رواية عشق وإبتلاء الفصل السابع والأربعون 47 - بقلم الكاتبة شمس السعدي

البارت السابع والاربعون
#عشق_وإبتلاء💔
#بقلمي_شمس

گضينا الليل كله سويه نايمه بحظنه ممصدگة ..
واخيرا صرت بحضنه ..
صدگ الزواج من شخص عن حب اله لذة تختلف عن الزواج التقليدي ..
وتحسين كأنه ملكتي الدنيا ومابيها .
المهم مصطفى للصبح ماگعد وهدأ.
طلع فرق السنين ..

نمنا وي الاذان .
بعدنا ساعتين نمنا .. وسمعت الباب تندگ.
شفت مصطفى نايم .
گمت لبست روب وفتحت الباب ..
شفت ملوكه گاعده بالباب وتدگ وتصيح علوس علوس .
هي مدنفشه مال عظ .
وبالگوه تمشي عمرها سنتين شلون صعدت ماادري .
شلتها ..نامت ع كتفي ..
خليتها بينا اني ومصطفى ..
دارت وجهها عليه وتضحك ..
وبقت تحجي وتأشر . بابا .
گلتلها اي ..
التفت مصطفى يريد يحضني .
تفاجأ شاف ملوكه .
فاتح عين وساد عين .
هاي ملوكه شجابها هنا .

هي صعدت ..

اني مو منبه عليهن مايخلنها تصعد كم مره وگعت من فوگ.
وهي تحجي وتضحك وكلمه نفهمها وكلمه لا.

تالي گالها . جا انتي لحگتي ابوج بيوم عرسه ووازيتيني .
شبيك مصطفى خطيه بعدهي طفله .وتريد حنانك لاتحرمها ..

اي بس مو اليوم ..

اي جا لو مخليها يم امها واليوم جايبها . لان خطيه تضل هيج يوم انت ويوم امها خليها لاتحس نقص بحنانكم..

ضاج . سدي الموضوع ماسه . اليوم صباحيتنا خو مانگضيها سوالف على…… . استغفر الله .

تعالي بابا تعالي .
اخذها وفتح الباب . علا علا .
اني مو گلت لاتخلنها تصعد .

علا .. يا هاي شجابها والله عبالنه نايمه .

اخذيها وديروا بالكم عليها ..

علا .. گعدتوا نسويلكم ريوگ ..

مو هسا بعدنا ..

رجع ..

اني رجعت نمت . اجه نام وحظني . بعده نعسان الحلو .

اممممم .

تعاي يمي خليني اشبع .
اتقرب مني .
گتله انت شنو مخبي عليه . المفروض مابينا اسرار .

ها رجعنا النفس السالفه .خلينا مرتاحين ماسه ولاتفتحين مواضيع تجرحني  ..

هيج مضوجتك ..

شوفي . الرجال حتى اذا ميحب المره بس من تخونه تجرح رجولته .
واني صحيح ماكنت احبها بس ماقصرت عليها ومدللها وحتى طبيبها وعلاجها اخذها بيدي وارجعها .
وبآخر ايام حملها .
اشيلها للسياره وارجع شايلها لان متگدر تمشي من. التعب والمرض .
وتالي تجازيني هيج .
هم اني سترتها وماحجيت لان بنت خالتي . بس طلگتها بساعتها وطردتها وحرمت شوفت بنتها عليها .
مااريد بنتي تربى وي هيج ام .
وخالتي هم تدري وقبلت ع كل شروطنا .

وهسا كافي سدي الموضوع ومانفتحه بعد .
خلينا عايشين اللحظه .
مو تردين تنهزمين مني ..

ههههههههه لا مصطفى لا هههههههه.

اندگت الباب .

خرب اهلج .. فضحتينا بضحكتج .

خلي افتح الباب .

منو ..

علا..  مصطفى اجه جدو مهدي يريد يشوفك ..

يله جاي بس ابدل ..

هههههه حتى جدي لحگني مو بس ملوكه .
دگومي بدلي خلي نسلم عليه .
لبست گلبيه بيج وبيها تطريز ع طولها ذهبي .
خليت ميك اب خفيف ولفيت الشال .
ونزلنا .

تلگونا بالهلاهل ..
دخلنا للاستقبال . سلمنا على جدو وبست اديه .
وگاله مصطفى ابوك سولفلي .
صدگ هذا الحجي .
ترخصت وطلعت .
رحت للصاله . ماما گاعده بوستها .
تگول الليل كله مانمت من الحرگة راح اموت من القهر اذا مااروح واحاسبه ماارتاح .

ماما انتي مريضه لتسوين بروحج هيج .
والله ميسوه خلي يولي .

ولج شأنسى . امه وين متگعد تگول ماسه عاگر .
فضحتنا .

خلي يولون ماما لتقهرين روحج .

شويه واجت حلا .
گالت سويتلكم ريوگ وين تاكلون .
گلتلها بأي مكان ماكو فرق ..

اجه مصطفى.  گال خلي نتريگ بغرفتنا ناخذ راحتنا .
صعدنا ..
ياكل ويشتغل ويتلمس ويسوي شغلات مايگعد راحه .
تالي اندگت الباب .
اجو خطار .
هههههه ممقسومه ارتاح اليوم . گال

يله حبيبي روح عيب ..
شلت الصينيه ونزلتها .
گالت عمتي روحي بدلي تجي نسوان .

صعدت لبست فستان طويل وبي ردن وفتحه طويله .
ونزلت شعري .
وكالعاده ملوكه بحضني مفارقتني .
وكلما ياخذوها تبجي .
وجهه بشوش ابد متبجي .
بس من ياخذوها مني ..

ماما رجعت . وسمعت متعاركه وي مرت خالوا وفاضحه احمد .
واحمد مكذبني ويگول هاي مرتي وأسألوها كلشي مابيه بس ماسه كانت متقبل اتقربلها .
يعني مطلع حجي عليه هواي .

اني هم محجيت وسلمته بيد الله ..

مرت الايام واني عايشه احلى ايام .
خلصت اجازة مصطفى ورجع للدوام .
وگام يشتغل بأوراق نقله ..
للناصريه .
بس كنا منفترق ع التلفون .
كل ساعه يخابر .
من يروح مصطفى ملوكه تنام يمي بالغرفه .
وتعودت عليه .
وصارت من يجي مصطفى متقبل تنام يم عمتي .
تعودت يمي . ويتعارك هو وياها عليه .
ويلوم بيه لان عودته .
لو يحجي على امه يگلها اخذيها .
بس ملوكه تعاند ومتقبل .

وحلا للنزاع گتله انقل سريرها بغرفتنا احسن .
وفعلا انتقلت يمنا .
ومونستنا .
سويتلها نظام بالنوم .
حدها تسعه وتنام .
علمتها ع كلشي .
حتى مصطفى ميتضايق من وجودها .
بس هو يغار منها .
يگول مشاركتني بيج .

ميدري اني احس روحي من كنت صغيره بيها .
وخاصه امها مو يمها .
وكم مره گلت العمتي تاخذها الامها خطيه .
تشوفها .
بس تگول مصطفى محلفني ماتشوفها حنين .

ايامي حلوه وي بيت عمتي وعمتي زينه وياي .
ومتكلفني هواي بالشغل .
حياتي مقتصره على مصطفى وملوكه .

بيوم سمعت عمتي تسولف بالتلفون .
وگالت حنين تركت الغسل مال كله وحالتها ساءت .
انقهرت عليها ..
وگلت العمتي . تاخذ ملوكه الها .
بس عمتي تخاف من مصطفى..

اتصلت على جدو مهدي . وگلتله يخلي مصطفى يوافق تروح ملوكه يم امها كم يوم ..
جدو قبل وگال بارك الله بيج بنيتي .

وفعلا اتصل عليه بالداوم ومااعرف شلون قنعه .
ووافق عمتي تاخذ ملوكه الامها ..
#بقلمي_شمس
يتبع….