الفصل الرابع عشر

رواية عشق الصغيرة الجزء الرابع عشر 14 بقلم سولييه نصار عشق الصغيرةرواية عشق الصغيرة الحلقة الرابعة عشر -ايه قررتي تعفو عنه أخيرا!

قالها عمرو مبتسم وهو شايفني مجهزة شنطتي ….مر اسبوعين على كلام عمرو ليا أن احمد بيحبني من زمان …مكنتش متقبلة الموضوع ده …بس بفتكر تعامل احمد معايا …احمد من صغرنا بيهتم بيا اووي ….مدلعني ومرتبط بيا ….ولما كبرت كان دايما بيتضايق من قُرب اي شخص ليا…بالذات عمرو …مكنتش فاهمة بس دلوقتي فهمت …هو كان بيغير ….حتى اكتر مني ….ابتسمت وقولت : -حسيت أن تلات اسابيع عقاب كفاية عليه …. -يا ستي كنتي كملتيهم شهر انتي واقعة كده ليه ؟!

قالها وهو بيضحك فابتسمت وقولت : -بصراحة قلبي مش مطاوعني اعمل كده . قولتها وانا مبتسمة فضحك وقال : -قلبكم خفيف انتوا الاتنين … -عقبال ما قلبك يبقى خفيف زينا … قولتها وانا بضحك وبعدين كملت : -يالا عشان توصلني هناك في طريقك …. -طيب … ودعت خالتي وركبت الموتوسيكل وراه …وانطلق بيا … دخلنا جنينة فيلا عمي ونزلت وانا بقوله: -شكرا يا عمرو … -ليا …وحشتيني … قالتها رنا وهي بتطلع من الفيلا وبتجري عليا …حضنتني جامد وقالت :

-بجد وحشتيني اووي …متبعديش عني تاني …والله لو كنتي قعدتي يوم كمان كنت هجيلك شقة خالتك والله … -ياريت كانت فضلت يوم كمان عشان تنورينا … قالها عمرو بهزار … وش رنا احمر وهي بتمسك ايديا وبتقول : -يالا ندخل …. وبعدين بصت لعمرو وقالت : -اتفضل اشرب حاجة … -هتشربيني ايه ؟! -يعني اللي انت عايزه عادي …هخلي طنط ام عزة تعملك… -شوفي أنا هدخل بس بشرط تعمليلي انتي اللي اشربه … بصتله وانا ببتسم …هو دايما بيحب يشاكس احمد ورنا …

فقالت رنا بإرتباك : -أنا معرفش اعمل الا ميلك تشيك شوكولاتة عشان بحبه -ماشي اعمليه … بصتله بصدمة …مشيت رنا ودخلت الفيلا وهو ساب الخوذة بتاعته عشان يدخل مسكته من دراعه وقولت: -ميلك تشيك ايه …انت بتحب اللبن اصلا !!! زق ايدي وقال : -بقيت بحبه ملكيش دعوة. .. وبعدين دخل الفيلا فبصتله بصدمة …

شرب عمرو الميلك تشيك اللي عملته رنا …كنت شايفة وشه وهو بيشربه بالعافية …وحقيقي معرفش ايه اللي في عقل المجنون ده …بعدين رنا قالتلي أن احمد نايم في اووضته … طلعت اوضته بسرعة وفتحت الباب وانا ببتسم وشايفاه نايم …قربت منه وقعدت على السرير كنت ببص على ملامحه بحب وانا جوايا بصر.خ: -أحمد بيحبني أنا …بيحبني مش قادرة اصدق … كنت حاسة بسعادة كبيرة …مكنتش عايز اضيـظع وقت …. -أنا بحلم صح …

صوته خرجني من شعوري ….فتح عينيه وكان صحي … ابتسمت بكسوف فقال وقعد قصادي وقال : -أخيرا قررتي تعفو عني يا ست ليا ؟ ابتسمت وانا بفتكر الاسبوعين اللي مكنتش برد فيه على مكالماته..وحتى مكنتش بطلع لما كان بيجي بيت خالتي. ..وهو مكانش بيضغط عليا …صحيح أنا زودتها معاه اووي …بس خلاص قررت اتقبل الوضع …اتقبل حبه …. -جيت أجاوبك على سؤالك … بصلي بحيرة فقولت :

-قولتلي اني مثلا ممكن توافقي لو واحد أكبر منك بعشر سنين اتقدملك فأنا جاية اقولك اني موافقة عادي … ضحك بسعادة وقال : -يعني نخلي فرحنا الاسبوع اللي جاي … -موافقة .. قولتها بسعادة فقال : -مش هتند.مي يا ليا …لما تشوفي اني دخلت في الاربعينات وطلع ليا شعر أبيض وانتي لسه شباب… ضحكت وانا بلمس شعره وبقول اغيظه : -أنت طلعلك شعر ابيض already يا عجوز …. -ليا … قالها وقام فجريت وانا بضحك … ….. بعد أسبوع .

كنت في قمة سعادتي وانا برقص معاه …عينيه العسلية كانت بتبصلي بحب كبير ..حب هو محاولش يخفيه …كنت طالعة حلوة وكنت احلى في عينيه … -بحبك يا ليا ⁦⁦♡ قالها بحب فابتسمت….حبه كان زي الهوا ليا … حطيت راسي على كتفه وانا بهمس : -وأنا كمان بحبك ⁦⁦♡ كان عمرو في الحفلة بيبصلهم من بعيد بسعادة …كان فاكر أنه هيزعل لما تتجوز ليا بس محسش بحاجة …اكتشف أنه كان مجرد اعجاب وانتهى. …عينيه دلوقتي بقت بتلاحق حد تاني …حد بعيون عسلي …كانت عينيه

عليها فاتنهد وهو بيقول : -عَيناكِ العَسليتانِ شَهدٌ. .يَقتُلُني ويُحييني من جَديد ⁦⁦♡ تمت