رواية عشق وإبتلاء الفصل الحادي والخمسون 51 - بقلم الكاتبة شمس السعدي

مساء الفل والياسمين عليكم حبايب ..

اعرف النهايه ماكانت متوقعه ..
وحزينه الي اكثر لان اني الي دااكتب والله يشهد كنت اكتب وابجي .
لان مآساة غير طبيعيه .

البنيه مراسلتني من زمان ع الماسنجر .
وكانت بطلبات المراسله مشفت مراسلتها .
الا بعطله نصف السنه ..

كانت طالبه اكتب قصتها ..

هواي تجيني هيج رسائل بس مرات افتحهن ومرات لا .
لان اذا افتح المراسله وتكتبلي البنيه قصتها .
ومعجبتني . اخجل ارفضها . واضوج اذا رفضتها .

بس الي جذبني بقصه ماسه ..
كانت كاتبه نبذه عن قصتها بشكل موجز .
شلون كانت طفله واذاها ابن خالها .
ومن كبرت حبت ابن عمتها .
وافترقوا جبروها تتزوج ابن خالها .
وبالاخير اجتمعوا .

من قرأتها بهذا الشكل جذبتني .
وفتحت المراسله .
وكلتلها انطيني التفاصيل .
قرأتها .
وكتبتها .
وكل ظني النهايه من يجتمعون .
بعدين كملت القصه واكتشفت يروح وميرجع انقهرت حيل .
وگلتلها مااكتب نهايه حزينه . راح اغير بيها .
بس هي مقبلت . وگالت اريد الناس تترحم عليه اذا ميت .
ويدعوله يرجع اذا عايش .
لهذا وافقت . وكملتها .

الكل بقى يلوم ويگول لو ندري هيج النهايه جان ماقرينها اريد اگلكم . مو كل النهايات سعيده .
والقصه بيها عبر ومواعظ هوايه .
والاهم حبها اله وانتظارها .
اذا كانت النهايه ضوجتكم . فأعتذر . لان اني انقهرت اكثر منكم واني دا اكتب بيها .

تحياتي لكل من شجعني وساندني وانتو السبب طبعا لوصول القصه لهذا المستوى .
اشكركم من كل قلبي واحبكم 😘😘
الكاتبه شمس