عشق الوحوش والشياطين الفصل السادس وستون 66 - بقلم Sabreen

مسا مسا على الناس الكويسة انا عملت حلقه خاصه لكذا سبب
اولا نفتكر بيها العصابه والوحوش وهما لسه في عز شبابهم
ثانيا تتحمسوا لروايه مملكة جوزاف اكتر
ثالثا في بنوته قالت اني لو عشق اخت ملك وشمس في الرضاعه حرام تتجوز مراد لانه كده هيبقى خالها هي كمان، انا عن نفسي مكنتش اعرف والله ومش هقدر اغير لاني مش عارفه الموضوع اتذكر في كام بارت اساسا فانتوا انسوا موضوع انها اختهم في الرضاعه تمام

تسير في هذا الممر الطويل وصوت حذائها يصدح في المكان لينظر لها الجميع باحترام فمن لا يعلم الشيطان، ابتسامه زينت وجهها لتظهر غمازتيها وهي تنظر حولها تتذكر كل ركن في هذا المبنى الضخم

وصلت إلى باب تعلم جيدا ما يقبع خلفه لتطرق عليه بخفه قبل أن تسمع صوت يسمح لها بالدخول
-تفضل

فتحت الباب لينظر الجميع لها بتعجب فوقف سيف قائلا باستغراب
-شمس بتعملي اي هنا

اغلقت الباب خلفها ثم قالت بهدوء
-آدم جابني انا والبنات زي ما جابكم

سليم: البنات طب هما فين
وضعت يديها في جيوب المعطف قائله
-بعتهم يعملوا حاجة المهم انتوا وصلتوا لحاجة
مراد: ولا اي حاجة

شمس: 5 أشخاص يختفوا من بيتهم بطريقه غامضه والبيت فيه كاميرات وتقولوا موصلتوش لحاجة
سيف: احنا راجعنا الكاميرات فعلا بس مفيش اي حاجة منطقيه في الموضوع

شمس بعدم فهم: يعني اي مفيش حاجة منطقيه
مالك: الكاميرات بينت انهم مخرجوش من البيت نهائي اختفوا من جوا البيت بس انا شاكك في اللي اسمه إدريس ده

جلست شمس على المقعد ثم قالت
-إدريس ده راجل كبير هو اللي بيدير البيت
سيف بتركيز: انتوا ليكم علاقه صداقة مع اياد وفريقه وروحتوا قبل كده هناك هل يا ترى صدر من إدريس ده شئ غريب

شمس: بالعكس ده راجل طيب اوي رغم انه مش بيتكلم كتير ودايما صابر على هبل الخمسه بس ليه إدريس بالذات اللي شاكين فين
فهد: راجعي الكاميرات وانتي يمكن تفهمي

استقامت من على المقعد قائله: تمام فين التسجيلات لحظه بس مين ده

ختمت كلامها وهي تشير نحو جسد ممد بطريقه مضحكه على الاريكة ليقول سليم بدون اهتمام
-ده مصطفى

شمس: وهو نايم كده ليه
مروان ده ابعد ما يكون عن النوم ده داخل في غيبوبه

اقتربت منه وهي تزفر بضيق فكم حذرته هي والفتيات من ان ينضم الي المخابرات وهذا ليس قلة ثقه بقدراته لكن الشباب سوف يهلكونه في التدريبات وها قد حدث فكم يقولون "طلعوا عليه القديم والجديد"

وقفت أمام الاريكة وحاولت ان تجعله يفيق لكن ولا حياه لمن تنادي فهو بالفعل أشبه بمن دخل بغيبوبه
عدي: متحاوليش ده شبه الجاموسة نام على نفسي

شمس بحنق: ما هو كله منكم
سيف: التدريبات كده والكل بيتحمل
شمس بسخريه: تدريبات برضو ولا عذاب آل قريش

استندت بركبتها على الاريكة لترفع رأس مصطفى قليلا قبل أن تضغط باصبعيها على وتر معين في عنقه وهذا ما ادي الي تشنج جسد مصطفى قبل أن يستيقظ بفزع وهو يصرخ بألم
-ااه انا بدْبح ولا ايه ابعدي ابعدي

ابتعدت وهو تقهقه عاليا فطالما نجحت هذه الطريقه في ايقاظه
-صباح الفل

مصطفى: لا فل ولا ياسمين ولا شوفت يوم ابيض من يوم ما دخلت المبنى ده استنى بس هو انتي بتعملي ايه هنا ولا انا رجعت مصر وانا مش واخد بالي
سيف: لا يا خفيف لسه في إنجلترا وقوم صحصح كده علشان ساعتين الراحه بتوعك اخدتهم في النوم

شمس بغضب: ما براحة على الواد اي الافتري ده
تكلم مصطفى بنبره شبه باكيه: اه بالله عليكي قوليلهم لأحسن دول بيعاملوني أكني واحد من الصهاينة ولا حاجة

شمس: ما قولنالك بلاش وانت اللي شبطت في الموضوع
مصطفى: انا جذمة واستاهل ضرب الجذمه مشوني من هنا
فهد: ليه هو الموضوع بسهوله كده

مالت شمس عليه هامسه بخفوت: المسكن بتاعك موجود
مصطفى: مسكن اي هو انا باخد نوع معين وانا معرفش
شمس: شغل دماغك شويه
مصطفى: قصد على ااا

شمس: هي
اعتدل بسرعه في جلسته قائلا: هي فين
شمس: برا
هرول ناحيه الباب كأنه لم يكن يشتكي من ألم التدريبات
-وسايباها برا كده عادي

شمس بسخريه: انا مكدبتش لما سميتها المسكن بتاعك
سيف: هي مين دي اللي برا
شمس ببساطة: بنتك
سيف بغضب: آسيا بنتي، وبتقوليها ببساطة كده عادي

مراد: في ايه يا سيف دي البنت لسه عندها 6 سنين
سيف بغيظ: ودي بنتي
شمس: طب حد يجيب التسجيلات علشان نشوف القوم اللي اختفوا دول حصلهم ايه مع اني مش مطمنه خالص
~~~~~~~~~~~~

خرج مصطفى ليبصر آسيا تجلس في مكتب السكرتيره الخاصه بالشباب وكانت آسيا تلعب مع أرنبها الصغير "ثوتي"
-آسيا

نظرت إلى الصوت الذي ينادي عليها لتبصر مصطفى الذي اقترب منها سريعا وهي بنفسها اسرعت له لترفع له يديها حتى يحملها وهو بدوره فعل هذا ليرفعها عاليا
-وحشتيني يا قطة بعيونك دي

آسيا: وانت كمان بس انت ليه بطلت تيجي وتلعب معايا انا ومازن وأنس
مصطفى: عندي تدريبات ومش فاضي
زمت شفتيها بتذمر طفولي وهي تضم يديها أمام صدرها
-ودلوقتي طبعا مش فاضي

لعب بشعرها الطويل وهو يرفعها على كتفه قائلا بمشاكسه
-أفضى علشانك يا جميل لو عايزه اي رايك نلف شويه في لندن بصراحة انا كنت هموت وانام بس على رأي شمس انتي المسكن بتاعي

آسيا: اممم ماشي يلا
مصطفى: يلا يا قطتي
آسيا بسرعه: استنى استنى وثوتي هنسيبه هنا

نظر مصطفى إلى ثوتي وهو يأكل في الأوراق على المكتب ليمسكه قائلا
-نجيبه معانا وماله حتى يبقى محرم
آسيا بصراخ: ايه ايه انت ماسكه من ودانه كده ليه كده هيطرم

مصطفى بغيظ: انا كده اللي هطرم وبعدين الأرانب بتتمسك من ودانها همسكه من ايده يعني وقوله يلا بينا

سحبته آسيا بحنق منه لتضمه لها وتقبل رأسه بحنان وهي تربت عليه تحت نظرات السخط من مصطفى
-انتي بتبوسي رأسه يا آسيا اما حتى شوفتك بتبوسي رأس ابوكِ من باب بر الوالدين

آسيا بحنق: ملكش دعوه يا عديم الاحساس بالحيوانات ويكون في علمك هتجيب حاجة لثوتي علشان تصالحه بيها
اجابها مصطفى بسخريه وهو يهبط بالمصعد
-ليه هو حد قالك انه زعلان

آسيا: اه زعلان حتى شوف
ختمت كلامها وهي ترفعه أمام وجه مصطفى ليعود الآخر برأسه للخلف قائلا بحنق
-اي يا آسيا ما تخليني ابوسه احسن ابعديه شويه

فتح باب سيارته ووضعها في المقعد ليجلس هو أمام عجله القياده تحت انبهار آسيا وهي تتحسس المقعد
-هو انت جبت عربيه

مصطفى: اه ما انا تميت 18 بقى واتعلمت السواقة بغض النظر عن اني اوريدي كنت بعرف اسوق

آسيا: بس حلو اللون الأخضر الزمردي
مصطفى: اممم طب يا قطه عايزه تروحي فين
آسيا: انا جعانه وعايزه اتغدى
مصطفى: عايزه تتغدى اي

آسيا: لو قولت عايزه أكل فراوله
مصطفى: بس الفراوله غلط عليكي يا آسيا اختاري حاجة تاني

آسيا بتذمر: خلاص عايزه اكل جمبري
ن

ظر لها مصطفى بغيظ: بس انا مش بطيق الجمبري ده
آسيا بغضب طفولي: يـــوه هو كل حاجة لأ
~~~~~~~~~~~~

بدأ الجميع يشعروا بالملل وهو ينظرون إلى شمس التي تعيد الفيديو للمره الثالثه او الخامسة
سيف: طب وبعدين قدرتي تحللي اي حاجة

شمس: على ما اعتقد اني إدريس عنده ولد لان الشخص اللي خرج من الاوضه شبه إدريس جدا ومستحيل يعني يكون إدريس اللي في الستين يرجع شباب مثلا بس هو انتوا عملتوا تحري عن إدريس ده

مالك: اه طبعا عملنا بس مفيش اي حاجة عنه شخصيه غامضه جدا زي ما تقولي كده ملهاش وجود
شمس بحيرة: هو الموضوع ناقص يعني يا ترى الخمسة راحوا فين

رن هاتفها فامسكته بسرعه ما ان رأت المتصل عشق
-عشق عرفتوا حاجة
دلفت عشق مع الفتيات وكانت تضع الهاتف على اذنها قائله بسخريه
-عرفنا حاجة تحير بجد في بيتهم ده

مراد: هو انتوا كنتوا في بيتهم
شمس: ايوه بعتهم يفكوا الكاميرات ويجيبوها
فهد: وده فايدته اي ما البيت مقفول بقاله اسبوع
رسيل ببلاهه: لحظه اعمل يوترن كده مقفول بقالة أسبوع اومال مين اللي عامل الاكل ده العفاريت مثلا

شمس: اكل ايه معلش!!؟؟
وضعت شغف أمامها طبق وكوب ماء فقال سيف باستغراب
-هو انتوا كنتوا بتاكلوا وجبتوا نصيبها معاكم ولا اي

شغف: شمس حطي ايدك على الاكل وكوبايه المياه كده
فعلت شمس ما قالت لتقول: الأكل سخن والمياه ساقعه اي برضو اللي في الموضوع مش فاهمه
ملك: شمس احنا روحنا لقينا الاكل ده موجود في المطبخ ومتاكل منه

سلي:م اي ده يعني ايه، يعني هما موجودين في البيت دلوقتي
جين: يعني هما لو موجدين في البيت هيقفلوا بالمفتاح من برا
شمس: هاتوا الكاميرات كده
~~~~~~~~~~~~

توقف مصطفى وهو يضع يده على ظهره وهو يتنفس بصوت مرتفع
-يا لهوي انا عجزت ولا ايه
نادته آسيا بصوت مرتفع: مصطفى ثوتي هيهرب مني تعالي امسكه معايا

مصطفى: يخربيت ثوتي اللي لففنا الجنينه كلها وراه يارب ياكله كلب ويريحنا
خطرت في عقله فكره فذهب سريعا حتى ينفذها اما آسيا كانت تبحث عن ارنبها ذو الأقدام السريعه فهو دائما ما يهرب منها فابتسمت عندما رأته من بعيد لكن تحولت ابتسامتها لصدمة وهي تراه يأكل في خبز إحدى العائلات فقالت بخوف

-يا لهوي اعمل اي الناس لو شافوا مش بعيد يموتوا ااخ منك يا ثوتي جايبلي الكلام دايما
اقترب منها مصطفى وهو يحمل فيه يده حقيبة بلاستيكية ليقول باستغراب
-واقفه ليه هنا وبعدين فين ثوتي

أشارت آسيا نحو مكان فشهق مصطفى بصدمه
-يا ابن المفجوعه يا ثوتي
اخرج جزرة من تلك الحقيبه ثم قال
-بقولك ايه خدي الجزرة دي وتعالي نجيب الأرنب قبل العيله دي ما ياخدوا بالهم انه خلص على العيش بتاعهم
~~~~~~~~~~~~

نظر الجميع الي التسجيل بتركيز شديد ليروا ان المكان والغرف بأكملها فارغه لكن مهلا هذا باسل هناك يجلس على الاريكة متى ظهر حتى

نظروا الي بعضهم بحيرة وهم لا يفهمون اي شئ من كلامه الذي يحادث به نفسه ومن هي وجدان تلك التي يسبها

انتقلوا نحو كاميرا المطبخ ما ان رأوه يتجه نحوه وقام بتسخين بعض الطعام الان فهموا كيف ظهر الطعام الساخن لكن كيف ظهر باسل ومن أين اتي

والان ظهر تلك النسخه المصغرة من إدريس مهلا مهلا لما باسل ناداه إدريس ماذا يعني هذا

نظروا الي بعضهم باستغراب وهم لا يفهمون اي كلمه مما تقال من وجدان وما امر الانتقال الذين يتحدثون عنه

فتح الجميع أفواهههم بصدمه وهم لا يجدون لا باسل ولا المسمى إدريس لقد تبخروا، فقد ما ظهر هو ضوء قوي غطي على الكاميرا ولا شئ بعدها لا يوجد أحد في أي مكان حتى
-اي أصله ده

صرخت بها ملك بنفاذ صبر ليقول مروان
-جماعه معتقدش اني إدريس ده خطفهم ولا عملهم حاجة لاني باسل لما شافوا راح ليه بسرعه مهربش منه

ديانا: ماشي بس برضو راحوا فين كلهم وازاي باسل ظهر ومكنش فيه حد في البيت واختفي فين تاني
سيف: الموضوع شكله هيتقفل بعلامة استفهام

اغلقت شمس اللاب بتعب: شكله فعلا هيتقفل كده واياً يكونوا فين هما الخمسه فأنا متأكده انهم كويسين لاني الخمسه دول ميتخافش عليهم ابدا

دلف مصطفى وهو يحمل آسيا لتقول الأخرى بسعادة وهو تلوح لوالدها
-بابا ازيك عامل ايه شوف مصطفى جاب جزر لثوتي
سيف: انتوا كنتوا فين انتوا الاتنين

مصطفى: كنت بفسحها يا سيف
استقام سيف صارخاً بغضب: وانت بتفسحها بصفقتك مين
مصطفى ببساطة: تنفع معاك جوزها المستقبلي

سيف بغضب: جوز مين يا حيوان انت
مصطفى بحنق: متشتمش يا سيف انا عامل حساب انك هتبقى حمايا لولا كده كنت
سيف: كنت ايه احب اعرف
مروان: خلاص يا سيف وانت يا جذمه انت كفايه استفزاز ونزل البنت

آسيا بغضب طفولي: انتوا بتشتموا فيه ليه
مصطفى بتذمر: قوليلهم ده انا حتى يتيم
سيف: نزل البت يلاه
مصطفى بعناد: لا واقولك خد ثوتي ده علشان عصب اللي جابوني من الصبح وانا راجع مصر وبنتك جايه معايا

ختم كلامه وهو يحمل ثوتي ويلقيه ناحيه سيف الذي مال بجسده بسرعه ليسقط ثوتي من النافذه ليصدر منه صوت صراخ حاد وهو يسقط في الماء يليه صراخ آسيا وهي تركض ناحيه النافذه
ثـــوتـــي
(الفاتحة على روح ثوتي 🤲🏼)
~~~~~~~~~~~~

احم احم حابه اسأل سؤال مين اكتر كابل حبتوا في رواياتي كلها انا عن نفسي بالترتيب كده

ثرثور ومريم
أرسلان وجيسي
ليث وايملي
آسر وروز

بنات لو لقيت تفاعل منكم وعد انزل بارت من أمواج الذاكره يوم الثلاثاء

Sabreen