رواية عشق وليد الانتقام الفصل الاول 1 - بقلم سماء فؤاد

بسم الله الرحمن الرحيم
رواية : عشق وليد الانتقام
#الحلقة الأولي..
•••••••••••••••••••••••••••••••••••••••••••••••••••••
قومي بقي يا ساري بطلي كسل حرام عليكي يابنتي البنت مستنياكي تحت

سرين وهي تتململ في الفراش وتشعر بالنعاس :
شوية صغيرين بس هموت وأنام

اتجهت فاطمة نحو النافذة وفتحتها لتنفذ أشعة الشمس الذهبية إلى غرفتها

سرين وهي تضع الوساده علي رأسها :
حراااام عاوزه انام يا ماما عشان خاطري اقفليها

قالت فاطمة وهي تتصنع التفكير :
مبدهاش بقى اما اروح اجيب المياه

سمعت سرين ما قالته والدتها فتحت عيناها بفزع ونهضت سريعا من علي السرير وقالت وهي تمسكها من يدها :
لااا لاااا انتي راحة فين وبعدين انتي بتاخدي علي كلامي بردو يا ام ساري

قالت فاطمة بضحكة عالية :
يعني قومتي بسرعة اهو ماشاء الله طب يالا خشي اتوضي والبسي عشان نور مستنياكي تحت

طبعت سرين قبله علي خد والدتها
وقالت بمرح وهي تؤدي التحيه العسكرية :
امرك يا ست ماما

وبالفعل ذهبت سرين لتتوضأ وتؤدي فريضتها .

وبعد انتهائها من الصلاة
مشطت شعرها البني اللامع شديد النعومة وارتدت ملابسها وحجابها استعداداً للخروج.

خرجت من غرفتها بعد أن أصبحت مستعدة تماماً وألقت التحية علي والدتها ....

سرين بابتسامة :
صباح الفل يا ماما.. أنا هخرج بقا

الأم بإبتسامة حانية:
صباح الخير يا ساري طب مش هتفطري يا بنتي

قالت سرين بحب:
ربنا يخليكي ليا يا حبيتي معلش بقى أنا هفطر مع نور في النادي عشان وعدتها

قالت الأم وهي تمد لأبنتها علبة مليئة بالساندوتشات :
طب خدي افطري انتي ونور وماتبقيش لمضة ومترضيش تاخديها

ضحكت سرين ضحكة رنانة:
يا بطوط انا كبرت والله علي شغل ابتدائي داا

ضربتها فاطمة علي كتفها بمزاح:
مهما تكبري هتفضلي بنتي وطفلتي الصغيرة

قبلتها سرين بحب وودعتها واتجهت مسرعة إلي نور التي من المؤكد أنها ستقتلها بسبب تأخرها عليها

::::::::::::::::::::::::::::::::::::::::::::::::::::::::::::::::::::::::::
{سرين : فتاة جميلة ذات ملامح طفولية .. خريجة كلية تجارة انجليزي منذ شهرين تقريباً تعيش مع والدها السيد أحمد العامري ووالدتها السيدة فاطمة}

{فاطمة : والدة سرين متزوجة من السيد أحمد العامري وهي إمرأة ذات قلب حنون وطيبة تحب ابنتها للغاية}
::::::::::::::::::::::::::::::::::::::::::::::::::::::::::::::::::::::::::

توجهت سرين مسرعة إلي صديقتها التي تنتظرها أسفل البناية..

سرين بإبتسامة واسعة وهي تركب بجانب صديقتها السيارة:
يا نوري آسفة يا كبير علي التأخير معلش بقي

نور وهي تتصنع الغضب:
كل دا يا سرين حرام عليكي انجزي بدل ما أغير رأيي واسيبك

سرين بمشاكسة:
معلش بقي خلاص قلبك أبيض يسطا عايزين نخربها عشان مخنوقة أووووي والله

نور رافعة أحد حاجبيها بتعجب:
بعد إذنك أنا قلبي بنفسجي مش أبيض ههههههههه وبعدين فين طنط فاطمة تسمعك وانت بتقولي نخربها ههههههههه

سرين:
ههههههه اه والله يلا بينا بقا

نظرت نور الي سرين وقالت بمرح وهي تشير الي العلبة التي بيدها:
اية يا بنتي انتي رايحة الحضانة ولا ايه ؟ هههههههههه

ضحكت سرين من بين أسنانها دليلاً على سخريتها من مزحتها وقالت :

هه ظريفة يا بت .
ثم استعادت مرحها وقالت مرة أخرى
طنطك أم سرين عملالنا سنادوتشات وامشي بقا عشان خنقتيني

::::::::::::::::::::::::::::::::::::::::::::::::::::::::::::::::::::::::::
{نور: فتاة جميلة خريجة كلية التربية الرياضية فهي تعشق الرياضة كثيرا وتعمل مدربة أيروبكس في إحدي النوادي الراقية وهي صديقة سرين المقربة منذ الطفولة لا يفترقون عن بعضهما أبدا حيث أن سرين ليس لديها أخوات ولكنها تعتبر نور أختها التي لم تلدها أمها ويحبون بعضهما كثيرا.. نور تعيش مع والدها وزوجة أبيها وإبنة زوجة أبيها ووالدتها متوفية منذ أن كانت صغيرة}

::::::::::::::::::::::::::::::::::::::::::::::::::::::::::::::::::::::::::
اتجهت الفتيات إلي النادي في جو من المرح والحب وعند البوابة أعطت سرين الكارنيه الخاص بها للحارس.....

الحارس بإبتسامة صفراء:
الكارنيه بتاع حضرتك عايز يتجدد وأنا هعمل معاكي واجب وهدخلك

سرين بعصبية شديدة وصوت عالي:
واجب إيه الكارنيه بتاعي لسه قدامه أسبوعين علي معاد تجديده

كاد الحارس ان يرد علي سرين ولكن قطعت نور حديثهم وقالت سريعا لكي تنقذ الموقف:

اهدي بس يا سرين كدا.. بص كدا حضرتك علي تاريخ الكارنيه كويس وبعد كدا اتكلم والمرة دي أنا اللي هعديها وهطلع كريمة معاك ومش هنادي علي المدير

وتركته نور واتجهت بالسياره الي الداخل بينما تركت الحارس وهو في قمة قلقه واتجهت إلي الجراج.

نزلت سرين ونور من السيارة وفي الطريق أردفت نور....
.
نور:
خلاص بقي يا سرين فكك بقي

سرين بتنهيدة:
خلاص يابنتي حصل خير بس هو نرفزني فعلا
اتجهت الفتيات إلي مقعدين علي البحر
وجلستا تتحدثان......
نور بإبتسامة مشاكسة:
تعالي يابت لما أقولك نكتة

سرين:
ههههههههه إنت هتقوليلي علي نكتك دا انت هارياني قولي يختي قولي

نور بقهقهة:
اشطا احم.. مرة واحد اشتري لحمة وما اشتراش لمحما ههههههههه وربنا أنا عسل

سرين فارغة فمها بصدمة:
إيه ام الإستظراف دا ياشيخة هو فيه كدا

نور ومازالت بكامل حماستها تضحك وتقول:
ههههههههه طب بزمتك مش حلوة

سرين :
هههههههههه وربنا انت فصيلة وقومي بقي جيبي حاجة نشربها

نور بمرح وهي تتصنع الألم:
والله ما قادرة يابنتي اتحرك حكم السن بقي هههههههه

نهضت سرين تتصنع الغيظ:
مش بقولك فصيلة أنا قايمة أجيب عشان انتي مستفزه ثم قالت بتعالي وعقابا ليكي هجيبلك علي زوقي سلاااااام

****************************************
علي جانب آخر من النادي كان يجلس شاب ينتظر صديقه ......
قرر خالد مهاتفته بسب تأخره عليه

خالد بضيق :
إيه يابني انت فين ؟

أدم بجمود:
أنا جاي عليك أهو خلاص

يا آدم حرام عليك كل دا دا أنا خللت من القاعدة

آدم :
خلاص يا خالد قولتلك جاي متبقاش زنان يا أخي 10دقايق واكون عندك
اغلق آدم الخط مع صديقه خالد
::::::::::::::::::::::::::::::::::::::::::::::::::::::::::::::::::::::::::
{آدم: شاب يتميز بشعره الأسود القصير وعيونه ذات اللون الرمادي الحاد .. يعشق عمله كثيرا كما تعشقة الكثير والكثير من الفتيات فهو آدم صاحب شركات العامري للاستراد والتصدير ولكنه لا يبالي بهم فهم جميعا في نظره خائنات يسعين وراء المال والجمال فقط}
{خالد: رفيق آدم المقرب يعمل معه في شركته ويعيش وحيد حيث أنه فقد والديه في حادث سيارة}
:::::::::::::::::::::::::::::::::::::::::::::::::::::::::::::::::::::::::: بينما سرين بعد ان طلبت المشروبات اخذتها واثناء سيرها اصطدمت بشئ صلب كاالحائط
رفعت سرين عينها بحذر شديد فرأت.................
#بقلم: سماء فؤاد