رواية عشقني فعشقت اخاه الفصل الأول 1 - بقلم غير معروف

للكاتبه: ذكريات العزوف💔💔
ارجوان :سلام عليكم اسمي ارجوان عمري 16 سنه عندي اخوان 2 علي وامير /علي عمره 30 سنه حياته كلهة شغل هو مهندس كهرباء رافض الزواج ويحب الهدوء اما اموري عمره 25 يحب يضحك ويشاقى ويحب كل البنات ههههه خلص جامعة ادارة واقتصاد ومنتضر يطلع تعينه اني مدلله وياهم لان بس اني بنية بلبيت بابا مدير مدرسة متقاعد وماما معلمة بس تداوم وحالتنه المادية كلش زينه لان بابا اخذ ماما عن حب وبدء من الصفر وراد يثبت نفسه بعد ما اتخلوا عنه اهله واهل امي عندي صديقة وحده اسمهة زينب حياتي كلش حلوه كل الي اتمنى يتنفذ مرات اخاف احسد نفسي ع هاي حياتي ماما عدهة صديقات ام زينب وام سامر دائما يمنه وكلما يجون يجيبولي هدية مواصفاتي بشرتي بيضه وعيوني رصاصية شنو البس يطغي عليهن ويتلونن بالوان الملابس جسمي رشيق ملامحي ناعمة شعري كلش طويل ولونه بني فاتح بس عيبي قزمة الله يخلي الكعب الي دائما البسة اهلي ميخلوني اطلع وحدي ابد لان يخافون عليه
اليوم خطبة ومهر صديقتي زنوبة
ارجوان: يلا ماما خلي نروح تاخرنه
الام: ساعة2 شعدنه من هسة خلي انام شوية تعبانه من المدرسة للخطبة
ارجوان: 😠يا راحة متگليلي گومي زينب گالت تعاي من الصبح بس علي ميقبل اروح الا وياج
الام:عفيه جسم ميتعب من المدرسة للونسة وبعدين هاي شلابسة ليش ثوبج قصير كلش روح غيري
ارجوان: هو هذا القصير امده حضي اني اروح لامير ياخذني احسن
الام: عمي يلا امرنا لله
ارجوان: طلعنه من البيت طبعا اني لابسه ثوب اسود ضيق ع الركبه امي عدهة قصير متدري البنات شنو ديلبسن اني صف ثالث متوسط مستواية العلمي كلش زين بحيث لو اخذ81 اخاف اگول لبابا لان هو متابعني ويريد معدلات عالية 😑
ها ولج زنوبة شطالعة اليوم چنچ ملاك وضليت ابجي حسيت خطيبها اخذها مني
زينب: كافي ولج ام دميعة يوم اللج وافرح بيج
ارجوان:لا حبي ادعيلي بلتخرج دكتوره اصير مو طباخة مثل حضرتج 😆
زينب: شجعتيني كلش 😠
ام سامر:سامر گوم وصلنه لا تشلع گلبي اخوك بلدوام وابوك نايم
سامر: يمه ساعة 3ونص الضهر بربج شبيه تخبلت اطلع هيج وقت الشمس تكتل كتل
ام سامر: يا عيني يلا شلون اني واختك منو يودينه نطلع وحدنه
سامر: هي هاي العايزه تطلعن وحدچن يلا امري لله حلا غسلي وجهچ لا احرگه
سامر: هلو اسمي سامر عمري 25 سنه مخلص تربيه انگليزي وبعدني ادرس اتمنى ادرس بلجامعة حياتي هادئه كلش صح عندي علاقات بس بره البيت من ادخل للبيت انسه كلشي وطلعاتي بس ويه ولد عمي حالتنه المادية كلش زينه عندي المليون والربع سوه بس ابد ما ابذر واذبهن على شغلات مو زينه اني خاطب بنت عمي بس ما احبهةلان متكبره واني احب البنت البسيطة بس ضغط من والدي اتقبلت الموضوع وسكتت لخاطره
يلا ناوين تطلعون لو راح تگضوهة ع المرايه فضنهة يلااااااااا
رافد: هاي شكو تصيح الجيران شيگولون عليك شبيك
سامر: شوكت اجيت وشبيهة ايدك صايرلهة شي
رافد: ماكو شي بس انصابت كافي لغوه لا تهول الموضوع وامك تخبلني
سامر:ضل طول عمرك عقده
رافد:اعرفكم ع نفسي اسمي نور الحسين عمري 30 سنه قليل الكلام والضحك عيوني لونهن جوزي كبار ورموشي كثيفه وحاجبي مشطب ومرسوم اكثر شي يميزني نضراتي للشخص المقابيلي اگدر انطي حنان وقوة واگدر اخوفه بس بنضراتي اني حاد الطباع وعصبي والسبب هو انو اختي التؤام ماتت من چان عمرنه 20سنه اني نور الحسين وهي نور الزهراء اصعب احساس لمن تفقد شخص يكملك يفهم عليك من صوتك حتى من اتوجع هي تتوجع من تجوع اني اجوع صح احنه مو تؤام متماثل بس احاسيسنا چانت وحده سبب موتهة احترگت غرفتهة منوره صوبة كهربائية من كانت نايمة حسيت بكل لسعة نار وحاولت ادخل اطلعهة بس اهلي كلهة لازميني ورجال الاطفاء مسمحولي افوت اصرخ عايشة والله بس ملحگوا عليهة حتى من گلبهة وگف حسيت ضليت جسد بلا روح ما اخاف من الموت لان اني ميت ضليت اطلع حروب وجبهات ما اخاف اني ضابط بس طموحي اترقه وراح انال الترقية بعد شهرين اهلي حاولو يزوجوني بس مقبلت وهم عافوني لان يدرون باي دقيقة اهج طبعا من توفت اختي كلما اسمع اسم نور اموت لهذا ابوية گلي انت من اليوم اسمك رافد ومشة هذا الاسم عليه
ام سامر: يمه ابني هاي شبيك
رافد: رحمه للكعبة ماكو شي اني رايح للغرفة لحد يجي وراية واليدك الباب خلي يحضر چفن مالي خلك اي احد
الكل:😱😱😱😱
حلا: يلا يمه خل نطلع شعدنه هنا رافد وتعرفي مخبل ميفتح الباب لو نموت
ام سامر: يلا خلي نروح ادري بي عنيد
ارجوان: مرت ساعة ع طبتنه والنسوان تباوعلي گمت احس روحي بيه عيب لو عاهة خليت وطلعت شفت جهال يلعبون شده يا ورد گمت العب وياهم واضحك
سامر: رحت وصلت اهلي ويا ريت ما رحت شفت ملاك مو بشر ويمشي ع الگاع تگول طفلة تلعب ويه الجهال ضليت مثل السكران بس اباوع ماكو ولا نقطة مكياج بوجهة شعرهة حرير لونه بني فاتح بياض جسمهة شگد عندي علاقات بس مثل هاي البنية ما شفت مدري اكو بس اني اعمى ضليت صافن مثل المخبل
ارجوان: طلعت شارده من النسوان اجه ملطلط عليه 😒امده حضي ال3 بربع
ام سامر: هلا جوجو شلونج چنچ گمر طالعه يوم الاجيبچ بلبيت چنه انشاء الله
ارجوان: استغفر الله😒 شلونچ حلا يااا شو غلست يلوگلچ 😑 اجه خطيب زينب گطعوا مهر الولد طويل واسمر ومبين حباب لبسهة الذهب رحت سلمت عليهة وطلعنه.
احب اعرف رائيكم وصوتولي 😆😆