رواية عشق بعد دمار الفصل الحادي والعشرون 21 - بقلم @Aya Asman219

كان آدم يحاول أن يأخذ آسر للسيارة ولكن يقف أمامه أحد ولا يجعله يتحرك ويأتي أحد من خلفه ولم يكن سوي كمال وهو يوجه سلاحه علي آدم فصرخت لينا بصوت عالي فنظر لها مالك ثم نظر لآدم وجد كمال يصوب سلاحه علي آدم فركض بسرعة ناحية آدم وفي هذا الوقت قام كمال بإطلاق الرصاص فأصابت مالك وقبل أن يقع قام بإطلاق النيران علي كمال وعندما وقعوا الإثنين لم يبقي سوي القليل من حراس كمال
لينا للحراس:حاوطوهم كلهم وخدوهم علي البوكس
وركضت لمالك وجلست علي الأرض وهي تضع رأسه علي قدمها
لينا ببكاء:مالك مالك الله يخليك قوم ماتسيبنيش مالك قوم يامالك
فتح مالك عيونه ونظر لها بإبتسامة
مالك:ماتنسينيش
هذه الكلمة التي نطق بها وبعدها أغمض عيونها فصرخت لينا بصوت عالي
لينا بصراخ:ماااااااااالك
زياد:لينا الإسعاف جات خلينا ناخده قام الممرضين بحمل مالك ووضعوه بالسيارة وركبت معه لينا وهي تضع يدها بيده وقاد الشباب السيارة ورائهم
في سيارة الإسعاف
لينا ببكاء:قوم يامالك ماتسيبنيش لوحدي ياحبيبي هتسيبني طيب مين اللي هيعمل معايا مؤمرات مين اللي هساعده في الشركة قوم ياحبيبي
الممرض:يامدام المريض كويس
لينا:مالازم يبقي كويس لإنه لو مش كويس هقفلكم المستشفي بتاعتكم
الممرض:يامدام الأستاذ لابس واقي الرصاص فالرصاصة خدشته خدش صغير انما هو كويس بس هو أغمي عليه وهيفوق ماتخافيش
لينا:طيب اعمل اللي هيخليه يفوق بسرعة
الممرض:احنا هنوديه المستشفي علشان نركبله المحلول لإنه واضح انه مأكلش فده أثر علي الدورة الدموية في جسمه
أمائت له لينا بصمت وقبلت مالك من جبينه
أما بالسيارة
كان يجلس الثلاث شباب بها ومعهم آسر وكان أكرم يقود السيارة كان آسر يبكي بشدة بسبب أصوات إطلاق النيران التي حدثت ولم يصمت
آدم:طب هنخليه يسكت ازاي هو أكيد اتفزع لما سمع صوت الرصاص
زياد:مالازم يتفزع بص حاول تسكته علشان لينا ماتعملش مشاكل
أكرم:طيب اتصل بلينا شوف حصل ايه
اتصل زياد بلينا وانتظر الرد حتي ردت
لينا:الو يازياد
زياد:الممرض ماقلكيش علي أي حاجة
لينا:بيقول ان الواقي حماه وان الرصاصة خدشته خدش صغير بس هو أغمي عليه لإنه مأكلش من الصبح
زياد:ماشي
لينا:إعمل أي حاجة تخلي آسر يسكت كده صوته هيتجرح
زياد:هو من ساعة ماسمع الرصاص وهو بيصرخ ومش بيسكت
لينا:طيب حط التليفون علي ودنه
أعطي زياد الهاتف لآدم ووضعه علي أذن آسر
لينا:الو يا آسر انا ماما ياحبيبي
صمت آسر وهو يضع يده علي الهاتف
لينا:ماتصرخش ياحبيبي علشان ماتتعبش وماتعبش إعمامك ماشي إتصرف كويس علشان أجبلك لعب
آسر بسعادة:وهتجبيلي شكولاتة
لينا:هجبلك اللي انت عايزه ياحبيبي بس خليك هادي
آسر:ماشي ياماما
صمتت لينا عن الكلام وهي تسمعه يقولها لأول مرة فنزلت دموعها بفرحة
لينا:طيب باي دلوقتي ياحبيبي
أغلقت لينا الهاتف ونظرت لمالك
في السيارة
آدم:مبسوط ياحبيبي
آسر:ماتقوليش حبيبي ماما بس اللي تقولها
آدم:لا وانا كمان أقول
آسر:لا ماتقولش انت مين أصلا
آدم:انا ابقي آدم
آسر:دومي دومي
آدم:انت بتدلعني يلا بقي الشحط ده يتدلع
آسر:ملكش دعوة وانت اسمك ايه
زياد:انا زياد
آسر:وانت
أكرم:انا أكرم
آسر:طيب دلوقتي أقولكم عمو ولا خالو
زياد:لا نادينا بإسمنا بلا عمو بلا خالو
آسر:طيب انا عندي تيتة وجدو
أكرم:عندك تلاتة تيتة وواحد جدو
آسر:اسمهم ايه
آدم:داليا وروز وإسراء وسليمان
آسر:طيب انا عايزة أروح البيت
أكرم:احنا هنروح لماما الأول
آسر:وانا مالي بمامتك انا عايز أروح
أكرم:هنروح لمامتك يا آسر مش لمامتي
آسر:طيب بتقول عليها ماما ليه هي مامتك
أكرم:خلاص اسكت انا غلطان إني إتكلمت
آسر:طيب انا هدومي وحشة هروح وهدومي متقطعة
زياد:وجهة نظر برده روح يا أكرم لمحلات لبس أطفال
آدم:طب مالك ولينا
أكرم:عادي هنروح نجبله هدوم ونروح المستشفي
قام أكرم بإدارة السيارة وذهب بإتجاه أخر وذهب لمحل ملابس الأطفال وعندما وصلوا دخلوا واختاروا ملابس لآسر ودخل لبس احدي الملابس وأخذوا الباقي واشتروهم وخرجوا ركبوا السيارة
آسر بسعادة:معايا لبس كتيررر أوي
آدم:فرحان
آسر:طبعا انا مكنتش لابس غير اللبس اللي كنت لابسه وكان في راجل دايما يضربني ويعذبني
زياد:متعرفش هو مين
آسر:لا
نظر آدم لزياد نظرة ان لايقول له من هو
وصلوا للمستفي وسألوا بالإستقبال عن غرفة مالك فأدلتهم وذهبوا له وجدوه يجلس علي السرير معلق له المحاليل وتجلس لينا بجواره وهي تتحدث معه
لينا:حرام عليك يامالك بقي كده ماتكلش يوم بحاله وانت عارف اننا طالعين مهمة
مالك:ماتضحكيش عليا يالينا انا عارف كمان إنك مأكلتيش من الصبح ومستنية آسر علشان تاكلي معاه
لينا:انا متعودة اني ماكلش بالأيام يامالك بس انت بتتعب لما مابتكلش ماتعملهاش تاني علشان خاطري
مالك:ماشي ياحبيبتي
في هذا الوقت دخل آدم وأكرم وزياد ومعهم آسر فوقفت لينا وركض لها آسر بسرعة واحتضنها فإحتضنته هي بقوة وصارت تقبل وجهه ثم ابتعدت عنه
لينا:وحشتني ياحبيبي
آسر:وانتي أكتر ياماما بس انتي اتأخرتي والراجل الوحش كان بيضربني جامد ويزعقلي
لينا:سامحني ياحبيبي مكانش قصدي وماتخفش وبص بكرة هوديك الملاهي وهجيبلك شكولاتات كتيرة وهجبلك لبس كتير
آسر:آدم وأكرم وزياد جابولي لبس كتير
لينا:اسمهم عمو ماينفعش
أكرم:احنا اللي قولناله يقول اسمنا
لينا:تعالي أعرفك علي واحد تاني
أخذته لينا وذهبت لسرير مالك وأجلسته بجانبه
لينا:ده بقي مالك
آسر:يبقي مين
لينا:يبقي خالك سلم عليه
ذهب له آسر وحاوطه من رقبته بيده الصغيرة فبادله مالك الحضن ثم ابتعد عنه
مالك:الله يالينا حضنه حلو أوي زي حضنك بالظبط
آدم بغضب:نعععم
آسر:نعم الله عليك ياحبيبي
ضحك الجميع وهو ينظر لآسر
لينا:جبتها منين دي
آسر:بصراحة مرة الراجل خدني اوضة وفتحلي التلفزيون علي المسرحية فاسمعتها
لينا:طيب ممكن نمشي
مالك:نمشي ايه بس دي الممرضة اللي هنا مزة أوي ده انا نفسي احضنها
زياد:بتكلم جد لا ده انا ابات معاك يازميكي
لينا:ماتحترم نفسك منك ليه
أكرم:ايوة صح ماتحترموا نفسكم
لينا:قول قول ده انت المحترم اللي فيهم
أكرم:تحضنوا بس ده انتوا تباتوا معاها وممكن برده تتجوزوها
لينا:اسكت اسكت يارتني ماقولتلك تتكلم
آدم:طيب يلا نمشي
خرج آدم وورائه الجميع وكانت لينا تحمل آسر بفرحة وعندما وصلوا السيارة ركب أكرم وزياد بالأمام ومالك وبجوار آدم وبجوار آدم لينا بالخلف وقاد أكرم السيارة للمنزل كانت لينا تلعب مع آسر وتحكي له عن عائلتها حتي غفي علي قدمها فإبتسمت له وقبلت جبينه وشعرت هي بالنعاس فألقت رأسها علي كتف آدم نظر لها آدم بسعادة وقام بوضع يده علي يدها ويضغط عليها بقوة ظل الجميع صامت حتي وصلوا للمنزل الكبير فقام آدم بإيقاظ لينا
آدم:لينا لينا قز
ومي ياحبيبتي وصلنا
فاقت لينا وقامت بالإعتدال بجلستها وقام أكرم بركن السيارة ونزل الجميع منها ودخلوا للفيلا وجلسوا بالصالون
وصعدت لينا لأحد الغرف ووضعت بها آسر ونزلت جلست معهم
داليا:طلعتيه ليه فوق كنا عايزين نشوفه
لينا:هو نايم دلوقتي بكرة ابقوا شوفوا بصوا كلنا هنبات في الفيلا دي
روز:ليه
لينا:هيبقي أحسن وأفضل من ان كل واحد يبات في بيت تاني نبقي كلنا مع بعض أحسن
الجميع:ماشي
لينا:وعندي ليكوا مفاجأة
مرام:ايه
لينا:بكرة هنخرج كلنا وهنتغدا في المطعم ونروح الملاهي وأي مكان انتوا عايزين تروحوه قولولي وانا هةديكم علطول ماما ابقي اتصلي بسمية ومحمد علشان هيخرجوا معانا يلا انا هطلع انام تصبحوا علي خير
صعدت لينا للغرفة التي بها آسر وذهبت للسرير ونامت بجواره واحتضنته بقوة ونامت بثبات عميق
في الأسفل
فرحت إسراء جدا بأن لينا قالت لها ماما
مريم:بركاتك ياسي آسر لينا أفرجت عننا
إسراء:لازم تفرج عننا لإن ابنها في حضنها اللي اتحرمت منه ٣سنين
آدم:طيب عن إذنكم هطلع أنام
صعد آدم لأحد الغرف دخلها وألقي بجسده علي السرير وبدأ الجميع بالصعود لغرف النوم وصعدت سوزان لغرفة آدم وذهبت ونامت علي الكنبة تجاهلها آدم ووقف من علي السرير وخرج من الغرفة وذهب لغرفة لينا دخلها وأغلق الباب خلفه وذهب لها وجلس بجوارها وهو يضع يديه علي وجهها كأنه يحفظ ملامحها وكان يزرف الدموع بكثرة
آدم ببكاء:آسف آسف لإن جرحت قلبك بس سامحيني وهعوضك كل التعب والألم والحزن بس سامحيني بس
وقف آدم ونام بجوارها وهو يحتضنها من ظهرها ويدفن رأسه برقبتها ودموعها الدافئة تزرف بكثرة ظل يبكي حتي نام
شعرت به لينا عندما دخل الغرفة ولكنها اصطنعت النوم وجدته يطلب منها السماح وهو يبكي ثم وقف ونام خلفها واحتضنها بقوة من ظهرها ودفن وجهه برقبتها وهو يبكي عندما شعرت بإنتظام أنفاسه بدأت دموعها بالنزول ودارت له ووضعت يدها علي وجهه ومسحت له دموعه وقبلته من وجنته واحتضنته بقوة وهمست بأذنه
لينا بهمس:بحبك
ثم ذهبت بنوم عميق تنعم بدفئ أحضانه
هناك من سمع كل كلامهم وهو يبكي ولم تكن سوي سوزان التي تشعر بالذنب والندم
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
في صباح يوم جديد
بغرفة لينا
يستيقظ آدم من نومه علي ضوء الشمس شعر بثقل علي يديه فوجد لينا تنام بأحضانه وهي تحتضنه بقوة شعرة بالسعادة وقرب وجهه من وجهها وقبلها من شفتيها ثم رفع رأسه ونظر لآسر النائم بجوارها قام بوضع يده علي شعره بإبتسامة عاد لوضعية نومه مرة أخري وهي يتأمل وجه لينا بحب وبعد وقت تململت لينا من نومها فأغلق آدم عينيه بسرعة يمثل النوم فتحت هي عينيها وجدت نفسها تحتضن آدم بقوة إبتسمت وإبتسمت أكثر عندما علمت بتمثيله للنوم فقامت بإيقاذه
لينا:آدم آدم
لا رد
لينا:قوم يا آدم وإلا تصرفي مش هيعجبك
ايضا لا رد
قامت لينا بأخذ كوب الماء من علي الكوميدينو وقامت بسكبها علي وجهها ففتح عينه بفزع فإبتعدت عنه لينا بسرعة
آدم:في حد يصحي حد كده
لينا بضحك:ما إنت اللي مكنتش عايز تصحي
آدم:طيب كنتي اديتيني بوسة كنت هصحي فورا
لينا:لا والله
آدم:اه والله
لينا:انت ايه اللي جابك هنا وازاي تنام جانبي وتحضني
قرب آدم وجهه من وجهها وقال
آدم:بس انتي اللي كنتي حضناني مش انا
لينا بتوتر:فكرتك آسر
آدم:فكرتيني آسر برده
لينا:آدم ابعد آسر هيصحي
آدم:لا مش هبعد
قرب آدم وجهه من لينا أكثر وكان سيقبلها ولكن في هذا الوقت استيقظ آسر فدفعته لينا بسرعة بتوتر وذهبت لآسر
لينا:قوم ياحبيبي علشان تاخد الشور
قامت لينا بحمله وأخذته للحمام وقامت بنزع ملابسه ووضعته بالبانيو ونظرت بحزن لجروحه وقامت بتحميمه ببطئ حتي لاتجرحه وعندما انتهت ألبسته البرنس وأخذته للغرفة وبدلت له ملابس ولم يكن آدم بالغرفة قامت بتجفيف شعره بالمنشفة وهو يضحك وتظهر غمازاته التي ورثها من والدها ومنها قامت بتمشيط شعره  وعندما انتهت
آسر:عايز شكولاتة
لينا:من عينيا
ذهبت لينا لغرفة الملابس وفتحت التلاجة الصغيرة الوضوعة بها وقامت بأخذ قطعة شكولاتة وخرج أعطتها لآسر
لينا:يلا ننزل تتعرف علي عيلتي
آسر وهو يأكل:ماشي
حملته لينا وخرجت من الغرفة وهي تداعب وجهه ونزلت من علي السلم وذهبت لطاولة الطعام وهي سعيدة والجميع سعيد لسعادتها
آسر:نزليني ياماما انا راجل وأعرف أمشي
لينا:راجل ده انت طفل يلا
آسر:نزليني عايز أسلم علي ام شعر دود دي
كان آسر يشير علي مرام فهي قد فعلت شعرها كيرلي
مرام:انا ام شعر دود يلا
آسر بضحك:ايوة انتي مش شايفة الدود ده كله
مرام:بس يلا وإلا هفعصك برجلي زي الصرصار ده انت بظبوظ
آسر:يعني انتي اللي طويلة ده انتي شبه فطوطة
مرام:خلي ابنك يسكت يالينا والا هضربه
لينا:هتضربي مين يابت ده انا كنت قتلتك
أخرج آسر لسانه لمرام بعد ان انزلته لينا
مرام:بتطلع لسانك ليا يامفعوص
آسر:ايوة يا أم دوم
ركض آسر ومرام خلفه وهم يضحكوا حتي أمسكت مرام بآسر ووضعته علي الأرض وصارت تزغزه وهو يضحك بقوة ويضحك معهم الجميع
آسر بضحك:الحقيني ياماما حوشي الست دي من عليا
ذهبت له لينا وحملته
لينا:ملكيش دعوة بإبني يابت
مرام:لولا أمك بس كان زماني موتك
آسر:بتخافي منها ليه دي مامي عسل
مرام:عسل ولولت فمها وقالت في الوش حبيب وفي الضهر غراب
آسر:بس ماتقوليش علي ماما كده
لينا وهي تقبله من جبينه:حبيب قلب ماما يلا سلم علي تيتة وجدو
آسر:أكرم قالي انهم ٣تيتات وجدو واحد
لينا:لا اتنين جدو
آسر:فين هو
لينا:هورهولك بعدين يلا روح سلم عليهم
ذهب آسر وسلم عليهم ثم ذهب لسليمان
سليمان:تشتغل معايا في الشركة بقي
آسر:انا لسه صغير هشتغل ازاي
سليمان:امك وهي عندها١٢سنة جات تدريب في الشركة وعقبال ماتخرجت من الجامعة كانت كونت شركة كبيرة وبقت مشهورة جدا
آسر:ماما قوية انا بحب ماما جدو عايز أقولك علي حاجة
سليمان:قول ياحبيبي
آسر:فين بابا يعني أنا مش شايفه
نظرت له لينا نظره حزينة وذهبت له وجلست علي ركبتيها أمامه وقبلته من جبينه
لينا:بابا راح فوق ياحبيبي عند ربنا ومش هيرجع تاني
آسر:بابا كان بيحبني وكان طيب
لينا بكذب:بابا كان بيعشقك وبيموت فيك وانت كنت بتحبه كنتوا دايما تلعبوا مع بعض وتروحوا الملاهي وتجيبوا لعب وتاكلوا شكولاتة
آسر بحزن:عايز أشوف صورة بابا
لينا بهرب:آسر مش انت ياحبيبي عايز تروح الملاهي وتاكل شكولاته
آسر بسعادة متناسيا كل شئ:أيوة يلا خلينا نروح
لينا:تيجي خالتو سمية الأول
سمية من خلفها:انا جيت مين بيجيب في سيرتي
ذهبت لها لينا واحتضنته ثم ابتعدت عنها
لينا:أهلا بيكي ياحبيبتي
سمية:أهلا بلينو العسل
لينا:أهلا بيك يا أستاذ محمد
محمد:أهلا بيكي يامدام لينا
سمية:فين أسور حبيب خالتو
آسر:انا هنا
ذهب لها آسر واحتضنته ثم حملته
سمية:ماشاء الله يالينا قمر ياحبيبتي ولا غمازاته عسل شبهك
لينا:آسر هيبقي دايما شبهي وأقوي مني
سمية:إن شاء الله ياحبيبتي
لينا:طيب يلا نفطر علشان نخرج
جلسوا وبدأ الجميع بتناول الطعام وكانت لينا تجلس آسر علي قدمها وهي تطعمه وبعد انتهائهم من تناول الطعام خرجوا وركبوا السيارات واستمتعوا بيومهم وهم مبسوطين والسعادة تملئ قلوبهم
هل ستدوم الفرحة بقلوبهم دايما ولا سيأتي من يدمرها
٪٪٪٪٪٪٪٪٪٪٪٪٪٪٪٪٪٪٪٪٪٪
بقلمي آية عثمان