رواية عشقني فعشقت اخاه الفصل العاشر 10 - بقلم غير معروف

للكاتبه: ذكريات العزوف 💔💔 رسال من رافد
(قريت تعليق يمكن كان اسم البنت نور كاتبه عمت عينك وعين اخوك😂😂ومفكرت بس بنفسك اي اعترف اني غلطت ولان اشوفه خطاء جبير حبيت تستفادون من غلطي بس اني بوقتهة كنت محطم وطبعا مراح تفهمين كلامي لان احساسي ميفهمة غير رجال مثلي طبعا اني ابد ما ازعل من تعليقكم )
رافد: ركزت على شغلي وترقيت وكرموني بس ماكو فرحة احس انباكت مني
ارجوان: كضيت ايامي حسره تجر حسره داومت واجت العطلة واني احس الزمن وكف يم رافد اتذكر اخر نضره شكد جان بيهة حجي اوف يا رافد ضيعتني وضيعت حبنه معقولة تزوج اوووف
علي: جنت اكول مستحيل ارجع ارجوان لرافد بس من حبيت ورده عرفت شنو غيره عذرته ومن اشوف دموع اختي وشلون ذبلانه اتمنى يجي يخطفهة ويروح خطيه تعذبوا اثنينهم
رافد: طلعت الجمعة للامام علي عليه السلام زرت وصليت واندعيت ضليت اباوع على الشباك ودموعي ينزلن كتله رايدهة منك بجاه عزيزتك الزهراء ورجعت السبت داومت والاحد على اساس نطلع لكربلاء بس مرت سامر صار عدهة ولاده ونخبصنه اول حفيد للعائلة راح يجي
ود: ادري بسامر مستحيل يسوي هيج اذا كان بوعية ولو يجي يمكن احبسة يي اني احبه مستحيل اعوفة
رافد: اجلنه الزيارة الى ما بعد الاربعين مال الطفل حتى اخذ ود ويانه رجعت ود للبيت واحس روحي تعلقت بطفل خصوصا سمته نور الحسين على اسمي
ارجوان: علاوي تزوج وراح شهر عسل وامير كله بالمطعم وامي لو زياره لو نايمه حسيت بالوحده كلش تذكرت حجي بابا اني عندي اخوان بس الحياه مشاغل احن لرافد وخبالة منو كال حياة العزوبية حرية مهما كان الشخص يطب ويطلع يحن لكلمه ماما او بابا المسولية حلوه خصوصا لو تحبين زوجج
رافد: من بعد الاربعين طلعنه للزيارة بعد مصار عمر نور 4شهور من اشوفه اتمنى لو ارجوان باقية وصار عدنه طفل مستحيل اخليهة تروح وصلنه لكربلاء ضلت عيني على مناره ابا الفضل طلعت الحجايه بدون وعي وبصوت مسموع ( رايدهة من شاربك بجاه عباة اختك الما طاحت) انتبهت اهلي يباوعلي دنكت وفتت صلينه وزرنه كان الصحن مابي سقف واكو حمام وعصافير ينزلن للكاع يدورن اكل ياكلن ويطيرن وهذا نور متخبل صافن ويضحك شفت بنيه ناطيتني ضهرهة شايله جنطة نازل منهة مداليه اسم رافد ابتسمت اخذت نور وطلعت
ارجوان: امي مو مثل قبل صحتهة اتدهورت لهذا من تروح للزيارة اروح وياهة زرنه وطلعنه
رافد: طلعت وهاي امي خبلتني عاجنه طاسة عجين وبي ورق مكتوبه بيهن كل واحد وحاجتة وتريد تذبهن بلنهر اذا اكلتهن البطة تنقضي الحاجة طبعا اني صافن يتناقشن وكلسا وحدة جارة القلم اخر شي 😡😡😡😡 كاااافي كلهن سكتن وديتهن ذبن العجين خلصت😧😧 لابوكم اني بعد اجيبجن تعشينه وطلعنه لبغداد لسة اتذكر كان يوم سبت ثاني سبت اجيت من الشغل تعبان سبحت ونمت كعدت على صوت الموبايل باوعت علي اخو ارجوان يتصل
علي: رافد فدوه الحك
رافد: لك شكو شبيك
علي: اخذوا ارجوان
رافد: لك شتحجي منو اخذهة
علي: اهل مرتي
رافد: انت وين
علي: احنه بكربلا رافد امي راح تتخبل كلي شتصرف
رافد: روح بلغ المركز اني جاي 3ساعات اني يمك طلعت مثل المخبل دموعي بعيني اني لو ما اناني ميصير هيج فكرت بس بروحي شصار بيهة رويحتي طفلتي اووووف يا رافد كل اليحبك تعذبة امي ابوية وهسة ارجوان وصلت على العنوان طبيت
علي: هلا رافد
رافد: احجي اسمعك
علي: ورده زوجتي هي يتيمه الام والاب ومن عمرهة 3سنين اهل ابوهة حطوهة يم خالتهة اني طلبتهة من خالتهة ومن كتلهة عمامهة شلون كالت هم عافوهة ومندري عنهم شي وهسة جاين يكولون بنت ابنه نريدهة وصارت هوسة واحد منهم سحب ارجوان وطلع وهمه 30 واحد واحنه بس اني وامير
رافد: لك بكيفهم شنو غاصبهة انت قابل
علي : مو هي قاصر
رافد: انطيني عنوانهم بسرعة انطاني علي العنوان ورحت لمعارفي ضباط وغيرها طلعنه دوريات سحلناهم تسحول بس ارجوان مجانت بالبيت من حققنه عرفنه هي بيت اختهم رحت اخذتهة كلبي طلع من شفت دموعهة حضنتني وتبجي
ارجوان: من بعد ما اجه علاوي مرته اسم على مسمى هادئه وورده صدوك مرة جنت كاعدة اني وياهة نسولف اجو ناس بلباب طلعلهم علي وامير وصارت هوسة طلعت اشوف شبيهم انصدمت اخوتي مكتفين بيد الرياجيل وعلي يعيط ما حسيت غير انسحبت للسيارة اصرخ وابجي متت خوف على اخوتي واخاف بعد ما اشوف رافد رغم اذاني بس احبه مو بيدي وعشره عمر هو نكرهة اما اني مستحيل ودوني بيت مره كاعدة عادي اكل اشرب بس محبوسة واكو ولد كاعد بلباب شكد حاولت اشرد مكدرت ثاني يوم العصر طب رافد شفته مشيب وضعفان ونضراته كلهة خوف بجيت وحضنته فاتوا شرطة ومدري منو اني مدرت بال ضليت حاضنته خاف بعد متنعاد وهو بادلني عصرني ويصيح اه لا تعوفيني بعد والله اموت
رافد: من حضنتني متت حسيت احساس يمكن انطي عمري كله حتى اعيش هاي اللحضة ضليت حاضنهة طبوا اصدقائي اشرت طلعوا ابتعدت اريد ادور على عيونهة نضراتهة البريئة ضليت ابوس بيهة واصيح لا تعوفيني هي تبجي يمكن بوقتهة عشت سكرات الموت احساس مستحيل احد يفهمة الا يعيشة بوقتهة استخطيت كل رجال ما عاش لهفة الحب اوووف
ارجوان: اخوتي رافد حباب خلي نروح
رافد: مبيهم شي لا تخافين صفنت( هاي خاف ارجعهة ومتقبل بعد ترجع ويايه وتعال توسل ولو تقبل لو متقبل) امشي دنروح خاف يجون اخوتج راحوا قبلنه لبغداد
ارجوان: امشي حباب مبيهم شي مو
رافد: لا والله كلهم زينين

صوتوا راح تخلص 💔💔💔💔 👆جزء من صوره رافد😆😆