رواية عشقني فعشقت اخاه الفصل الثاني 2 - بقلم غير معروف

للكاتبة: ذكريات العزوف💔💔
تمنيت لزينب حياة سعيده وطلعنه رجعنه للبيت
ام سامر: رافد يمه شلون صرت
رافد بخير يمه لا تخافين مجرد اصابه ولوما غدر ما انصاب
ام سامر: يمه صرت شكبرك طگ براسك الشيب شوكت تتزوج لوعت گلبي
رافد: هم بدت اسطوانه الزواج يمه اني لو صار بيه شي ارمل بنت الناس ليش لو اعوف جهالي
ام سامر: يمه كلمن ويومه والمكتوب ما منه مهروب يعني لو اتزوجتك لو تزوجت غيرك مكتوبلها تعيش ارملة
رافد: يمه الضاهر شفتيلج اليوم وحده اعرفچ من هاي الضحكة الي على وجهچ
ام رافد: يمه ارجوان بنت ام علي صديق ابوك وامهة صديقتي البنية حبابة ومترباية وحلوة كلش
رافد: بس لا قصدچ ارجوان الچنت اشيلهة وانهزم بيهة من چانت بالگماط 😂😂😂
اخ بطني يمه هاي لو متزوج من چان عمري 20 تاخذ بنتي ويرحن للمدرسة سوه ووحيده اهلهة ينطوهة لواحد ضعف عمرهة يمه تخبلتي
ام سامر: هسة انت گول اي ومعليك
سامر: اشم ريحة عرس هااااا رافد الخميس مو عود اعزمنه 😆😆😆
رافد: انت تنچب وتسكت ما اتزوج لو اموت
ام رافد: من يوم الماتت اختك ما ذكرتهة گبالك بس اليوم احلفك بروحهة ومعزتهة بگلبك لا تحرمني من شوفتك عريس هي راحت وما شفتهة عروس انت عايش اريد اشوفك عريس
رافد: من شفت دموع امي رحت حضنتهة يمه عندچ حلا وسامر افرحي بيهم يمه اني روحي ماتت ما اريد اظلم بنت الناس ويايه اني ما اگدر اعيش حياتي بدت ويه نور وانتهت وياهة اني اتنفس اي اكل اشرب بس ما عايش
ام رافد: يمه والله من تشوف جهالك راح تنسه كلشي اذا تعزني وافق
سامر: عمي كافي موتوني بچي اني اتزوج مرتين وفضت خلصت
رافد: انچب انت حير بالعندك
سامر: والله احسدك اني ابوك حچة حچايتين قبلت
ام رافد: ها يمه اتوكل واروحلهم
رافد: اليريحچ سوي (طبعا متاكد ميقبلون بس هاي خوش حجة رفضتني ما اريد اتزوج بعد😂😂😂)
ارجوان: رجعنه للبيت ضلمة كلش والباب مفتوحة ضلينه اني وامي وحدة تباوع للخ متنه خوف چان يطلعون امير وعلي بخخخخخخخ اني صرخت وضليت ابچي علي شبگني اني شابگته وابچي بدون شعور مسوين احتفال عيد الام واني گلبي وگع لحضه بس اليووم مو عيد الام
علي: كل يوم نحتفل بامنه شعدنه غيرهة
امير: يلا ست الحبايب فوتي الحجي منتضرچ
ارجوان: طلعوا مسوين احتفال بيناتهم يفرحون امي شگد حلوه عائلتنه مرات اخاف احسد نفسي الله انطاني ام واب واخوان يجننون الحمد لله
ام ارجوان: الموبايل اسكتوا هاي ام سامر خل اشوف شتريد صدگ انصدمت من طلبهة رافد چبير ع ارجوان وشغلة خطر وارجوان طفلة وينهة وين الزواج حبي اسال ابوهة واردلچ خبر
ابو ارجوان: خير شكو تساليني وترديلها خبر شسالفة
ام ارجوان: بعدين محمد مو هسة يلا خلص احتفالكم نظفوا انتو ما بيه حيل راح ارتاح تعال عيني ابو علي عندي حچي وياك
امير: مسوين احتفال اخذت ابوية وطبت ما شبعتي منه32 سنه يمج حلت الگعده هسة كصي الكيكة وروحي اريد اضوگهة
علي وارجوان: 😂😂😂😂😂
ام ارجوان: عيني ابو ارجوان خابرت ام سامر تريد تخطب ارجوان لرافد شتگول
ابو ارجوان: الولد احنه ربيناه ومستقر شكو بيه
ام ارجوان: بس هو جبير عليهة وشغله خطر ومعقد / قاطعني
ابو ارجوان: لان ثكيل الولد تكولون معقد لو مثل اخو الزغير يصير خوش ولد واذا على العمر احسن يصير فاهم وواعي وهي بنتي الوحيده اريد اضمن مستقبلهة وواحد مثل رائد يعيشهة ملكة
ام ارجوان: مدام موافق اني وياك بس خلي نسالها
ابو ارجوان: صيحيها
ام ارجوان: ارجوان حبي بابا يريدج
امير: ولج شمسويه عزه بعينج
ارجوان: والله كلشي ما سويت
ابو ارجوان: تعالي بابا اريد احجي وياج
ارجوان: تفضل بابا
ابو ارجوان: بابا اني كبرت وماضامن شكد باقي من عمري اريد اامن عليج قبل ما اموت
ارجوان: بابا اسم الله عليك ليش هيج تحجي بابا من عمري لعمرك
ابو ارجوان: الموت حق وكل نفس ذائقه
الموت ومو هذا موضوعنه اني صحتلج اريد اكلج اجو ناس عليج رافد ابن ام سامر طلبج وهو يشتغل ضابط وخوش ولد
ارجوان: اي وشنو يعني حالة حال غيره كولولة اريد اخلص دراسة وبعدني صغيره على الزواج ما اريد ارتبط ومو انت جنت تكول الزواج يجي باي وقت بس اهم شي الشهاده لان ضمان للبنيه ليش غيرت تفكيرك
ابو ارجوان: لو تزوجتي راح تخلصين دراستج ورافد مو حالة حال غيره رافد هو الي راح يحافظ عليج يا بنتي اني ما فد يوم جبرتج على شي غير دراستج وحتى رافد ما اجبرج عليه بس تاكدي هو الرجال المناسب الج وهذا الشيب البراسي مو من قليل من كثر ما شفت عجايب بهلدنيا ومن خبرتي بلحياه رافد يسعدج اتمنى تفكرين زين يا حبي شعندي غيرج نور حياتي انتي وامج
ام ارجوان: محمد لا تعب نفسك ارجوان اكيد راح تفكر والدنيا قسمة ونصيب محد ياخذ غير قسمته
ارجوان: حجي بابا ولاول مره بجاني وخوفني ومنو هذا رافد بس لا هذا الملطلط الشفته اليوم يبوووو مايع احوووو على حالي المصخم
امير: شنو راد بابا شو اشوف هاي ليش تبجين يا عمري منو وياج