رواية عشق وندم الفصل الثاني 2 - بقلم ذكرى المندﻻوي

علي
يله امشي كدامي
علي يشوف مشيته ال مريم
هاي شنو
شكو
شنو هاي مشيتج متعجبني
الله اكبر بدينه هنوب المشيه يعني شتريد اعرج
شلون يعني٠٠
علي
شنو حضرتج اتصنفين ؟؟؟
عدليييي مشيتجججج٠٠٠٠
مو مال بنيه محترمه اتميعين بيهه٠٠٠٠وبعد لا تراددين
مريم
شوف تره والعباس بعد ماروح للمدرسه ابطل

علي
علواه ٠٠٠٠٠وهيج اخلص من تعال جيبه وتعال رجعه
مريم (هاي شيخلصه وببه اليوم اكول الابويه ويخليلي سايق اي هو فلوسه المن ضامهن شو بس هل الوحده اله وهيج اخلص من هل الزكه علي اخ منج امي اله اتخلي اله يوصلني مو هناك ابن عمي رائد شلونه يخبل والسانه ينكط عسل)
تقدمت سياره سريعه ومريم صافنه وتحاجي روحه
دك هورن

علي
تقدم عليه وحضنه وخرهة ليغاد من السياره
السايق رجال جبير صار عصبي
هسه انتوا مال مدارس دازيكم اهلكم وفرحانين انتوا مال دياحه ويه الولد بنات شوارع

علي
عاف مريم ركض على السايق
انت لو مو رجال بكد ابويه جان عرفت شحجي وياك بس تربيتي تمنعني
السايق
ياتربيه انت ممتربي لو متربي جان مطلعت ويه
هل الدايحات ٠٠٠ استغفرالله
بعده ممكمل
علي كمشه  من ياخته ودك بوكسيات الحد ما ادمه الرجال
علي
شوف هاي التغلط عليهه اختي وهاي حجابتك عليه فصل بس ﻻن اني اخذ حقي بذراعي راح اعوفك ومن اوغاد الزم حلكك الفلتان ليسويلك مشكله وتروح بيهه

وبنص الهوسه هيه ماكو
يدور ٠٠٠٠شافهة واكفه تشتري من الدكان وﻻ كانه صارت العركه من وراهة
علي
تعالي شدسوين
داشتري نساتل اجوع بلمدرسه وبعد ممسوين حانوت

يله ام بطن اني وين وانتي وين
مريم
يعني شتريد اسوي انت ادور عل المشاكل ادوار
هااااااا هسه طلعت اني ادور عله المشاكل وانتي عيني ست الحسن الي تمشين بلشارع وصافنه عبالك الشارع مكتوب بسم ثائر
لتجيب طاري ابويه
ايباه شكلنه سبينه العنب اﻻسود هههههع صدك عنب اسود اكلج مريومه هاي لو طالعه على ابوج جان صحتلج سوده وسمينه بت عمتي سوده ههههه
مريم تاكل بروحه اكل طول الطريق تخاف تحاجي ليضربه بس هو مجان يمد ايده يضحك عليهه ويخوفهه
مريم ويه نفسه بله خل اتحمل ومن ارجع اله اسوي حل
وصله وكال بلرجعه انتضريني اني ارجعج مو ترحين وحدج تره اكسر راسج ويله هسه خل اباوعلج شلون ادخلين المدرسه يله يله كدامي وانتضر الحد ما دخلت وهو راح للمدرسه
رواء صديقتهه
ولج تعاي مريومه منو هذا الصاك الوصلج
هاي من ورانه ٠٠٠٠الي يشوفج يكول ٠٠٠ مسكينه  ميدري تحت السواهي دواهي
مريم
يمعودين متروحون من يمي تره روحي طالعه هذا مدري منين طلعلي
بسمه صديقته
شكو فهميني
مريم
هذا ابن عمتي ٠٠٠
امي وصته  يوصلني تخاف عليه من الخطف وملكت غير هذا الخبل يوصلني
بسمه
ولج يا خبل ايغير يخبل زلمه مو زين ٠٠٠هذا يخاف عليج
متردي انطينياه ودزيلي رقم موبايله حته اخلصج منه واخذه
مريم
شوف هاي بطرانه ٠٠٠
ولج اني بيا حال مترحين مني٠٠٠
بسمه
الله عليح جيبيلي رقم موبايله
خوش خوش هسه عوفيني باجر اجيبه بس انطيني حل تمارين
القواعد محالته واليوم اول درس تفتيش
اهووو ااني هم محاله
خررررررب ابليسج هسه شلون هاي ام العربي شاده ويايه ادكول جيبي احد من اهلج كل مره متحضرين
دخلي تولي لديرين بال هسه ناخذه من نغم
دك الجرس
مريم
شوفي دك الجرس بعد ماعدنه وكت
بسمه
شنسوي بلكت متجي اليوم كون الله ورجله ضاربهه ومزورك وجهة مسويهه خريطه مثل ذيج المره ٠٠
طبت ام العربي ست فهيمه

صباح الخير ست
مجاوبتهم
هم صبحت بوجهكم ۰۰۰۰انتوا شعبه اچكد اكره ادخللكم كساله ومتعبيني دوم متحضرن
بسمه
هاي شاده سنونه اليوم وجنه ناويتلنه مو خوش نيه
مريم كامت تكرض اضافرهة من الخوف
وصلت المريم
وين الحل
هاااا ست نسيت الدفتر بلبيت
شنو هاي الحجه قديمه ومتمشيه عليه راح اخليلج صفر بل اليومي وباجر يجي احد من اهلج لو ما اقبلج بعد بصفي
مريم ويه نفسه اهوووو هاي شلون سالفه ابويه بلشغل وميجي بعد اسبوع وامي بس تدري تزعل مني وتكطع عليه المصروف٠٠٠٠
بعد الدرس بلفرصه
جانت حيل ضايجه
بسمه
يمعوده اشكد تحبين تقرين روحج.
مريم
انتي متعرفين شراح ينتضرني حقج

بعد ماخلص الدوام
طلعت

  علي٠٠٠٠٠ منتضرهة

شبيج شو امبرطمه مو من عوايدح
مريم
دعوفني مبقه بس انت عليه
علي تعصب
لج عدلي السانج ﻻ اكصه سالتج لو اجاوبين لو تنجبين اتسكتين اكثر من هذا اكصه الج
مريم
شو انت ماخذني حاصل فاصل مو تشوفني ساكته وعلي هسه اصيح واكول هذا يتحارش بيه واخليهم يكسروك
متحمل راد يضربهه
استغفر ٠٠طول الطريق متعصب ويمشي سريع وهيه تتعثر ٠٠من وصل
جرهة من ايدهة ودفع للبيت
هاج عمه هاي بتج بعد ما اوصلهه بعد٠٠٠ شوفي غيري
ما اكدر على السانهه وسوالفه التعبانه
سعاد
هاي من اول يوم شبيكم مثل حيه وبطنج بس تتناكرون
مريم
بعد ما اريده يوصلني هسه اكول البابا من يرجع يشوفلي سايق هاي الفلوس المن ضاميه على كلوبكم
علي
شوفي عمه السانه هاي لو اختي جان كسرته
سعاد
صوجي عمه اني دللته وهسه ندمانه ما اعرف شسوي هي كامت متخاف مني وابوهة مدلله
الله يساعدج عليه
تعال اتغده
شتغده اني تسممت من بتج
الله كريم تكبر وتتعدل وتصير مره ودكوم تستحي تحاجيك
علي
والله بتج مبين تعدل ماطول هذا دﻻلج وگلبج الطيب
اروح فدوه الابن اخويه الطيب انت تتحمله وتشيل عليه الحمل
وابوهة هل التشوفه ميجي كول 27يوم واني وحدي شاسوي
علي
محبتي العمتي اتخليني اتحمل الضيم باجر راح اوصلهه۰۰۰ امري ال الله اشوف وين توصل
اي فدوه اروحلك عليوي ما امن الغيرك
في امان الله
في امان الله عيون عمتك

مريم
هسه اخابر رائد واكوله خل  يجي للمدرسه
الووو شلونك رائد
رائد
هلوووو مريومه ؟؟؟
مريم
اريد منك طلب
كولي
اريدك تجي للمدرسه باجر يردونك ﻻن ممحضره الواجب وماعدني غيرك يروحلي اذا درت ماما راح اتشغل عليه اسطوانتهه مال كل يوم وتحرم عليه المصروف
يتبع