رواية عشق بعد دمار الفصل الثالث والثلاثون 33 - بقلم @Aya Asman219

كريم:تتجوزيني
صدمت مها وميار من طلبه وفتحت مها عينيها علي مصرعيهما
كريم:مالك انا قولت حاجة غلط
نظرت مها للينا بنظرت استغراب فوقفت لينا من مكانها وظلت تعود للخلف
لينا بخوف مصطنع:انا اديتله بس اول الخيط وهو سحبه كله بلسانه اللي مسحوب منه
وقفت مها هي الأخري واقتربت من لينا
مها:اتاريكي عمالة تمسمريني من الصبح
لينا:علشان تعرفي انك كان اخرك نجار يمسمرك
كانت ستهجم مها علي لينا ولكنها ركضت بسرعة وخلفها مها والكل يضحك عليهم
لينا:خلاص الله يخرب بيتك اثبتي مكانك
مها:انا مش هخاف منك يالينا
وقفت لينا فجأة وحولت نظرتها لنظرات غضب واحمرت عيونها فوقفت مها مكانها بخوف وذهبت جلست بجوار اختها
مها:خلاص خلاص قعدت ماتقلبيش كده
تغيرت نظراتها الي الهدوء وقالت بمزاح
لينا:ناس ماتجيش الا بالعين الحمرا
ميار:طيب ممكن تفهمينا
لينا:كريم شافك يامها قبل كده معايا فأعجب بيكي وسألني عليكي وانا جاوبته وانتي من ساعتها وانتي شاغله باله وتفكيره اول ماجت الفرصة المناسبة ان مالك جاي يخطب ميار فقالي انا وبابا واحنا وافقنا علشان كده انا كنت بظبطك انتي واختك
مها:ط.طب انا ما اعرفوش هعمل ايه
نظرت لينا للجميع وتنهدت ثم نظرت لمها بنظرة تعالي ورايا وقفت مها ودخلوا الإثنتين لغرفة مها وجلسوا بها
بالخارج
مالك:ده انت فقر يا اخي مش كنت اديت خبر للبت قبل مانيجي
كريم:اهو اللي حصل بس يارب لينا تقدر تقنعها

في غرفة مها
لينا:بصي يامها من غير تفاصيل كل اللي هقولهولك ان كريم مفيش اطيب واحن منه
مها:طيب ليه مش عايزه تقولي اي تفاصيل انا هبقي مراته ولازم اعرف كل حاجة عنه
لينا بسعاده:يعني انتي موافقة عليه
مها بخجل وارتباك:مش اوي بس لازم اعذف كل حاجة عنه
لينا بتنهيدة:هو اسمه كريم النجار فقد عيلته وهو لسه بيبي كان عنده 3شهور باباه كان صاحب والد سمية اختي فهو لما عرف ان صاحبه ومراته ماتوا فجاب كريم البيت كانت ساعتها مامتي إسراء لسه رايحة بيت بابا سمية بعد ما سابت بابا وساعتها هي اتولت رباية سمية وكريم وكمان كانت بترضعهم طبيعي لإنها كانت لسه والداني فيعتبر كريم وسمية اخواتي كريم عانا كتير في حياته وقف علي رجله لوحده وبوقوف ماما جنبه بني اكبر مستشفي النجار وكمان عنده مستشفي في إنجلترا كريم اطيب منه مش هتلاقي حنين جدا بس غيرته صعبة جدا بيغير علينا بدرجة فظيعة فأنا بنصحك انك تتجوزيه مش علشان انا اخته بس علشان عارفة انه يستحقك وانتي تستحقيه
مها:ياااه يالينا كل ده حصله
لينا:مها ياريت من غير شفقة لو انتي مش موافقة ارفضي علطول لإني عمري ما اسمح لحد يبص لعيلتي نظرة شفقة
مها بسرعة:لالالالا مش شفقة يالينا بصي انا برده بحبه لما شفته قبل كده حبيته جدا بس الصراحة كنت خايفة
لينا بإبتسامة:معاه عمرك ماهتلاقي خوف نطلع ونقول انك موافقة
مها:كاشي
خرجت الاثنتين من الغرفة واخبرتهم لينا بموافقة مها ففرح كريم كثيرا واتفقوا علي ان العرس في اخر الاسبوع ثم تركوهم وذهبوا من المنزل وجلست كل منها تحدث الاخري عن حبيبها بسعادة
%%%%%%%%%%%%%%%%
في منزل المهدي
وصل خالد وسليمان وكريم ولينا ومالك الي المنزل وكل منهم سعيد علي موافقة مها وميار
روز:ها قولوا بسرعة وافقت
مالك:وافقت هي واختها
إسراء:واختها مالها بالموضوع
لينا:اصل ابنك طلع زي الخازوق وطلب ايد اختها
قام كريم بضرب مؤخرة رأسها فتأوهت هي بألم
كريم:ماتلمي نفسك يالينا مين ده الخازوق
لينا:ماتحترم نفسك ياجاموسة
كريم:بقي انا جاموسة
سمية:ايوة لينا معاها حق علشان انت شربت اللبن كله لوحدك
كريم:حوش حوش علي سفته كله
لينا:ماتحترم نفسك يلاه
كريم:بقي انا يلاه ده انا اكبر منك يابت3شهور
لينا:طظ في 3شهور
كريم:آدم حوش مراتك من قدامي احسن ليها
آدم بإستفزاز:والله مراتي تعمل اللي هي عايزاه في اي وقت براحتها
لينا وهي ترسل له قبلة في الهواء:حبيبي يادومي
كريم:ماتحترمي الناس اللي واقفة يابت
تجاهلته لينا وذهبت لآدم وتعلقت بذراعه وقالت
لينا ببرود:الله مش جوزي وبراحتي ولا انتي غيرانة يابيضة
كريم:انا لا غيران ولا زفت
خالد:خلاص بطلوا خناق وكل واحد يجهز كل حاجة علشان الفرح ماشي
الجميع:ماشي
ذهبت البنات مع لينا الي المول لإحضار الملابس بينما ذهب الرجال لتجهيز ترتيبات العرس
%%%%%%%%%%%%%%%
في المول
مرام:لينا بس الفستان ده تحفة اوي هيبقي حلو عليا صح
لينا بغضب:انتي هبلة ده مش فستان ده قميص نوم
مرام:يالينا دي ليلة العمر خليني البسه
لينا:قولت لا شوفي حاجة تانية ده لو اكرم شافك بيه هيسيبك بيه ومش هيتجرأ انه يرجعلك تاني
مرام بخوف:خلاص ده انتي محبطة
تركتها مرام وذهبت لكي تختار فستان اخر 
اقتربت منها سوزان ووقفت بجوارها فتجاهلتها لينا وجائت لتمشي ولكن امسكتها سوزان من يدها وقالت
سوزان:ماتمشيش انا عايزة اتكلم معاكي
ابعدت لينا يدها بقوة عنها وأمسكت بيد سوزان وخرجت بها من المول واركبتها السيارة وركبت هي بجوارها وقادتها بسرعة  وذهبت الي مكان بعيد وعندما وصلت نزلت من السيارة واخرجت سوزان وتحدثت معها بعصبية
لينا بغضب:انتي ملكيش اي كلام معايا انتي لازم تحمدي ربك اني مقتلتكيش او دفنتك حية ومخلياكي عايشة معايا
سوزان:انا عارفة انك زعلانة ومضايقة من اللي حصل بس بجد انا اتغيرت وبقيت عايزه ابقي معاكم دايما عايزاكي تسامحيني مش عايزة اعيش بعذاب الضمير
لينا:ان شاء الله تولعي بعذاب الضمير وانا مالي هو انا اجبرتك علي كده ولا انتي بمزاجك اللي عملتي كده
سوزان ببكاء:اسفة والله اسفة مكنش قصدي انا عارفة اني أزيتك كتير بس ده غصب عني فؤاد وكمال قالولي انك اللي قتلتي ماما فضلوا يقولولي انك اللي دمرتي عيلتي ده كله حصل بسببهم هما اللي زرعوا في قلبي الكره والحقد هما اللي بسببهم انا ازيتك وانا عرفت غلطي وسيبت آدم سامحيني بقي
لينا:ارحموني بقي مش انا اللي قتلت والدتك اللي قتل والدتك هو
سكتت ولم ترد ان تتحدث فإلتفتت لترحل ولكن اوقفتها سوزان
سوزان ببكاء:مين اللي قتلها
لم ترد عليها بل صمتت
سوزان بصراخ:مين اللي قتلها
لينا بصراخ وغضب:فؤاد الألفي هو اللي قتلها ارتاحتي ابوكي بقاله 5سنين مشيلني ذنب اني قتلت والدتك بس انا مقتلتهاش انا انقذتها من شره بس هو ماستحملش انها تعيش بسلام فقتلها
سكتت لينا وصدرها يعلو ويهبط من الانفعال وصدمت سوزان من ماقالته هل قام والدها الحقير بقتل والدتها يالله لماذا جعلتني اعيش مع الذئاب جميعهم يأكلون بعضهم البعض
جلست علي الأرض وهي تبكي بشدة علي ماحدث والتفتت لينا واعطتها ظهرها وقامت بوضع يدها علي وجهها بغضب ظلوا هكذا بضع دقائق ثم التفتت لها لينا مرة اخري وقالت
لينا:قومي خلينا نرجع المول يلا
ذهبت لينا وركبت سيارتها ووقفت سوزان وذهبت ركبت بجوارها وانطلقت لينا بصمت الي المول
%%%%%%%%%%%%%%%%
يتبع
بقلمي آية عثمان