رواية عشق وإبتلاء الفصل العشرون 20 - بقلم الكاتبة شمس السعدي

البارت العشرون
#عشق_وإبتلاء💔
#بقلمي_شمس

عقلي عاش بتخبطات بهذي الفترة ..
مااعرف شلون اتصرف او ووين اروح .
خفت احجي الاحد .. وحتى عيب احجي .

رحت البيت خالو ماهر .
لگيت بس رنا واخوانها الصغار .
مرت خالو ماهي .

گعدت يمها بجيت الى ان ارتاحيت ..

رنا .. ماسه ليش ماتگوليلهم اني احب مصطفى .

.. لج مو گلت الاخوج الشفيه وحجيت ومافهمني .
شايفتلج واحد يعرف وحده متحبه ويتزوجها .

.. والله اني منج اترك كلشي واروح المصطفى .

.. وامي الكاسره ظهري تموت والله . وابقى ندمانه طول حياتي .

جاي نحجي ودخل احمد ..

هلو ماسه ..

لا هله .. انت ماتستحي تگول الامي حجي اشكال الوان عليه اني ومصطفى . ماعندك غيره تفتري عليه .

لزمني حيل من ايدي ..
باعي ماسه هذا اخر كلام عندي . وحق القرآن اذا عاندتي وبقيتي تعاندين .
اخابر مصطفى . واگلة ماتفيدك اني ماخذها لگدام .

انصدمت . تف عليك ياعار . تخسى اذا تشوه سمعتي .
واكيد مصطفى ميصدگك .

ههههه انتي متعرفين ذوله شلون يفكرون حتى اذا ميصدگون ياكلهم الشك اكل .
واكيد مايقبلها على روحه يتزوج وحده اني شابع تشبگ ولعب وياها من احنه صغار .

ايا حقير . اريد الله يجازيك . انت گلتها لعب . ولك انت شنو . بعد هذا الكلام وتريدني اقبل بيك .

عمتي قررت وخلص .

اي طبعا لان تمثل دور البريئ گدامهم .
ووراهم هذا لسانك النگس .

شبيج ماسه والله احبج بس انتي جبرتيني اسوي هيج .

لك هذا مو حب هذا مرض .
شلون تجبر انسانه تتزوجك وهي ماتحبك.

اول وتالي مراح تتزوجين .

اهون عليه مااتزوج ولااتزوجك انت .

تركته وطلعت .

گال فكري منا ليومين لان الجمعه العقد .
اذا ماقبلتي احجي كلشي المصطفى .

دخلت البيتنا .
وگعدت بالطرمه ابجي وكان المغرب .
ربي هذا الاذان يأذن واطلب منك حاجتي .
ربي نور طريقي واسترني مااعرف شسوي ووين اروح
ارحمني ياارحم الراحمين ..

كم يوم واني مااحجي وي البيت كله .
حتى اكل مااكل .
اشوف رنا فرحانه ويطلعون يشترون ويجهزون.
واني من الدوام للبيت .
مالي خلگ.
اگعد يم مرت خالو معتز . وابجي لان بس هي الوحيده الي تعرف بحبنا .

وتسولفلي على مصطفى .
يگلها عمه اموت اذا صارت الغيري ويبجي .

تگول گتله هي حالها اكثر من حالك بس مابيدها شي .

وگاللها راح يحجي وي اجدادي يتدخلون .

احمد نطاني مهله يومين .
واخاف يتصل على مصطفى . ويصدگه ويكرهني .

اعرف اني ضعفت ومادافعت عن حبي ..
وخفت من الفضيحه . مع انه كنت جاهله هذا الشي ومااعرف شنو .
والسبب ماكو توعيه او شي يخلينا نفهم هذي الامور .
الخوف تملكني .
وانجبرت اقبل . بأحمد .
وبسبب الضغوطات الي حولي .

ماطلعت ولااختاريت ذهب ولا شي .
كله اختيارهم كان .

ماما حست بيه مافرحانه .
گعدت واستني وحجت هواي كلام يخص مصلحتي وخوفها عليه . بس ماسمعت اي شي منه ولااهتميت

الي كنت افكر بي مصطفى وبس . وشراح يصير بي اذا سمع .

تغيرت بهذي الفتره وصرت انسانه ثانيه مو ماسه الي تضحك ومرحه .
لا صرت كئيبه والفرحه راحت مني .
حتى ذبلت وضعفت حيل .

نزعونا الاسود من عقدنا . لبست ثوب بيج طبعا من اختيار ماما .
ورنا هم طلعت حلوه . بس هي كان باين عليها الفرح
اما اني عبالك اليوم حكم الاعدام عليه .

خالو معتز نبه على باجي احلام . متحجي ولاتخبرهم ع الخطبه .
مااعرف ليش كانو متكتمين او خايفين .

سووها بسكته . مجرد اجه سيد عقد النا .
ولبسونا الحلقات والذهب . وبس

احمد فرحان راد يبوسني درت وجهي عنه .
لبسني الحلقه بالگوه .
واني اصلا مالبسته هو لبسها وحده.
همسلي ..
انتي بس اهتمي بيه وانسي كلشي .
والله اعيش بسعاده واحبج اكثر من روحي .

باوعتله بأستهزاء . ودرت وجهي .

رفعت راسي . شفت رنا خطيه شلون فرحانه .
ومرتضى ممهتم وضايج .

اوووف يا رنا حظج مثل حظي بس الي يفرق .
انتي حبيتي انسان من طرف واحد .
وراح تعانين الى ان تخليه يحبج .

واني ارتبطت بأنسان مااطيقه واتمنى تصير معجزه وتخلصني منه .

بس مااگول بس الله يحنن گلب مرتضى عليج ويحبج اكثر مما تحبيه ..

هففف منو يصدگ يجي يوم واترك عشگ مصطفى .
وارتبط بأحمد . الي كنت بحياتي ممفكره بي ولاطايقته .

خالو جاب عشا من برا .
وتعشينا كلنا سوه . بمناسبه العقد .
ويسولفون وفرحانين ..
واني بعالم ثاني ..

بعد العشا . كلها راحت .
بقيت وحدي وي افكاري . گمت انام وحدي بالاستقبال .
حتى ماما ابتعدت عنها وماانام بالغرفه .

ردت ادخل للاستقبال .
سمعت التلفون .
رفعته وگلبي يدگ حيل .
كنت حاسه هذا مصطفى .

گلت الو .
حلا .. الو
بسرعه اخذه منها مصطفى ..

ولج ليش هيج هان عليج حبي هان عليج عشگي .
ولج جدي يخابر حتى يخطبج الي .
يگلوله اليوم عقدت .
ماگدرتي تنتظرين كم يوم.

دموعي نزلن عشره عشره .
مصطفى . والله مو بيدي مجبوره .
اسأل باجي احلام .
والله غيرك مايصير الي رجل .
ولا يلمسني واحد .
ماحبيت ولاراح احب غيرك .
بس مو بيدي. موبيدي والله ..

بلاية وداع....

مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشگ من ينشره وينباع

شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......

يا رخص العشك من ينشره وينباع ......
................................
#بقلمي_شمس
يتبع…..