رواية عشق وإبتلاء الفصل التاسع 9 - بقلم الكاتبة شمس السعدي

البارت التاسع
#عشق_وإبتلاء💔
#بقلمي_شمس

يااا صلوات على محمد ..
روح ولك صيح ابوك بسرعه .. گله ماسه گام تحجي .
سوده عليه .. بمرضها وتفكر بمصطفى .. بقى بالها يمه

اسمع بيبي تحجي ..

ماما ماسه تسمعيني .. فتحي عيونج ماما ليش هيج تخوفينا ..

ماما مصطفى وين .. بدون تفكير احجي لان كان كل الي ببالي مصطفى وبس ..

اي ماما الحمد لله مصطفى زين ورجع بسلامه ..

لاتجذبون عليه .. وينه .

سمعت صوته .. فتحي عيونج وشوفيني اذا ماتصدگين .

عيوني يوجعني مااگدر افتحهن .

بابا .. افتحي بابا حاولي ..

فتحتهن بالگوه من الالم احس ثگل بيهن .

شفته واگف ويبتسم .. #شمس
كلهم واگفين بس مااهتميت .. من شفته رجعت روحي الي وارتاحيت ..

ها ماما شلونج .. شتحسين .

زينه ماما مابيه شي .. بس جوعانه…

بيبي .. اي يمه هسا اسويلج شوربه من اديه واكلي .
لو تردين شي بنفسج اسوي ..

لابيبي اي شي بس اريد اكل ميته من. الجوع ..

ههههه مااعرفج هيج ام بطن اول ماگعدتي فكرتي بالاكل .. ( مصطفى)

استحيت ..
ومااگدر ارد عليه واگله انت السبب ..
اهلي وعماتي واگفات ..

سوتلي بيبي شوربه ع لحم .

اگلتها واخذت علاج ..

ماما گالت ارجعي نامي ..

گلتلها لا خليني گاعده .. بس انام اتمرض ..

اجت عمتي افراح .. بوستني ..

گالت صار كم يوم خوفتينا عليج ..

والاوضاع موزينه حتى ناخذ للمستشفى ..

وخاص بعد ماسقطت اغلب المحافضات ..

شنو سقطت 😲

اي بيوم المصطفى اختفه .. طلعوا سادين الطرق .
لأن بغداد سقطت . وبالگوه مفوتين مصطفى ورجعلنا.

والصبح رجع .

للحمد لله على سلامته عمه .. كله بسببي .

لاحبيبتي .. المقدر مكتوب ..
مو بيدنا .. صحيح خفت عليه وگمت ابجي .. لاجل هو بكري وگرة عيني ..
بس الحمد لله الي رجعه الي سالم ..

كم يوم مرن .. بعد سقوط بغداد والمحافظات ..
والي عجبني اغلب الناس فرحانه .
وبدأت الطيارات الامريكيه تدخل للعراق .
وبعد ماخلت علامة ✖️ على كل محافظه تسقط .

الحزن خيم بمزرعه عمامي .
جدو مهدي .. يگول وسفه گيعان اجدادنا واهلنا تدوسه الانجاس .

اغلب ولد عمامي وعمامي راحوا يقاتلون ..
بس يگول بيمن يحاربون بكم بندقيه ..
والامريكان مجهزين من كلشي .. بقلمي شمس

جدو مهدي وجدو هندي كان مثال للوطنية ..
اول مره اشوفهم يبجون .
على وطنهم ..
وحتى مصطفى شفته يبجي ..
ومن سألته ..
گال ..
ماسه تحجين صدگ .. هذا بلدنا وبلد اجدادنا . خيراتنا وخيرات اجدادنا ..
شلون يدوسه الامريكي ..
انتي عبالج راح يكتفون بالنصر ..
لا .. طموحهم اكبر .. راح يحاولون يدخلون ويستقرون وينهبون نفطنا وخيراتنا ..
ذوله طمعين مثل النار الي شما تخلين بيها ماتشبع تلهم وماتكتفي ..

والي مضوجني اكثر .. ولد بلدنا وناسها ..
يهوسون للطياره الامريكيه من خلت علامة ❌ ع محافظاتنا ..

فرحانين بدخول الانجاس البلد الائمه الاطهار..

ليش تگول هيج مصطفى .. ماكو واحد يفرح يحتل بلده .
بس يمكن فرحانين لان راح يرتاحون من الظلم والطغيان .

ههههه اي صحيح حقهم .. بس همه مايدرون .
اذا ارتاحوا من طاغيه واحد ..
راح يجيهم اكثر من طاغيه وظالم ..
راح يتمنون الايام الي راحت ومايحصلوها ..
راح نتمنى ننام بأمان وراحه ..

الله اليعلم الامريكان شراح يدخلون وياهم من عادات وشغلات تخرب بلدنا ..
لانهم مستحيل يحبون الخير النا ..

ههههه يمعود الي يشوفك يگول تعلم الغيب ..
مانعرف الله شنو كاتبلنا ..
بلكي الله كاتبلنا الاحسن .

والنعم بالله .. بس اني مو مثلج متفائل ..

والله يامصطفى .. جاي اشوف جدو مهدي گبالي ويحجي 😂😂

افتخر والله .

والنعم منك ومن جدو ..

ولج عوفينا من هذا الحجي موتيني عليج ليش هيج تخوفيني ..
بس يگولون منتظرتني بالبرد بره ..
معقوله هيج تحبيني وتخافين عليه ..

مثل ماانت خاطرت بروحك لحتى تجيبلي علاج .
انت مافكرت بروحك ..
وتريدني اني افكر بروحي ..

يعني تعترفين تحبيني ..

هههههه اووووه مصطفى

گوليها عليج الله اريد اسمعها ..

شنو هي ..

گولي تحبيني لو لا

اي😇

شنو.

راح اگوم .

مرة وحده بس ..

مو گلت اي ..

مااسه 😡

هههههه خلص لتعصب اي احبك ..

اويلي يابة ..

امُِـٍْـّْწყღწــًٍّـْوٌٍت؏ـًٍْــ👆ــلـٓـيج.والله

معقوله بهيج سرعه حبيتني .. بقلمي شمس

احـ﴿Ľõvξ﴾ـــٌٍبج ❥ من انتي طفله .
ولج لمسة خدج لسه بديه ..

هههههه .

شلون اذا رجعنا للحله .. تعودت عليك وماأگدر على فراگك ..

كل كم يوم واطفر للحله اشوفج وارجع ..

لا ودوامك .

اني ادبرها مالج شغل ..

أوعدني تبقى هيج مصطفى ..

من غير مااوعدج .. ماسه انتي روحي ..
هو اكو واحد يتغير على روحة ..

مصطفى . متخلينا نطلع بالقارب ..
من يوم الاجينا امنيتي اصعد بالقارب ونفتر بالنهر ..

هاي البسيطه ..

بس خليها وكت الغروب يصير الجو حلو ..

خلص .
خلينا نگوم هسا ونلتقي العصر ..

يله گومي راح اموت من الجوع .. ويمكن تغدوا ونسونا .

دخلت للبيت ..
لگيت ماما تخوزر بيه ..

گالت يله شيلي المواعين وياهن وكت غدا هسا وين جنتي ..

ماحجيت شي ..
بديت اشيل المواعين .. باوعت الحلا .. اشرت بعيونها ع حنين ..
مافهمت شي ..

تغديت بالگوه حسيت الكل ياكلني بعيونا ..
حتى ماما ..
بتول تشمر حجي .. وتگول بنات هالوكت ماينحزرن الله يستر منهن ..
تالي خزرتها بيبي وسكتت ..

خلصنا غدا ..
اشرتلي ماما رحت وراها ..

انتي شعندج وي مصطفى ..

خفت احجي ..

ماكو شي ماما ليش ..

ولج اني مو طفله وكلها منتبهه عليج ماتتفاركون ابد

تالي عمري تخليني حجايه بحلگ بتول وغيرها ..

راح اكل الابوج كم يوم الوضع يهدئ ونرجع للحله ..
#بقلمي_شمس
يتبع…