رواية عشق وإبتلاء الفصل الخامس عشر 15 - بقلم الكاتبة شمس السعدي

البارت الخامس عشر
#عشق_وإبتلاء💔
#بقلمي_شمس

اجت رنا خايفه ووجها اصفر ..
لج ماسه ..

اوكفي اوكفي . شبيج .. شكو

لج بالگوه انهزمت سويت نفسي اجي اشوف بيبي .
هذا حمودي گعد يحقق وياي ..

على شنو يحقق

على مصطفى . يگول شعنده هو وماسه .
وليش كل مرة اشوفهم يتهامسون .
ويگلي انتي تدرين ماسه ماتخبي عليج شي .

يووووه خلي يولي يمعوده . هذا بس لسان .
شيريد يسوي مثلا .
مصطفى مابقى بس هاي السنه يتخرج ويخطبني .
واخلص من اخوج العكره .

صدگ لعد ليش متحجين . بس شلون وجدو هستوه متوفي

لا بس يحجي بيه ونلبس حلقات ..الى ان تدور سنة جدو

ها هيج .. يله اني اروح لايحس هذا ويسويلي مشكله

الله وياج حبي .

كملنا عشا وغسلت مواعين ..
رن التلفون ..

رديت .. هاي حلا
هلو حلا شلونج .

هلو ميمي منو يمج .

ماكو احد . كلها بغرفها ليش ..

سمعت صوت مصطفى.  هلو بروحي شلونج .

هلو بيك . موگتلك اتصل من توصلون . شنو هسا يله وصلتو .

ههههههه لا والله بس مصار محال .
واجينا تعبانين .

اي ونمت وتركتني قلقه واتگله عليك ( وهو اني اصلا نايمه وماادري بالدنيا )

بقينا نحجي شويه ..
وبعدين رحت نمت لان ورايه دوام . وعندي امتحانات شفهيه راح تبدي .

للجمعه اجت كلها للمشيه ..
ونصبوا جادر بالشارع ..
ذبحوا ذبايح للغدا .
بس همزين جابوا طباخ ماتعبنا ..

بس الولد تعبوا خطيه .
اباوع من شباك الاستقبال .
حبيبي شايل دشداشته . ووياهم يطبخ .

يمه فدوه يخبل . يطبخون بالطرمه ..
شگد حاولت اخليه يشوفني ماكو ماينتبه .
وماما كل ساعه ترزلني ..
شعندج هناك .

احنه انحجزنا بالبيت النسوان كلنا ..
صبوا غدا للزلم ..
وبعدين جابوا للنسوان .
گاموا ينطونا مواعين ..
اجيت اركض للمطبخ .. مو عمود الاكل .
بس ردت اشوفه .
وهذا لطومي هو يجيب المواعين ميخليه ..

تالي ردت اقهره ..
گتله احمد ممكن تصيح مصطفى ..

😡😡 وشنو تردين منه .

مو اني عمته تريد تشوفه .

هااااا ماهو من يجي اگله ..

تغدينا وكملنا ومصطفى ماكو ..

فتحت باب المطبخ ونضفناه ونضفنا الطرمه ..
الولد كلها طلعت ..
لان المشيه راح تجي ..

شويه ودخل رضا ابن خالو عامر اخو مرتضى بس هذا عمره خمس سنوات ..
گتله رضاوي تعرف مصطفى ..

گال هذا الشاعر ..

هههه اي .. روح شاوره گله عمتك تريدك ..

شويه واجه دگ الباب ..
اني واكفه وراه .. فتحته .

كح ودخل ..
شافني شهگ

افيييه ياريحة هلي ..
والله مشتاقلج بگد رحمة الله ..
وحاير شلون اشوفج .
هذا ابن خالج .. كل ساعه ويزحزني . ويگلي روح ارتاح احنه نتكفل بالباقي ..

وتدرين اني ابن عشاير ومو هينه عليه انطرد ..

ماعاش الي يطردك .. خلي يولي لتهتم اله

موگتلج مامرتاحله . احس عينه عليج ..

المهم اني عيني وگلبي على منو .. ..

اروحلج فدوه .. كلي ثقه بيج واعرفج ..
ماتشوفيني مامهتم اله ..
يله يبعد الروح . اني اترخص .
الناس راح تجي .
وعيب عايف جدي وعمامي وگاعد هنا ..

على راحتك .

كمليها ليش وگفتي ..

ههههه دروح يله ليجون ..

اي رايح ..

اووووف شگد احبه .
بس مااعرف اتغزل واحجي استحي ممتعوده .

اجت المشيه وصارت مشاحنات بين الطرفين .
وقرروا الولد يسلم نفسه والي وياه ..
يله يجون يمشون .
هسا مايقبلون بأي شي .

طولت للعصر كلش يله خلصت .
وقرروا يباتون بيت جدو هندي وجدوا مهدي .

وهاي فرحتي . ومناي .
تواعدنا نگعد بنص الليل ..

بس اخذتني النومه .. شگد عيب كلما نتواعد بالليل انام وانسه روحي .
تذكرت ع النهر بالقلعة هم هيج .

طلعت ماكو احد بالطرمه ..
ضجت حيل ..

ياربي شلون .. بقيت احوس بالمطبخ وافتر بلكي يجي .
ماكو ..
ردت ارجع للغرفه .
انضربت بشخص . انهبطت عبالي بابا لو واحد من اجدادي او عمامي .
استحيت .
بعدني مارفعت راسي وشفت منو .
همس بأذني اشششش .
واخيرا حنيتي عليه واجيتي .
ليش منتضرج من الوحده وهسا ب 3 ليش .

ضحكت .. والله اخذتني النومه .
سحبني من ايدي .
وطلعنا ورى المطبخ .

صوت المبردات عالي محد يسمعنا ..
گعدنه ع دكة الحايط .
اريد قطرة دم بيه ماكو ..

اششش شبيج ترجفين .
مااعرف خايفه ليجي احد .

محد يجي واذا اجو .
خير البر عاجله بسرعه اخطبج واخذج .
وقابل احنه شمسوين ..

لا بس گعدتنا بهيج وقت تتفسر غلط .

اخاف انتي الي متثقين .

اني لا طبعا .

ماسه مستحيل يوم المسج غير بس بالحلال .
وحبي الج صافي مابي اي غايه بس الزواج .
بس اني لان اشتاقلج اطلب اشوفج..

اعرفك والله شبيك .

بقينا نسولف الى ان اذن الاذان ..

طفرت من الهبطه .

هههه يله روحي . اكيد راح يگعدون يصلون .
اروح اتوضا واصلي .
وانتي هم روحي صلي ولتفوتين صلاة الصبح حتى الله يوفقنا يعمري ..

هزيت براسي . ان شاء الله

دخلت للمطبخ توضيت .
وسمعت صوت الباب .
طلعت ماما ..

ها ماسه اليوم تصلين الصبح .

اي ماما مو كنت اقرأ . واذن الاذان گلت اصلي وانام ساعتين قبل الدوام .

الله يوفقج ماما ..

صليت ورحت نمت ..
وگعدت لابسه ملابس مدرسه .
لفيت الشال .
واني سافره بس بالصدريه .

شفتهم يتريگون .. گلت اسلم عليهم قبل ليطلعون واطلع .
شافني مصطفى ابتسم .. بالگوه يفتح عينه من النعاس
بس گعدوه من الصبح حتى يرجعون للناصريه .

بس من شافني سافره . اشرلي ع ملابسي .

وجدوا هندي گال .. بويه انتي تطلعين هيج .
وبابا يباوعلي .
گتله لا جدوا البس جبه .
وبيومها اجبرت البس جبه 😭
#بقلمي_شمس
يتبع… .