رواية عشك شيخ احمد الفصل العشرون 20 - بقلم كاتبه ريام 💓

هلا جده شونكم ❤

ايه:نجحت الخطه سيدي

عصام:يولي اشصار بيها

ايه:بلعباس اذا تدري جان كطعتني زمينه خطيه كانت تبجي وحاضنه ورود

عصام : خل يصير الها درس حته تعرف توزن كلامها

ايه:يي 😁

عصام:عمتج وين انطينياها

وداد:هلا خويه شونك

عصام:هلا بيج حمد الله ونتي

وداد:حمد الله علا الله

عصام:رجعيلهم خبر موافق اني وشوفي ايه هم شتكول

وداد:موافقه خويه ايه

عصام:بيها الخير لعد

وداد:نشالله

ايه:وافق عمو علا كاضم خابرت امي جدتي وانطتهم الموافقه وكالو باجر ايمرون يحددون يوم العقد وسحلتني عمتي وجلفنه البيت صار يلمع صعدت كبل نمت

ورود؛بقت زمن تبجي منا لمن تعبت ونامت حيل تعبت هاي الفتره وحته ضعفت عفتها وكمت لملمت المطبخ وصعدت بدلت وتمددت شويه وصعد احمد نمنه وكعدت الصبح زمن مطلعه الفراشات وتجلف بيهن ومتحزمه اذب حركتها بلفراشات كافي راح تنشك من الجلف

زمن:وخري ورود اريد التهي ومافكر

ورود؛عفتها ورحت اسوي الغده كملت ودخلت جلفت سيراميك البيت  كله ومسحت الكاع حته السطح صعدت غسلته كملت واجت هلكانه وتلهث كعدت عل ميز صبيتلها غده وكعدت تاكل وكلساع وصابه يمكن 3 اماعين كلت اخر شي ضربتها جدتي

الجده: يلمدهربه شنهي جوعيه بت الخوش رجال شمالج جنج جاموسه تعلفين وترجعين لوره راح تموتيني

زمن: شنو يمه خايفه عل اكل

الجده: ولك ياخايفه اكلتي 3 اماعين وبعد تردين امشيي كوميييي

ورود: كانت زمن وراحت بلمطبخ.وكعدت تاكل تفاح واني وراها كعدت وكل كامت كنت وراها راحت تمددت كعدت يمها راحت الحمام طبت وكفت بره

زمن: لا لا تعاي بعد طبي ويايييي ولييييييي

ورود: ضحكت عليها وصعدت كلت ارتب الغرفه ماعدي شي غده وكملته وزمن اليوم ماقصرت 😂نزعت ملابسي بقيت بطرك الشلحه وكعدت انضف طلعتها بلباكيت جبت لفرشه الجديده وفرشتها وكعدت اقيس بلفرو وكملته فرشته وحته هواي ادزه لاامي تخيطه كملت  رجعت نزلت اكلت شفت ذو الفقار كاعد ابحده وصافن صحته واجه صبست وكل وكعدنه ناكل اني وياه هسه حيجيك اخ وتلعب انته وياه

ذو الفقار :يي كلي بابا عمه ورود اني سويت شي

ورود:شنو ؟!

ذو الفقار :كسرت العطر مال عمه رنا عفيه لاتكولين

ورود:فدوه الك حبيبي هوه عطر. وبعدين محد يدري عوفها تركع راسها بلحايط

ذو الفقار :يعني متضربني

ورود:شحدها كمت افلسله لحم وانطي حيل فقير وماعنده اذيه كمل وغسل ونشف بلمنشفه نضيف علا ابوه اني اذا اغسل امسح المي بملابسي

(حته اني 🙂)

صعد يمي وشغلتله تلفزيون وكعد يباوع واخذت الموبايل وكعدت اصفح بلفيس بس مانشر شي ولااتطي لايك احمد محذر من هلشي حته صفحتي ما بيها صوره بس اباوع شفت الساعه ب4 ذو الفقار نزل كنت بدلت جاي البس حجابي وسمعت صياح رنا جوه لبسته اشون مجان ونزلت جانت ترزل بذو الفقار وضاربته وهوه حاضن زمن وزمن تعيط عليها هوه شافني واجه يركض يلبد وراي هيه شافته وهجمت مثل الثور وهدو اتريد اتضربه دفعتها بكل قوتي ويه مادفعتها انفتح الباب ماشفت منو دخل صحت عليهااا

،،،،راح تموتين هوه عطرررر وتضربييي علمودددد عطررررر شبيج فكررررر وياريت عطر يسوه من هاذه ابو الف

احمد: ورودددددد صوتتتججج

ورود: الله جابك تعال شوفها تضرب بذو الفقار علمود عطررررر ولاجنها مره جبيره

احمد: اخررررر مره اكلج صوتجججج

ورود: سكتتت واني مخنزره وعاكده حواجبي واباوع علا. رناااا اشون بقت تبجي وراحت حضنت كرجيه وتبجي وتشكيي وكرجيه عاطت

كرجيه: افاااا انه انك يمازن بنيت ابني تنذل واني ابقه لا والله مو بلحيف

احمد: جده كولي يالله نسوان وابينهن بعد شوي يصالحن

كرجيه: عبد والله مابقه يععع شمالني ماعدي كرامه امشيييي يمه لمي غريضاتنه مع الااسف عليج طلبه (الجده)  الجناين كامت تخوط ابيتج

الجده: شنهي هل حجي عمه مصار شي حريم وابيناتهن وهيه ضاربه الفرخ شنهي جا فرخ وكسر شيشه العطر نمونه

رنا: والله ماضربته بس داحجي وياه وافهمها عيب يمد ايده علا حاجات غيره

احمد: ذو الفقارررر تعاللللل

ذو الفقار: بابا نانديت ايدي جان عل ميز وجده كلتلي اشيله احطه بجنطتها من شلته طاح من ايدي والله

ورود: جريت ذو الفقار وحطيته وراي وكتلها طفل وغلط وهيه شيشه عطر ممسموحلج حته ترزلي تمام

كرجيه: شنهي مسويه روحج خوش مرت ابو كدام احميد

ورود: لاكدام احمد ولا غيره واني مو مرت اب هاذه ابني مثل مالبطني ابني ذو الفقار هم ابني تمامم

كرجيه: يعععع وتردين ابوجهييييي لا لا مابقه بلعباس بت وداد كامت تتحكم بزغيره وللجبيره

رنا: حالها حال امها جده من خذت ابو ورود اودته ابغداد تربيت وداد شتترجين منها

ورود: هيه كالت هيج ماحس غير بدون وعي نزعت الشبشب وشمرته عليها اميييي اشرفج  وتشرف عشيرتج العانسسسس اذا اجيبين طاري امي علا لسانج اكصه الج الوصصصخه ماحس غير راجدي من قوته وكعت بلكاع باوعت بصدمه احمد ضربني شالني من زندي وصعدني فوك ويسحل بيه شمرني عل جربايه  واجه شالني من شعري

احمد: اكثر من مره كتلج اصعديييي ولاتعلين صوتججج كلتتت لو ماكلتتتتت لججج خطارررر ابيتيييي اشون تجاوزيننننن عليهمممممم هاااااااا

ورود: يحجي والشر يطاير من عيونه ورجع ضرني راجدي دفعته وخرررررر كلت هيج لو هوه تخبل تولاني دفرات كرفصت بلكاع ولميت رجليه حته ماتجي ضربه علا بطني بقه يلهث دخل بلحمام واني جسمي ايون وزمن وشهزنان ايدكون بلباب ويصيحون طلع راسه منكع مي نشف وطلع وقفل الباب من بره واسمع عياطه جوه لميت نفسي وكمت ابجي والشهكه ذبحتني نمت بوضعيه الجنين مادري شوكت غفيت فزيت علا صوت زمن وشهزنان يسولفن يم راس حضنت زمن وبقيت ابجي

شهزنان:اوي كسر بيده

زمن:خايبه طردهن علا مودج وعلي لعب بيهن طوبه سوده عليه فرفحت روحه وطلع

صعد احمد ويجر بورود طفرنه وراه اني وشهزنان واني تصبح عليه من جوه ملحكت قفل الباب  فتحه ومقبل ندخل هم قفله من بره وعاف المفتاح بي ونزلنه

احمد:جددددده كرجيه الحجي الي كالته رناااا مو صحيح وعيب وانتي بت شيوخ وتعرفين هل حجي زحمه

رنا:خويه انه من حركتي كلت هجي

احمد: حرمتي محد يجاوزززز عليهاااا خوووويه ونتي اجاوزتي عليها وعلا مرت عميييي فطميييي لسانججججج كل هاي سويتيها علا سيشه عطررر فااني الضيف المايحترم بيتي بيتي يتعذرله بدون مطرود ما عايزين مشاكل

كرجيه:تطردني يحميدددد علمود وريده

احمد:كتلج ماريددد مشاكل بيتي مفتوحلججج بس بت ابنننج ماستقبلها رجائن كاضمممممممم

كاضم:اامرني خويه

احمد:توصل جدتي لدارها

كاضم:دلل يله يا به

زمن:كال هيج وصاح ذو الفقار وطلع وكرجيه بقت تدعي علا ورود امي ماحجت طلعن وصعدنه الورود سوده عليه شمسوي بيها

ورود:شيفيد هل حجي زمن هاني كدامهن وضربني وماهتم اذا جنت حامل وخاف يتاذه الطفل والله مابقاله ساعه هنا كمت والوجع ذبحني خابرت امي وزمن تهدي بيه وتكلي لاتكبرينها مهتميت خابرت امي وسولفتلها كلشي وكعدت ابجي فوك مادري لبنه هيج يسوي بيه موال جانت تضربه وكلشي تسوي وميحجي اني صوجي عايشه ويه هل همجي هاذه لبيت بس عباتي واجت امي حضنتها وبقيت ابجي مقبلو الولد اطلع بدون علم احمد خابر جسام احمد كله خل تروح رحت ويه امي واني اندب علا حضي وابجي تلكتني ايه وتدعي علا احمد وتغلط عليه نمت من البجي والم ضهري فزيت علا امي تمسح علا شعري نمت بحضنها

وداد:كومي امي كومي اكليلج لكمه الدنيا صبح كولي بالله

ورود:هزيت راضي وكمت جابت ايه صينيه الريوك وطبت زمن وبقيت يحششن وحده عل ثانيه اكلت وكمت اخذت ملابس من ايه سبحت ومر اليوم هدوئ وصارلي سبوع عند اهلي زمن جابتلي ملابس وحاولت تقنعني ارجع عاد جان يوم ثلاثاء هس توني كملت تمشيط شعري امي تلف دولمه و ايه تكتب اندك الباب رحت فتحه وجانت جدتي وام كاضم وزمن سلمت عليهم وكعدو جوه كعدنه نسولف وامي و ايه وزمن يحشسن وتعيط بيهن جدتي كالت

الجده:وريده يمه تعنيتلج منا داري لهنا ارجعي ويلي وامسحيها بشيباتي وعلي البيت موحش بدونج

ورود: لا بيبي ماري،،،

الجده: بدون لا ازعل عليج وحك هوه علي ولج يمه حميد جنه سمجه مزوهره حته للبيت مايلفي ردي الدارج يمه والمره الزينه تكسب زلمتها يامه ويامه نضربنه وانطردنه وردينه ورجعت الامور هيه هاي سنت الحياة وحميد يحبج وشاريج  يابنيتي لاتفشليني وكومي ردي وياي

ورود: استحيت منها وهزيت راسي موافقه كنت لبست وسلمت علا امي و ايه ورجعت وياهن صعدت للغرفه مقفوله صعدت ايه انطتني مفاتيح وفتحتها علا حطت ايدي بس متربه شويه عاد نزعت ونضفتها وغيرت الفرشه وعرفت من زمن احمد دار بيبي حته ترجعني ماكلف نفسه الاستاد واجه هوه بس بصيطه رحت سبحت وبدلت لبست حجابي دالبس الاقدام ونفتح الباب شفته احمد درت وجهي سلم ومارديت داطلع جرني من ايدي وصار ضهري علا صدره

احمد:كافي يول والله تعبان

ورود:وخرت منه ونزلت جوه كعدنه يم البنات شهزنان تطبخ للغده عرفت حامل باركتلها واني ناسيه نفسي حته ماراجعت دكتوره اتفقت ويه عمتي ام كاضم كالت رجلج يوديج ادري بيها يردن يصلحني ويه احمد نزل احمد وكلها التمت تتغده اجو الولد وجدي وسلمت عليهم وكعدت اتغده وياهم خلصت كمت سويت جاي وخطيه شهزنان كاضه النوميه وتشم بيها لعبانه نفسها الحمد الله اني حبالتي مابيها لعبان نفس كلش قليل بش هيه فد مره مرت الايام واني ماحجي ويه احمد حاول وياي وبعده يحاول واني قالب ثلج كدامه وكمت انام يم زمن وهيه ماتكول شي انضف البيت بليل ونسهر الفجر ونكعد ب11 وجدتي ترزلنه وابدال منتريك نتغده ونضحك علا نفسنه  مر شهر ورحت اني وزمن للدكتوره وفحصتني كالت عليج 3 اشهر والجنين حالته منتازه انطتني فيتامينات وهل امور ورجعنه للبيت شتهيت ركي وللدنيه شته قله كلش اكو هسه واني بقيت الوب واريد ركييي اجه احمد كلتله زمن مكال شي راح بدل وطلع نص ساعه ورجع بيده مونية ركي زغار من لهفتي رحت اركض بعدهي بيده وجبت سجينه شكيت الكونيه وطلعت وحده وكصصتها وكعدت اكل جني وحده مشايفه اندرت شفت احمد يباوعلي عفت لركي وردت اطلع جرني وكال ابقي اني طالع طلع وطبع عطره بيدي شميتها حيل مشتاقتله وادري طولت لزعل بس حيل اذاني مرت الاشهر واني الركي صار روتين بحياتي اكون واكعد اصيح جيبولي ركي وجدتي لكنها فرصه وياي تاكل كلش تحبه واني كل دقيقه  اكل ركي مرن 6 اشهر  و ايه وكاضم بعدهم ماخاطبين ايه وقبلت اله تخلص هاي السنه يله وخالي عصام هم ماخطب زمن مدير ليش سولفتلي ايه علا الخطه لمسويها هيه وياه وهاي زمن باقيه تلطم عاد ماتحملت رحت وسولفتلها وكتلها لاتحجين  وبطني جبيره ومدري ليش صرت اكصر وحده بلبيت جدتي تكلي لا ان سمنتي صدك اشوف اديه مدبدبات ورجليه هم من الورم ويبقن ياذني بليل وهاي كله اني بقيت يم زمن واحمد عايفني علا راحتي وخطيه شهزنان حملها فد مره بشهر ال4 وتلعب نفسها من ابسط شي وحللت بيها بنيه اني ماحللت كلت بلولاده اعرف احسن جنت كاعده يم جدتي وزمن عل موبايل واني افشك ركي واكل اني وجدتي شهزنان راحت يم امها

الجده:شنهي وريده ليله متنامين هنا

ورود:يااا جده شبيج لعد وين انام

الجده. :ولج ام العد حلكج اعوج احجي عدل لاهفج بلعصاتي مو عبالج حبله ماطكج بيها بلعباس اكسرها علا كفاج شنهي عايفه حميد صارلج 6 اشهر

ورود:5 جده مو6

الجده:كرت عيني وفرحانه همداج يلعوجه يول الفاهيه بلعباس اليوم اذا ماصعدتي الحجرتج  اعرس لا احميد وعود كعدي لطمي واسويها تره خليته يعرس علا نوال اخلي يعرس عليج

ورود:وعلي جده مو صوجج صوجي اني جايه واشيفلج ركي جيبي ركيتي شلت الصينيه منها وهيه تغلط عليه وكعدت بصاله اكل ركي ومامل جاي وكل ودخلت شهزنان ادردم وكاضه نعالها بيدها هاي العاده ماتبطلها حطته بحضنها وكعدت كبالي وتاكل وياي

شهزنان:خايبه هاي دلال مال اكضها بنعالي واكطعه عليها

ورود؛اسوين فضل واخلص من نعالج اشسوتلج دلالو

شهزنان: مرت 5 اشهر ورحت شفت جنس الطفل  فجئه مجنت ناويه طلعت بنيه وجسام طار من الفرح عد ويكوم يبوس ابطني بس الي قهرني عمتي كلساع وكالت نسوان تخلف ولد احنا بنات اريد اروح واكلها هل شي بيد الله ماكو فرق هاي اني مو مخلفه 3 بنات بس جسام ميقبل احجي وياها يكلي عوفيها مره جبيره مره جدتي رزلتها وبعد ماحجت بيوم جنت رايحه لامي دخلت يمها كانت مريضه عزلت المشتمل وغسلت اهدومها ركبت الغده وكنلت واجاني جسام يرجعني راد تصعد بسياره كتله خل نتمشه مكال لا امي تكول المشي زين للحامل والحركه زينه دنمشي وشفنه دلال هيه شافتنه اجت تركض تسلم انوب صايره احله من قبل مدري شتاكل بقت تسولف ويه جاسم علا خطيبها هيه نخطبت وتركض وره رجلي هم حضي هاذه عفتهم يسولفون ودخلت واني فايره ولاجن واكفه يمه بقه يسولف وياها يي عيني مشتاقلها صارله هواي مشايفها وجايتله شوف الخطيبي شغل يي مو هوه المالكي ومادري دخلت يم ورود كعدت وذبيت حركتي بركي وهاي ورود ولاتشبع تاكل وترجع لوره انوب من تاكل اشهي الواحد ياكل وياها كعدنه دوسه ونص دخل جسام باوعلي ويهز ايده وصعد حياتنا ماشيه عاديه كحياة اي مزوجين وهوه من ازعل لو اعيط يضحك عليه ويكلي هرمونات حمل ةماشيه الحياة عادي واحمد ربي واشكره لا ان طلعني من يم عمامي الفضل لله والجدي لو ماهوه جان هسه اني بعدني يم عمامي وجوز بايعيني الحمد الله صبرت 3 سنوات ونلت الف الحمد الله وشكر صدق القول الصبر مفتاح الفرج امي عايشه ويه ام سيف بلمشتمل الورانه وبين فتره وفتره اروحلها  وماشيه الحياة

(الئ هنا وتنتهي قصه شهزنان هل انسانه تحملت ضيم مرة عمها وتحملت التحرش وشتغلت وحملت مسؤليتها من هيه وزغيره توفه اخوها وماتركت امها وبقت متحمله الضيم من عمامها والضرب والاهانه والعوز المده 3 سنوات والي داشوفه اني بوقتنه الحالي قليلين الاشخاص الي يتحملون هيجي اشياء الانتحار صار بفلس مانكول غير الله يهدي الناس ويهدينه ايضا العبره من قصه شهزنان اصبرو الصبر مفتاح الفرج ومن تصبرون وتنالون حيكون الشيخ اله طعم خاص بعد تعب وتحصلون عليه خلي ايمانكم بالله ولاتيأسون انسدت حياة بطله من ابطال قصتي لاكن هناك حياة 3 بطلات في انتضاركم ورود+زمن+ايه ونشالله ماقصر وياكم اراكم في حفض الرحمن )

ولدنا في تلك الحياة ،،،،
وارتوينا من سخط الزمن ،،،،،
عشنا بوسط واقعنا !! واكتشفنا ،،،،،
ان ارواحنا عنقوديه تشبثت بخيال وهن،،،،
كلجنين الذي الذي نمئ في غير موضعه،،،،،
حكمت الحياة علينا بلضياع،،،،،
اجهذنا الواقع جنين مقطع ،،،،،،
يحمل اجنة الماضي ،،،
فقلت الحمد الله ❤

لاتنسون ⭐👋🏻❤

واعتذر جدا اذا كان البارت قصير بس والله مدالحك ادعولي انشالله هاذه الشهر انتقل البيتي تعبت 😫

كلمه  من متابعاتي لشهزنان 👋🏻❤