رواية عشق وإبتلاء الفصل الثاني والعشرون 22 - بقلم الكاتبة شمس السعدي

البارت الثاني والعشرون
#عشق_وإبتلاء💔
#بقلمي_شمس

الدكتور كلامه ميبشر بخير .
وماما بقت كم يوم بالانعاش حالتها من سئ الى اسوء
وحتى بيبي گامت تلوم بيه وتگلي راح تموت نيران بسببج.#شمس

شفت الدنيا كلها ضدي وحتى قدري .
لازم انهى كلشي وارضى بالامر الواقع .
وماكو حل غير ارضى بأحمد ..
وادفن حبي بداخلي ..
واتحمل كل شي في سبيل ماما ترضى عليه وترجعلي بسلامة .

بس گلبي مانطاني انهي كلشي من غير مااسمع صوته .
ردت احجي وياه الاخر مره .
وهم حتى اخليه يشوف حياته .
شنو ذنبه عمره كله ينتظر حب كله وهم بوهم ومابي ذرة امل ..

اتصلت .
طلعت بيبي ماسه .
الو ياهو ..
هلو بيبي اني ماسه انتي شلونج .

هله يمه هله بالغاليه..

اليوم بالقلعه انتي وجدوا .

اي والله اجينه زياره وهم نشوف صوفي مريض .

يمه اسم الله عليه بيه ولابي (احجي بداخلي)

انتي شلونج امج شلونها ..

ماما مو زينه بيبي .

يااسم الله شبيها .

ماما بالانعاش صار بيها جلطه . ادعيلها بيبي

يمه ياعادل . ماتستاهل نويره الله يباوعلها ويگومها بالسلامه .(بقلمي الكاتبه شمس)

الله يسمع منج بيبي .

يمه ماسه ليش هيج سويتي بصوفي .
حاله مايسر لاصديج ولاعدو .

بيبي قابل اني مرتاحه . اني هم مثل حاله واكثر .
بس مو بيدي .
حجيت وي ماما وتعاركت . صارت بيها جلطه وبالمستشفى .
اخاف تموت بسببي .

يايمه شبيها نويره ليش هيجي صايره جان گلبها ابيض وطيبه .

اووووف بيبي ماادري .

هاي كله من ورى عويدل ادري .
خطيتكم برگبته .

لابيبي لاتگولين هيج . هذا قدرنا ومامقسوملنا نجتمع .
خلي يشوف حياته بعد وينساني .

يمه ماسه . احجي انتي وياه بلكي يسمع كلامج .
لااكل ولاشرب .
وهسا يريد يروح كليه ضباط .
يگول اصير بالجيش وابعد احسن الي .

هو موجود ??

اي يمه هسا اخلي محمد يصيحه
ولك حميد صيح ابن عمتك مصطفى گله بيبتك تريدك .

بقينا نحجي شويه . الى ان سمعت صوته .

ها بيبي صحتيني .

اي يمه تعال احجي وي بنت خالك تريدك.

منو ماسه .

اوووف رف گلبي من سمعت صوته وگال اسمي .

الو ماسه شرايده …

ماسه - لماذا هذا الجفاء لما الابتعاد أما آن للصمت ان ينكسر؟

-قولي لي هل احببتني حقا ام كان حبا لحبي وليس لي؟

- اجبني انت بماذا تفسر عدم النوم اياما بل اسابيع ؟
اجبني انت بماذا تفسر كرهي لمن حولي وتفكيري بك ؟
اجبني انت بماذا تفسر قلب سليم اصبح سريع الضربات ؟
اجبني انت بماذا تفسر عمرا يضيع بالذكريات حد الاحتراق ليصبح رمادا يتلاشى في الهواء؟

-اجبني انت هل كان حبا حقا ام لا ?.
ان قلت نعم .. فسأقول لك .. لا

-هذا ليس حبا ..

- بل انه عشق وإبتلاء به.. كان ولا زال هلاك ..
فاللعشق موت وسكرات .

ان لم يكن لك انت ليس لسواك فأني والله لمن الجهلاء يغلفني الغباء.

فدعني بصمتي غارقة ..
وبالجفاء متهمه وابحث لنفسك عن إجابات..
…… ..

اجيبيني انتي يامن ملكتي روحي ..
ماذا تفسيرين عشقي لكي وتغيير حالاتي لأجلك
انتضرت وصبرت وحمدت وشكرت الله الذي اعطاني اياكي ..
لمجرد وعدا منكي ..

فأين تلك الوعود . واين انا منها .
واين الحل لحالنا وهلاكنا ..
وعندما اسألك تقولين دعني بصمتي غارقه .

لا لن ادعك بل سأقول لكي .
الحب وعد . ووفاء .
والحب تحدي ومواجهه .
وليس ضعف واستسلام ..
وانتي كنتي ضعيفه .. ولم تدافعي لعشقنا..
فأخترتي الاستسلام على المواجهه..
… ..( بقلمي الكاتبه شمس)

كانت اخر كلماتي اله .
شوف حياتك مصطفى . والله يعوضك بالانسانه الي تسعدك ..
لتضوج اهلك ولتضوج حالك . (بقلمي الكاتبه شمس)

ههههه مشكوره ماقصرتي .
هو بعدج معقوله گلبي يتورط ويبحب مرة ثانيه ..

شايفه كل الخير ومبروك مقدما .
ولو ادري ماراح يعيشج بسعادة
ولايحبج بكثر مااحبج ..
ولاگلبج ولاگلبي راح يعيشون مرتاحين .
انكتب علينا العذاب ..
مودعه بالله يبنت گلبي .
مع السلامه ..
مع السلامه مصطفى .

بجيت ودگيت ولطمت . وهم ماارتاحيت .
كانت كلماته قاسيه عليه .
وحسيته يودعني وبعد مانجتمع ابد .

انتهى كلشي . وعشق مصطفى وماسه صفحة وانطوت ..
بس مستحيل ماسه تگدر تنسى مصطفى وراح يبقى بگلبي العمر كله ..

سبحت وبدلت واخذت ملابس الماما ..
وطلعت لگيت احمد منتظرني .
صعدت وياه ورجعت للمستشفى ..
الطريق كله ساكته .

احمد .. لاتخافين ان شاء الله عمتي تگوم بالسلامه .

مااهتميت ولارديت .

ماسه ليش دووم ساكته مو عوايدج ..
وخاصة وياي دايما ترديني وتحجين عليه ..

بعد ماكو فائدة من الحجي احمد .
المهم حاليا عندي ماما تگوم بالسلام وخلص .
شيصير بعدها خلي يصير ..

يعني موافقه ع زواجنا .

نسيت احنا عاقدين . يعني اذا وافقت او لا ماكو فايده .

وصلت الماما .
بس مرافق واحد وياها .
خوالي منتظرين بره .

دخلت بوستها وبست اديها .
ماما اروحلج فدوه اگعدي .
ياليت انگص الساني ولاحجيت وياج .
اني محتاجتج ماما گومي .
االي ترديه يصير بس گومي اروحلج فدوه يعمري .
طگيت بالبجي وبلا وعي .
مااعرف ابجي على حظي لو على امي وحالتها ..

اجت الممرضه .
گالت ميصير هيج تبجين منا مرضى ودا تأثرين عليهم .
مسحت دموعي ..
وبوستها . وردت اطلع اغسل وجهي .

سمعت الممرضه گالت . تشوفيني . تسمعيني .
درت وجهي لگيتها تحجي وي ماما وماما تباوعلها .

ابتسمت رجعتلها . ماما بعد روحي تسمعيني

هزت براسها .. بمعنى اي .

هسا رجعتلي روحي من اروح فدوه الروحج يوووم ..
#بقلمي_شمس
يتبع….