رواية عشق وإبتلاء الفصل الرابع عشر 14 - بقلم الكاتبة شمس السعدي

البارت الرابع عشر
#عشق_وإبتلاء💔
#بقلمي_شمس

شهگت بالبجي ومااتحملت من حظني .. حسيت بأمان
واحساس لايوصف ..
حظنه دافي حيل .. واختلطن دگات گلبنا سويه ..
فعلا صرنا واحد .. وحبنا مايشبه اي حب .

وانت وحدك
من تلمني بحضنك احس
بوجه ابوي و ضحكت امي و رحمة الله ..
.
.
زدت بالبجي وطلعت الخوف والقهر الي بگلبي كله .
باوعلي ..
كافي يعمري تعذبيني من تبجين ..
جدج راح للي ارحم من عدنا ..(بقلمي الكاتبه شمس)
وامج .. ان شاء الله ماعندها غير العافيه لاتقهرين روحج

مسح دموعي ..
انفتحت باب الشارع ..

بسرعه ابتعد مصطفى ..
دخل حمودي ومرتضى ..

حمودي .. ها مصطفى دورت عليك ماكو .
ماادري بيك هنا ..

مصطفى .. اي اشتريت علاج البيبي .. وجبته الها .
دگيت الباب طلعت ماسه ..

مثل مگتلج ماسه .. ع العلاج هيج فهميها ويغمزلي .

مااعرف اضحك لو لا بذيج اللحظه .

طلع هو ..

وحمودي يگول المرتضى .. ابد ولاارتاحله ويباوعلي ..

مرتضى .  لا ولك شبي الولد اخلاق ودرة ..

مااهتميت .. اخذت العلاليگ ودخلت نطيت البيبي ماسه العلاج ..
وفرشت وگعدت بفراشي .
اكل فعلا كنت جوعانه . واني احب هيج شغلات ونميات اكل .

اكلت جبس وعصير ..
ورحت غسلت وفرشت اسناني ونمت ..

گعدت الصبح لگيت كلها گاعده بس اني نايمه استحيت
اخذتني النومه مت التعب ..

وجايه مواجهه مال نسوان ..
استحيت اطلع ..(بقلمي الكاتبه شمس)

بقيت جوه الى ان خلصت وطلعت .
غسلت . وسويت لفه . وجاي اشرب جاي .

شفت مصطفى گبالي غصيت ..
يباوع من شباك المطبخ ويبتسم .

هو منتبه واني ممنتبهه . دور بنات اقربائنا هواي بالمطبخ ويباوعله ويتهامسن ..
صعدت الغيره عندي ..

وبعدين مصطفى شعنده هنا . وويامن ديحجي .
طلعت بسرعه .
التفيت ورى المطبخ .
لگيته ديسولف وي عمته مرت خالو معتز ..

شافني گال صح النوم كلما اسأل عليج يگلولي نايمه .
واني هنا اتگله .

هو يحجي عادي واني مستحيه من مرت خالو .

گالت تعالي ماسه .
بحجة تساعديني بالطبخ انتي ومصطفى ..
اگعدوا هنا .. بس من يجي احد .
سوا نفسگم تشتغلون .
لو تگلبون بالگدر ..

ضحك مصطفى .. اوووف ياماسه شسويتي بيه .
صرت اتختل من وراج .(بقلمي الكاتبه شمس)

ههههه دتعال عن الشباك .. مو فرحان البنات واكفات بالمطبخ يباوعلك .

اويلي بعد روحي .. هيج تغارين عليه .

على شنو اغار .

اي صحيح .. سيماهم في وجوههم ..

گعدنا يم الطبخ .. والجو حار . انشوينا .

بس الي يحب يتحمل ..

اجت رنا .. تباوع وتضحك .

وتسويلي اوك بإديها . على مصطفى .

بقينا بالساعه نسولف .. وهو ساعه يتغزل .
ساعه يخطط المستقبلنا .
ساعه يگلي بس اتخرج واشوف تعيين نتزوج .
وعود كملي هناك .

واني فرحانه والدنيا مسايعتني ..

بس لازم فرحتي تخرب .. بسبب حمودي .

اجه . مصطفى سوه نفسه يگلب بالگدر .
حسيته شك بينا وبقى يباوع .

تالي صاح .. ماسه انتي دخلي اني هنا يمهم .

گتله ماكو داعي .

اشو هذا گام يخوزر وسوه نفسه ولي امري ..

اشرلي مصطفى عود دخلي ..

دخلت .. گال اي عفيه هيج اسمعي الكلام .

التفتت عليه .. وانت شنو  .. لاعبالك دخلت عمودك
بس بجيتك اختنگت .

ها يعني هيج صار الحجي ماسه . بسيطه .

تركته ودخلت .(بقلمي الكاتبه شمس)

مر اليوم عادي ..
والناس اغلبها راحت .
بس اهل الناصريه بقوا .

ورجعوا كلهم البيت جدو . بعد ماخلص اللطم ..
ونسمعهم يتناقشون ع واحد .. هو الي شاكين بي وياهم وطلع جيرانه ..

قدموا شكوه عليه .. ودزوا الاهله عطوه انه يسلموه ويعترف على الي وياه ..

يومين البيت ماهدئ . وتالي قرروا اسبوع واهل الولد يمشون ويحلون السالفه ..

فگال جدو مهدي . احنه نرجع للناصريه .
بعد شعدنا هنا ..
وللاسبوع الجاي نجي ..

ضجت حيل من قرروا يرحون .
ودعت بيبياتي .. وطلعت وياهم للشارع .
ركبوا السيارات .
جنطة بيبي بيدي . اجه مصطفى ياخذهن سحبهن من ايدي ولامست ايدينا .
جسمي وگلبي گاموا يرجفون .
همسلي احبج .
گتله من توصلون خابرني طمني .
هز براسه .
وراح واخذ روحي وياه ..

صار البيت موحش . كانت الناس شاغلتنا .
هسا البيت فرغ .
وبيبي بقت تون وتنوح ع جدوا .
والبيت بس حزن ودموع .

نضفنا البيت كله اني ورنا وساره . ومرت خالو معتز هم ويانه ..
خلصنا .
سبحت ونمت من التعب ..
ماگعدت لليل .
شفت ماما تسوي عشا .. ( بقلمي الكاتبه شمس)

ماما روحي اني اسوي ..
لا ماما اني اريد التهي .. وانتن تعبتن هاي الفتره.
متت من الگعده اريد احرك رجلي .

ماما بداعتي روحي .. اني اكمل .

بالگوه اقتنعت .. هي مسويه تشريب ..
طلعت الدجاج وگليته . وسويت سلطه

دخل حمودي ..
السلام عليكم ..
وعليكم السلام .. رديت بس حسيته عابس .

دخل سلم على بيبي .. شويه اجه يمي..
اخذ خبزه ..
وسوه لفه ..

يدري بيه اضوج واحد ياكل واني اطبخ ..
احس البركه تطير .

اكلها وكمل وهو ساكت ..
غسل ..
وراد يطلع ..
تقرب مني .

ماسه خليها ترجيه بأذنج .. انتي الي ومتصيرين الغيري فاهمه لو لا ..

ههههههه والله ياربي .انت شايف نفسك .
لو تبقى اخر واحد مااتزوجك .

ليش هو بكيفج .. اني معلم عليج من الصغر ومستحيل تصيرين الغيري ..

وتركني وطلع ..
هذا شيقصد . گبر والله مصدگ نفسه ..
اخاف قصده لان محجوزين من احنا صغار ..

هههههه عود من يصير ابن عمي يله يتحكم بيه .
اكيد حس بمصطفى .. وصار عنده حب التملك .
الا مخبله يله اتزوجه .
هي الي عندها مصطفى تفكر بيك يالمهتلف ..
احجي بيني وبين نفسي ..
ودخلت رنا وجهه اصفر وخايفه ..
#بقلمي_الكاتبه_شمس
يتبع… .