رواية عشق بعد دمار الفصل الثاني والأربعون 42 - بقلم @Aya Asman219

بعدما خرج ادم من الغرفة تنهدت هي بحزن فهي تعتقد ان قرارها جرحه وجرحها بذات الوقت ولكن هذا الافضل لكلاهما سوف يعانيا من الم في الايام القادمة ولكن لنتعب قليلا

تنهدت بحزن ونرت للسقف وفي هذا الوقت فتح باب غرفتها ودخلت قمر للغرفة واغلقت الباب خلفها وذهبت جلست بجوارها علي السرير وتنهدت هي ايضا بحزن ونظرت للسقف

قمر وهي تنظر للسقف:احنا الاتنين اتعذبنا كتير بسبب كمال مكناش قادرين نتعايش بسبب اللي عمله فينا بس الفرق اللي بيني وبينك اني بعد مابعدت عن كمال حبيت وحبيت بجد ومقدرتش ابعد عن اللي بحبه

لينا بسخرية وهي تنظر للسقف:سليم صح

قمر بسخرية:ايوة سليم شوفتي القدر انا مش قادرة اصدق اني وقعت في حب سليم الاهبل اللي كنت بكرهه من صغري مع انه معملش اي حاجة غلط ليا كان دايما يقف معايا كان بيحبني بجد وبيعشقني كان بيغير من كمال جدا تعرفي انه كان كل ليلة يقتله واحد بسبب غيرته اخرمابيتعصب بيروح يتخانق مع الحرس في مرة انا وكمال كنا خارجين كمال كان بيسوق العربية وفجأة وقف لان سليم كان قافل الطريق سليم وقف قدام العربية كسر عربية كمال كلها كمال اتعصب ونزل اتخانق معاه لحد ماقولت لسليم امشي من هنا وسيبنا سليم علشان مايزعلنيش مشي

لينا:فاكره اليوم ده ساعتها انا كنت في المستشفي بزور كريم لقيت كمال وشه متشلفط علي الاخر بس تصدقي صعب عليا

قمر:مايصعبش عليكي ياحبيبتي الفرق بقي فيكي انك حبيتي بجد بس بعد اللي حصل مارضيتيش توافقي علي ادم تاني علشان ماتتأذيش لانك شوفتي جزء من ادم شبه كمال بس ادم مش كمال خالص ادم اهتم بيكي جدا وحبك ده اتخانق مع العيلة كلها علشان هو اللي يروح معاكي المانيا لانه غيران عليكي من باباكي

نظرت لينا للسقف ولم تتحدث

قمر:انا عايزة اقولك اني سمعت كلامك مع ادم وعرفت انك رفضتيه انتي ماشوفتيش وشه وهو خارج من الاوضة وشه كان شبه اليتيم اللي مش لاقي امه

لينا وهي تغمض عيناها بألم:عايزة تقولي ايه ياقمر

قمر:عايزة اقولك ان ادم بيحبك وبيعشقك عايزة اقولك انك تنسي اللي حصل منه كانت ساعة غضب

لينا بغضب وهي تعتدل في جلستها وتنزل من علي السرير:وانا في كل ساعة غضب لازم استحمله تخيلي طلقني في لحظة غضب اقوله خلاص ياحبيبي انا مسامحاك تعالي نرجع لبعض تاني انتي واعية لكلامك ياقمر تخيلي اتجوزنا وبقي عندنا عيال مش هنتفاهم والعيال هتتعقد وانتي تقوليلي سامحيه ده كان في لحظة غضب ارحميني ياقمر واخرجي بره الاوضة

قمر وهي تقف بتحدي:لا مش هخرج يالينا الا لما ارجعلك عقلك اللي طار لينا افهمي اسر اتعود علي ادم وبقي يقوله بابا انتي ليه عايزه تحرميه من حنان الاب انتي ليه انانية

لينا بغضب وصوت عالي وبدأت بتكسر الغرفة:انا انانية ياقمر مبفكرش غير في نفسي محدش ليه دخل بيا

قامت لينا بدفع قمر خارج الغرفة وأغلقت الباب خلفها وبدأت بمحاولة التقاط انفاسها ولكنها لم تستطع فبدأت سحابة سوداء تقترب من عينيها فأغمي عليها

===================================================

بالخارج

اجتمع الجميع امام باب الغرفة بعد سماعهم لصوتهم العالي واصوات تكسير الغرفة وجدوا قمر واقفة امام الغرفة وتطرق علي باب لينا بقوة

قمر:لينا افتحي بلاش اللي بتعمليه ده

لم تتلقي اي رد فبدأ القلق يدب في قلب من بالخارج فأبعد ادم قمر وطرق علي الباب وهو يتوسلها

ادم:لينا افتحي الباب ياحبيبتي ماتقلقناش عليكي لينا العصبية هتأثر عليكي ياحبيبتي وهتتعبك افتحي الباب بس نطمن عليكي وبعد كده اقفليه

لم يتلقي اي رد فلم يجد فرصه غير كسر الباب ابتعد قليلا عن الغرفة فدفع الباب بقوة فكسر ودخل ادم بسرعة وصدم عندما وجدها مغمي عليها فحملها ووضعها علي السرير وضرب علي وجنتها بخفة وهو ينادي علي بقلق

ادم بقلق:لينا حبيبتي فوقي ياحبيبتي وماتسيبنيش لوحدي قومي ياحبيبتي ثم وجه نظره لكريم وقال

ادم:اعملي حاجة ياكريم خليها تفوق

ابعده كريم عنها واقترب منها وكشف عليها ثم اخذ ابرة وقام بحقنها ثم اخرجها والقاها بالقمام والتفت لادم

كريم:هي هتفوق دلوقتي بس الله يخليكم ماتعصبوهاش لان ده بيأثر بالسلب عليها بالذات انتي ياقمر

اماء له الجميع بالموافقة وخرجوا جميعا وبقي ادم معها وجلس بجوارها ومسح علي شعرها بخفة

ادم:قلقتيني عليكي جدا ياحبيبتي ماتعمليش كده تاني لاني مش هستحمل

ثم اقترب منها وقبلها من جبينها ثم جلس علي الكرسي ينظر لها بحزن ثواني وقامت بفتح عيناها ونظرت بكل الاتجاهات بالغرفة وجدت ادم يجلس علي الكرسي بجوارها فحاولت الاعتدال بجلستها ولكنها تألمت اقترب منها ادم واجلسها ثم ابتعد عنها واحضر برشامها والماء واعطاهم لهم فشربت البرشام وارجعت رأسها علي الوسادة وجلس ادم علي الكرسي ينظر لها نظرت هي له وقالت

لينا بتعب:بتعمل ايه في اوضتي

ادم بابتسامة حزن:جيت اكمل اهتمامي بيكي وأوعدك اول ماتعرفي توقفي علي رجلك من غير ماحد يساعدك همشي من البيت ومش هتشوفي وشي تاني

لينا بتنهيدة:ده الاحسن لينا احنا الاتنين كان لازم ارفض

ادم بابتسامة حزن:المهم انك تبقي بخير ده كل اللي اناعايزه

لينا:عايزة منك طلب

ادم:اتفضلي ياحبيبتي

لينا:خليك في البيت ماتمشيش اسر اتعود عليك وانت كمان مش عايزة احرمه من حنان الاب كفايا ان باباه مات

ادم بحزن وهي ينظر للاسفل:مقدرش لازم امشي من البيت مش هحرم اسر من حاجة هقابله دايما وهجبله كل اللي هو عايزه

لينا:في فرق اسر هيتعقد ده طلبي الاول هترفض طلبي الاول يا ادم

ادم وهو ينظر بعينيها وابتدت عيونه تمتلئ بالدموع:مش هقدر ارفض بس صمت قليلا واغمض عينيه بقوة لكي يمنع دموعه بالنزول ثم فتح عيناه وقد بدأت بالاحمرار وقال ماشي موافق ارتاحي دلوقتي علشان ماتتعبيش

وقف ادم وذهب لها ومددها علي السرير ودثرها بالغطاء جيدا وذهب الي الاريكة ومدد جسده عليها واغمض عينيه بألم وهو ينظر لها بألم

=================================================

مر اسبوع

والحال كما هو ولكن حدثت بعض التغيرات في حالة لينا فبدأت بالتحسن وعدم وجود الالام بقلبها سوي بسيط جدا وهو المها من ادم فهي موجوعة كثيرا

كان يهتم بها كثيرا ويهتم بتفاصيلها الصغيرة ينام علي الاريكة التي بغرفتها كي يساعدها اذا احتاجت لشئ ولكنه كان يشعر بألم في قلبه فهي قد حكمت علي قلبه بالاعدام ولكنه لايريد تركها بمنتصف الطريق وحدها وقرر مساعدتها حتي ولولم يكن زوجها

في يوم في بداية الاسبوع الثاني

كانت تجلس لينا بغرفة المكتب امام والدها وقد اخبرته بكل ماحدث

خالد:للدرجادي مش قادرة تنسي يالينا انسي بقي ده ادم اهتم بيكي من ساعة مسافرتي المانيا لحد ماجيتوا مصر وهو مهتم بيكي جدا بيحبك جدا

لينا ببكاء:يعني انا مش بحبه يعني انا بعشقه اكتر من نفسي ده النفس اللي بتنفسه بحبه جدا ومش قادرة انساه بس انا خايفة بعد مانتجوز في لحظة غضب يضربني ويطلقني مش هقدر استحمل هموت لو فكر يعملها تاني

خالد:اهدي ياحبيبتي ارتاحي قربوا من بعض واتجوزوا ادم مش هيعمل كده تانية بعد اللي حصل هيفكر مية مرة قبل مايفكر يمد ايده او يطلقك

لينا:مش عارفة مش عارفة سيبني افكر واشوف هتصرف ازاي

وقفت لينا وخرجت من غرفة المكتب وصعدت لغرفتها

============================================

في غرفة المكتب

دخل ادم لغرفة المكتب بعد ان ارسل خالد احدي الخدم لينادوه دخل للغفرة واغلق الباب خلفه وجلس علي الكريب امامه

ادم:نعم ياعمي طلبتني ليه

خالد:لينا قالتلي علي كل حاجة وقالت انها رفضت ترجعلك

نظر ادم للاسفل فقال خالد

خالد:مبسوط من اللي عملته يا ادم مبسوط بعد دمرت حياتك وحياتها بسبب كلمة دمرتكم انتوا الاتنين

ادم:مكانش قصدي انا لو علي نفسي بضرب نفسي بمية جزمة بسبب اللي عملته مستعد انفذ اي حاجة هي عايزاها لو طلبت اني اقتل نفسي هقتل نفسي مايهمنيش غير انها تسامحني

خالد:سيبها فترة تفكر ونشوف قرارها

ادم:مستعد اديها العمر كله بس ماتبعدش عني

خالد:ماتخفش يلا روح اهتم بيها واديها علاجها لان بعيد عنك بقي بيجيلها زهايمر مبكر

ادم بضحك:ماشي عن اذنك

تركه ادم وخرج من الغرفة وصعد الي غرفتها اعطاها دوائها وجلس بجوارها

=======================================

بعد مرور شهر

كان يقام افخم عرس في العالم لأبناء عيلة المهدي ومهران والحناوي كانت القاعة مزينة بشكل ملوكي والعرسان كان بطلة جميلة جدا جاء الي الحفل الصحافين ورجال الاعمال والمشاهير وكان عرس في غاية الجمال في نصف الحفل انقطعت الانوار وفتحت علي الاستدج وهي تقف عليه بفستانها الرمادي الذي يشبه عيناه وكانت ممسكة بالمايك بيدها وقالت وهي توجه نظرها له

لينا:انا مش هعرفكم بنفسي لاني عارفة اني غنية عن التعرف انا بس كنت عايزة اني حبيت حبيت بجد من قلبي وعشقت بس اللي بحبه عمل غلطة دمرتني ودمرته هو بقاله شهرين مستني قراري علشان يعرف اني موافقة اني اكمل معاه ولا لا فأنا بقولك قدام الناس دي كلها اني موافقة اني اكمل معاك وافضل معاك العمر كله ياحياتي انا موافقة عليك يا ادم توفيق الحناوي

كانت قد اقتربت منه وعندما علم بموافقتها علي تكملة حياتها معه فاحتضنها بقوة ودار بها كثيرا وتوقف وهي يحتضنها والدموع تسيل من عينيه وكان الصحافيون يصورون هذه اللحظة التاريخية في حياة لينا المهدي

ابعدها ادم عنها وسحبها الي الطاولة التي يجلس عليها المأذون وقام بكتب كتابه مرة اخري عليها وعندما انتهوا من التوقيع اوقفها ادم من مكانها وقام بتقبيلها من شفتيها ثم ابتعد عنها وامسك المايك وهو يقول بسعادة العالم كله

ادم بسعادة:بحبك يالينا المهدي ومستحيل استغني عنك ابدا

انتهي الحفل علي خير وساعدة وذهبت كل عريس مع زوجته الي عش زواجهم وكل منهم سعيد بتوأم روحه وشريك حياته

====================================================

المضون من الرواية انك تتعب لانك لو تعبت في الاول هتلاقي السعادة والراحة بعد كده زي لينا تعبت 5سنين بسبب جوازها من كمال وبعد ابنها عنها ولكن في الاخر وجردت الراحة والسعادة بسبب اجتماع عائلتها مع بعضهم وزواجها من ادم واهتمامه بها وبأسر

اه واخر حاجة الرواية دي اهداء لندي طارق صاحبتي وبقولها يارب الرواية تعجبك وتعجب الناس كلها