رواية عشك شيخ احمد الفصل الحادي والعشرون 21 - بقلم كاتبه ريام 💓

يا هلا شونكم 👋🏻❤

ورود:كمت صعدت فوك صارلي 3 ايام مصاعده من اصعد افحط رحت للغرفه مشتاقه العطره ولحضنه والغزله هوه شيفيد الزعل

زمن:لاشيفيد بس صارلج 5 شهر زعلانه ولج ام الركي

ورود:يممممه امين طلعتي انتي

زمن:من الباب ماشي نضفي الغرفه وراح انزل اسوي شيره واذا حجيتي حلكج اشكه

ورود:راحت زمن صدك محتاجه اشير واخذ خيط هم باوعن النفسي بلمرايه حواجبي حيل خفيفات  كامن يوكعن وحته شعري كله من مره الحمل واني هم هملتهن مالي خلكهم عاد نزلت الغرفه وامشي بهدوئ وكملتها ولبست دشداشه عريضه ترتاح بيها كلشي مال بيت جواها مابيه حيل انزل فعاد صحت زمن تصعد فوك صعدنه بلغرفه واجت شهزنان عل واهس واهاي زمن ايدها خفيفه متاذي عاد نمت بحضن شهزنان تحفلي وزمن تصلخني ومتتت بديهن بقيت اغسل عليهن كملن ضربت زمن بنعال عاد هيه التهت ويه شهزنان تشيرلها دخلت للحمام سبحت ومنضر بطني استحي منه جبيره عزا هاي شون اذا شافها احمد متلعب نفسه سبحت ةغسلت شعري وطلعت نشفته وزمن تشير برجليها عل واهس وكاعدات يباوعن بالانستا علا عروض العنايه حته يطلب بلبيجات بفلس ونص بس اني اخاف اطلب من البيجات وابد ولامجربتها  مره زمن طلب بوكس مال ورد وبي تربه ومصلايه وقران ويدفعون عبر الرصيد هيه دزت الرصيد وحضروها وخذو رصيدها وكلشي ماوصللها فااني اذا اريد شي اطلع للسوك لو اوصي امي ايه ملتهيه خطيه بمتحاناتها وكاضم مستمر ايوديها ويرجعها طردت البنات من الغرفه ولبست شلحه مال حوامل خيطتها الي امي وكعدت اكل كيك  كيك واكلب انستا جان ينفتح الباب وشفته احمد بتسمتله وهوه متفاجئ بيه

احمد: يا هلا يبه نورتي الغرفه

ورود:تقرب مني بوسني بكصتي

احمد:يولي هيج زعلج ثكيل وعلي سلعتي كلبي عمي اطلب السموحه منج للمرع الالف يولي قبل من اطك نوال تجي هيه تتوسل اصالحها ول ضالمه ليش هيج 5 اشهر ياضالمه النفس حارمتني منج ليش يولي

ورود:لفيت اديه علا ركبته حته متعيدها

احمد:التوبه وداعت اعيونج التوبه

ورود: ضحكت ودفن راسه بركبتي

احمد: مشتاقلك وردتي

ورود: واني اكثر

احمد: ويلاه بويه تروحلج فدوه لعماره كلها

(العماره: انييييييي شعلييييييه  😶)

ورود: يبوسني بلهفه ويشمني ويصيح افيش واني خربانه ضحك عليه نزل البطني وخجلت منه واريد اغطي نفسي وهوه دنك يداعب بطني بخشمه ويبوسها ويحجي

احمد: ول ابويه شوكت اتنور الدنيه

ورود: مبقه شي

احمد: نشالله تكوميلي بسلامه

ورود: نشالله حبيبي عشنه احله يوم حته ما نزلت سويت عشه ميقبل حاطني جوه جناحه وساعه يبوسني وساعه يشمني وخابر علا كاضم يجيبنه اكل من بره وصدك جابه وحطني بحضنه ويوكلني ويبوس بخدودي كعدت الصبح مكسره من النوم كمت سبحت وكعدت اصلي كملت لبست حجابي ونزلت احمد نازل قبلي وممكعدني ابساعه ب8 ونص نزلت جدتي واكفه تسوي دوك (اعتقد يسمو بقيت المحافضاة عجين بدهن او هيج شي المهم هيه عجين مال خبز يسونه كرصه زغيره ويقلونه بدهن )

طبعن هيه ابد متوكف عل طباخ هيه شافتني وطكتها هلهوله

الجده: كلوووووووش

ورود: يااا جده شجاج

الجده: وصلوات ياقابله وحركه بعين الشامته

ورود: تذب هوسات وتهلهل غطيت بهدومي وزمن عل واهس وياها واجه جسام يركص وياهن ويصيح هاي يول نفتحت الجبسه واني خليت وطلعت بره من المستحه احس وجهي غده نار شويه ودخلت جدتي كاعده بلكاع وزمن اطك بيض وكعدت احط شكر عل دوك واكل واجه احمد غمزلي وكعد بصفي ويجر ايدي ويحط الا كل البيها بحلكه وبيبتي اتجيب وتحط كدامي وكدام شهزنان وتعيط بجسام وكاضم ياكلون علا كيفهم مشالله همه يسوون الدوكه لكمتين واحنه نضحك عليهم كمنه وكفت اسوي غده وجان وحشه اليوم عادي للعصر اجت امي هيه اورود سلمت عيلهن وكعدت يمهن واجت زمن

زمن: ها ولج اية شعجب جايين

ايه: وسم معليج

زمن: يححح جايين تخطبوني

ورود: اباوعلها وخربت ضحك عليها وطلع صدك جايين يخطبوها جان تحجي ماما بعدهي مامكمله ونطقت زمن

وداد: عمه احنه طالبين ايد المحروسه زمن العصام علا سنه الله ورسو،،،

زمن: قابله بلعباس قابله واذا تردين هسه زفوني

ورود: فطست من الضحك عليها كنت ابجي واضحك جان اطكها بيبي بلعصه مالتها

الجده: الله يصخم وجهج نشالله ولج المثلج تستحي يلعانس ماصدكتي عبنج عوينتج علا الزلمه

زمن:يي بلعباس يمه مو بس احبه لا علي اعشكه اتنفسه اروح فدوه الختيبي

وداد: صخام وجهج يمته صار خطيبج وعلي انتي فلم

ورود: راحت امي واجه كاضم وعرف وهوه كال

كاضم: جدي جا خل نعقد انه وايه ويه عقد زمن وعصام

الجد: بكيفكم بويه

ورود: وتحدد موعد العقد الخميس عقد زمن و ايه اجت ام سيف نضفت البيت كله وانطتها اجورها جدتي وراحت ارتاحينه من هاي الناحيه ودت اطلع للسوك بس احمد ماقبل وكعدت ضايجه كلهن راحن اجت احمد العصر واني مطنكره

احمد: بويه شنهي لوجه مايكصه السيف كله لاان مارحتي للسوك

ورود: ماحاجيته اجه كنفص يمي وحضني من وره

احمد: يولو اخاف عليج والله من الفره ونتي حامل كومي بدلي واني اخذج المحل واحد واشتري احسلج من هوسه النسوان

ورود: هوه كال هيج وني بقيت ابوس بخدوده واضحك وهوه يهز بيده كمت بسرعه بدلت ولبشت عباتي والنقاب واخذت شحاطه ناصيه طبيه وصعدت وياه وداني علا محل جبير حيل دخلنه وصعدنه بلمصعد لقسم الحوامل دخلت وبقيت اكلب بلفساتين واحد احله من الثاني جذبني فستان كلوشه بس الضهر كله مكشوف احمد مقبل اخذه فاشرلي علا فستان مال حوامل لونه بنفسجي  يجي ساده وبي من يم الصدر ورد ناعم وردانه تور يجنن الله من يلي ختاريته اني اخذته واشرلي عل احذيه كتله ماريد فعاد صعدنه بسياره ونزل لمحل مال ذهب وقفل عليه السياره شويه وصعد وبيده 3 علب 2 زغار اوحده جبيره فتحتهم جانن اثنين الزغار بيهم محابس جامو توهم نازلين مال هويام بحريم السلطان هيج اسموهن مثل العندي بس اني لونه احمر ذني اسود سالته المن

احمد: بلعقد واحد لبسي الزمن اوحد الايه
وهل كلاده الج بويه لبسيها ويه الفستان

ورود: تشكرته وفتحت الكلاده كلش حلوه  طويله وبيها ورد ناعم وتجي بنهايه 4 طبقات حلوه ولايكه ويه الفستان لا انه ساده سالته اشون عرف قياس البنات

احمد: سالت زمن كالت نلبس ويه ورود وعاد اني مفصلج تفصال قابل ماعرف قياس ايدج جبتهم علا قياسج

ورود: والله لو ما الشارع جان بستك هسه

احمد: استري عليه يول اهلي ميرضون

ورود: ضحكت اورجعنه للبيت لكيتهن ابمصطات وسالتني زمن وكتلها احمد مقبل اجي وياكم اخذني هوه راويتهن الفستان وماتن عليه وزمن كالت

زمن:  اني وايه ماشترينه كلنه نأجر احسن

ورود: يي يمعوده احسن ذنيج مال عرسي يسمعن حسج بلكنتور مشمورات

زمن:مرن 4  اشهر عشت بحاله اكتئاب لااسولف ولا اضحك حابسه نفسي بلغرفه حته اكلي قل وبس ابجي ومرات اذب حركتي بتنضيف حته مافكر بي منا لمن اجتني ورود وخرطلتلي لاااول والتالي ردت ادفره وعاطت الطفل يطيح بلعباس عفتها وطردتها من الغرفه وهيه تضحك عليه كبل رحت خابرته جاوب ونفجرت بي

،، انته لو تحبني صدك متسوي بيه هجي 4 اشهر  لاليل ليل ولانهاري نهار ليشش ولك هاي جزات حبييييي اكرهككككك حقيرررررر لو و تصير اخررر رجال هم ماريدددكككك

عصام: احبج يابلوتي

زمن: هوه كال هيج بلعباس احس اطرافي ثلجت وكعدت بلكاع ابجي وهوه يهديني

عصام: ول يولي كافي دموع مامليتي اني كلت بها 4 اشهر خلصت دموعها كلها بس بعدج تعوين جنج عجوز ماكلين عشاها

زمن :اكرهككك حقيرررر

عصام: شكد قاسيه وداعت حمودي ابن الدوره احبج

زمن:ماتحملت طكيتها ضحكه وبقينه نسولف شويه وسداه لان بدوام كنت واحس تغيرت نفسيته طلعت بره طلعت ساجده عبيد وكعدت اركص واضحك بصوت عالي همزين الولد مو للبيت وامي اصيح تخبلت الفرخه مرت الايام وصدك بس اجه من الدوام دز وداد وخطبتني واليوم يوم مهري اني وحبييي عمري كاعده ابدلتي البيجي و ايه بصفي مطنكره لاان كاضم قرر بها شهر دوامهم وهيه تريد تكمل السنه وهوه ميقبل عاد زعلت عليه وتحدد زواجهم بهل شهر عقدنه الشيخ واني الفرحه ماواسعتني ودلي اكوم واكمز واركص من الفرحه بس فشله شيكولون عليه عاد عقدنه الحمد الله اورود طالعه تجنننن حيل لايكلها الحمل وشهزنان واكفات هنه وبطنهن ويتمايلن واني اخزر بورود تجي تكومني اركص بعد ما تحمل عاد كومتني شهزنان وسحبت ويلي ايه وكفنه نركص واني اضحك واركص وياهن وامي تخزرني حته ارجع اخر شي خفت تضربني كدام النسوان واتفشل رجعت كعدت واهز علا كيفي مو بيدي وعلي هيه الاغاني تسوي واهس خفت الناس واخذتني ورود للستقبال دخلت شفت عصام ابديه الاابيض وبنطرون بيجي وطالع يجنن وشواربه ولحيته الخفيفه وعطره الي تارس المكان ردت اروح اركض وابوسه بس صرت ثكيله وسويت نفسي خجلانه ولاااني اسم الخجل شايلته من قاموس حياتي 😂

عصام: ياهلا بزمن نورتي الاستقبال
زمن: هسه هاذه شنو غسل الي لاستقبال
عصام: بويه علا يوم يجلطني هل لسان حدري يمي شبيج واكفه شني مستحيه
زمن: يااا شنو شكلولك عليه قابل ماستحي اني مو انثئ
عصام: يولي انتي كلج انوثه حدري بويه
زمن: رحت كعدت يمه واباوع بوجه وهوه مدنك وبلكوه كاتم ضحكته طلع من جيبه علبه فتحها بيها حجل بس يجنن اني من نوع رجليه زغار ومدبدبات مدري اشون صايرات بس هوه يكول حلوات يمشي بلمكلوب ختيبي 😉😂 طلعه وركع كدامي بويه اني هنا شكيت حلكي من وره الابتسامه غير اريد الخجل يجيني ماكو ختفه 🤫 نزل ولبسني الحجل كتله شكرا

عصام: تدلل زمني

زمن: حياتي شو هاذه جرني اوكفني بلعباس اوصل لبطنه بقيت العب بدكم قميصه من التوتر والخجل هنا صدك خجلت اول مره يصير هيج قريب عليه من التوتر والخجل انكطعت الدكمه بيدي وهنا ياكاع نشكي وطميني من الفشله هوه طكها ضحكه اول مره اشوفه هيج يضحك بقيت ساكته ومنزعجه ماحس غير جرني ورفعني من خصري صرت يم وجها بلمح البصر طبع شفايفه عله شفايفي اني ماصدكت كبل بادلته 😂كفيلكم العباس موش شفايف ضيم وخر مني اني الهث وهوه هم كصته علا كصتي  بعده يلهث ودفن راسه بركبتي بوسني بقوه بس بدون اثر حسيت شعر شواربه نغرز بجلد ركبتي دفعته من صدره وندك الباب ابتعد مني وصاح تفضل
دخلت ورود الخايسه وكتج هسه

ورود: اليوم عقد البنات كعدت الصبح ماعدنه شي الطباخ هوه يطبخ وام سيف وبناتها موجودات فكمت غسلت ونزلت احمد طالع من الشغل لا ان خطار هواي نزلت جوعانه كلش وهاي الفتره كرهت الركي حيل مادري ليش ومزاجي مو هلكد نزلت شتهيت كيمر وللعلم اني ابد ماحبه لكيت بلثلاجه صينيه جدي عنده بستان بلعماره مو يم بيتنه لا بغير مكان وبي حيوانات وكلشي يحتاجه وبي فلاح ومرته تسوي كيمر وجبن وروبه (لبن)  ومربه ودبس وهواي شغلات وادزهم للبيت جدي يحب هاي السوالف فطلعت كيمر ومربه جزر وكعدت اكل كلت كرصه خبز كامله وكمت شفت زمن تحضر نفسها يرحن الصالون يمرون علا ايه ويرحون العقد يصير ابيتنه لا ان بيت اهلي زغير فهنا يصيرن ثنينهن راحت الصالون وهيه مخبوصه كعدت يم جدتي كالت

جده: ماترحين وياهن عدلي رويحتج

ورود: مايقبل احمد بيبي
جده: جا لاتروحين مادام ريلج (زوجج) مايرضه
ورود: محجيت شي وشهزنان هم مقابل جسام تروح فبقينه كاعدين يم بيبي نسولف شويه وكمت صعدت شفت الساعه ب11 رحت سويت تنضيف بشره وحطيت ماسك الوجهي وكعدت اخابر ايه وزمن صوره وصوت وهنه هم جاي يسولهن تنضيف بشره وزمن كلساع عايطه علا ام الصالون لا ان تاذيها بسناره واني خربت ضحك ودعتهن وكمت غسلت وحضرت ملابس احمد وصحت ذو الفقار جان بره يم الولد اليذبحون ومدمر دم خطيه هوه يسبح ابحده ميقبل شخص ايسبحه ايكول اني جبير وهوه صدك عمره 7 سنوات بس لسانه شويه ثكيل ويشبه ابوه بلشكل وبلطبع بس هوه بشرته بيضه واحمد حنطيه  فصعدته وياي طب طبح وطلعتله جابله احمد دشداشه بيضه مثل مالت احمد ولبسته ولفيتله الجفيه لله اماراتيه طبعن احمد يعلمني عليها ويلفها علا راسي ويبقه يبوس بخدودي تعلمتها منه حسيت العمال علا راسي وبقيت اسويها اله كملته رشيتله عطر وحطيتله قلم بصفحه الجيب يم صدره وجاي البسه الساعه كاعده عله الجربايه (سرير) ودخل احمد بتسم من شافني واني نسيت ماحضرت ملابسه بتسمتله وكملت ذو الفقار وهوه ركض لا ابو شاله احمد حيل يحبه ويبوس بي

احمد: يولي وليدي شيخ شني هل حلاه بويه
ذو الفقار: هايه عمه ورود سوتلي هيج وعطر حطتلي من مالتك بابا
احمد: كول ماما ورود مو عمه خوش بابا
ذو الفقار : يي
ورود: بتسمت عله سوالفهم وذو الفقار نزل وهوه تقرب واني ناسيه العكال مال احمد علت راسي وكم خصله لازكه بوجهي من شعري من غسلت بيه طبع مانشف وجهي من المي  تقرب مني ودنك عليه وخر خصلات شعري وباسني بخدي بهدوء ويحجي بهمس

احمد: جم مره اكلج من تغسلين نشفي وجهج من المي همم
ورود: اووو احمد مالحك وهسه اريد ابدل والنهار يركض ركض
احمد: ابدلج اني
ورود: حاوطت اديه هلا ركبته وهمست يم اذانه يلا شوفنه خبراتك وبدلي جان يهمس
احمد: غالي والطلب رخيص لو كلها الطلبات هيه شريد من الله بعد
ورود: همست بحلامك شيخ وردت اروح الحمام ذبتني من خصري وهمس
احمد: وداعة عشكي الج اليوم اله ابدلج
ورود: يا احمد شبيك وخررررر جان يشك الشلحه عليه وهيه ح
خياط وكودري بسرعه احت بيده من كد ماعريضه بس انشكت وكعت بلكاع جنت ملابسه داخليات لا ان اختنك منهم شفته يباوعلي بجرئه رئستن جضنته وادفن نفسي بصدره هوه شالني ويصيح بويه طك ضهري صدك امي صايره حيل ثكيله دخلني الحمام وفتح الدوش درت انطيته ضهري ماريد اشوف نضراته ابقه ماعرف اصرف حسيت بي نزع ودارني عليه الدوش فوكانه يصب مي دافي عبد ميسبح ابارد هوه حته لو صيف ويه مدارني اخذ شفايفي بقوه بعدته من صدره ويه مابعدته اجه المي بحلكي بدون وعي بلعته وغصيت وهوه يضحك عليه ضربته علا صدره تقرب مني ومد ايده عل شانبو صرت بحضنه لا ان صاير وراي الرف اهنا رغبتي حاوطت عليه شبكته ورفعت نفسي دفنت راسي بركبته عاد هوه ماصدك اول مره ادخل وياه بلحمام بقه يبوس بكتافي وحط الشامبو علا شعري وفركه بهدوء ويبوس بخدودي غسلت شعري وهوه يمشي ايدي علا جسمي بجرئه عفته ياخذ راحته عل اخر كام يجرئ كلش وخرت ايده

احمد: يولي حلالي حلالللييييي ياناسسسسس حلاليييي

ورود: يا حبيبي شجاك شهرتنه شيكولون الشيخ شبي اليوم

احمد: يولي هيه بقت شيخ مو الشيخ تخبل بقطعت الجبن يلي كدامه

ورود: هسه احمد لا منا ولا منا جبن
احمد: لعد بطاله حليب
ورود: لا كيمر ههه مضحك وخر خل اطلع كملت
احمد: بس اني مكملت
ورود: لاحباب والله ضهري يبقه ياذيني
احمد: يولي يمته اجيبين
ورود: بعدني ب6 حبيبي
احمد: يلا نتحمل الله كريم
ورود: فلتت منه وطلعت وهوه بقه يسبح لابسه البرنص جابه الي احمد جديد لاان ذاكه ضيك  حضرت كلابسه وطلعت فستاني عل جربايه ورحت نشفت شعري وهوه طلع لاف الخاولي علا خصره تقرب وحضني من ضهري

احمد: يلا تعاي ابدلج
ورود: لا اني ابدل قابل ماعرف
احمد: لاابد والله زحمه اني ابدلج
ورود: جاب الفستان ونزعني البرنص جنت لابسه ملابس داخليه فماستحيت منه لبسني وكل ما يوصل الجزئ من جسمي يطبع بوساته الفستان بي سحاب طويل يجي من بداية الضهر النهايته ركع حته يسده لا ان مشالله حيل طويل رغم اني طولي 160 بس من حبلت حيل كصرت ماحس غير لسانه يمشي علا ضهري قشعر بدني وبقه يطبع بوساته ويسد الزنجيل علا كيفه منا لمن كمل وخر شعري ودارني عليه العيون حمر مستوي الاخ التهم شفايفي وتركهن ونزل الركبتي واني اصيح بدون اثر احمدد وهوه ولاجن يسمعني نقذتني دكت الباب بصوره خفيفه عرفته ذو الفقار بس هوه هيج يدك الباب صاح بعصبيه

احمد: منووووووو
ذوالفقار: اني بابا
احمد: استغفر الله
ورود: رحت فتحت الباب جان قافله فوت حبيبي
ذو الفقار: ماما ورود اني كلش جوعانه

احمد: يي بابا ماكلت لاام سيف تسويلك اكل
ورود: ولا يهمك شنو رئيك انطيك بسكت مالح وعصير علا مايكملون الاكل
ذو الفقار: عادي
ورود: بسته بخده ورحت طلعت من الثلاجه احمد تارسها وميلحك عليها تجيني حالات جوع مادري امين تالي الليل ابقه اكرط وارجع لوره  جبتله الي يريده وكعد ياكل واحمد بعده واكف عباله يطلع من شافه كعد اخذ ملابسه وراح وهوه الحواحب معكوده دخل الحمام بدل وطلع ولا الشماغ وتعطر  وذو الفقار نزل وياه كعدت اسحب شعري صاير خفيف بس طويل برمته من جوه وعفته حيل تعبني لبست الكلاده. الي جابها احمد وعندي كلاده تضب عل ركبه مع انو اضوج منها بس احبها
(وين الربط ياعرب 🙂)
حطيت مكياج هل مره كثرت بس والله طلعت احله من يوم عرسي  جيت عندي شال خفيف حطيته علا ركبتي مشالله ركبتي اليشوفني ايكول بيها مرض هاي من كد مامزوركها حضرت الشيخ طلعت من الغرفه واحمد وصه اقفلها جاي اقفلها ونزلت زمن من الطابق الثالث طالعه تجنن لابسه فستان ماروني والمكياج خفيف ويجنن  وهم حاطه حجاب احمر ضحكت عليها بله اني زين بس ركبتي بس الضيم عد شهزنان ركبتها وعلباتها وصدرها نزلنه سويه والبنات توهن اجت رحت يمهن طالعات يجننن صدك حلوات خو اني بعرسي وبلعقد مالتي العب النفس لابختني لبخ ام الصالون خو عيوني جني ذوله الي بالافلام الكوريه 😑 كعدنه وسوالف شويه وجان اشوف ،،،،،،،،،

يتبع،،،،،،،

(ها يبعد جدتكم شونكم شخباركم تعالو سولفولي منو اكثر شخص حبيتو و من و الكرهتو بروح اهلكم كلولي يبعد جدتكم اموتن علا هاي السوالف 😂)

لاتنسون ⭐👋🏻❤