رواية عشق وإبتلاء الفصل الحادي عشر 11 - بقلم الكاتبة شمس السعدي

البارت الحادي عشر
#عشق_وإبتلاء💔
#بقلمي_شمس

وصلنا متأخرين للبيت .. اخر ساعات النهار ..
خوالي مقبلوا بابا ومصطفى يرجعون بهيج وقت
وطبعا الوضع ميتأمن ..

بس بابا مقبل وگال ..
لا الحارس الله ..
بعد منزلوا غراضنا ..
طلع حمودي من باب المشتمل مالتهم ..

شافني ضحك . هاي وين الغيبه مشتاقين ..

باوعت المصطفى معصب .. ووجهه صار هيج😡

غيرت الموضوع ..بقلمي الكاتبه شمس
وگتله ..مصطفى ابن عمتي ..
وهذا حمودي ابن خالي ..

عود دااعرفهم ..

سلموا على بعضهم .. بس حسيت مصطفى مطايقه ..

حمودي من النوع الي يتشاقه هواي ..
يعني مو جدي بكلامه مثل مصطفى رزن وثگيل وشقاه بحدود ..

مصطفى من شاف هيج ..
گاله اي خالي نبقى اليوم ونطلع من الصبح لان راح يجلجل الليل والطريق مو امان ..

حمودي .. ههههه حلوه يجلجل مصطلح غريب اول مره اسمعه ..

مصطفى .. هاي كلمات اهلنا وشيوخنا .. يمكن ماسامعهن لان ممعاشر ارجال اقصد شيوخ ..

حسيته قصدها للحجايه .. واهانه بطريقه غير مباشره .

حمودي حس بالاهانه وبقى يخزر بي وسكت .

وهنا بدأت اول خطوات الحقد ..

واخيرا بابا وافق يبقون ..بقلمي الكاتبه شمس
لان صدگ لو رايحين كان اني بقى بالي يمهم ..

ركضت حضنت رنا وسارة مشتاقتلهن ..
وسلمت ع بييي وزوجات خوالي ..
واجه مرتضى هم سلمت عليه ..

ودخل رحب بمصطفى وبابا ..
حسيت بمصطفى ضاج ومعصب مااعرف شبي .

حظرنا العشا بسرعه تعشوا ..
وگال جدو افرشيلهم خاف تعبانين خلي يرتاحون وراهم طريق ..

دخلت الفراشات افرش ..
ومصطفى يأشر بعينه ..
وتالي طلع بالطرمه . كل اغير جو .

خلصت الفرش ..
طلعت من بابا المطبخ ..

لاحظت شباك بيت خالو ماهر علينا .خفت يشوفنا احد ..
سحبته بالممر الي ورى المطبخ ..

گتله تعال هنا ليشوفنا احد ..

گام يزفر بصوت ..

شبيك مصطفى ..

وتسألين شبيه .. معقوله انتي گاعده مع شباب اثنين ببيت واحد ..
وغير عندهم بعد ولد .. بس ذوله صغار ..
الا حمودي ومرتضى اكبر منج ..
خو هذا حمودي مدري شسمه .. ابد ماارتاحيتله ..

ههههه تغار .

ولج شنو مااغار . شلون اعوفج هنا ويبقى بالي ..

لازم مالك ثقه بيه ..

طبعا اثق .. بس گلبي مامرتاح ..

اولا احنه عايشين هنا كلنا اخوه ربينا سويه ..
وحمودي ذاك بيتهم مو ويانا عايشين .
ومرتضى بيتهم بالطابق الفوگ ودرجهم خارجي هم مو يمنا ..
بس بيت خالو معتز ويانا وعمتك وولدهم صغار وانت تعرفهم ..

اوووووف منج ماسه راح تموتيني ناقص عمر .

ههههه اسم الله عليك ..

يعني تخافين عليه .. اشو هذا تقرب عليه كلش اختلطت انفاسنا ارتبكت احس مشاعري تخربطت .
وروحي راحت ..
سمعت خطوات رجلين طفرنا اثنينا ..
ردت اطلع من الممر .
سحبني مصطفى حيل الصدره ..
وهمس لاتطلعين ليشكون .
خلي يدخل واطلعي ..
انفاسه بأذني خدرتني ..
واخذتني العالم ثاني ..بقلمي الكاتبه شمس

هدئ الوضع .. دخلت واشرتله يدخل ..

دخلت للمطبخ . سويت نفسي اسوي جاي .
اجه حمودي من وراي .
وين جنتي اشو ماشفتج من دخلت قبل شوي .

جنت بالاستقبال فرشت واجيت اسوي جاي البابا .

ها .. اي عيني من لگة احبابة نسا اصحابه ..
لازم الناصريه نستج الحله ..

طبعا هناك اهلي واصلي .. وطبعا ماانسى الحله لان هنا ربيت وكبرت .
صبيت الجاي اخذته ودخلت للاستقبال .
لكيت خالو معتز وزوجته كاعدين يمهم ..
ومصطفى حظن عمته ويسولفون ..
الصراحه غرت منها ..
اتمنيت اني گاعده بمكانها ..

شربوا الجاي وخلصوا . 
كال خالو يله احنا نترخص . اخذوا راحتكم وتصبحون على خير .
اني هم اخذت الاستكانات وردت اطلع ..
سحب ايدي مصطفى وباسها ..
همستله بخجل تصبح ع خير ..

بابا بسرعه اول مخله راسه ع المخده .. گام يشوخر هههههه.
سديت الباب وطلعت ..
واني اتلمس ايديه الي لمستها شفايفه .
واخذتني العالم ثاني ..

مااعرف ليش مصطفى هنا مو مثل هناك ..
هناك ابد ماحاول يلمسني او يتقرب .
بس هنا طلعت عينه .
يمكن لان راح نتفارك .

هففففف ربي لاتفرقنا واجمعنا .. ياجامع المحبين ياالله

دخلت نمت ..
ومن التعب ماحسيت ع روحي ..
الا وصوت ماما دا تصلي .
طفرت ..

بابا وين راحو لو لا .

شبيج ماما اسم الله .. شنو حلمانه .. ابوج بعده نايم

لا عبالي راحو .. وماودعت بابا .

لا بعدهم .. سويت الجاي وحظرت الريوگ خاف يطلعون من وكت ..

راح اگوم اشوفهم اخاف گعدوا .
انتي كملي صلاتج ..
ماما بطبعها تتأخر بصلاتها . وهذا من صالحي اگوم اصبح ع الحب 😉.بقلمي الكاتبه شمس

غسلت وجهي ولفيت حجابي عدل .. عدلت نفسي
بابا گال گعدينا من الصبح ..

رحت ع كيف گعدت بابا ..
گتله تگوم تصلي بابا حتى احظر الريوگ الكم ..

صباح الخير
صباح النور باباتي .. راح ادخل للحمام سويلي طريق

ماكو احد كلها نايمه ادخل بابا .

بابا گام ..

رحت يم مصطفى حاضن المخده ونايم ..
اروح فدوه الهاي النومه .
وفوگاها نازع القميص ونايم .

ترددت اگعده .. بس گلت يمكن اتندم اذا راح ومسامعه من كلمه لو ماصبحت عليه ..
تجرأت ..
وگلت مصطفى بصوت خافت .
مصطفى ..

مايسمع .

بطرف اصبعي گعدته . ماحسيت الا سحب اصبعي وبوسه ..
اروح فدوه الهذا الاصبع الي يگعدني ..

يعني گاعد وتسوي نفسك نايم ..

ههههه شنو بيه جرب وتدفعين بطرف اصبعج ..

ههههه لا بس… .

اموت ع اليخجل يربي ..
ولج شمسوي عند الله الي خلاج گبالي ..

ههههه سمعت بابا يكح ..
طفرت .
سويت روحي الم الفراش مال بابا ..

ومصطفى سوى روحه نايم 😂😂
#بقلمي_شمس
يتبع…
………………
مساء الفل حبايب 😘
الاحداث بعدهي بأولها ..
ابدعوني بتعليقاتكم الحلوه وتصويتكم ..
حتى يصير واهس اكتب واقدم الكم المزيد .
القصه بيها احداث هوايه ..
انتضر ارآكم مو بس كملي .. ابد مااحب هذي الكلمه ههههههه احسها توترني .😘
فديتكم يااروع متابعين .