رواية عشق وإبتلاء الفصل الثامن والعشرون 28 - بقلم الكاتبة شمس السعدي

البارت الثامن والعشرون
#عشق_وإبتلاء💔
#بقلمي_شمس

عصبتني ماما تركتها ونمت .
والاصح بقيت اتگلب بفراشي ..
الى ان اذن اذان الفجر .

من الصبح اجت رنا ..(بقلمي الكاتبه شمس)
ماسه .. اگعدي .

اممم هلو رنا شلون .

شلوني يعني . بعد ماخليتي رجلي واخوي يتعاركون.

هاي شبيج رنا . اني شعليه قابل اني وديت ع مرتضى وگتله انزل .

اي لوما جايه البيت جدو وگالبة الدنيا ماينزل عمي ومرتضى .
استحمدي ربج وين لاگيه هيج رجال يحبج وبيت وحدج ومدللة بعد شتردين .

اباوعلها وممصدگه . معقوله هاي رنا صديقه طفولتي واختي هيج تحجي .(بقلمي الكاتبه شمس)

رنا انتبهي الكلامج ولتتجاوزين .

لج كيفت اتحسنت علاقتي بمرتضى شويه .
گمتي تعاركتي وي احمد وتركتيه .
وخليتي مرتضى الليل كله يتگلب ويسب باخوي ومااگدر احجي .(بقلمي الكاتبه شمس)
تردين تهدمين بيتي مااسه .

گومي اطلعي رنا . خليني بحالي . سبق وان گتلج مرتضى اخوي .
وهو انسان واعي ومستحيل يباوع ع زوجة غيره .
بس بحجيج هذا تدخلين هيج افكار براسه .
روحي البيتج ورجلج .
ومالج دخل بيه .

رادت تطلع . دارت وجهها . ديري بالج تتطلگين .
والله افضحج فضيحه .
وحتى سالفه مصطفى اطلعها .

هههههه روحي بابا روحي . هي بقت عليج دنيا وكلها ضدي .

طلعت وهي تهدد وتتوعد .
اوووف حتى النومه طارت.
لميت فراشي وگمت .
صار خالو ماهر وزوجته گبالي .
وماما تلگتهم .
سلمت عليهم .
گال تعاي ماسه سولفيلي شكو .
گتله اغسل واجي خالو .

غسلت ورجعت . احس مرت خالو تريد تخنگني .

اي بويه فهموني شكو .

خالو والله ماعندي شي وياه . هو ع اقل شي يضربني ولايخليني اطلع وحتى ماما منعني منها .
وع اتفه الاسباب يسوي مشكله .

مرت خالو . اي طبعا لو ممشوفته الضيم ميسوي هيج
بس هو الصوج بي كتل روحه عليج .
وخلاج ببيت وحدج تالي هيج تحجين عليه.

خزرها خالو سكتت .(بقلمي الكاتبه شمس)

ماما .. خويه تصير مشاكل بين كل اثنين . بس مو توصل للضرب .
خلي تگوم ام احمد تشوف ضهرها . واذا ترضاها بكيفها .اني هالوحده عندي وانطيتها امانه الاحمد لان عزيز تالي هيج يسوي .

تعال ولك ادخل ( خالو صاح ع احمد واكف بالطرمه )

دخل احمد منصي راسه گعد ع طرف القنفه .

يله هسا فهموني سبب المشكله الحقيقي
شنو الي وصلكم الهيج حاله .

هو باوعلي وخايف . عباله راح احجي .

اني ماحجيت وسكتت ماردت اصغره گدام اهله .

گاله ماكو شي يابه . بس اني عصبي ومااتحملت .

انجب لك . عصبي عليمن . قابل الديانه واگفتلك بالباب .
عندك مره ماسه اسم على مسمى .
وانت ماراضي وتسوي بيها هيج .

گوم بوس راسها يله .

لا خالو مااريده بعد تعبت . ( حجيت اني )

بويه العنوا الشيطان . واذا مسج بكلمه بعد اني الي اتصرف بس خابريني .

احمد اجه دنگ ع راسي ويبوس ويبوس بأيدي ويتوسل
ماسه والله مااسوي بعد ااتعوفيني مااگدر بلياج .
وگام يبجي .
توبه والله اخر مره ..

ماما . يله ماما المسامح كريم ارجعي البيتج وزوجج ومنا وجاي اني كل يوم عندج اذا اذاج .
يحلم ترجعيله بعد. وتغمزلي .

هههههه محد يعرف بداخلي . الكل يريد يلم المشكله حسب طريقته .
وميعرفون المشكله اكبر مما يتصورون .

اضطريت ارجع وياه . لان ماباليد حيله .

رجعت بس شرطت عليه مايلمسني .ولايتقربلي .

مرت الايام هدوء .(بقلمي الكاتبه شمس)
واحمد تغيير نوعا ما .
بس گام يطلع هواي ويتأخر يله يجي .
اهتمامه قل .
ويجي يحاول يتقرب . بس ياخذله شويه ويروح .
اكيد تعب .
واني هم مليت وماحاولت بعد وياه ولا ساعدته.
لان سبق وگتله اتعالج وماقبل .

دوام مخلاني اداوم . وبطلني وگعدني بالبيت .
ضاعت عليه سنه واني گاعدتها بالبيت .
اطبخ واذب الاكل ميجي .
منبه عليه مااطلع .
فأستغليت الفرصه وگمت اقرأ الي اعرفه بالبيت .
عسا وان يجي يوم يحن عليه ويخليني اكمل ..

ماما تجي هي تشوفني وتواسيني اتحملي واتحملي
ومن گتلها انتي ليش متحملتي بابا .
وسامحتيه .
زعلت عليه وگالت ابوج اتزوج عليه .
احمد يحبج بس انتي الي ماناطيته حبج .

فكرت بكلامها يمكن صدگ . اني ماناطيته حبي .

قررت احاول احبه . وخاصه بعد حب مصطفى راح من زمان وخاصه من سمعت خطب .

گمت سويت كيكه وزينتها .
دخلت للحمام سبحت وبدلت . لبست فستان طويل ماروني واني بيضه . وبي فتحه ع طول الرجل بالصفحه

رفعت شعري ونزلت الباقي .
خليت ميك اب فاتح وكحل وماسكرا .
طلعت حلوه كلش .

بقيت منتظره ماكو .
صار المغرب
گمت سويت عشا وحظرته .
اجه تلگيته بأبتسامه .

گال شنو اني بحلم .(بقلمي الكاتبه شمس)

لا مو حلم . حقيقه . خلينا نبدي صفحه جديده احمد .
مستعده انتضرك واتحمل . بس بالمقابل انت هم ساعدني ولا تتعامل وياي بقسوه .

اتقرب الي شم رگبتي وباسني .
حسيت روحي ذبت .
ردت احاول اتجاوب وياه .
شالني . بين اديه .
حاوطت اديه ع رگبته .
خلاني ع السرير .
ماانكر خايفه منه . بس ردت اجبر نفسي وانطيه فرصه .

لاول مره يتعامل وياي برقه.
وحتى بوساته ولمساته غير عن كل مره .
تجاوبت وياه ورحت وياه بعالم ثاني .

ونسيت حياتي ونسيت اني ماسه .
ردت بس شي يخلي ضميري مرتاح اتجاهة ومااكون ظالمته وماناطيته الحب وحتى ميگول بيوم .
ماحاولت ومانطتني حقي ..
#بقلمي_شمس
يتبع....