رواية عشق وإبتلاء الفصل السابع والعشرون 27 - بقلم الكاتبة شمس السعدي

البارت السابع والعشرون
#عشق_وإبتلاء💔
#بقلمي_شمس

تحملتة هوايه . وگلت بلكي يجي يوم وينعدل .
وهاي صار كم شهر متزوجين .
وهو من سئ الاسوء .

بس بعد ماعندي طاقه اتحمل . وخاصه بعد ماضربني بالحزام . وجبرني اسوي اشياء مااگدر اسويه .

استغليتها فرصه وانهزمت من البيت .
ركضت ع بيت جدوا .
وبقيت ابجي واحجي .
يوم مثل ماورطتيني خلصيني . حبابه خلصيني لو اموت روحي والله ..

ماما فهمينا شبيج ..(بقلمي الكاتبه شمس)

خالو حبيبتي شبيج متعاركين انتي واحمد ( خالو معتز)

معقوله مسمعتوا صوتي واني اعيط .
ماسمعتوا احمد كل يوم وهو يجلد بيه .

انتي شدتحجين . يجلدج شنو.

گعدت بالگاع وابجي .
لج يوم من اتنزوجنا لسا مشفت يوم حلو .
كل يوم ضرب .
ماما هذا معقد ومريض وشكاك.
مااگدر اتحمل مااگدر.

خالو قرفص مقابيلي . خالوا وليش ساكته ليش ماحجيتي ونملص اذانه . شنو الي خلاج تسكتين .

هي السبب ( واشر ع ماما ) هي الي كسرت ظهري اخاف احجي لو اشكي وتتخربط ويصير بيها شي .
وافقت عليه . عمود ارضيها .
وحاولت اسايره واكون اله زوجه . بس عمودها .
يضرب ويهين ويشك بيه . واتحمل عمودها.
اتحمل ليصير بيها شي .

دخل احمد يعيط .
وينها هاي .
اكو مرة وبنت اصول تطلع من بيت زوجها هيج وكت .

لزمه خالوا ودفعه .
لك اكو رجال وعنده غيره يسوي بمرته هيج .

هااا شگالتلكم لاتصدگوها جذابه . تريد تطلع عليه تهمه وتتملعب بكيفها.

عيب عمه . ماسه ماتهمتك بشي . انطيتك ورده
تسوي بيها هيج .

شگالتلج .

ليش تضربها . ليش معذبها شنو السبب .

بنتج مقصره وياي ومتنطيني حقي الشرعي .

اني 😲😲 .

التفتت عليه ماما .
لا والله ماما . كذاب .
حتى استحيت من خالو .

خالو .. لك اتأدب هاي الشغلات بينك وبين مرتك ميجوز تحجي بيها .

علا صوته وحاول يتهجم عليه . وضربه خالو .
گام يدفع بيه .
ع صوتنا اجه خالو عامر ومرتضى . من فوگ.

خالو عامر ..شكو شبيكم .

احمد . ماكو شي خالو هاي تريد تمشي ع حل شعرها
واريد ادبها تعوف بيتها وتنهزم لهنا .

لزمه مرتضى حيل من رگبته .
احترم نفسك هاي عرضك تگول عليها هيج .
ولك انت متستاهل ضفرها الماسه .

احمد . وانت شعليك وتدافع هي مرتي لو مرتك .

وبقوا يتضاربون . دور خوالي يردون يفاككوهم مايگدرون .

اخذتني ماما ودخلتتي لجوه .
وگالت الاحمد .. روح عمه البيتك . وباجر اتصل ع ابوك واشوف حل. بنتي ماترجع الا لمن تعرف قدرها .
شفت جسمها وشمسوي بي من الضرب .

خالو معتز .. يله ولي البيتك .

گام يعيط .. بسيطه ماسه اني اعلمج .

گمن اعيط . ياربي شمسويه عندك وهيج جاي اتعاقب .

دخلوا خوالي .(بقلمي الكاتبه شمس)
اكو شي ضامته عنا . ليش هيج يضربج .

خالو والله ماكو بس الي گلته الخالو وماما .
هو معقد وشكاك .
حتى اهلي ميخليني اجي وهاي ماما اسألها .
نجي ساعه بالليل ويرجعني .
وحتى مدرسه گال راح ابطلج . مااعرف شبي .

(ماردت احجي واگولهم عاجز . ردت احافظ ع كرامته ورجولته ولو هو ناقص رجوله وغيره )

راحوا خوالي وگالوا الصباح رباح .

ماما فرشتلي بالاستقبال .
گالت بيبتج خطيه ضغطها مرتفع ونامت لاتگعد .
تعالي ننام هنا .

لعد باجي احلام وين . معقوله ماسمعت الهوسه برة

احلام ماهي بالناصريه صارلها يومين .

شعجب . مو ذاك الاسبوع راحت . مو عوايدها تروح اسبوع بعد اسبوع ..

اي مو خطوبه مصطفى وحنين صارت فجأة وراحت ..

حجت هاي الجمله وطلعت من الاستقبال .

احس سجين وذبحني . شعور غريب .
بين الضحك والبجي . ودموعي تجري .

اختنگت بالعبره .
اريد هوا ماكو اريد اتنفس . طلعت للطرمه من بابا الاستقبال .
ماكو هوا .

بس #فهمني الهوى #شمدري من تفاركنا
#وگطع بيه .

اختنگت وطگيت بالبجي بصوت مكتوم مااريد ماما تسمع
ياليتها ماگالتلي ولاحجت .(بقلمي الكاتبه شمس)
معقوله مصطفى نساني وخطب .
مو گتله اني مجبوره وتزوجت .
هو ليش خطب ومنو حنين  . حنين الي كان مايطيقها .
اكيد قصده يعاقبني .

صحيت ع روحي . هاي شبيج ماسه . اصحي .
انتي متزوجه ليش تفكرين بي بعد .
خلص انسيه .
اتعذب وياج ومن حقه يشوف مستقبله وحياته .
لاتصيرين انانيه .
انتو تفارگتو وخلص .
خليه يشوف حياته وينساج وانتي هم انسيه .
وارضي بالمكتوب الج ..

اجت ماما وراي .
ماسه شتسوين هنا .

هيج يوم اشم هوا .

تعالي نامي يله .

اجيت ماما .

دخلت ردت انام .
سألتني ماما .

احجيلي الصدگ ماسه . مصطفى سبب مشاكلكم .

باوعتلها . طبعا لا .(بقلمي الكاتبه شمس)
من الي تزوجت . نسيته ووعدت نفسي ابدي حياة جديده وي احمد . بس ابن اخوج خبل وخله حياتي جحيم .

لج يگول متنطيني حقي الشرعي .

وانتي صدگتيه . روحي شوفي ملابسي .
اشكال البس واحير شأسوي حتى ارضيه .
والمفروض مااحجي خصوصياتنا .
بس هو معقد ومريض .
و… . استغفر الله لاتجبريني يوم اججي شغلات حتى حرام عليه احجيها .

يمه جا ليش هيج . اخاف عوينه وصابتكم حمودي حباب ويحبج وكتل روحه عليج .

اوووه يوووم كافي تدافعين عليه . لو لان اختيارج وخاف الوم بيج .

شنو هذا الحجي غير نفتهم السبب خو مانحكم عليه من غير مانفهم السالفه ..

شتفتهمين ماما .. باعي جسمي باعي ايدي . ورفعت ملابسي .
ممخلي مكان ممزورگه بضربه .
شگالولج اني حيوانه ومااحس .
انتي بحياتج ماضربتيني ضربه من ضربات احمد ..
كافي تبررين اله ..
اني بنتج مو هو ابنج يوم حسي بيه حسي .
#بقلمي_شمس
يتبع…..

……………

هلو حبايب اعتذر منكم اتأخرت . اليوم ع عينكم عندي خطار وتأخرت بالتنزيل ..