رواية عشق وإبتلاء الفصل الثامن 8 - بقلم الكاتبة شمس السعدي

البارت الثامن
#عشق_وإبتلاء💔
#بقلمي_شمس

هو امامي عيناه تنظر الى عيني .
تتحدث وتعبر وتتغازل وقلبي يخفق ..
لكن مشاعري تتلخبط وهائجه بين الرضا والرفض..

احس مشاعري ملخبطه .. بقلمي شمس
قلبي يگلي هو الانسان المناسب والي يستحق مشاعرج
وعقلي يرفض الواقع .. ويفكر بما بعد هذه اللحظة ..

ماااسه اني مو ارعن ولا بيوم راح اخذلج ..
لاتخافين ..

ابتسمت واحس برعشه قويه ..

ولج كلج ترجفين شبيج .. بردانه

لا مابيه شي . بس خلينا ندخل لايشوفنا احد ..

هههه مااتصورت ماسه ام اللسان هيج تخاف

اوووه مصطفى ترى ابطل ..

هههههه قابل هي لعب جهال وتبطلين ..
دگعدي يمعوده . بعد ابتليتي بيه ومستحيل اعوفج .

يعني تورطت 😂

مشكلتج هاي الي احبه مستحيل اترك ايديه واريدج انتي هم توعديني .. بقلمي شمس

اني هم مااخطي خطوه اذا ماافكر بيها ..

ولهذا اختاريتج ادري بيج عاقله رغم عمرج ..

وشبي عمري اني بالرابع يعني كبيره

على كيفج ويانه يالجامعيه .😂

يله مصطفى راح تدخل باي .. كنت معقد من حبيتك انفكت العقده ..

هههههه شگلتي الله عليج عيديها

كنت معقد!!

لا الي وراها كملي .. كملي گوليها مره ثانيه .

ههههه يله باي. راح ادخل .

احبج وانتي تخجلين ..

باي مصطفى تصبح ع خير ..

تركته ورحت اركض للبيت ..

متت برد وسنوني يطگطگن ..

دخلت بفراشي وتغطيت بالبطانيه واللحاف .
شعور لايوصف ..
بين الحب ودفو بعد البرد ..

ردت انام ماگدرت من التفكير ونضرات مصطفى ..
حاولت اغفى .. بعدني ماحسيت بمتعة النوم ..

بدأ منبه بيبي ماسه بصوتها ..
يله گومن كافي نوم .. اذكرن ربجن لاحگات ع النوم بالگبر ..
گومن. صلن .

اوووف بيبي هستوني غفيت ..
وهو منو ينام بالگبر ..نگضيها هبطات وحساب وعقاب .

فتحت عيوني ماينفتحن.
رحت توضيت واني مغمضه وصليت مااعرف صليت لو لا بس يمكن وگفت ع السجاده ..
تالي بسرعه رجعت لفراشي وحسيت روحي سخنت ..
لان متت برد ..

گلت الماما .. يووم غطيني اريد اموت من البرد .
وارعش .
تغطيني ماما واگلها بعد ..
صدگ تمرض .. مرضني حبك مصطفى ..

گضيت اليوم كله نايمه ومسخنه ..
وتالي بيبي گومتني مسويه شوربه عدس .
جبرتني اكل كم خاشوگه ..

گالت حنين .. هاي كله من الوگفات ع النهر ..
دگعدي وسكني بمكانج .
ودارت وجها ومشت ..

لشويه .. دخل مصطفى هو وبابا

گال بابا .. شبيها ماسه بقلمي شمس

ماما .. مااعرف من الصبح سخونه وبردانه وحرارتها ماتنزل سويتلها كمادات ومافاد ..

مصطفى .. اروح اجيبلها مسكن لو خافض حراره واجي .

بيبي .. لايمه الوضع مو زين .. هسا تصير زينه

بس هو عنيد .. الا يروح .بقلمي شمس

اخذ التيوتا مالتهم وطلع بيها .. حتى اجدادي مايدرون .
بس بابا يدري وحاول يمنعه بس ماقبل .
گال خاف تنشمر لو شيصير بيها بالليل وين نوديها .

مر ساعتين وحل الليل ومصطفى ماراجع ..

والكل باله يمه .. الخوف كتلني ليصير عليه شي وبسببي البيت انگلب ..
جدو مهدي وجدو هندي ..
گامو يحجون ع بابا ..
ويگلوله شلون تخليه يروح والليل صار.

وعمتي افراح تبجي وتنوح عليه ..

وحنين تخوزر بيه ..

بتول .. من ورى البومه وبنتها راح ولد مثل الورده .

حسيت الكل عينه عليه ويلوم بيه .
گمت ابجي ودموعي تنزل لااراديا ..

وماعندي بس ادعيله يرجع بالسلامه لان صدگ حسيت بالذنب .
بسببي مصطفى ماكو .بقلمي شمس

ابجي وادعي والكل راح يدور بالاطراف عليه ..
بس مصطفى ماكو ..بقلمي شمس

صارت الساعه عشره وهو ماكو ..
الكل لاعشا ولااكل وبس بجي ..

وعمتي تگول .. ابني راح .. خلص مايرجع بعد اخذوه
الوضع تأزم ..
سمعنا اصوات غارات بعيده بس نسمعها ..
واصوات قصف .
والخوف اخذنا .. والكل ينوح ويبجي ومانعرف شنو صار .

احسن العيون كلها عليه وتلوم بيه ..
لبست قبوطي وطلعت ..
محد حس بطلعتي لان الكل يبجي .

شفت المضيف مخبوص بالعياط والحجي ..
الولد رجعوا گالوا الطرق مسدوده
وميخلون واحد يدخل او يطلع
واحتمال يسقطون بغداد للصبح ..

اخذتني رجليه للمكان الي گعدنا بي ..
تذكرت كلماته .
وغزله
وسوالفه
وملوحة وجها وعذوبة صوته ..

الله جمع كل المحاسن الحلوه .. حتى احبه وبعدين يروح مني ..
لا ياربي لاتحرمني ..
من حنان ماشفته لامن ابو ولا من اخو ..
خوف وقلق وحب بعيون شخص
يهتم الي ويخاف عليه . ومت مرضت مافكر بروحه بگد مافكر بيه .بقلمي شمس

احس اطرافي ثلجت ..
والبرد كتلني ..
خدي ثلج .
مع انه الجو زين مو كلش بارد ..
يس يمكن من السخونه .

شويه وسمعت اصوات .. وهوسه .
التفتت شفت اجدادي طلعوا وانخبصوا خفت .
وارتعبت .
واتمنيت اغرگ بالنهر لو اموت لو اختفي ..
ومااسمع شي عن مصطفى موزين .

گمت ابجي واعيط واني مااعرف الي صار ..

شفت حلا اجت وتصيح بأسمي هي واخوي محمد.
تحجي وياي بس ماافهم شي ..
احس بس جاي تحرك بشفافها .
اريد اسمع مااسمع احس انطرشت اذني ..
وعيني غوشت وصار كل شي گبالي غواش .

حسيت روحي احلم . لو خيال مصطفى واگف ويحاجيني
بس بعدين لاشفت ولاسمعت شي ..

گضين كم يوم اهذي وبعالم ثاني ومااحس بشي .
ولااشوف ولااصحى ..
حتى سمع مااسمع من احد يحجي وياي .
اسمع اصوات بس مااگدر اگوم او جسمي ميساعد ..
اريد انطق واحاول واحاول الى نطقت .
ماما مصطفى اجه ..
#بقلمي_شمس
يتبع...

......... ..
حبايب ادري مقصره وياكم .. بس النت ضعيف دمرني راح احاول انزل كم بارت اليوم 😘