيضحك
آ

يات دبت برجلها الأرض وقالت: مستفز كفايه ضحك
بس فهد سكت ورجع يضحك تاني على شكلها الطفولي
آيات كانت هتضربه بس هو مسك ايدها فايده اتعملت في الحنه فقال: ينفع كده
آيات : تستاهل يا ابو طويله
فهد: بطلعيلي لسانك ماشي
آيات جريت لبرا وهو ضحك تاني وقال: طفله اوي
..........................................
عند مالك وأمل
أمل كانت ماشيه وحاطه العلبه تحت باطها علشان رسمه الحنه متتخربش وكانت هنتطلع بس اتخبطت في مالك ووقعت على الأرض
مالك بتألم: اااااااه منك لله يا اللي دخلت وخبطني اااه
مالك: وطالما مش عارفه مين خبطك بتتنيلي تشتمي وخلاص ليه
أمل بغيظ: هو انت طب تصدق انك تستاهل الشتيمة
مالك: كده طب خليكي مكانك على الأرض
أمل: لا بالله عليك قومني مش هعرف اقوم لوحدي علشان الحنه
مالك: طب انا هقومك ازاي لو مش هشدك من ايدك
أمل: اتصرف مش انت في الجيش اتصرف بقى
مالك: كده ماشي بس متبقيش تضايقي
ومال عليها ومسكها من وسطها وشدها لفوق وكانت قريبه منه والاتنين قلبهم بيدق بعنف
أمل بعدت عن مالك ووشها احمر وزياد قال بضحك: هو ده اللي احنا مش وش كسوف هههههههههه
أمل بتمتمه: مهو مفيش غيرك اللي على وش الأرض اللي بيخليني احّمر كده
مالك ابتسم لأنه فهمها من حركه شفايفها بس اتضايق لما شاف كحل من عينيها فقال
"أمل هو انا مش قولتلك متحطيش كحل تاني"
أمل: احم احم يعني انا كنت بجرب بس ورده اتدهولي فقولت اجربه وكده
مالك بغيره: أياكي تحطيه تاني
أمل بعند: وده ليه أن شاء الله
أمل بتحذير: امـــل متعنديش معايا علشان هيجيب طريقه انا هموت بجد واعملها.... وغمز ليها بعينيه
أمل افتكرت في الكتيبه لما باسها علشان عاندت معاه فقالت بعصبيه
" اوعي يا مالك بدال ما اديك في بطنك اوعي "
مالك بعد وقال: خلاص بقيتي شبه الطماطم
أمل مشيت وقالت: ابو شكلك يا مالك
..........................................
عند حبيبه وعدي
عدي دخل لقى حبيبه بتلف حوالين نفسها فقال
" انتي بتعملي ايه"
حبيبه : بدور على حاجه اطلع عليها و....... استنى بس انت ايه اللي جابك هنا
عدي: بحط الصندوق ده هنا فين الحاجه اللي انتي عايزه تجيبيها
حبيبه: اهي العلبه دي
عدي جابها ليها وحبيبه قالت بذهول: بسرعه كده حتى من غير ما ترفع طراطيف صوابعك ايه الطول ده
عدي بضحك: على فكره انتي اللي قصيره
حبيبه بغضب طفولي: انا مش قصيره على فكره انا 160سم انت بقى كام
عدي: انا 179سم يا اوزعه
حبيبه : لا ده ده انت أطول مني بكتير بقى
عدي بضحك: اممم انا أطول احترميني بقى
حبيبه: في المشمش قال احترام قال مش بالطول علي فكره
عدي : اومال بأيه يعني
حبيبه: بالعقل يا حضرت المقدم
عدي : وانتي عاقله ده انتي طفله جسم وعقل
حبيبه بشهقه: هاااا نعم انا
عدي: ايوه
حبيبه: طب اوعي بدال ما اولع فيك اوعي
عدي: على فكره انا بحب القصيره اكتر بتبقى جذابه اوي
حبيبه: تصدق ومن غير ما تزعل اني كامل بيه شكله نسي يعلمك الأدب
عدي: اممم عارف مش حاجه جديده بس ده معاكي بس
..........................................
عند سليم وروان
سليم كان نازل السلم بعد ما طلع الصندوق وروان قابلته لأنها راحت تشرب الأول وهو قال
" اهلا ايه الصدفه دي"
روان: وسهلا يا اخويا وسع بقى
روان راحت يمين فسليم راح يمين برضو روان راحت شمال فهو راح للشمال برضو
روان: اوف بقي في ايه
سليم: عايز اشوف الحنه ممكن
روان: ماشي اهو
روان فردت ايدها وهو قال: جميله اوي يا زتونتي
روان بفرحه: بجد انا مختاراها
سليم: امممم بس ليه حاطه حرفك مش المفروض تحطي حرفي انا
روان: ليه أن شاء الله تكونش كنت جوزي
سليم في سره: اهي قلبت من طفله لبنت الحاره
روان لما لقيته باصص ليها وسكت في هي اتحرجت وقال: ممكن اعدي بقي
سليم مسك خدها وقال:ايه الفراوله دي
روان وبعدت ايده بغيظ فالحنه عملت عليها وهو قال: اممم كده أيدي بقى فيها حنه ينفع كده
روان: اه ينفع
سليم: خدي يا بت
روان نزلت جرى على السلم وهو ضحك عليها
..........................................
عند ياسين
كان دخل علشان يقول لشمس ترد على التليفون لاني ابوها بيتصل فعدي من الباب اللي وراء زي ما مريم قالتله علشان في بنات قاعدين بشعرهم وهي هتفضي المكان وهو وأول ما دخل شاف بنت بشعرها بتحاول توصل لكوبايه بس عاليه نزل راسه بسرعه للأرض وكان هيخرج بس سمع صوتها صوت غزله فرفع راسه وسمعها بتقول: اوووف بقى هي بعيده كده ليه ولا انا اللي قصيره بطول أولى اعدادي ده
ياسين ضحك عليها بصوت عالي فهي اتخضت ورفعت الطرحة بسرعه على شعرها وحمدت ربها انها كانت غسلت ايديها من الحنه
ياسين: احم اسف كنت فاكر اني مفيش حد هنا طنط مريم قالت اني مش هيكون فيه بنات علشان اعدي
(مش ساهله مريم دي أن كيدهن عظيم 😅)
غزل متكلمتش وهو قال: اجيب ليكي الكوبايه لأنك مش طايلاها
غزل بخفوت: لا شكرا مش عايزه اتعبك
ياسين: لا عادي مفيش تعب
وقرب جاب الكوبايه وادهالها فغزل لسه هتمسكها فهو رفعها عالي شويه فهي رفعت رأسها بغيظ فالطرحه نزلت تاني من على شعرها لأنها مش حاطه ليها دبابيس وهو سرح في تموجات شعرها اللي باللون النحاسي
غزل حست بالطرحه وقعت تاني فجات تحطها بتوتر وقعت منها بس ياسين مسكها وهي بصت في الأرض وتكاد تموت من الخجل وهو ربط الطرحه ليها بأحكام وقال بغيره
"متقعديش بشعرك في مكان غريب تاني أو متخلعيش الطرحه يكون احسن"
غزل استغربت بس كانت فرحانه بغيرته دي فهزت دماغه بحاضر فهو نزل لمستواها وقال: شاطره يا غزلي
غزل مشيت بسرعه من قدامه وهو ابتسم وقال
" يا رب تخلصي يا شمس وتقولي ليها نفسي ابوسها من غير ما تفتكر انه حرام "
..........................................
في الصباح
شمس كانت قاعده على السطح وهي بتبص على جمال الريف حواليها وقالت وهي بتاخد نفس عميق: سبحآنك ربي أبدعت في خلقك وخلقت هذا الجمال
شمس عينيها وقعت شجره توت فسرحت في أحداث من الماضي
Flash back
مليكه كانت قاعده على السلم كالعاده ومستنيه صاحبها ذو 16 عاما وجه وقال
"ارنوبي اتاخرت عليكي"
مليكه هزت رأسها بمعني ايوه وكانت ملامحها متذمره فهو لعب في شعرها وقال: مقدرش على زعلك يا ارنوبي اتفضلي
مليكه شافت في ايده كيس بصتله بمعنى ايه ده فهو قال: افتحيها وانتي تعرفي
مليكه فتحتها وسقفت بفرحه فهو قال: ارنوبي مش تاكلي منه كتير علشان هيتعبك
مليكه هزت رأسها بمعنى ماشي فهو قال: طب ايه مفيش شكرا ليا
مليكه قربت منه وباسته في خده وبدأت تاكل من التوت اللي هو جابه وعطته منه وهو قال
" لا كلى انتي"
بعد شويه هو قال: كفايه يا مليكه كده هتتعبي
شاورت ليه بمعنى واحده بس فهو قال
"خلاص وحده بس"
مليكه خرجت واحده ولسه هتاكلها هو أكلها منها بسرعه وقعد يضحك
مليكه اضايقت وكانت عايزه تضربه بس مكنتش عارفه فحاولت تتكلم بس مقدرتش فحطت ايدها على رقبتها وبدأت تعيط وهو لما شافها كده قلبه وجعه عليها وقال: مليكه متعيطيش.... ومسح دموعها بحنان واخد توته واكلها ليها وقال: صوتك هيرجع في يوم اكيد يا ارنوبي وهتقدري تتكلمي زي زمان
مليكه مسحت باقي دموعها وحركت شفتيها الصغيره بالتركيه بمعنى: شكرا انت لطيف
ضحك هو وقال: لطيف آخرتي بقيت لطيف
مليكه حركت شفتيها تاني بس بالعربيه بمعنى: خلاص كيوت
مسكها من خدودها وقال: هي هي يا ارنوبي
مليكه اضايقت من الحركه دي وبعدت ايده وهو ضحك تاني عليها
Back
شمس فاقت على صوت الشباب وراها وبيقول سليم: انتي يا اخت
شمس بفزع: ايه يا عم انت وهو مفيش عندكم آداب استأذان خضتوني
عدي: سلامتك يا اختي المهم
الشباب هما الاربعه في صوت واحد: هنتجوز امتا
شمس: الله ما قولت بعد 10 ايام
سليم: تصحيح 8 ايام فات يومين
سيف: ياااه حالتكم صعبه حاسبنهم
شمس: خلاص 8 ايام اتهدوا بقى مستعجلين على المصايب اللي هتنزل على دماغكم ليه
فهد: طب امتا هناخد اجازه
شمس: عارفين الحفله العسكريه
سيف: اللي بعد 5 ايام دي
شمس: ايوه بعدها فيه اجتماع مع جابر يديه هنحضره وبعدها الاجازه
فهد: اجتماع ايه ده هيبقى فاضل يوم والتاني الفرح علطول
شمس: قولتلكم مش محتاجين حاجه اللبس خلاص قرب يجهز والدعوات اتطبعت وهتتوزع والقاعه والفندق تمام مش عليكم غير تتعلموا حاجه واحده بس
الشباب: ايه هي؟؟؟!
شمس: هبقي اقولكم بعد الحفله
البنات طلعوا على السلم وقالت روان
" ايش هاده انتوا هنا طب كويس الشاي بتاعكم اهو"
مالك : شاي؟! مين عمله
أمل: يعني ضروري تعرف اشرب وانت ساكت
شمس: فين يا بت منك ليها الكوبايه اللي ناقصه سكر
آيات: أهي يا اختي معرفش انا انتي عايشه ازاي من غير شكولاته
روان: وايس كريم
أمل: وفطاير بالعسل
البنات: انتي عايشه حياتك ازاي من غير سكر
فهد: ما خلاص انتو هتزلوها
شمس: قولهم هتغيروا واقع بقاله 22 سنه يعني خلاص يا جدعان اتعودت
عدي: انتي مولوده بالسكر
شمس وهي بتشرب الشاي: اممم
سليم: افتكرته ابتلاء
شمسبغيظ: ابتلاء منك لله لا دي وراثه
سيف: وراثه من مين ؟!!؟
شمس: من جدي انا الحفيده الوحيده من وسطهم هما الكل اللي ورثت مرض السكر يلا اهو قدري
حبيبه: بقولكم ايه تعالوا نلعب حاجه لسه فاضل 3 ساعات على الفرح والمنيا هنا حلو بصراحه بيفكرني بسطح بيت ابو علي بس من غير المناظر الزراعيه دي
عدي: نلعب ايه
شمس: صراحه ولا جرأه ها
الكل: موافقين
سيف ببرود: انا مش هلعب
شمس بغيظ: ليه يا وحش فك خلقتك دي والعب معانا
سيف: لا
شمس: بقولكم ايه يا بنات روحو هاتوا ازازه واعملوا فشار وكان فيه حاجه حلوه في التلاجة قولوا لورده وهاتوها
البنات: اشطا
البنت نزلوا وقالت شمس ببرود
" قولوا للكابتن يلعب يا اما الفرحة يتأجل لشهر"
الشباب: ليه طب واحنا مالنا
شمس ببرود أشد: هو كده
مالك: ما تلعب يا سيف هتخسر هيبتك يعنى ما احنا هنتنيل نلعب اهو
فهد: وبعدين يا وحش مين هيشوفنا يعني
سيف: ماشي
بدأ الشباب والبنات في اللعب والتفوا على شكل دائره والزجاجه بالمنتصف
وقفت عند فهد يسأل امل فقال
" احم احم هو لون عيونك ايه علشان مش محدد بصراحه "
أمل: بني واخضر فاتح لموني كده
مالك بص لامل بغيظ ولف الازازه وجات على عدي يسأل حبيبه فقال
" اممم ايه اكتر موقف عصبك في مدرج الكليه"
حبيبه : هوا انا عامةً مش بتعصب بسهوله بس......
البنات بضحك ة: دكتور عطيه
حبيبه: هههههه الله ياخده بكرشه ده
سليم: احكي يا اختي احكي احنا فاضيين اهو
حبيبه: لما كنا في سنه تالته.......
Flash back
البنات دخلوا المدرج بس لقيوا دكتور عطيه بيشرح فقالت روان: اوبا عطيه بدأ يلا نمشي
حبيبه: نمشي ايه يا اختي لازم ندخل المحاضره مهمه
عطيه: أنتي يا انسه منك ليها انا بدأت خلاص اتفضلوا
آيات: يزيد فضلك يا دكتور يلا يا بنات ندخل
البنات دخلنا تحت ذهول الكل
عطيه بعصبيه: هو انا قولتلكم ادخلوا
شمس ببرود: ايوه يا دكتور مش قولت اتفضلوا
عطيه: قولت اتفضلوا برا
أمل بصوت عالي للطلاب: هو قال برا
الطلاب: لا
آيات: مش قال اتفضلوا
الطلاب: ايوه
روان ة: شوفت يا دكتور احنا مش بنتبلي عليك
عطيه بغضب شديد: طب اتفضلوا برا
حبيبه: ايه براحه على نفسك يا دكتور مع اني مش شايفه انك تصلح دكتور بصراحه
عطيه بغرور: لا اصلح أنا راجل والرجاله دايما فوق الجميع
البنات بغيظ: اممم فوق الجميع
حبيبه ببرود شديد وصوت عالي
"هههه الرجاله فوق الجميع اممم طب الجميع تحت الستات "
الطلاب كلهم: اوووووووه
(وعندك واحد قصف من حبيبه 😅)
Back
عدي: وانتي كده اللي اتعصبتي
حبيبه: اه طبعا بس بصراحه احسن حاجه تترد عليه ده انت لو شفت شكله شبه المرأه الحامل في الشهر 10 مش 9
الكل: ههههههههه
لفت أمل الازازه وجات على شمس تسأل آيات
شمس: صراحه ولا جرأه
آيات: جرأه يا اختي ما انا وانتي عارفين كل حاجه عن بعض ايه يعني الجديد
شمس: ماشي يا اختي جرأه اممم غني
فهد بغيره: لا طبعا
شمس بعند: طب عندا فيك هتغني
فهد: لا مش هيحصل
شمس: خلاص بت يا آيات عايزه ضرب طحن ما بينك انتي والواد ده وانتي فاهمه يعني ايه طحن
آيات: نعم يا اختي افرض كسرتله دراعه
فهد: تكسري دراع مين انتي متقدريش
آيات بابتسامه خبيثه: اممم وانا موافقه يلا نبدأ
سيف: اللي هيبقي ضرباته اكتر قبل ما 10 دقايق يخلصوا هو اللي فايز
شمس: اوعي حد يكسر حاجه في التاني ماشي يا كابتن انت وهي
فهد بص لآيات وكانت نظراتها مخيفه عن حق بدأ الاتنين فهد وجه كذا ضربه لآيات وهي اتفادتها بخفه وردتلهم بسرعه جدا واخر واحده جات فيه جامد فرجع لوراء وقال: مش سهله
آيات: ابدا
هجمت بسرعه شديدة على فهد وهو اتفادتها وهي لفت ورفعت نفسها على السور وهوب لفت ايديها على رقبته بس هو قلبها وضربها جامد في بطنها فهي مسحت على خدها وقالت بالاستراليه: ليس هينا ابدا
فهد: وماذا كنتي تتوقعين
قرب بسرعه منها علشان يضربها بس آيات مسكت في اكتافه ولفت جسمها بسرعه وضربته برجلها في بطنه اجمد من ضربتها فهو نزل على الأرض ومسك بطنه
عدي: سريعه جدا
البنات بفخر: طبعا
فهد قام وآيات قالت: شايف برضو اني سهله
فهد لف بسرعه حواليها وضربها في منطقه معينه وهي وقعت على بطنها وفهد قال
" باقي نص دقيقه انا فايز"
الشباب بصوا للبنات: هو اللي فايز
البنات بصوا لآيات : 3....2...1
هوب آيات لفت رجليها تحت رجلين فهد فوقع على ضهره
فهد: اااااااه
البنات بصوا للشباب: تعادل

آيات قامت وبصت لفهد: اللي يضحك في الاخر يا حضرت المقدم
آيات قعدت وقالت شمس : الله عليكِ يا بت طب والله لاجيب ليكِ Kit kat

آيات: اشطا انا احب ده
فهد قام وبص آيات بنظرات إعجاب فدائما الرجل يعجب بالفتاه الشرسه
سمع الكل صوت صويت عالي من تحت فنزلوا كلهم بسرعه واتصدموا كانت في واحده قاعده على الكنبه وبتصرخ بقوه وكانت علامات ولاده
البنات: احيه دي بتولد
الشباب: مين دي
غزل: يا بنات مش انتوا طب
البنات: اه اه ايوه
رقيه: طب ولدوها
أمل: نعم يا اختي احنا مش نسا وتوليد
سليم: بس دكاتره يعني اكيد تعرفوا
روان: انا طب عظام ايش جابه التوليد للعظام
شمس وحبيبه: ده على اساس اني المخ والأعصاب مالهم بالولاده
الكل بص لامل وآيات
آيات: احنا جراحه
عمر: ماهي الجراحه زي الولاده
أمل: وده من امتا وحتى لو وجراحه ده الطلق شديد يعني هتولد طبيعي وبعدين مين دي
حمدان: دي بت قمر اختي أصغر واحده في أخواتها وهتولد
آيات بتوتر وبلغه صعيديه: مش يا ورده في كل بلد في الصعيد دايه هي فين
شمس لمريم: ايه دايه دي بطلع تعابين
مريم: تعابين ايه بس الدايه دي بتولد
شمس: حلو فين بقى الست دي
ورده: مسافره برا البلد
الست اللي بتولد واسمها منال: ااااااااااه الحقني يا وهدان المايه نزلت
وهدان "جوزها" يا عمي حمدان اعمل ايه
الشباب بصوا للبنات
"اتصرفوا دي حياه واحده وطفلها"
شمس بقلق: انت جوزها
وهدان: ايوه
حبيبه: طب دخلها اي اوضه واحنا هنحاول من الدروس لاني كده ممكن تموت
وهدان شالها ودخل بيها اوضه الضيوف تحت علشان ميطلعش السلم
آيات: ورده هاتي فوط كتير ومايه سخنه
البنات دخلوا علشان يولدوا منال
والكل استنى وسامعين صوت صراخ منال وبس وبعد نص ساعه سمعوا صوت صراخ طفل فوهدان قام وقال حمدان: مبروك يا ولدي
بعدها سمعوا صوت صراخ منال تاني وبعدها صوت صراخ طفل تاني
فهد: اتنين مبروك يا عم
سمعوا للمره التالته صوت صراخ منال وبعدها صوت صراخ طفل
الشباب كلهم بصدمه: تلاته
مصطفى بضحك: ههههه ثلاثه مبروك يا ابو العيال
آيات وأمل وحبببه طلعوا وهما شايلين التلات اطفال ورده وحمدان ووهدان شالوهم وبدأوا يكبروا في ودانهم
حبيبه: مبارك ثلاث رجاله يا ابو الولاد
وهدان: منال كيفها
أمل: زي الحصان يا عم الحج
سليم: شد حيلك بقى ثلاثه هتبقى صعبه ده اللي عنده واحد بيشد في شعره
عمران بص لعمر: فعلا
عمر: ايه بس يا حج بتبصلي كده ليه
منال خرجت وهي بتتسند على شمس وروان
ورده: خرجت ليه بس يا منال ده انتي لسه والده
شمس: لا يا ورده ولادتها كانت سهله جدا وهي أصرت تشوف ولادها اعملوا بس ليها حاجه دافيه
منال قعدت وقالت: ولادي انا عايزه اشوفهم
منال مسكتهم وقالت بدموع: حلوين جوي ربنا يحفظكم
روان: ها هتسميهم ايه
منال: هشام وعاصم وكرم
تحولت ملامح امل وحبيبه وآيات للقرف وعمر وياسين وعمران ومريم كتموا ضحكتهم اما شمس وروان ومصطفى وقعوا على الأرض من كتر الضحك والشباب وغزل ورقيه مش فاهمين حاجه
مصطفى: ههههههههه ما بين أسماء البشر كلهم ملقتيش غير الأسماء دي
سليم وسيف بصوا لشمس وروان بنظره خليتهم يحطوا ايدهم على بوقهم يكتموا الضحكه
أمل: سوري يعني جاتك القرف في زوقك دي أسماء يا وليه تسميهم لأطفال انتي عايزاهم يتعقدوا
منال: مالهم يعني دي أسماء جميله حتى
آيات بعصبيه: جميله ايه يا وليه ده انا عايزه ارجع قال جميله قال
منال خافت ووهدان قال: مالها الأسماء كويسين أهم
حبيبه: بقولكم ايه عارفه هتسموهم الأسماء دي مش هيحصل طيب
منال بخوف: طب طب نسميهم ايه
حبيبه: سموهم باسم وباسل وبسام
واهدان: ايه باسل ديه
آيات: ده على اساس انك فهمت بسام
ده كله تحت ضحكات مصطفي وشمس وروان
عدي: ياسين فيه ايه
ياسين بضحك: هما بيكرهوا الأسماء دي اوي مش ملاحظ يعني علامات القرف
منال: طب غيروا بسام وباسل ديه
أمل بخبث: ومالوا غيروهم لضياء ورحيم
شمس وروان بغضب: وحياه امك
مصطفى وعمر وياسين قعدوا يضحكوا اكتر
مريم: خلاص خلاص يا ولاد خليهم الأسماء اللي شبه بعض
وهدان: خلاص ماشي كويسين مع اني ضياء ورحيم احلى
روان: عارف يا راجل انت هتسمي حاجه غير اللي قولنا عليهم هقطع الشهادات قدام عينيك وأحسرك على فلوسك
عمران: ههههههه خلاص يا بنات اطلعوا البسوا انتوا بتاخدوا وقت
البنات خرجوا وقال مالك: مالوا يعني ضياء ورحيم والباقي حلوين برضو
مصطفى: نصيحه كده 5 أسماء دول بيكرهوهم اكتر من اللبن
الشباب: اللبن
مريم: بيكرهوا اللبن اوي
..........................................
نزل البنات كالعادة آخر ناس فقال ياسين لابسين زي بعض مش مطمن
لبس شمس

حبيبه

روان

آيات

أمل

غزل

لبس سيف

عدي

سليم

فهد

مالك

ياسين

شمس: مش مطمن ليه بس هو في زينا
الشباب بصوا للبنات وودوا لو يدخلوهم باحضانهم ولا يخرجوهم ابدا اما ياسين كان ينظر لتلك الفاتنه بفستانها الهادي مثلها كانت جميلة جدا
شمس ضربته في دراعه وقالت: ايه يا اخويا انا هنا ما تركز
ياسين وهو لسه عينه على غزل
"انتي قولتيلها"
شمس: No
ياسين بغيظ: ليه لسه يا مفتريه
شمس: علشان تبقى تخلينا أدى الكلاب الممحونه على رأي أمل درس اقسم لولا اصلا ابو علي شالني من اول درس لكنت فجرتهم كلهم اشرب بقى
ياسين: تموتي في الاستفزاز
لاحظت أمل نظرات مالك فقالت بسرعه
" مريم الا قوليلي هو الكحل حرام"
مريم: لا طبعا دي سنه وكمان مفيده للعيون وانتوا حطينها ظاهره لون عيونكم
ورده: ربنا يحفظكم من عيون الناس يا بنات
البنات بصوا للشباب: آمين يا ورده
الشباب بصوا ليهم بتوعد
..........................................
في الفرح كان الكل بيبصوا للعروسه والعريس اللي داخلين على اغنيه 🎶الزين والزينه🎶 اما فمن الزحمه كانوا اتفرقوا عن بعض والشباب راحوا للبنات وقال مالك لامل
" يومك اسود مش قولت بلاش كحل"
أمل: يا عم كلهم حطوا اشمعنا انا
مالك : انا منتعنك يعني أنك تحطي
أمل: اومال ده ايه
مالك: ابقى حطي لما نبقى في اوضه واحده
أمل: ده انت سقف طموحك عالي اوي
..........................................
عند روان وسليم
روان: طب انا عايزه افهم انا بعمل حاجه حرام
سليم: يعنى لازم تعاندي وخلاص مش تحطيه تاني خلاص
روان بهمس: خلصت روحك قال خلاص قال
سليم: سمعتك على فكره
فجاه والجميع يفرح بدأ ضرب نار كان شديد جدا
شمس لسيف: هو ضرب النار ده عادي يعنى
سيف: لا طبعا مش عادي ااااااه
شمس بخوف: ســـيـــــف اممممم
بعد ساعه من الهيجان اللي حصل في الفرح ده
قال ياسين وهو بيبص حواليه: البنات البنات فييين
عمر بقلق: والشباب مش موجودين المشكله اني تليفوناتهم كلها لقيناها واقعه وهما مش موجودين
عمران: يعني ايه اتخطفوا
(وهنا تبدأ مغامره بين 10 أبطال في الصعيد وتبدأ المطاردة)
..........................................
في مكان بعيد في انجلترا
كان هناك شخص يتكلم بغضب ويقول
"كيف لا تعلموا أين هم يجب ألا يموتوا أين هو زين "
دخل زين وقال: آدم يجب أن تهدأ فهم الآن على ما اعتقد بخير
آدم: يجب ألا يحدث لهم شيء زين هم أطفالي كلهم
زين: أعلم يا صديقي وهم بناتي أيضا لكن
آدم: لكن ماذا؟؟!!
زين: هواتفهم سقطت منهم والفتيات لا يرتدن الساعات ونحن قمنا بتفريقهم كل ثنائي في مكان والرجال لا يعلموا إلى أين الوجهه القادمه
أدم: ماذا تعني يا زين
زين: يعني دلوقتي هما تايهين يا آدم ومش عارفين هما خرجوا من المنيا ولا لأ
أدم: راقبوا مداخل ومخارج ومحطات المنيا
زين: حاضر يا آدم وربنا يحفظهم هما 10
..........................................
في مكان آخر في قطار بدأ مالك يفوق وكان سامع صوت ناس حواليه وكانت راسه بتوجعه وجع خفيف فتح عينيه وبص قدامه كان فيه راجل وست بيتكلمه مع بعض حس بتقل على كتفه من ناحيه الشمال فبص لقى أمل نايمه وسانده رأسها على كتفه
َمالك : أمل يا أمل
أمل: ..................
مالك بدأ يهز فيها وهي فتحت عينيها وهي مش قادره
مالك: أمل فوقي
أمل: اه يا دماغي يابا انا فين وانت مين
مالك: انا مين ايه انا مالك قومي
أمل بتشوش: ايه الأصوات دي
مالك: احنا في القطر يا اختي قومى
أمل: قطر احنا ايه اللي جابنا هنا و..... دماغك انت كويس
مالك افتكر اني في حد ضربه على دماغها وقبل ما يغمي عليه شاف حد بيكمم أمل بمخدر فقال
" انا كويس الضربه مش شديده المهم احنا فين"
أمل للست اللى قدامه: قوليلي يا اختي القطر وصل فين
الست: وصل.......
أمل: ودي فين دي؟؟!!
الراجل: بني سويف يا ولدي
أمل: ايــــــــــــه
الكل بص امل باستغراب ومالك حط ايده عليها وقال: اخرسي هتفضحينا
أمل: امممممم
مالك شال ايده وأمل قالت: اللحق بيقولك بني سويف يعني احنا تايهين
مالك حسس على جيوبه وقال' التليفون مش معايا
أمل لقيت الشنطه في كتفها فقالت: الشنطه معايا اهي و..... التليفون مفيش
مالك: لازم ننزل من القطر في أقرب محطه ونركب قطر القاهره
أمل: هو المحطه اللي جايا امتا
الراجل: بعد ساعتين أكده
مالك: ماشي نستني
أمل: مالك هو ايه اللي حصل آخر حاجه فكراها ضرب النار
مالك: مش عارف يا أمل وللأسف مش حافظ رقم اي حد خالص
امل بصت من الشباك وكان الفجر قرب يأذن فقالت في سرها: يا ترى انت فين يا زين
..........................................
في مكان آخر في أتوبيس سفر على الصحراوي كان فهد نايم بس حس بهزه بسيطه وصوت بيقول: يا عم قوم انت مت ولا ايه
فهد فتح عينيه وقال: في ايه
آيات: في اننا ضايعين يا كابتن فوق بقى
فهد اتعدل وقال: ضايعين ازاي
آيات ة: بص كده جمبك من الشباك
فهد بص ومكنش شايف حاجة من الضلمه فقال: انا مش شايف اي حاجه
آيات بغباء: ما علشان مش شايفين حاجه بقولك اننا ضايعين
فهد: يا سلام
آيات: لا بجد احنا فين ومفيش معايا اي تليفون مفيش غير الشنطه بس ومفيش فيها أي حاجه
فهد حسس على جيوبه فقالت آيات: مفيش حاجه برضو في جيوبك
فهد: اومال احنا طلعنا الأتوبيس ده ازاي
آيات: معرفش ازاي بس الأتوبيس ده رايح فين اسأل اي حد
فهد للوراه: لو سمحت الأتوبيس ده رايح فين
الراجل: رايح الفرافرة يا ولدي وكلها 3 ساعات ونوصل
آيات: احيه احيه الفرافرة
فهد: يا ليله سوده وصلنا ازاي هنا
آيات: وربنا ما فاكره حاجه غير اني واحد اداك حقنه وانا كممني بمخدر فوقت لقيتني هنا ولقيتك نايم جمبي انا افهم ايه دلوقتي
فهد: نوصل الأول الواحه ونتصرف
آيات : يارب
..........................................
في سياره سفر متجه للأقصر كانت حبيبه بتقول: وبعدين احنا دلوقتى رايحين الأقصر ومنعرفش حد هناك هنعمل ايه
عدي: معرفش المشكله اني التليفونات مش معانا ومش فاكرين حاجه والراجل بيقول أننا كنا اول ناس في العربيه وكنا نايمين مين بقى جابنا هنا
حبيبه: انا دماغي هتفرقع مش فاهمة حاجه
عدي: اهدي طيب وهنتصرف
حبيبه: نتصرف ازاي
عدي: نوصل بس ونشوف اي عربيه رايحه القاهره ونرجع
حبيبه: بس احنا مش معاها فلوس
عدي: لا المحفظة في جيبي
حبيبه سندت رأسها على الشباك وقالت: يارب نرجع
..........................................
في قطار آخر كانت روان تقول: يا ربي انا بكره ابقى ضايعه ومش بس احنا ضايعين لأ وكمان مش فاكرين حاجه ومش موجود تليفونات ورايحين مكان الله اعلم هنقابل ايه فيه
سليم: بقالك ساعه بتولولي يا بنتي اهدي وهنتصرف
روان: نتصرف ازاي بس علشان مش فاهمه احنا في أسوان يا سليم وصلنا ازاي هنا انا مش فاهمه ده كله نوم
سليم: والله ما اعرف بس نستني القطر يقف ونشوف
..........................................
في مركب في النيل كانت شمس بتبص حواليها وبتهز رجلها بتوتر فقال سيف : كفايه وترتيني اكتر
شمس: يا عم اسكت نشوف المصيبه اللي احنا فيها دي ده احنا في قنا يا عم انت عارف حاجه هنا
شيف: معرفش بس نستني ونشوف المركب دي لما تقف على شط
شمس: دي مركب سفر وبعدين مفيش ولا تليفون معانا
سيف: ربنا يحلها
شمس: اكيد قلقنين علينا ده الفجر بيأذن
..........................................
في سرايا حمدان المنياوي كانت الشمس طلعت ولم يغمض جفن لأي أحد فكان ياسين يجول ذهابا وايابا ومصطفى دموعه تهبط فهن ليس أصدقاءه هن امهاته
مريم: اهدي يا مصطفى هنلاقيهم وبعدين دول العصابه يعني ميتخافش عليهم
مصطفى بضياع: قالوا كده برضو لما كان عندهم 16 ورجعوا مدمرين
مريم حضنته وقلبها يؤلمها عليهم ليس فقد سيف ابنها فهم 10 أبناءها
عمران: اهدي يا ياسين يا ابني
ياسين: اهدي ازاي ازاااي اقول أيه لاب كل واحده فيهم اقول ايه لابويا انت عارف البنات بالنسبه ليهم ايه انا ضيعتهم
حمدان: أهدي يا ولدي وانا بعت الرجاله يدورا في المنيا كلياتها وابهات البنات جايين
ياسين خرج برا ووقف قدام الشروق وحس انه مخنوق ومش عارف يتنفس فقعد على الكرسي وحط راسه مابين ايديه ولقي ايد بطبطب عليه رفع رأسه ولقاها غزل بتقول: هون على نفسك يا ياسين هيرجعوا
ياسين بدموع: خايف عليهم يا غزل خايف يروحوا
غزل: هما مش لوحدهم يا ياسين معاهم ربنا ومعاهم برضو الشباب
ياسين: بص للسماء يـــــارب
..........................................
في القطر اللي في مالك وأمل
أمل كانت بتبص للشباك ومالك كان سرحان بس شاف حاجه وركز فيها شويه راح مسك ايد أمل وقال: أمل قومي معايا
أمل: على فين؟؟!!
مالك: مش وقته قومي
الرجاله قربه منهم فهو شد أمل بسرعه وبدأ يمشي بسرعه للعربيه التانيه وأمل مش فاهمه حاجه بصت وراها لقيت ناس بتمشي وراهم فسرعت المشي مع مالك
مالك قرب من آخر العربيه فقفل الباب بسرعه وبص لامل وقال: لازم نخرج من هنا بسرعه
أمل :ازاي؟؟؟!
مالك: بص برا وقال يا نهرب منهم وده صعب يا اما......
بدأو يخبطوا علشان يفتحوا
أمل: يا اما ايه
مالك: يا اما ننط وده صعب علشان انتي معايا
الرجاله دول كسروا الازاز وضربه نار بس كاتم من غير صوت جات في دراع مالك
أمل: مـــالــــك
مالك مسك أيد أمل جامد وقال: اوعي تسيبي أيدي مهما حصل
وفي الثانيه اللي بعدها كانوا نطوا من القطر ولحسن حظهم كانت أرض زراعية فاتصابوا بخدوش بس مالك كان حاضن أمل جامد فقومها ومسك وشها ما بين ايديه وقال
" انتي كويسه حصلك حاجه"
أمل كانت بس بتبص للدم الخارج من ذراعه
أمل مسكت دراعه بلهفه وقالت: دراعك
مالك: اهدي الرصاصه بس عدت من جمبي
أمل لسه هتتكلم بس سمعوا صوت واحد من وراهم بيقول: بتعملوا ايه في أرضى
مالك قام وحط أمل وراء ضهره وقال
" احنا بس تايهين ومش من هنا "
الراجل: شكلكم مصراويه
مالك: ايوه مش من هنا
الراجل بص للدم اللي في دراعه
" واه يا ولدي مال دراعك"
مالك: ها ده واحد ابن حرام بقى ضرب عليا نار بس الحمد مدخلتش جوا
الراجل بطيبه: طب تعالى يا ولدي بيتي علشان الشمس غلط علي الجرح
مالك بصله بتردد فقال الراجل: متخافش يا ولدي انا مش هأذيك انا مره حوصل معايا أكده وفين وفين عبال ما لقيت حد يساعدني تعالى معاي
مالك: شكرا ليك
أمل: استنى يا مالك علشان متنزفش
أمل طلعت شاش من الشنطه ولفت دراع مالك علشان توقف النزيف شويه
الراجل: مرتك دي يا ولدي
أمل: اااا
مالك بسرعه: ايوه مراتي
الراجل: ربنا يخليكم لبعض
أمل داست على جرح مالك فهو كتم الوجع وبصلها بغيظ
مالك وأمل مشيوا مع الراجل لحد بيته وكان بيت ريفي بسيط وهما وقفوا من برا
والراجل: يا ام إبراهيم يا ام إبراهيم
ام إبراهيم خرجت بسرعه وقالت: ايوه انا جايه اهو
الراجل: تعالى يا ولدي
مالك وامل دخلوا وأم إبراهيم استغربت فقال الراجل: دول ضيوفنا يا ام إبراهيم عايزين كرم الضيافة بقى
ام إبراهيم: حاضر يا اخويا
الراجل: تعالى معايا يا ولدي علشان ترتاحوا باين عليكم تعبانين
الراجل اخدهم لاوضه وقال: اتفضلوا يا ولدي ولو عوزتوا اي حاجه قولوا يا عم سعيد عن اذنكم
أمل بسرعه: عم سعيد ممكن تجيب مايه علشان أطهر ليه الجرح
سعيد: هتعرفي يا بتي
أمل: انا دكتوره
سعيد: حاضر يا بتي
سعيد راح يجيب المايه ومالك قعد على السرير بتعب بس لقى حاجه بتتحدف عليه فوطي راسه بسرعه وكانت مخده من أمل
أمل بغيظ: مرات مين ياض ها أنت بتستغل الموقف صح
مالك: اهدي يا مجنونه
أمل: ولاه انا مش مجنونه
مالك: يعني اعمل ايه الراجل قال مراتك دي اقول لا
أمل: طب وايه يعني
مالك: مينفعش يا أذكى اخواتك علشان ممكن يكون شافنا قريبين من بعض فافتكر انك مراتي مكنش ينفع اقول عكس كده كان ممكن يبصلك بطريقه مش كويسه وقتها
أمل سكتت لأنه معاه حق والباب خبط ففتحت وعم سعيد قال: اتفضلي المايه يا بنيتي
أمل بابتسامه: شكرآ
عم سعيد: العفو يا بتي اسيبكم ترتاحوا شوي
أمل: احم ممكن تقلع علشان أطهر الجرح
مالك: حاضر
مالك قلع الجاكيت والتيشرت اللي تحته وظهرت عضلات جسمه المشدوده
أمل كانت بتحضر الشاش والقطن فماخدتش بالها منه
أمل لفت: ها ق......
أمل اتوترت اوي فكان صدره عاري فقالت بتوتر: م م ممكن تلبس ااالجاكيت وتبين كتفك بس
مالك بخبث: مش ضروري اعتبري نفسك بتأدي واجبك يا دكتوره
أمل قربت منه وبدأت تتطهر الجرح تحت نظرات مالك ليها
أمل وهي مش باصه ليه: ممكن تبص في حته تانيه يا اخ مش كفايه الوضع ده
مالك: اصلهم حلوين
أمل بشراسه' هما ايه دول
مالك ضحك وقال: خدودك الحمراء
أمل نزلت رأسها ودقات قلبها سريعه جدا وقالت: احم انا خلصت البس وخد البرشام ده علشان يسكن معاك
مالك: بس ده فيه تقريبا نسبت منوم
أمل: ايوه هتنام وانا هعملك كمدات علشان حرارتك هتعلي دلوقتي
مالك: شكرا
أمل: على ايه ده واجبي كدكتوره
مالك كان بيحاول يلبس هدومه بس معرفش يدخل ايده في الكم فامل ساعدته علشان الجرح
أمل بتوتر وخجل ودقات قلبها تقسم أن مالك يسمعها: انا هجيب مايه من تحت
ومشيت بسرعه ومالك قال: هههههههه مجنونه بس بتبقى قمر وهي مكسوفه
..........................................
في الأتوبيس عند آيات وفهد
آيات وهي بتهز فهد بصابعها في دراعه: فهد..... فهد ...... يا فهد.... انت ياض
فهد: ايه يا بنتي في ايه
آيات: الأتوبيس وقف في استراحه
فهد: طب وايه يعني احنا مش هننزل دلوقتي
آيات : مهو بصراحه يعني هو
فهد: في ايه
آيات: هو انت معاك فلوس
فهد بابتسامه: جعانه صح معايا المحفظه تعالى ننزل نجيب اكل علشان انا كمان جعان
آيات: ماشي
آيات وفهد نزلوا علشان يجيبوا اكل فهد قال
" اقعدي انتي وانا هجيب"
آيات: احم طب ابقى هات مولتو بالشوكلاته معاك ماشي
فهد بضحك: طفلة وربنا
آيات قعدت وبعد شويه فهد جيه وقال
"خدي حطيهم في شنطتك"
آيات بشك: جبت المولتو
فهد: جيبتوا يا اختي يلا
كانوا لسه هيخرجوا من الباب بس فهد شاف رجاله نازله من الأتوبيس وبيبصوا يمين وشمال كأنهم بيدورا على حد
فهد مسك ايد آيات ورجع بسرعه تاني جوا
آيات: في ايه
فهد: لازم نخرج من هنا اكيد في باب خلفي
آيات: ليه طيب فهمني
فهد وهو بيجري ناحيه الباب: هفهمك بعدين يلا
خرجوا من الباب الخلفي وفهد قفله وآيات قالت: استنى هنجري في الصحراء
فهد: لازم نجري يا آيات يلا بسرعه
آيات جريت مع فهد وكانت الشمس لسه بتشرق
وبعد 5 ساعات
آيات وهي بتجر في رجليها: أنت يا كابتن الشمس لحست نفوخي هنوصل امتا
فهد: كمان شويه
آيات: بقالك 3 ساعات بتقولي نفس الكلمه على فكره غير بقى
فهد: طب اعمل ايه لازم نوصل قبل الليل
آيات : ايوه نوصل فين بقى اوعي تقولي هنروح الفرافرة مشي
فهد: ههههههه حاجه زي كده
آيات: نـــــعــم لا بصلي هنا..... ووقفت قدامه وقالت: ازاي يعني نمشي لحد هناك انا عايزه افهم
فهد تخطاها وقال: بصي انا والشباب كنا عملنا عمليات كتير في المنطقه دي
آيات بغباء: يا لهوي يعني هنروح لإرهاب
فهد: انا قولت كده
آيات: اومال أيه
فهد: في بدو عايشين في المنطقه دي قريب من الواحه واحنا هنروح هناك
آيات: وهما يعرفوك؟؟!!
فهد: ايوه يعرفوني روحنا انا والشباب هناك قبل كده الصحراء واسعه وهما اللي ارشدونا وقعدنا يوم هناك
آيات: طب وانت عارف الطريق منين؟؟
فهد: الشيخ اللي هناك قال لو توهتوا في المنطقه دي تاني ابقوا امشوا في الصحراء وخلوا ضهركم للشمس وانتوا هتوصلوا لينا
آيات: طب واحنا قدامنا قد ايه
فهد: حوالي 3 ساعات ونص كده
آيات بصدمه: ايــــــــــه لا بالله عليك خلينا نقعد نستريح شويه انا هموت واكل
فهد: ماشي بس 10 دقايق بس علشان نلحق قبل الليل
آيات: ماشي في صخره هناك نقعد تحت ضلها
قعدوا وقال فهد: لسه باقي مياه في الشنطه
آيات: ايوه فاضله ازازه
فهد شرب وحط ايده على راسه وآيات
" اكيد راسك وجعتك من الشمس معايا بنادول"
فهد: لا عادي متعود ادرب في الشمس كتير
آيات: طب مالك طيب
فهد: مفيش بس اكيد أهالينا عرفوا وقلقوا علينا
آيات: فعلا بس اكيد هنرجع بسرعه و..... أيه يا عم مالك بتبص ليا كده ليه
فهد: اوعي تتحركي أو تبصي وراكي
آيات بخوف: في ايه
فهد قرب منها أوي وخافت بس هو مسك حاجه جمب رأسها وشدها وكان تعبان طويل جدا
آيات: يا نهار مش فايت ايه ده كله
فهد: لو كان قرصك كنتي روحتي فيها
آيات: فعلا بس ماسكه عادي كده خلي بالك ليقرصك
قالتها بخوف شديد خليت فهد يبتسم وقال
" متخفيش متعودين على كده المهم معاكي مشرط أو أي حاجة حاده"
آيات خرجت مشرط وفهد حط راس التعبان في الأرض ولسه هيتكلم آيات قطعت رأس التعبان
فهد: أيه ده مخفتيش
آيات قامت: لا ويلا بينا قبل ما تيجي وليفته
فهد : وليفته يعني ايه سمعت بيها بس مفهمتش يعني ايه
آيات: وليفته يعني مراته وهتيجي وتبص في عينيه وتشوف آخر شخص واللي قتل جوزها فهتنتقم ليه وتقرصه
فهد بضحك: زوجه وافية
آيات: والعكس برضو لو الوليفه هي اللي ماتت أو تعبان صغير وقتها أمه هتنقم ليه
فهد: غريبه الطبيعه دي
وبعد 4 ساعات
آيات بتعب شديد: فهد والله ما قادره امشي تاني خلاص جبت أخرى
فهد: استحملي يا آيات قربنا نوصل والله
آيات بصت قدامها وشافت زي خيم فقالت
" هي دي ولا ده سراب الصحراء"
(يا عيني البنت ما بقيتش عارفه الحقيقه من الخيال 🤣)
فهد: فين دي ايوه ايوه خلاص يلا شدي
وصلوا اخيرا وقال فهد: اهلا يا شيخ بدير
بدير بترحيب: هلا يا ولدي كيف حالك
فهد: ضايع والله
آيات: بدوخه فـ...هـ....د مش قا.... دره
آيات وقعت بس قبل ما توصل الأرض فهد مسكها وقال الشيخ بدير: مين دي يا ولدي ومالها
فهد: دي دي مراتي يا شيخ بدير واحنا مشينا كتير اوي عشان كده اغمى عليها
بدير: طب شيلها يا ولدي وتعالى معايا
شالها ودخلوا خيمه وقال فهد: ممكن بس شويه مياه يا شيخ بدير
بدير: حاضر يا ولدي
فهد: آيات.... آيات فوقي انتي كويسه
فهد ضربها بخفه على خدها بس هي كانت بتهمهم وبس
فهد: يا آيات فوقي انا مش هنا انا فهد
آيات بتعب شديد: عايزه انام سبوني أنام
فهد غطها نامي: يا قلبي
فهد شرب مياه ونام بعيد عنها نسبيا
..........................................
سليم: لازم ننط
روان: ننط فين ده القطر ماشي
الرجاله بدأو يكسروا في الباب سليم مسك ايد روان جامد ونطوا من القطر على منطقه زراعيه بس دماغ سليم اتخبطت في صخره من وراء
سليم قام وحط ايده على راسه بألم بس بص جمبه بسرعه لقى روان فقال: روان انتي كويسه حصلك حاجه
روان : انا كويسه بس...... كملت بفزع ايه الدم ده
سليم: دماغي اتخبطت بس
روان مسكت راسه وقالت بخوف: دي بتنزف استنى أوقف الدم ده
سليم كان بيبص على خوفها وكان مبتسم بس سمعوا صوت راجل جاي عليهم بيقول: واه انتوا مين يا نهار اسود دماغك عم تنزف يا ولدي تعالى الفهالك
سليم قام وروان كانت هتقوم بس وقعت تاني
سليم بقلق: مالك
روان: تقريبا رجلي اتلوحت
الراجل: انتي كويسه يا ابنيتي تعالوا علشان قعدتكم اهنه مش كويسه
سليم: بس
الراجل: متخافش يا ولدي انا هساعدكم بس وكمان داري قريبه من اهنه
سليم مسك أيد روان وقال: اشيلك لو مش قادره
روان بصتله بتوتر فقال: الراجل شيل مرتك يا ولدي شكلها مقدراش تمشي
روان بصدمه: مراته
سليم : احم ايوه مراتي يلا هشيلك
روان بغيظ: لا علشان دماغك
الراجل: خلاص يا ولدي سندها الدار قريبه من اهنه
وصلوا البيت فقال الراجل: تعالى يا ولدي استريح وهشوف بتي تيجي تربطلك الجرح
روان: لا مفيش تعب انا دكتوره
الراجل: خلاص يا بتي لو احتاجتوا حاجه قولوا يا عم سلامه
سليم: شكرا يا عم سلامه
سلامه : اسيبكم ترتاحوا بقى
روان: مراتك ها
سليم: الله وانا مالي هو اللي قال
روان: وانت استحليتها
سليم: طب نأجل الخناق دماغي مش قادر
روان: ماشي
بدأت تربط ليه الجرح ولفت عليه الشاش وجات تقوم وقفها سليم
سليم: استنى استنى
روان: ايه في ايه
سليم: هعدل ليكي رجلك
روان بتوتر: هـ هـ هعملها انا متتعبش نفسك
سليم: مش هتعرفي لوحدك مش هوجعك متخافيش
سليم مسك رجلها وعدلها ليها
روان: ااااه
سليم بذهول: ده بس ااااه ده انا قولت هتصرخي وتلمي علينا الناس
روان : دول بنات فافي اوعي بقى
سليم قام ومسك راسه فقالت روان
"خد اشرب دي هتسكن الألم"
سليم ة: ماشي
روان قعدت على السرير وقالت : لا بس حلوه بيوت النوبة
سليم: امممم فعلا
الباب خبط ففتح سليم ولقي بنت عندها 10 سنين عامله ضفيرتين وبتقول
"ابا بعتلكم الاكل ده"
سليم: تسلمي يا قمر والله
الطفله: ما اسميش قمر اسمي ضحى
سليم: ماشي يا ضحى
سليم قفل الباب وقال: تعالى يا اختي علشان تاكلي
روان: جيه في وقته والله هموت و آكل
سليم بعد ما اكل قعد على السرير وحس بنعاس
روان: نام يا سليم المسكن فيه نسبه منوم
سليم: طب وانتي
روان: يا عم انا مش هنام اتخمد انت بس
سليم: اتخمد طب لما افوق ليكِ
..........................................

Sabreen🤍