رواية عشق وإبتلاء الفصل السابع والثلاثون 37 - بقلم الكاتبة شمس السعدي

البارت السابع والثلاثون
#عشق_وإبتلاء💔
#بقلمي_شمس

قريب متخلص العطله . گتله بابا اريد اروح . لان مابقى شي ع الدوام واريد اجهز نفسي .

باجي حاولت تقنعني گلتها اذا تردين اني اروح وانتي ابقي .
گالت لا اروح وياج .
ردت بس اروح واخلص . مااريد اتعذب اكثر .
حظرت ملابسي .
وبدلت .
سلمت ع بيبي وحظنتها وبجينا سويه .
وگالت مو تگطعين بيه .

طلعنا اني وباجي .
بابا طلع الجنط ويانا .
اتوقعت بابا يوصلنا .
حتى خالو معتز گال اجي اخذكم .
گتله لا بابا يوصلنا .

بس الي كنت ممتوقعته . مصطفى الي يوصلنا
بساعتها ردت ارجع وابطل .
وباجي تسحب بيه .
يمعوده لاتفضحينا اصعدي .

ما مااصعد وياه .

گتله بابا مو عساس انت توصلنا .

اي بابا بس صارت عندي شغله . وگلت المصطفى يوصلكم .

اووووف والله هذا يدعمنا هسا ادري بي . يبقى يباوع من المرايه ويطلع گبل بينا .

صعدت واني معبسه . وهو طاگ من الضحك .

گعدت باجي بالمقدمه واني واولادها بالورى .

وهو يذب بسامير وكلام .
يگله مهند والله احبك . على ابن خالو معتز .

اني بقت عيني ع الشارع مااباوعله .
رگبتي توجعني من گد مااباوع ع جهه وحده .
التفتت صارت عيني بعينه غمزلي .
خزرته .

گال . يمه هن يخبلن ودور يخوزرن صارن يموتن .

عزاااا .

گالتله باجي . دخلي عينك ع الشارع لا تدعمنا .

وصلنا نص الطريق قريب عفك .
گال بس نعبي بنزين .
عبينا . واشترالنا عصير ومي وجبس .
گال اكيد تجوعون اكلو .
فعلا الطريق طويل للحله .
حتى نعست . واخذتني النومه .
فزيت وصلنا الحله .
بسرعه صارت عيني ع المرايه .
استحيت شگد عيب شلون نمت .

گال اووووف شبعت شوف تخبل من تنام هنودي .

درت وجهي وحاصرتني الضحكه .

من وصلنا . جاي ينزل الغراض .
طلع احمد من البيت جان يم بيبي .

تخبل من شاف مصطفى.  گال گوا….  ع فلس .
تطلگتي مني حتى تلعبين بكيفج وياه .

مصطفى عصب . ذب الغراض من ايده .
ولزمه شبعه بوكسات .
لك ياعار شلون تحجي هيج عليها .
هاي اشرف منك يانذل .

طلع خالو معتز بالگوه فاككهم .
وسولفله مصطفى .
وخالو ضرب احمد وطرده .
گاله اني الي حجي وي ابوك بعدين .
اتعذر من مصطفى وگله ادخل .
گاله لا راح ارجع .
وراي دوام باجر .
طلعت ماما .
سلمت عليه واعتذرت منه .حتى تعجبت من تصرفها .
وگلتله ع الاقل اتغدا وارتاح يله تروح .
انت تعبان من الطريق.
بالگوة وافق .

اتغدا هو وخالو . وطلعوا .
اجه خالو ماهر واحمد .
وملفق حجي . عساس مصطفى ذاب حجي عليه وهو انفعل .
بس خالو معتز سولفله السالفه .
وهو مارضى على ابنه وگام يحجي عليه .

اني رجعت للدوام .
والدراسه .
وبعد مارحت للناصريه بس يوم اربعين جدو.
ورجعت وي ماما حتى مصطفى مشفته وصرت اتجنبه .
لان احمد هيج حجى عليه .
لعد الغربه شلون تحجي
ماردت اجيب حجايه ع روحي .

سمعت من باجي انه حنين جابت عمليه ووصلت الموت يله ولدت . وحالتها تعبت حيل بس حاليا احسن ومخليها تحت المراقبه يومين ومطلعيها .

فرحت السلامتها . بس اثارني الفضول اشوف بنت مصطفى تشبها لو لا .
مسميها ملاك .
وسمعت من باجي صاير اشكال ع الاسم .
حنين تگله ليش اسم بي حرف ميم .

صدگ ضحكتني شلون عقليه .
عبالها ع اسمي .
بس ولو كلشي اتوقع منه مخبل ويسويها .

من. راحت باجي مصورتها بالكاميرا. عيون ابوها بالضبط وحلوه بس هي نحيله .
لان حنين ومرضها ومتاكل اثر عالطفله .
المهم سلامتهم اثنينهم .

السادس حيل تعبني . وامتحاناتي كانت بسنه 2006
بشهر السادس .
امتحنا وكنت ع الاغلب زينه . لان بعض الامتحانات صعبه .
وفعلا نجحت . وطلعت معدل 86 .
وساره 74 .
الكل فرحان . وجابولنا هدايه .
وفجأة اجتني رساله .
( مبروك النجاح يوم الي ازفج الغرفتي )

😲😲 هذا منو .

ماادري ليش اجه ببالي مصطفى .
بس منين جاب رقمي ..

اووووف هاي اكيد باجي احلام صوجي نطيتها رقمي .

رحت معصبه . هي شافتني ابتسمت .
گالت والله من گتله ماسه نجحت . هو حلفني الا انطيه الرقم .

ماادري شحجي .
هذا بعد ميفوت حالي .

رجعتله الرساله .
(💭💭 شكرا خويه . ومبروك الك ع المولوده تتربى بعز ودلال امها وابوها )

دز ..
💭💭( الله يبارك بيج تمنيتها منج وتشبهج بس ان شاء الله ابني يطلع عليج من نتزوج ..
وبعدين شنو خويه راضع وياج . بطلي سوالفج هاي ماسه .)

هههههه ضحكت ودزيتله ( 💬 تحلم… )
وغلقته .
گلت خاف يتصل لو يدز رساله وماما تشك .

گمت اطنش كلما يتصل لو يدز رساله .مااجاوب .
اذا نطيته مجال يتمادى .

بدأ التقديم . وطلعلي هندسه كوفه .
بس ماردتها .ومااريد اروح اقسام لان ماما ماقبلت تخاف عليه.
حاولت احول للادنى .
بس الكل يگلي روحي تربيه .
وكنت متردده اصلا كنت اتمنى اروح قانون .
وعساس اروح قانون مسائي .
بس گلولي مابي تعيين وطيروا واهسي .
فرحت تربيه انكليزي .
وسارة شجعتني لان وياها .
ومرتضى هم ويانا .
گال اني اخذجن. وارجعجن .
والصراحه اترددت بسبب رنا .
هي من غير كلشي تكرهني .
وصار عندهم اثنين اطفال وهي بعدهي تغار وتتعارك .
اذا عرفت هو وياي بنفس الجامعه شتسوي .
بس والله حتى هو نسى الموضوع وكله يگلي خويه .
بس رنا عقلها فارغ وتغار حيل عليه .

كنت متحمسه للدوام وبديت بالتجهيزات .
نزلنا للسوگ اني وماما .
واشتريت كل شي بنفسي .
طبعا الفلوس من بابا هو اتكفل بملابس الكليه .
رجعت من السوگ ولگيت رنا عدنا وگالبه وجهها عليه .
گلت بگلبي .
ياستار ياربي ..
#بقلمي_شمس
يتبع….