عشق الوحوش والشياطين الفصل الخامس وثلاثون 35 - بقلم Sabreen

الفصل 37
صلي على محمد 🤍
وصل ومصطفى والبنات للمدرسه وقالت شمس وهي بتحط نضاره الشمس بتاعتها: جاهزين يا عصابه
البنات: ومصطفى جاهزين يا كبير
البنات دخلوا المدرسه بكل برود وعلى عيونهم نضارات شمسيه وكل المدرسه بدأت تنظر لهم بذهول الطلاب والمدرسين فهي كانت فتره الفسحه وكانت المدرسه كلها اولاد
البنات راحوا على مكتب المدير وشمس فتحته من غير استأذن وقعدت قدام المكتب وحطت رجل على رجل بكل برود اما البنات قعدوا على الكنب بنفس البرود
المدير بعصبيه: انتوا مين وأزاي تدخلوا هنا
شمس بصت لشخص وقال ببرود: ايه يا استاذ امين هو المدير جديد ولا ايه
امين بخوف: ااايوه جديد
المدير: مين دول يا امين
مصطفى: أولياء اموري يا استاذ احمد اخواتي
المدير كلهم
روان ببرود: اه كلهم نعرف بقى اخونا عمل ايه
المدير: اخوكم عامل فيها بلطجي
شمس بابتسامه مرعبه: استاذ امين اطلع وخد الباب وراك
امين بخوف: يا مكه يا بنتي
آيات: استاذ امين من غير نقاش إذا سمحت
امين طلع وقالت أمل بشر: نحل الموضوع بقى يا حضرت المدير وبشكل ودي خالص
وبعد ثواني تجمع الطلاب كلهم أمام المكتب يحاولون أن يروا اي شئ من صراخ المدير
خرج البنات من مدرسة وضربت حبيبه مصطفى على قفاه وقالت: عارف ياض حاجه زي دي تحصل هولع فيك انت والمدير فاهم
مصطفى بضحك: فاهم يا كبير
روان: يلا نروح عندنا بقى ونعمل مسكات وفشار ونجيب شيبسي وبيبسي وشوكولاته ونتفرج على فيلم رعب اشطا
البنات بحماس: اشطا
شمس: نتجمع بقى الساعه 5 وكل واحده تجيب حاجه معاها يلا انتشروا
..........................................
الساعه 7 دخل خالد البيت وهو بيقول: اووف فين المياه ايه الحر ده يا جدعان
دخل المطبخ وشاف اتنين وشهم بني فقال
"بـ بـ بسم الله الرحمن الرحيم اعااااااااا عفــــريـــــــت "
تبارك دخلت البيت على الحمام على طول وقالت: ده يوم اسود منك لله يا تمنى انتي وماهيتاب
طلعت شافت واحده وشها اسود بتقول: تبارك
تبارك طلعت تجري: يا اماااااااااا عـفــريــــت
خالد وتبارك اتخبطوا في بعض وقالت تبارك
" الحقني يا خالد عفريت لونه اسود "
خالد شاف كذا واحده وقال: أعوذ بالله من الخبث والخبائث انصرفوا انصرفوا
عبد الرحمن دخل وقال: في ايه الصويت ده...... عفــــاريـــت يا رضوي
شمس بضيق: ايه يا عبده بقى مش عارفنا أخص عليك
رضوي خرجت من اوضتها وقالت: مالك يا عبد الرحمن
عبد الرحمن بخوف: ايه اللي انتي عملاه في نفسك ده
رضوي: مسك قهوه البنات عملينه
خالد بصدمه: بنات هو انتوا
أمل بغيظ: ايوه احنا العفاريت أخص عليكم بقى مش عارفين تفرقوا
تبارك: منكم لله قطعتوا خلفي
مصطفى: معلش يا ضنايا يلا يا عصابه الفيلم قرب يبدأ
عبد الرحمن: طب فين العشاء يا رضوي
حبيبه: احم احم أكلنا يا عبده
عبد الرحمن: يعني ايه
آيات: يعني اطلب دليفري يا عبوده
عبد الرحمن: لا دليفري لا رضوي اعملي اكل
رضوي: معلش يا عبد الرحمن حاطه الماسك ومينفعش أقرب من النار هات دليفري أسهل
عبد الرحمن: حتى انتي يا رضوي
البنات قعدوا قدام التليفزيون وبياكلوا فشار 🍿جيه مصطفى وقعد ما بين آيات وشمس وقال: ها مين مات
شمس: البنت صاحبه البطله الله يرحمها شعرها كان حلو
أمل: اممم فعلا ايه رايكم اعمل شعري كيرلي يا بنات
شمس: انا عايزه اعمله بصراحه بس خلوها بعد المهمه دي ما تخلص
مصطفى: وانتوا ضامنين انكم هتفضلوا عايشين
آيات: وجهه نظر برضو الا قوليلي يا روان الايس كريم ده جبتيه منين ده شكله نوع غالي أوي وانتي واحده على باب الله
روان: والله يا اختي ما انا اللي جيبته ده سليم اصلي من وقت ما جينا من الصعيد وانا مقاطعه
حبيبه: وانا
آيات: وانا
أمل: هههههههه وانا كمان
مصطفى بص لشمس وانفجروا الاتنين في الضحك
حبيبه: بتضحكوا على ايه يا جذمه منك ليها ها
مصطفى: جات من عند الله
شمس: هههههههه اااااه والله
مصطفى: يا عيني صعبوا عليا
أمل: حد قالهم يقربوا من العصابه
الكل: على رأيك يستحملوا بقى
جيه إعلان وآيات قالت: قوم ياض شغل مهرجان عايزين نفرفش
مصطفى قام وشغل مهرجان اندال اندال
مصطفى بغناء:🎶 يا صاحبي بالأمانه طلعت سد خانه 🎶
شمس 🎶 وقفت ياما جملة وانت مصمم عالنداله🎶
آيات 🎶 ليه مصر انك تخسرني هو انا زعلت يا ابني🎶
روان 🎶 عمال تتحكم راجل وبتكسرني يا ابو الرجاله🎶
أمل 🎶 وانا اقولك انت اخويا براني وده ابن ابويا🎶
حبيبه 🎶 مع اني انا عارفك قلبك اسود يلاه مدهون بالبويا 🎶
مصطفى🎶 اخسرني يا صاحبي براحتك برضو انت ادرى بمصلحتك 🎶
آيات 🎶 بس انت هتعرف قيمتي وهترجعلي وانا هشحتك 🎶
شمس 🎶 عمري ما قصرت معاكم ولا قليت يوم وياكم 🎶
روان 🎶 بس انتوا الغل ملي وشوشكم وانا مضطر انساكم 🎶
دخل خالد وهو ماسك طبله وقال بصوت عالي🎶 اندال اندال اندال والله ما فيكم جدعان 🎶
تبارك🎶 وانا قولوا انت اخويا براني وابن ابويا🎶
أمل 🎶 مع اني انا عارفك قلبك اسود يلاه مدهون بالبويا 🎶
الكل بصوت عالي🎶 اندال اندال انداااال 🎶
عبد الرحمن رمي عليهم الجذمه وقال: يا جذمه منك ليها مش عارف انام فضحتونا الله ياخذكم
تبارك: هدى نفسك بس يا ابو خالد علشان صحتك
عبد الرحمن رمي الجذمه التانيه وقال
" هو انتوا خليتوا فيا صحه الله ياخدكم روحوا عند عادل ولا شريف انا مش ناقص صداع كفايه 4 بلاوي اللي عندي"
شمس: بقى بتترطدنا يا عبده
عبد الرحمن: ايوه
البنات: احنا مهزقين اصلا
آيات: يلا يا جدعان نروح لدولا حبيب قلبي
عبد الرحمن: ربنا معاك يا عادل دول مجانين ويجننوا بلد
..........................................
في الصباح في مكتب أدهم كان يعمل على احد الملفات دخل شخص وقفل الباب خلفه وما كانت الا شمس اللي قالت: ادهوم صباح الخير
أدهم: صباح النور بس في باب على فكره
شمس: مش مهم قولي في حد من صحابك بيدخل من غير ما يخبط
أدهم: لا ليه
شمس: كويس قوم معايا
أدهم: على فين
شمس: تعالى بس
شمس قعدت على الكنبه وقعدت أدهم وفكت شعرها وطلعت فرشه شعر من الشنطه وحطتها في ايده وادته ضهرها وقالت: يلا يا اخويا
أدهم: يا سلام في المكان ده
شمس : ما تخلص ياض الله ده انت بقالك 9 سنين و4 شهور و3 أسابيع ما ضربتش فرشه في شعري
أدهم: انت حسباهم وبعدين هما 9 سنين و4 شهور بس
شمس: لا يا حبيبي ما انت لما كنت في شغلك اتاخرت ومرجعتش وبعدين ما انت كمان اهو حاسبهم
أدهم: خلاص خلاص فكي شعرك
شمس شالت دبوس شعرها فنزل شعرها الأحمر لآخر ضهرها فقال أدهم بانبهار: ما شاء الله يا شمس شعرك بقى طويل اوي
شمس: طبعا يا ابني ده تربيه سنين وبعدين انت بتحب الشعر القصير
أدهم بدأ يمشط شعرها وقال: اممم
شمس: علشان كده البت مراتك بتقصه باستمرار زي من يومين
أدهم باستغراب: وانتي عرفتي ازاي
شمس: عرفت زي ما اعرفت اني في نونو جديد هينضم للعيله بس يارب تبقى بت علشان حاسه بالوحده من قله النساء في العيله دي
أدهم بصدمه: وانتي عرفتي منين
شمس: عيب عليك هو انا اي حد
أدهم بضحك: مش سهله انتي يا شمس
شمس بجديه: ادهم هو لو في حد قالك اختك قاعده مع واحد هتصدقوا
أدهم: لا
شمس: طب لو عرض عليك صور
أدهم بهدوء وهو بيمشط شعرها: هيكون عندك سبب يا شمس انا عارف انك مش هتعملي كده غير بسبب قوي
شمس: يعني انتي واثق فيا
أدهم: واثق فيكِ يا شمس وواثق في تربيتي ليكِ وعارف انك عمرك ما تعملي حاجه غلط وكمل بخبث: حتى لما سيف باسك انت اعتقد صدتيه
شمس بصتله بصدمه وبصت في الأرض وقالت في سرها: يا ابن الجذمه يا سيف انت قولتله الله يحرقك
أدهم بضحك: اعملك ضفيره
شمس هزت رأسها وقالت بخفوت: انا اسفه والله ااانا وقفته
أدهم: هو انتي بتحبي سيف يا شمس
شمس هزت رأسها بمعنى لأ
أدهم كشر ولفها وقال: مش بتحبيه
شمس بشرود: حتى ولو بحبه مينفعش انا مش لازم اعلق حد بيا انا مش عايشه غير علشان الانتقام وبس
أدهم: مليكه انا واثق فيكِ يا روحي وانتى كبيره بما فيه الكفايه علشان تحددي قراراتك
شمس حضنته وقالت
" خليك واثق فيا دايما يا أدهم لاني عمري ما عملت حاجه غلط والأسرار دي كلها غصب عني وبعدين متقولش مليكه تاني ماشي يا اسطا"
أدهم ابتسم: ماشي.... وكمل في سره هتتعب اوي يا سيف علشان تنسيها
الباب اتفتح وقال سيف: أدهم انت خل..... انتوا بتعملوا ايه
شمس كانت هتبعد بس أدهم مسك فيها وقال بمكر: ايه يا عم في حد يدخل مش تخبط
سيف حاول أن يتحكم في غيرته وعدم ضرب أدهم الآن وشدها من حضن أدهم لاحضانه هو فقال بغيظ: ممكن تتكرم تقوم علشان لازم نروح الشركه
أدهم اممم ماشي
أدهم قام وقال: الشباب فين
سيف: بيخلصوا الشغل اللي عليهم يلا انت
شمس خرجت بس ألقت نظره ناريه على آسر
سيف بص لادهم وقال بغيره: أقسم بالله اتجوزها بس ومش هخليك تشوفها غير وانا جايب منها 3 يا أدهم
أدهم بضحك: لو حد شافك كده ميصدقش ابدا انك الوحش اللي بيخاف منه الكل
سيف : اختك مجنونه وجننتني
أدهم: استحمل بقى
سيف: هستحمل يا اخويا واه مبروك على البيبي الجديد مش راحم انت
أدهم: حتى انت عرفت لايقين على بعض والله
..........................................
راحت مكتبها وبعتت للشباب ماعدا أدهم وسيف بأنهم يجوا لمكتبها وهما بعد 10 دقايق وصلوا
فهد: خير يا سياده المقدم
شمس: اقعدوا عايزه اتكلم معاكم شويه
الشباب قعدوا وشمس قالت: هتكلم معاكم على أساس اني شمس بس وبلاش ألقاب بعد كده اعتبروني اختكم الصغيره
الشباب باستغراب: ماشي
شمس: انا هتكلم وتسمعوني للآخر تمام
الشباب: تمام
شمس اخدت نفس عميق وقالت: الموضوع يخص البنات و.......
🍃🍃🍃🍃🍃🍃🍃🍃🍃🍃🍃🍃
شمس خرجت بعد ساعه ونزلت لتحت وشافت سيف خارج من مكتبه ومعاه ملف تقريبا نسيه فقربت منه بغضب ودخلته المكتب تاني وقالت يغضب شديد: ازاي تقول لادهم انك انك انك
سيف برفعه حاجب: ايه الشريط سف ولا ايه
شمس حطت المسدس بتاعها على دماغه وقالت: ابعد عني يا سيف احسنلك
سيف بصلها وقال بدون خوف: ده كله علشان قولت لادهم اني بوستك كان لازم أدهم اخويا مش صاحبي
شمس: قوم تقوله انك بـ بـ اعااااااااا اطلع برا
سيف بمكر: ده مكتبي على فكره
شمس بغيظ: طب عديني واوعي ألمحك بس جمبي علشان مقلبش عليك انا بس عامله اعتبار لأنك صاحب اخويا وكمان لحقته من الموت غير كده كنت قتلتك على اللي عملته
وخرجت ورزعت الباب وراها وسيف ضحك عليها جامد وافتكر لما قال لادهم وياسين زي ما حسن شرط
Flash back
أدهم: في ايه بقى مجمعني انا وياسين ليه
سيف بهدوء: بصوا ومن غير ضرب ومدت ايد انا بوست اختكم
ثانيه اثنتين قام ياسين وادهم وقاموا بلكمه في وجهه من الناحيتين
آسر بغيظ: هو انا مش قولت من غير ضرب ايه الغباء ده
ياسين: غباء هو انت لسه شوفت غباء
أدهم: وكمان بتقولها بكل جرأه كده ليلتك سوده يا سيف
سيف: طب انا هتجوزها
ياسين: ده بعدك مش هيحصل
أدهم: بصراحه اتفق معاه مش هتلمحها
سيف ببرود: هتجوزها برضو ولا ايه يا حمايا العزيز
حسن من وراه ببرود أشد: اممم بصراحه شكل أخواتها مش موافقين ولازم موافقتهم
ياسين: انت يا بابا
أدهم: ازاي
سيف بصلهم وقال: هيوافقوا يا حمايا
حسن: ولاه متقوليش يا حمايا
سيف: ليه كده بس يا حمايا العزيز وبعدين ده انا الوحش هعرف اقنعهم وان مكانش بالأدب هيبقى بطريقه تانيه
Back
سيف بضحك: هتبقى مراتي يا مليكه وهكسر دماغك العنيده دي
..........................................
في اليوم التالي شمس بعتت للشباب كلهم لمكتبها بما انهم عرفوا كلمه السر
فهد: يعني هي عايزانا في ايه مش فاهم
عدي: ادينا طالعين وهنشوف
أدهم خبط وفتح الباب ودخلوا وشمس كانت بتبص من الازاز وسرحانه ولما الباب فتح لفت وكانت لابسه

شمس بهدوء: جيتوا كويس
أدهم: في ايه
شمس: انا مسافره ومش عايزه حد يعرف ولا حتى جابر بيه
سيف : نعم هتسافري فين وليه ده الاجتماع النهارده بالليل
شمس: هسافر فين دي ملكمش دخل بيها اما ليه فموضوع شخصي وبرضو بخصوص القضيه وبالنسبه للاجتماع انا هاجي على الميعاد متقلقوش
أدهم بقلق: هتسافري لوحدك
شمس بابتسامه: لا معايا اكمل ومتقلقش عليا
الباب خبط وبعدها اتفتح
اكمل: يلا يا شمس انا جاهز
بصله الكل وبعدها بصوا لشمس وقال سليم بشك
" مش صدفه دي صح "
كان اكمل يرتدي مثل شمس
اكمل بسرعه: والله صدفه
شمس ابتسمت وحطت على رأسها كاب ابيض وشنطتها على كتفها وقالت يلا يا اكمل هنتاخر على الطياره
أدهم: طب قوليلي هتسافري فين
شمس حضنته وقالت: متشغلش دماغك ابوك خلف 3 رجاله يا أدهم
أدهم: ماشي يا حج
شمس: أدى اخرتها اوعوا جابر بيه يعرف سلام يا وحوش يلا ياض قدامي
اكمل: يلا يا ملكه
فهد: اه صح هو أنني هنا اسمك الملكه
شمس: لا هما احيانا بينادوني كده
اكمل: اول واحد قالك كده كان جدي كان شايفك ملكه والله
شمس: ماشي يا اخويا يلا
..........................................
في مطار لندن كانت تمشي بكل ثقه وغرور ونظراتها البارده تخفيها تلك النظاره الشمسيه وبجانبها اكمل يمشي بهدوءه المعتاد
وقفوا تاكسي ووصلوا لقصر من أكبر قصور انجلترا
شمس خبطت والخدامه فتحت الباب وشافت شاب وبنت شمس شالت النظاره وأول ما الخدامه عرفتها تنحت جانبا بخوف
شمس وأكمل دخلوا وكان أهل القصر في غرفه الطعام لتناول وجبه الغداء
شمس بمرح: كده تاكلوا من غيري يا عيله الشيمي
الجميع نظر لها بصدمه لثواني من ثم جرى عليها طفل و3 فتيات: شـــمــــس
..........................................
في مكان آخر
كان حسن ينظر لالبوم الصور في يده الذي يجمعه باصدقاءه ويتذكر ايام الجامعه بحنين
Flash back
منذ أكثر من 30 عام
وفي جامعه القاهره خصوصا في الكافتريا كان يجلس حسن ومعه يوسف وعز وجلال
يوسف: يخربيت الملل فين الحمير التانين
منصور ضربه على قفاه وقال: كده يا تونزي بقى بتشتم عليا
وليم قعد وقال: يعني هو شتمك لوحدك فين الباقي صحيح
عز: أهم أخيرا وصلوا
إبراهيم: احنا جينا يا قوم بقولك ايه يا ماهر روح هاتلنا حاجه نشربها
ماهر بقرف: خدام ابوك انا يا يا ابن البحيري ولا ايه
جابر: يا عم انت تطول
إبراهيم بغرور: قوله
عز: تبا لتواضعك يا رجل
جلال: تفتكروا كده يا جدعان احنا بعد 30 سنه هنكون فين
حسن بضحك: في المقابر
منصور: أعوذ بالله منك يا أخي
وليم: بقولكم ايه يا جدعان تعرفوا من اول واحد هيتجوز
أحمد: انت اكيد
وليم: ليه يا اخويا
يوسف: علشان أكبر 4 في القاعده دي انت وحسن وجابر وماهر
الكل: يبقى حسن
حسن: نعم ليه أن شاء الله اشمعنا انا
جابر بضحك: انت اكبر واحد في القاعده دي يا اخويا
أحمد: اممم بقولكم ايه بما اني اجازه نص السنه بعد اسبوع ابويا الحج عازمكم عندنا في قنا
يوسف: العب يا ابن القناوي اخيرا هنشم هوا
منصور بضحك: ونمص قصب
وليم: يا تافهين
يوسف: طب تعرف انك هتخلف ولد وهيبقي أتف مننا والايام بيننا وهتشوف يا ابن الشيمي
إبراهيم: سيبكم من دول قولي يا ابو حميد هنقعد قد ايه هناك
أحمد: ابويا جاب خيل جديده وهنقعد هناك اسبوع
عز: اشطا نخلص الامتحانات دي ونفرفش بقى
ماهر: هانت اهي آخر سنه ونتخرج بقى
وليم: تفتكروا يا شباب هنتفرق لما نكبر
جابر: لا طبعا
جلال: مستحيل هنفضل إحنا 10 مع بعض اللي الترب
الكل: هههههههههههه
Back
حسن باشتياق: اتفرقنا يا رجاله وعدي سنين وسنين يا ترى بقى خلفتكم زيكم ولا لأ انا أدهم شبهي في الشكل اما شمس شبهي في الشخصيه هههههه يا ترى يا يوسف انت وجلال ومنصور خلفتكم هبله زيكم وجابر اكيد ولاده زيه وماهر ووليم وإبراهيم وعز وحشتوني كلكم كمل بدموع: الله يرحمك يا احمد انت وزين اكيد يا زين بنتك كانت هتبقى زيك بس ياسين شبهك اوي صبور اوي زيك دموعه نزلت وقال
" سامحني يا احمد معرفتش احافظ على امانتك يا صاحبي بس هي اكيد معاك انت ودانه في الجنه ان شاء الله........ ااااه وحشتوني اوي يا رجاله"
(الأسماء دي هنعرفها كلها في الفصول اللي جايه)
..........................................
الساعه 8 مساءاً في مبنى المخابرات
جابر بتساؤل: فين المقدم شمس
سيف: احم جايه يا فندم نقدر نبدأ لوقت ما تيجي
جابر بهدوء: لا نستناها الأول
عدي 10 دقايق وقال جابر اتاخرت هي فين بالظبط
فهد: يا فندم هي ااااا
شمس فتحت الباب ودخلت وقالت بهدوء شديد: انا هنا يا جابر بيه
جابر وقف وقرب منها وقال: كنتي فين يا سياده المقدم مش من عادتك تتاخري
شمس بثقه وبرود: وانا جيت نبدأ بقى ولا هنتكلم كتير
جابر بخفوت: بنت حسن فعلا
شمس عدت من جنبه وقالت: طبعا يا عمي
قعدت مكانها وقالت ببرود: نبدأ الاجتماع اكمل ابدا
بعد شويه الاجتماع خلص وجابر قال: تمام يا وحوش أن شاء الله هتم على خير
وميل على شمس وقال: مش عايزه تقولي حاجه
شمس بعدم اهتمام: سلملي علي فتون
جابر قام وقال: يلا يا أكمل
واتحرك للباب وقالت شمس: جابر بيه قول ليامن يرجع مصر انا مش نايمه على وداني
جابر: رجعيه انتي
شمس ببرود: بلاش علشان ميرجعش متكسر يعدي اليومين دول وبعدين ابقى اكسره عايزاه سليم ده حتى اللقاء هيبقى دمار
جابر: ماشي يا سياده المقدم
جابر خرج وقال في نفسه: لازم اقوله ربنا يستر
اما شمس فحطت رأسها بتعب على الطاوله
أدهم: فيه حد يسافر ويرجع في نفس اليوم
شمس:...........
أدهم: يا شمس
شمس:...........
اكمل بتعب: متحاولش نامت
سيف: نعم نامت
اكمل: امممم رجعها البيت لأن لو حصل ايه مستحيل تصحى من النوم خالص اسألني انا ما انا مجرب
عدي: ليه تتعب نفسها كده دي حتى مريضه
اكمل بصلها بحزن وقال: هي كده دايما بتتعب نفسها علشان راحت غيرها يارب ده كله يخلص قبل ما طاقتها هي تخلص
أدهم بصله وقال: انت تعرف شمس من امتا
اكمل بابتسامه: انا اعرف شمس من 21 سنه
أدهم بصدمه: نعم وده ازاي انا معرفكش ولا عمري شوفتك قبل كده بس استنا ده معناه انك كنت تعرف اااا
اكمل بمقاطعه: ملك وعشق صح
أدهم هز راسه بمعنى ايوه
اكمل: ايوه اعرفهم
أدهم بحذر: تعرف ماتوا ازاي
اكمل بص لشمس اللي نايمه وقال بحزن: ايوه اعرف شمس قالتها في لحظه انهيار بس آسف مش هقدر اقولك هي مش عايزه كده
أدهم بضيق: ليه بقى انا اخوها واللى ماتوا دول عيلتي وانا عارف اني اللي هي فيه ده علشان تنتقم ليهم بس من مين ولا هما حتى ماتوا ازاي
اكمل بصله وقال بغموض: صدقني يا أدهم انت متعرفش عن حياه اختك ولا حتى 1% متعرفش هي اتوجعت قد ايه ولا حتى كام مره هقولك بس اني اي حاجه هي بتعملها حتى لو انت شفتها غلط او انانيه منها بتبقى علشان مصلحتكم انتوا قبل مصلحتها هي مستعده توجع نفسها الف مره ولا تشوفكم موجوعين مسالتش نفسك ليه مش عايزه تقولكم على اللي حصل زمان علشان متتوجعوش لاني الكلام بيوجع اوي فما بالك باللي هي شافته وحسته في حياتها هي اي حاجه بتعملها علشانا بتبقى صح اه احيانا قراراتها بتبقى ظالمه ليها بس هي دايما بتقول انها مش مهم اوعي يا أدهم في يوم تظلمها هي اتظلمت بما فيه الكفاية وإياك تحسسها انها غلط العقاب منها هيبقى شديد اوي كفايه زمان اختك وهما كمان مسؤلين عن حمايه ناس كتير وانتوا من ضمنهم مكانتش عايزه تتدخلكم في اللعبه دي علشان انتوا وعيلتكم متتأذوش اوعي تخذلوها علشان لحد دلوقتي مشوفتوش غضبها حتى ابويا اللي هو جابر بيه بيخاف منها
اكمل وقف وقال: رجعها البيت علشان ابوها ممكن يقلق من تأخرها سلام
اكمل خرج وسط ذهول الجميع بما قاله
مالك: كلامه باين فيه الصدق ومعاه حق اختك فعلا احيانا بيبان عليها الحزن ومش بتبينه
أدهم غمض عيونه بتعب: سيف ينفع توصلني علشان ارجعها البيت
سيف قام: ماشي يلا
..........................................
بعد منتصف الليل
وفي مكان تنتشر فيه رائحه الخمور والمحرمات والفتيات عراء يرقصون على الاغاني الصاخبه كانت هناك فتاه تمشي ببرود شديد وترتدي كعب عالي يرن أسفلها وبنطلون ابيض وتيشيرت اسود عليه جاكيت جلد اسود وتضع الطاقيه علي شعرها الذي تعكصه على هيئه كعكه مبعثره ونظاره شمسيه وكاب اسود وتضع سماعات في اذنها تستمع للحن موسيقى مرضى نفسيين جلست على البار وقالت بخبث ونبره مرعبه: عايزه اعرف مين هنا اكتر واحد قذر وبتاع بنات بس غني وابن أكابر
الجرسون بخوف: ققققصدك ايه معرفش
البنت دي طلعت سكينه وحطتها على على رقبته بس محدش اخد باله خالص من السكر اللي هما فيه وقالت: هتقول ولا تموت
الجرسون برعب: وو و وليد النشار
البنت ببرود: هو فين
الجرسون شاور على فوق وقال: معاه بنت فوق في آخر اوضه على الشمال
البنت اتحركت بكل برود واتجهت للأعلى وفتحت الباب علطول وكان وليد في وضع مش مظبوط مع بنت فقال بغضب: انتي مين وازاي تتدخلي هنا
البنت ببرود: انتي قدامك 10 ثواني لو مخرجتيش هفرتك دماغك
البنت دي طلعت تجري لبرا بسرعه شديده اما وليد فقال: انتي مين بقولك
البنت دي طلعت السكينه وقالت: انا الموت يا روح امك
وضربته في بطنه وقالت: حق كل البنات اللي اعتديت عليهم يا زباله وطلعت السكينه ولسه هتتضرب التانيه مسكها شخص وضربها في مكان محدد في رقبتها فاغمي عليها وشالها وبص على وليد اللي مغمى عليه بس كان لسه عايش وبينزف
اتحرك الشاب ده وكان حاطط كاب على راسه وخرج من الباب الخلفي وركب عربيته واتحرك بيها وبص على اللي نايمه جمبه وقال: لامتا بقى هتفضلي على الحال ده لامتا لازم تتعالجوا كلك قبل فوات الأوان
..........................................
في عصر اليوم التالي
سيف وهو بيكلم أدهم والشباب في التليفون مكالمه جماعيه: يعني الملف فين بالظبط
عدي: انا سألت اكمل وهو قالي انه ممكن يكون مع شمس
أدهم: ممكن يعني مش اكيد
فهد: طب أتصل بها يا أدهم
أدهم: حاضر خليكم على الخط
أدهم حاولت يتصل على شمس بس مش بترد وحاول كذا مره بس مفيش فايده
أدهم: مش بترد شكلها لسه مصحيتش
سيف: خلاص تعالى نروح ليها يا أدهم
أدهم: طيب يا سيف نروح انا وانت
الشباب بسرعه: واحنا كمان معاكم
أدهم: ليه أن شاء الله
سليم بغيظ: بعيد عنك روان بقالي 5 ايام مش عارف حتى اسمع صوتها
مالك: والبت اختك مستمتعه بالموضوع قال ايه على الأقل يوحشوكم شويه
فهد: خدنا معاك يا عم الله يخليك
أدهم بضحك: خلاص خلاص صعبتوا عليا ما انا جربت الموضوع قبل كده
سيف: خلاص اجهزوا ونروح وبلاش كل واحد ييجي في عربيته علشان ده مكان شعبية برضو في الاخر
أدهم: معاك حق عدي هات مالك وفهد وسليم وانا وسيف هنيجي في عربيه
الكل: خلاص تمام
..........................................
في الحاره حيث الأطفال يلعبون بسعاده وهناك مجموعه من السيدات ينمون على الباقي ورائحة الكشري المصري وأصوات البائعين
دخلت سيارتين فخمه إلى الحاره والأطفال بدأوا يمرحون ورائها
فهد: حلوه اوي الأجواء دي بصراحه
ركن الجميع وقال أدهم: مش هنعرف ندخل اكتر من كده هتصل عليها
أدهم اتصل مره واتنين وفي التالته شمس ردت وقالت بنعاس: يا حيوان يا اللي بترن مش انت شايف مش بنرد بتصر ليه يا جذمه جاتكم الهم مليته البلد
تيت...... تيت..... تيت
أدهم بذهول: انا حيوان
سليم وفهد بضحك شديد: لا وجذمه
سيف ابتسم عليها
عدي: ههههههههه عيني عليك يا إعصار اتهزأت
أدهم رن تاني وشمس قامت وقالت بغضب
" فيه ايه ياض انت عارف لو رنيت تاني والله لاجيبك وانفخك و.......
ادهم بمقاطعه: ممكن حضرتك تتكرمي وتنزلي لينا
شمس باستغراب: مين معايا؟؟؟!
أدهم: انا أدهم الله ياخدك انزلي احنا على أول الشارع وتعالى بسرعه وإياكِ تنامي تاني
مالك بضحك: هي فقدت الذاكره مؤقتا تقريبا
شمس نزلت وهي بتمتم بغيظ وطلعت على أول الشارع وكانوا مستينها
شمس بغيظ: مينفعش الواحد ينام من غير ما حد يعكنن عليه انا لازم اطفش اصلا من البلد خير عايزين ايه
نظر لها آسر بغيره من ملابسها

أدهم: انتي يا بت ايه اللي لابسه ده
شمس بصت لهدومها وقتلت بضيق: ايه بجامه مش انت اللي قولت تعالى حالا اروح ارجع
ولفت تاني وأدهم مسكها من الطاقيه وقال بغيظ: استنى يا عمه وبعدين ابقى غيري
سيف: سيبها تروح تغير
شمس بصت لأسر بعند وقالت: خير الأول متجمعين كده ليه
سيف بصلها بغضب وقال عدي: ملف........ مش عارفين فين وأكمل قال ممكن يكون معاكِ فهو معاكِ ولا لأ
شمس: ايوه معايا وفيه ملف محتاجه مراجعه هيفيد اوي في القضيه بس هو مع ظابط تاني دلوقتي
أدهم بصلها بتركيز ومسك ايدها وقال: انتي اتجرحتي امتا في صوابعك ده انا حطيتك في السرير امبارح وكنتي في سابع نومه
شمس بصت لصوابعها اللي كانت ملفوفه وقال: والله ما اعرف
مالك ميل راسه: في حاجه مكتوبه على ايدك
أدهم عدل ايدها وقرأ المكتوب
(مساء الخير يا كسلانه هتلاقي جاتوه في التلاجه ابقى كليها علشان السكر نازل عندك يارب تقدري بقى علشان ضهري اتقطم منك)
سيف: مفهمتش برضو ده علاقته ايه بالجروح
شمس بهمس: ضهرك اتقطم ماشي يا ياسين اما ترجع بس
فجأه مايه اتقلبت وجات وراء سليم على طول
فالكل بص لفوق وكانت ام احمد اللي قالت
" يوه معلش يا أفندي انت وهو مشفتكمش"
سليم: وربنا لو كانت جات عليا لكنت طلعت قتلتها
ام احمد بفرحه: ايه ده هو انتوا تاني عاملين ايه انا أم أحمد
فهد: عارفينك يا اختي باماره بوكسي
ام احمد: لا انا غيرته وبقيت استخدم نايد
أدهم: نايد اسمه نايد
شمس: الله يخربيت اللي علمك يا أخي خربتي اللغه
ام احمد: ازيك يا دكتوره عاش من شافك
شمس: وانت مات من شافك
ام احمد: الاه قوليلي هو الواد اللي شبه ابوكي يبقى اخوك ِ
شمس: لا ابني
ام احمد: يوه خلفتيه ازاي ده
أدهم والشباب قعدوا يضحكوا
ام احمد: يا لهوي عليهم وعلى جمالهم اهو هي دي الرجاله اللي تشرح القلب مش زي ابو احمد
شمس بقرف: ابو احمد انتي بتقارني جسم دول بجوزك ابو كرش شبه المرأه اللي على وش ولاده
ام احمد: علي رايك بس الرجاله مش واحد يعني ابوك الأستاذ حسن اهو برغم انه كسر الخمسين بس جسمه تقوليش واحد 25 سنه ومتعرفيش تفرقيه ما بينه هو وأولاده وخصوصا الحليوه اللي شبه دي
أدهم: اااااااه بطني
شمس بسرعه: الحقو فلسعوا بجلدكم دي لو بدأت فقره النق هتتسخطوا
ام احمد بتكمله: ولا الواد ابو عيون بني ده وشعره أيه شبه الحرير "عدي "
شمس: يا وليه اخرسي بدال ما اطلع اجيبك من شعرك اللي جابلي عمي اللون ده حد يضرب شعره اصفر كده
ام احمد مصمصت شفايفها وقالت: اصلو ملقتش لون زي شعرك الأحمر ده ولا حتى زي شعر العصابه طويل وناعم ولا حتى زي الواد القمر ابو عيون رمادي ده يا خرابي على شعره
شمس بغيظ: مبدهاش بقى
وطلعت على العربيه ونطت على بلكونه ام احمد لأنها الدور الأول ونازله لتحت شويه ده كله تحت ضحكات الشباب عليها
شمس مسكت من شعرها وقالت: بقى بتنقي على شعرنا يا وليه وربنا لاقطعلك شعرك المضروب ده يا جذمه
كانت تقول هذا بغيره خارج إرادتها من تغزلها في سيف
ام احمد: يا اختااااااي الحقوني يا خلق
أدهم بضحك: يا قرده انزلي
شمس نطت وقالت: يلا بقى قبل ما تموتوا هنا ما هي مش الوحيده اللي هتنق عليكم
الشباب مشيوا وطول ما كانوا مشيين كانت الناس بتبص عليهم
مالك: هو الناس كلها بتبص علينا ليه
شمس اصلكم ملونين وأول مره تيجوا هنا أو تالت مره
شمس شافت شويه بنات بيتهامسوا فقالت واحده: الاه مين دول يا داكتوره شمس
شمس بضيق: عيانين يا اختي وعندهم مرض وعايزين عمليه خليكِ في حالك بقى بدال ما تتعدى
فهد بغيظ: مرض ايه يا عمه الله يخربيتك
شمس: اقعد على جمب بدال ما تلاقي نفسك ميت
ست: يا خساره الحلاوه ده تبقى تعبانه
شمس وصلت البيت ووقفت وقالت: استنوا الأول أشوف ابو علي علشان عنده حصه
شمس فتحت باب اوضه الدروس وكانوا الطلاب في امتحان والأستاذ حسن مش موجود
شمس: الله اومال فين أبو علي ياض انتوا وهو
طالب: بيعمل قهوه يا ابله
شمس بضيق: ابله يعني بعد كدح السنين ده كله وفي الاخر ابله..... انت يااااض يا ابن ام أحمد ما تقعد على حجر البت احسن
أحمد بضيق: ما هي بعيده اهي وبعدين دي الكراش بتاعي
شمس مسكته من قفاه وخرجته برا وقالت
" كراش يا ابن شوقيه ده انا عندي 22 سنه ومعنديش حتى واحد يبص عليا وانت يا 15 سنه بتقولي كراش"
أدهم: يا شمس سيبيه ده طفل
شمس بغيظ: ده طفل ده الود وده يبوس البت ده بيقول كراشي وانا لسه سنجل لحد دلوقتي
أحمد: يبقى لا مؤاخذة بقى العيب عندكم انتوا العصابه ايه راجل بيقرب منكم بتنسفوه فكوها حبتين
عدي: متأكده اني ده عنده 15
أحمد: الله مين الحتت المستوره دي متختاري واحد منهم ويبقى كراشك واهو انتي مستورده برضو وهو مز
شمس هزته وقالت: يا زباله يا رمه هتجيبه منين يعني ابوك ابو احمد وامك ام احمد قسما بالله ياض لو لمحتك قريب من جنس بنت مترين بس هفرمك انتي وامك وابوك ابو كرش ده
سليم بضحك: والله الحاره دي عسل
أحمد: والنبي انت اللي عسل الاه مين دول
شمس بغيظ: وانت مال امك ايش حشرك في الموضوع غور كمل الامتحان واوعي بس المحك قريب من النحنوحه اللي جوا دي سامع ياض
أحمد: سامع يا معلمه
شمس: معلمه في عينك بقى انا اخدت 6 ابتدائي و3 اعدادي و3 ثانوي و5 كليه غير المرمطه اللي كانت في كتيبه البنى آدمين دول وفي الاخر يا يتقالي معلمه جاتك عماء في عينيك الجوز
الشباب قعدوا يضحكوا على شكل أحمد اللي بيترج ما بين ايد شمس لأنه جسمه رفيع
حسن من وراهم: فيه ايه يا شمس مالك بيه انتي كمان
أحمد باستنجاد: الحقني يا استاذ حسن مستلميني ورديه من يومين كانت الداكتوره روان وقبلها أمل الحقني انا اتمرمط بكرامتي الأرض
عدي: ما انت لو قاعد باحترامك كرامتك كان زمانها في مكانها
حسن: شمس سيبيه يكمل الامتحان
شمس: علشان خاطر سكري بس
أحمد فلسع لجوا وحسن قال: احم متجمعين كده ليه
شمس قربت منه واخدت فنجان القهوة وقالت
" تحضيرات الفرح يا ابو علي حلوه القهوه دي"
سيف: ازيك يا عمي حسن
حسن بضيق: اهلا
شمس استغربت والشباب كتموا ضحكتهم على سيف وحسن فحسن لا يطيق سيف لأنه سيأخذ ابنته منه اما سيف يبتسم بسماجه لحسن وهو يقابلها بضيق
شمس ضيقت عينيها: اجيب ولاعه يا ابو علي تولع فيه
حسن: يا ريت
أدهم: يا كبريته اهدي احم ينفع يا بابا نطلع فوق
حسن: ماشي اطلعوا على السطح أوسع
شمس: ماشي يا ابو علي تعوز حاجه واه ابقى خلي بالك من النحانيح اللي جوا دول انا مش عارفه انت مستحملهم ازاي ولا هما اصلا لما انت تتدخل بيتخرسوا
حسن فتح الباب وقال: ماشي يا اختي اطلعي
شمس طلعت لفوق وقالت: السطح هيبقى حلو وخصوصا في الوقت ده
سيف بتذكر: انا نسيت اقفل العربيه إلكتروني
شمس: طب الحقها قبل ما تتسرق
..........................................
اقفل سيف السياره وصعد السلم لكن وجد شمس تتدخل إلى الشقه فامسكها من معصمها وقال بغيره: غيري هدومك الضيقه دي
شمس: اولا دي مش ضيقه ثانيا ملكش دخل بيا أو بهدومي
سيف شدها لجوا وسندها على الحيطه وقال "غيري الزفت ده وشعرك اللي فرحانه بيه ده اربطيه "
شمس بعصبيه: وانت مالك بيا ها
وكانت هتمشي بس سيف حط ايديه على الحيطه فحاصرها بين ايديه ونزل لمستواها وقال: قسما بالله لو معملتيش اللي قولت عليه لغيرلك انا بنفسي وانا مش برجع في كلامي وانتي عارفه
شمس نظرت له بغضب واحمر وجهها من الخجل فابتعد سيف وخرج من الباب وصعد إلى السطح الذي كان واسع فعلا وهناك ركن للزهور وكنب فوقه خشب للحمايه من الشمس ووجدت أدهم بقرب الزهور وهو ينظر لها بشرود
----------------------------
أدهم: ماما ايه رايك في الورده اللي زرعتها
حياه: جميله يا قلب ماما
ياسين: وانا
حياه: وانت كمان ها يا بنات وانتوا
عشق: بصي الورده البنفسجي دي انا اللي زرعتها
ملك: وانا زرعت الحمراء جمب ياسين
مليكه: وانا زرعت البيضه يا ماما بس هو احنا ليه بنزرع الورد
حياه: بصوا يا اولاد عايزاكم لما تبقوا زعلانين أو متضايقين من حاجه ازرعوا ورده صدقوني نفسيتكم بعدها هتبقى كويسه
جاء حسن وحاوط خصر حياه وقال: حلو الورد ده هتبقوا شبه جدتكم جميله كانت بتعشق حاجه اسمها ورد اسمعوا كلام ماما
أدهم: بس احنا مش زعلانين يبقى مش هنزرع كده
--------------------------
نظر أدهم حوله فكان هناك الكثير من الورود على معظم السور غير الركن هذا
شمس حطت صنيه الشاي وقالت: بتفكرني بأبو على كان لما يبقى مضايق بيقف زيك كده ويبص للورد
أدهم بص للورد وقال: دي كلها مرات انتي كنتي زعلانه فيها ده كله انتي اللي زرعتيه
شمس: لا مش لوحدي ياسين كان بيزرع معايا والبنات برضو شايف الورده الزرقاء الكبيره اللي هناك دي

ابو علي هو اللي زرعها هي الوحيده
نظر أدهم للورده وقال: شبه عيونك
شمس بصتله وقالت: وليه متقولش شبهها
أدهم بص للورده تاني وقال بحزن: فعلا شبهها
حازم: ايه يا أدهم هتفضلوا واقفين عندكم كتير تعالوا نشوف الملف ده
شمس: انتوا مش اخدتوا اجازه جايين ليه
سيف: هما هياخدوا اجازه اسبوع وانا وادهم وحضرتك هنرجع تاني
شمس ادته الملف وقالت: اقرأ
سيف قرأ بصوت مسموع وقال اممم ده معناه اني في رجل أعمال متخصص في التكنولوجيا هو اللي بيغطي على الأعمال دي
مالك: بس مش مذكور اي تفاصيل عنه غير أنه تخصص تكنولوجيا بس وده معناه اني سمعته كويسه في السوق بس وراء ده
سليم بسخريه: اكيد بلاوي زرقاء
عدي قرأ الملف التاني وقال: لازم نشوف ايه هي الشركات اللي بتتخصص في التكنولوجيا وتقريبا في عمليه هما هيعملوها قريب بس هي ايه وفين ده لسه مش محدد
فهد بتركيز: لو ركزوا على العمليات الارهابيه يبقى اكيد هيفجروا مكان
أدهم بتكمله: والمكان ده في اكيد ازدحام بس أنهى دي مصر عدت 100 مليون
سيف بغموض: اعتقد هما عارفين انكم هتتجوزوا
عدي بغموض: فعلا وده معناه انهم هيستنوا فتره الأول علشان يضربوا ضربتهم التانيه
مالك: وده كله محتاج اسلحه ومتفجرات لازم هتتدخل البلد يبقى اكيد في صفقه سلاح هتم قريب
سليم: تجار السلاح كلهم لازم يبقوا تحت عيونا مش لازم تتدخل البلد
أدهم: ساكته ليه
شمس: بستمع ليكم بصراحه شابوه تستحقوا تبقوا احسن فريق في الجيش المصري علشان لو حصلي حاجه تهتموا انتوا بالقضية دي
أدهم بقلق: ليه بتقولي كده
شمس: متخافش يا أدهم انا معاكم بس ممكن بعدين لأ.... وكملت بشرود وغموض شديد: الموت بيجي مره واحده بياخد من غير حتى ما تلحق تاخد بالك وانا أن شاء الله هفضل على الأقل لحد ما ترجع ملاك
نظر لها سيف بخوف وشعر بانقباض في قلبه فهو قد رأي حلم سئ جدا حيث كانت هي في مكان بعيد عنه تضحك لكن انفجر هذا المكان لكن سمع صوتها يقول: خد بالك من المهمه يا سيف كمل اللي انا بدأت علشاني
قطع هذا السكوت صوت طفل بيجري على السلم بيقول: دكتوره شمس يا دكتوره شمس الحقي الحقي
شمس بضجر: في ايه يا سقراط مين مات المره دي
سقراط وهو بيلهث: عطوه عطوه عاكس بت وهي مسكتتش وضربته بالشبشب
شمس: لا ناصحه عجبتني
سقراط بتكمله: راح هو مد لسانه عليها
فهد: مد لسانه هي مش المفروض مد ايده
شمس: لا ماهو الرجاله هنا بيمدوا لسانهم بس علشان لو عارفين لو أيديهم اتمدت هتتكسر من العصابه
سليم: يا جبروتكم
سقراط: المهم بعد ما مد لسانه راح مد أيده وضربها والناس حاشت عنها بس رجالته بعدت الناس
شمس قامت وقالت: مش هجيبها لبر ابن الجذمه ده
سقراط مسك ايدها وقال: استني بس ما انا لسه مكملتش كلامي مش ده اللي انا جاي اقوله
شمس بشك: ولاه اوعي يكون اللي في بالي صح
سقراط بابتسامه غبيه: صح يا دكتوره
شمس ضربته على راسه وقالت: وجاي دلوقتي يا فالح بعد ما ولعت
سقراط: استنى بس اسمعي انا جاي اقولك ايه
أدهم: هو بعد ده كله وانت لسه مقولتش حاجه ايه جيه البوكس ولمهم
سقراط: لا انا جاي اقولك تعالى الحقي عطوه ورجالته من تحت أيديهم ده الدكتوره حبيبه كسرت سنان عطوه وآيات كسرت دراعه
فهد وعدي وقفوا: نعم
سقراط بتكمله ومش بس كده دي دكتوره أمل وروان ومصطفى نازلين في الباقي طحن تعالى الحقي الرجاله دول هينطقوا الشهاده
سليم: هما فين الله يخربيتك
شمس سابته ونزلت تجري لتحت وقالت
" ليلتك سوده يا عطوه الكلب على أيدي"
الشباب نزلوا وراها وقال أدهم: ده يعني لو فيه الروح بعد ده كله
شمس وصلت لمحل عطوه وكان في ناس متجمعه حواليه
شمس بصوت عالي: ابعدوا كده
الناس فسحت ليها الطريق واتذهلوا الشباب من المنظر فجري سليم ومالك وبعدوا روان وأمل من فوق الرجاله اللي بيطحنوا تحتهم
أمل بعصبيه: سيبني اوريه الكلب ده سيبني
فهد كان ماسك آيات جامد وقال: اهدي الله يخربيتك ايه القوه اللي فيكي دي
آيات بعصبيه: بيمد ايده على واحده الزباله فاكرها سايبه مفيش حد هيجيبلها حقها
مصطفى: اديله فين يوجعك
أدهم: اهدي الله يخربيتك انت بتولع الموضوع
عطوه وقف وقال: انا هوريكم والله لاوديكم في داهيه
شمس قربت من عطوه وهوب ادتله بوكس جامد في وشه وقالت: مش ست عايشه في مكان فيه العصابه تتضرب يا دكر
وهوب ادتله تحت الحزام ونزل يتلوي
سليم: يا عيني مستقبله راح
الستات قعدت تزغرط لاني عطوه يستاهل
مصطفى بتصقيف؛ عاشت العصابه عاشت
الرجاله مدحوا في البنات وحبببه راحت لعطوه وقالت: ودع الحريه يا عطوه لاني السجن مستنيك بسبب الحشيش اللي بتبيعه
الشباب بصوا للبنات وقالوا في صوت واحد
" يا جبارين"
البنات: طبعا واحذر من مكر حواء
أدهم قعد يضحك وقال: البسوا يا وحوش
البوليس جيه واخد عطوه ورجالته بتهمه الاتجار في الحشيش تحت زغاريط النساء والبنات سمعوا صوت من وراهم بيقول: بقى اسيبكم سنه وارجع الاقيكم لسه بتضربوا في الرجاله
البنات والشباب لفوا للصوت وقالوا بفرحة وصوت واحد: لــيــــان
ليان بضحك: وحشتوني يا عصابه والله
آيات حضنتها وقالت: تعالى يا بت جاتك نيله وحشتيني
أمل: ليان يا قرد البحر وحشتيني يا جذمه
شمس: يااااه كان عندي احساس اني مش هشوفك تاني تعالى في حضني يا واطيه
مالك: دول بيشتموا بعض ايه ياربي الهبل ده
مصطفى: ليو وحشاني
ليان: انت كل شويه بتطول اكتر من الاول يا درش والبت اختك بطول أولى اعدادي ده
روان: ماشي يا ليان نسيتي يا كلبه مين اللي كان بياكل معاكي المكرونه على السطح
حبيبه: ولا نسيتي لما كنا بنغفل ابوكي ونطلع على الكبرى ناكل دره وبطاطا
ليان بضحك: فاكره يا اختي وفاكره كمان عمك ايوب لما كنا بناكل كشري وأمل تقعد تتنطط علشان حراق
أمل: هههههههه ايام بقى
ليان بضحك: فاكره يا بت يا آيات لما كنا في تانيه ثانوي وشميت النعناع وقعدي تكحي لما كانت روحك هتتطلع
شمس: ويارتها حمدت ربها بعدها مسكت المرأه اللي زارعه النعناع وعطتها قتله نصها خرابيش والنص التاني كسور
مصطفى: كنتوا مفتريين من يومكم
ادهم: احم
ليان بصت شافت 6 شباب فقالت بفم مفتوح
" يا يستفنكلاااااي مين المزز دول"
مصطفى: دول يا ستي أزواج البنات المستقبلين
ليان بصدمه: وحيات امك أعداء الرجال دول هيتجوزوا مصدقش ابدا
فهد: ليه يعني هما كانوا صعبين للدرجه دي
ليان: جدا جدا لا لازم اقعد واعرف ايه اللي حصل من ورايا في السنه دي
شمس: تعالى يا ستي عندنا على السطح ونشرحلك
ليان: والمزز دول هيجوا معانا
البنات بغيره: ااه وبلاش مزز ماشي
ليان غمزت لمصطفى: شكلهم وقعوا هما 5 صح يا درش
شمس بضيق: لا يا Exuse me انا مش من ضمنهم يلا يا درش ملناش غير بعض احنا سناجل لسه
البنات بضحك: خدونا معاكم واحنا برضو لسه سناجل
ليان بصت للبنات اللي مشيوا وبعدها بصت للشباب وقالت: اقطع دراعي من هنا اما كانوا هما 5 واقعين
فهد بدراما: واقعين يا اختي بس بيكابروا نعمل ايه
ليان بضحك: والله انتوا معجزه عملتوها ازاي دي
عدي: هما فعلا كانوا صعبين
ليان: جدااااااا ده انتوا لازم تعرفوا تاريخهم المشرف ده
..........................................
ذهب الجميع إلى منزل الأستاذ حسن وكان حسن ينتظرها أمام الباب فقال ببرود: ينفع اللي حصل في عطوه ده
شمس: ايه يا ابو علي ما هو اللي يستاهل وانت عارف
ليان من وراهم: طالما قالوا كده يبقى هما صح يا ابو علي
حسن بفرحه: ليان
ليان حضنته وقالت: وحشتني يا سكر المنطقه يا قمر الكوكب
شمس: بت ابعدي عنه ده سكري انا بس
ليان بغيظ: يرضيك كده يا ابو علي عمايل بنتك مش انت دايما تقولي اني بنتك 6
حسن بحنان ابوي: طبعا يا بنتي اطلعي معاهم فاضل حصه واحده واخلص
صعد الجميع للسطح وقعدوا وقالت ليان: افهم بقي كل حاجه وكمان مين ابو عيون خضراء اللي شبه ابوكي ده يا بت يا شمس
شمس: ده أدهم اخويا الكبير طلع عايش مش ميت
ليان: خير والباقي
مصطفى: دول بقى يا ستي خطيب كل واحده من الجزم اللي قاعدين ماعدا كبيره العصابه لسه في دايره السنجله
ليان: السنجله جنتله برضو بس انا حاسه اني شفتهم قبل كده
عدي بهدوء: احنا ظباط في الجيش وكمان رجال أعمال
ليان: اممم ايه اسمائكم يمكن اجمع شبكه
حبيبه: عدي الهلالي خطيبي يا ستي
آيات: فهد الرفاعي
روان: سليم المسيري
أمل: مالك الشناوي
سيف بهدوء: وانا سيف الجارحي
ليان بذهول: عمالقه الاقتصاد احيه بجد لا فعلا صومتوا صومتوا وهتفطروا على قشطه
حبيبه ضربتها: يا بت لمى لسانك اللي عايز قطعه ده
ليان بضحك: خلاص يا كبير
أدهم: طب وانتي مين بقى
شمس: دي بقي ليان المصري صاحبتنا من الثانوي وعايشه هنا في الحاره بس بعد ما احنا جينا بكام سنه
آيات: احنا دخلنا طب وهي دخلت كليه علاج طبيعي
أمل بضحك: عايزه تسأل عن الجدعنه قول ليان
ليان: يقولوا ليان وانتوا موجودين ده انتوا العصابه برضو
روان: وحشتنا ايام زمان والله يا ليو
....: يا دكتوراه شمس يا دكتوره شمس
شمس بصت من البلكونه وقالت: عايز ايه يا سقراط ما هو عطوه غار في داهيه في ايه تاني
سقراط: في واحده بتسأل عليكم في أول الشارع
أمل: مين دي ياض؟؟!؟
سقراط: معرفش هي شعرها قصير وبتقول اسمها مريم
آيات: مريم ايه اللي جابها هنا
شمس: انا قولتلها تيجي روحي انتي والبنات هاتوها
حبيبه قامت: ماشي يلا يا بت منك ايها
فضل الشباب وشمس وليان ومصطفى فقالت شمس: بت يا ليان
ليان: نعم يا اختي
شمس: فرح البنات بكره
ليان: نــعــم يا روح امك
شمس قلعت الشبشب وقالت: بت قسما بالله هتغلطي هنزل ده يزغرط على قفاكي
ليان' خلاص يا عمه اهدي بس بكره ازاي
فهد: بصي يا انسه ليان هو بكره بس البنات ميعرفوش
ليان بغباء' وده ازاي 4 فرحهم بكره وهما مش عارفين
مصطفى' ايه يا ليان فتحي مخك ده اومال فين ليان اللي كانت بتلقطها في ثواني
ليان: لا أصل مش مستوعبه يعني هو بكره وهما مش عارفين
شمس: ايوه
ليان: يا صلاه النبي ده اما يعرفوا هيدوكي علقه يا بت حسن نصها موت
شمس: ما انا مخططه لكل حاجه وهناخدهم للفندق ازاي
ليان: ابهربتي يا عقل العصابه
شمس:..............
ليان: يا بت الايه ده انتي دماغ شغاله بس دول عارفين
عدي: ايوه عارفين بس فكرك البنات رده فعلهم هتكون ايه
مصطفي وهو بياكل ترمس: هيقتلوا شمس وليان وهيهربوا بس كده
مالك: وبتقولها كده عادي
ليان وشمس: يعملوها والله
فهد: يهربوا ايه انتي التانيه ده انا لحد دلوقتي مش مصدق انه بكره قوم يهربوا
شمس بصت لسيف وادهم وقالت: الدور بقى ده عليكم
سيف: ازاي عايزانا نأمن الفندق يعني علشان البنات
شمس: ايوه وعلشان برضو لو حصلت حاجه كده يعنى وكمان اعتقد انك يا فهد عندكم شركه حراسه
فهد: ايوه عندنا شركه من الشركات
ليان: اشطا طب واللبس والمعازيم والفساتين
مصطفى: كله تمام مش ناقص غير اني البنات يعرفوا وده اللي خايف منه بصراحه
ليان: خلوها على الله ويلا هفرح بيكم قبل ما اسافر
شمس: هتسافري فين
ليان: هسافر مع الحج والحجه الكويت وهنستقر هناك
مصطفى: يا جذمه يعني مش هنشوفك تاني
ليان: في أول اجازه هتلاقوني ناطه عندكم وكمان نحن في زمن الفيس بوك يعني على اتصالات بقى
.....:أيه ده ايه ده ليان المصري هنا دي الدنيا ضلمت يا جدعان
ليان: عمر يا خفه عامل ايه ياض ايه ده وياسين الدنجوان هنا كمان عامل ايه يا ابو حمزه
ياسين: كنت كويس قبل ما اشوفك رجعتي
ليان: طول عمرك أصيل زي اختك دي يا ابو حمزه
شمس قربت من ياسين وقالت بشر: بقى ضهرك اتقطم يا ياسين
ياسين: اكدب يعني
شمس مسكته من شعره: لا خليك صادق
أدهم قرب منهم وقال: يا بت انزلي من عليه
شمس كانت متشعلقه وبتتضرب في ياسين وقالت: بقى انا تقيله يا ياسين أخص عليك نسيت الكيك اللي كنت بعمله وانت بتطفحه
ياسين: انزلي الله يخربيتك
أدهم وسيف شدوها وعمر ومالك شدوا ياسين
شمس: سيبوني عليه سيبوني
عمر: يا أخي اتهدي بقى يكدب يعني الواد
شمس قلعت الشبشب: طب تعالى انت كمان يا حيوان
عمر استخبي وراء سيف وقال: حوشها عني يا سيف
ليان ومصطفى شدوا شمس وقال: مصطفى اهدي يا كبير عيل وغلط بلسانه
عمر: عيل في عينك
مصطفى: وليه الغلط اسيبها يعني
شمس قعدت وقالت: ماشي ماشي
ليان: وماشيه ليه خليكي قاعده هعهعهعه
شمس ضربتها بالمخده: يا سخيفه
ياسين قعد وقال: ها هتقولي ليهم ولا
شمس: أدهم انت وسيف بكره تبقوا مع عمر وياسين ومصطفى علشان التحضيرات
أدهم: خلاص ماشي
أمل: مين ده اللي ماشي
ليان: انتوا جيتوا وايه ده شكلك عايزه تولعي تاني يا بت شريف
عمر: الله جايبين كشري من عمي أيوب دي هتبقى سهره عسل
ليان شاورت على مريم وقالت: مين البت دي
آيات: دي مريم صاحبتنا من الكتيبه اللي قولنالك عليها
ليان: ااه انتي بقى بت اللواء
مريم هزت رأسها: ايوه
ليان: ومالك هاديه اوي كده ليه
ياسين بقرف: أصلها بنت مش سرسجيه زيكم
مصطفى: سيبكم من ده كله هيبقى فيه سهره
..........................................
كان الشباب في شقه ياسين معهم مصطفى وعمر والبنات على السطح ومعهم ليان ومريم
ليان للبنات: مقولتوش بتحبوا الشباب دول
البنات: لا
ليان شربت من الشاي: كدابين في أصل وشكم اخيرا وقعتوا يا عصابه
البنات كشروا وقالت ليان: وانتي يا ام شعر احمر ايه
شمس: ايه انا مليش في الكلام ده انا لسه سنجل
ليان: عليا يا بت
مريم: بصراحه ما توقعتش ابدا انكم هتتجوزوهم يا بنات دول كانوا بيخوفوا والله
حبيبه: اهو وله في ذلك حكم
روان: بصوا بصوا في شهب🌠
نظروا البنات للشهب وكانوا يفكرون ماذا سيحدث لهم وما الذي يخبأه القدر هل يجمعهم مع الذين دق قلوبهم لهم أم أن الثقه لن تكون بالقدر الكافي حتى تحافظ على العشق عشق جمعهم صدفه ولكن هل ستكون اسوء ام اجمل صدفه في حياتهم
..........................................
ليان المصري
22 سنه شعرها اسود وعيونها سوداء وبشرتها قمحي خفيف طولها متوسط بنت كده نقول جدعه وبميت راجل بس لسانها أطول منها صاحبه البنات من ايام الثانويه في كليه علاج طبيعي

Sabreen🤍