رواية عشق بعد دمار الفصل السادس 6 - بقلم @Aya Asman219

في فيلا سليمان مهران
بعد انتهائهم من تناول الطعام ذهبوا وجلسوا في الصالون وقصت لهم لينا ماحدث
روز بحزن:كان لازم داليا ومرام يقفوا معاكي مش يضربوكي ويهينوكي
لينا وهي تنظر للأرض:عادي ياماما روز انا متعودة علي كده
وضع سليمان يده علي قدمها ويده الأخري رفع وجهها:مش عايز ابدا تبقي راسك في الأرض دايما خليها مرفوعة مهما يحصل مهما يهينوكي ناس لازم تبقي مبينالهم ان مفيش اي حاجة تكسرك او تخلي راسك في الارض
احتضنته لينا بقوة وبدأت بالبكاء ظلت تبكي حتي هدأت وابتعدت عنه قام سليمان بمسح دموعها ونظر لعينيها:مفيش دموع من انهاردة ورايح ثم وضع يدها علي فمها ورفع للجانبين علي شكل ابتسامة عايز الإبتسامة دي ماتفرقش وشك ابدا
لينا:انا بحبك اوي يابابا سليمان
سليمان:وانا بحبك ياحبيبت بابا سليمان
روز بغضب:سليمااااان
سليمان بهمس للينا:خليتي الولية تغير منك لله والله
لينا بهمس:وانا مالي مش انت اللي بدأت شيل يامعلم
روز:بتهمسوا بتقولوا ايه هاا سمعوني
وقف سليمان وذهب الي روز واحتضنها من كتفها:لسه بتغيري يابت دي لينا قد مريم واكبر كمان
روز:اغير عليك من الهوا لو اتجرأت وحضنت غيري هقتلك
سليمان:خلاص ياحبيبتي الطيب احسن
روز:ايوة كده ناس ماتجيش غير بالعين الحمرا
سليمان وهو يقبل وجنتها:وانا بموت في العيون الحمرا بتوعك
لينا ومريم وهم يصفروا:الله الله علي الرومانسية مش قدامنا ياحج
خجلت روز وضحك سليمان عليهم
سليمان:طيب ماتمشي انتي وهي من هنا
لينا:لا طبعا انا هقعد علي قلبكم
مريم:وانا كمان
سليمان:والله انتي زبالة منك ليها انا هروح الشركة
لينا:استني يابابا هاجي معاك
سليمان:انتي انهاردة اجازتك وكمان تعبانة ارتاحي انهاردة وتعالي بكرة
لينا:لا انا جايه يلا
سليمان:عنادية يابت إسراء يلا
ذهب سليمان ولينا الي الشركة وبقت روز ومريم
روز:مش شايفة البت بتساعد ابوكي ماينفعش تبقي زيها
مريم:ماما مش هنبدأ مش كل ما لينا تيجي هنا تقولي نفس الكلمتين
روز:يعني انا غلطانة علشان عايزاكي تطلعي زيها
مريم:انا الحمد لله كفياني منها انا مش قدها ولا عمري ماهبقي زيها دي الوحش ياماما ماتعرفيش يعني ايه وحش انا هطلع اوضتي
روز:اطلعي يامريم اطلعي ياكلبة البحر
مريم:ماشي ياست روز ماشي هعديهالك انهاردة
روز وهي تمسك بالشبشب:بتقولي روز كده حاف ثم رمت الشبشب بوجهها
مريم:ماتدخلي الالومبيات ياحجة
روز:اطلعي يابت الهبلة
صعدت مريم بسرعة الي غرفتها وخرجت روز وجلست في الحديقة
٪٪٪٪٪٪٪٪٪٪٪٪٪٪٪٪٪٪٪٪٪
في فيلا لينا المهدي
داليا بتوتر:ك.كمال يبقي يبقي..وانتي مالك اصلا تعرفي مين كمال وبعدين مش لينا محرجة علينا ان محدش يدخل اوضتها
مرام:ما انا دخلت علشان اعرف انتوا مخبين علي ايه تاني
داليا:مالكيش دعوة ومتسأليش عنه تاني
قامت داليا من علي الطاولة وجائت لتمشي ولكن توقفت علي كلام مرام
مرام:بكرة هعمل حفلة عيد ميلاد لينا ومحدش هيدخل لإني لازم ارجع لينا البيت
داليا:انتي عارفة ان لينا بتكره اعياد الميلاد فمتتعبيش نفسك علي الفاضي
مرام:لا هعمل الحفلة لازم انفذ خطتي
وارجع لينا البيت وارجعها لينا بتاعت زمان عايزاكي تتصلي بطنط جني تعزميها هي وعيلتها
داليا:اعملي اللي انتي عايزاه بس ماتعمليش اي غلطة توصلنا لنقطة البداية
مرام:يعني ايه
داليا بتوتر:ي.يعني علشان لينا ماترجعش تاني وتنتقم منك انتي وبعدها انا مليش اي دعوة بيكي فاهمة
تركتها  داليا بسرعة قبل ان يفضح امرها
مرام:وراكي وراكي لحد معرف انتوا مخبين ايه
خرجت مرام الي الحديقة وامسكت هاتفها واتصلت بأخر رقم وانتظرت الرد
حتي رد
مرام:الو كمال
كمال:ايوة مين
مرام:انا مرام اخت لينا
٪٪٪٪٪٪٪٪٪٪٪٪٪٪٪٪٪٪٪٪٪٪
في داخل الفيلا
أمسكت داليا بهاتفها واتصلت علي جني
داليا:الو ياجني ازيك
جني:انا كويسة ياديدا وانتي
داليا:انا كويسة ياحبيبتي بصي بعزمك علي عيد ميلاد لينا بكرة
جني:هي لينا جت
داليا:لا بس دي خطة العقربة مرام ربنا يستر من افكارها
جني:ههههه ليه هي مخططة لإيه
داليا:علمي علمك والله
جني:ربنا يستر
داليا:ماتنسيش تجيبي جوزك وادم واكرم
جني:طبعا ده عيد ميلاد لينو اكيد هنيجي
داليا:طيب باي دلوقتي
جني:باي
اغلقت داليا مع جني وهي تفكر في ما حدث بالماضي
٪٪٪٪٪٪٪٪٪٪٪٪٪٪٪٪٪
في المطعم
كان يجلس ادم مع سوزي ولكنه ليس معها هو مع لينا يفكر بها يفكر في حياتها وعذابها يفكر لماذا المه قلبه عندما رأي دموعها يفكر لماذا عندما يراها لا ينظر لعينيها حتي لا يسحر بعسليتها وحتي لا يؤلمه قلبه من نظرتها الحزينة الموجودة دائما بعينيها يفكر بشفتيها التي تشبه الكريز تنهد ادم تنهيدة مؤلمة وفاق من تأمله لها علي صوت سوزي
سوزي:مالك يا ادم سرحان في ايه انا عماله اكلمك واكلمك وانت مش معايا في ايه
ادم:سوزي ابعدي عن راسي السعادي انا مصدع
سوزي:في ايه يا ادم كإنك قاعد معايا ومغصوب علي القعدة
ادم:ايوة مغصوب ياسوزي
سوزي:مغصوب علي ان شاء الله مش انا سوزي حبيبتك وخطيبتك
ادم:حبيبتي وخطيبتي ايه ما انتي عارفة يابت ان كل حاجة حصلت غصب عني بسبب اللي انتي عملتيه
سوزي:ما انا عملت كل ده علشان بحبك يا ادم وعايزاك ليا
وقف ادم بغضب:بصي انا همشي علشان ما اصورش قتيل وابعدي عني فاهمة
تركها ادم وخرج من المطعم وركب السيارة وقادها للمنزل وعندما وصل نزل من السيارة ودخل المنزل وجد والدته تتحدث في الهاتف انهت المكالمة ثم التفتت وجدته امامها
جني:كويس انك هنا
ادم:في ايه ياماما
جني:داليا عازمانا علي عيد ميلاد لينا
شعر ادم بالفرح والسعادة ولكنه اخفي فرحته:هي لينا جت
جني:لا
حزن ادم بشدة:اومال هتعملوا الحفلة ازاي
جني:داليا بقول ان دي من خطة العقربة مرام
ادم بضحك:عقربة ليه دي حتي مرام كيوت
جني:كيوت دي عندها دماغ مش عند جاموسة
ضحكوا الاثنين وجاء توفيق واكرم واخبرتهم جني عن الحفل ووافقوها الذهاب
٪٪٪٪٪٪٪٪٪٪٪٪٪٪٪٪٪٪
في شركة سليمان مهران
في مكتب لينا
كانت تجلس لينا تراجع ملف احد الشركات التي سيكون بينهم شراكة وعندما انتهت امسكت الملف وذهبت لمكتب سليمان ودخلت اليه وجلست امامه
سليمان:ايه يالينا في ايه
لينا:مش هينفع نعقد الشراكة مع شركةS.N.I
سليمان:ليه دي شركة معروفة وبسببها هنترفع لفوق اكتر
لينا:مش هينفع يابابا دي شركة كلها سوابق والمدير فيها بيشتغل في الممنوعات وبيكون تاجر مخدرات وهما بيستغلوك علشان بتوقيعك شحنة المخدرات هتعدي بسهولة
سليمان بصدمة:ازاي عرفتي منين
لينا:انا بشتغل في مكافحة المخدرات وجالي ملف ولسه بحاول اني ادور علي اي دليل يخليني اقبض علي رئيس العصابة
سليمان:شكرا ليكي يالينا بجد كنت هقع في مصيبة كبيرة
لينا:طول ما انا عايشة عمرك ماهتقع في اي مصيبة وانا هساعدك دايما
سليمان:طب هنعمل ايه دلوقتي
لينا:انت هتقابلهم عادي خليهم يجوا واتفق معاهم بس ماتوقعش علي اي حاجة لو قالولك وقع علي حاجة عايزاك تمسك الورق وتعمل نفسك انك بتراجعه وفي درج المكتب انا هكون حاطه ورق شبيه ليه بدلهم وطلعه وتوقع هما بكده هيخدوه بس عمر ما الشحنة ما هتعدي لإنهم لما يوروا الورق لأي حد من ظباط الحدود هيشوفوا الورق طبعا هيشوفوا التوقيع بس هيعرفوا انه ورق مزور وبالتالي هيتمسكوا وهيجوا علي القسم وانا بذات نفسي هقف علي الحدود وانا اللي هشوف الورق
سليمان:بجد انتي اعظم مخلوقة علي وش الدنيا ربنا يخليكي ليا
لينا:ويخليك ليا ياحبيبي يلا خلينا نرجع البيت علشان انا تعبت
سليمان:يلا
حمل سليمان اشيائه ونزلوا من الشركة ذهبوا للسيارة كل منهم ركب سيارته
لينا:ايه رائك نسابق
سليمان:ايوة كده رجعيني لأيام زمان يلا انا اللي ههزمك
لينا:اما نشوف
وقف الإثنين بجوار بعضهم وقاموا بتشغيل السيارة وانطلقوا بسرعة كبيرة
تخطت لينا سيارة سليمان وقادت بسرعة اكبر ووصلت للمنزل قبله ووضعت السيارة في الكراج وصل سليمان ووجدها تجلس علي السيارة نزل من سيارته وذهب لها وامسك يدها ودخلوا للمنزل
٪٪٪٪٪٪٪٪٪٪٪٪٪٪٪٪٪٪٪
في صباح يوم جديد
كان الجميع يعمل علي قدم وساق وجهزوا لحفلة عيد الميلاد وفي المساء بدء المعازيم يجتمعوا بالمنزل كانت دابيا ومرام في استقبال الضيوف حتي جائت عائلة توفيق رحبوا بهم داليا ومرام بحرارة وبحب
جني:ها لينا جت
داليا:لسه مستنين نشوف باقي خطت العقربة
مرام:بقي انا عقربة ده انا اللي هخليها تيجي البيت
اكرم:طيب ورينا
مرام:طيب ثانية اشوف كوكي فين لإنها لسه موصلتش
قامت مرام بالإتصال بكريمان وانتظرت ردها حتي ردت
مرام:الو يا كوكي انتي فين
كريمان:انا اهو بركن العربية هي لينا جت
مرام:لا لسه يلا تعالي
كريمان:حاضر
اغلقت مرام معها وبعد قليل دخلت كريمان الي الفيلا وصدم ادم واكرم من وجودها ولكنهم تجاهلوا الموضوع
مرام:كريمان جت يلا دلوقتي اتصل بلينا
امسكت مرام هاتفها واتصلت بلينا وفتحت الإسبيكر وانتظرت ردها حتي ردت
مرام بتمثيل البكاء:الو يالينا الحقي ماما بسرعة
لينا بفزع:مالها ماما في ايه انطقي ياحيوانة
قامت مرام بكتم الصوت:بقي بتشتميني والله لوريكي
ثم عادت وفتحت الصوت
مرام:ماما تعبت مني واغمي عليها ومش عارفة اتصرف
لينا:وديها اوضتها وحاولي تفوقيها انا جايه غوري من وشي
اغلقت لينا معها واخبرت سليمان وروز ومريم علي ما حدث وخرجت ركبت سيارتها وقادتها وسليمان يقود سيارته خلفها ومعه روز ومريم
كانت لينا تقود السيارة وهي تشعر بإنقباضة بقلبها ولكنها تغاضت عن الموضوع
٪٪٪٪٪٪٪٪٪٪٪٪٪٪٪٪
في فيلا لينا المهدي
داليا:الله يخرب عقلك يابت ايه اللي قولتيه ده ويعدين اشمعني انا وتقوليلها اني تعبانة ليه
مرام:لإنك ياحبيبتي غالية عند لينا انما انا لا زي مسمعتي فضلت تشتمني
داليا:هي جديدة يعني ما انتي كده دايما
وصلت لينا الي المنزل ونزلت من سيارتها بسرعة وركضت دخلت للداخل وقلب ادم يرفرف بفرحة لرؤيته لها ركضت لينا وذهبت الي داليا واحتضنتها
لينا:انتي كويسة ياماما صح
داليا:انا كويسة ياحبيبتي
ابتعدت لينا عن داليا ووجدت مرام تحتضنها
مرام:كل سنة وانتي طيبة ياحبيبتي
ابعدتها لينا عنها بقوة
لينا بغضب:يعني ده ملعوب منكم
مرام:ايوة احنا كنا عايزينك ترجعي البيت
لينا:انتي غبية انتي مش عارفة قلبي وقف ازاي من خوفي
مرام:مش مهم بس مش عايزة تعرفي ايه هي هديتك
وجدت لينا ان الم قلبها يزداد فوضعت يدها علي قلبها وضغطت عليه بقوة
لينا:ايه هي
ادم:انتي كويسة يالينا
لينا بصراخ:ايه هي
مرام:بصي وراكي كده
التفتت لينا للخلف ونظرت له بصدمة وبدأت تشعر ان قد تحطم قلبها من كثرة الالم
لينا بصدمة:ك.كمال
٪٪٪٪٪٪٪٪٪٪٪٪٪٪٪٪٪٪٪٪
يتبع
بقلمي ايه عثمان