عشق الوحوش والشياطين الفصل السادس وثلاثون 36 - بقلم Sabreen

الفصل 38
في أشهر فنادق مصر فندق لعائله الشيمي فهم يملكون سلسله فنادق ومطاعم ومستشفيات الشيمي حول العالم
وخاصا في جناح واسع استيقظ الفتيات وهن لا يعلمن ماذا حدث آخر شئ
حبيبه: ااااه يا دماغي احنا فين
آيات بصت حواليها وقالت: احنا في الجنه تقريبا ايه المكان الواو ده
أمل: ايه اللي حصل انا آخر حاجه فكراها اني البت أسماء اداتني عصير قالت اشربه بعد الفطار
روان بذهول: وانا درش الحيوان عمل نفس الموضوع
آيات قامت وقالت: البت هنا برضو
حبيبه: وساره عملت كده
البت بصوا لبعض وقالوا: يعني احنا اتخطفنا ولا ايه
آيات: طب البت شمس فين لتكون مخطوفه معانا ولا حاجه
شمس فتحت الباب ودخلت: صباح الخير ده كله نوم
حبيبه: كويس انك هنا ايه اللي حصل بقى
شمس ببساطه: ولا حاجه اخدتوا عصير فيه منوم لمده ساعه نمتوا شلناكم وجبناكم هنا بس
روان: يا صلاه النبي وده ليه أن شاء ما كنتوا قولته تعالوا هنا واحنا كنا نقول حاضر علطول لازمته ايه المنوم
أمل: ثم انا محستش اني العصير فيه منوم ليه
شمس: علشان انا استخدمت المنوم اللي انتي عمليته لا تحس بطعم ولا ريحه
أمل: انقلب السحر على الساحر يعني
حبيبك: طب انتي جبتونا هنا ليه
شمس: ببساطه لاني النهارده فرحكم
ثواني عدت وقالوا البنات بغباء شديد: فرح مين لامواخذه
شمس: فرحكم انتوا يا روحي على الوحوش
البنات بغضب شديد: وحيات امك
مصطفى دخل وقال: وحيات امها يلا يا بنات ادخلوا
دخلوا 4 بنات ماسكين كياس كبيره في ايدهم وحطوها على السرير ودخلت ليان وهي بتزغرط: لولوووولي مبارك يا عصابه اخيرا هتتدخلوا عش الزوجيه
روان: زوجيه ايه الله يخربيتكم خرجوني من هنا
آيات جريت على الباب فقفلته ليان من برا وقالت بصوت عالي: يا شمس يا درش اوعوا يقتلوكم دول مجانين
روان ضربت الباب: افتحي يا ليان
درش قعد وقال بهدوء: انتوا مكبرين الموضوع ليه النهارده يدوب فرحكم يا لهوووي
أمل هجمت عليه وقالت: ولاه طلعنا من هنا احسنلك
مصطفى: يا لهوي الحقني يا شمس
شمس: بت سيبيه يا بت
حبيبه : طلعينا من هنا
شمس: لا
روان: يعني انتي يرضيكي نتجوز غصب عننا
مصطفى: احنا قولنا غصب عنكم لما ييجي المأذون يقول هل توافقين ابقى قولي لأ
أمل راحت للشباك وشمس قالت: متحاوليش يا أمل مش هتقدروا تخرجوا من هنا
آيات: احنا ظباط يا شمس والدخول والخروج ده شغلنا
روان: يعني الخروج من هنا مش هيبقى أصعب من الخروج من إسرائيل
شمس: ههههه لا أصعب ما انا من ضمن الفريق وعارفه طرقكم وأضافه على ده هيبقى معاكم ليان ومريم
حبيبه مسكت شمس من رقبتها وقالت بعصبيه
" شمس خرجينا من هنا"
شمس: هههههههه لا ده الأحسن ليكم
زين فتح الباب ودخل وشد حبيبه وقال: في ايه مش عايزين تتجوزوا ليه
حبيبه: انت بتسأل يعني انت مش عارف ليه هما مش عارفين اننا زفت ظباط ولا عارفين عائلتنا هنبقي بنكدب عليهم
روان: لو العلاقه مش هتتبني على الثقه يبقى هتتهد يا زين
البنات: خرجنا يا زين ارجوك
زين بغضب: لا كفايه جبن بقى فات اكتر من شهر وولا واحده فيكم نطقت ليه كان عندكم اكتر من فرصه لو قولتولهم كان هيبقى احسن بس انتوا خوفتوا تعرفوا ليه علشان قله ثقتكم في الرجاله ليه مش واثقين فيهم ايوه اللي مريتوا به يخليكم كده بس ادوهم فرصه أعطوا لنفسكم فرصه تعيشوا من تاني انا ما صدقت لقيت اللي يخلوا قلبكم ينبض من تاني
البنات سكتوا خالص
زين بصلهم وقال بجمود: مستعد ألغى كل حاجه لو قولتولي انكم مش بتحبوهم
البنات: سهله دي انا مش بحبه
زين برفعه حاجب: بصولي وانتوا بتتكلموا
البنات رفعوا بصوله وقالوا بتوتر: اااانا مممش.....
آيات: ااااه ليه الموضوع صعب كده
زين: شمس قولي للميكب ارتست ييجوا مصطفى نادي على ليان ومريم
شمس ومصطفى: حاضر يا زين
البنات بصوا لبعضهم بخوف وقلق وقال زين
" اعتبروها مغامره جديده"
روان بسخريه: يا سلام ده جواز مش سفريه لروسيا

زين فتح الباب وقال: لو كنتوا قولتوا انكم مش بتحبوهم كنت لغيت الفرح بس عارف انكم عشقتوهم يا بنات ادوهم فرصه
.

.........................................
شمس راحت للجناح اللي فيه الشباب وكان عمر وزين معاهم فخبطت ودخلت وقالت: دخلوهم
دخل عمال الفندق معاهم البدل بس في أكياس
أدهم: على فكره هما اربعه بس ليه ده كله
عمر: اللي في الأكياس السوده بتاع العرسان والباقي بتوعنا
شمس: اللي باللون الكحلي بتاع أدهم وياسين محدش يقرب عليهم
فهد: يا رب بس يبقى زوقك حلو
شمس: لا ماهو مش زوقي انا بس وانا واثقه في زوقهم هما التلاته
سيف: قرأ المكتوب على التكيت وقال بهدوء امممم الزيان حلو
زين بذهول: وصلتلهم فين دول دول أكبر شركات أزياء في العالم
شمس بثقه: اصل البنات مش اي حد ولا حتى الوحوش اي حد
عدي بفضول: صحيح هما البنات كان رد فعلهم ايه
شمس حطت ايدها على رقبتها وقالت: كانوا هيقتلوني انا ومصطفى والله بس الحمد لله زين أقنعهم
الكل بص لزين "اخ مالك "
زين بفزع: والله ما انا أنا مروحتش في ايه حته اصلا
ياسين بضحك: مش ده ده زين التاني بيسمعوا كلامه علطول ذي شمس بتسمع كلامه اكتر من ابوها
شمس: نعم يعني انا مش بسمع كلام ابو علي
ياسين: لا يا اختي مش بتسمعيه ده قالك قبل كده متنزليش بسبب الخناقه اللي تحت روحتي انتي عملتي ايه نطيتي من البلكونة
أدهم ضربها على دماغها وقال: ايه العند اللي بيمشي في دمك ده
شمس: هو اللي عَند الأول وبعدين لازم يعرف اني خلفته اعند منه سلام ومحدش يخرج من هنا فيكم انتوا 4
مالك: ايه يعني هنتحبسوا
شمس ببرود: ايوه اومال التانين يتحبسوا وانتوا لأ ده حتى ميرضيش ربنا سلام هاجي بعد كام ساعه تاني
..........................................
اما عند البنات بدأت الميكب ارتست تظبطهم وهما اصلا مش محتاجين لأنهم جميلات جدا وكانت معاهم ليان ومريم
دخلت ام كل واحده فيهم ودموع الفرحه في عيونهم فقالت ليان: عرفها انا اللحظه دي كل واحده هتاخد بنتها في اوضه الجناح كبير وفيه كذا اوضه يلا
بعد دقائق خرجت الفتيات وهما متجهمون الوجه فقالت مريم: مالكم هو الكلام كان وحش ولا ايه
ليان: لا الكلام باينله معجبهمش المهم كملوا يلا الميكب يا بنات
دخلت شمس وهي ماسكه طبله وكانت بتغني
🎶غنوا وبلوا الشربات وافرحوا ده العمر ساعات زغرطوا وارقصوا يلا عقبال عندكم يا بنات🎶
ليان بتكمله🎶 عشنا بنتمني الفرحه وحلفنا سنين وسنين نبقى بفستان وبطرحه وداعينا وقولنا أمين🎶
البنات انتجموا في الآخر الموضوع مش هيتكرر تاني وزي ما قال زين هيعتبروها مغامره
أمل بغناء🎶 واهو ربنا صبرنا خير والدور جيه علينا يا بنات 🎶
آيات 🎶 بعد ما كنا هنتجنن من الوقفه قدام المريات🎶
روان 🎶 ويارب يعدل قلبه تفرحوا فرحتي يا بنات 🎶
حبيبه 🎶 مبروك عليا كده ميه ميه عريسي خلاص جمبي في عش الزوجيه🎶
شمس 🎶 عيلته بقيت عيلتي مامته بقيت مامتي🎶
ليان🎶 سمعوني زغروطه رقصوني شويه🎶
مريم🎶 هنجيب ولد حلو وبنتين 🎶
أمل 🎶 أو بنت أموره وولدين🎶
روان 🎶 كده او كده نعمه وراضيين أهم حاجه نكون مع بعض 🎶
حبيبه 🎶 ماهو خلاص بقى جوزي حلالي🎶
آيات 🎶 مبروك عليا كده ميه ميه 🎶
ليان🎶 عريسي خلاص جمبي في عش الزوجيه 🎶
مريم 🎶 عيلته بقيت عيلتي مامته بقيت مامتي رقصوني شويه 🎶
شمس : اديكم فكيته اهو
آيات: اصل مش كل يوم الواحده بتتجوز هاتي يا بت الطبله دي
رقيه دخلت ومعها تمنى وماهيتاب: لا احنا هنشغل الدي جي
شمس: بت يا رقيه فين ريم وغزل
ريم: ادينا يا شمس هنا
شمس ادتهم فستانين وقالت: البسوا دول النهارده
غزل: بس يا شمس احنا معانا
شمس: بت اسمعي الكلام بدال ما اديكي على دماغك وانتي يا كلبه البحر يا اللي اسمك تمنى شغلي يا بت الدي جي ده
تمنى شغلت وبدأت تغني مع المهرجان🎶 انا في حاجه هتجنني ليه بضحك وانا بقرا كلامها🎶
رقيه🎶 ولو انا وانتي بنتخاصم ضحكتك بنسى زعلنا 🎶
ليان🎶 انا النت يا ست الكل انا وانتي احسن كابل في الدنيا 🎶
ماهيتاب🎶 كل اما أتصور صوره لازم بتبان فيها دبلتنا 🎶
أمل 🎶 ضحكتك قلبي ليكي لفيته في هديه🎶
آيات 🎶 ضحكتك بتهون احزاني عليا🎶
وهكذا بدأ البنات يغنوا ويرقصون بفرح ولما لا فاليوم زفافهم حتى ينسوا التوتر والقلق والخوف أيضا من القادم
..........................................
اما عند الشباب فكان لا يقل عن الفتيات فعمر وزين وانضم لهم مصطفى يشعلون الأجواء بالغناء اما الشباب فهم أيضا متوترين فهم يخفون سرا عن البنات ويبدو أن شمس لا تعلم أيضا بهذا السر لاحظ هذا أدهم وقال
" في ايه يا شباب مالكم"
عدي: البنات لحد دلوقتي ميعرفوش يا أدهم اننا..........
أدهم بهدوء: بصوا هو بعد ما تكتبوا الكتاب هيبقوا زوجاتكم يعني وقتها المفروض يعرفوا فاهمين
الشباب: ايوه فاهمين
دخل هيثم "أخ عدي الصغير" وهو بيقول: يااااه الوحوش بيتجوزوا حد يقرصني يا جدعان
ضربه عزت "اخ عدي الكبير" على قفاه وقال
" اي خدمه"
هيثم بوجع: ايه يا العم الايد دي
عزت: مبروك يا وحوش اخيرا العقده اتفكت
زين: ايوه يا عم اخيرا خلينا نتجوز احنا كمان والله وهتتدخل القفص يا قرش
مالك ببرود: تحب اوريك القرش
عمر: لا يا عم وعلى ايه خلينا نكمل الفرح على خير مع اني أشك بسبب لمه شمس ومصطفى مع بعض هو الواد مصطفى راح فين مش كان هنا
عزت: يا نهار اسود نسيت الواد برا
سليم: استنى يا عم اوعي يكون الواد إيان ابنك ده احنا صدقنا ما لبسنا
عزت خرج وجيه تاني وهو معاه يحيى "اخ فهد الصغير" ابتسموا له الجميع فيحيي منذ ذالك الحادث وهو منطوي ومنعزل ويكره التجمعات ووجوده هنا هو إنجاز كبير
يحيى بتوتر: اااااالف ممممبروك يا شباب
اقترب يحيى من فهد الذي كان ينظر له بصدمه فهو حاول مرارا أن يجعله يجتمع مع الناس الآخرين لكن دائما ما كان يرفض
يحيى بابتسامه: الف مبروك يا فهد
وأخرج زجاجة عطر من جيبه وقال: انا جبتلك دي علشان نبقى زي بعض وبابا كمان حاط منه
أخذه فهد في حضنه بقوه وقال
" اخيرا يا يحيى"
نظر عدي لادهم وقال: أدهم هو فين سيف
أدهم بهدوء: سيف بيعمل كام حاجه وجاي
مالك: طب ادخل البس هدومك اهي ياسين اخد بتاعته ومشى من شويه
أدهم: ماشي
زين: صحيح يا عمر هو انت تعرف البت اللي اتخبطت فيك دي
عمر بتذكر: قصدك هنا ايوه دي تبقي اخت آيات خطيبته فهد
شمس خبطت ودخلت وقالت: لبستوا خلاص
سليم: اوعي تكوني جايه علشان تقولي اني البنات مشيوا
شمس: لا لسه قاعدين وعلى فكره هما لو عايزين يمشوا محدش هيقدر يمنعهم
عدي: يمشوا مع كميه الحراسه دي
شمس بضحك: يبقى لسه متعرفوش احنا مين محدش يقدر يحبسنا ولو فيه الف حارس المهم خدوا الاكل ده علشان مش هتاكلوا غير بعد 4 ساعات
شمس بصت للبدل وقالت بغيظ: بيبيون منك لله يا ليل الكلب قولتلها خليها كرفته
عمر: انت شوفتي في حياتك عريس بيلبس كرافته
شمس : انتوا مربطوهاش ليه
مالك: قبل ما نخرج علشان بتخنق بصراحه
شمس قربت من سليم وقالت: انا وعدتك اني هربطهالك يوم فرحك واديني هوفي بوعدي
فهد بهمس: اقسم بالله لو سيف هنا لكان زمان سليم ميت
مالك: اه والله
شمس ربطتها وقالت بتمثيل: اه يا ابني كبرت خلاص وبقيت عريس اهي اهي اهي
سليم بضحك: ايه التمثيل الفيك ده
شمس : معلش هبقي اجيب آيات تعمل الوضع دي هي اشطر
سليم بصدق: شكرا انتي طيبه اوي
شمس بصت وراها وقالت: مين دي اللي طيبه انا طب اسأل اكمل وقوله انتي شايف شمس ملاك هيقولك شمس شيطان والشياطين قليله علي رأي تميم
مالك: احم طب وانا عايز اربط البيبيون برضو
شمس: ما تقول لأمك انا مالي
مالك بحزن بسيط: مش هتيجي
شمس: يا عيني تصدق صعبت عليا هات
فهد: وانا بالله عليكي
شمس : لا كده استغلال فين أدهم بقى
أدهم خرج من الحمام وقال: انتي هنا يا بنتي فين الخجل قاعده مع 10 رجاله عادي
شمس بسخريه: خجل ايه يا ابو خجل ما هو مات من زمان المهم حلوه البدلة تعالى اربط ليك الكرافات
أدهم: هتعرفي؟؟؟!
شمس: عيب ياض هات بس
زين: على آخر الزمن يتقالك يا إعصار ياض ومن بنت
شمس ببرود: تحب أوريك البت دي بتعمل ايه
مالك : اه وحياتك علشان انا زهقان منه
زين: ايه يا جدعان كلكم عايزين تغتالوني
أدهم: اه صح بما انك هنا خدي دي بابا جبهالك دور عليكي ووملقكيش
شمس: ايه العلبه دي فيها ايه
أدهم: معرفش
شمس ضيقت عيونها: طب تفتكر فيها ايه
أدهم: وانا ايش عرفني
شمس: يا سلام ده على اساس انك مش اللي اشترتها
أدهم: ايه ده عرفتي منين
شمس: انا عيني على الكل هنا وعارفه تحركات الجميع علشان لو حصل حاجه..... كملت بغيظ: ماعدا صاحبك ده بيختفي ويظهر زي العفاريت
عمر بلطم: اسكتي الله يخربيتك ليكون برا ويسمعك
شمس: مش بخاف على فكره
أدهم بهمس: كدابه
شمس بصت له بضيق وكانت هتتطلع بس شاورت على يحيى..... وقالت: مين ده انا مشوفتوش قبل كده انا اعرف ابو الفطاط اللي جمبه
عدي باستغراب: تعرفي هيثم منين وايه فطاط دي
عزت ضحك وقال: افتكرتك انتي البت اللي كانت عندنا من يومين
أدهم: كنتي عندهم فين
شمس: كنت عندهم اقول لكامل بيه على المدعوين وكده روحن لقيت ابو الفطاط ده فوشي
عزت بضحك: دي يا عدي البت اللي كآنت هتطلق ابوك وامك
الشباب: يخربيتك
شمس: الله وانا مالي امك هي اللي افتكرتني ضرتها وابو الفطاط ده هو اللي شعلل الدنيا اكتر
هيثم: يا لهوي دي باعتني وبعدين شكل اللعبه عجبتها فكملت في الموضوع
شمس بضحك: اكذب واقول لا عجبتني المهم مين الواد حلو الملامح ده
فهد: ده يحيى اخويا الصغير
شمس: عنجد بس باين صغير عنده كام سنه
فهد: 17
شمس بذهول: يا راجل ده قد درش مستحيل
أدهم: لا مش مستحيل ولا حاجه مصطفى بس هو اللي طويل وعريض بالزياده
شمس قربت منه وهو خاف وقال بتوتر
" فـ فـ فهد"
فهد: متخافش يا يحيى انا هنا
شمس: متخافش يا عم انا عارفه اني احيانا بخوف بس مش بأذى اطفال متخافش
عمر: حصل وانا اشهد بتكسر الكبار بس
شمس ركزت في عيونه جامد وتكلمت بالروسيه حتى لا يفهم يحيى وهي تنظر لعيونه
" هو مريض نفسي أليس كذلك"
فهد: اممم أجل...... لكن كيف علمتي
شمس وقفت: المرضى النفسيين يعرفون بعضهم
نظر لها الجميع باستغراب فلا يوجد مريض يعترف انه مريض الا قله
شمس ابتسمت ابتسامه جميله وقالت بالعربيه
" ازيك يا يحيى انا شمس اخت الكابتن ابو عيون خضراء اللي هناك ده سؤال بس هو انت شوفت مرات اخوك"
يحيى هز راسه بلا
شمس: انت ياض ازاي متاخدوش معاك وانت بتتقدم ها
فهد: كان في فتره امتحان وبعدين هما هيعيشوا في نفس المكان في الآخر
شمس بصت ليحيى وقالت: حلوه عيونك عجباني
يحيى ابتسم بخجل
شمس: يا اختي جميل خدوده حمراء ده درش كده يبقى بالنسبه ليك شيطان انا عارفه ماهو تربيتنا
شمس قربت من فهد وقالت بالروسيه
" لا تقلق سوف يعود مثلما كان"
فهد بص لاخوه وقال بحزن: اتمنى فالموضوع أصبح صعب جدا حتى نحن قمنا بعلاجه في الخارج لكن لم يفلح الأمر
شمس: لكن يوجد شئ صعب على العصابه فنحن لم نفشل في شئ ابدا ومعك آيات فرد من العصابه سوف نعالجه لا تقلق اروح اشوف البنات ليكونوا اغتالوا مريم وليان ويمشيوا سلام يا يحيى
يحيى بابتسامه بسيطه: سلام
فهد بص لاخوه وابتسم بأمل وقال: انا متفائل
عمر: بص طالما هي قالت هنعالجه يبقى اطمن وحط في بطنك بطيخه صيفي
فهد بصله بقرف وادهم ضربه على قفاه
" في بشمهندس محترم يقول حط في بطنك بطيخه صيفي"
زين بغباء: اومال يقول ايه شتوي
هيثم: هههههههه لا خريفي
عزت: يارب ايه الناس دي
مالك: سلاله لازم تتباد قبل ما تتكاثر
عمر: سلالتنا احنا برضو دي المفروض العصابه هي اللي تتباد قبل ما تتكاثر
ياسين دخل هو وخالد وياسين كان لابس بدله كحلي زي أدهم اما خالد فكان لابس بدله جملي زي عمر
خالد: اتفق معاه بصراحه متخافش من الهبله وخاف من خلفتها مبروك يا رجاله اخيرا هيمشوا برغم أن جنانهم هيوحشني والله بس افتكروا اننا قولنالكم بلاش
سليم: يا عم خلاص حفظنا الكلمه
ياسين قرب منهم ومعاه 4 ظروف باللون الأسود وقال: مبارك يا وحوش اتفضلوا دي هديتي انا وخالد ليكم
فتح الشباب الظروف وكانت تذاكر سفر لبلاد مختلفة فكان
----------------------
مالك وأمل إلى إيطاليا 🇮🇹
عدي وحبيبه إلى جزر المالديف 🇮🇩
فهد وآيات إلى فرنسا 🇫🇷
سليم وروان إلى تركيا 🇹🇷
----------------------
سليم: هديه مقبوله يا شباب بس اشمعنا تركيا ولا علشان انت يا ياسين من أصل تركي
فهد: انا اموت واعرف ازاي الاتنين دول اخوات لا وكمان من نفس الأب والأم انا أصدق انت وشمس لاني ده باين لكن أدهم لا
خالد: يا ابني ده اتعاكس من 20 بنت لحد دلوقتي واحنا جايين
زين: ههههههههه يعني لا هو ولا اخوه راحمين لا كده ظلم
أدهم بغضب مصطنع: بتقولوا حاجه ياض منك ليه
زين: لا يا كبير وربنا ما حصل
خالد: كل كابلعل في دوله مختلفه علشان تاخدوا راحتكم مع اني أشك بوجود العصابه والله
عمر: تشك بس ده انا متأكد انهم هيعملوا حاجه يا اما في الفرح يا اما بعده
مالك: هو سيف فين اتأخر كده ليه
خالد: شوفتوا تحت بس ايه وربنا سارق الجو
عمر: اخويا حبيبي طالع ليا
سيف من وراء: بتقول حاجه يا عمر
عمر برعب: وربنا ما قولت حاجه
زين بخضه: بسم الله الرحمن الرحيم بيطلعوا امتا دول
سيف بسخريه: في أي وقت يا خفيف
ياسين: خالد تعالى نشوف القوم اللي فوق جهزوا ولا لأ ليكونوا هربوا ولا حاجه وتكون البت شمس ساعدتهم ما انا عارفه متبقاش شمس أن ما قلبت الموازين في ثانيه
خالد: يلا يا ابو حمزه انا اصلا مش واثق فيهم
عزت: هي ايه الحكايه هما هتتجوزوهم غصب عنهم ولا ايه
عدي: لا طبعا برضاهم بس هما كانوا عايزين الجواز بعد سنه او اتنين
عمر بسخريه: أو 10 وحياتك
عزت: غريبه دى انا اعرف اني البنات بيبقوا هيطيروا من الفرحه في يوم فرحهم
زين: بص يا عزت يا اخويا من حيث الكام مره اللي شوفت فيهم البنات دول احب اقولك انهم مجانين ومتتوقعش هما هيعملوا ايه دول كانوا هيطلقوا احلام ومختار يوم فرحهم يا راجل
عزت: يعنى زي البت اللي كانت هتطلق ابويا وامي
عمر: بالظبط نفس النسخه
فهد: ايه الشياكه دي يا وحش ده الناس كده هتفتكرك العريس والله
سليم: لا وايه البدله رمادي زي لون عيونه دي
سيف بهدوء: مبارك يا رجاله وارفعوا رأسنا يا وحوش
جاسر: اكيد يا وحش وعقبالك
سيف بص لادهم وقال: أمين
عزت وعمر وسليم وزين بصدمه: آمين
أدهم باستفزاز: امين ده ايه كفاية كده اخدت نصيبك في الدنيا يا وحش اترهبن بقى
زين: هو فيه ايه يا عمر هو اخوك هيتجوز ولا ايه
عمر: تراني مش فاهم حاجه والله
⚡⚡⚡⚡⚡
دخل مصطفى وهو بيغني وبيطبل على الباب
🎶النهارده فرحي يا جدعان عايز كله تمام.....🎶 :مبارك يا وحوش هتلاقوني كل يوم ناطط عند واحد شكل اه اوعوا تكونوا فاكرين اني كده خلصت لااااا دي لسه بتبدتي وابقوا قولوا مصطفى قال
عدي: اهو اللي يشوفك عمر ابدا ما يصدق اني عندك 17 سنه
مصطفى: اااه عارف قالوها ليا كتير
مصطفى قعد قدام الشباب هما 4..... وقال
" المهم بقى الوصايا العشر اللي بيتقالوا انا مكلف اني اقولهم ليكم بما اني فرد من العصابه والولد الوحيد فيها"
سليم حط ايده على خده..... وقال: قول يا سيدي كلنا آذان صاغية
مصطفى: بصوا بقى بما إننا حذرناكم وانذرناكم كتير ومسمعتوش الكلام لاني شكلكم واقعين واقعين فستحملوا بقى كميه المصايب اللي هترف على رؤسكم
عدي: عارفين اللي بعده
مصطفى بص لعدي وقال
" حبيبه هاديه وبارده وده باين جدا بس اوعي تقلب بتبقى ناقصها قرنين وتبقى شيطان ولو جيه في يوم واتخانقتوا لقدر الله هات ليها كيك بتقلب عيله في ثانيه وخد بقى بالك هي بتحب المياه جدا وخصوصا الغوص علشان نفسها طويل بصراحه وبما انكم رايحين المالديف يا ولاد الايه ومش هتاخدوني معاكم فاعرف اني لو صحيت وملقتهاش اعرف انها اكيد في المياه وخصوصا اني المكان اللي هتقعدوا فيه موجود قدام البحر وفي مكان منزعل شويه علشان الخصوصية "
وبص بعدها لمالك
" امل بقى تافهه وده باين برضو بس عصبيه جدا مش بتعرف تبقى بارده علطول ابعد عنها لما تلاقيها بتتفرج على التليفزيون ومندمجه وتروح انت تغير القناه صدقني هتلاقي سكينه على طول في وشك وبما انكم رايحين إيطاليا بلد المكرونه والمخبزوات والاتنين أمل بتعشقهم فلو تاهت اعرف انها متاهتش لا هي زوغت منك وراحت مطعم هناك "
وبص لفهد وقال
" أيات غبيه والكل يعترف بذالك حتى انت بس اوعي مكر حواء كله بيتجمع فيها دي مكاره وابليس يقولها يا سيدتي بس برضو في بعض المواقف هتشوف غباء كتير فرنسا اوعي تتخدع وتقول إنها بلد العشاق وتنسى انها بلد الشوكولاته وآيات بتتدمن حاجه اسمها شوكولاته فخاف على خزين الدوله منها ولو في يوم طلعت مكر حواء عليك هات ليها شوكولاته وقتها هتشوفها بقيت شبه الأطفال "
وبص لسليم وقال
" ابو نسب يا غالي انت بقى وبما اني البت اختي هتبقى مراتك فخاف يا ابني على خزين البيت أختي مفجوعه وانا عارف وبما انك يا ضنايا رايح تركيا بلد الايس كريم متخليهاش تاكل آيس كريم كتير علشان هتتعب هي بتموت في الايس كريم ومش هتسيطر على نفسها وفي الاخر صوتها يروح ماشي يا ابو نسب
وحط ايده على صدره كتحيه...... وقال: وكان معكم مصطفى عبد الرحمن 6 فرد في العصابه
عمر بتصقيف: الله يا ابني الله أكبر فتان في الشرق الأوسط ده انت هتتعمل كفته بس اصبر لما يعرفوا
(وربنا اكتر شخصيه يحبها في الروايه دي هي درش 😂)
مصطفي بحذر: ما انت مش هتقولهم يا ابو رنا يا اخويا صح
مالك: استنى يا عمر في حاجه تانيه يا مصطفى عايز تقولها طلعنا مستفيدين منك والله
مصطفى بغموض وجديه: ايوه طولوا بالكم عليهم واستحملوهم مش بس في مصايبهم في أي حاجه تاني انا حاسس انكم هتحافظوا عليهم اللي زي البنات بقيوا قليلين اوي هما اه بيعملوا كوارث ومشاكل بس طيبين اوي وحنينين لأبعد الحدود واسألوا مجرب انا بعتبرهم كلهم أمهات ليا مش بس اخواتي
نظر له الشباب بحيره قليلا من كلامه فيبدوا جاداً لأبعد الحدود غير نبره الغموض هذه
وقف مصطفى وقال وهو بيقلد صوت الست
" ااه يا ولادي هتتجوزوا خلاص كبرتوا وبقيتوا شحطه"
الشباب وقفوا وقالوا بصدمه: شحطه

مصطفى جرى على الباب وقال: هاروح اشوف البت شمس فين علشان البس انا كمان سلام يا رجاله
أ

دهم بهدوء: بدأت اغير وجهه نظري في مصطفى بصراحه احيانا كلامه يبقى أكبر من سنه كأنه عنده 25 سنه مش 17
الشباب: امممم فعلا
..........................................
مصطفى ذهب إلى غرفه فيها باقي البنات ومعهم مريم وليان وريم وغزل يرتدون ملابسهم مصطفى طرق على الباب وهو ينظر للأرض
فتحت تبارك الباب وقالت: تعالى ياض محدش بشعره
مصطفى بقرف: اومال انتي تبقى ايه
مصطفى دخل وكانت شمس تساعد آسر الصغير على ارتداء ملابسه وايهم بجانبه تساعده أمه أيضا
مصطفى: ايه يا جدعان النسوان دي كلها
ضربته ماهيتاب على قفاه.... وقالت: ياض احترم نفسك بدال ما تاخد على قفاك
مصطفي بغيظ: هو انا لسه هاخد ما انتي ادتيني خلاص يا ام طويله
تمنى: حوش يا اخويا على أساس انك مش برج خليفة يعني
مصطفى: أجرى يا اوزعه من هنا
تمنى مسكته من قفاه: بلاش يا صلاح هتزعل مني
مصطفى: وريني كده
شمس: بس انتوا 3 بدال ما اجيلكم وانت ايه اللي جابك وبعدين ملبستش ليه لحد دلوقتي
مصطفى قرب منها عندما وجد ريم ذهبت لتلبس...... وقال: احم احم الأجداد وصلوا وتايجر وآش وروز تعالى بقى نسمع علشان الفضول هيقتلني
شمس: تعالى وهات هدومك وانا الفستان بتاعي هناك يلا
مصطفى شاور على عائشه بعينه بمعنى مالها
شمس بصت على عائشه واتنهدت: مش عارفه حاولت اخليها تتكلم وتندمج معانا بس مش عارفه فشلت فشل ذريع
مصطفى بحزن: ربنا يهديها حبيبه بتقول انها اتغيرت مش كده زمان
شمس: فعلا حتى قبل ما رأفت ده يتقدملها
مصطفى: إنا مش بطيقه اصلا معرفش جيمي وافق ازاي عليه يلا نروح احسن
ذهبت شمس ومصطفى إلى جناح الفتيات
..........................................
اما على الناحيه الأخرى في الجناح كانت أنتهت الفتيات من الميكب ودخلوا ليرتدوا الفساتين وخرجوا وكانوا فاتنين فكانت الفساتين جميله وبسيطه وليست منفوشه جدا دخل جد كل واحده فيهم وجري الفتيات عليهم جـــدو
محمد "جد روان ": مش بتقولوا جدو غير لما تبقوا زعلانين
عبدالله "جد حبيبه ": مالكم انتوا مش مبسوطين ولا ايه ده النهارده فرحكم
عتمان "جد آيات ": ولا ايه يا بنات
آيات: يعني انت يعني يرضيك نتجوز بالطريقه دي
شمس دخلت وقالت: اعترفوا مفيش طريقه غير دي تتحطوا قدام الأمر الواقع
أمل: يا سلام طب تعالى مكانه كده وشوفي الشعور ده انا حاسه بالرعب
ممدوح "جد أمل ": وليه رعب ومن ثم انتوا من امتا بتخافوا يا بنات اصلا
روان بتوتر: من دلوقتي خرجونا من هنا
الأجداد خرجوا ودخل بنتين وشاب
آش دخلت: لولولولي اخيرا يا كلاب عشت وشوفتكم هتتجوزوا
روز: مين كام يتوقع اني الشياطين يتجوزوا لو حد كان قالي كنت قولت عليه اتهبل في عقله
تايجر: مبارك يا فتيات
حبيبه: شمتان فيتا يا تايجر صح
تايجر بضحك: اكدب لو قولت لا
روز مسكت الطبله وقالت: وربنا ما اخلي اللحظه دي تفوت عادي كده ابدا 🎶ما تزواقيني يا ماما قوام يا ماما 🎶
آش🎶 ده عريسي هياخدني بالسلامه يا ماما🎶
شمس هزت كتافها🎶 سامعه.... سامعه يا ماما الناس بترقص علشاني🎶
روز🎶 شايفه.... شايفه يا ماما طويل قوي قدامي 🎶
آيات بصراخ: اعااااااا سيبوني عليهم وربنا لاجيبهم من شعرهم مش عايزه اتجوز
مصطفي: خلاص فات الأوان المعازيم جم تحت والماذون وصل وابو كل كلبه فيكم طالع دلوقتي
البنات بغيظ: كلبه في عينك
⚡⚡⚡⚡⚡
شمس: أهم وصلوا
تايجر يلا يا بنات نطلع من الباب التاني
آش وروز وتايجر خرجوا وقالت آش وروز بغمزه
'' ربنا معاكم يا عصابه ''
البنات: لاااااااااااا
عبد الرحمن: بتصرخوا ليه
روان: هتجوزني غصب عندي يا عبده ها
جمال: أهدوا التوتر عادي في يوم زي ده
حبيبه: هههههههه طبيعي اه بس ده مش توتر حضرتك انا اصلا رجليه مش شيلاني اهي اهي
شريف: يلا يا بنات خلاص المأذون وصل
أمل بفزع: أيه يعني خلاص هنتجوز رسمي
مصطفى: رسمي وفهمي ونظمي كمان
آيات بغضب: انت بتستظرف يا ابن الظريفه واحنا هنا هموت من الخوف انت السبب يا عادل اعااااا
عادل: وانا مالي انا
البنات خرجوا مع اباهاتهم
شمس: الله يخربيتك يا مصطفى الكلب نسينا نلبس
مصطفى بفزع: يا لهوي الفرح
..........................................
نزلت الفتيات وهم بيد ابهاتهم و ينظرون للاسفل
سكت الجميع عن الكلام واقترب كل أب من زوج ابنته وسلمها له بعد التوصيات الشديده
دخل العريس والعروسه إلى القاعه
فستان حبيبه

فستان آيات

فستان روان

فستان أمل

بدله عدي

بدله فهد

بدله سليم

بدله مالك

وقف أدهم وياسين وعمر وسيف بجانب حسن وعمران
عمر: يارب اتجوز قبل الواد ياسين ده يارب يارب
عمران بضحك: ما اعتقدش يا ابني هههههه
عمر: ومتعتقدش ليه يا حج ده انا حتى ابنك يرضيك يا ابو علي
حسن بإبتسامه: كل شئ قسمه ونصيب يا عمر يا ابني
اما سيف كان يبحث بعيونه عن مجنونته فهو لم يراها منذ الصباح
أدهم بخبث: بتدور على مين يا سيف
سيف باستفزاز: على اختك شوفتها
نظر له أدهم بغيظ فهو يعلم ان سيف جرئ جدا ولا يغلب في الكلام
بدله سيف

بدله ياسين

بدله أدهم

بدله عمر

فستان ريم

قطع نظراتهم عندما خفتت الأضواء الا على الباب تعلن عن دخول العرسان فهم من أهم 4 عائلات في البلد
توجهوا إلى ترابيزه في نصف القاعه مزينه بالورود وعليها 6 مقاعد 2 للشهود و1 للماذون في النصف بين 4 كراسي
المأذون: بسم الله ده كله هيتجوز
زين: هههههه المأذون انصدم
المأذون: احم من اول عروسين
تقدم عدي وهو يمسك بيد حبيبه التي سرت قشعريره غصب عنها في جسدها
جلس عدي على يمين المأذون وجمال على شماله وبجانبه حبيبه
المأذون بهدوء: من شاهدك يا عريس
جاسر نظر لسيف وقال: سيف يا شيخنا
تقدم سيف بهدوء وجلس أمام عدي
المأذون: وانت يا ابو العروسه
جمال: شمس حسن يا شيخنا
خالد مسك قلبه: مفيش غير دي اللي دي إللي تشهد يارب ما تخرب الدنيا
المأذون فين الأنسه شمس
نظر الجميع حوله وقال حسن: ياسين اختك فين
ياسين: كانت آخر مره مع مصطفى
اما عند مصطفى وشمس فكانوا يجرون على السلم للاسفل
شمس: الله يخربيتك تلاقيهم كتبوا الكتاب وخلصوا
مصطفى: وانا مال امي انا هو كان بأيدي
شمس ضربته في دراعه: لا برجلك يا خفيف
المأذون: فين الانسه شمس؟؟؟!
أيهم بصوت عالي: شمس ومصطفى أهم
نظر الجميع للمدخل وكانت شمس ومصطفى يدخلون وقال مصطفى: احيه الناس كلها بتبصلنا كده ليه
شمس: يا عم امشي نلحقهم
كان الجميع ينتظر لهم بإعجاب من جمالهم
فستان شمس

وده طوق الورد اللي ابو علي جابه ليها

بدله مصطفى

شمس قربت من ابوها وقالت: ها يا ابو علي ايه اللي فاتنا
فهد: ولا حاجه تعالى بس اقعدي على الكرسي ده علشان تشهدي على العقد خلاص قربنا نبيض يا جدعان
شمس بصت على المكان اللي شاور عليه وقالت بغباء: مش اللي في بالي صح
مصطفى حط ايده على كتفها..... وقال: مطلوبه للشهاده يا أختاه روحي اقفى جمب اخواتك في وقت الكرب ده
شمس: وانا مالي انا مش اشهد خلي عمر يشهد
ياسين زقها ناحيه الكرسي وقال بالتركيه
" اجلسي والتزمي الصمت حتى يكتمل اربعتهم فهمتي"
شمس: لا لم أفهم
شمس قعدت على الكرسي فكانت بجانب سيف الذي كان ينظر لها بنظرات جعلتها تخجل بشده فاخفضت نظرها وقال الشيخ: بسم الله ماشاء الله جميله يا بنتي
شمس: يعني انا أجمل من العروسه
حبيبه: أجمل يا اختي ومالوا وكملت بخبث تيجي نبدل الأدوار
فهمتها شمس فهي تسطيع فهمها بسهوله فتفكيرهم يعتبر متشابه
شمس باستفزاز: لا يا روحي لايق عليكِ اوي ولاه يا درش معاك الكاميرا
مصطفى: ايوه اهي
شمس: سجل بقى الذكريات الجميله دي
نظر لها البنات بشرار فهم يفهمون ماذا تريد أن تفعل
شمس بسرعه: ابدأ يا عم الحج قبل ما المكان يولع بينا
المأذون: احم بسم الله
خافت حبيبه بشده وبدأ قلبها يدق بعنف شديد
قبل أن يقول الشيخ جملته الاخيره سحب مصطفى المنديل...... وقال: بارك الله لكما وبارك عليكما وجمع بينكما في خير هههههه معلش كنت عايز اجرب الشعور مش اكتر
شمس بتذمر: وانا برضو عايزه اجرب
ضحك عليهم الجميع وابتسم عدي لحبيبه بعشق وحنان فهي الان اصبحت أمام الناس جميعاً زوجته
اما حبيبه فكان مع كل كلمه قالها الشيخ يزداد نبض قلبها لدرجه ان شعرت بأن الجالسين يسمعون نبض قلبها
المأذون: من العروسين التاليين
سليم: انا بقى
روان بصدمه: مين لا خلينا آخر ناس
شدها سليم وقال: آخر ناس ايه ده انا ما صدقت يا شيخه يلا
روان قعدت وشمس وهي بتلعب بحواجبها...... قالت: منوره يا رورو والله سجل ياض الحته دي هيشوفها أجيال واجيال
مصطفى ضحك لأنه فاهم هو كمان وروان بصتلهم بغضب
بدأ المأذون لتاني مره وشمس المره دي قامت وسحبت المنديل...... وقالت: بارك الله لكما وبارك عليكما بينكما في خير هههههه نصدق شعور حلو يا درش
روان رفعت عيونها لسليم وجدته ينظر لها بابتسامة جميله وعشق يفيض من عينيه
ابتسمت بتوتر وخجل من كونها الآن زوجته
المأذون: ااا
مصطفى: استنا انت يا عم الشيخ اللي بعده يا جدعان خلينا نخلص انا رجليا وجعوني
سيف بسخريه: وجعوك وانت لسه 17 اومال لو عديت 50
شمس بضحك: وقتها هيبقى في المقابر
نظر لها سيف بغضب من ضحكها فهي أصبحت جميله أكثر خصوصا غمازتيها الذين حفروا في خدودها
سيف بهمس: بطلي ضحك بدال ما اسكتك انا بطريقه مش هتعجبك وانتي عارفه اعملها عادي ما انا عملتها 3 مرات قبل كده
شمس نظرتك له بغضب وسكتت فكم هو وقح حسنا لكنه وسيم جدا.... وقح وسيم
فهد وآيات جلسوا وقال مصطفى: ربنا يعينك يا ابني
آيات: لو هو مش عايز عادي اقوم
شمس: اقعدي يا بت بدال ما افتح دماغك
المأذون بصدمه: تفتحي دماغها
ابتسم سيف بفقدان امل من هذه المجنونه وبدأت المراسم للمره الثالثه
ووضع الشيخ يده على المنديل ونظر لشمس ومصطفى.... وقال: بارك الله لكما وبارك عليكما وجمع بينكما في خير
ضحك الجميع عليه
عمر: هههههههههه جننتوا الشيخ الله يخربيتكم
المأذون: العروسين التاليين
شمس: هههههههههه قصدك الرابعين
المأذون: مش هتفرق
أمل بصت حواليها: لا لا لا هو جيه الدور بالسرعه دي
مالك: يلا
أمل بصت لابوها وقالت: هتبعني يا شيفو
مالك مسك ايدها: يلا يا أمل
أمل قعدت وقالت لشمس: منك يا بت حسن
شمس رجعت ضهرها للوراء وقالت ببرود
" وانا مالي المأذون عندك اهو لو مش موافقه قولي"
مصطفى: احنا مش بنجبر حد على حد يلا يا شيخنا ابدأ
بدأ الشيخ تحت توتر أمل الشديد وابتسامه مالك الجميله وهو يردد وراءه
الشيخ: بارك الله لكما وبارك عليكما وجمع بينكما في خير..... ووقف وقال: خرجوني بقى من هنا قبل ما الضغط يعلى عليا
مصطفى: استنى يا عم فيه خامس اقعد
خالد: نعم مين ده اوعي تكون هتتجوز ياض
ياسين قرب وقعد مكان مالك وقال: لا مش هو انا
عمر: لا إذا كان كده ع.........نـــعــــم انت يلاه يا خالد سمعت اللي انا سمعته
خالد: سمعت بس مش فاهم
أدهم بص لابوه وقال: فيه ايه يا بابا
حسن بهدوء: اخوك بيتجوز بس كده
اقترب عمران وهو يمسك يد غزل التي كانت ترتدي فستان ابيض بسيط جداً

فشمس سألت رقيه واخبرتها انها لا تفضل الفساتين المنفوشه وبرغم هذا أصر ياسين أن ترتدي فستان ابيض حتى لا تشعر أنها أقل من الباقي ووافقته شمس الرأي وكانت غزل تشعر بالخجل الشديد وجلس عمران بجانب المأذون وقال: والعروسه موافقه
اقترب عمر من سيف وقال: بعد اذنك يا وحش هبقي انا الشاهد على دخول دنجوان البنات ده القفص ههههه
سيف قام وقال: اتفضل اهو
وذهب ووقف بجانب أدهم الذي قال له بخفوت
" بقينا نسايب للمره الثانيه"
سيف بثقه وغموض: قصدك الثالته يا إعصار
ياسين بهدوء: ابدأ يا شيخ
شمس بصوت عالي: اســتــنـا
عمر بخضه: في ايه يخربيتك قطعتي خلفي
شمس: محدش يبدأ حاجه هجيب حاجه وجايه
شمس جريت لشنطتها اللي كانت مع هنا وجابت حاجه وقالت: اتفضل حط المنديل ده أصله مخصوص للعيله
نظر أدهم للمنديل وقال بتذمر: حرام انا مستخدمتش المنديل ده
شمس: انت اصلا اتجوزت من ورانا فتستاهل
كان منديل باللون الفضي مع نقوش ذهبيه تركي قديم الطراز وبالرغم من هذا جميل جدا
حسن بص لبنته وقال بشك: انتي جبتي المنديل ده منين وتعرفي حكايته ازاي اصلا
شمس بغمزه: عيب عليك يا ابو علي ده انا تربيتك برضو
حسن: للأسف الشديد بقى تربيتي ونفس شخصيتي
المأذون: احم نبدأ
البنات كتموا ضحكتهم بصعوبه شديده وشمس بصت لياسين وقالت: ياسين انا مش قادره
ياسين بص ليها وقال بخوف: لا بالله عليكِ هيبقى شكلي وحش
شمس كتمت ضحكتها وقالت: سامحني يا اخويا مش قادره
ياسين وهو يكاد يبكي: اكتميها
عمر ومصطفى: طلعيها
من ثم هذه الكلمه وانفجرت شمس بالضحك الشديد ومعها الفتيات ومصطفى وعمر حتى خالد شاركهم الضحك وليان أيضا
نظر الشباب البنات باستغراب لكن كانوا يشعرون أيضا بالغيره فنظروا للبنات نظره جعلتهم يتوقفون عن الضحك بصعوبه وهم يضعون أيديهم على أفواههم
اما شمس كانت لا تزال تضحك وهي تقول
" ياسين هيتجوز هههههههه انا مش مصدقه انت مصدق هههههه"
عمر بضحك: ابدا بقى المعقد ده هيتجوز قبلي يا خيبتك يا عمر
ياسين حط ايده على وشه يكتم ضحكه فطالما كان يقول انه لن يتزوج وأنه لا يحب هذه الأشياء وهذا ما جعلهم يضحكون بشده فشمس في يوم أخبرته
-------------------
شمس: طب ايه رايك انك لما هتيجي تتجوز هنقلبلك وقت كتب الكتاب الفرح كله ضحك علشان نفكرك بالكلام ده يا ابو حمزه
-------------------
ياسين: يا فضيحه خلاص كفايه
شمس: احم هههه اهو سكت هههههههههههههه يا جدعان مش قادره
خالد لمصطفى: سكتها يا عم
اقترب مصطفى من شمس وكتم بوقها بأيد ويمسك الكاميرا بالاخري وقال: ابدأ يا عم الشيخ قبل ما تفلت مني
المأذون: والله ده فرح مجانين
مصطفى والشباب وعمر وزين وياسين وادهم في صوت واحد: فعلا مجانين
نظر لهم البنات بغيظ اما المأذون فبدأ
كان حسن ينظر للمنديل وبعدها نظر لادهم الذي كآنت ريم تمسك بذراعه وتبتسم وبعدها إلى ياسين الذي يردد وراء الشيخ وهو ينظر لغزل بابتسامه عاشقه وشرد في ذكرى جميلة في الماضي
Flash back
دخل حسن البيت وكانت حياه بترتب الهدوم في الدولاب وبتتكلم مع الولاد وهما شافوا حسن فشاور ليهم بمعنى محدش يقولها فهما ابتسموا وقالت حياه وهي مش شايفه حسن
حياه: ها يا أدهم وبعدين
أدهم: احم وهي قالت تعالى نلعب سوا وكده وانا مش رضيت وهي زعلت انا اعمل ايه دلوقتي
حياه: بص يا أدهم حرام تقرب لأي بنت وتخلي بنت تقرب منك علشان متاخدش ذنب ويبقى حرام
ياسين: بس احنا لسه صغيرين يا ماما
حياه: حتى لو يا قلبي من شب على شئ شاب عليه فلازم تتعود من صغرك والكلام منطبق عليكم انتوا كمان يا بنات متقربوش من ولد غريب ولا حتى تخلوا حد يقربلكم علشان تحافظوا على شرفكم دايما
ملك: يعني أيه شرف يا ماما
حياه: بصوا البنات دايما جواهر ليهم لمعه واللمعه دي هي اللي بتخلي ليهم قيمه اوعي تسمحوا لحد ياخدوا اللمعه دي ابدا علشان لو من غيرها مبقاش البنت جوهره بتبقى ازاز فاهمين يا بنات
البنات: فاهمين يا ماما
حياه: وادهم وياسين خليكم دايما سند وحمايه لاخواتكم انتوا 5 دايما ايد واحدة لو صباع حصلوا حاجه 4 التانين هما اللي يبقوا في ضهره فاهمين يا ولاد حسن
الأطفال: فاهمين يا ماما
احتضنها حسن من الخلف وقال: ولاد حسن وحياه كمان
حياه بخضه: ايه يا حسن خضتني
حسن قرب منها وقال: سلامتك من الخضه يا قلب حسن
حياه بخجل: حسن عيب العيال واقفه
حسن بصرامه مصطنعه: يلا يا جذمه منك ليها على النوم
عشق: بقى بطرقنا يا بوب عيب عليك
ادهم: طب انا عايز انام في حضن أمي
حياه بحنان: تعالي يا حبيبي
امسكها حسن من خصرها بتملك وغيره شديده وقال: ده لما تشوف قفاك يا حبيبي يلا يا حيوان انت وهو
مليكه: ههههههه مردودالك يا بوب
وطلعوا يجروا لبرا
حياه بضيق: ايه يا حسن ده ابني على فكره
حاصرها حسن بينه وبين الدولاب وقال: وانا بغير على فكره
حياه: ايه يا حسن ابعد شويه
حسن بوقاحه: بقولك ايه تعالي نجيب اخ ليهم
حياه بضحك: يا سلام مش كفايه يعني 5
حسن شالها وقال: نجيب 2 احتياطي
بعد فتره من الوقت
كان حسن يغمض عينيه براحه شديده ويضع يده على خصر حياه يضمها له وحياه نائمه على صدره العاري وترسم دوائر وهميه عليه
حياه بخفوت: حسن
حسن: اممممم
حياه: تفتكر أدهم وياسين هيتجوزوا عن حب
حسن: اكيد
حياه: اشمعنا يعني
حسن: علشان هما بيشوفوا حبنا لبعض فاكيد هيدوروا على نصهم التاني
حياه: والبنات
حسن: لا انا مش هجوز بناتي
حياه بذهول: هتخليهم يعنسوا يعني
حسن: ااه هو كده
حياه: هيجي اليوم يا حسن اللي تحط ايدك في ايد عريس كل واحده فيهم ووقتها هنحط المنديل الفضي هيبقى ذكرى حلوه من امي ليهم
حسن: اممم فعلا ذكرى حلوه بس لأدهم وياسين بس انا مش هجوز البنات
حياه اتنهدت بحيره وحسن بصلها وقال
" حياتي مالها"
حياه: خايفه يا حسن من اللي جاي احنا بنخبي على الولاد كتير واكيد هيجي يوم ويعرفوا يا حسن انا خايفه عليهم اوي
حسن: اهدي يا حياه ده مجرد كابوس انتي حلمتي به
حياه تذكرت كلام السيده العجوز التي قابلتها
---------------------------
كانت حياه قاعده في الحديقه في مصر وكان فيه 4 بنات مع ملك وعشق ومليكه بيلعبوا معاهم وكانت بتبص عليهم من بعيد بس شافت واحده بتقرب منهم شكلها غريب فراحت بسرعه ليهم ووقفت قدام الست دي وقالت: احم في حاجه يا أمي
الست: بناتك دول
حياه: ايوه كلهم بناتي
نظرت لها الست وبعدها نظره للبنات الذين يلعبون معا بنظره غريبه وقالت: يا حسره على بنات طفولتهم هتروح وفي العذاب هيعيشوا ومن الوجع هيدوقوا وفي الانتقام هيضيعوا
حياه بقلق: نعم انتي قصدك ايه
اقتربت السيده من فتاه بشعر اسود وقالت
" طفولتها هتتدمر بسبب قلوب بشر سوداء وهتشوف عذاب مش هتتحمله طفله"
واقتربت من طفله بشعر ناري وقالت
" الوجع هيكون رفيقها والدم هيبقى علطول في ايدها"
واقتربت من طفله بعيون عسلي وقالت
" هيحاولوا ينهشوا في لحمها ونصها هما الاتنين هيضيعوهم منها"
واقتربت من طفله بشعر أحمر وقالت
" الفراق لازم هيتكتب تشوف عذاب أقرب اتنين ليها قدام عينيها"
واقتربت من طفله بعيون خضراء وقالت
" أقرب الناس ليها هيأذوها بس هيكون معاها حد يتوجع معها وهيحاول يخفف من عليها بس للأسف هيبقى فات الأوان "
اقتربت من طفله بشعر بني طويل وقالت
" هتفتكره قريب منها بس للأسف هو تعبان وهيحاول يسيطر عليها "
اقتربت من طفله بعيون زرقاء فذهبت حياه لها بسرعه بس سمعتها قالت
" هيتكتب عليها تتحمل وجع أكثر من طاقتها بكتير هيتكتب عليها الفراق لأعز الناس ليها هيتكتب تفضل مريضه طول حياتها"
حياته بدموع: انت قصدك ايه بالكلام ده
الست بصت للبنات كلهم وقالت
" هيبقوا نار هتحرق الكل بس هتحرقهم هما كمان هيبقوا شياطين بمعنى الكلمه مش هيرحموا اللي يقرب من اللي يخصهم واللي يقرب منهم هيقتلوه بدم بارد الموت هيبقى لعبه هما اللي بيتحكموا فيها قلوبهم هتبقى أقسى من الحجر مش هيرحموا حد ولو مجاش اللي يلحقوا قلوبهم ويخرجوا الأطفال اللي هتتدفن جواهم من تاني هيموتوا قبل ما تلحقى تشوفيهم "
نظرت حياه للأطفال برعب وعندما نظرت للسيده وجدتها اختفت فبصت حواليها ملقيتهاش
أدهم: ماما يا ماما
حياه: ها نعم نعم يا أدهم
أدهم: انتي كويسه ومين الست اللي كانت هنا
حياه بتوهان: مفيش مفيش يلا نمشي
---------------------------
حسن: حــيـــاه
حياه: ها فيه ايه يا حسن
حسن: في ايه انك تايهه متشغيليش بالك بالكابوس ده وركزي معايا كده بدال ما ابص برا
حياه أصبحت فوقه وقالت بغيره: نعم نعم سمعني كده تاني تبص برا علشان افقع عينيك الاتنين دول
حسن بضحك: افقع انتي متأكده انك تركيه يا حياه
حياه كانت تمشي يدها على صدره وقالت بدلال: امممم يعني انا مش كفايه يا حسن علشان تبص برا
قلبها حسن فأصبحت تحته وهو فوقها وقال
" انتي كده بتلعبي بالنار يا حياه"
حياه ضحكت: هههههههه انا هي النار يا حسن ولا انت شكلك نسيت مين هي الملاك الأسود
حسن اقترب منها وقال بهمس: لو كنتي انتي الملاك الأسود فأنا القيصر يا حياتي
Back
فاق حسن علي صوت المأذون يقول بارك الله لكما وبارك عليكما وجمع بينكما في خير
سحب عمر المنديل بسرعه وقال: بيقولوا اللي بيسحب المنديل بعد ما المأذون يخلص بيتجوز بعدها وأنا عايز اتجوز بصراحه وبص على تمنى
شمس: اوعي ياض ايدك وقربت من غزل وقالت: مبروك يا غزل دخلتي العيله ووقعتي الدنجوان عملتيها ازاي دي يا بنتي
غزل بخجل: والله ما عملت حاجه
شمس بعدت عنها: لا بقولكم ايه انا مش بحب البنات اللي بتتكسف دي
ياسين: المفروض اصلا اساس البنات أساسهم الخجل اما انتوا يا عصابه محسوبين على البنات وخلاص
آيات: لا حول الله نبقى قاعدين في حالنا وتيجي الشتيمه لحد عندنا
فهد اقترب منها وقال بهمس: يعني انتي مش بتتكسفي
آيات ببرود: لا
فهد: هنشوف بعدين يا حوريتي بعد ما الفرح ده يخلص
آيات بصتله وقالت في نفسها: هههههههه ده بيحلم باين
مدير القاعه: دلوقتي العرسان يخرجوا في الحديقه علشان نرتب الموضوع
شمس: لا مفيش حد هيخرج
سليم: ليه قطاعه الأرزاق
مصطفى: اهو كده عناد وخلاص
عمران: ليه يا ابني ما اهو لازم خلوه
مصطفي وشمس: خلاص يبقى بمحارم
مالك بتشنج: محارم ده على اساس اني اللي حصل من شويه ده كان ايه ها
شمس: لا بقولكم ايه انتوا مدخلتوش القاعه دخول حلو اطلعوا الحديقه بمحارم وانا والواد ده هنجهز الموضوع
ابتسم البنات بشماته للشباب اما أدهم قعد يضحك وقال عدي: اضحك اضحك ما هو انا برضو كنت حاسس اني اختك هتعمل حاجه فين بقى المحارم
مصطفى: هنا واماني وتبارك وكمان البت ماهيتاب
سليم: منكم لله
شمس: يلا يا ياض منك ليه
البنات بصوا لشمس وقالوا: حبيبتي والله
شمس بغرور: طبعا اومال
خرج الشباب متذمرين والبنات يكتمون ضحكهم ياسين بص لشمس وقال: احم وانا مش من ضمن الموضوع صح
شمس بصت لياسين وقالت بمرح مع لمحه حزن: ما انت هتتجوز وتسيبني خليك معايا شويه قبل ما تروح معاها
احتضنها ياسين ورفعها من الأرض وقال بحنان
" هبقي فوقك على فكرك واراهن انك هتنطي عندنا كل شويه"
شمس حضنته وقالت: هتفضل جمبي وسندي يا ياسين صح
ياسين: اكيد يا مليكه وبعدين انتي يا بت قصيره كده ليه
شمس كشرت وقالت: يا أخي أبو الفصلان وبعدين اسمها انت طويل كده ليه
اقترب أدهم منهم وضمنهم الاثنين وقال
" مبارك يا ياسين "
ياسين: الله يبارك فيك يا أدهم
شمس باختناق: الله يخربيتكم انتوا الاتنين ابعدوا هفطس يا ابو علي الحقني من التيران دي
اقترب منهم حسن وشد ابنته وضمها له وقال وهو ينظر إلى سيف : بنتي حبيتي خليكي انتى اللى جمبي
شمس: اكيد يا ابو علي خد المنديل بقى علشان يستنى لكتب كتاب الواد أيهم علشان انا برا اللعبه دي
حسن: اكيد انا اصلا مش هجوزك
نظر ثلاثتهم لسيف الذي احمرت عيونه من الغضب بس اقترابهم منها بهذا الشكل فارجع ظهره للخلف ونظر لهم ببرود شديد ونظروا له باستفزاز فهم لا يريدونها أن يحصل عليها بسهوله وقال مصطفى: انتي يا به يلا الزفه جات
شمس بحماس: يلا يا درش
وقف سيف واقترب منهم وقال: ودوعها علشان مش هتشوفوها بعد كده تاني غير بعد 3 عيال أن شاء الله
حسن: لاحظ اني دي بنتي
سيف: وهتبقى مراتي يا حمايا العزيز
ياسين بضيق: بس لسه
سيف بص للمنديل وقال بغموض: معتقدش
..........................................
اما في الحديقه عند مالك
كانت ماهيتاب تلعب في الهاتف وأمل تشجعها ومالك يحرك قدمه بعصبيه فقال بابتسامة مصطنعه: انسه ماهيتاب
ماهيتاب: ايوه يا اسطا
مالك: ينفع تروحي تجيبي ليا مياه لاني ريقي نشف
ماهيتاب بشهقه: هاااااا إنت عايزيني امشي صح وشمس تقطم رقبتي قسما بالله ما يحصل
جات رساله لمالك فقال: خلاص اروح انا كده كده دي مش خلوه ده قعده اطفال
أمل بصوت عالي: هاتلي عصير معاك يا مالك
مالك بغيظ: حاضر
مالك طلع وهو بيسب في امل وقابل الشباب فقال بابتسامه: نفس الموضوع صح
عدي بغموض: صح يلا
..........................................
اما عند الدي جي كان مصطفي يقول بحماس
" ياااه يا لطفي اخيرا"
شمس بضحك: عمري ما توقعت اني اعيش اللحظه دي
مصطفى: وحياتك ولا انا يلا يا ميدو جهز المايك
الراجل: اولا انا مش اسمي ميدو ثانيا اسمي محمد ثالثا.......
شمس بغضب: ثالثا اخلص قبل انا ما انا اخلص عليك
محمد بخوف: حاضر حاضر
بعد دقائق أظلم المكان كله وظهرت أضواء وخفت كل ثانيه بلون مختلف واظلم كله وقالت شمس في المايك: تس تس كله يقعد مكانه يا بشر ده اللي داخلين مش اي حد
مصطفى: بت يا اسماء صوري كل حاجه
ضحك ياسين وقال: مفيش حاجة هتتغير
ظهر ضوء على الباب اللي ساحه الرقص فقد هذا الطريق مضئ وكان به أشخاص يرتدون زي سوري ويحملون طبول وفجأه صدحت اغنيه سوريه ودخل الشباب والبنات وبرغم هذا كلهم كانت الفرحه على وجوههم انتهت الأغنيه وجلسوا وقالت شمس: تنتهي فقره العريس والعروسه
مصطفى بمكر: تبدأ فقره أصحاب العروسه
واشتغلت اغنيه🎶كل يوم بيفوت ويمشي🎶 ونزل مصطفى وشمس من عند الدي جي تزامنا مع ذهاب البنات بسرعه إلى ساحه الرقص ودخول عده أشخاص القاعه وهم ينظرون بكره للكل اما شمس ومصطفى راحوا مع البنات وعمر وزين وهنا انضموا ليهم
شمس بغناء🎶 كل يوم بيفوت ويمشي ساب أكيد جواك علمات🎶
نظرت للبنات
🎶ذكرياتي مع ناس نضيفه🎶
ثم نظرت إلى شخص معين
🎶أو مآسي وناس لمامه🎶
أمل اخدت المايك ونظرت للبنات
🎶اللي حبك رغم حملك شال معاك الحمل ياما🎶
ونظرت إلى شخص آخر
🎶واللي مهما بيبتسملك في صفار في الابتسامه🎶
مصطفى🎶 اللي سابك غصب عنه واللي اديك ارتحت منه واللي مش ممكن تقابله تاني غير يوم القيامة...... تاني غير يوم القيامة🎶
نظر الشباب لبعضهم باستغراب فهم تقريبا يقصون شخص محدد
مسكت آيات المايك ونظرت لكذا شخص وقالت
🎶اللي بالغالي اشترتهم لما كانوا ولاي اليتامى زمان بس طلعوا ماعندهم لو بربع جنيه شهامه🎶
روان وهي تنظر اللي بعض الأشخاص
🎶ايه اللي عاش وحقيقته واضحه واللي لسه عليهم غيامه🎶
حبيبه وهي تنظر لشخص آخر
🎶خير عملته وحدت تمنه خير دفعت عليه غرامه🎶
البنات في نفس الوقت وهم ينظرون لبعضهم بقوه🎶 اللي سابك غصب عنه واللي اديك ارتحت منه واللي مش ممكن تقابله تاني غير يوم القيامة🎶
نظر سيف للشباب وقال: بيقصدوا حد بالكلام ده حتى أنهم بيبصوا عليهم
عدي: بس مين القاعة فيها ناس كتير
نظر البنات ببعضهم محددا وقالوا بنظره وجع
🎶واللي مش ممكن تقابله تاني غيرك يوم القيامة تاني غير يوم القيامة🎶
انتهت الاغنيه وهم ينظرون بكره لتلك الأشخاص الذين وقفوا وخرجوا بغضب عندما فهموا ما يعنيه البنات
..........................................
في مكان آخر مظلم
كان يجلس شخص في عقده الثالث ينظر أحدهما بالعقد الخامس "العفريت" والثاني في عمر 29 عام
مجهول١: كيف كان ذالك الزفاف
العفريت بكره/ غنوا البنات وهم ينظرون ل.......
مجهول١/ امممم إذا يوجهون لهم الكره
العفريت بتوتر: أجل لكن اعتقد شمس نظرت لي هل علمت أن اااااا
مجهول١ ببرود: أن كانت علمت لكنت الان في عداد الموتى فهي لا ترحم من يقترب من شخص يخصها وانت ااا
شعر العفريت بالرعب فقد من الفكرة فهي كالشيطان تنخدع بشكلها الملائكي لكنها لا ترحم احد يقترب منها لو من عائلتها
مجهول٢: طب ما نقتلهم ما احنا عندنا اللي احسن منهم
المجهول١ بغضب: تقتلهم انت حمار يعني السنين دي كلها واحنا مانعين اني حد يقتلهم تيجي انت دلوقتى وتقول نقتلهم ده كفايه بس ذكاؤهم ده لوحده كنز فما بالك بقدراتهم في التكنولوجيا والكيمياء والتنكر والقناصه والأسلحة والقنابل والتسلل دي رسيل لوحدها تقدر تسرق مبنى مخابرات إسرائيله من غير ما حد يحس تقدر تتنكر في أي شكل وبأي صوت
وديانا تدخل البلد وتخرج من غير ذره شك غير سرعتها الشديدة في التصويب والباقي زيهم في باقي المجالات وانت تقول نقتلهم كده بكل بساطه
نظر له المجهول٢ بصدمه شديده فهم لم يكن يعرف هذا المعلومات عنهم
العفريت: خلاص يا باشا رافي مكنش يعرف
عاد المجهول١ لبروده وقال: امتا العمليه اللي جايه
العفريت: بعد شهر ونص يا إكس
اكس: كويس خليهم يفرحوا شويه الأول وبعدها نهدد شويتين علشان نشوشر عليهم وندخل الاسلحه البلد
العفريت بقلق: ايوه بس انا خايف من تجمع الوحوش بالبنات دول خصوصا اني الوحوش قوه ميستهاش بيها دول نفس الذكاء
اكس: بس مش بنفس المجالات وبعدين الشك بينهي اي علاقه واوعي تنسى اني الاتنين مخبين انهم.......... يعني بس يعرفوا الاتنين والبنات هيطلبوا الطلاق
العفريت: بس انا خايف ليكونوا حبوهم وقتها هيبقى صعب جدا يسيبوا بعض
ضحك بسخريه وقال: حبوهم بتهزر دول من اللي حصل معاهم زمان من الرجاله خلي قلوبهم زي الحجر دول اي جنس راجل بقرب منهم بيقتلوه بدم بارد وانتي تقولي حبوهم دول ميعروفيش في حياتهم غير الانتقام وبس
..........................................
شمس راحت الدي جي وقالت: بما اني البنات فرحوا ومن حق الرجاله برضو يفرحوا فجيه دوركم
فهد: انا مش متفائل بصراحه
مصطفى بصوت عالي: تحيه لأهل الصعيد ولحمدان المنيـــــاوي
اشتغلت الموسيقى الصعيديه وقالت شمس
" هاتوا العصيان وادوها للعرسان واللي يقول مش بعرف هقول كداب بتعرف انا سألت أدهم وقال بيعرفوا"
مصطفى: وهو كمان يقوم هو والكابتن اللي جنبه ده
قام الشباب تحت إصرار البنات عليهم ونزلت شمس وقالت: ياسين أنت بتعرف قوم انت والواد ده
أدهم: انا مش هقوم
شمس: هتقوم وصاحبك ده هيقوم برضو
سيف ببرود: انا مش هرقص
شمس: ليه خايف على برستيجك ما هم قدامك رايحين يرقصوا قوم بقى يخربيت الكآبه
ياسين قام وقال: قوموا يلا
ذهبوا لكي يرقصوا وكانوا رائعين في الرقص الصعيدي وعمر قلع الجاكيت وقال: وانا كمان بعرف
البنات فجأه قاموا وشدوا شمس وراحوا لدايره الرقص وياسين وادهم وعمر بعدوا وفضل الشباب والبنات والشباب كانوا بيلفوا حوالين البنات والبنات بيشاركوهم بضحك وكانت السعاده تملأ عيونهم فعل ستدوم
بعد وقت من الرقص كانت خفت الإضاءة في القاعه وانسحبت شمس وسيف وبقي 8 فقد
حبيبه: في ايه؟؟!!
امسكها عدي من خصرها وقال: في اننا هنرقص
اشتغلت اغنيه 🎶الف ليله وليله 🎶
وبدأ يرقص الكابل هم فقد على الانغام ويتحركون في كل مكان وبشكل دائري اما البنات فقد ينظروا إلى عيونهم بعدم تصديق وبعدها بصوا لشمس ومصطفى اللي كانوا واقفين في حاجه شبه شرفه تتطل على القاعه كلها ترقعت شمس صوابعها فنزل الكثير والكثير من التراب البراق كأنهم في فيلم سندريلا تماما
أمل بصدمه: مش مصدقه
مالك بحب: صدقي وخلينا في الرقصه
🎶احكي يا شهر ذات احكي شهريار.... اشغليله ليله لطلوع النهار..... حياريله باله.... غيريله حاله خلي عقله دايما في حاله انبهار.....🎶
🎶الف ليله وليله قصه كل ليله..... الف ليله وليله قصه كل لــيــلــه🎶
🎶قولي من البدايه اول الحكايه.... خليه في النهايه يفضل في انتظار..... يسأل على البقيه للحكايه دي.... واوعي يا صبيه تقفلي الستار..... احكي يا شهر ذات.... حكي يا شهر ذات...... احكي يا شهر ذاااااات🎶
🎶الف ليله وليله قصه كل ليله..... الف ليله وليله قصه كل ليله..... الف ليله وليله قصه كل لــيــلــه 🎶
(احم محدش يتريق اجدعان الاغنيه دي مقدسه عندنا في الافراح وانا بصراحه بحبها)
..........................................

Sabreen ❤️