رواية عشق بعد دمار الفصل الحادي عشر 11 - بقلم @Aya Asman219

في صباح يوم جديد تشرق الشمس بسماء العاصمة وتدخل خيوطها الذهبية الي المنازل ومع اول خيط شمس تبدأ لينا بفتح عيونها وتقوم من علي السرير وتذهب للحمام تأخذ شور وتتوضأ وتخرج ترتدي  الإسدال وتؤدي فرضها ثم تبدل ملابسها وتخرج من غرفتها وخرجت من المنزل ذهبت الي المنزل الكبير ولم تجد احد فبدأت بالكض حول التجمع وبعد قليل انضمت لها مرام ومريم
لينا وهي تركض:ايه اللي مصحيكم بدري
مرام:قولنا نبقي زيك ونهتم بنفسنا شوية
لينا:مش من عوايدكم عايزين ايه اطلبوا
مريم:والله صحينا علشان نلعب رياضة معاكي مش علشان حاجة تاني
لينا:طيب حاولوا تجروا اسرع مني
ركضت لينا بسرعة وهم خلفها ظلوا يركضوا حتي تعبت مرام ومريم ووقفوا من التعب ووضعوا يدهم علي ركبتيهم وهم يلهثوا انفاسهم بسرعة ذهبت لهم لينا وقالت بسخرية:ههه ده احنا لسه معملناش حاجة وانتوا تعبتوا
مرام:حرام عليكي هو لسه في حاجة تاني
لينا:طبعا اولا هنروح نركب الخيل ونجري بيه بسرعة وبعد كده نلعب١٠٠ضغط وبعد كده هنروح ساحة الملاكمة اللي وراه البيت الكبير وبعد كده هنسبح في pool
مريم:ايه ايه خلاص كفاية انا مش هعمل حاجة
لينا:ياخسارة كان نفسي حد ينافسني
آدم من خلفها:ممكن انافسك
التفتت لينا اليه وجدته يقف امامها مرتديا ملابس الرياضة
لينا:هتقدر
ادم بثقة:طبعا نبدأ
لينا:نكمل جري
آدم:ماشي يلا
بدأ آدم ولينا بالركض بسرعة وبعد ان انهوا الركض ذهبوا وركبوا الخيل وقادوا بسرعة وبعد ان انتهوا قاموا بفعل الضغط ثم ذهبوا لساحة الملاكمة ثم ذهبوا للpool وسبحوا بسرعة ثم خرجوا وجلسوا علي الأرض وقاموا بضرب كفوفهم ببعض
لينا:احسن منافس يشرفني تيجي تعمل معايا رياضة دايما
آدم:طبعا
وقفت لينا وجائت لتمشي اوقفها آدم
آدم:رايحة فين
لينا:اظن سيادتك عندك شغل وانا كمان ممكن امشي
آدم:اوكي نتجمع بليل اوكي
لينا:اوكي باي
تركته لينا وذهبت لمنزلها ابدلت ملابسها وخرجت من المنزل ووقفت وهي تلتفت لجانبها وتنظر للمنزل القديم وجدت قدمها تقودها اليه ذهبت اليه وفتحت البوابة ودخلت للداخل ذهبت للحديقة الخلفية ونظرت للزهور التي لم تذبل تذكرت ايامها مع كمال
Flash Back
كانت لينا تركض بضحك ويركض خلفها كمال
لينا بضحك:مش هتمسكني ياكمال
كمال:ماتتحدنيش يالينا
لينا:لا اتحداك واتحد...
قطع كلامها كمال وهو يحملها
كمال:قولتلك ماتتحدنيش
لينا بصراخ:نزلني نزلني ياكمال
كمال:ولو مانزلتكيش
لينا:هسجنك
اقترب منها كمال وقال: هيهون عليكي تسجني حبيبك
كأن قربه منها كالمخدر تخدرت لينا بالكامل وهي تنظر لعيناه التي سحرتها من اول نظرة
لينا بتوهان:لا
كان يسير كمال وهو ينظر للينا وفجأة التفت قدمه ووقعوا هم الإثنين بالpool
لينا:كمال حرام عليك بلتني
كمال:طيب ما انا برده اتبليت
لينا:حرام عليك ياكمال انا بكرهك
اقترب منها كمال واحتضنها وقرب وجهه من وجهها وبدأ بتقبيل وجهها
كمال:بتكرهيني يالينا
لينا بتوهان:بعشقك
End Flash Back
اغمضت لينا عينيها بحزن ودخلت للمنزل وجدته نظيف لايوجد به اتربة نظرت له بحزن وذهبت للصالون وذهبت للصورة الكبيرة التي تجمعها بكمال كانت بها تضحك بسعادة وكمال يحتضنها ويقبلها من وجنتها بسعادة بدأت عيون لينا بذرف الدموع ووضعت يدها علي صورة كمال
لينا ببكاء:ازاي ازاي العيون اللي كان كلها حب دي تكذب وتإذي ازاي كنت بتضحك معايا وبتبينلي انك بتحبني وانت بتكرهني ازاي بعد كل الحنية دي يجي غضب وكره للدرجادي ازاي الطيبة والقلب الطيب اللي عمره ماقتل بني أدم واول بني أدم تقتله يبقي طفلك وحتة منك ازاي ثم بصراخ ازااااي جلست علي الأرض وهي تبكي
ازاي ازاي بعد الحب ده كله تإذيني وتخلي في كره ليه تكسر قلبي ليه ظلت لينا تبكي حتي هدأت وصعدت الي الغرفة الرئيسية فتحتها ودخلت واستقبلتها رائحته ذهبت الي الدولاب وفتحته واخذت ملابسه ووضعتها بالقرب من انفها تستنشق رائحته التي تلاحقها دائما جلست علي السرير وقامت بإمساك الوسادة التي كان ينام عليها واحتضنتها بقوة وهي تدفن وجهها بها وتبكي ثم ابعدتها ووضعتها مكانها  ووضعت ملابسه بالدولاب واغلقته
لينا:عملت فيا حاجات كتير بس ده المكان الوحيد اللي مأذيتنيش فيه بجد بشكرك ياكمال انك ملوثتهوش بشخصيتك التانية تركت الغرفة واغلقتها وذهبت لباب المنزل فتحتها وخرجت من المنزل واغلقته وذهبت للبوابة وقامت بإغلاقها بالقفل
(نسيت اقولكم ان لينا كانت دايما بتروح الفيلا دي وهي اللي بتنضفها)
ذهبت وركبت سيارتها وقادتها لشركة سليمان مهران تحت نظراته التي تنظر لها بحزن ذهب للمنزل وقام بفتح القفل ودخل وذهب فتح باب المنزل ودخل وذهب للصالون
المجهول:هحاول اخليكي تنسيه ياحبيبتي هحاول
غادر المنزل ونسيا اغلاق البوابة وركب سيارته وقادها بسرعة لمكان عمله
٪٪٪٪٪٪٪٪٪٪٪٪٪٪٪٪٪٪٪
في شركة سليمان مهران
دخلت لينا الشركة بكل ثقة ووقف جميع الموظفين احتراما لها دخلت لينا الشركة وجائت لها ميار
ميار:اذيك يالينا عاملة ايه النهاردة
لينا:تمام ياميار قوليلي جدول الاعمال بتاع انهاردة
قامت ميار بإعطائها المعلومات وعندما انتهت
لينا:طيب نص ساعة وتجمعيلي كل الموظفين بأوضة الاجتماعات اوكي
ميار:اوكي عن اذنك
خرجت ميار وبلغت الموظفين وبعد نص ساعة اجتمع جميع الموظفين وذهبت لينا لغرقة الإجتماعات وترأست طاولة الإجتماع
لينا:اهلا بيكم في شركة سليمان مهران انا عارفة ان حصل ليكم مشاكل بسبب تصفية الشركة اللي في اسكندرية بس احنا كنا مطرين انا بقولكم دلوقتي اننا مضغوطين جدا في تصميم لتجمع متقدم والعميل طالبه خلال شهر انا عايزة كل المتدربين والماهرين برده انهم يعملوا تصميم للتجمع واحسن تصميم هنختاره وهو اللي هيتنفذ تصميمه بس خلال اسبوع يكون جاهز علشان نخلي العمال يبدأوا بالبني ماشي اتفقنا يلا من دلوقتي ابدؤا بتصميم التجمع يلا كله بره
خرج الموظفين من الغرفة وذهبت لينا الي مكتبها وبدأت بالعمل
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
في شركة توفيق الحناوي
في مكتب آدم
لم تبتعد لينا عن تفكيره ابدا لم يستطع العمل فترك القلم ووضع يده علي رأسه
آدم:اخرجي من دماغي بقي خدتي اكتر من وقتك اخرجي بقي ليه دايما افكر فيكي ياااارب ارحمني يارب
بدأ صراعه مع عقله وقلبه
القلب:عمرك ماهتبطل تفكر فيها لأنك بتحبها
العقل:وأحبها ليه دي مين علشان احبها دي واحدة مطلقة وابنها ميت
القلب:وهو الحب يعرف الحجات دي
العقل:بلا حب بلا قرف انت مخطوب ماينفعش تخليني افكر في غيرها
القلب:هه وانت مفكر نفسك بتحبها بص علي معاملتك ليها الأول قولي بس انت من ساعة ما عرفت لينا وانت بتهتم بيها دايما راكنها عمرك ماحبتها
العقل:اسكت بقي وبطل غباء بلا حب بلا قرف انت اذتني من كتر التفكير انسي يا آدم وابعد عن لينا هي عمرها ماتحبك ولا تبقي ليك
القلب:لا يا آدم ماتسمعش كلامه لينا قلبها كبير وهتحبك
العقل:لا يا آدم انسي وماتسمعش كلامها وسيبها
القلب:مش هتقدر تسيبها وانت عارفة انها في خطر خليك معاها وماتسيبهاش
وفي هذه المعركة انتصر القلب وعلم آدم انه يعشقها ولا يحبها فقط بدأ بمتابعة عمله لكي يذهب للمنزل بسرعة
٪٪٪٪٪٪٪٪٪٪٪٪٪٪٪٪٪٪٪٪٪٪
في المساء اجتمعت العائلة بالمنزل
ووصل آدم واكرم للمنزل وجلسوا معهم
روز:اومال فين لينا
سليمان:انهاردة كان فيه شغل كتير وهي قالت اول ماتخلص هتيجي حاولت اساعدها لبستني الكلابشات في ايد واحدة وقالتلي روح البيت وبقيت دلوقتي بإيد فيها كلابش بقيت مجرم ياروز
ضحك الجميع
داليا:ما انت عارف ان لينا دماغها ناشفة ومش هتخليك تقعد
سليمان:اهو اللي حصل
توفيق:وانتوا ياولاد اخبار الشغل ايه
اكرم:كويس بس بندور علي واحد للحسابات لإن اللي كان موجود كان بيلعب بالحسابات وخسرنا كتير
توفيق:الحمد لله انكم مسكتوه بسرعة
جني:طيب ماخدتوش سوزان ليه هي بتشتغل برده في الحسابات
آدم:مستحيل اخليها تشتغل في شركتنا
جني:يعني ايه هي مش خطيبتك وهتبقي مراتك خليها تشتغل عادي بدال ماتشتغل في شركات تانية
اكرم:ماما ادم معاه حق سوزان ماينفعش تشتغل معانا
روز:استهدوا بالله انا جاتلي فكرة انتوا تخلوا سوزان تشتغل وتخلوا كاميرات في مكتبها وراقبوها ولو طلعت كويسة يبقي احسن انكم ماخترتوش حد غريب
داليا:روز معاها حق انا معاها في قرارها
وافقها الجميع وبدأوا بالحديث في عدة مواضيع حتي دخلت عليهم لينا ووجهها لاينم لخير ذهبت لهم وقامت بضرب الطاولة بقوة فتهشمت لأجزاء ففزع الجميع ووقفوا بخوف
مريم:مالك يالينا
لينا بغضب:انا مش قولتلك مش هيحصلكم كويس لو حد راح البيت القديم
مرام:اهدي يالينا بس مافيش حد مننا دخل البيت اصلا
لينا بغضب أكثر:بوابة البيت مفتوحة وتقولي محدش دخل البيت انطقوا مين اللي دخل البيت
داليا:لينا اهدي ياحبيبتي اعصابك
لينا بغضب اكثر:ماتقوليش اهدي مين دخل البيت القديم حد ينطق
آدم:في ايه البيت يعني علشان تعملي الشوشرة دي كلها
نظر له الجميع بخوف ويشيرون له بالصمت
لبنا وقد بدأت بفقد اعصابها:عايز تعرف في ايه في ذكرياتي مع كمال في ذكرياتي مع حبي الاول والأخير اللي انا وهو دخلناه سوا وخرجنا منه سوا فاهمين اتكلموا حد يقول مين دخل البيت والله لو ماتكلمتوا لهعذبكم عذاب شديد ومايهمنيش امي
في هذا الوقت رن جرس الباب وذهبت الخادمة وفتحت الباب ودخلت سيدة كبيرة ومعها ابنتها وزوج ابنتها وتوقفت فجأة
السيدة بصدمة:داليا روز
التفت لها الجميع وصدمت داليا وروز من رؤيتها
داليا وروز بصدمة:إسراء
٪٪٪٪٪٪٪٪٪٪٪٪٪٪٪٪٪٪٪٪٪٪٪
يتبع
بقلمي آية عثمان