رواية عشق وإبتلاء الفصل الخامس 5 - بقلم الكاتبة شمس السعدي

البارت الخامس
#عشق_وإبتلاء💔
#بقلمي_شمس

لانعرف قيمة الآخر .. إلا بعد فقده ..
حين لاينفع الندم ☹️☹️

ماما .. عادل انسى هذا الموضوع رجعه ماارجع ..
واذا تبقى تسوي هيج .. آخذ بنتي وامشي .
وانتي هم .. زوجج الج محد ياخذه ..

بتول .. يمه يمنج تتمسكن لما تتمكن ..
تعززين نفسج حتى يركض وراج .. وهو ماشاء الله عينه زايغه . مثل ماركض وراي وقشمرني .

رفع ايديه بابا راد يضربها .. يزي ولج سدي حلگج ..

گتله .. لا بابا موهيج .. مهما يكون ميصير تضربها

ولج السانها شطوله ماتسكت .. صدگ من تحت السواهي دواهي .. جانت مثل الدوده ومن اخذتها طلعت وكاحتها ..
وورطتني بأربع اولاد .. حتى مااگدر اطلگها ..

اي بابا بس مهما يكون ميصير تضربها هذي زوجتك وام اولادك .. هذا السبب الي تخليها تتمرد لان انت تعاملها بهيج طريقه .. فتعتقد لسانها سلاح الها وتگدر تدافع بي بس متدري هو دا يأذيها ويأذي الي حواليها ..

جاي احجي دخل .. جدو مهدي ..
گال .. بويه انتي شگد عمرج ..

جدو عمري 15 سنة ..

الله يكمل بعقلج بنيتي ويحفظج .. بس يبويه احنا مانضرب المره المحترمه نفسها بس الي تطلع السانها والعرمه .. #شمس

اسفه جدو بس الضرب مو حل لأصلاحها .. ولاهي بيهمه حيشاك .. لحتى تضربها وتوجهها ..

سكت جدو ودار وجهه ع النسوان الي بالبيت ..

وانتن كافي بعد مااريد صوت .. اگص السانها الي يطلع صوتها ..

دار وجهه وطلع .. مشيته وخطواته كلها هيبه والكل تخاف منه ..

عماتي يضحكن ..
مرت جدوا مهدي .. خيه مااسه هاي تشبهج بكل شي .
ليش هو اكو وحده تگدر توگف بوجه شيخ مهدي وتحاججه ..

والمعجبني سكت ومشى ..
ولج افراح هاي تفيد مصطفى ..
لان ماتگدر المصطفى بس ماسه الصغيره ..

اني استحيت .. وطلعت بره .. الجو حلو . وريحه النهر بخشمي والگمر ضواه ساطع ..

لفيت حجابي واتقربت للنهر ..
سمعت صوت شجن وحلو يغني ..

ياحريـــــــــــمة انباگت الكلمات من فوگ الشفايف
وسنينك العشرين ما مرهن عشگ والعشگ خايف
ياحريــــــــــــمة ياحريــــــــــــمة

وك لا ولك لا لا على بختك ماني سالوفة صرت بين الطوايف
ياحريــــــــــــمة ياحريـــــــــــــمة

يازلف يتـــغاوة وية الليل بطراف الگـــــصيبة
هاك روحي الماغفت والطيف ما مرة حبيبة
هاك جرحي الماتطعب و انت عطابة و لهيبة
هاك العمري الضاك حنظل و انــــــت برحي
ياحريمة الشوك مر ابوحشتاى
ياحريــــــــــــمة ياحريـــــــــــــمة

اتقربت شفته مصطفى .. شافني ارتبك وسكت

ليش سكتت حلو صوتك .. عبالك صوت محمود انور .
وحتى تنطيه شبه ..

لاتشبهيني بهذا المايع ..

يااااا محمود انور مايع .. يخبل واغاني تخبل..

اگلج انتي ماتستحين گبالي وتگولين ع المايع يخبل .

ههههه قابل گتلك احبه .. هو اعجاب بأغانيه لااكثر ولااقل ..

استغفر الله .. لاتشوفيني ساكت .. لاتفورين دمي شنو احبه ومعجبه ..

ههههه خلص سكتت ..
زين انت منو من المطربين تحب تسمع ..

اني احب حسين نعمه .. ياس خظر ..

امممم لان من ذي قار .. لاتصير عنصري .  مطربينا كلهم اغانيهم حلوه ..

هذا ذوقي .. ومو لأن من ولايتي لا ..
بس رياض احمد هم يعجبني وهواي مطربين ..
بس ذوله الجدد ..
صلاح البحر
وباسم .. ذوله مو هالگد اهواهم ..

اها زين وكاظم ..

كاظم غزلي .. واني مو هالگد وي الغزل ..

لازم عندك وحده وعايفتك..

حاشا مو اني الي تعوفني مره .. وانتي وحدج تخمنين

لا بس من غنيت حسيتك حزين ..
وسنينك العشرين مامرهن عشگ والعشگ خايف ياحريمه
حسيت اكو مغزى وراهن ..

اگلج انتي شگد جريئه .. بقلمي شمس

ليش شنو الجرئه الي عندي .. واسفه اذا احرجتك ..
بس لان ابن عمتي وحبيت ادردش وياك ..

ابن عمتج مو اخوج .. اني اخواتي مايحجن وياي هيج ..
الي يشوفج مايگول عمرج 15 ..
هاي لو ولد انتي .. جا جدي مهدي دخلج للديوان من زمان ..

ههههه همزين ماصرت ولد .. واصير معقد مثلكم لا لا مااريد خليني هيج احسن ..

ليش اني معقد ..

اي وسئيل ..

هههههه ضحكتيني صارلج ساعه من سولفتي وياي شبسرعه حللتي شخصيتي ..

سيماهم في وجوههم ..

انتي تصلحين قانون لو حقوق انسان على السانج هذا ..

اي صحيح داافكر اصير هيج بالمستقبل ..
وادافع ع كل مرأة ومااخاف ..

مبين متخافين .. هي الي توگف بوجه الشيخ مهدي تگدر تدبرها وتصير شي جبيبر بالمستقبل ..

شنو سمعت كلامنا ..

اي سمعته وعجبتيني ..

ههههه واخيرا مدحتني ..

ليش انتي شمتوقعتني جاهل .. او متخلف ..

لا بالعكس اني اشجع البنيه الي تدرس وتتعلم وتصير شي بالمستقبل ..

لعد اخواتك ليش مبطليهن من المدرسه ..

ومنو گالج مبطليهن .. هنه ميدرسن وامي سوت الهن واهس للبيت والشغل وعلمتهن الخياطه وسوالف البيت وهملن الدراسه ..

شگد حثيتهن يدرسن وينجحن بس ماكو فايده ..

ماادري ليش مااگدر اصدگ ..

مشكلتج هاي .. ماكو حاجه اثبتلج ..

العفو مااقصد تكذب . بس…

فهمت قصدج .. ودار وجهه للنهر ويشمر حجر ..

حبيت اغير الموضوع ..

گتله هذا النهر شنو اسمه ..

هذا نهر الغراف ..
وهذي منطقه زراعيه وبساتين بضواحي قلعه سكر ..

قلعه سكر 😦😦 هي اسمها هيج ..

اي هو اسمها ..

وليش هذا الاسم ..

اول من بنا بيها رجل بدوي اسمه سكر المشلب ..
بنى بيت من طين على شكل قلعه .
فسموها (قلعه سكر)..

امممم حلو ..

تعرفين الشاعر عريان السيد خلف ..

اي حلوه اشعاره ..

اصله من قلعة سكر ..

حلو..  عندك معلومات واسعه ..

لاتستهينين بيه . يبنت الحظر اني بير معلومات وماتگدرين تغوصين بيه .😂
#بقلمي_شمس
يتبع… 
………
لاتنسون التصويت حبايب ع كل البارتات 😘😘