رواية عشق وندم الفصل الأول 1 - بقلم ذكرى المندﻻوي

مساء الخير

قصه
عشق وندم
للكاتبه ذكرى المندلاوي
اعلان
٠٠
تعالي ولج شعندج طالعه

سعاد
اي والله علاوي من فدوه اروحلك  همزين جيت
علي
عمه ليش هيجي بلشارع مو زين منسحكت
سعاد
الله ستر
عفيه عمه  جيبهه للبيت والله هاي مرمرتني تغافلني وتطلع رايدله عشر نسوان مو وحده٠٠

عﻻوي
اههههه الله يساعدج عمه صدك وكحه
عمه سعاد
تعال اتغده يمنه شلون باميه مسويه
علاوي
ها والله مشتهيهة بس
سعاد تنهدت
ادري امك مترضه هسه بس لو اعرف على  شنو هل العداوه جان ارتاحيت
علاوي
لديرين بال هسه اذب الجنطه بالبيت واجي اتغده يمج
سعاد
ههههه ٠٠٠٠والله سبع متخاف منه
علاوي
هي كتله وتعدي
سعاد
اي والله عمه شسوي ما اكول غيرالله يهديهه

عﻻوي
عمره7سنوات وهو بطل قصتي الجديده
مريم عمرهة٤سنين  بت عمه

ابو علي٠٠٠٠ جاسم

زوجته٠٠٠  مها
عمته٠٠٠ سعاد زوجه ثائر

ابو علي
من العماره اضطر يسكن بغداد ﻻن شغله بلجيش خلته يتحول ويعوف اهله واجت وياه اخته سعاد هي وزوجه هم يشتغل ويه جاسم
جاسم حب بنيه بغداديه واتزوجه وبقه ساكن بغداد وصار عنده
علي
وسعاد صار عدهة بعد معاناه كثيره بنوته سمتهه مربم
مريومه صغيره ٠٠٠٠كلش حلوه عيون كبار وبيضه وشعر اسود الكل يكول طالعه البيبيته ام امهة وهي
مدلله ابوهه وامهه
يخافون عليهه من الهوه الطاير
سعاد الدكتوره كلتله بعد مجيبين وانقهرت حيل وبجت
ثائر زوجهه
هذا حجي دكاتره لتصدكين بي وخلي عينج بعين الله هو العاطي بس هي استسلمت وصارت عدهة حياته كلهه ال مريم دﻻل زايد عن حدهة

اما علي

اسمر وشعره اسود وعبون سود واسعات الي يشوفه من اﻻهل يكول هذا من يكبر يصير شاب صاك وهو امبين زلمه حوك من يومه
مها ام علي تكره سعاد اخت رجله ﻻن تتصور  هيه اتحركه عليهه
والعكس هو الصحيح جاسم حيل عصبي مينجرع من يشوف مها تطلع للسوك لو الشارع بدون اذن منه يتخبل ويشيش عليهم
هو يغار ودمه حامي يكتلهه دائما بسبب هل الغيره
وهاي مشاكلهم عله طول بس سعاد مترضه ودائما تهدي وترجعه وادكول هي اطباعه مو مثل اطباعنه خو مو بيوم وليله اتريدهة تتعلم اشويه اشويه
وهو يهده شويه 
بس
مها السانه مينجرع اتهدد وتسب يرجع يضربه
وملكه حل غير يطلب تحويل للعماره يم اهله وفعﻻ اتحول بعد 8سنوات
بس ثائر بقه ابغداد واتحول بعد مصارت طﻻبه ويه اهله وجماعه من بغداد هدروا دمه وعلما انحلت كالوا اخوته روح يم اهل مرتك بلعماره الجماعه مناوين عله خير
وهنا ﻻول مره عﻻوي يشوف مريومه
بعد 10 سنوات
سعاد
عمه ماعندي غيرك يودي مريم للمدرسه اخاف عليه من الطريق والدنيا اتخوف ما ادري شكو ماكو
علي   
اي عمه صار اني اخذه
عفيه بعﻻوي زلمتنه الحوك
ههههه
مريم تعالي عﻻوي منتضرج
مريم
شنو عﻻوي اني ماروح وياه
اﻻم ليش
اريد اخذ راحتي ما اريد احد يقيدني
لك شوف هاي ممصدكه نفسهه
امشي لج لا اعوج حلكج (علاوي يقلدهه٠٠٠٠
  ماريد واحد يقيدني دروحي)
مريم
شوفي ماما اشلون يعيب عليه٠٠٠
ما ما اريد اروح وياه
سعاد
ولج مكموعه هاي بدال متشكري ولج الشباب اشكال والوان
مو كلهم زينين ٠٠٠وانتي حلوه كلش واخاف ليخطفوج
مريم باستهزاء
يعني شنو واتاشر باصبعه على عﻻوي هذا راح يحميني منهم
علي يركض عليه وبعصبيه
ولج شنو هذا معاجبج مخاش عينج وخري اصبعج ﻻ اكسره
مريم شوفي ماما هاي كدامج
علي     
دوليييي
سعاد هاي شلون بهل اليوم تاليته وياج مريومه مو اتاخرتي
عل المدرسه ودك الجرس
خلي يدك بس هذا ما اروح وياه
تبجي
سعاد
عﻻوي عيني انت هم على كيفك وياهة بوس راسه واعتذر اله يمعود هاي راسه وﻻ قندره عتيكه بتي واعرفه
علي هذا كله دﻻلج عمه امري لله
اني اعتذر واسف هسه تمشين لو اجيبلج الچلب مال البيت ابو حسن‌
مريم تخاف من الجلب
ﻻﻻﻻ راح اجي وياك وامري  الله
سعاد
ههههه والله بس انت دواهة الله يحفظك ال عمتك

هاي القصه الجديده احداثه روعه تابعوني اني كاتبتكم ذكرى المندلاوي
اذا عجبتكم
صوتوا حته اكمل