رواية عشق وإبتلاء الفصل الرابع والعشرون 24 - بقلم الكاتبة شمس السعدي

البارت الرابع والعشرون
#عشق_وإبتلاء💔
#بقلمي_شمس

تركته وگمت . هذا مو حب .
وسبق وان گتلك هذا مرض ..

سحبني من ايدي . ماسه لاتسوين هيج .
ترى اذا هسا متحمل . (بقلمي الكاتبه شمس)
يجي يوم مااگدر اتحمل .

مااهتميت . ورحت نمت .
بس ماگدرت انام . مصطفى گبالي يعاتبني .
هسا اذا عرف اني اليوم زواجي .
شراح يصير بي .

كلماته . وصوته كلها بأذني .
احس بلوعته وحبه الي .

غفيت ودموعي ع خدي .

گعدت بنص الليل . عرگانه مع انه الجو بارد وشتا .

التفتت هذا نايم يمي ومتغطي وياي .
طفرت جبت بطانيه ثانيه واجيت .
دخلت للحمام غسلت وجهي .

هاي انتي ماسه باوعت الروحي بالمرايه .
اتمنيت حياتي مثل بيبي ماسه . اخذت الي تحبه وعاشت حياتها بسعاده .
اشو اني صار عكس بكلشي عاشته هي .

عيوني وارمات من البجي .(بقلمي الكاتبه شمس )
طلعت شربت مي .
واخذت مخدتي وفرشت البطانيه بالگاع ونمت .
تغطيت بالكوت مالتي .

بعد مااخذت نضره على احمد وهو نايم .

مو انت الي كنت اتمنى انام يمه ..
عمري مراح اسامحك ولااحبك يااحمد .
لان انت السبب بخسارتي للشخص الي احبه .

نمت ع البطانيه .
للصبح حسيت نفسي مسخنه .
لان عرگت وبعدين بردت . حتى انشلت .

گعدتي احمد طفرت لملمت روحي وگمت .

-هاي ليش نايمه هنا . ليش مابقيت ع السرير

-هيج مرتاحه . وبعدين گتلك ماراح اكون الك زوجه
ليش تصر .

-وقابل اني شسويتلج . حتى ماتقربت يمج .

-ولاتفكر تتقرب فاهم .

عصر ايدي حيل .. ماسه گتلج انطيج مجال .
بس مو معناها تتحديتي .
اذا تحديتيني . اسوي شي ميعجبج .

سحبت ايدي . ورحت للحمام غسلت وبدلت وطلعت ..

لميت غراضنا . شويه واندگت الباب .
جابوا . الريوگ

گال تعالي اكلي .

مااشتهي

تموتين روحج هيج .

گتلك مااشتهي .

هو هم مااكل بس شرب جاي . وطلع جكاره يشرب

من يمته انت تشرب جكاير .

مو دائما مرات اشرب .

وخالو يدري .

لا ميدري .

سكتت .

مو تگوليله .

واني شعليه بيك واذا شربت متهمني .

ماسه ارحميني الخاطر ربج كافي .

وانت ليش مارحمتني . لاتطلب شي انت تفتقده بالاصل .

شويه واجت مرت خالو وخالو .

دخلت هايمه بشروا .(بقلمي الكاتبه شمس)

هز براسه ونطاها قطعه القماش .
باوعتلها وابتسمت .
اجت بوستني وعي تضحك .
صدگ شمأزيت ساعتها .
يضحك على اهله وهمه مصدگين وين الرجوله وهو جارح روحه ومخلي النيشان ..

لبست ثوب وكوت فوگاه ولفيت الشال ع راسي .
گالت مرت خالو .
خلي شي ع وجهج انتي عروس .
گلتلها اصلا ماكو غربه بالبيت . واني بيضه وماحب المكياج .

-والله بنات هالوكت الي براسجن تسونا .
الله يساعدني شمنتظرني من ظيم .
وطلعت .

ههههه الي يشوفهم يگول اني الي كتلت روحي عليهم .
وخاصه هي شأتذكر منها .
بس تگرص بيه من كنت صغيره وتگلي لتگولين الامج ترى نطردكم من البيت وتبقون بالشارع .

طلعنا للبيت . تلگونا ماما وبيبي .
وكم وحده من اقاربنا .
اجت باجي احلام حضنتها وابجي لان من ريحة مصطفى .
همستلي .
البارحه مصطفى دخلوه مستشفى . بس يتقئ ووگع وميعرفون شبي .

سوده عليه يعمري . بيه ولابيك .
عساني لااتهنى بحياتي ع الي سويته بيك وبروحي .

شويه ودخلوا رنا ومرتضى .
سلمو ع الكل .
وگعدنا بالصاله .
والولد راحوا للاستقبال يسلمون ع الموجودين .
لان خوالي مسووين غدا الوجه الله .

همستلي رنا . ها ماسه شلونها ليلتكم .

شلونها يعني عاديه .

ولج شگد منتظره هاي الليله . بس مرتضى بارد خلص شغلته ونام .
مو مثل ماكنت احلم .

باوعتلها . ههههه والله هم يضحك وهم يبجي .

شگد رومانسيين هي واخوها .

گلتلها . اصبري عليه رنا يجي يوم ويتعود . لتنسين رابين سويه وومتعود عليج .
انطيه مجال وحاولي انتي تسويله واهس وجو حتى ياخذ عليج شويه شويه .( بقلمي الكاتبه شمس)

بوستني .. يمه فديت بنت عمتي .

طلعت ام احمد تتنصت ع حجينه .
گالت . علمي روحج يحظي . احمد من اجينا لسا ضايج وماله خلگ .
اني ادري شلون مطلعه روحه حتى هيج ضايج .

التفتت الها . وماسألتيه خاله ليش هيج ضايج .

والله يربي شلون راح اعيش وياهم ماادري .

صبوا غدا وخلصوا .
واني عيني ع التلفون اريد بس اطمأن عليه .
واشوف شلونه .

گمت الغرفه خالو معتز .
باجي عفيه اتصلي ع بييت جدو وشوفي مصطفى شلونه
بقى بالي يمه .

هسا اشوفه .
طلعت اجه احمد . گال يله نروح للبيت .
بيت خالو هو مشتمل بنص الحديقه .
بس حاليا خالو . ديبني بيت .
واذا خلصوا .
يبقى المشتمل الاحمد .
المشتمل بي غرفتين صغار وصاله ومطبخ وصحيات .
يعني صغير كلش .
ومابي مهرب . حتى افرغ همي بي .
شلون اتحمل ماادري ..

دخلت الغرفتي صغيره حيل .
مابيها مجال بس ممر صغير نفوت منه بين السرير وميز المرايا .

هاي شلون راح انام ووين .
واني مااريد انام يمه ع نفس السرير .

تمددت ع السرير والحزن كاتلني .
اجاني اخو احمد علاوي .
گال .
ماسه تگول باجي احلام .
اني زينه . بس مشتاقتلج .وفراگج صعب .
فهمت قصدها .

بس لازم اطمأن اكثر واعرف شگاللها .

ردت اطلع . مخلتني مرت خالو .
گالت بعدج عروس وين طالعه .
بطلي هاي العادة . كل ساعه ورحتي الامج .
واذا عندج وكت وضايجه هيج . تعاي سوي العشا بمكاني
گلتلها حاظر . بس ابدل گلبيتي .

دخلت للغرفه جاي ابدل ..
ودخل احمد عصبي .

شعندج انتي وباجي احلام ..
صايره المرسال بينكم مو 😡

مرسال شنو!!
#بقلمي_شمس
يتبع..