عشق الوحوش والشياطين الفصل الخامس وستون 65 - بقلم Sabreen

والله رجعتلكم بعد غياب دي مفاجأه قبل ما ابدا الجزء الثاني زي اقتباسات كده بس بطريقتي انا
حلقه خاصه (انتقال بالزمن)
صلي على خير خلق الله 💙
🎶 مرحب شهر الصوم مرحب لياليك عادت بأمان.... بعد انتطارنا وشوقنا إليك جيت يا رمضان 🎶
وطبعا الكل عارف الاغنيه دي التي تعلن عن دخول شهر رمضان المبارك ندخل معا إلى الحاره البسيطه والي منزل حسن كان مكتظ بالناس ونسمع صوت صراخ اشتقنا إليه
شمس: يا حيوانه يا ملك قومي هاتي العصير المغرب خلاص هياذن مش كفايه انك فاطره
ملك بتذمر وهي بتاكل: الله مش حامل لازم ابقى فاطره مش كفايه الكرش ده
ضربتها رسيل على قفاها: كرش مين يا ام كرش أنتي فاكره نفسك في التاسع ده انتي والحيوانه اللي جنبك دي لسه في التالت
عشق: شكرا يا اسطا تتردلك في الافراح
ديانا قعلت الشبشب بتاعها: لا خلاص انا جبت أخرى منهم
عشق وملك جريوا بسرعه للمطبخ :العصير اتعمل خلاص اهدي انتي
شمس: جاتكم نيله رفعتولي السكر
حياه جات: ها يا بنات كل تمام خلاص فاضل 7 دقايق على الفطار
جين: كله تمام ها العصير
عشق: خلآص اهو حطينا في التلاجه اووف منكم
مصطفى ركب على السلم وهو بيغني
🎶رمضان في مصر حاجه تانيه والسر في التفاصيل رمضان في مصر من الدنيا طعم بطعم النيل 🎶
شغف بقرف: بسبب يا بابا ايه النشاذ ده
مصطفى: جاتك نيله أيش فهمك أنتي في الحنجره الذهبيه
حياه: ها الرجاله قعدوا
مصطفى: اه تمام انتوا هتاكلوا هنا مش كده
ملك: انا مش فاهمه ليه الرجاله تأكل تحت في اوضه الدروس واحنا ناكل فوق ما نأكل كلنا مع بعض
شمس: مينفعش يا هبله المكان مش هيكفي أحنا كتير جدا
سمع الكل صوت بينادي من تحت وكان عمر
'' مصطفى الأذان خلاص فاضل دقيقه هتبات عندك ولا ايه ''
مصطفى نزل بسرعه: لا انا جاي اهو
الكل قعدوا وكان موجود الكل وعيله عمران وعيله الألفي وصدح صوت الجميع يكون متشوق له في رمضان وما هو الا صوت أذان المغرب لتعلن جميع شوارع مصر إلى الهدوء والكل في منازله يكسر صيامه بعد النهار الطويل
بعدما الفطار كان الكل بدون استثناء قاعد في اوضه الدروس بتاعت حسن لأنها كبيره جدا وكان في شاشه كبيره في الحيطه بتعرض المسلسل وطبعا زي اي بيت مصري بعد الأذان الكل بيتخانق مين ياخذ الريموت ويجيب على المسلسل أو البرامج اللي عايزه
درش بصراخ: قسما بربي اللي هيقرب من الريموت هفطسه انا مش هغير من على رامز
سليم: يا تافه رامز بقى موضه قديمه هات الكبير احسن
جين :بااااس لا ده ولا دخل احنا نجيب على مسلسل احسن
مصطفى بتحدى: طب وريني هتاخدي الريموت ازاي
جين نطت على مصطفي ومسكته من شعره
'' إنت بتعند معايا ياض شكلك نسيت مين هي صقر''
مصطفى: وربنا ما أنتي واخده
شمس سحبت الريموت بكل برود وجابت مسلسل جعفر العمده
عشق بضحك: لآ جدعه عجبتني
مصطفى بحسره: اخدت الريموت
عمر : تفتكروا مين هيفوز في رمضآن السنه دي
رسيل: ممكن عمله نادره لاني الناس بتميل للصعيدي اكتر
عمر: احساسي بيقولي اني جعفر العمده هو اللي هيفوز
ديانا : بصراحه شايف اني فكره مسلسل بابا المجال احلى
مصطفى بضحك: عيله الديابه كفايه بس عزوز الديب وربنا ده لوحده برامز جلال
شغف: شوفت نوسه بتقصف جبهتهم ازاي وربنا البت دي عسل
عشق: مراد انا عايزه قطايف🥟 بس مش عايزه في الزيت
مراد: نعم يا اختي وانا اجيبها منين دي
عشق: مليش فيه اتصرف ابنك عايز كده وبعدين احنا في رمضان اكيد هتلاقي هنا
حسن: علي اول الشارع واحد ببيع بس هتلاقي زحمه جدا
مراد: سمعتي
عشق بدموع: مليش فيه انا عايزه
مراد: انتي هتعيطي علشان قطايف يا عشق
شمس وهي بتاكل حلويات: هرمونات الحمل ألله بعينك بقى
سيف: كفايه يا شمس هتتعبي
شمس بتذمر: انا اخدت الدواء وبعدين احنا في رمضان حرام عليك
ملك بجوع: تصدقوا نفسي راحت علي القطايف
البنات بصوت واحد: وانا كمان
عدي: يا اختاي بدأنا بقى
فتون بضحك: طب خدوا نفسكم انتوا الكل وروحوا
مالك: نروح احنا الكل ونزيد الزحمه
مريم: روحوا وابقوا اتمشوا شويه
مروان: أمرنا لله يلا
البنات: هاااي
مصطفى بضحك: هبل هبل يعني
جابر: الله يعينكم والله هتروح معاهم يا رحيم
رحيم: لا مليش نفس وبعدين الجو دوشه برا وانا واحد مش متعود على كده
ياسين: انت واحد متعودين على الهدوء التام بس خلاص ايام الهدوء راحت
البنات جم: يلا
سليم: طب والولاد
ديانا: كلهم نايمين ولو حد صحي مريم اهي وفتون اهي وحياة كمان ولو زادت اوي ابقوا اتصلوا علينا
الشباب قاموا: يلا
..........................................
كان الشباب والبنات ماشين في الشارع وأغاني رمضان بتصدح من المحلات والقهاوي والأطفال بيلعبوا في الشارع بفوانيس رمضان
ملك: مروان انا عايزه فانوس
مروان: عندك 3 من البيت
ملك: لا انا عايزه واحده بنفسجي بينور
جين: يآ بخيل ما تجيبلها ده فانوس
مروان: فين المحل طيب
شمس: اهو هناك و..... سيف انا عايزه الفانوس الأزرق ده
سيف: ليه بقى مش أنا جبت واحد ليكي وواحد لآسيا
شمس: بس ده حلو زي لون عيوني
ديانا: اول مره اشوف فانوس اسود عدي هاتوا
مالك :واضح إني طلعتنا دي هتجيب بخساير كتير
الشباب: فعلا
البنات اختاروا الفوانيس بفرحه وكل واحده كان بلون عيونها
الكل راح لمحل القطايف وكان زحمه جدا فقالت شمس
'' هدخل انا وملك علشان عمي رجب بيعزني اوي ''
ملك شمرت: يلا بينا يا توينزي
سمع الكل صوت من وراهم بيقول
'' ايه ده هما المزز دول رجعوا تاني ''
ديانا: لا لا حد يقنعني ان مش هي واني دي مجرد تخيلات
عدي بضحك: مش دي الست بتاعت بوكسي
البنات بخوف: لا كله الا ام احمد
ام احمد برقت بعيونها اللي كان فيها كحل وشكله كان شبه بدره في مسلسل الرحايا
(مين عارفها يا جدعان كانوا بيخوفوا بيها العيال عندنا زمان 🤣)
ام احمد: يا حلاوه يا ولاد مزز جداد أيش عيونه زرقاء وخضراء الاه هو الواد ده شبه مصطفى كده ليه
جين: عيني عليك يا مروان يا اخويا هتموت دلوقتي
رسيل: بقولك ايه يا ام احمد بلاش علشان لو مسكتك هعملك اضحيه عيد الأضحى اللي جاي
ام احمد عوجت بوقها: انا قولت حاجه انا بتغزل بس
عشق بغيظ: وانتي تتغزلي ليه ما تخلى لسانك جوا بوقك
ام احمد: الله مين ام شعر أحمر ذي شبه الممثله التركيه اللي في مسلسل حب للايجار كان اسمها اااا والله ما فاكره ميما باين
شغف: ميما كان اسمها ديما الله ياخد إللي علمك عربي
شمس من وراها: ايه يا ام احمد لسه فيكي نقمه الحسد دي
ام احمد لفت برعب: سـ سلامٌ قولا من رب رحيم ااانتي لسه عايشه يا شمس
شمس قربت منها وقالت بصوت مخيف
'' لا انا عفريت وهاخد روحك ''
ام احمد بخوف: لا لا خد روح ابو احمد الأول كده كده هو نصاب وعواطلي وقرفني في عيشتي
ملك وقفت جنب شمس وقالت بخبث
'' هاي انتي بقى ام احمد ''
ام احمد طلعت تجري: عفريييت لا عفريتين الحقوني يا خلق
الكل قعد يضحك عليها وقالت ديانا
'' كويس انكم جيتوا والله ''
ملك: شفناكم واحنا خارجين وقالت شمس نطفشها علشان مش بتمشى بسهوله
سيف بص حواليه: ايه ده هي الناس كلها وقفت كده ليه
فجأه ظهر نور قوي وخرجت منه انا بعصا السحريه

جين: وه وه وه مين دي
انا: هاي عليكم اسمي صابرين الكاتبه
شمس: اه وبعدين
انا: ولا قبلين هنقلكم المستقبل علشان نشوف لقطات كده من اللي جاي
مالك: لا شكرا مش عايزين انا اصلا مش مطمنلك
انا: لازم طبعا
وقبل ما يتحركوا وجهت العصا عليهم واختفوا كلهم وظهر غبار سحري مكانهم
ضحكت بشر :هبدا اللعب استعدوا
ظهر الكل تاني بس في مدرسه
سليم: هو احنا هنعيد ايام المدرسه من تاني ولا ايه
انا: كفايه غباء بقولكم المستقبل مش الماضي بصوا هناك كده اهو
بص الكل وشافوا مجموعه اطفال قاعدين في ملعب المدرسه
عشق: بصدمه دول دول
انا: Yes ولادكم اتفرجوا بقى على اللي هيحصل
كانوا الأطفال قاعدين فقال غيث بملل
'' اووف أيه الملل ده يا ربي ''
آسيا بصت على مكان وقامت وخلعت جاكيت المدرسه وكانت تحته بتشيرت نص كم
مازن: تحذير تحذير آسيا بتقلع الجاكيت آسيا بتقلع الجاكيت
آسيا بشر: اوعي حد يمسكني
جريت بسرعه لمكان وقال عمار بغيظ
'' ده على اساس اني حد بيعرف يمسكها ''
آسيا راحت لولد في المرحله الثانويه وكان هو وأصحابه بيتنمروا على شخص
'' معلش يا اخ ممكن تبصلي ''
للولد بص وفيه ثواني كانت آسيا ضربته تحت بطنه وهو نزل بألم على الأرض وهؤلاء بيصرخ وآسيا نطت عليه وفضلت تضرب فيه بأيديها في وشه
شمس: احيه البت خلته سوسن
سيف: إنا مكنتش كده زمان
انا بضحك: يا عم البت بتك شبهك بالملي واخدت الافتراء من شمس
شمس بتذمر: انا مش مفتريه على فكره
بصتلها برفعه حاجب: ده انتي بالذات اكتر واحده مفتريه في العصابه وسيف يشهد هو والمتابعين
ملك: مين البنت اللي متشعلقه في رقبه واحد فيهم دي
انا: دي بنت عشق
عشق بذهول: نعم
غرام كانت ماسكه في رقبه واحد فيهم وهو بيروح يمين وشمال علشان غرام تقع
غرام بصراخ: الحقني يا عمار الكلب هقع حاسه اني متشعلقه فيه لعبه في الملاهي
عمار: اثبتي انا جاي
ريان بص لاخوه اللى قاعد بلامباله في مكانه ولا اكني الكل بيضرب في بعضه
'' وانت يا عم الرايق مش هتتحرك ''
أحمد: عادي كله ربع سماعه والحرب تخلص
فارس بصله من فوق لتحت وقال بمكر
'' اللحق يآ أحمد فيه واحد بيضرب لين ''
أحمد قام بغضب: ابن ال هو فين
فارس: جاتك نيله مش بتتحرك غير لما الموضوع يكون فيه لين
مازن وهو بيضرب واحد مع رعد
'' هو احنا بنعمل كده ليه ''
رعد: علمي علمك اهو ضرب يقتل الملل وخلاص
دانه وطيف كانوا واقفين فوق حاجه عاليه وبيحدفوا الكل بزلط صغير جات واحده فأنس فقال بغيظ
'' الله يخربيتك يا دانه جات فيا ''
دانه بصوت عالي: معلش يا أنوس استحمل لحد ما الحرب تخلص
ريان: ااااه انتوا مفيش منكم فايده بتحدفوا الكل يا شويه قرود
طيف: تصدق احنا غلطانين ويا لهووووي
عدي بصدمه: لا لا لا ده مش طبيعي خالص
انا بضحك: اكيد لازم يكون مش طبيعي مش نسل العصابه بقى
ملك: ده شكل المستقبل كله هيبقى جنان X جنان
انا رفعت العصا : هيحصل نروح بقى مكان تاني
...............................
اختفى الكل وظهروا في فرح
شغف: وده فرح مين أن شاء الله اوعي تقولي فرح واحد منهما وربنا نولع فيهم كلهم قبل ما نعرف مين فيهم
مروان: هو اي حاجه وخلاص
ملك بشر: يستحسن يكون اي حاجه الا ده
سيف: هي فين الكاتبه دى كمان راحت فين
انا: انا هنا اهو
مروان: انتي بتعملي ايه
انا: بشرب جوافه
مروان بقرف: جوافه
انا بشر: لا بقولك انت تغلط فيا ماشي تغلط في هدير اعدهالك تغلط في اختي يا ريت اما تغلط في الجوافه وربنا اخلي ملك تدخل غيبوبه متفوقش منها غير بعد 10 سنين
مروان بقلق: لا وعليكم اي مالها الجوافه مش وحشه والله
انا بغرور: ايوه كده ناس مش بتيجى غير بالعين العسلي
سليم: انتي عينيكي عسلي
انا رفعت سكينه: عندك مانع يا سولي
سليم بخوف: لا والله ما عندي مانع أحنا بس عايزين نعرف احنا فين
انا شاورت على مكان: بصوا على الترابيزه اللي هناك دي
الكل بص وكان الكل متجمع حوالين رسيل اللي كانت قاعده على كرسي وماسكه قلبها بوجع وفهد قدامها بيحاول يفهم فيها ايه
رسيل: إيه ده هو انا هيجيلي القلب في المستقبل ولا ايه
انا بغموض: لا هتعرفي
سمع الكل صوت شهاب بيقول: أسد صديقي اخيرا جيت
رسيل في المستقبل بصدمه ودموع: أسد
اختفى الكل وظهروا في بيت عيله المنياوي وقال سيف باستغراب
'' ده بيت جدي ''
سمع الكل صوت صراخ جين الحاد فقالت جين
'' لا متقوليش وريث لسه عايش ولا ايه ''
انا ابتسمت بغموض شديد/ لا مش عايش دول ناس تانيه اللي عايشه
جين في المستقبل بصراخ: حرام عليك ليه تحرمني منهم 5 سنين 5 سنين وانا فاكره أنهم ميتين استفدت ايه من حرقه قلب عيله كامله استفدت ايه
الشخص بقهر: مراتي عندها القلب لو كانت عرفت الحقيقه كانت هتموت مش كفايه ولادي ماتوا
مصطفى دخل وقال بدموع وغضب شديد
'' واحنا ذنبنا ايه ''
سليم: يا نهار مصطفى هيبقى نسخه من مروان في المستقبل
جين/ هو مين دول اللي لسه عايشين
انا رفعت العصا: اللي عاطين ليكم ضهرهم دول وهتبقوا تعرفوا بعدين
اختفي الكل تاني فقال مراد
'' ايه الغيظ ده ما تقولي هما مين وبعدين هو أسد هيرجع تاني ''
انا: انتي بتعلي صوتك عليا يا مراد ده انا حتى كرماك واتجوزت عشق من غير ما تتعذب كتير زي الباقي انت وابو طويله ده
شمس بصت حواليها وقالت: احنا في مول و....... هي الناس مالها كده بيبصوا لمكان واحد ليه
سمع الكل صراخ عالي
ديانا بصدمه: ده صوتي انا
ديانا في المستقبل كانت بتصرخ بانهيار
'' بنتي يا عدي رجعلي طيف انا عايزه بنتي ''
أدهم بغضب: كلهم اتخطفوا ازاي مره واحده اكتر من 10 اطفال
ديانا: هو عايز بنتي هقتله والله لاقتله
عدي حضنها وقال: اهدي هو فاكر اني العيال سهلين لا يبقى ميعرفش هو خاطف مين ولا انتوا ناسين مين هي العصابه الصغيره ده احنا هنروح هناك هنلاقيهم قتلوا الكل
ديانا بصتلي: مين اللي اخد طيف
انا: هتعرفي فيه المستقبل
حركت العصا وظهروا الكل في مزرعه
مالك: دي مزرعه جدي
شغف: فريال
مالك: والله يا شغف ما اسمها فريال
سمع الكل صرت صراخ البنات
عشق في المستقبل بتصرخ ومراد بيحاول يشدها
'' لا لا يا مراد حرام عليك تعمل فيا كده ''
أحمد: فيه ايه يا ماما ده انتي بس هتركبي حصان هو هيركبك سمكه قرش
شغف: مش عايزه هو بالعافيه يا مالك
مالك بغيظ: يعني انني هتفضلي خايفه من الحصنه كتير
رعد: اول مره اشوفك جبانه يا ماما
آسيا: يا جدعان في أيه دي مجرد حصنه ايه الخوف في كده
رسيل: اخرسي يا بت سيف انتي مش نقصاكي
آسيا: انا غلطانه يلا يا عصابه
الأطفال: يلا يا اسطا
البنات بصوا للشباب بشر: انتوا هتجبرونا نركب حصان في المستقبل
مراد: انتوا بتبصولنا كده ليه ده في المستقبل
عشق: يعني انتوا هتبقوا أشخاص تانيه مثلا في المستقبل
مراد: انتي يا كاتبه تعالى الحقينا
انا بغرور: تدفعوا كام وانا ألغى الحته دي
فهد: ايه الماديه دي
انا بغيظ: هو كده انا اصلا مفلسه ومش معايا ولا جنيه وبتزل لنبع الحنان علشان تديني 10 جنيه بس ويا ترضى يا لا
جين: يا عيني تصدقوا صعبت عليا
انا: والله انتوا اللي هتصعبوا عليا
رفعت العصا وقولت: يلا بينا هنروح آخر مكان علشان انتوا كده اتاخرتوا
ظهر الكل في مكان غريب على الطريق السريع وكان فيه عربيه ماشيه بسرعه وفيه ترله جايه من الطريق المعاكس
ملك: يا نهار اسود ده اللي جوا العربيه هيتفرم على كده
مروان: مين اللي جوا العربيه اصدمينا بقى
انا بغموض شديد: شمس
شمس: احيه يعني هموت
انا: بصوا وشوفوا
وما هي إلا ثواني والعربيه حودت شمال بقوه وخبطت في شجره وظهر ملثمين كتير نزلوا من الترله وقربوا من العربيه
اختفت الصوره وظهرت اسيا وهي بتبكي بانهيار في حضن سيف اللي دموعه بتنزل
'' معرفتش احميكي يا مليكه ''
سيف بص لشمس بخوف وهي ملامحها كانت قلقانه
'' لا مش هتموت اوعي تقولي هخسرها تاني ''
بصتلهم كلهم وقولت بغموض
'' الأحداث دي هتحصل بعد سنين أسرار هتتكشف ومصاعب هتواجهكم لسه اللعبه منتهتش واولادكم ليهم نص الحكايه بس بقواعد مختلفه لازم ترجعوا البيت ''
الكل بعدم فهم: يعني ايه؟!؟!
رفعت العصا وقولت: يعني استعدوا لاني اللي جاي جنون تخطى الحدود
نزلت عليهم العصا وفقدوا الوعي كلهم وظهروا في اوضه دروس حسن وكان موجود حياه وحسن بس فيها لاني الباقي كان بيدور علي الشباب والبنات
حياه بفزع: الولاد أهم يا حسن
حسن بصلي: هو انتي مش مطمن
انا: ليه كده بس يا ابو علي ده انا حتى كيوت
دخل مصطفى وقال: يا نهار هما ماتوا ولا ايه
انا: لا هما نايمين ولما يصحوا مش هيفتكروا حاجه
مصطفى: ليه أن شاء الله
انا: كده يا درش علشان يتفاجوا في المستقبل وانت برضو ليك مفاجأة في المستقبل سلام
..........................................
بسم الله وحشتوني اوي وربنا المهم انا نزلت الروايه جنون تخطي الحدود والمواعيد هتبقى بإذن الله 4 ايام انا هوقف روايه آل الصياد حاليا بس بعد ما اخلص دي علشان هيبقى ضغط عليا اتمنى تتفهموا وضعي بس لازم اخلص ده الأول بس هكمل روايه آل الصياد أن شاء الله بعد ما تخلص كتابتها هبدا انزل فيها مواعيد جنون تخطي الحدود هيبقى سبت واتنين واربعاء وجمعه بالليل اتمنى الاقي تفاعل مع الروايه

Sabreen ❤️