رواية عشق بعد دمار الفصل الثامن 8 - بقلم @Aya Asman219

بعد مرور اسبوع
تجهز الجميع للسفر والذهاب لبلدة اخري الي مكان ستحدث به الكثير من الأشياء .
كانت جميع السيارات تقف امام منزل لينا ينتظروا قدومها
آدم:في ايه هي ليه مجاتش لدلوقتي
داليا:لينا ملهاش مواعيد محددة استني هي هتيجي دلوقتي
ظلوا سنتظروا اكثر من ساعتين ولم تأتي
اكرم:لا كده كتير حد يتصل بيها
امسكت داليا هاتفها واتصلت علي لينا وانتظرت الرد ولكنها لم ترد
داليا:مابتردش
آدم:يعني ايه حاولي تتصلي تاني
ظلت داليا تتصل علي لينا ولكنها لا ترد فاتصلت بها وهذه المرة قد اغلق الهاتف
داليا بقلق:مابتردش واتصلت بيها تاني تليفونها مقفول
روز بقلق:لا لا والنبي حاولوا تلاقوها بالله عليكم
خرج اكرم وادم وسليمان من المنزل وركبوا السيارات وظلوا يبحثوا عنها .
٪٪٪٪٪٪٪٪٪٪٪٪٪٪٪٪٪٪٪٪
في شركة Lm
في مكتب المدير
تدخل السكرتيرة الي المكتب
السكرتيرة:مالك بيه في واحدة برة بتقول انها عايزة تقابلك
مالك:مين ياميار
ميار:دي العميلةL
مالك:وانتي سايباها برة دخليها بسرعة
خرجت السكرتيرة وقامت بإدخال العميلة
:العميل mاخبارك ايه ياراجل
مالك بسعادة:انا بكل خير بس ايه اللي جابك دلوقتي
:اخص عليك يعني مش عايزني اجي خلاص انا همشي
مالك:تمشي ايه تعالي يا لينا
لينا:تصدق وحشتني يامالك
مالك:وانتي اكتر بس برده مقولتيش ايه سبب الزيارة المفجأة دي
لينا:كنت عايزة اقولك اني هسافر القاهرة مع عيلتي وشوية من قرايب العيلة
مالك بإستغراب:فجأة كده
لينا:مش فجأة ولا حاجة انا مقررة اننا نسافر من اسبوع
مالك:توصلوا بالسلامة بس انا مطلوب مني ايه
لينا:المطلوب منك انك تراقب كمال الألفي
مالك:ليه هو رجع
لينا:ايوة عايزاك يامالك وراه خطوة بخطوة ماتسيبهوش يتهني بثانية واحدة عايزاك في يوم تكون جايبهولي عايزاك تجبهولي مدمر عايزاك تإذيه في شغله يامالك وانا هبقي متابعة كل حاجة خطوة بخطوة وانا معاك انا كمان هأذيه في شغله عايزاك تخليه يدخل ثفقة يطلع منها خسران كل حاجة سمعته واملاكه وكل حاجة فاهم
مالك:للدرجادي اذاكي
لينا:ده كده يبقي بنلعب علي الخفيف والله لوريه النجوم في عز الظهر
رن هاتف لينا فوجدتها والدتها فلم ترد
مالك:مين
لينا:ماما
مالك:طيب ماتردي ممكن تبقي قلقانة
لينا:ماتخدش في بالك
ظل هاتف لينا يرن برقم والدتها وهي لم ترد حتي ملت فقامت بإغلاق الهاتف نهائيا
مالك:امك دي من النوع اللي بيقلق بسرعة ماهي عارفة انك لما بتبقي معايا مش بتردي علي الفون بس برده بتبقي قلقانة وبتنسي
لينا:ماتخدش في بالك خلينا نكمل كلامنا
ظلت لينا اكثر من ساعتين وهي تخطط في تدمير كمال وايضا تحاول انهاء بعض الأعمال.
٪٪٪'٪٪٪٪٪٪٪'٪٪٪٪٪٪٪٪٪
في منزل لينا
عاد ادم واكرم وسليمان الي المنزل بعد ان تعبوا من البحث عنها عندما وصلوا ركضت لهم روز وداليا ويسئلونهم عن لينا
داليا:لقتيوها
آدم:لا
سليمان:دورنا عليها في كل مكان في مستشفيات واقسام ومطاعم وكافيهات ودورنا عند صحابها مالقينهاش
روز:دورتوا عند مالك
آدم:مالك مين
داليا:ايوة صح لينا لما بتبقي مع مالك مش بترد علي الفون روحوا دوروا عنده
آدم وهو علي وشك فقدان اعصابه:ممكن تتكرموا وتقولوا مين مالك
روز:يبقي صديق لينا يلا روحوا دوروا في شركةLm
خرج ادم واكرم وسليمان وركبوا السيارة وقادوها الي الشركة وآدم كان الغضب يعميه يريد قتلها اوووف بكرهك يالينا بكرهك
وصل ادم واكرم وسليمان الي الشركة وذهبوا الي مكتب السكرتيرة
ادم:مالك موجود
ميار:ايوة موجود حضرتك عايز تقابله
تجاهلها ادم وذهب الي مكتب مالك وفتح الباب وصدم من ما رأي......
٪٪٪٪٪٪٪٪٪٪٪٪٪٪٪٪٪٪
في هذا الوقت بمكتب مالك
لينا:خلاص انا كده خلصت كل شغلي لأسبوع كامل هبقي اجيلك الاسبوع اللي جاي علشان لو فيه حاجة عايزة امضتي
مالك:كتر خيرك بس يارب ماتتأخريش
لينا:لا مش هتأخر بس انت خلي بالك من الشركة
مالك:طبعا
وقفت لينا ومالك وذهبت لينا اليه واحتضنته بقوة وفي هذا الوقت فتح الباب ودخل اكرم وسليمان وبقي ادم ينظر اليها بصدمة
عندما فتح الباب ابتعدت لينا عن مالك وقامت بتقبيله في وجنته
لينا:هتوحشني اوي يامالك
مالك:وانتي اكتر يالينو
نظرت لينا علي سليمان واكرم وتجاهلت نظرات ادم المغلفة بالغيرة والغضب والصدمة
لينا:انا اسفة يابابا اني اتأخرت بس كان فيه شغل كتير فجيت علشان ماسيبش الشغل كله علي مالك
سليمان:عادي ياحبيبتي مافيش مشكلة بس يلا لإن ماما داليا وماما روز مستنينك وقلقنين عليكي
لينا:اوكي يلا باي يامالك ابقي اتصل ماتنسانيش
مالك:انا برده اللي بنساه ده انتي اللي بتنسي
لينا:خلاص بقي ياحبيبي المسامح كريم
غضب ادم كثيرا عندما قالت له حبيبي اراد ان يقتلها ويقتلع لسانها هذا
ادم بغضب:مش يلا بقا لإننا اتأخرنا
لينا:يلا
خرجت لينا من المكتب وخلفها الجميع نزلت ركبت سيارتها وقادتها وخلفها آدم وهو يشتعل غضبا وورائه سيارة اكرم ومعه سليمان وصلوا للمنزل ونزلت لينا من السيارة ودخلت للمنزل
لينا:كله جاهز
داليا:ايوة
لينا:جمعتوا كل الهدوم واي حاجة شخصية
روز:ايوة
لينا:الشنط وكل حاجة في العربية
جني:ايوة
لينا:زياد فين
مرام:لسه مجاش
لينا:نععم يعني ايه لسه مجاش مش هتردد في قتله لو اتأخر ثانية واحدة
زياد:والله ما انتي قتلاني انا وصلت اهو
لينا:ايه اللي اخرك
اقترب منها زياد وهمس بأذنها:عرفت كل حاجة وفعلا طلعت معاه وبتخونا وكمان بتسرق المعلومات وبتوصلهاله
اشتعل ادم اكثر مما هو مشتعل ما كمية هذه الرجال بحياتها لم يتحمل قربه منها اكثر فذهب اليها وسحبها من يدها وابعدها عن زياد بغضب
ادم بغضب:مش خلاص خلصنا ممكن نمشي مش كل مانروح مكان نلاقيكي بتحضني واحد وبتبوسي واحد
لينا بغضب:وانت مالك اصلا مالك اني اكلم ده واحضن ده انا حرة لنفسي ومافيش اي حد يتحكم فيا فاهم وبصفتك ايه بتتكلم بصفتك اخويا ابويا حبيبي خطيبي جوزي
ادم في نفسه:لا انتي حبيبتي ومعشوقتي ومعذبت قلبي
لينا: مابحبش التحكمات وبطل قرف وابعدني عن تفكيرك فاهم ايه ابعد عني بقي يلا نمشي
خرج الجميع وهو مبتسم لأنهم لاحظوا حب ادم للينا وغيرته الشديدة عليها وقفوا امام السيارات
لينا:انا هاخد زياد معايا وبابا خد ماما روز وماما داليا ومرام ومريم وطنط جني واكرم ياخد ميار وانت وهي تشير علي ادم انت هتاخد عمو توفيق
ادم:اولا اللي بتقولي عليه انت ده ليه اسم ادم صعب ادم ثانيا انتي مش هتتحكمي فيا انا حر في حياتي اخد اي حد معايا فاهمة ثم قال بحدة وهو يعيد كلامها اصل انا بكره التحكمات وبطلي قرف وابعديني عن تفكيرك يلا نمشي
لينا بغضب وهي ترفع اصبعها امامه:انت ازاي تعلي صوتك عليا انت مش عارف انت بتكلم مين
امسك ادم اصبعها وقربها منه اكثر:لا عارف بس مش هتقدري تعملي اي حاجة
توترت لينا من قربه منها وحاولت اخفائه لكنها لم تستطع
ادم:ايه القطة اكلت لسانك ولا ايه
لينا بتوتر:ا.انت انت مش محترم ابعد عني
ادم:لا
توفيق:ادم ابعد عنها ويلا نمشي
ادم:انتي هتروحي معايا
لينا:ولا عمري هروح معاك..
قاطعها ادم بسحبها وحاولت سحب يدها لكنها لم تستطع قام ادم بإدخالها السيارة واغلق السيارة حاولت هي فتحها ولكن لم تستطع اشار ادم لاكرم وسليمان بالتحرك امامهم تحركت جميع السيارات وركب ادم السيارة ونظر للينا
ادم:انا هوريكي انتي تبقي بالنسبالي ايه
لينا:نزلني يا ادم بالله عليك نزلني
ادم:ايه ده لا انا مش متعود علي لينا الخايفة انا عايز القطة الشرسة
لينا وقد بدأت ذكرياتها مع كمال تمر امامها بدأت دموعها بالنزول:بالله عليك نزلني الله يخليك
ادم:بتعيطي ليه
لينا:الله يخليك نزلني
ادم:ماتخفيش انا مش هأذيكي انا هسوق العربية لحد ما نوصل
لينا ببكاء:لا بالله عليك نزلني ياكمال اوعدك اني مش هعملك حاجة اوعدك اني مش هقول لحد وهديلك كل اللي انت عايزه
امسك ادم وجنتها وظل يضربها عليها بخفة:لينا فوقي ياحبيبتي انا ادم مش كمال
لينا ببكاء:بالله عليك سيبني
قلق ادم عليها كثيرا حاول ايفاقتها فقام بصفعها صفعة قوية ادت الي تألمها وانكسار قلبه
٪٪٪٪٪٪٪٪٪٪٪٪٪٪٪٪٪
يتبع
بقلمي اية عثمان