رواية عشق وإبتلاء الفصل السادس والعشرون 26 - بقلم الكاتبة شمس السعدي

البارت السادس والعشرون
#عشق_وإبتلاء💔
#بقلمي_شمس

مر شهر ع زواجنا ..
رجعت للدوام . هواي فاتني ولازم الحگ .
ومسؤوليتي كبرت بين البيت والدراسه .
ومرت خالو ماشاء الله متقصر بالشغل عليه .
بيتهم كمل . وهي مااعرف شمنتظره .
ماتنتقل وتخليني ارتاح .

احمد كالعاده .. بقلمي شمس
يتقربلي ويتمتع بجسمي . بس كلما يحاول يفشل .
ويگوم يعصب ويشرب جگاير.
زاد بتعصبه .
كنت مااعرف السبب .
الى ان بيوم قرفص جوه رجليه وگال
اني مو عاجز ماسه
والله مو عاجز بس مااعرف شبيه .

يوم عن يوم . الى ان گام يطلع السبب بيه .
ويگلي من وراج توتريني .
الى ان وصلت بي گام اذا يحاول ويفشل .
يطلع حرگته بيه ويضربني .

منعني عن الكل وخاصه باجي احلام .
حتى من يشوفني گاعده وي ماما ونسولف .
ياخذ ع روحه وبسرعه يرتبك ويگلي خلينا نرجع للبيت .

رغم كلشي ماتركته وگعدت سولفت وياه .
وگتله روح الدكتور وتعالج مابيها شي .

بس هو عصب وزاد عليه بالضرب والاهانه .
وگلي عبالج اني مو رجال ومااگدر اخذج .

لج تتذكرين وانتي صغيره من اخذتج .
اذيتح لو لا .
تتذكرين .

سكتت عنه لان ادري بي يرد احد يطفي ناره بي .

وبيوم اجتمعنا ببيت جدوا .
ومرت خالوا گالت .
لعد مدريتوا رنا حامل . وتباوعلي .
حسيتها متقصده . عود بنتها حملت واني لا .
ماتدري السبب بأبنها مو بيه .

باركت الرنا ..
گالت يوم الكم ان شاء الله.
ابتسمتلها .

گالت . ماسه اريد اسألج سؤال بس استحي .

گولي رنا .

شلون تخلين احمد هيج يحبج ويسوي وياج .
وتأشر ع الزراگ الي بجسمي .

ابتسمت . لج اشو متستحين . حجيتها بشقه

لا ولج والله . مرتضى . گد حاجته وبس مدمرني واني احب الرجال الرومانسي .بقلمي شمس

اوووف . تحسدني ع الزراگ الي بجسمي .
وهو ماتعرفيه ضرب لو شهوه حيوانيه .
عبالها رومانسيه .
حاسدتني ع حالي . وهي حاله احسن من حالي
الله ليشوفج حالي يارنا .( احجي بداخلي

گلتلها شتسوين بالرومانسيه مو زين عليج حامل .

يا ماسه شبيج . ماتعلميني تغارين لان حامل .

لج شنو هالخرابيط . اغار شنو .
بالعافيه عليج . بس من خوفي .
ولا اني شعليه بيج شتسوين وي زوجج سوي .

مااگدر اسوي اي شي بسببج .

التفتت . شنو بسببي اني شعليه .

اعرف مرتضى يحبج من قبل مايخطبني .
بس من خطبج احمد سكت وماحجه ووافق عليه حتى ينساج .
هنيالج ماسه الكل يحبج . لان حلوه وشهبه قابل مثلي .

اششششش اششششش كافي لتحجين لاازعلج والله
لج شنو يحبني مرتضى اخويه تعرفين شنو اخويه .
وانتي تعرفين قبل مااتزوج .
كنت احب مصطفى
وحاليا مرت اخوج .
يعني لاقبل ولاهسا مرتضى ببالي .

وثانيا . لو مايحبج . قبل يتزوجج . قبل يصير عنده طفل منج .
لاتفكرين هيج تفكير وسخ .
تدمرين نفسج وتدمرين بيتج .
فكري بمرتضى والي ببطنج . وحاولي تكسبين زوجج وتخليه دووم ميشوف غيرج .
وطلعي هاي الافكار من راسج .
واياني واياج اسمعج تحجين هيج مره ثانيه .

تركتها ومشيت . اجت ورايه تعتذر .
سكتت ومحجيت شي ماردت اكبر الموضوع .

قربت الامتحانات ولازم اجتهد وانجح .
ع الاقل احقق وحده من طموحاتي .

بس احمد تغير حيل .
وگام يطلع حجج ويشك بيه .
حتى المدرسه ياخذنا ويجيبنا بأيديه .
اني وساره ورنا بالسياره .

وكل ساعه يهددني يبطلني من الدوام .
صار حيوان بمعنى الكلمه .

بس طاوعته بكل شي . في سبيل اكمل امتحانات
وانجح والسادس الله كريم .
اشوف طريقه واسايره بيها .

مصطفى انقطعت اخباره بس الي اعرفه .
راح كليه ضباط . وابتعد عن الناصريه كلها .

دارت سنه جدوا .
وبدت تكبر بطن رنا .
ع الاقل لو عندي طفل . يلهيني شويه عن الظيم والالم الي اشوفه .بقلمي شمس

امتحنت ونجحت من الخامس .
وصار لازم ابدي احظر للسادس .

بس احمد ميخليني . وگال لازم تتفرغيلي اربعه وعشرين ساعه .
وخاصه بعد مااهله انتقلوا وبقى البيت النا .

گام يطلب طلبات غريبه .
ويشتري الي كله . شورتات وتشيرتات للصره .
وهددني اذا لبست دشداشه يشگها عليه .
حتى امي يمي .
ياخذني بيده شويه ويرجعني ميخليني ابقى .
صرت عايشه بسجن .
او كابريه يمكن .
لان گام يشغل اغاني ويگلي ارگصيلي .
ويشتريلي ملابس رقاصات .تشبه هاي مال مصريات .

ومره جاي اسوي غدا .
ولابسه ثوب نوم فوگ الركبه .
شغل اغنيه النانسي . آه ونص .

سحبني من ايدي وكلها بصل .
الا ترگصين .
احمد خلي اغسل شبيك .

تعاي گتلج وسحبني .
وگام يرگص وياي ويسوي حركات مزعجه .
ويتلمس بيه .
ويعاملني عبالك راقصه لو عاهره مو مرته .

تصرفاته صارت غريبه . ومااعرف ليش يسوي هيج .
يمكن يريد يسد النقص الي بي بهيج طريقه .

والمشكله . رنا من تدخل وتشوفني هيج لابسه .
تحسدني وتگلي هنيالج بيتج وحدج وتلبسين بكيفج .
متدري هاي اوامر اخوها المريض .

فعلا صار مريض .
لدرجه بيوم اجه مشتري سيدي . واقراص .
وجايب افلام اباحيه .
مشمأزه بمعنى الكلمه .
ويگلي شوفيهن وتعلمي .
وشيسون تسويلي .بقلمي شمس

طبعا رفضت وماقبلت .
جاب الحزام وضربني . وجبرني اسوي مثلهن .
مااتحملت گمت اتقيأ عليه ..
ركضت غسلت وابجي .

رجعت لگيته بالحمام .
استغليت الفرصه . طلعت دشدلشه لبستها بسرعه
وخليت حجابي ع راسي .
وركضت البيت جدوا .
كسرت الباب عليهم .
طلعوا مفزوعين .
فتح الباب خالو معتز .
ركضت حضنته .
خالوا حباب انقذني راح اموت .
اجت ماما .

يوم مثل ماورطتيني خلصيني . حبابه خلصيني لو اموت روحي والله ..
#بقلمي_شمس
يتبع….

……………
بنات للتوضيح ..لاتستغربون شخصيه احمد .
هذي مقتطفات من الحقيقه .
لان ماردت اتعمق بالوصف .
وتصير القصه اباحيه .
بس هذي الحقيقه . واحمد انسان مريض .
ويسوي اشياء غريبه حتى يثبت رجولته بالقوه .
…………
وشلوني اليوم بالبارتات . اتمنى ماقصرت وياكم 😉