رواية عشق بعد دمار الفصل الثاني والثلاثون 32 - بقلم @Aya Asman219

إسراء بصدمة:متجوزين طب ازاي عرفي
لينا بسرعة:لالالالا مش عرفي متجوزين علي سنة الله ورسوله
داليا:طيب ازاي ده حصل وامتي حصل
خالد:قبل ده كله انا وسليمان وكريم وأكرم عارفين بموضوع جوازهم
روز:ممكن تحكولنا ده حصل ازاي
لينا:ده حصل في اليوم اللي قتلت فيه كمال نفس اليوم انا وآدم اتجوزنا علطول
Flash Back
في غرفة لينا
كانت تبكي وهي بأحضان والدها ظلت تبكي بكثرة حتي ابعدها خالد عنه ورفع وجهها ينظر يأعينها
خالد:انتي بتحبي آدم
لينا:بكرهه
خالد:طيب ليه كنتي بتحضنيه
لينا:مش عارفة بس كنت بحس بأمان وحنية الدنيا كله فيه
خالد:طيب احنا لازم نعمل حاجة علشان انتي وهو ماترتكبوش حاجة غلط
لينا:ايه هي
خالد:اننا نجوزكم كده هيبقي احسن ليكم انتوا الإتنين وكمان هيبقي جوزك وقت ماتحتاجيله روحي اوضته او هو يجيلك هيبقي احسن تاخدي حضن بالحلال ولا تاخديه بالحرام
لينا:بس انا مش بحبه
خالد:هنعرف ده بعدين يلا نامي دلوقتي وبكرة نروح انا وانتي وادم وسليمان واكرم وكريم ماشي
لينا:ماشي بس خليني انام في حضنك
خالد بإبتسامة:ماشي ياحبيبتي
في صباح يوم جديد
اخبر خالد سليمان وكريم واكرم وآدم بأنهم سيقيموا كتب كتاب للينا وآدم وافقه الجميع وكان آدم سعيد جدا نزلت لينا وذهبوا جميعا للمأذون وكان خالد وكيل لينا وتم كتب الكتاب وسط فرحة آدم بأن حبيبته أصبحت زوجته وفرحة لينا التي لاتعرف سببها
End Flash Back
لينا:وده اللي حصل والحيوانات دول كانوا شاهدين علي الجواز بس مش قصدي عليك يا بابا سليمان
كريم:يعني قصدك علينا
لينا:طبعا ياحبيبي
جني:بطلوا خناق احنا دلوقتي نعملكم فرح بقي
آدم:ياريت والله هتكون عملتوا جميل
اكرم:بما انكم هتعملوا فرح لآدم ولينا فأنا بطلب إيد مرام منكم
خالد:مش موافق
أكرم:ليه انا ناقصني إيد ولا رجل
مرام:لا مش ناقصك حاجة بس لازم تطلبني بطريقة رومانسية
أكرم:لا الرومانسية دي لما تبقي مراتي صح ياعمي
مرام بتذمر:لا اشمعنا مريم زياد هيطلبها بطريقة رومانسية
أكرم:عمي وافق وانا هعمل كل اللي انت عايزه
خالد:سيبني افكر
أكرم:انا عارف الحيوانة دي بقالي أكتر من٥شهور وحضرتك عارفني يلا وافق
لينا:وافق يابابا خلي فرحنا كلنا مع بعض
خالد:اممم ماشي موافق
فرحت مرام وأكرم كثير
لينا:يبقي الفرح بعد اسبوع ماشي
سليمان:مالك مستعجلة يابيضة استني شوية
آدم:وهنستني ليه الأوض وجاهزة والهدوم يومين وهتخلصوها كلها يبقي نستني ليه
خالد:مش كفاية ان احنا قبلنا اننا نجوزكم بناتنا
آدم:لا والله لينا مراتي اقدر اخدها دلوقتي واهرب ومحدش ليه دخل
كريم:مجنون ويعملها
مالك:طيب انا كمان لازم اتكلم
سليمان:اتكلم يا اخويا
مالك:بصوا بقي انا كمان عايز اتجوز
خالد:الله ماتقولي ياروز انك كمان عايزة تتجوزي
سليمان:نعم ده انا كنت قتلتها
مالك:اقتلها بعد ماتجوزني
خالد:وانت عايز تتجوز مين
لينا:ميار
مالك:يعني انتي عارفة
لينا:ماتتهونش بيا يابابا ده انت والبت واقعين
سليمان:طيب اللي انا اعرفه ان ميار معندهاش غير اخت واحدة ومعندهاش أهل
مالك:وايه المشكلة
سليمان:مش عارف معلينا يبقي مبروك هنروح بكرة نطلبك من اختها
إسراء:ياخيبتك في إبنك يا إسراء وانت ملقتش واحدة تتجوزها
كريم:ما اللي امها داعية عليها مش راضية تيجي نعمل ايه
لينا:ما تخافش ياكيمو انا هجوزك واحدة كويسة
كريم:ربنا يكرم بأصلك
لينا:طيب يازياد روح جهز مكان رومانسي علشان مريم
زياد:وهو بعد اللي انتي عملتيه في وشي هقدر ابص في وش الناس
لينا:اومال هتعمل ايه
زياد:احاول اتصرف منك لله
خرج زياد من المنزل وذهب لمنزله وصعدت لينا لغرفتها وخلفها آدم دخل الغرفة واغلق الباب وذهب احتضنها من الخلف
لينا:آدم إبعد عني
آدم:ليه
لينا:استني الفرح واحضني براحتك
آدم:طيب سيبيني انهاردة انام في حضنك
لينا:لا يلا سيبني واطلع بره
آدم:انتي مفترية اوي
لينا:طيب يلا اطلع انت اللي مفتري
آدم:بس انتي احلي مفترية
استدارت لينا له وابتعدت عنه وأمسكته من يده وأخرجته من الغرفة
لينا:روح اوضتك
آدم:حضن واحد بس طيب
لينا:لا يلا
وجائت لتغلق الباب نادي عليها آدم فنظرت له وجدته يقبلها قبله صغيرة وتركها وذهب بسرعة واغلقت هي الباب بخجل وذهبت نامت علي السرير
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
في المساء
نزلت مريم من غرفتها وكانت ترتدي فستان من اللون الأزرق الغامق وحذاء ذو كعب عالي لونه ازرق وكانت تصفف شعرها بطريقة جميلة وكانت تضع القليل من عطرها الجميل  وجدت الأضواء مغلقة ولا يوجد ضوء صغير نزلت من علي السلم حتي وصلت للأرض ولكن قبل ان تضع قدمها سمعت صوت انفجار البالونة وإضائة الأنوار وجدت زياد يقف امامها ببدلته الجميلة وبسمته الرائعة ظل يقترب منها ثم جثي علي ركبتيه وأخرج خاتم من الفضة وشكله جميل وقال
زياد بإبتسامة:اسفة علي الطريقة اللي كلمتك بيها واسف اني جرحتك وكسرتك واسف اني خليتك تعيطي بسببي بس اوعدك اني هنسيكي كل الوجع ده وهخليكي اسعد واحدة في الدنيا بس ياريت تسامحيني لو قصرت معاكي تقبلي تتجوزيني ياوردة قلبي
نزلت دموع مريم علي كلماته وعندما انتهي جثت أمامه واحتضنته بقوة وهي تبكي
مريم:انا اسفة انا اللي كنت انانية انا اللي مسمعتش منك اي حاجة بس انا خدت علي خطري اوي وبسبب كده كنت زعلانة منك
زياد:يعني موافقة
مريم:موافقة يامالك قلبي
احتضنها زياد بقوة وهو يضع الخاتم بإصبعها وفي هذا الوقت اجتمع الجميع حولهم وهم مبسوطين اوي
سليمان:احم احم قومي يامريم احسنلك
ابتعدت مريم بسرعة عن زياد ووقفت بسرعة ووقف هو ايضا
مالك بمزاح:فضحتينا يازبالة ياحيوانة العار يابت الكلب العار
صفعه سليمان علي قفاه وقال
سليمان:انت اللي كلب بتشتمني يا ابن الكلب
مالك:طيب ما انت بتشتم نفسك
سليمان:ملكش دعوة
لينا:خلاص ياولد احنا نقتلوها ونتاوي جتتها
كريم:ايه الشر ده لا احنا نحرقها حية يابت
اكرم:عندينا إهنا الحرمة ماتتكلمش اتكتمي يابت
آدم:انت اللي تتكتم ياحيوان دي مراتي
مرام:وانا كمان هشارك في الجريم دي لازم نقتلوها يلا
زياد:محدش ليه دعوة بخطيبتي ومراتي وانا همنعكم من انكم تقربولها
روز:ماشي الفرح هيبقي بعد اسبوع يامريم
مريم:نعم اسبوع ازاي
خالد:شايفة البنات المحترمة مش انت لا هنتجوز بعد اسبوع
مريم:مش قصدي اسبوع ليه بعد بكرة هيبقي احسن
سليمان:نعم يا بنت الكلب بعد بكرة ايه
مريم:الفرح اصلي مش هقدر ابعد عن زيزو حبيبي اكتر
زياد:حبيبة قلبي ياناس
مالك:احنا هنا علفكرا
خالد:طيب كله يطلع ينام وبكره هنروح انا وسليمان ومالك علشان نطلب إيد  ميار
لينا:وانا كمان هاجي
سليمان:انتي كده كده هتروحي قبلنا علشان تبلغيها وتسعديها
كريم:وانا كمان هروح ممكن الاقي نصي التاني
مالك:انت بالذات مش هتروح
كريم:ليه
مالك:انت عايز تبوظلي الجوزاة ياض
كريم:هقعد ساكت مش هتكلم
مالك:لا مش هتروح
لينا:مالك اتكلم كويس ده اخويا
مالك:ما انا كمان اخوكي
خالد:مش هنخلص انهاردة خلاص انا وسليمان ومالك وكريم ولينا هتروح قبلنا
الكل:ماشي
سليمان:يلا الكل علي اوضته
صعد الجميع لغرفته وناموا لإستقبال يوم جديد
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
في اليوم التالي
استيقظت لينا باكرا وذهبت للحمام اخدت شور وخرجت ارتدت ملابسها وصففت شعرها ونزلت ذهبت لآسر ايقظته وخلته ياخد شور ولبسته هدومه وصففت ليه شعره وحملته وخرجت من المنزل ركبت سيارتها وذهبت لمنزل ميار وعندما وصلت نزلت هي وآسر من السيارة وصعدوا لمنزل وطرقوا الباب وفتحت لهم ميار وباين علي أثرها النعاس الشديد فأدخلتها لينا للداخل ودخلت هي وآسر وأغلقت الباب
ميار:في إيه يالينا وجايع بدري كده ليه
لينا:انتي لسه هترغي بليل هيجي مالك
وعيلتي علشان يتقدملك يلا بسرعة ادخلي خدي شور عقبال ما اصحي مها يلا
ادخلتها لينا الحمام واغلقت عليها الباب وذهبت هي وآسر لغرفة مها وأمسكت بكأس الماء وسكبته عليها فإستيقظت بفزع وآسر يضحك عليها
مها:في إيه ها إيه اللي حصل
لينا:في إن اختك جايلها مالك علشان يطلب إيدها يلا قومي رتبي الشقة وانا هجهز ميار يلا قومي آسر خليك معاها
خرجت لينا من الغرفة وذهبت لميار اخرجتها من الحمام وجعلتها ترتدي ملابسها وظلت تضع علي وجهها الماسكات
في غرفة مها
نظرت مها لآسر وقالت
مها:هي دي أمك
آسر:طبعا
مها:ومالك بتقولها بثقة كده
آسر:مش مامتي ويلا قومي اجهزي علشان عمو مالك جاي يلا
تركته مها وذهبت للحمام اخدت شور وبدلت ملابسها وخرجت من الحمام ثم خرجت من الغرفة وبدأت بتنظيف المنزل وعندما انتهت ذهبت للمطبخ وقامت بطبخ العديد من المأكولات الطيبة وبعد العصر كانت انتهت وذهبت لغرفة ميار وجدتها تجلس وعلي وجهها ماسك
مها:يارايقة طب ده كله هيخلص إمتي
لينا:وانتي مالك ياباردة ولا علشان هتتجوز وانتي لا
مها:لا طبعا دي هتبقي احلي فرحة ليا
لينا:تعالي اعملك ماسكات انتي كمان
جلست مها وبدأت لينا تضع لها هي أيضا ماسكات
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
في المساء
كانت انتهت ميار ومها من وضع الماسكات وارتدوا الفساتين ووضعت لينا الميكب علي وجه ميار وعندما انتهت كانت ميار بغاية الجمال ثم ذهبت لينا لمها لتضع لها ولكنها اوقفتها
مها:هو انا العروسة ولا ايه
لينا:مش يمكن انتي كمان تبقي عروسة الليلة يلا بقي
وضعت لها لينا الميكب  وفي هذا الوقت جاء مالك وسليمان وخالد وكريم وطرقوا علي الباب فذهبت لينا وفتحت الباب وادخلتهم
مالك:ها كل حاجة كويسة
لينا:مسمرتهالك يا مالكي
مالك:طيب خليها تيجي
دخلت لينا واخرجت ميار ومها واجلستهم علي الأريكة وصدم مالك وكريم عندما رأوهم فهمست ميار ومها باذن لينا وقالوا
ميار ومها:انتي عملتي فينا ايه بالظبط مخلياهم باصينلنا كده
لينا:اقعدوا بس
جلسوا وتنحنح مالك وكريم وغضوا بصرهم
سليمان:احنا جاين نطلب ايد الانسة ميار منك لإبني مالك
مها:طيب والأستاذ مالك جاهز من كل حاجة شقة وبيت وكده
مالك:احنا بإذن الله يا أنسة لينا فيلا خاصة ممكن نعيش فيها او نعيش في بيت العيلة
مها:ماشي انا موافقة بس الأهم من ده كله تخلي بالك منها ماشي
مالك:ماشي موافق
كريم:انسة مها
مها:نعم
كريم:تتجوزيني
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
يتبع
بقلمي آية عثمان