رواية عشق وإبتلاء الفصل الثالث والعشرون 23 - بقلم الكاتبة شمس السعدي

البارت الثالث والعشرون
#عشق_وإبتلاء💔
#بقلمي_شمس

اليوم زواجي ..
المفروض افرح وواحظر واتجهز . مثل كل بنت اليوم زواجها وفرحانه .
افكر لو اليوم زواجي من مصطفى .
شنو ممكن اسوي ..(بقلمي شمس)

اويلي يمكن الفرحه مسايعتني . والبسله احلى بدله .
واحلى تسريحة وميك اب .

بس من اصحى للواقع . البدله مو اني الي اختاريتها
وحتى شعري نفسه ماصبغت ولاميشت .
خليته ع طبيعته .
طبعا . اجت ام الصالون للبيت .
لان احنه مسوينه هوسه وحفله .
بس عمود الصور .

وطلبت شي بسيط مااريد تسريحه .

لانه بالنسبه الي يوم عادي .
مو اليوم الي حلمت بي وي مصطفى .

اباوع الرنا . تتشرط وتريد هيج تسريحه وهيج ميك اب .
والفرحه تلمع بعينها .
ابتسمت الفرحها . الله يسعدها واعرف مرتضى راح يسعدها حتى لو كان ميحبها لان طيب وميأذي احد.

باوعت الماما . تجهز بملابسي وترتبهن وهي فرحانه وتضحك .
اوووف يووم انتي الي كسرتي ظهري بهذا الزواج .

تذكرت بالمستشفى .
من فتحت عيونها . بوستها وحضنتها .
اني اسفه ماما . مستحيل ازعلج بعد.

يعني تسمعين كلامي ومتعذبيتي .

بحياتي مراح اعذبج .

وتتزوجين احمد .

الي ترديه يصير يوم .

وبعد اسبوع من طلوعها من المستشفى جهزوا كلشي وحددوا يوم الزواج .
الي هو اليوم .

رجعت للواقع . اليوم شلون راح اتحمل وجودي مع احمد بنفس الغرفه .
وشلون راح اطيق اسمع صوته .
بس مستحيل اخلي يلمسني .
لان وعدت مصطفى مايلمسني احد غيره .

اجت سيارة الزفه .
دخلوا احمد ومرتضى للبيت .

اجه راد يبوس راسي .
دنگت مخليته .

اخذولنا كم صوره .
طبعا ماكو احد بس خوالي وكم واحد من اقاربهم .

گال خالوا يله اخذوا نسوانكم .

بحجة مااگدر الزمه . لان لازمه المسكه والقران
فأضطر هو يلزم ايدي وطلعنا .

گعدنا بالسياره .(بقلمي شمس)
سيارتنا .
گاعد بيها خالو ماهر يسوق . وزوجته يمه
واحنه بالورى

وسيارة رنا ومرتضى.
خالو عامر وزوجته .

يعني كلهم اهلهم وياهم .

الا اني وحيده لااب ولا ام وياي .

احس بغربه ووحده متنوصف .

حتى رنا مطمأنه لان اهلها ويانا واكيد راح تشوف امها بالفندق .
اخذونا للاستوديوا. اخذنا صور ومااعرف حالي بيهن
لان كنت ضايجه حيل .
حتى المصوره كالت .
ابتسمي ياعروس اليوم زواجج الي يشوفك يكول مجبوره
( اي والله مجبوره . اخذوني غصب من حبيبي .)

رحنا للفندق .
بس طول الطريق اني ساكته .
وهو كل مايحاول يمسك ايدي . ابعدها عنه .

الى ان وصلنا . نزلنا وكل واحد راح الغرفته .
دخلت مرت خالو . امه الاحمد.

خاله ماسه صيري سباعيه . ولتخافين وفرحوني اريد حفيد من اول ليله .
واضحكي شويه . الي يشوفج يكول غاصبينج .
ماادري لويش معبسه هيج .
وين تلگين احسن من حمودي .
لو تفرين الدنيا كلها ماتلگين واحد يحبج هيج .

اني منصيه راسي وساكته بس گلبي يحجي ويصرخ بوجهها ..
( ابنج خو الي فرض روحه عليه . حطم حياتي ولعب بمشاعري . اخذ روحي وشرفي . وحرمني من الي حبيته وراده گلبي . انتي متباهيه بأبنج بس اني حبيت تاج راسه الابنج . رجال الدنيا كلها تحلف بأسمه واليوم صرت الغيره . 😭)

نزلت دموعي . وهي تحجي واني بالي مو يمها .
شويه ودخل خالو باس راسي .
وطلعوا .
دخل احمد .( بقلمي شمس)

اني گاعده ع طرف السرير . منصيه راسي ومقهوره ومختنگة وكل المشاعر الي ممكن تحس بيها انسانه مكسورة الجناح ووحيده وماالها سند تحتمي بي .

حتى ابويه من اتصلت بي وگتله راح اتزوج .
ماواساني ولاگال بويه اني وراج ارفضي واني احميج .

گالي عليمن تگليلي هو انتن طابخاتها ومكملات انتي وامج . هههههه شايفين هيج ابو ..

اتقرب گعد يمي ..
اني گمت . سحب ايدي ..

-باوعتله .. احمد انت تعرف اني ماانزوجتك برضاتي .
بسبب مرض ماما .
قبلت وتحملت قهري ووجعي ودست ع گلبي حتى ارضيها .
فلا تتوقع مني ان اكون الك زوجه مثل العالم .
لان لو تبقى عليه ابقى العمر كله بلا زواج ومااتزوجك .

-. ماسه لتقسين عليه . اني احبج .
وأتحمل كلشي الى ان تحبيني ..

-هذا مو حب هاي انانيه منك .
تعرف من الاول گلبي مو الك ولا حيصير الك .
فلا تتأمل مني شي .

- ماسه هسا صرتي مرتي ومااقبل اسمع اي كلمه عن ماضيج فاهمه .

- ههههه هذا مو ماضي ولا راح يصير ماضي مدام بعده بگلبي ..

- ماسه😡😡 (بقلمي شمس)

تركته وگمت اخذت ملابسي ورحت للحمام لبست ورجعت
لگيته منصي راسه وگاعد بمكانه .

-تتعشين

-مااشتهي راسي يوجعني حنام

-بهذا الوقت

-اي .. طلعت بطانيه من الكنتور . ورحت اريد انام

-وباجر اذا سألونا ع النيشان . شنو اگلهم .

-هاي مشكلتك . مو تگول اني مو بنيه وانت ماخذني واني صغيره . انت اتصرف .
اني مااعرف بيهيج شغلات . انت اعرف مني .

-خلص اني اتصرف . عندج قطعه قماش او اي شي للنيشان .(بقلمي شمس)

-ماادري شوف بالجنطه . بس شتسوي بيها ??

اشو هذا راح يدور بالجنطه .
تالي لگه قطعه قطعة قماش بالجيب الصغير .
اخذها ودخل للحمام .

بقيت بفراشي ومنتضره هذا الخبل شيسوي .

شويه وطلع . گال انطيني كلنيكس .

طفرت من مكاني .

هاي شسويت 😲 .

جارح رجليه بالموس ومطلع دم ومخلي بقطعة القماش .
ورجليه بعد يطلع دم منها .

جبتله كلينكس وخليته ع الجرح .

-باوعتله . انت اكيد مريض . ماكو واحد يسوي هيج بنفسه
-اي مريض بحبج ..
ومستعد اسوي كلشي حتى تحبيني .
#بقلمي_شمس
يتبع....
………………
حبايب البارتات الي اكتبها 750كلمه تقريبا .
واني اتعمد اوصل الهذا العدد واتوقف .
حتى من انزلها بالفيس او بالتعليقات ميطلع فشل
ويتعبني ولازم اجزء البارت .
لهذا انزل عدد محدد حتى يصير اسهل بالتنزل .
لان بالتعليقات مايستقبل اكثر من 750 كلمه اذا اكثر
يطلع فشل .
اتمنى اتفهمتوني .

واحتمال اسوي بيج . اني وكاتبه معروفه ومبدعه .
اذا توفقنا وسوينا بيج بالفيس .
اطلب دعمكم النا حتى اقدملكم المزيد .
تحياتي لكل متابعيني فديتكم 😘😘