رواية عشق بعد دمار الفصل السابع 7 - بقلم @Aya Asman219

توقف العالم كله عندما رأته رأت سبب دمارها لماذا يحدث هذا لما عودت لما تريد تحطيم قلبي اكثر من هذا زاد الم قلب لينا كثيرا ضغطت علي قلبها بقوة وشعرت بضعفها انها تضعف دائما امامه امامه تنسي نفسها وتنسي قوتها لا تستطيع اذيته بخدش صغير لما ايها القلب الصغير تضعف امامه لما لا تخرج غضبك وقوتك امامه يالله اعطني القوة فقط لهذا الوقت.
قلق الجميع علي يارا عندما وجدوا عيونها تلتمع بالدموع وجدوا الم ودموع وحزن وكسرة ولكن لم يستطع احد الإقتراب منها .
كان ادم يشعر بالغضب والغيرة الشديدة عندما لمح نظرة الحب التي تبثها لينا لكمال ود لويقتله ويدفنه في ارضه هو يريد هذه النظر له وليست لغيره كتم غضبه ولكن عينه تخرج شرارات حقد وغضب ولو كانت تحرق لكان كمال الأن يحترق.
مرام:ها ايه رأيك يالينا في الهدية عجبتك صح.
لم ترد عليها لينا بل لم تسمعها وظلت تنظر لكمال.
داليا:مرام انهي الحفلة.
مرام:بس يا م..
قاطعتها داليا وقالت:اسمعي الكلام وروحي انهيها لإنك عملتي كارثة كبيرة.
ذهبت مرام وانهت الحفلة وذهب جميع المعازيم وتبقوا عائلة لينا وآدم وعائلة مريم.
كمال:ايه مالك بصالي كده ليه هو انا مش حبيب القلب برضه.
أغمضت لينا عيناها بقوة ومر شريط ذكرياتها معه فبدأت تشتعل غضبا وتغاضت الم قلبها ثم فتحت عيناها بقوة ونظرت له بغضب وكره ثم قامت بلكمه لكمه قوية بوجهه وصدم الجميع من فعلتها.
لينا بغضب:يابجاحتك يا اخي يابجاحتك جاي بكل بجاحة وواقف قدامي وبتقول انك حبيبي انت عمرك ما كنت حبيبي ولا عمرك هتكون لإنك أقذر انسان قابلته علي وجهه الارض بسببك عشت اسوء سنتين بحياتي بسببك وقفت قصاد عيلتي كلها علشانك بس انت عملت ايه في الأخر جيت وقتلته قتلت اغلي شخص علي قلبي.
كمال بغضب:ما هو اغلي شخص علي قلبي كمان مكانش خاص بيكي لوحدك.
لينا بصراخ:لا هو يخصني لوحدي مايخصكش انت انت جيت وقتلته حرماني من ابني ليييه هااا ليه حرمتني منه جيت بكل بساطة وقتلته ليييه قلبك مارقش الدم ماحنش ابدا وانت بتقتله بكل دم بارد قلبك ماحنش ابدا روحت المستشفي بنفسك وروحت قتلته قتلته وهو كان لسه رضيع انا حتي ماشوفتوش اول ماصحيت قلولي مات مات بسببك ياكمال ليه تعمل كده ليه تحرمني من ابني.
جلست لينا علي الأرض وهي تبكي بقوة وينظر الجميع اليها بصدمة فداليا كانت تعليم بموت حفيدها ولكن لم تعتقد انه مات علي يد والده حزنت جدا علي حزن لينا وبكت لأجلها.
اما ادم فلا احد يعلم صدمته اهي امرأة متزوجة ولديها ابن ولكن قتل علي يد ابيه اصبحت حبيبته زوجة لأخر وام لطفل ميت يالله لما تعلق قلبي بها وهي ليست لي يؤلمني قلبي كثيرا عليها وعلي نفسي يالله ارحمني برحمتك.
كانت لينا تبكي بوجع قلب الذي كسر من زوج فاسد وحرقت قلب ام لفقدان رضيعها .
لينا بصراخ:اخرج ياكمال اخرج من حياتي اخرج وسيبني اعيش حياتي .
جثي كمال امامها وامسك وجهها بيده وضغط عليه بقوة وقال كمال ببرود:لا مش هخرج يالينا حتي لو خرجت من حياتك بس عمري ماهخرج من قلبك انتي لدلوقتي بتحبيني ثم ضحك بسخرية هه قصدي بعشقيني وبتعشقي التراب اللي بمشي عليه ماتفكريش اني مش عارف اللي بيحصل معاكي من ساعة ما نزلتي الإسكندرية انا كنت متابع خطواتك خطوة خطوة .
ابعدت لينا يده عن وجهها بقوة ودفعته فوقع علي الأرض
لينا:انت اييه انت ازاي كده ازاي بالبرود ده اذتني وكسرتني ودمرت حياتي ازاي ارواح الناس لعبة في ايديك ازاي بتإذي الناس بكل البرود ده حرام عليك ارحمني يرحمك من في السماء ياشيخ اتقي الله اعتبرني اختك حتي لو اختك مكاني كنت هتعمل ايه.
كمال بسخرية:هه معنديش اخوات اصلا.
لينا بحقد ووعيد:بوعدك ياكمال بوعدك اني هقتلك وهشرب من دمك وقبلها هبقي قاضيا علي كل حياتك هخليك تطلب الموت ومتطلهوش هأذيك في شغلك وفي عيلتك وهأذيك في. حياتك الشخصية هيظهر وشي اللي مشفوش اي حد لدلوقتي وانت هتتمني انك ماتشوفه ابدا اوعدك اني هقتلك ياكمال
ثم بصراخ ياحرس
جاؤا الحرس بسرعة:نعم
لينا:تاخدوا الزبالة ده وترموه بره الفيلا وقسما بربي لو عرفت انكم بس سمحتوله يقف قدام الفيلا بس وهو معدي بس لهكون دفناكم في ارضكم مفهووم
الحرس بخوف:مفهووم
قام الحرس بمسك كمال من يديه واخرجوه خارج الفيلا
نظرت لينا اليه حتي اختفي من امامها ثم التفتت الي مرام بسرعة وعيناها تشعل شرارات الغضب خافت مرام من نظراتها ظلت لينا تتقدم منه بهدوء مخيف ومرام ترجع للخلف ثم فجأة وقعت علي الأرض اثر صفعة قوية من لينا ادت الي نزيف فمها.
٪٪٪٪٪٪٪٪٪٪٪٪٪٪٪٪٪٪٪٪٪٪٪
كانت لينا تشعر بالغضب الشديد من مرام فهي سبب فتح جراح قلبها فهي السبب في تذكر طفلها المتوفي التي لم تنساه لثانية التي لم يعلم عنه احد شئ سواها وعائلتها فقط شعرت بالغضب الشديد بسبب كلامها مع كمال بسبب دعوتها للحفل لذا وبدون اي مقدمات رفعت يدها للأعلي وقامت بصفعها صفعة قوية ادت الي سقوطها علي الأرض ونزف فمها بشدة خرجت من فم جني وداليا وكريمان ومريم ورز شهقة كبيرة ادت الي فزعهم علي مرام لم تتوقف لينا ولكنها امسكتها من يدها بقوة واوقفتها ونظرت لها بغضب
لينا بغضب:ايه اللي انتي عملتيه ده انتي ايه علاقتك بكمال علشان تتصلي بيه عرفتي منين كمال هاا انتي عمرك ماشوفتيه ازاي عرفتيه هاا
كانت مرام تبكي من شدة قبض لينا علي يدها وبسبب خوفها منها .
مرام ببكاء:والله انا معرفش كمال انا بس شوفت صورته في اوضتك وشوفت وراها كلام فكرت انه حبيبك فكرت اني لما اعمل الحفلة واعزمه علي الحفلة انتي هتبقي مبسوطة وفرحانة وهترجعي لينا بتاعت زمان من15سنة وانتي بعيدة عني ومتغيرة جدا وكمان مبتضحكيش ولا حتي بتبتسمي لدرجة اني نسيت ضحكتك شكلها ايه بتبقي في شغلك في مكافحة المخدرات يا في شركة بابا سليمان مابشوفكيش الا نادرا كان نفسي ارجعلك ضحكتك وروحك من تاني.
لينا بهدوء يحمل ورائه كل وجع:ورجعتيها عرفتي ترجعي روحي وضحكتي عرفتي ترجعي لينا بتاعت زمان عرفتي ترجعي قلبي اللي اتكسر عرفتي ترجعي ابني الميت من الموت لا معرفتيش انتي بس قلبتي عليا المواجع خلتيني اتعذبت خلتيني افتكر وجع قلبي خلتيني انهاردة ولأول مرة في حياتي قدام الناس كلهم ابين ضعفي خلتيني لأول مرة معرفش اتصرف خلتيني عاجزة وانا ببص في عيونه يمكن اشوف شوية حب وحنان انتي قتلتيني يامرام قتلتيني مرجعتيش اي حاجة بتاعت زمان ولا ضحكتي ولا ابتسامتي ولا اي حاجة ثم بصراخ انتي اذتيني يامرام اذتيني خلتيني اطلع عذاب كان موجود في قلبي علشان مشوفش شفقة حد عليا والله برافو برافو هوووووه
صمتت لينا ولم يتحدث احد كل مايسمع صوت شهقات داليا ومرام وروز وانفاس لينا المتسارعة
مرام بشهقة:انا اسفة يالينا انا اسفة سامحيني مكانش قصدي ياحبيبتي
تركت لينا يدها واعطت لها ظهرها ووضعت يدها علي رأسها وضغطت علي شعرها بقوة
لينا بهدوء:مرام ومريم مفيش خروج من البيت الا معايا انا اللي هاخدكم مكان ما انتوا عايزين وهجيبكم كمان لو حتي لقيتوني مشغولة اوي او حتي تعبانة تيجوا وتقولولي انكم رايحين فين وانا هخدكم خروج من البيت لوحدكوا تاني مفيش
سليمان:ليه يابنتي
لينا:الحيوان مش هيسيبني في حالي واكيد هيحاول يإذيني في اي حد قريب مني
التفت لينا ووجهت نظرها للجميع وقالت
لينا:الكلام مش لمريم ومرام بس الكلام لكل اللي في الاوضة فأنا قررت ان نسافر القاهرة ونعيش في الكمبوند هناك
آدم:واحنا مالنا روحوا انتوا واحنا هنبقي هنا
لينا:علي ما اظن انت وعيلتك كنتوا واقفين وكمال كان هنا وهو عارفكوا وانا علي حد علمي ان في القاهرة شركة لتوفيق الحناوي تقدروا تصفوا الشركة هنا وتجهزوا لإن خلال اسبوع هنسافر القاهرة مش عايزة اسمع اي كلمة تانية وابدأوا من دلوقتي علشان نخلص بسرعة
تركتهم لينا وصعدت الي غرفتها وذهبت الي غرفة الثياب ودخلتها ذهبت الي احدي الأرفف وامسكت بملابس طفل رضيع
لينا ببكاء:وحشتني يا آسر وحشتني ياحبيبي ماما زعلانة اوي انك سيبتها ومشيت ماما تعبانة جدا وعايزاك جنبها
اخذت لينا الثياب وذهبت الي السرير ونامت عليه وهي تحتضن الثياب وتبكي بحرقة وتدعوا الله بالرحمة لإبنها
٪٪٪٪٪٪٪٪٪٪٪٪٪٪٪٪٪٪٪٪٪
في الأسفل
بعد ان صعدت لينا
جني:الكلام ده صح يعني لينا متجوزة وكمان ابنها ميت
داليا وشهقاتها تعلو:لينا مطلقة وفعلا اينها مات انا مكنتش اعرف انه مات علي ايد ابوه كنت افكر انه اتولد ميت يعيني عليكي يالينا شيلتي العذاب لوحدك خبيتي عنا ان ابنك مات علي ايد ابوه
جني بحزن:ربنا يرحمه ياحبيبتي ادعيله بالرحمة وان شاء الله هي هتقابله في الجنة
داليا:يارب ياجني يارب
اكرم:ايه الكلام اللي شوفتيه في ضهر صورة كمال
مرام:كان مكتوب"اعشقك يامن امتلكت قلبي ودمرته اعشقك رغم ما فلته بي لقد كسرتني ولكني مازلت اعشقك"
ضغط ادم علي يده بقوة وغضب وهو يتمني لو يفتك برأسها ويكسر يدها التي كتبت هذه الكلمات
روز:ربنا يريح قلبك يالينا وماتشوفيش عذاب تاني كفاية عذاب لغاية كده
ظل الجميع يدعوا بالراحة للينا ثم عاد كل منهم الي منزله
٪٪٪٪٪٪٪٪٪٪٪٪٪٪٪٪٪٪٪
مر اسبوع
والجميع يستعد للذهاب للقاهرة قام ادم واكرم بتصفية الشركة وقامت لينا بتقديم تحويل عملها الي القاهرة وقام سليمان ايضا بتصفية شركته وظلوا يعملوا طوال الأسبوع حتي اتي يوم السفر

انتهي البارت
يتبع
بقلمي اية عثمان