رواية عشق بعد دمار الفصل الأربعون 40 - بقلم @Aya Asman219

حملها ادم ووضعها بالسيارة وقادها بسرعة للمستشفي وخلفه باقي السيارات وقام نادر بوضع كاريمان ومهند بسيارة الشرطة واخذها الشرطي الي الجهاز وذهب نادر ركب سيارتهم وذهب خلفهم الي المستشفي

بعد مرور بعض الوقت دخل ادم الي المستشفي ويحملها علي يديه وصرخ بالممرضين باحضار الطبيب فجاء الطبيب ومعه الممرضين وضعها ادم علي السرير وتحرك بها الممرضين الي غرفة العمليات ووقفوا بالخارج وادم يبكي بشدة وقمر تكاد تفقد صوابها من الذي حدث لا تريدها ان تموت الان وقف الجميع يدعوا بان تكون بخير مرت ساعتان وحدث خلل بغرفة العمليات وبدأت ممرضات واطباء يدخلون ويخرجوا فأوقفت قمر احدي الممرضات وقالت لها

قمر:في ايه

الممرضة:المريضة قلبها وقف في العمليات وكمان حالة قلبها فده مصعب علينا العملية

قمر بغضب وهي تخنق الممرضة:يعني ايه ممكن تموت ماينفعش تموت لينا لازم تعيش انتي فاهمة انا لسه مأخدتش حقي منها لازم تنقذوها انتي فاهمة

كانت قمر تضغط بشدة علي رقبة الممرضة فاقترب منها سليم وقام بابعاد قمر عن الممرضة فدخلت الممرضة لغرفة العمليات وهي تتنفس بسرعة

في الخارج

سليم:قمر اهدي ماينفعش كده

قمر بغضب:هو ايه اللي ماينفعش لينا لازم تعيش انا لسه مأخدتش حقي

زياد بغضب:احنا عارفين انك لسه مأخدتيش حقك بس لينا دلوقتي في العمليات لازم تدعيلها انها تقوم بالسلامة الاول

صمتت قمر ووقفت وهي تقيد يدها امام صدرها ومن داخلها تدعوا لها بان تفيق بسلامة فبكل الكره الذي يظهر امام الناس ولكنها تحبها بشدة فهي صديقتها الوحيدة

====================================================

في الفيلا

كانت اسراء تشرب المياه وفجأة شعرت بألم شديد بقلبها وروحها تنسحب منها بالبطئ فسقطت منها الكوب ووضعت يدها علي قلبها وهي تهمس

اسراء:لينا

اقتربت منها داليا ووضعت يدها علي كتفها وقالت

داليا:اسراء مالك ياحبيبتي في ايه

اسراء:حاسه بقبضة في قلبي وكأن روحي بتنسحب مني هو كريم فين

داليا:راح مع قمر والشباب

اسراء:عايزة اكلمه

داليا:مدام خرجوا بسرعة يبقي فيه حاجة مهمة ومشهيرد علي اتصالاتك

اسراء والتمعت عيونها بالدموع:مش مطمنة عايزة اكلمه

داليا:ماشي تعالي نخلي خالد يكلمه

ذهبت داليا واسراء الي غرفة المكتب وجدوا خالد يجلس علي المكتب يطالع صورة صغيرته وهو يضع يده علي قلبه فذهبوا له وجلسوا امامه

خالد:في حاجة

اسراء بترجي:خالد الله يخليك اتصل بكريم انا قلقانة جدا عليه

خالد:هو في حد قلك حاجة خلاكي قلقانة كده

اسراء ببكاء:محدش قالي بس انا مش مطمنة بالله عليك اتصل بيه

خالد:خلاص اهدي هتصل دلوقتي

امسك خالد بهاتفه واتصل بكريم وانتظر رده حتي رد

كريم بحزن:ايوة يابابا في حاجة

خالد:ايوة امك عايزة تطمن عليك

اعطي خالد الهاتف لاسراء فاخذته منه بسرعة

اسراءببكاء:الو ياكريم انتكويس ياحبيبي طمني عليك

كريم بحزن وبدأت الدموع تسيل من عينيه:كويس ياماما

اسراء:طيب بتعبط ليه ياكريم

كريم وبدأ البكاء بشدة:لينا في المستشفي

اسراء:كريم انت في وعيك ليناماتت

كريم ببكاء:لا مامتتش لينا في المستشفي اضربت برصاصة وحالتها خطر وبالذات ان قلبها في مرحلة متأخرة وده مأثر عليها في العملية

وقفت اسراء بصدمة وسقط الهاتف من يدها وبدأت الدموع تسيل من عينيها فنظرت لخالد وداليا واخبرتهم بما حدث فوقف خالد من مكانه واخذ مفاتيح سيارته وهاتفه وخرج من المكتب ومن المنزل وركب سيارته وقادها بسرعة للمستشفي واخبرت داليا واسراء الجميع بما حدث فخرجوا وركب سليمان وبجواره روز واسراء وداليا وخلفه سيارة محمد وبها سمية وخلفهم سيارة مريم وبها توفيق وجني وقادوا السيارات بسرعة حتي وصلوا للمستشفي وذهبوا الي غرفة العمليات وجدوا الجميع يقف خارج الغرفة وهو يبكي اقتربت اسراء من ادم وجلست بجواره ووضعت يدها علي كتفه فرفع نظره لها وهو يبكي فقال

ادم ببكاء:انا السبب انا السبب في اللي حصلها

اسراء ببكاء:ماتلومش نفسك محدش فينا كان عارف انها عايشة وبعدين ده قدرها

سمية:مادخلتش ليه معاهم ياكريم

كريم ببكاء:مقدرتش ياسمية لو دخلت كنت هنهار ومكنتش هتحمل

ذهبت له سمية وربتت علي ظهره وهو يبكي

مرت عدة ساعات اخري والجميع في حالة قلق لان لم يخرج اخد ختي الان ليخبرهم بما يحدث في الداخل مرت ساعة اخريوخرج الطبيب وخلفه الممرضات وهم يجروا سرير لينا ويأخذونها الي غرفة العناية وقف الجميع ونظروا باستفسار للدكتور

ادم:لينا كويسة يادكتور

الطبيب بأسف:انا اسف انا عملت كل اللي عليا بس حالة قلبها صعبت علينا العملية قلبها وقف مرة في العملية احنا خرجنا الرصاصة من غير مايحصل اي تلف في اجهزتها هنوديها اوضة العناية دلوقتي لو مرت 24 ساعة دول علي خير يبقي تحمدوا ربنا بس احنا دلوقتي عايزين الدكتور اللي متابع حالة قلبها

كريم:انا دكتورها يادكتور

الطبيب:طيب انا عايز كل الاشاعات وتحاليلها علشان نطمن عليها

كريم:ماشي ان هجبهم دلوقتي

ذهب كريم وخرج من المستشفي وذهب ركب سيارته وذهب للمنزل وصعد لغرفته احضر تحاليلها واشاعتها ثم خرج من غرفته ومن المنزل وركب سيارته وقادها للمستشفي

==================================================

في المستشفي

قمر:يعني ايه يادكتور حالة قلبها متأخرة يعني لينا مصابة بالقلب وممكن تموت

الطبيب:للأسف ده الاحتمال الاكبر

قمر بغضب:يعني ايه هو مفيش اي حل في المخروبة دي علشان تنقذوها وعزة جلالة الله لو لينا حصلها حاجة لكون قفللكم المخروبة دي

سليم:اهدي ياقمر ماينفعش كده اتفضل يادكتور

ذهب الطبيب الي غرفة مكتبه ووصل كريم وذهب الي غرفة مكتبه وجلس مع الطبيب واعطاه تحاليلها واشاعتها

الطبيب:تحاليلها مش مطمنة ابدا يا استاذ كريم لازمتعمل العملية في اسرع وقت

كريم:بس نسبة نجاح العملية منخفضة جدا ممكن تأدي حياتها للموت

الطبيب بتنهيدة:انا هرسل تقاريرها لكل المستشفيات اللي في العالم ونشوف النسة اللي هتخليها تعيش احنا مايهمناش غير انها تعيش

كريم:ماشي يادكتور شكرا لحضرتك عن اذنك

خرج كريم من الغرفة وذهب الي الجميع وكان امام غرفة العناية منتظرين ايفاقتها مرت عدة ساعات ولم يحدث اي شئ فوجه كريم كلامه لسمية وهو يقول

كريم:ارجعي ياسمية البيت علشان نور وعلشان اسر

سمية:لا مش هرجع وكمان الدادة معاهم انا هبقي مع اختي

كريم:سمية اسمعي كلامي طفلين في البيت لوحدهم لازم تبقي معاهم وكمان بنتك لسه صغيرة

محمد:كريم معاه حق يلا نرجع البيت

كريم:وانتي ياماما وطنط داليا وطنط روز وطنط جني لازم ترجعوا البيت ترتاحوا

ادم:الكل هيرجع وانا هبقي معاها

اسراء:لا مستحيل اسيبها انا هقعد مع لينا

ادم:هي مش هتصحي دلوقتي وانا هبقي معاها ماتنسيش اني جوزها

قمر:ماتنساش انت يا استاذ ادم انك طلقتها

صدم الجميع وشهقة خرجت من فم البنات قال خالد بغضب

خالد بغضب:الكلام ده صح

اخفض ادم نظره للاسفل بندم

خالد بغضب:حصل امتي

ادم:يوم الحادثة

خالد بغضب:وليه تطلقها ايه اللي حصل عشان تطلقها ها رد عليا

ادم بصراخ:علشان كانت انانية بتفكر في نفسها وماكنتش عايزة تساعد البنات

خالد بغضب:غبي  غبي هي عملت كده علشان تنقذ البنات لوحدها وماتعرضش اي حد للاذي

صمت خالد اغلق عينيه لقوة ثم فتحها وامرالجميع بالعودة الي المنزل ومعهم ادم وبقيت معه قمروعندما ذهب الجميع قالت قمر

قمر:انت ليه خلتيني ابقي في المستشفي مع انك عارف العداوة اللي بيني وبين بنتك

خالد:لانك الشخص الوحيد اللي اقدر اامن علي لينا معاها ونحميها زي مابتحميكي

قمر باستغراب:بتحميني

خالد:ايوة لينا بتحميكي انا عارف انك ضحية زي لينا انتي بعد ما اطلقتي من كمال لينا كانت بتحميكي دايما وبالذات بعد ماجبتي يارا لينا كانت بتحميكي اكتر لان في الاول وفي الاخر اسر ويارا اخوات حتي لو ماكنوش من نفس الام حالة لينا دلوقتي مش هتخليها تخلف تاني علشان قلبها فهي مش عايزة تحرم اسر من الاخوات كانت بتحميكي في الوقت اللي هي نفسها حد يحميها

قمر ببكاء:كانت بتحبني وبتحميني وانا والله بحبها بس كنت افكر انها السبب في اللي حصل لكمال وانه كان بيعاملني كده بسببها

خالد:اهدي ياقمر انا هروح الكافتريا اجيب قهوة اجبلك

حركت رأسها بمعني لا

تركها خالد وذهب للكافتريا وهي راقبت المكان لم تجد احد فمسحت دموعها وفتحت باب غرفة لينا ودخلت للغرفة واغلقت الباب خلفها واخذت كرسي وجلست عليه بجوار سريرها وهي تنظر لكتلة الطيبة الممدة امامها علي سرير في غرفة قبيحه مريضة ادمعت عينيها وهي تقول

قمر ببكاء:سامحيني ياحبيبتي ماكنتش اعرف انك ضحية زي عند كمال هو كان ديما يقولي انك السبب في اللي حصله والسبب في اللي بيحصلي وانا كنت بصقه ماكنتش اعرف انك اعذبتي زي واكتر سامحيني

وقفت قمر من مكانها وقبلت جبين لينا ومسحت دموعها وخرجت من الغرفة وجلست علي الكرسي وجاء خالد وجلس بجوارها

====================================================

في الفيلا

بغرفة ادم

كان يأخذ الغرفة ذهابا وايابا وهو يضغط علي قلبه بقوة من شدة اللم ويبكي فهو السببب في ماحدث مع حبيبته لعن نفسه كثيرا فهو لعنة كبيرة في حياتها فهو وعدها ان يحميها ولكنه فعل مثل كمال واذاها ايضا مثله

لم تذق عينه طعم النوم الليلة وظل مستيقظا حتي جاء الصباح وذهب للحمام اخذ شور وخرج ارتدي ملابسه ومشط شعره واخذ مفاتيحه وهاتفه ونزل للاسفل وجد الجميع جاهز فخرج ركب سيارته وقادها وخلفه باقي السيارات وقادوها حتي المستشفي وعندما وصلوا نزلوا من السيارات ودخلوا للمستشفي ووقفوا امام غرفة العناية ينتظروا ايفاقتها

مرت ساعتان

وجاء الطبيب والممرضة ودخلوا الي غرفتها يتفقدوها ويطمئنوا عليها ثم خرجوا من الغرفة واخبروا الجميع بأنها استيقظت ففرحوا كثرا ودخلوا الي الغرفة جميعا وجدوها تجلس علي السرير تنظر للفراغ بشرود ذهب لها اسر وصعد علي السرير وقام باحتضانها

اسر:ماما وحشتيني اوي ماتسيبنيش تاني

لينا وهي تحتضنه بقوة:وانت كمان وحشتني اوي ياحبيبي مش هسيبك ابدا ماتخفش

ثم ابتعد عنها وجلس بجوارها وهي تحتضنه من كتفه

رفعت لينا نظرها ونظرت للجميع بشوق ولكن لمح نظرها قمر وهي تقف بجوار الباب فنظرت لها بشفقة وقالت

لينا:يارا عاملة ايه

قمر:كويسة بعت سليم يجيبها

ابتسمت لها لينا ثم نظرت لوالدها

لينا:وحشتني اوي يابابا

خالد وهو يحتضنها:وانتي اكتر

ابتعد عنها خالد ووجه زياد كلامه للينا وقال

زياد:ممكن اعرف انتي ازاي عايشة واحنا دفناكي بايدينا

لينابتنهيدة:انا فعلا موت بس مهند خطفني ووداني بيت كاريمان وانا مقدرتش اعمل اي حاجة لان وجع قلبي كان مسيطر عليا وكمان مأخدتش الدوا فده اثر عليا بالسلب

نادر:ماتعرفيش ازاي عملتي الحادثة

لينا:الفرامل ماكنتش شغالة فعملت حادثة بس اهو بقيت كويسة ومعاكم

في هذا الوقت دخل سليم ومعه يارا وعندما رأت يارا لينا ركضت لها بسرعة وصعدت علي السرير واحتضنتها

يارا:وحشتيني ياطنط جدا

ثم ابتعدت عنها وقالت لقمر

يارا:هي دي ياماما اللي كنت بكلمك عنها كانت بتجبلي لعب بتلعب معايا وكانت بتوديني الملاهي دايما

قمر:عارفة

لينا بسخرية:بس انا مسغربة انك واقفة ساكتة ومش بتعملي اي حاجة ولا بتتريقي عليا ايه غيرتي رأيك

قمر ببكاء:ايوة غيرت رأي لاني عرفت اللي حصل عرفت انك ضحية زي وانه كدب عليا

لينا:كويس انك عرفتي علشان نخلص من طريق الدم ده للأبد

قمر:سامحتيني

لينا:ولادنا اخوات لازم مايكونش بينا اي عداوة

اقتربت منها قمر واحتضنتها فبدأت لينا تشعر بالدوار والتعب وبدأت بالتقاط انفاسها بسرعة واغمي عليها في هذا الوقت دخل الطبيب والممرضتان واخرجوا الجميع من الغرفة وذهبوا لها ووضعوا جهاز التنفس وبدؤا بالصدمات الكهربية لقلبها حتي عادت نبضات قلبها فخرجوا من الغرفة فاقترب منه الجميع وقال

الطبيب:قلبها وقف لحد دلوقتي مرتين لو مالحقتش تعمل العملية قبل المرة التانية هنقدر ننقذها لازم بأسرع وقت تعمل العملية

كريم:وهي اخبارها ايه دلوقتي يادكتور

الطبيب:دخلت في غيبوبة لازم نجهز كل حاجة لسفرها لألمانيا علشان تعمل العملة

وتركهم الطبيب وذهب

======================================================

يتبع

بقلمي اية عثمان