رواية عشقني فعشقت اخاه الفصل التاسع 9 - بقلم غير معروف

للكاتبة: ذكريات العزوف 💔💔
ارجوان: ضليت صافنه على حجي رافد مصدومه هذا الحبيته هذا نفسه الرجال الي انام بحضنه يوميه جر شعري صح مخدره ما احس بس صرخت ليييش شنو السويته بعلو صوتي
رافد: ولي انتي وحده ناقصة لج من ضربته يسحل برجله سحل يعني مجرج للغرفة انتي صاعدتلة شلون اطبين للغرفة وبس هو بيهة اصلا البيت فارغ اجه حماج اطبين بغرفتج تنجبين وتسدين الباب شكم مره حاجي شكم مره كلت انتي مرررررره مو طفله حيوانه والله ادري ما الج ذنب بس رحميني روحي طلعي منا
علي: ولك انت شدتحجي المن صاعده ارجوان شبيج هذا شديحجي
ارجوان: متت ضليت اصرخ انكطع نفسي ومحسيت الا اني بلمستشفى ضليت ابجي شفت رافد حاط ايده على وجهة ويبجي رفع راسة
رافد: شلون صرتي
ارجوان: الحمد لله فات علي اخوية عيونه تجدح نار يمكن عرف بلي صار خفت لا يضربني
علي: يلا حياتي الدكتور كال تكدرين تطلعين وحقج اني اخذه من عيون السبع بس خل اشوف سامر
ارجوان: شبكت اخوية بجيت طلعت هم كلبي كله

سامر: من ضربني رافد طلعت من البيت ضليت امشي احس كل الناس تباوعلي وكلهم يعرفون اني شسويت شفت سيارة جبيرة ويصعدون بيهة شباب كتله يابه هاي وين رايحين كال هاي تجمع مجاهدين (...) دفاع عن صحن العقيلة كتله اريد اصعد وياكم كلي تسجيل لازم ضليت ابجي كتلة عليك ستر زينب رهمها اريد اطلع هو كلي روح جيب جواز السفر واوراقك وملابس وتعال نص ساعة انتضرك رحت طير للبيت اخذت افلوس وكلشي احتاجة وطلعت محد شافني ولا اي احد يدري بيه ما ودعت احد بس ضلت ابالي ود خطية شكد حبابه اتاذت صفنت والسويته بارجوان قليل ها يا سامر انت دمرت اخوك وامك وابوك وارجوان ومرتك شلون راح تدافع على الشرف والستر وانت نفسك دنت على عرضك بجيت ربي انت الغفور الرحيم اغفرلي وانت الصبور صبر اخويه ومرته وانت القوي المتين قوي ابويه وامي وانت الامين وود امانه يمك ربي بس انت تدري اني ما كنت بوعي وانت الزرعت ود بكلبي واني ارجوان شلتهة من كلبي ربي انت المعين مالي عين اطلب منك بس المن اروح الهي
رافد: من شفت دموع ارجوان بالله شنو ذنبهة طفلتي حبي حياتي هاي الرجعت ضحكتي معافتني فديوم طلع علي يجيب الدوه حطيت عيني بعينهة بس كلتلي والله تعبت رحت لحضنهة شبكتهة وضليت ابجي طلعت شكو الم بداخلي العجبني رجفت صوتي من احجي واسولف وياهة وهي تهدي بيه رجال شاربي تارس وجهي بجيت بجي مال ام شهيد بس هذا الوجع يشبه وجعي يمكن طب اخوهة جرهة وطلع
ارجوان: اجه علي اخذني طبينه للبيت علي وداني لغرفتي نمت ضلوا يسالون كلشي ما احجي اخر شي سولفت لامي حتى بس اخلص هي طلعت منا 10 دقايق وسمعت الهوسةطلعت
امير: يعني شنو فوك السواه اخو يضرب اختي شعبالهم ماعدهة اهل والله اكلب البيت عليهم
علي: امير هسة اسكت اختك حالتهة صعبة ورافد مو احسن منهة منهار
الام: يمه الولد سكران هو شمدري هو غلطان اي بس بوقتهة مو بوعية
امير: يمه لا تخبليني انتي مره تعرفين شنو اغتصاب وشياثر على نفسيتهة
ارجوان: اني باجر راح اروح اخذ هدومي من بيتهم بس بدون اي مشاكل
امير: رجعي نامي هسة ارتاحي وبعدين نحجي
ارجوان: بس اني مبيه شي حتى ارتاح الصار صار وانتهة الموضوع محد يفتحة بعد
رافد: شنو اسوي وين اروح اتصل بيه صديقي كال طلع اسمك دوره لروسيا تحقيق وقناص كتله اسبوعين اضبط وضعي واروح شفت رسالة من سامر: سلام عليكم اتمنى تكدر تسامحني بيوم من الايام بس والله يا خويه مجنت حاس ولا ادري اصلا ولحد هسة ما ادري الي صار شنو ود مرتي امانه يمكم اني رايح وما ادري اذا ارجع او ما ارجع سلملي على ابويه وامي وخلي يبرولي الذمه
رافد: اوف يا سامر شسويت بيه وشسويت بروحك بس اني الجبير لازم ارجع ارجوان واتعايش ويه الوضوع ميصير اكبر الموضوع
ارجوان: علي وين امير وكول لماما خلي تجي وياه
امير: ها ولك شبيكم
ارجوان: بما انو اجيتوا انتو تدرون طلعت القبولات وانقبلت جامعة كربلاء ورافد راد ينقلني هنا بس
علي: بس شنو راح رافد اني انقلج لا يضل بالج
ارجوان: لا اريد اروح لكربلاء اريد اعيش هناك
علي: مراح تكدرين اولا وشي ثاني انتي بنيه تروحين وحدج شسوين
امير: اذا تريدين تروحين اجي وياج
الام: اني ما عندي شي هنا اروح يم الامام احسن بهواي
علي: لعد اني وياكم بس اجلوهة بس انقل اوراقي نروح بس ورافد
ارجوان: صديقتي دزتلي اسم المحامي الستلم قضيتهة باجر اروح واشوف
علي: متاكدة من قرراج
ارجوان: اوف هو الطردني لازم يصير هيج

ثاني يوم الصبح رحنه للمحامي حجيت كلشي
المحامي: زين بس اذا حجينه هيج سبب اخو راح ينسجن ويقدموا للتحقيق ومراح يضل شي مضموم
ارجوان: لا ما اريد هيج هو اصلا يريد يطلكني خلي يكون عدم تفاهم احسن اني شرحتلك الوضع حتى تعرف تتصرف اذا صار اي شي
المحامي: اشكرج على مصداقيتج وانتي قوية صدكيني يامه اجوا كعدوا قبلج على هذا الكرسي بس انتي اول وحده صادقة وقويه رغم الصار وياج مو قليل
علي: احنه نستاذن فرصة سعيدة ننتضر اتصالك وموعد المحكمة
ارجوان: لك شبيك تجر بيه ايدي راحت
علي: مشفتي شلون يباوع على كولت امير
ابوجهي شوارب لو نعل
ارجوان:😂😂😂😂😂 وك شكد مخابيل انتو
علي: يلا ناخذ غدة ونروح
ارجوان: اول مدخلت شفت رافد كاعد بلحديقة
رافد: الضاهر محد بلبيت وين جنتي
علي: وانت شكو يلا امشي اطلع بره وهاي جيتنه من المحامي وارجوان معليك بيهة
رافد: ومنو كلك كاتل روحي عليهة اني اجيت اكلهة راح اطلك خل تاخذ غراضهة ووكلشي تحتاجه اليوم
ارجوان: ضليت اباوع بوجهة ضحكت تدري الله يحبني جنت ادرس ومفكرت اجيب طفل انت متستاهل كلشي سويته علمودك جنت مخدوعة حسبالي رجال طلعت بس شوارب ولحيه
رافد: ما اجاوبج عندج اخو يردج
علي: اطلع لا اردك لامك حاجيه جذب هي
رافد: ضليت صافن بوجيهة شفت كره ماكو حب ماكو حنان بس حقد وكره حاجيتهة بعيوني ردت ارجعج بس متوقعت راح الكة هيج جواب رجعت خابرت صديقي كتله كم اسبوع اجي
ابو سامر: وك وين تريد تروح اخوك عافنه وراح ومرتك راحت وهسة انت هم تريد تروح اني وامك منو النه
رافد: استغفرالله لعد تعالوا ويايه شسوي هنا اني
ابوسامر: تالي عمري اتهجول اريد اموت هنا اني شسوي هناك متكلي
رافد: اوف يابه لعد خلي نبيع البيت ونطلع وفعلا تركنه البيت وانتقلنه غير بيت وذاك عفنا ود طلعت حامل ومقبلت تبقه راحت لبيت ابوهة
ارجوان: اجه موعد المحكمة واطلكت ورحنه لكربلاء بعنه بيتين هنا واشترينه بيت بحي الحسين جبير بس كلش غالي اول شي عانيت لان اطباعهم مو مثل بغداد ميصير اكل بالشارع ولو اطلع بدون عبايةبس جبه اصير شبيه بنصهم لذالك تحجبت مثلهم وعجبني هذا الشي وتعودت عليهم وعلاوي شاف بنت جوارينه بنيه يتيمه الام والاب عايشة ويه خالتهة شافهة انعجب بيهة وخطبهة ووافقوا واموري فتح مطعم مو كلش جبير بس شغله زين
رافد: صار 6 شهور من طلكت ارجوان اختفت هي واهلهة ما ادري وين راحت جبت مره تنظف البيت لان امي متكدر كلشي تسوي كبرت سامر كل يوم يدزلي رسالة بس ما اجاوب مرات يبقه يومين ميدز لان ماكو شبكة بس يدزلي رسالتين يكتبلي يوميه يوم الميدز احس نغزه بكلبي وبروحي وكل ما اشوف ود تكولي ضلمته
سامر: من رحت للجهاد كل واحد قصته تعجب واني جنت اكول ابويه ظلمني وزوجني والله لو ابوس ايد ابويه ورجليه كل يوميه ما اوفي حقه جان واحد اسمه يوسف قصته تبجي الصخر امه وابو انفصلوا عمره سنتين ابو عافه واتزوج وامه هم اخوانه اتزوجوا ومحد يريده اخر شي امه راحت ذبته يم رجال بيت جوارينهم رباه وكبره من كبر عرف اهلة ضل يسال عليهم ويتصل بيهم يكول ما ردت منهم شي بس اعرف اخبارهم جان ينزل يجيب فلوس ويرجع سالته مره كتله هذني الفلوس الدتجيبهن من خالك قصدي على رباه هو يصيحله خالوا كلي من انزل اشتغل عامل اصبغ لو سيراميك اي شي حتى يصير عندي فلوس من اجي هنا يصرف الفلوس اغلب شي رصيد يتصل يسال عن اخوته وامه وهم يجابوا من وره خشمهم مره كتله ليش تتصل هم ميسالون عليك وميريدوك كلي لا خطيه مزوجين وملتهين يجوز ما عدهم فلوس اني ما عندي شي اسال عليهم شكو بيهة صفنت عليه وهو الدمعة بطرف عينه تذكرت مره زعل مني ابويه ومر العيد ما عايدتة ضليت ابجي شلون جازيتهم بكسرة وجي وفرقت اهلي
رافد: رجعت ارجف بليل من بعد ما تعافيت صح بقت بس جانت فزه وارجع انام هسة رجعت مثل قبل واتعس
ام سامر: يمه اريد اروح ازور من زمان مزايرة واني وابوك نتبهذل بلكراج اخذنه انت
رافد: اني هم اريد اروح خليهة على الاحد

شكرا على المتابعة ولا تنسون التصويت💖💖💖