رواية عشق بعد دمار الفصل العاشر 10 - بقلم @Aya Asman219

بعد مرور عدة ساعات وصلت جميع السيارات الي تجمع منازل المهدي ومهران وقفوا امام المنازل ونزل الجميع من السيارات ونظروا بإنبهار للتجمع
مرام بإنبهار:وااااو المكان تحفة
مريم:احنا ليه ماجيناش هنا قبل كده مع انه يبقي بتاعنا
سليمان:لينا خلصت تصميم التجمع ده من شهر علشان كده ماكناش بنيجي
اكرم بإستغراب:البيوت كله جديد بس ليه البيت اللي هناك ده مش زيهم
لينا:كل واحد ليه حرية التصرف في اي بيت من البيوت دي لكن لو عرفت بس ان حد راح البيت اللي هناك ده مش هيحصله كويس
كانت لينا تشير للمنزل القديم جائت مرام لتتحدث ولكن اوقفتها لينا
لينا بغضب:قولت مش هيحصله كويس البيت الكبير ده هيبقي مكان تجمعنا كلنا انما البيوت التانية كل واحد يختار اي بيت يعيش فيه ويلا كلكم اتفضلوا
دخل الجميع للمنزل وجلسوا بالصالون من التعب
مريم:لينو حبيبتي
لينا:ارغي عايزة ايه
مرام:انا ومريم عايزين نروح المول
لينا:احنا لسه واصلين بكرة هبقي اوديكم
مريم:لا يالينا خليها انهاردة بليز وكمان انا ومرام واحدة صاحبتنا فرحها بعد بكرة وهي هنا في القاهرة وكانت عازمانا واحنا كنا شيلين هم موافقتك وجه موضوع كمال فسهل الموضوع
نظرت لها لينا بحزن ونظر لها الجميع بغضب وقفت لينا وذهبت لكي تخرج ولكن توقفت عند الباب
لينا:اجهزوا انا مستنياكم في العربية
وتركتهم وخرجت وعيناها تلمع بالدموع
في الصالون
روز بغضب:انتي غبية مش تحاسبي علي كلامك
مريم بحزن:والله مكنتش اقصد ماخدتش بال من كلامي انا اسفة
داليا:خلاص ياحبيبتي يلا روحي انتي ومرام لإنها مستنياكم
خرجت مرام ومريم من المنزل وذهبوا الي لينا وجدوها تجلس بالسيارة وترجع رأسها للخلف مغمضة العينان ذهبوا اليها وركبوا السيارة فتحركت لينا وكان الصمت هو سيد المكان
مريم:انا اسفة
لينا دون ان تنظر لها:ولا يهمك
مريم:يعني مسامحاني
لينا:ايوة
مرام:لينا
لينا:امممم
مرام:انا كمان اسفة سامحيني
لينا:قفلي علي الموضوع انا نسيته اساسا
مرام:يعني مسامحاني انا كمان
لينا:ايوة
مرام:مريم انا مش مصدقاها
مريم:ولا انا
لينا:مش مصدقيني في ايه
مريم:انك مسامحانا انتي اكيد لسه زعلانة
لينا:بس انا مسامحاكم ومش زعلانة
مرام:طيب لو مسامحانا لازم تسيبي نفسك لينا
لينا:يعني ايه
مريم:لما نوصل المول
قامت مريم بتشغيل الأغاني وظلت تغني هي ومرام ولينا بعالم اخر ليست معهم
٪٪٪٪٪٪٪٪٪٪٪٪٪٪٪٪٪
في المنزل
آدم:انا همشي عندي مشوار
اكرم:خدني معاك
توفيق:مشوار ايه
اكرم:هنروح الشركة نخلص شوية شغل
جني:طيب متتأخروش
ادم:لا في الحكاية دي ماوعدكيش احنا عندنا شغل كتير
جني:ما انا عارفاكم ياولاد توفيق مش هاخد منكم لا حق ولا باطل
اكرم:حبيبتي ياجوجو احنا عندنا شغل يلا يا ادم مش هنخلص
خرج ادم واكرم بسرعة وركبوا السيارة وذهبوا للشركة
في المنزل
جني:شوفت ولادك ياتوفيق هتشل ياما هتشل
داليا بضحك:اهدي ياجني اعصابك ياحبيبتي
روز:صحيح ياجني  ازاي اكرم اسمه اكرم السباعي وانتي بتقولي ابنك فين اهله
جني:اكرم يبقي اخو ادم في الرضاعة انا لما ماقدرتش ارضع ادم فهو رضع مع اكرم ومامت اكرم كانت صاحبتي جدا ماتت هي وبابا اكرم في حادثة وهو عنده١٠سنين
داليا:ربنا يرحمهم
جني:يااارب ياحبيبتي
٪٪٪٪٪٪٪٪٪٪٪٪٪٪٪٪٪٪٪٪٪٪٪
في المول
وصلت لينا بالسيارة ونزلت لينا ومرام ومريم ودخلوا لقسم الفساتين ذهبت مرام ومريم ونظروا للفساتين وسارت لينا بالمول وذهبت لقسم الأطفال دخلت فوجدت الكثير من السيدات والأطفال لفت نظرها سيدة حامل اعتقدت انها بالشهر الخامس وجدتها تمسك بالملابس الصغيرة وهي مبتسمة وتضع الملابس علي بطنها المنتفخ وتحدث ابنها بسعادة امتلئت عينها بالدموع وتذكرت عندما كانت تحضر ملابس لطفلها
Flash Back
في المول
ذهبت لينا وروز وداليا ومرام ومريم للمول لشراء ملابس للطفل كانت لينا سعيدة وهي تختار ملابس لصغيرها امسكت احدي الملابس ووضعتها علي بطنها المنتفخ وهي تبتسم
لينا بإبتسامة:ها ياحبيبي دي هتبقي كويسة ليك ولا لا ماما تعالي شوفي اللبس ده عجبني اوي ومتأكدة جدا جدا انه هيليق بآسر
داليا:جميل اوي ياحبيبتي بس متتحركيش كتير علشان ماتتعبيش
لينا:انا مستعدة اني اتعب بس لازم ابني لما يتولد يلاقي كل حاجة جاهزة ليه من اوضته ولبسه وكل حاجة
وتركتها لينا وذهبت لمرام ومريم
داليا:يارب يديم فرحتك دايما يالينا وماتختفيش ابدا
روز:يارب ياداليا
End Flash Back
نزلت دمعة من عين لينا بحزن فوجدت  سيدة كبيرة تقترب منها وتمسح لها دمعتها
السيدة:اهدي ياحبيبتي ده كله خير ماتزعليش
لينا بجود:وانتي تعرفي ايه عني علشان تقولي كده
السيدة:انا واحدة قد والدتك وعرفت من نظرة عنيكي لبنتي انك حزينة يمكن علشان خسرتي ابنك او مابتخلفيش
قولي ياحبيبتي بطل البرود اللي وراه حزن والم ده ومن حكاية انا اعرفك ففعلا انا اعرفك انتي الرائد لينا المهدي غنية عن التعريف فضفضي ياحبيبتي
جلست لينا علي الأرض ورجعت رأسها للخلف
لينا:انتي بقي تعرفي عني حجات اكتر من امي
السيدة:عادي ياحبيبتي الدنيا تجارب طيب بصي انا هحكيلك حكايتي انا من زمان ومحدش يعرف حكايتي
لينا:اتفضلي
جلست السيدة بجوارها وبدأت بقص حكايتها
السيدة:انا من زمان كنت متجوزة واحد انا كنت بعشقه جدا بس مكنتش اعرف هو بيحبني ولا لا كان في الأول بيعاملني بحنية وكان بيعملني بحب بس بعد كده بقي يضربني ويهيني وانا كنت اسكت كنت اقول مهما يحصل عمره ماهينسي حبك بس طلعت غلطانة عدا شهرين علي جوازنا وبعدها لقيت نفسي بتعب دايما ومش ببقي طايقاه ريحة الأكل رحت كشفت الدكتورة قالتلي اني حامل كنت فرحانة جدا رجعت البيت بسرعة وروحت حكيت لجوزي لقيتوا اتعصب وقام ضربني انا مكنتش خايفة علي نفسي كنت خايفة بس علي ابني اول ماخلص ضرب فيا سابني ومشي عدا٩شهور وانا بهتم بنفسي وبحاول اتجنب خالد علشان ابني يوم الولادة كانت صاحبتي معايا في اليوم ده وانا تعبت جدا فهي خدتني المستشفي وولدت بس في اليوم ده جالي خبر موت بنتي وطلع باباها هو اللي موتها تعبت جدا وحاولت اسجنه بس معرفتش سيبتله البيت ومشيت روحت اشتغلت علشان اعرف اعيش اشتغلت مربية شايفة البنت اللي انتي كنتي بتبصيلها انا اللي ربيتها ولإني كنت لسه والدة فأنا رضعتها لإن والدتها ماتت يوم ولادتها وبقت بنتي وحبيتها جدا
لينا:تعرفي ان حكايتك زي حكايتي
انا كنت بحب واحد ووقفت قدام اهلي واتجوزته كنا عايشين احسن شهرين في حياتنا بس بعد كده بقي يضربني ويهيني وخلاني مضيتله تنازل عن شركتي عشت معاه اسوأ سنتين بحاول اخليه يحن ويبطل يهيني بس عمره مابطل وجه في يوم وطلقني وراماني بره البيت جريت بسرعة وانا مش حاسه بنفسي روحت لماما وفضلت اعيط اهملت نفسي ومبقتش اهتم بأكلي وفي يوم اغمي عليا فخدوني المستشفي الدكتور قالي اني حامل اهتميت بنفسي وبأكلي وفي الشهر الخامس نزلت زي بنتك وكنت بجيب لبس لإبني وفي الشهر السابع وقعت علي الأرض فخدوني للمستشفي بسرعة ولدت ابني وكنت فرحانة بس جات الممرضة وقالتلي ان ابني مات بشوف في الكاميرات لقيت ان ابوه هو اللي قتله ماتعرفيش تعبت ازاي
السيدة:استهدي بالله يابنتي وربنا هيجبلم اللي فيه الخير
لينا:يارب ماتعرفناش بإسمك
السيدة:اسمي اسراء
لينا:اتشرفت بمعرفتك عن اذنك دلوقتي علشان اخد اخواتي ونروح
سارة:سلام يابنتي
لينا:سلام
تركتها لينا وذهبت لقسم الفساتين وجدت مرام ومريم يبدوا عليهم القلق
لينا:انا هنا ماتقلقوش
مرام:كنتي فين دورنا عليكي مالقيناكيش
لينا:مسألتوش ليه انا المول كله هنا يعرفني
مريم:ماخدناش في بالنا يلا بصي الفستان ده عجبني اوي ليكي خدي جربيه
لينا:بس انا عندي فساتين
مرام:لا انتي هتجيبي واحد تاني علشان تروحي معانا فرح صاحبتنا
لينا:ماشي
ذهبت لينا وقاست الفستان وكان جميل جدا عليها خدوا الفساتين ودفعوا الحساب وخرجوا من المول وركبوا السيارة وذهبوا للمنزل  ونام الجميع من التعب
٪٪٪٪٪٪٪٪٪٪٪٪٪٪٪٪٪٪٪
يتبع
بقلمي آية عثمان