رواية عشق وإبتلاء الفصل الثاني عشر 12 - بقلم الكاتبة شمس السعدي

البارت الثاني عشر
#عشق_وإبتلاء💔
#بقلمي_شمس

سمعت صوت بابا يكح . لملمت فراشه بسرعه ..
وطلعت هو دخل ..

مصطفى گوم بويه ورانا طريق . يله گوم .

باوعت ههههه مسوي نفسه نايم . يمه الحيله ..
الي يشوفه هسا ميگول قبل شويه يتغزل ويصحصح ..

لاگتني ماما ..
شبيج تضحكين ..

ها لا ماكو شي .#شمس

يله كملت الريوگ اخذي الصينيه الابوج ومصطفى .

اخذت الصينيه ..

لگيته ماكو ..

رجعت للمطبخ اجيب القوري والاستكانات ..
شفته گبالي ديغسل ..

ابتسمت ..

اروح فدوه الهاي الضحكه ..

ههههه دروح ليوگع القوري من ايدي بسببك ..

سمعنا الباب انفتح مال شارع ..

باوع مصطفى من الشباك

گال .. هذا شعنده من الصبح يجيكم ..

منو ..

لطومي ..ابد ماارتاحيتله

ههههه شعجب گاعد من وكت هو تأخر .

على حظي غير .

دخل للمطبخ .
صباح الخير

رد مصطفى صباح نور واشرلي بعيونه يعني تعالي ورايه .

اخذت القوري والاستكانات ورحت للاستقبال
صبيتلهم جاي .

گعد جدو وبيبي .
ومرت خالو معتز . عمة مصطفى ..

سويتلهم ريوگ وحمودي هم تريگ وياهم .
ويحشش عليه .

اني ساكته وماانطي مجال .

بس هو مزعج يطوخ بالشقه .

احس مصطفى راح يطگ من الغضب .

واني اغير الموضوع كل ساعه ..

خلصوا ..
گال بابا يله احنه نترخص لان ورانا طريق والاهل مناك يقلقون علينا ..

جدو .. اي بهاي صدگ . الوضع مايتأمن واكيد هسا قلقين عليكم ..

رادوا يطلعون ..
مصطفى .. عمه من رخصتج اريد احجي وياج .

اخذته وراحوا الغرفتها ..
شويه واشرتلي تعالي .

استغربت ..(بقلمي الكاتبه شمس)

خرررب مصطفى بس لا گاللها .

متت مستحه . امشي ورجليه يطابگن من التوتر .

همزين بابا وجدو وبيبي مشغولين بالسوالف .
بس حمودي ماانتبهت عليه .

دخلت غرفه خالو معتز .

سحبني حيل من ايدي .
هي طلعت يم ماما بالمطبخ .

هاي شبيك لايجون يشوفونا ..

خلي يشوفونا . لاتخليني من باجر اعقد عليج واخذج

اسكت لتگعد الجهال شبيك .

ولج شنو شبيه .. ردت ابتلي بي من وراج

واني شعليه . شكو

شو يتشاقه وماخذ راحته

غير متربين سويه ومثل الاخوه ..

بس هو مو اخوج . وهاي مال متربين من جنتو صغار هسا انتي الي واذا تشاقه لو باوعلج افگس عيونه

ابتسمت . يخبل من يغار .

طلعت بسرعه من الغرفه . بعد ماودعته ورحت للمطبخ
وهو طلع للاستقبال بسكته .

سمعت بابا صاح ..
ماسه احنا رايحين .

اخذت طاسه مي وطلعت وراهم .
حضنت بابا . ونطاني مصرف .
دمعت عيوني لاإراديا .
وهو يگلي وليهمج بابا كل خميس اجي اخذج
هو ميدري عيوني يدمعن ع الي عشگة گلبي وهواه
اعرف ابويه غالي بس يمكن تعودت على فراگة .
بس مصطفى حب من نوع مختلف .
عشگ مثل ميگول هو .
يگلي اني عشگتج مو حبيتج
العشگ اكبر من الحب واعمق .

ركبوا بالسياره وعينه متفاركت .
نضراته تسرلف وگلوبنا تتوادع .

حركت سيارتهم . ذبيت المي وراهم .
وحصرتتي الخنگة حسيت نفسي اختنگت .
وعيوني مليانات دموع .
بس ماٱگدر .

سديت الباب .
باوعت الهذا يبتسم بمكر .
كتله شكو

لاهيج ماكو شي

تركته ودخلت .. لأن وعدت مصطفى اتلافاه ومااحجي وياه .

دخلت گبل لفراشي ..
گالت ماما تعالي تريگي .

لايوم اريد اكمل نومتي مشبعانه . ساعه واگعد .

والساعه . ماحسيت ع روحي ل 11 ونص .
گعدت غسلت ورتبت غراضنا لان من اجينا مارتبتهن تعبانه .

وصليت وتغدينا .

بعدين جاي اغسل مواعين الغدا . دخلت رنا .
حضنتني . ولج مشتاقتلح مامصدگة رجعتي واخيرا وترجع گعداتنا .

ههههه واني هم اشتاقيت .

جذابه والله مبين عليج مرتاحه هناك .
حتى متغيره وصايره حبابه .

هههه ولج لعد اني وكحه .

لا بس عقل من نوع اخر 😉

ههههه ولتگعدين راحه .. دتعالي وياي خلي نكمل تنضيف ونگعد نسولف .

اگلج شلونها الناصريه حلوه . (تشتغل وتحجي)

اووووف تخبل تخبل تخبل .

امممم هاي من يمته وجاي ميمي خانم

ههههه من الحرب . اوووف يالحرب غير يخبل .

سحبتتي من ايدي .( بقلمي الكاتبه شمس)
تعالي سولفيلي شكو والله اليوم مااعوفج .

سولفت الرنا كلشي .عن مصطفى لان اسرارنا سويه ووحده متظم ع الثانيه .ووصيتها متسولف شي الساره
لان ساره من النوع الي تجفص بالحجي بسرعه تفلتها .

رنا .. ياااا واخويه حمودي غير انتو محجوزين

خلي يولي . اولا احنه صغار وطلعوا هاي السالفه
وهسا كبرنا وافتهمنا ومحد يگدر يجبرنا.

وثانيا . تقارنين اخوج المزعج والسئيل بمصطفى .
شجاب المحامي ع الحرامي .

ههههه هاي حلوه . شلون رهمتيها
بس تردين الصدگ . والله احسن الج . اني اخته مطايقته شلون الي تاخذه الله يساعدها .
هيج كون الوحده تاخذ مثل مرتضى رزانه وثگل وجمال .
وعود هو وحمودي نفس العمر يحظي .
شي مايشبه شي .

اممممم ولج رنا اشم ريحة عشگ سالفه مصطفى

منين ياحسره . عشگ من طرف واحد يخيتي .
اتحسر على شوفته وهو يگلي خيتي .

جاي نحجي ودخل مرتضى . ابن الحلال بذكره

گال .. ماسه هستوه نور البيت والله الج وحشه .

ماسه .. منور بأهله رضاوي . واباوع الرنا طماطايه .
ههههه.

مرت الايام ورجعنا للدراسه . وگاموا يركضون بينا لان متأخرين ومابقى شي ع الامتحانات .

رجعت الخطوط الارضيه .
ومرات بالبوگات اتصل على حلا واسمع صوت مصطفى واشعاره وكلامه من رحت فدوه اله والصوته يخبل .

وبيوم جاي اغسل بالطرمه .. وسمعت صوت اطلاقات ناريه ورمي وحسيت بابنا تزرف من الطلق .

رجليه وگفن واحس نفسي جمدت بمكاني من الخوف
وكان هذا اول مأساة حقيقيه نعيشها بحياتنا .
#بقلمي_شمس
يتبع…

…………… ..

حبايب هذا البارت كاتبته من الليل وهسا يله اجة النت وگدرت انشره .
احبكم 😘😘