رواية عشق وإبتلاء الفصل التاسع عشر 19 - بقلم الكاتبة شمس السعدي

البارت التاسع عشر
#عشق_وإبتلاء💔
#بقلمي_شمس

گوة… گوة
گوة گوة جبــرونا نتفــارق گوة گوة

وانا وياه من المحبة صرنا لهم احلى غنوة

انا بديرة وهي بديرة قلبي بحيرة وهي بحيرة

گوة گوة ....

كنت احبها وهي تحبني والعشق لايق علينا

كانت تسميني حبيبي وانا اسميها الحنينية

واللي جبرنا نتفارق وياهم احنا شجنينا

سنتين انا وياها نتحضر على الزواج احنا نوينا

تالي جتنا غيمة سودة ضيعت كل امانينا

واللي جبرونا نتفارق وياهم احنا شجنينا

………………………………………

من وگعت ماما . اخذناها للمستشفى بسرعه .
طلع السكر هم مرتفع كلش .
والدكتور يگول .
خيط بينها وبين الموت .
حاروا شسوو ومنزل السكر .
يومين هي داخله مستشفى .
الخوف كتلني عليها .
ومستعده كلشي اسوي بس ترجع تصير زينه .
بابا طردوه خوالي وتأزم الوضع بينه وبينهم .
وبقوا يلومون بيه .(شمس)

هي هاي جزاتها ربتج وتعبت عليج .
وحتى ماشافت حياتها وتزوجت علمود تربيج .
تالي تبيعها وترحين الاهل ابوج الي ماسأل عنج لحد ماكبرتي .
وبالشهر مره يجي يشوفج ..

صدگ ضجت وانقهرت .
صار مصطفى شبه مستحيل بالنسبه .الي
وخاصه بعد ما طلعت ماما من المستشفى .
وخيرتني بينها وبين زواجي من مصطفى .

بيومها اتصلت بمصطفى وابجي .
وگتله ماما هيج تگول .
هو ضاج وعصب وگام يغلط ع احمد وع خوالي .

وگلي تعاي لهنا شعندج باقيه هناك.

معقوله مصطفى هيج تگول . مستحيل اترك ماما واجي بعد ماكبرتني وتعبت عليه .
تموت والله اذا تركتها ادري بيها ماتتحمل .

وليش امج انانيه . تعاقب خالي بيج .
وتحطم حياتنا .

عود تخاف عليه .

مستحيل واحد يخاف عليج بگدي .
اججي وياها فهميها ماسه .

مااگدر حجيت وياها وعصبت ..
افهمني مصطفى مااگدر حتى تلفون حرمتني .
خليتها نامت واتصلت ..
گمت ابجي وهو يسكت بيه ..

تالي شغل اغنيه . گوه گوه جبرونا نتفارگ گوه گوه

بجتني بالزايد . ومااتحملت غلقت التلفون ..

ربي شنو هذا الاختبار . حتى اذا ماما وافقت اني ابقى بشك ومااگدر اتزوجه .
خوفي من الفضيحه وعلى ماما ..
خلاني اقرر ابتعد شويه شويه عن مصطفى .

صحيح مو بالسهوله اتركه ولااترك حبه .
بس العوائق هوايه واني مالي احد يسندني .
ومحد يصدگ مجرد لعبة غيرت حياتي .

بس الي اعرفه . مستحيل احب غير مصطفى وراح يبقى بگلبي لحد الموت .
ومااحب غيره بحياتي ..

صار قليل احجي وياه .
وهو حس عليه ..
وشگد يدز كلام ومراسيل بيد حلا .
بس المصلحته لازم ابعد مااريده يتعذب اكثر
خلي يشوف حياته وي الي تستاهله .

اني ماافيده ولا راح اجيبله الراحه . خوفي لا تجيبله العار ويكرهني اكثر .

مرت الايام . واني مشتاقه الة والغزله واشعاره .اشتاقيت الايامنا وسهر الليالي .
وگعداتنا بالبوگات ..
استاقيت الريحة الاشجار والغروب والهوا الي جمعنا يم نهر الغراف ..

مرات يحجي ويسولف واني بس ابجي مااگدر ارد او احجي .
ماما مراقبتني دايما ..

بيوم اجت ماما . گالت ماسه بدون كلام .
حظري نفسج . ترى اني وخوالج قررنا نعقدلكم يوم الجمعه .
ومرتضى ورنا هم .
گلتلها يوم گتلج مااتزوج مصطفى .
بس ليش تحكمين عليه بالسجن وي احمد .
اني مااطيقه ولااگدر اتحمل انجمع وياه بنفس البيت مو بس بغرفه وحده .

كافي ماسه اني نطيتج مجال هواي .
اعرفج ليش تكرهين احمد . لان لزمج كم مره وي مصطفى ورزلج ولان يخاف عليج قرر يتزوجج
واحد غيره مايقبلها على روحه .

ههههه وانتي شتگولين يوم يعني تصدگين بي وتجذبيني هي هاي ثقتج بيه .

اني شكيت عندج وياه من احنه بالناصريه بس كذبت نفسي
بس انتي اكدتي هذا الشي باتصالاتج بحلا .
عبالج غبيه وماافهم .
ومن دافعتي عنه وگلتي موافقه عليه .

يووم شبيج انتي ماكنتي هيج .
معقوله خوالي غيروج عليه . لو حقدج على بابا بعد كل هذي السنين طلع هسا .

بساعتها ماحسيت الا ضربه اجتني مااعرف منين .
وماصدگت الي ضربتني ماما .
اول مره تسويها ..
بساعتها ردت اتصل على بابا ياخذني .
بس خفت تموت واتحمل ذنبها طول عمري .

لان كلما تعصب يصعد سكرها وتوگع .
خفت بوحده من الوگعات ماتگوم .

سكتت ودخلت للغرفه ابجي .
وسولفت البيبي هديه .

بيبي اتحمليها الامج . وشبي حمودي شاغول ومايتعيب وابن خالج ويحبج وهم قريبه على امج .
وافقي يبيبي ولاتموتيها ناقصه عمر . مو كافي الي شافته بحياتها .

ههههه معقوله كلها ضدي .
معقوله كلها صح واني خطأ .

ليش بس اني هذا حظي . عشت طفولتي بلا اب ووحيده
لا اخ ولا اخت .
كبرت ورجعت البابا والتقي بي وعرفت اهلي وتعلمت عليهم .
وحبيت شخص منهم الي انطاني الدنيا ومابيها..
انطاني حنان الام وامان الاب وسند الاخ ..

رغم اكبر مني بهواي بس يفهمني بكل شي .
وافهمه قبل ميحجي ..
بنظره منه .
افهم شنو يريد . ساعات احس الله خلقنا البعض .
بس الناس كلها صارت ضدنا .
واولهم من كانت الي السند بحياتي .
بس قررت اجرب اخر محاوله .
واروح الاحمد واحجي وياه .
لان مااگدر اطعن بمصطفى واغدر بي واتزوج واحد غيره
يهون عليه ابقى كل عمري ممتزوجه ووفيه الحبه .
ولااغدر بي واخليه يكره الساعه واليوم الي حبني بيها .

گلت الماما رايحه يم رنا . مختنگة .

كانت بس رنا واخوانها الصغار .
فرحانه خطيه بخطوبتها وي مرتضى .
فرحت الها .. ع الاقل وحده من عدنا تفرح .
ولو مرتضى كان رافض مااعرف شلون قبل ..
#بقلمي_الكاتبه_شمس
يتبع….. 

…………… .
احبتي من هنا بدأت مآسي ماااسه وحيرتها بين عشقها وإبتلائها..
الاحداث طويله ياليت تصبرون عليه .
واعرف نفسي مقصره وياكم .
بس وربي ماالحگ .
كتبت هذي القصه في فتره صعبه .
وماأگدر اوقفها لان وعدت صاحبة القصه اكملها .
تحياتي لكم 😘😘