رواية عشق الرفاعي 🤍🌸 الفصل السابع 7 - بقلم Shadow Muse♡

السلام عليكم.
بعتذر عن التأخير في الفصل ده بس الأحداث نااار 🔥🔥 وإن شاء الله تعجبكم.

كانت تجلس في غرفتها غارقة في التفكير فيما قاله لها والد إياد "صبري بيه" لطالما احبت ذلك الرجل ولكنه اليوم اظهر وجه اخر وجه مخيف راته منه جعلها تدرك حقيقة البشر اخذت تتامل في سقف غرفتها تسترجع ما حدث بينها هى وصبري بيه

flash back •♕

____________________________________

في مكتب إياد بفيلته الخاصة.

كانت تهز قدميها من شدة توترها ومديرها في العمل بل اكثر فهو دائما كان يدعمها وكان كالاب بالنسبة لها يجلس امامها حتى قطع صمتهم سؤاله لها بصراحة تامة.

صبري: أنتي حامل يا مرام ولا دي كذبة من ابني.

مرام: دي كذبة من اكاذيبه وانا اتفاجئت بيها زي حضرتك والعيلة.

صبري: طالما بتحبيه رفضتي ليه لما سالتك تتجوزي اياد في المستشفي.

مرام: أنا محبتهوش انا انجبرت في فرق كبير بينهم يا صبري بيه وابنك السبب في كل ده.

صبري: من الاخر يا مرام كام وتسيبي إياد.؟

مرام: انا مش رامية نفسي على ابنكم افهم كده يا صبري بيه والزموا حدودكم انا مهما كنت ابقا مراته معملناش حاجة حرام والانفصال اظن انه يرجع ليا انا واياد.

صبري: لو عايزه تكملي يبقا استحملي اللي هيحصل فيكي منهم.

مرام: من مين؟

صبري: ام اياد وبنت خالته ومرات اعمامله وغيرهم كثير احنا عيلة ونسب وشرف وانتي يا بنتي مجرد دكتورة كانت شغالة عندي.

back♕•

افاقت من شرودها على دخوله عليها فقد فتح الباب بعنف بدون طرق حتى.

إياد: ايه اللي حصل بينك وبين ابويا يا مرام في المكتب.؟

مرام'ببرود': ولا حاجة اتكلمنا.

إياد: متعصبنيش يا مرام اتكلمتوا في ايه انطقي.

مرام: قلتله اني مش حامل ببساطة وان محدش ضرب سيادة المقدم على ايده عشان يتجوزني واني اصلا مبكرهش في حياتي قدك يا إياد.

إياد: وانتي مين سمحلك تقوليله انك مش حامل.

مرام: دي الحقيقة يا إياد بيه واه ابقا قول للوالدة لحسن هيجيلها جلطة من الخبر ده قولها انه كذب في كذب زيك بالضبط.

إياد: متتعديش حدودك ومتنسيش نفسك انا اشتريتك بفلوسي يا مرام.

مرام: امسكت بڤازة بالقرب منها والقت بها على الارض وقالت: فلوسك هى دي فلوسك صح واستمرت فى ما تفعله حتى كسرت معظم الانتيكات بالغرفة وقد جرحت يديها واخذت دمائها تتناثر على الارض.

اياد امسك بها باحكام في محاولة منه لتهدئتها

مرام: ابعدته عنها ولكن الاخر حملها بين ذراعيه ووضعها على السرير وذهب ليحضر علبة الاسعافات الاولية.

إياد: اهدي يا مرام وهاتي ايدك اطهرها.

مرام: ابعد يا اياد انت كل ما تقرب بتاذيني طلقني وسيبني في حالي.

امسك الاخر يديها بعنف واخذ يطهرها. وبعدما انتهى خرج من الغرفة في برود تام ولكن بداخله يغلي كالنار.

ركب سيارته وقاد بجنون متجهاً لقسم الشرطة.

أما عند جواهر وزين•

مر وقت طويل منذ اخر مرة ذهبت لشركته هى تعلم عواقب افعالها ولكنها قد سئمت منه ومن كبريائه مضى اسبوع منذ اخر مرة التقت به وها هى الان تشتاق له رغم كل شي.

اصوات رنين هاتفها معلنة وصول مكالمة ذهبت سريعاً لترد وما ان رات اسم المتصل حتى ارادت ان تشنقها لو كانت امامها

فاطمة: ألو

جواهر: الو يا زفتة لسه فاكرة تسألي ده انا هاكلك علقة لو عرفتي اللي حصلي بسببك تقدميلي قربان كل يوم يا كلبة الكلاب.

فاطمة: براحة يا ملكة انا استاهل مليون جزمة بس انا بتصل عليكي لازم اقابلك ضروري اسمع منك اللي حصل واقولك على حاجة مش هينفع فون ف قابليني في المطعم الفلاني.....

جواهر: طيب يا كلبة اما نشوف اخرتها.

في إحدى المطاعم الراقية دخلت بخطوات سريعة وغاضبة نوعاً ما وما ان رأت فاطمة حتى انقضت عليها تانبها على توريطها لها.

فاطمة: أنا اسفه يا جواهر اسفه بجد معرفش هو عملك ايه بس اسفه اني دخلتك في مواضيع سخيفة زي دي بس مقدرتش مقولكيش بصراحة زين اتصل وسألني انتي تكوني مين وهددني انه هيقول لابويا على اللي حصل وقال طالما انا هساعده واقوله مكان شغلك هيرفض يتجوزني ومش هيقول لحد أنا عارفة إني كنت أنانية سامحيني يا جواهر.

جواهر: أنتي أنتي ازاي ازاي؟! ازاي تعملي كده مفكرتيش فيا لو للحظة.

فاطمة: انا اسفه بجد ثم اخذت تبكي.

أما الاخرى فلم تستطع ان تتركها هكذا فهى صديقة عمرها ذهبت نحوها واحتضنتها واخذا يبكيان سويا

فاطمة: لسه زعلانة؟

جواهر: أكيد بس هحاول انسى يا فاطمة.

فاطمة: هو عملك ايه احكيلي كل حاجة حصلتلك لاني كنت بره مصر ومعرفش اي حاجة.

بعد فترة من الزمن.

جواهر: وبس كده يا ستي امي واختي فاكريني فاقدة الذاكرة غير اني مضطرة اشتغل في شركة المعفن ده.

فاطمة: ده انتي ولا الافلام والروايات .

جواهر: ده كله بفضلك يا زفتة.

فاطمة: خلاص بقا يا جوجو بقلك في الفترة دي كلها محصلش اي مشاعر بينكم.

جواهر: لا ومش هيحصل .

فاطمة: متأكدة؟!؟ ده انا عارفاكي اكتر من نفسك على العموم هسيبك لحد ما تيجي وتعترفي انك وقعتي في حب زين الرفاعي.

جواهر: في أحلامك.

في منزل صبري الشرقاوي •

نهى: يا ماما اهدى هو اتجوزها معملش حاجة غلط!

الام: اسكتي خالص انتي صغيرة ومتفهميش في مواضيع الكبار متدخليش فيها.

نهى: مش انتي كان نفسك يتجوز ويجيب اطفال اهو اتجوز اهو.

الام: يتجوز واحدة من مستوانا مش جايبلي زبالة من الشارع.

مها: عندك حق يا طنط مش عارفه ازاي قبل انه يتجوزها اياد زوقه راقي.

الام(مريم): هى من نوع البنات اللي معندوش اخلاق هى وقعته.

صبري(والذي قد جاء من الخارج للتو): لا يا مريم ابنك متجوزها بمزاجه.

الام: وانا مش هسمحله يكمل الجوازة دي هيطلقها.

صبري: اعملوا اللي تعملوه تعبت منكم كلكم.

الام: ده بدل ما تيجي تشوف المصيبة اللي احنا فيها بس متقلقش يا صبري انا هعرف ازاي اخليها تبعد عنه.

في مكتب زين •

منى: نعم يا استاذ زين حضرتك طلبتني.

زين: اه يا منى هى جواهر لسه مجاتش.

منى: لسه يا استاذ بس هى قالت انها هتيجي النهاردة.

زين: اول ما تيجي تبعتيها هنا.

منى: تمام.

بعد ساعة •.

منى: جواهر اخيرا وصلتي. ايه كل ده مبتجيش ليه؟

جواهر: كنت تعبانة بس.

منى: تمام استاذ زين عايزك في مكتبه.

جواهر: هى ناقصة وشه على الصبح.

منى: بتقولي حاجة.

جواهر: اه بقولك كويس اني شربت قهوة الصبح.

منى: اها تمام.

دخلت بخطوات ثابتة فقد وعدت نفسها بان لا تظهر الا قوتها بعد الان.

جواهر: حضرتك طلبتني يا زين بيه.

زين: اخيرا الموظفة الدلوعة وصلت تقدري تقولي مجيتيش ليه الايام اللي فاتت.

جواهر: لا يا زين بيه مقدرش ظروف خاصة ومتقلقش كل الاوراق اللي طلبتها جاهزة ومظبطة مواعيدك كلها.

زين: من غير كلام كثير جدي جاي القاهرة واحنا قدامه لسه متجوزين هتيجي كام يوم عقبال ما يمشي.

جواهر: لا طبعاً احنا انفصلنا مقلتلوش ليه.

زين: متوفرتش فرصة.

جواهر: يبقا تقوله دلوقتي.

زين: افهمي مقدرش اقوله دلوقتى حالته الصحية مش احسن حاجة.

جواهر: دي مش مشكلتي يا زين بيه انا مقدرش اعيش معاك واهلي اقولهم ايه كمان.

زين: هتيجي يا جواهر لانك عارفة وشي التاني وعارفة اقدر اعمل ايه وبعدين انتي مش اول مرة تمثلي ده انتي خبرة ولا تحبي افكرك يا فاطمة الدمنهوري!

جواهر: مش هعمل كده!

زين بصوت عالي نسبياً': براحتك بس تفتكري انتحال الشخصية بياخذوا كام سنة سجن وبعدين انا ظابط يعني ممكن ارشلك على التهمة دي شوية تهم لوز اللوز.

جواهر: انت ازاي مقرف كده؟!

زين: اممم هبقا احاسبك عليها بعدين بس جهزي نفسك بكرة الصبح تكوني في بيتي ولو مجيتيش ابعت واقول لامك يا روح امك على اللي حصل بيننا وشوفي بقا هتستحمل ولا ايه .

"بصي يا جواهر من الاخر انا اقدر امسكك من مليون ايد بتوجعك ف متحاوليش ترفضي"
وانا مش مستعد اخسر جدي انتي متعرفيش لما عرف انك اجهضتي حصله ايه!

خرجت من مكتبه تحاول اخراج كلماته من راسها فكلماته كافية ان تجعل يومها عابس.

" يا مدام ابنك وصل وانا رايح"

"تمام عارف هتقول ايه طبعا ومتنساش الصور اللي معاك اقوى دليل قدامه"

"اكيد طبعا يا هانم"

في إحدى المقاهى الراقية•

دخل بخطواته الثابتة ورائحته النفاذه وجلس على إحدي الطاولات.

الجرسون: يا باشا تطلب إيه؟

إياد: قهوة سادة.

كان جالساً يفكر فيما صار بالفترة الأخيرة بعدما عرف اهله بزواجه ويفكر فيها هو لا يفهمها ولا يستطيع ان يكرهها شعوره ناحيتها غريب .

قاطع تفكيره ذلك الرجل ذو الجسد الرياضي.

الرجل: ممكن من وقتك دقيقة؟

إياد: اتفضل!

الرجل: حبيت بس اديك الصور دي وقبل ما تفتحها اقولك ان مراتك خانتك معايا وتخيل ده مقابل بس مليون جنية.

إياد: هجم على الرجل وامسك ياقته وقال: "أنت هتستعبط يا روح امك ومراتي تعرفك منين"

الرجل: يا سيادة المقدم بص على الصور الاول واحكم وانا قولت احذرك لانك محترم ومتستاهلش تتختم على قفاك.

إياد: عارف يا حلو لو اكتشفت ان حد زقك عليا هعمل فيك ايه والله لازفك زفة في الزنزانة ويبقا السجن بيتك المستقبلي.

ولو اكتشفت انه حقيقي مش هعتقك برضوا.

القى بالرجل على الترابيزة مما جعله يقع على الزجاج المكسور من الاكواب التي كانت عليها وخرج هو من المقهى بالصور سريعاً.

اتجه ناحية سيارته وفتح الصور التي وجد بداخلها اخر شئ اراد ان يراه في العالم قاد سيارته بجنون متجهاً لمنزله.

دخل الڤيلا وصعد للطابق الثاني متجهاً ناحية غرفتها فتح الباب حتى بدون طرقات وامسك بشعرها بقوه قائلا"يعني الهانم مش كذابة وبس وكمان خاينة ".

مرام: شعري يا إياد في ايه؟!

" صفعات متتالية على وجنتيها ثم القى بها على الارض."

مرام: انت بتعمل كده ليه انت اتجننت.!

إياد: انتي اللي عملتي كده ليه انا عملت معاكي ايه عشان تعملي كده فيا؟

مرام: انا معملتش حاجة!

إياد: اومال ده ايه والقى بالصور في وجهها.

نظرت الاخرى للصور بصدمة هى تعلم انها ليست هى التي بالصور ولكن تباً تبدوا مثلها تماماً!

مرام: دي مش انا والله مش انا انا معرفش حتى الراجل اللي في الصورة والله يا إياد ما بخونك ولا عملت كده حتى والله.

إياد: وعملالي فيها شريفة وبتبعدي عني وانتي مدوراها من ورايا.

مرام: والله مش انا ومش عايز تصدق براحتك انا اصلا لا يمكن اقعد معاك هنا انا عايزه اطلق طلقني.

إياد: اطلقك عشان تروحيله لا وحيات امك ده انا هوريكي النجوم في عز الظهر!

مرام:نهضت من على الارض واتجهت نحوه وامسكت بياقة قميصة وهى منهارة واخذت تضرب على اكتافه العريضة بشده" مش عايز تطلق براحتك بس انا مش هعيش معاك وانت فاكرني رخيصة "

انت قبل كده غصبتني اتجوزك وخسرتني حريتي لكن دلوقتي كسرتني وخسرتني شرفي انا بكرهك يا إياد.

إياد: مش هيجوا عليا دموع التماسيح دي وفريهم عشان الايام جاية كتير.

وخرج تاركها على الارض تبكي على نفسها.

اما في مكان اخر.

"عملت كل حاجة"

"مكانش طايق نفسه يا هانم وعينه انا قولت هيقتلها"

"هههه هيقتلها دي حاجة بسيطة انا امه وعارفه"

"اظن كده عداني العيب ايدك على الفلوس"

___________________________________

مراتك خانتك "مليون جنية" الصور"

كلمات تُردد في عقله لا يستطيع اخراج تلك الكلمات من عقله امسك بكاسة الماء في يده والقي بها على الارض واخذ ينظر للصور التي امامه على الطاولة

امسك بهاتفه واتصل على صديق له.

إياد: ألو يا مازن" معلش تقدر تعملي خدمة"

مازن: ايوه طبعاً يا عم إياد اتفضل.

إياد: في صورة عايزه اعرف حقيقية ولا لا بس مش عايز حد يعرفلها طريق حتى انت هتشوفها وتمسحها.

مازن: عيب عليك يا عم انا بحترم خصوصيات كل الناس بس صورة مين اللي تهمك كده.

إياد: متشغلش بالك بس بسرعه يا مازن.

مازن: تمام ابعتها وهقولك على بكره كده عشان اكون اتاكدت.

أمام ڤيلا زين الرفاعي •

وصلت في الساعة السابعة صباحا •

نظرت للمكان وتذكرت اخر الاحداث في اخر مرة لها هنا ارتعد جسدها من فكرة انها ستدخل لهذا المكان مجددا ولكن استجمعت قواتها ودخلت.

وصلت لتجد الڤيلا مفرغة من الخدم واصلت المشي نحو المطبخ لتجده يحضر قهوته تحمحمت ليتلفت لها الاخر.

زين: امم شايف انك جيتي.

جواهر: انت عارف جيت ليه بس فين الخدم؟

زين: في اجازة بس متخافيش مش هنكون لوحدنا

جواهر: امم مين هنا يعني؟

زين: فاطمة صحبتك وحبيبها.

جواهر: وانت جبتها ازاي وهتقول ايه لجدك.

زين: جدي جاي يوم وهيمشي ودي صاحبتك ومعزومة معتقدش في مشكلة.

جواهر: اه صح.

زين: اطلعي غيري هدومك وانزلي.

صعدت لغرفتها لتجد فاطمة بالداخل.

جواهر: يا كلبة ازاي متقوليش انك هنا.

فاطمة: كنت هعملهالك مفاجاة عموماً احنا بس اللي نعرف الموضوع وبعدين خفت عليكي تقعدي معاه لوحدك فوافقت.

جواهر: هو فين اللبس.

فاطمة: انا جبتلك معايا كل اللي هتحتاجيه وهما في الدولاب.

ارتدت فستان صيفي باللون الوردي مع كعب ابيض وفيونكة بيضاء وشنطة باللون الوردي.

فاطمة: طالعة بتجنني والله لو انا افتكر انكم متجوزين وعن حب.

جواهر'باستخفاف': اه طبعاً عن حب الحب ولع فينا.

كانت تنزل على السلالم وصدى صوت كعبها في المكان.

نظر لها وعيناه تعلقت بها حتى وصلت عنده هو حقا مسحورٌ بها.

بعد نصف ساعة وصل الجد أخيراً.

اقترب من جواهر واحتضنها معبرا عن حزنه لفقدانها الجنين.

وسلم على الباقي.

على مائدة الطعام •

الجد: كده انا اتطمنت عليكم.

زين: متقلقش يا جدي جواهر في عيني.

جواهر: اهاا طبعاً يا حبيبي.

اقترب منها زين واحتضنها بشكل عفوي.

فاطمة: نكزت جواهر من اسفل الطاولة "كفاية تمثيل انا صدقت"

الجد: عندي ليك مفاجاة يا زين.

زين: ايه يا جدي.؟

الجد:هتوصل عن قريب.

بعد نصف ساعة دق باب الڤيلا •

فتحت جواهر ورأت امامها شاب في مقتبل الثلاثينات ذو جسد رياضي وشعر كستنائي ووجه مفعم بالحيوية وعيون خبيثة تخفي الكثير.

الجد: راكان حبيب قلبي ابن عمتك نزل من السفر.

زين: كانت ناقصاك بتقل دمك.

جواهر: انت بتكرهه ليه؟

زين: مش بكرهه ده كان صاحب عمري.

جواهر: واي اللي جد؟ ده باين عليه طيب.

زين: شئ ميخصكيش.!

راكان: والله يا زين نازل عليك جدو اصر اني اجي اتغدى معاكم بس مقلتليش زوقك اتحسن جداً دي مراتك؟

زين: امسك يد جواهر بتملك وغيره وقال: اه مراتي مفيش مبروك.

راكان: الف مبروك يا سيدي. وفاطمة الدمنهوري بتعمل ايه هنا؟

فاطمة: انت تعرفني؟

راكان: طبعا مين ميعرفش وريثة شركات الدمنهوري.

"اتشرفت يا انسه فاطمة"

فاطمة: الشرف ليه اعرفك حبيبي ساهر.

راكان: اهلا وسهلا.

ساهر: اهلا بحضرتك اتفضل اقعد عشان تاكل.

الجد: اه اقعد عشان ساعتين ونروح.

راكان: غريبة يا زين. ليه مش جايب جواهر وتعيش في السرايا في الصعيد في قصر العيلة.

زين: مراتي وانا حر.

الجد: هيعيشوا معانا بس سنة تعدي كده ويجوا صح يا جواهر.

جواهر: ها؟ إن شاء الله يا جدي.

راكان: صح حبيت ابارك انكم رجعتوا لبعض مش انتوا كنتوا انفصلتوا باين؟

الجد: مين دول اللي انفصلوا؟

يتبع.......

اسفه جداً على التأخير في النشر بحبكم. 🤍

تفتكروا إيه اللي هيحصل بين...

مرام وإياد!❤️‍🔥

زين وجواهر 🔥